نارووال (عارف راشد) قصبہ لوہارہ میں حلقہ ایل اے 37 جموں 4 امیدوار قانون ساز اسمبلی چوہدری صدیق بھٹلی ایڈووکیٹ کی حمایت کے حوالے سے وائس چیئرمین لوہارہ حاجی ریاض چوہدری ، حاجی ممتاز چوہدری ، حاجی فریاد چوہدری ، ناصر جمیل گورسی کی طرف سے مہاجرین جموں کشمیر کے اجتماع کا انعقاد، عشائیہ کا اہتمام جس سے خطاب کرتے ہوئے سابق وفاقی وزیر و مرکزی رہنما مسلم لیگ ن دانیال عزیز ،سابق ایم پی اے اویس قاسم خاں ، امیدوار ایم ایل اے چوہدری صدیق بھٹلی ایڈووکیٹ اور دیگر مقررین نے عوام سے اپیل کی کہ ہمیں ووٹ دیکر کامیاب بنائیں تاکہ مہاجرین کے مسائل کو ترجیحی بنیادوں پر حل کرایا جائے. قبل ازیں معزز مہمانوں کا پہنچنے پر فقید المثال استقبال کیا گیا. کارکنان نے فلک شگاف نعرے لگائے.
Category: کشمیر
-
وزیراعظم آزادکشمیر کی فلسطین کے مسئلے پر میڈیا سے گفتگو
مظفرآباد: تمام اسلامی ممالک فلسطین کی حمایت میں اسرائیل سے سفارتی و تجارتی تعلقات ختم کریں۔اسرائیل کے سپورٹر مغرب پر اقتصادی دباو بڑھایا جائے۔فلسطین اور کشمیر کا مسلہ جلد ہو گا۔وزیراعظم آزادکشمیر نے قائداعظم میموریل پارک کا سنگ بنیاد رکھا ۔
آزادکشمیر میں سیاحت کو فروغ دینے کے لیے آمدہ بجٹ میں خطیر رقم مختص کر رہے ہیں ۔سیاحت کے مواقع فراہم کرنے سے بے روزگار ی کم ہو گی ۔ آزادکشمیر بھر میں سیاحت کے فروغ کے لیے پارک بنا رہے ہیں ۔راجہ فاروق حیدر ۔
-
مظفرآبادقائم مقام چیف جسٹس آزاد کشمیر ہاںٔی کورٹ انتقال کرگئے۔
مظفرآبادقائم مقام چیف جسٹس آزاد کشمیر ہاںٔی کورٹ جسٹس شیراز کیانی وفات پاگںٔے۔جسٹس شیراز کیانی علالت کے باعث راولپنڈی کے ایک ہسپتال میں زیرِ علاج تھے
جسٹس شیراز کیانی کو آج ان کے آبائی علاقے ڈڈیال میں سپردِ خاک کیا جاںٔے گاآزاد کشمیر کی عدالت عالیہ میں آج 4 مںٔی بروز منگل سوگ کے طور پر تعطیل ہوگی جسٹس شیراز کیانی کی وفات پر وزیراعظم و صدر آزاد کشمیر نے گہرے دکھ کا اظہار کیا ہے
-
پاکستان میں کورونا وائرس سے مزید 112 اموات،مریضوں میں بھی اضافہ
باغی ٹی وی کی رپورٹ کے مطابق پاکستان میں کورونا کی تیسری لہر جاری ہے، کرونا مریضوں اور اموات میں مسلسل اضافہ ہو رہا ہے –
نیشنل کمانڈ اینڈ آپریشن سینٹر (این سی او سی) کے اعداد و شمار کے مطابق ملک بھر میں کورونا سے اموات کا ریکارڈ آج پھر ٹوٹ گیا۔ گزشتہ 24 گھنٹوں کے دوران مزید 112 افراد انتقال کر گئے –
این سی او سی کے مطابق گزشتہ روز کورونا کے 65 ہزار 279 ٹیسٹ کئے گئے 4 ہزار 976 نئے کیس سامنے آ گئے۔ ملک بھر میں مثبت کیسز کی شرح تقریبا 7.62 فی صد رہی۔
پاکستان میں کورونا سے اموات کی مجموعی تعداد 15 ہزار 982 تک پہنچ گئی جبکہ متاثرہ افراد کی مجموعی تعداد 7 لاکھ 45 ہزار182 ہو چکی ہے۔
این سی او سی کے مطابق کورونا کے سبب س پنجاب میں 7 ہزار 271 افراد جان کی بازی ہار چکے ہیں جبکہ سندھ میں 4 ہزار 541، خیبر پختونخوا 2 ہزار796، اسلام آباد 626، گلگت بلتستان 103، بلوچستان میں 222 اور آزاد کشمیر میں 423 افراد جان کی بازی ہار چکے ہیں۔اسلام آباد میں کورونا کیسز کی تعداد 68 ہزار665، خیبر پختونخو 1 لاکھ 3ہزاراور419، پنجاب 2 لاکھ 61 ہزار173، سندھ 2 لاکھ 70 ہزار963، بلوچستان 20 ہزار662، آزاد کشمیر 15 ہزار137 اور گلگت بلتستان میں 5 ہزار 163 افراد کورونا سے متاثر ہوچکے ہیں۔
کورونا وائرس پاکستان میں تیزی سے پھیل رہا ہے۔ نیشنل کمانڈ اینڈ آپریشن سینٹر کی جانب سے پاکستان کے 26 اضلاع ہائی رسک قرار دیئے گئے ہیں۔
قبل ازیں حکومت کی جانب سے ایس او پیز جاری کی گئی ہیں جس کے مطابق ملک میں کورونا کی تیسری لہر کے پیشِ نظر حکومت کے وضع کردہ ایس او پیز پر سختی سے کاربند رہیں۔ ماسک کا استعمال کریں، بار بار ہاتھوں کو 20 سیکنڈ تک صابن سے دھوئیں۔ گھروں کو ہوادار بنائیں اور بلا ضرورت ہرگز گھر سے باہر نہ نکلیں۔ پُرہجوم جگہوں پر جانے سے گریز کریں۔
پنجاب میں ماسک پہننے کو لازمی قرار دِیا گیا ہے ، ماسک نہ پہننے والوں کے خلاف کارروائی عمل میں لائی جائے گی اور جرمانے کے علاوہ چھ ماہ قید بھی ہو سکتی ہے۔ وزیراعلیٰ پنجاب کی معاون خصوصی برائے اطلاعات ڈاکٹرفردوس عاشق اعوان کا کہن اتھا کہ پنجاب حکومت این سی او سی کی ہدایت پر مکمل عمل کر رہی ہے، صوبے میں کورونا وائرس کی صورتحال خطرناک ہو گئی ہے، گجرات اور گوجرانوالہ کے ہسپتالوں میں مریضوں کی تعداد سب سے زیادہ ہے۔ صوبے بھر میں ماسک پہننا لازمی قرار دیدیا گیا ہے اور خلاف ورزی کرنے والوں کے خلاف قانونی کارروائی کی جائے گی
-
وزیر اعظم آزاد کشمیر نے محکمہ جات کے ملازمین کیلئے خوشخبری سنا دی
وزیر اعظم آزادجموں وکشمیر راجہ محمد فاروق حیدرخان نے کہا ہے کہ محکمہ جات کے ملازمین کے دیرینہ مطالبات اور ان کے مسائل کے حل کےلئے کابینہ نے 1ارب80کروڑ روپے کے پیکج کی مالیاتی و انتظامی منظوری دیدی ہے ۔ 15ہزار پرائمری ٹیچرز،8400جونئیر ٹیچرز اور ساڑھے5ہزار سینئر ٹیچرز کی اپ گریڈیشن کی منظوری دیدی گئی ہے ۔کابینہ نے ہیلتھ اور نرسنز ٹریننگ الاﺅنس، سپیشل ہیلتھ الاﺅنس ، پیرامیڈیکس کے سروس اسٹرکچر،ہیلتھ فاﺅنڈیشن کے قیام سمیت صحت عامہ کے ملازمین کے جملہ مطالبات کی منظوری بھی دیدی ہے۔
کابینہ نے پولیس ایڈمنسٹریشن الاﺅنس، سیکرٹریٹ الاﺅنس ، ٹیکنیکل ملازمین کی اپ گریڈیشن سمیت مختلف محکمہ جات کے ملازمین کے دیرینہ مطالبات کی بمطابق سفارشات منظوری دیدی ہے ۔ آزادکشمیر کی تاریخ کا یہ سب سے بڑا پیکج ہے جو ہمارے معاشی طور پر مستحکم ہونے کی عکاس ہے ۔ جب آزادکشمیر لیگ ن کی حکومت قائم ہوئی تھی تو میں نے اپنا پہلا دورہ لاہور ذکوة منافع فنڈسے ادھار لیکر کیا تھالیکن آج اللہ کے فضل وکرم سے ہم مالیاتی طور پر خودکفیل ہیں ۔
ہماری حکومت پر بے بنیاد اعتراض کرنے والے سامنے آکر بات کریں ‘انہیں دلیل کے ساتھ جواب دیں گے ۔ جو لوگ یہ کہتے ہیں ہم نے اداروں کو تباہ کیا وہ یہ بتائیں کہ انہوں نے ادارہ بنایا ہی کونسا تھا؟آئینی طور پر آخری دن تک وزیراعظم ہوںاور وزیراعظم کاختیارات مدت ختم ہونے تک میرے پاس ہیں۔ان خیالات کا اظہارانہوں نے بدھ کے روز آزادجمو وکشمیرکابینہ اجلاس کے بعدوزراءحکومت چوہدری طارق فاروق، ڈاکٹر نجیب نقی، چوہدری محمدعزیز، بیرسٹر افتخار گیلانی، سردارفاروق احمدطاہر اور ڈاکٹر مصطفی بشیر عباسی کے ہمراہ پریس بریفنگ دیتے ہوئے کیا۔
وزیراعظم نے کہاکہ ہماری جماعت اور حکومت کو یہ اعزاز حاصل ہےکہ ہم نے ریاست میں میرٹ بحال کیا ، آزادکشمیر حکومت کومالیاتی اور انتظامی طور پر خودکفیل بنایا۔ انہوں نے کہاکہ مختلف محکمہ جات کے ملازمین کے ا پ گریڈیشن اور تنخواہوں کے معاملات کے حل کےلئے چیف سیکرٹری کی سربراہی میں کمیٹی قائم کی جس نے ذیلی محکمہ جات سے سفارشات لیکر کابینہ میں پیش کیں۔ جن کی روشنی میں آج ہم نے اس تاریخی پیکج کا اعلان کیاتاکہ ملازمین ذہنی طور پر مطمئن ہو کر ریاست کی خدمت کر سکیں ۔
عارضی ملازمین کو مستقل کرنے کے حوالے سے کابینہ کمیٹی میںمعاملات زیر کار ہیں اور کمیٹی سفارشات کے بعد ان پر مزید فیصلہ کیا جائے گا۔اس موقع پر وزیر تعلیم بیرسٹرافتخار گیلانی نے کہا کہ پرائمری اساتذہ کو بی 7اور جونئیر کو بی 9سے اپ گریڈ کر کے بی11دیتے ہوئے انہیں ایلیمنٹری اینڈ سیکنڈری ٹیچر کا نام دیدیا گیا ہے جبکہ سینئر ٹیچرز بی16کو ایک اضافی انکریمنٹ دینے کی منظوری دید ی گئی ہے ۔ اس کے ساتھ ہی پہلے سے نافذ کردہ ٹائم سکیل فارمولہ اسی طرح موجود رہے گا۔ اس اپ گریڈیشن سے 28ہزار900ٹیچرز مستفید ہونگے۔
انہوں نے کہاکہ ہماری حکومت نے اقتدار میں آتے ہیں اساتذہ کی بھرتیوں کےلئے این ٹی ایس کا نفاذ کیا اور میٹرک پی ٹی سی ، سی ٹی کے تعلیمی معیار کو بی اے اور بی ایڈ میںمبدل کیا۔ اس طرح پرائمری اور جونئیر اساتذہ کی تعلیمی قابلیت مساوی ہونے کی بنا پر انہیں مساوی سکیل دیا گیاہے ۔ انہوں نے کہاکہ 1983کے بعد سے سکیل اپ گریڈیشن کا یہ سب سے بڑا پیکج ہے جو ہماری حکومت کا ایک کارنامہ ہے ۔ ہم امید کرتے ہیں کہ اساتذہ بھی اپنا فرض ادا کریں گے اور اپنی ذمہ داریاں پوری طرح نبھائیں گے ۔
وزیر خزانہ و صحت ڈاکٹر نجیب نقی خان نے کہا کہ کابینہ نے جولائی2015سے گریڈ 1سے 20تک کے ہیلتھ الاﺅنس میں اضافے ، نرسز کے ڈریس الاﺅنس میں اضافے ، ٹریننگ الاﺅنس کو 15ہزار سے بڑھا کر 20ہزار کرنے ، ڈاکٹرز کے نان پرکٹسنگ الاﺅنس میں اضافے ،پوسٹ گریجویٹ ٹریننگ الاﺅنس میں اضافے ، ہاﺅس آفیسرز کے اعزازیہ میں اضافے ،پیرامیڈیکس کے سروس اسٹرکچر کی منظوری، میڈیکل اسسٹنٹ کو پیرامیڈیکس میں مبدل کرنے، نرسز کے مختلف کیڈرز کو اپ گریڈ کرنے ، لیڈی ہیلتھ کو سول سرونٹ بنانے ، ہیلتھ فاﺅنڈیشن اور کالج آف نرسنگ کے قیام کی منظوری دیدی ہے ۔
انہوں نے کہاکہ یوٹیلٹی الاﺅنس کے حوالہ سے سیکرٹریٹ الاونس اور سپیشل الاﺅنس کا جائزہ لیتے ہوئے تما م ملازمین کو دیے جانے کا فیصلہ کیا جائے گا۔ کابینہ نے کلرکس فاﺅنڈیشن کے قیام ، ایجوکیشن کے منسٹریل سٹاف کی ترقیابی کے قواعد کے منظوری، سیکرٹریٹ الاﺅنس کی ملازمین کو بلا تخصیص فراہمی اور پولیس ایڈمنسٹریشن الاﺅنس دیے جانے کے علاوہ ٹیکنیکل ملازمین ،ڈیٹا انٹری آپریٹرز کو بی14دیتے ہوئے سٹینوگرافر میں مبدل کیے جانے اور محکمہ برقیات کے ساتھ انجینئرز،ڈرافٹمین،ہیڈ ڈرافٹمنین اور ٹریسر کی آسامیوں کی اپ گریڈیشن کی بھی منظوری دیدی ہے ۔
وزیر تعمیرات عامہ چوہدری محمد عزیز نے کہا کہ ہماری حکومت نے ریاستی ملازمین کے مطالبات اپنے وسائل کے اندر رہتے ہوئے پورے کیے ۔ محکمہ تعمیرات کے عامہ کے دس سال سے زائد سروس کے حامل 504قلیوں کو مستقل کر دیا گیاہے ۔ کابینہ نے پاکستان انجینئرنگ کونسل سے رجسٹرڈ انجینئرز کو ٹیکنیکل الاﺅنس دینے اور سب انجینئرز سمیت ٹیکنیکل ملازمین جس محکمہ میں بھی کام کررہے ہیں کا سکیل اپ گریڈ کیے جانے کی منظوری دیدی ہے ۔ انہوں نے کہا کہ میاں محمد نوازشریف کی جانب سے ریاست کا بجٹ دوگنا کرنے کے بعد آزادکشمیر بھر کی سڑکوں کو اپ گریڈ کر دیا گیا ہے ۔
شفاف ٹینڈرنگ کی وجہ سے 3 ار ب سے زائد کی بچت ہوئی ہے ۔ انہوں نے کہاکہ 1ارب80 کروڑ روپے سے زائد کے اس سکیل اپ گریڈیشن پیکج دینے پر وزیر اعظم راجہ محمد فاروق حیدرخان اور ریاستی بیورو کریسی مبارکباد کی مستحق ہے ۔ ہماری حکومت اور جماعت نے ساڑھے چار سال کے دوران تاریخی تعمیر وترقی کروائی ، لوگوں کے مسائل حل کیے اور سماجی انصاف کی فراہمی یقینی بنائی ۔
-
مقبوضہ کشمیرمیں بھارتی ریاستی دہشتگردی ،ماؤں کے مزید لخت جگر چھین لیے
مقبوضہ کشمیرمیں بھارتی ریاستی دہشتگردی ،ماؤں کے مزید لخت جگر چھین لیے
باغی ٹی وی : مقبوضہ کشمیرمیں بھارتی ریاستی دہشتگردی کاسلسلہ جاری ہے . قابض بھارتی فورسزنےضلع شوپیاں میں مزید3کشمیریوں کوشہیدکردیا.بھارتی فوج نےمیں سرچ آپریشن کی آڑمیں نوجوانوں کونشانہ بنایا،مقبوضہ وادی میں4روزکےدوران شہیدکشمیریوں کی تعداد10ہوگئی،بھارتی بربریت کےخلاف حریت رہنماوَں کی کال پرمقبوضہ کشمیرمیں مکمل ہڑتال،بھارتی فوج نے سرچ آپریشن کی آڑمیں نوجوانوں کونشانہ بنایا.
مودی مسلمانوں کا قاتل، کشمیر حق خودارادیت کے منتظر ہیں، صدر مملکت
یوم یکجہتی کشمیرپرتحریک آزادی بارے مفتیان نے کیا فتویٰ دیا؟ لیاقت بلوچ نے بتا دیا
کشمیر پر دو ایٹمی طاقتیں آمنے سامنے آ سکتی ہیں،وزیراعظم عمران خان کا اقوام متحدہ میں خطاب
وزیراعظم نے مظلوموں کا مقدمہ دنیا کے سب سے بڑے فورم پررکھ دیا،فردوس عاشق اعوان
کشمیر پر بھارتی سپریم کورٹ کا فیصلہ بڑی کامیابی ہے، وزیر خارجہ
مقبوضہ کشمیر،کشمیری سڑکوں پر،عمران خان زندہ باد کے نعرے، کہا اللہ کے بعدعمران خان پر بھروسہ
برہان وانی کی چوتھی برسی، مقبوضہ کشمیر میں حریت کی اپیل پر مکمل ہڑتال
مقبوضہ وادی میں نام نہاد سرچ آپریشن کی آڑ میں مظلوم اور نہتے کشمیریوں کے قتل کا سلسلہ بھی جاری ہے۔ وادی میں خوف کے سائے برقرار ہیں جبکہ سری نگر کی جامع مسجد سمیت دیگر مساجد میں نماز جمعہ ادا نہیں کرنے دی جاتی۔ قابض بھارتی فوج نے کشمیریوں کی زندگی اجیرن بنا دی ہے
-
صدر آزاد کشمیر کا امریکی حکومت سے مودی حکومت کے خلاف کارروائی کا مطالبہ
مظفر آبادصدرآزاد جموں و کشمیر سردار مسعود خان نے امریکہ کی جوبائیڈن حکومت سے مطالبہ کیا ہےکہ وہ متنازعہ ریاست جموں و کشمیر میں مودی حکومت کی طرف سے ہندو آبادی کی بڑےپیمانے پر منتقلی کے ذریعہ ریاستی مسلم اکثریت کو غیر قانونی طریقہ سے ختم کرنے کےمنصوبے اور مقبوضہ علاقے میں نہتے اور غیر مسلح کشمیریوں کے قتل عام کو بند کرانےکے لیے اپنا کردار ادا کرے۔
وہ وقت آ گیا ہے کہ امریکہ اپنے اس مفروضے پر نظرثانیکرے کے بھارت کی نو لاکھ فوج مقبوضہ کشمیر میں دشت گردی سے لڑنے کے لیے آئی ہے۔ یہ جھوٹ پر مبنی بھارت کا بیانیہ ہے جس کا حقیقت سے دور تک کوئی تعلق نہیں ہے۔ ایکقومی انگریزی جریدے کو انٹرویو دیتے ہوئے صدر سردار مسعود خان نے کہا کہ امریکہ بھارت سے مقبوضہ جموں و کشمیر میں بد ترین ظلم و تشدد بند کرانے اور شہری اور بنیادی آزادیوں کی بحالی کے لیے غیرمبہم اور دو ٹوک الفاظ میں مطالبہ کرے کیوں کہ امریکہ وہ ملک ہے جو تقریباً ایک صدی سے انسانوں کے حق خودارادیت کی وکالت کرتا چلا آیا ہے اور اہم ایسے ملک سے یہ توقع نہیں رکھتے وہکشمیریوں کے حق خود ارادیت کی راہ میں رکاوٹ بنے گا۔
انہوں نے کہا کہ کشمیری جمہوریانداز میں آزادانہ رائے شماری کے ذریعے اپنے مستقبل کا فیصلہ کرنا چاہتے ہیں اوریہ کوئی انوکھا مطالبہ نہیں ہے بلکہ کشمیریوں کے اس حق کو اقوام متحدہ کی سلامتیکونسل کی قراردادوں کی شکل میں عالمی برادری نے پہلے ہی تسلیم کر رکھا ہے۔ عالمیبرادری اور عالمی میڈیا کی طرف سے کشمیر پر ایک بار بھی توجہ مرکوز ہونے کے امکاناتکے بارے میں پوچھے گئے ایک سوال کے جواب میں صدر سردار مسعود خان نے کہا کہ اس سےقبل کے دنیا جموں و کشمیر کی طرف متوجہ ہوپاکستان اور آزاد کشمیر کی سیاسی جماعتوں کو خود اپنی توجہ کشمیر پر مرتکز کرنی ہوگی کیوں کہ دنیا یہ دیکھنا چاہتی ہے کہ ہمجس چیز کا مطالبہ اس سے کر رہے ہیں اس کیطرف ہماری اپنی توجہ کتنی ہے۔
دنیا کیتوجہ براہ راست ہمارے جذبے اور کوششوں کےتناسب سے ہو گی۔ ایک اور سوال کے جواب میں صدر آزاد کشمیر نے کہا کہ مسئلہ کشمیر کے حوالے سے ہمیں اپنی کامیابیوں کو کم کر کے پیش کرنے کی ضرورت نہیں ہے ہمیں یہ نہیں بھولنا چاہیے کہ بھارت کی مقبوضہ جموں و کشمیر میں تازہ جارحیتکے بعد دنیا میں ایک ہنگامہ برپا ہوا تھا اور مسئلہ کشمیر کو دنیا کی با اثرپارلیمانز اور سول سوسائٹی میں بڑے پیمانے پر زیر بحث لایا گیا تھا۔
لیکن یہ حقیقت اپنی جگہ ہے کہ ہمیں وہ نتائج حاصل نہیں ہوئے جو مطلوب تھے لیکن ہمارے سامنے مسلسل جدوجہد کے سوا کوئی راستہ نہیں ہے۔ بھارتی فوج کے محاصرے میں محصور کشمیری ہر روزاپنے مقدس خون کی قربانی پیش کر رہے ہیں اور اگر وہ بھارتی فوج کی سنگینوں کے سائے میں ظالم کےسامنے جھکنے کے لیے تیار نہیں تو ہم آزاد شہری ہیں اور ہماری کوششیں اور کارکردگیان سے زیادہ اور بہتر ہونے چاہیے۔
-
مقبوضہ کشمیر بھارتی فوج کے مظالم جاری، کشمیری شہید،
مقبوضہ کشمیر بھارتی فوج کے مظالم جاری، کشمیری شہید
باغی ٹی وی : مقبوضہ کشمیرمیں ضلع شوپیاں میں بھارتی فوج کی فائرنگ ،ایک کشمیری شہید کر دیا ،بھارتی فوج نے گزشتہ شام محاصرے سرچ آپریشن کی آڑمیں کشمیری نوجوان کوشہید کیا، قابض بھارتی فوج نے600روزہ محاصرے کےدوران323 کشمیریوں کو شہید کیا،قابض بھارتی فوج نے زیادہ تر کشمیریوں کو جعلی مقابلوں میں شہید کیا،قابض بھارتی فوج کی پر تشدد کارروائیوں میں ایک ہزار753کشمیری شدیدزخمی ہوئے،قابض فورسز نے حریت رہنماسمیت 14ہزار سےزیادہ کشمیریوں کوگرفتار کیا،
اس دوران وادی میں مسلسل کرفیو کے نفاذ سےنظام زندگی مفلوج ہے اور کشمیری گھروں میں محصورہیں ، کرفیو اور پابندیوں کے باعث اب تک مقامی معیشت کو ایک ارب ڈالر کا نقصان ہوچکا ہے جبکہ ہزاروں لوگ بے روزگار ہوچکے ہیں۔
خیال رہے مقبوضہ کشمیر 5 اگست 2019 سے بھارت کے غیر قانونی محاصرے میں ہے، مودی حکومت کی کشمیریوں کو کشمیر میں اقلیت بنانے کی کوشش جاری ہے، دوسری طرف مقبوضہ کشمیر کے رہائشی اقوام متحدہ کی قراردادوں پر عمل درآمد کے منتظر ہیں۔
واضح رہے کہ مودی حکومت نے 5 اگست 2019 کو مقبوضہ کشمیر کی خصوصی حیثیت ختم کرنے کا حکم جاری کیا تھا، جس کے بعد بھارتی شہریوں اور غیر مقامیوں کو کشمیر میں جائیدادیں خریدنے اور انہیں مقامی پتے کے شناختی کارڈ جاری کیے جارہے ہیں۔
بھارتی پارلیمنٹ کے اجلاس میں بھارتی وزیرداخلہ نے آرٹیکل370 ختم کرنے کا بل پیش کیا، تجویز کے تحت غیر مقامی افراد مقبوضہ کشمیر میں سرکاری نوکریاں حاصل کرسکیں گے۔
بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کاعہدہ ختم کرکے اختیارات کونسل آف منسٹرز کو دے دیئے، جس کے بعد مقبوضہ کشمیرکی خصوصی حیثیت ختم ہوگئی
-
اہل کشمیر کا آتش دان
آتش دان
اگر آپ کے گھر کے آتش دان میں آگ جلانے کے لیے کوئی اور آئے تو یہ آگ آپ کے گھر اور آتش دان کے لیے نقصان دہ ثابت ہو سکتی ہے. گھر سے باہر کا کوئی دوست یا بھائی آپ کو ایندھن تو فراہم کر سکتا ہے لیکن آگ جلانے کے لیے اور مسلسل جلا کر رکھنے کے لیے آپ کو خود ہی کچھ کرنا ہو گا…! آپ کے آتش دان میں کسی اور کے ہاتھوں لگائی ہوئی آگ بجھ کر ٹھنڈی بھی ہو سکتی ہے اور زیادہ بھڑک کر آپ کا گھر بھی جلا سکتی ہے.
اس لیے آگ جلا کر ماحول گرم کرنا اور ماحول گرم رکھنا آپ کا اپنا کام ہے. البتہ ایندھن فراہم کرنے والے آپ کو ایندھن فراہم کرتے رہیں گے اور یہی آپ کے ساتھ اظہار یکجہتی ہے.
وہ ایندھن جو ہماری طرف سے پچھلی دو دہائیوں میں اہل کشمیر کو بھیجا گیا وہ ایک مظلوم و محکوم قوم کے برفیلے ٹھنڈے گھر میں آتش دان جلانے کے لیے تھا. اور الحمد للہ اس ایندھن کے انگاروں سے آتش دان میں آگ اب بھڑک اٹھی ہے اور بر ہان و سبزوار جیسے انگارے مزید ایندھن کو انگارہ بنا رہے ہیں. اور یہ آگ پورے گھر کو گرم کر رہی ہے…. گرم کر چکی ہے. اب یہ آتش دان والوں کی مرضی ہے چاہے تو آگ بجھا دیں… چاہے تو پٹرول ڈال ڈال کر پورا گھر جلا دیں یا پھر ایک تسلسل اور وقفے وقفے سے آتشدان میں ایندھن ڈال کر انگارے بناتے رہیں اور سرد موسم میں گھر کا ماحول گرم رکھیں.
-
*کراچی باغی ٹی وی ٹیم کی آزادی کشمیر ریلی*
ہر پھول ہے فریادی آنکھوں میں لیے شبنم
کشمیر کی وادی میں لہرا کے رہو پرچم
کراچی میں آج باغی ٹی ٹیم اور بنی پاکیزہ رضاکار کے باہمی تعاون سے اپنے کشمیری بھائیوں سے اظہار تکجہتی ریلی نکالی گئی ریلی کی قیادت بنی پاکیزہ چئیرمین ملک ضمیر الرکن صاحب نے کی،ریلی کے شراکا سے خطاب کرتے ہوئے آپ نے کہا کہ آج جس طرح وزیراعظم عمران خان نے ہر فورم پر کشمیر کا مسئلہ اٹھایا ہے مجھے پورا یقین ہے کشمیری عوام جلد آزادی کی اس جنگ میں فتح یاب ہوگی۔آج یہاں اتنی بڑی تعداد میں جمع ہوکر ریلی نکالنے کا مقصد صرف دنیا کو بھارتی جارحیت سے آگاہ کرنا ہی نہیں بلکہ اپنی نوجوان نسل کو کشمیر کاذ کی اہمیت سمجھانا بھی ہے، اب ہمارا بس ایک ہی نعرہ ہے….کشمیر بنے گا پاکستان۔
معزز مہانوں میں سر فیضان رضا،سر اسد احمد خان ،سر غنی اللہ اور میڈم ارم آصف نے اپنے سیکڑوں طلباء اور اساتذہ کے ساتھ مل کر پرجوش طریقے کشمیر کی آزادی حق میں آواز حق بلند کی۔ریلی کے اخیتام پر کشمیر کے شہدا کے لئے دعا اور باغی ٹی وی ٹیم انچارج جناب غنی اللہ اور خورشید بھٹو نے باغی ٹی وی ٹیم کے ساتھ آزادی کشمیر کی یاد میں پودے بھی لگائے۔