Category: معاشرہ و ثقافت

گزشتہ کئی دنوں سے ہمیں سوشل میڈیا پر ایک جیسے ہیش ٹیگز گردش کرتے دکھائی دے رہے ہیں. جن میں ہوا کی بیٹیوں کے لیے انصاف کی اپیل کی جا رہی ہے. تین دن ایک جیسے ہیش ٹیگز (جسٹس فار…… ) پر جن کے لیے انصاف مانگا جا رہا ہے انکے نام تبدیل ہیں. یعنی پچھلے دنوں میں مختلف قتل کی  وارداتیں سامنے آئیں جن میں ہوا کی بیٹیوں کو بیہیمانہ تشدد کے بعد قتل کر دیا گیا.
یہ کوئی پہلی بار نہیں ہوا ہمیں آئے روز ایک نیا واقعہ سننے کو ملتا ہے. کبھی کسی کمسن بچی کو زیادتی کے بعد قتل کر دیا جاتا ہے اور کبھی کسی بچے کو زیادتی کے بعد قتل کر دیے جانے کے واقعات رونما ہوتے ہیں. کبھی کسی کو قتل کر کے غیرت کے نام پر قتل کا ڈھونگ رچایا جاتا ہے.

یہاں تک کے ہمارے مدرسے سکولز اور یونیورسٹیز جن کا کام معاشرے کو سدھارنا اور معاشرے کو ان معاشرتی برائیوں سے پاک کرنا ہے وہ خود بھی ان معاشرتی برائیوں سے محفوظ نہیں ہیں. آئے روز رونما ہونے والے اسطرح کے واقعات میں کبھی کسی مدرسے یا سکول کے اساتذہ بچوں کے ساتھ زیادتی کے کیسز میں ملوث پائے جاتے ہیں تو کبھی  یونیورسٹیز کے پروفیسرز اپنی سٹوڈنٹس کو جنسی ہراساں کرتے نظر آتے ہیں.

مختلف کالجز اور یونیورسٹیز میں مختلف فنکشنز کے نام پر ہونے والی بےحیائی اور فحاشی آپ کے سامنے ہے.
جب بھی ایسا کوئی واقعہ پیش آتا ہے تو سوشل میڈیا پر ایسے ہی ہیش ٹیگز دکھائی دیتے ہیں جن میں عوام کافی غم و غصے میں انصاف کی اپیل کرتی اور مجرموں کو سخت سزائیں دینے اور کیفرکردار تک پہنچانے کی اپیل کرتی نظر آتی ہے. کیسز بھی درج کیے جاتے ہیں اور مقتدر اداروں کی جانب سے ممکنہ انصاف فراہم کرنے کی یقین دہانی بھی کروائی جاتی ہے. لیکن ہمیشہ ملزمان بااثر ہونے کی وجہ سے بچ نکلنے میں کامیاب ہو جاتے ہیں.

یہاں پرغریبوں کے لیے انصاف ناپید ہو چکا ہے. انسانی زندگی کی کوئی وقعت نظر نہیں آتی یعنی جس کا دل کرے جب چاہے انسانی زندگی کے ساتھ کھلواڑ کرے اور اسے ضائع کر دے کوئی پوچھنے والا نہیں. گزشتہ کئی سالوں سے یہ اسی طرح چلتا آ رہا ہے اور چلتا رہے گا جب تک بر وقت انصاف کی فراہمی ممکن نہیں بنائی جاتی اور ان ملزمان کو قرار واقع سزائیں نہیں دی جاتیں.
یہ برائیاں ہمارے معاشرے میں ایک ناسور کی طرح پھیل چکی ہیں انکے خاتمے کے لئے بہت ضروری ہے کہ مقتدر ادارے حرکت میں آئیں قانون کا نفاذ کریں اور ایسے تمام ملزمان کو انصاف کے کٹہرے میں لا کر  سخت سے سخت سزائیں دے کر کیفرکردار تک پہنچائیں.

@A_Awan11

پاکستان کی کل ابادی کا ٪60 فیصد حصہ 30 سال سے کم عمر نوجوانوں پر مشتمل ہے۔اتنی بڑی نوجوان ابادی کیلئے تعلیم اور روزگار کے یکساں مواقع فراہم کرنا پاکستان جیسے ترقی پذیر ملک کیلئے مشکل کام ہے۔ اس ٪60 فیصد ابادی کا زیادہ حصہ متوسط اور نچلے طبقے کے لوگوں پر مشتمل ہے جو تعلیم مکمل کرنے کے بعد روزگار تلاش کرنے کی کوشش میں ہوتے ہیں۔مگر حکومت وسائل کی کمی کی وجہ سے ان کو روزگار فراہم نہیں کرسکتی جس کی وجہ سے زیادہ نوجوان بیروزگاری کا شکار ہوجاتے ہیں اور یو ملک میں غربت کی شرح میں مسلسل اضافہ ہوتا ہے۔مگر اب ای-کامرس کے نام سے ایک نئی انڈسٹری ابھر رہی ہیں جس سے یہ بڑھتی ہوئی بیروزگاری کم کی جاسکتی ہیں۔ای-کامرس ایک اسی انڈسٹری ہے جس میں انلائن خرید وفروخت کی جاتی ہیں،مختلف چیزیں بیچی اور خریدی جاسکتی ہیں، مختلف فلیٹ فارمز جیسا کہ ایمازون،فے فال وغیرہ پر انلائن کاروبار شروع کیا جا سکتا ہیں اور گھر بیٹھے ہی ڈالر کما جا سکتے ہیں۔ ۔اس انڈسٹری میں فری لانسنگ کافی مقبول ہے۔بالعموم پوری دنیا اور بالخصوص پاکستان میں کرونا کے بعد فری لانسنگ کی شرح میں کافی حد تک اضافہ ہوا ہے۔فری لانسرز گھر بیٹھے ہی لیپ ٹاپ کے زریعے کام کرکے پیسے کماتے ہیں۔فری لانسنگ کیلئے کسی ہنر جیسا کہ "ڈیجیٹل مارکیٹنگ،ویب ڈیزائننگ،گرافکس ڈیزائننگ،سوشل میڈیا ہینڈلنگ وغیرہ کا ہونا ضروری ہے۔کئی نجی ایسے فلیٹ فارمز موجود ہے جس سے اپ انلائن سکل یا ہنر سیکھ کر خود کفیل بن سکتے ہیں۔۔ہزاروں لوگ اس اندسٹری سے اپنی روزی روٹی کمارہے ہیں مگر پاکستان میں بہت کم لوگ اس انڈسٹری سے فائدہ اٹھارہے ہیں جس کی اصل وجہ اس بارے میں معلومات کا نہ ہونا ہے۔

حکومت کو ای-کامرس بارے اگاہی پھیلانی چاہیے اور ایسے ادارے قائم کرنے چاہیے جس میں یہ چیزیں سکھائی جاتی ہو۔اس انڈسٹری کے بدولت نہ صرف بیروزگاری میں کمی لائی جاسکتی ہیں بلکہ ملک میں غربت کی شرح میں بھی کمی لائی جاسکتی ہیں اور ملک کی 60 فیصد نوجوان ابادی ملک کی تعمیر وترقی میں کردار کی قابل ہوسکتی ہیں۔

@Itx__Hasnain

شیخ سعدی نے کہا تھا کہ کبوتر کبوتروں کے ساتھ اڑتے ہیں اور باز بازوں کے ساتھ دراصل یہ معاشرتی طبقات کی طرف اشارہ تھا ۔
ہمارا معاشرہ اب اتنے ہی طبقات میں تقسیم ہوچکا ہے جتنے حشرات چرند پرند اس زمین پر بستے ہیں۔ اس طبقات کی جنگ میں اب عام آدمی کو اپنا معیار پرکھنا پڑے گا کہ وہ کون ہے. لیکن عام آدمی کو یہ معیار کیسے پتہ چلے گا کہ وہ کون ہے ۔ ہمارے ہاں اتنے طبقات ہیں کہ گننا مشکل ہے۔ چلیں سب سے کمزور طبقہ پکھی واس اس سے اوپر فقیر اس سے اوپر مزدور دیہاڑی داراس سے اوپر ریڑھی والے اس سے اوپر چھابڑی والے اس سے اوپر سب سے اوپر وہ جن کا یہاں وجود بھی نہیں لیکن حکم انہی کا چلتا ہے ۔۔

بقول ایک شاعر کے کہ جب وہ فیصلے کرتے ہیں تو خدا بھی احتیاطاََ آسمانوں میں کہیں خاموش بیٹھ جاتا ہے
ہمیں اب اس درجاتی تقسیم کے مطابق اپنے شہروں دیہاتوں اور جنگلوں کو تقسیم کرلینا چاہیے۔ جنگلوں میں بھی جانوروں کے اپنے اپنے علاقے ہوتے ہیں جیسے جنگل میں جس گوشت خور جانور کا جتنا بڑا جبڑا ہوتا ہے وہ اتنا ہی بڑا حصہ وصول کرتا ہے ہمارے انسانوں کے جنگلوں میں بھی یہی دستور رواج پا چکے ہیں ۔ ہم نے پہلے ہی اپنی طبقاتی طاقت کے حساب سے
سکول کالونیاں شاپنگ مال تھانوں میں حصہ کچہریوں میں پروٹوکول عدالتوں میں انصاف کا معیاراسمبلیوں میں حصہ سب کچھ بنا لیا ہے
صرف اعلان کرنا باقی ہے۔

اگراعلان کردیا جائے اور متناسب نمائندگی کے حساب سے ہر ایک کو زندہ رہنے کا کوٹہ بھی فراہم کردیا جائے
تو شاید کچھ ایسے لوگوں کی توقعات ختم ہوجائیں جن کے دلوں میں ابھی تک ایک امید انگڑائی لیتی ہے کہ شاید ان کے لئے بھی کچھ ہوگا۔۔۔ کہ شاید وہ اس غلامانہ زندگی سے آزاد ہوجائیں گے ۔ شاید انہیں بھی وہی سب میسر ہوگا جو ترقی یافتہ علاقوں میں لوگوں کو میسر ہے ۔
اگر یہ اعلان کر دیا جائے کہ اس معیار سے نیچے والے غلام ہوں گے اور اس معیار سے اوپر والے آقا تو شاید بہت سے لوگوں کے دلوں کو سکون مل جائے۔

قدیم عرب میں رواج تھا کہ جب مال غنیمت میں حاصل ہونے والی عورتیں اور مرد بازار میں باقاعدہ فروخت ہوتی تھیں۔ جانوروں کی طرح ان کی بولیاں لگتی تھیں اور بیوپاری جانوروں کی طرح ہی ان کا بہاؤ کرتے تھے کسی کو سرکشی کی اجازت نہ تھی ۔قدیم وقت میں امریکہ میں تو غلاموں کو کام پر لگانے سے پہلے ان کے منہ پر ایک لوہے کا خول چڑھا دیا جاتا تھا کہ پھل توڑتے ہوئے یہ لوگ پھل نہ کھا سکیں یا اناج نہ کھا سکیں ۔ امریکہ میں غلاموں کے بچوں کو مگر مچھ پکڑنے کے لئے بطور چارہ استعمال کرنے کی اجازت ہوتی تھی۔۔
جو حد سے گزرتا تھا اسے کوئی بھی قتل کردیتا تھا اور پوچھ پکڑ کرنے والا کوئی نہیں ہوتا تھا۔
ادھر بھی اب ایسا ہی چلتا ہے۔ سر کشی کرنے والوں کو ادھیڑ کے رکھ دیا جاتا ہے اور ظالم کی آرام سے ضمانت ہوجاتی ہے۔یہاں غلاموں کے بچوں کو مگر مچھ کھاتے نہیں لیکن جنسی تشدد کا نشانہ بنا کر مار ڈالتے ہیں ۔ ظلم کرنے والے کو ملک چھوڑ کر کسی دوسرے ملک میں رہنے کی کھلے عام اجازت ہوتی ہے جبکہ غلام نسلوں کو ویزہ بھی نہیں ملتا۔۔۔ہزار طرح کے بہانے ہوتے ہیں۔ جیسے جیسے سوچتا ہوں میرے دل میں یہ خواہش مزید پختہ ہوتی جاتی ہے کہ اگر ہمارا معاشرہ باقاعدہ انسانیت کے معیارمقررکردے۔ جیسے پڑوس میں اچھوت، شودر کھتری برہمن ہیں۔ ہم بھی تو ایسے ہوسکتے ہیں ۔۔ جیسے ابن عربی نے کہا تھا۔

@I_G68

جی جناب! یہ وہ مقدس پارلیمنٹ ہے جہاں آپ کے بھیجے ہوئے نمائندے جاگیردار، بزنس مین، وڈیرے، سیاستدان جن کو آپ اپنے حقوق کے لئے اس ایوان میں نعرے مار کر کرسیاں لگا کر، نہ آپ سردی دیکھتے ہے، نہ آپ گرمی دیکھتے ہے، نہ آپ بزرگ دیکھتے ہے، نہ آپ کوئی پڑھا لکھا نوجوان ان لوگوں کے پیچھے سب کی تزلیل کر کے آپ اپنے پسند کے سرمایہ دار کو اس ایوان میں بھیجتے ہیں شاید کہ وہ آپ کے حقوق کی جنگ لڑے۔

پھر کچھ یوں ہوتا ہے کہ وہ اس ایوان میں بیٹھ کر سودے بازی کرتے ہیں آپ لوگوں کے نام پر اپنی جائیدادیں بناتے ہیں تسلی سے اپنے اور اپنی اولاد کا بنک بیلنس بڑھاتے ہیں۔ لیکن آپ لوگ صرف ایک چمچے بن کران کی غلامی کرتے رہتے ہیں۔ آپ کو وہ اس ایوان میں جانے کے بعد منہ تک نہیں لگاتے۔

جب وہ بھول کے اپنے علاقے میں کبھی واپس آ بھی جائیں تو آپ لوگ ہاتھ جوڑ کرسائیں کے سامنے بیٹھے ہوتے ہیں کیونکہ یہ لوگ آپ کو اچھے سے جانتے ہیں کہ کوئی ایک آدھا تھانے کا کام کروا دیا اور آپ لوگ ایک اچھی سی سیلفی لے کے پوسٹ کر دیتے ہے۔ اندر سے آپ بھی انہیں گندی گالیاں دے رہے ہوتے ہیں پر آپ ڈھیٹ بن کر ساتھ ہوتے ہیں۔ آپ کو آپ کی اوقات پتہ ہوتی ہے جب یہ ایوان اقتدار میں چلے جائے آپ کی اوقات ان کے سامنے ایک جوتی پالش کرنے والے نوکر کی ہوتی ہے. آپ دنیا کے سامنے اپنے ناک کو بچانے کی خاطر مطمئن ڈھیٹ بن کے نعرےمارتے رہتے ہیں اور ان کی ذاتی تشہیر کرتے رہتے ہیں۔ بس کیا کریں جب تک مطمئن غلام زندہ ہیں وہ اس ایوان میں جا کر اپنی اولادوں کی جائیدادیں بنا رہے ہیں۔ آپ اپنی اولادوں کو ان کی اولاد کی غلامی کے لئے تیار کریں۔

Twitter account @MH__586

اللہ پاک نے دین اسلام کو کتنا آسان کر دیا کہ آدھا ایمان صرف صفائی کو قرار دے دیا۔
لیکن کیا ہم پاکستانی اس پر عمل کرتے ہیں؟
جواب اکثریت کا نہیں میں ہو گا کیونکہ ہم اپنی ذمےداری سے بھاگتے ہیں۔ہر کام حکومت کے ذمے نہیں ڈالا جا سکتا۔بحثیت شہری ہماری بھی ذمےداری ہے کہ جس طرح ہم اپنے گھر کو صاف رکھتے ہیں بلکل اسی طرح اپنے محلے اور شہر کو صاف رکھیں۔
ہر جگہ کچرا پھینکنے سے گریز کریں۔جہاں حکومت نے جگہ بنائی ہے کسی کاغز کے بڑے تھیلے میں اس جگہ ہی رکھیں تاکہ گند تمام جگہ نا پھیلے۔

کیا ہم پان سگریٹ اپنے گھر میں ہر جگہ پھینک دیتے ہیں؟
کوئی ایسا نہیں کرتا کیونکہ ہم گھر میں صفائی پسند ہیں لیکن باہر جا کر ہم ایسا نہیں کرتے کہ یہ حکومت کی ذمےداری ہے جبکہ ایسا بلکل نہیں۔غلط جگہ کچرا پھینکنے پر جرمانہ ہے۔
یہ تمام غلطیاں کہیں نا کہیں مجھ سے بھی ہوتی ہیں۔
آئیں مل کر کوشش کریں کہ ایسی غلطیاں نہیں کریں گے اور اللہ کے حکم کو دل سے مانیں گے اور اپنے محلے اور شہر کو صاف رکھیں گے۔ساتھ حکومت کی یہ ذمےداری ہے کہ جس جگہ کچرا پھینکنے کی جگہ بنائی گئی ہے اسے روز کی بنیاد پر صاف رکھے تاکہ بہت ذیادہ کچرا جمع نا ہو۔

Twitter ID:@dtnoorkhan