موجودہ دور کی نوجوان نسل میں تاخیر سے شادی کرنے کا رجحان اس حد تک بڑھ گیا ہے کہ اب اسے فیشن گردانا جانے لگا ہے۔ اس سب میں بالعموم ہمارا معاشرہ اور بالخصوص والدین قصور وار ہیں۔ یہ والدین کی ذمہ داری میں شامل ہے کہ اولاد کی تعلیم و تربیت کے ساتھ ساتھ ان کے بلوغت کو پہچتے ہیں ان کے لئے مناسب رشتہ تلاش کر کے ان کی شادیاں کر دیں اور انہیں معاشرتی مسائل اور بے راہ روی سے محفوظ بنا لیں۔

تاخیر سے شادی کرنے کی ہمارے معاشرے میں بہت سے وجوہات ہیں۔ جن میں سے ایک یہ بھی ہے کہ ہم نے نکاح کو اتنا مشکل بنا دیا ہے کہ کوئی اوسط طبقے کا خاندان اس کے خرچے اٹھانے سے پہلے سو بار سوچتا ہے۔ نکاح جیسے بہترین عمل، جسے ہمارے نبی ﷺ نے نہایت آسان اور سادہ بنایا تھا، اسے ہمارے فیشن، مقابلے بازی اور انا نے انتہائی مشکل بنا دیا ہے۔ اس کے ساتھ ساتھ مہنگے مہنگے جہیز بھی نکاح میں تاخیر کا باعث بنتے ہیں۔ والدین اپنی زندگی بھر کی کمائی لگا کر بھی اپنی بیٹیوں کا نکاح نہیں کر پاتے صرف اس وجہ سے کہ بیٹی کو سسرالیوں یا محلے والوں کی باتیں نہ سننی پڑیں جس کے باعث ہزاروں بچیاں بیٹھے بیٹھے بوڑھی ہو جاتی ہیں یا پھر بے راہ روی میں پڑ کر اپنے آپ کو خراب کر لیتی ہیں۔ کئی نوجوانوں سے جب پوچھا جاتا ہے تو وہ اچھی نوکری، اچھے گھر، اچھی گاڑی وغیرہ کے بہانے بنا کر شادی کو ٹال دیتے ہیں اور اپنی فطرتی ضروریات پوری کرنے کے لئے "گرل فرینڈ، بوائے فرینڈ” کلچر کا حصہ بن کر اپنی جوانی تباہ کر لیتے ہیں۔ پھر اگر ان کی شادی ہو بھی جائے تو جوانی کی لگی عادتیں انہیں بیوی تک محدود نہیں رہنے دیتیں جس کے نتیجے میں گھر برباد ہو جاتے ہیں۔
کئی سرویز کے مطابق پاکستان میں غیر شادی شدہ مرد و زن کی تعداد میں اضافہ ہو رہا ہے جو اس بات کی دلیل ہے کہ لوگ اب شادی کی عمر میں شادیاں نہیں کر پا رہے اس اس کے کئی نقصانات ہیں جن میں سر فہرست بانجھ پن ہے۔ اور بانجھ پن مرد اور عورت دونوں میں ہو سکتا ہے۔ جب بڑی عمر میں شادی کے بعد کافی عرصہ تک بچہ پیدا نہ ہو تو شادیاں ناکام ہو جاتی ہیں۔
موجودہ دور میں جب عریانی اور فحاشی ٹی وی کے ذریعے ہر گھر میں داخل ہو چکی ہے تو نوجون لڑکوں اور لڑکیوں کے بلوغت میں پہچتے ہیں ان کے جذبات اور خواہشات تیزی سے بڑھنے لگے ہیں۔ اگر ان کی بر وقت شادی نہ کی جائے تو معاشرے میں بہت خرابیاں پیدا ہو جاتی ہیں۔ اور نوجون لڑکے اور لڑکیاں اپنی خواہشات کو پورا کرنے کے لئے غیر انسانی، غیر اسلام اور غیر فطری کاموں کے اندھے گڑھوں میں گر جاتے ہیں۔ اس لئے رسول ﷺ کے فرمان کے مطابق بچوں کے بلوغت میں پہنچتے ہیں اچھے رشتے ڈھونڈ کر ان کی شادی کر دینا ہی بہتر حل ہے۔
نکاح کی ان پیچیدگیوں سے معاشرے کو پاک کرنے کے لئے ہم سب کو مل کر اس نیک کام کو پیدا کردہ خرابیوں جیسے فضول خرچی، ڈانس پارٹیز، فنکشنز، میوزک کنسرٹس، جہیز اور غیر ضروری غیر اسلامی رسموں سے آزاد کروانا ہوگا۔ صرف اور صرف تب ہی نکاح کو نبی ﷺ کی سنت کے مطابق بروقت سادگی سے انجام دے کر اپنے بچوں کو بے راہ روی سے اور ہمارے معاشرے کو برائی اور خرابی سے بچایا جا سکتا ہے۔

@Being_Faani

پاکستان میں فیمینزم یا لبرل ازم کی بابت بہت کچھ پڑھا ،سنا اور دیکھا جس کے بعد اس نتیجہ پر پہنچا ہوں کہ یہ محض کچھ آزاد خیال عورتوں کے کھیل ،تماشا ،تفریح اور کچھ ذاتی مقاصد کے لیے رچایا گیا ایک ڈھونگ ہے جو نہ کسی تحریک کی تعریف پر پورا اترتا ہے اور نہ یہاں حقیقی مسائل زیر بحث ہیں

‎پاکستان میں موجود نام نہاد عورتوں کا حقیقت میں فیمینزم سے دور دور تک کوئی تعلق ہی نہیں ۔یا یوں کہئے کہ انکو فیمینزم کا مطلب ہی نہیں پتہ ۔ انہیں بس اپنی ناجائز خواہشات کی تکمیل فییمنزم کی آڑ میں کرنی ہے ۔ اس لئے انکی فیمینزم بے ہودگی سے شروع ہو کر اسلام دشمنی پر ختم ہو جاتی ہے

‎اگر پاکستان میں موجود دیسی لبرلز خواتین کی خیر خواہ ہوتی تو انکے اصل حقوق کے لیے آواز بلند کرتی ۔ انکے مطالبات میں سرفہرست عورتوں کے بنیادی حقوق کے لیے آواز اٹھانا ہوتا ، عورتوں کو غیرت کے نام پر قتل نہ کیا جائے اس سے متعلق عملی اقدامات اٹھاے جاتے ، انہیں آزادی اظہار راے کا حق حاصل ہو، انکو اپنا شریک حیات چننے کی مکمل آزادی ہو، اس سے متعلق بحث و مباحثے کئے جاتے ۔انہیں علم حاصل کرنے کی اجازت ہو اسلامی نقطہ نظر سے اسکے حوالہ دے کر لوگوں میں شعور بیدار کیا جاتا۔ عورتوں کو جہیز کی بجائے وارثت میں انکا مکمل حق دیئے جانے سے متعلق بات کی جاتی لیکن پاکستان میں موجود برائے نام فیمینسٹ ان مسائل پر بات کرتے کبھی نظر نہیں آتے۔

‎ان نام نہاد فیمینسٹ کا اصل مقصد اپنی خواھشات کی تکمیل ، مغربی ایجنڈے کو فروغ دینا ، اور اسلامی اقدار کو مجروع کرنا ہے۔ جس یورپ کی گردان الاپ کر یہ نام نہاد فیمینسٹ عورتوں کی آزادی کی بات کرتی ہیں آئیے ایک نظر یورپ میں عورتوں کی اس آزادی پر بھی کرتے ہیں ۔ یورپ میں آج عورت آزاد ہے عورت کے جسم پر عورت کی مرضی ہی چلتی ہے لیکن کیسے مرضی چلتی ہے اس کے بارے میں آپ بخوبی جانتے ہیں

‎عورت وہاں گھر کی نہیں بلکہ کلبوں کی، شراب خانوں کی، جوے کے اڈوں کی فحاشی کے اڈوں کی، دوستوں کی محفلیں میں تحفے کے طور پر پیش کرنے کی حد تک رہ گئی ہے اگر نہیں رہی تو گھر کی نہیں رہی۔ جب سے عورت نے میرا جسم میری مرضی کا نعرہ لگایا ہے یورپی معاشرے میں عورت صرف استعمال کی حد تک رہ چکی ہے نہ عورت ماں ہے نہ بہن ہے نہ بیوی ہے نہ بیٹی ہے بلکہ جس رشتے میں جہاں ملے اسے استعمال کرو، یورپ کی گلیوں میں شام کے بعد یہی آزادی پسند عورتیں بازاروں میں ٹھہری میرا جسم میری مرضی کرتی ہیں اور وہی بھیڑیے جو انہیں آزادی اور حققوقِ نسواں کے نام پر آزاد خیالی کا درس دیتے تھے وہ انہی خواتین کو اپنی ہوس کے لیے استعمال کرکے گھر سے باہر پھینک کر سو جاتے ہیں۔ آزادی آزادی کرتی یورپی خواتین کو یورپ میں اس قدر بےدردی سے استعمال کیا گیا کہ اب وہاں کے مرد عورت کی بجائے کتے اور گدھے سے تعلقات تو قائم کرنا چاہتے ہیں مگر عورت سے اکتا چکے ہیں کیونکہ وہاں عورت کی قیمت ایک جنسی کھلونے سے ذیادہ کچھ نہیں۔

‎آج پاکستان میں چند آزاد خیال عورتیں اسی یورپ کی آزادی کو پاکستان میں لانا چاہتی ہیں کہ عورت مرد کے تحفظ سے آزاد ہو کر استعمال ہو اسے اس کا جسم اسکی مرضی کا ایک جھوٹا نعرہ پکڑا کر گلی گلی چوراہے ذلیل کیا جائے

‎جسے اللہ پاک نے شادی جیسے ایک مقدس رشتے میں باندھ کر ایک شوہر تک ہی محدود کرکے محفوظ کردیا وہ عورت ہر گندی نظر کا شکار ہو وہ ایک شوہر کی بجائے ہر مرد سے استعمال ہو یہ ہے ان پاکستانی فیمینیسٹ کی سوچ اور انکے مقاصد ۔۔۔

‎پاکستانی مہذب معاشرہ اپنی خواتین کو مکمل عزت و احترام سے نوازتا ہے دین اسلام پر عمل پیرا ہوتے ہوے عورت کو وه تمام حقوق حاصل ہیں جنکا تصور ہی دین اسلام سے پہلے ممکن نہیں تھا ۔ ہمارا مذہب اور معاشرہ ہی عورت کی حفاظت اور اسکی عزت و تکريم کا باعث ہے جس کو تباہ کرنے کے لیے یہ تمام نام نہاد عورتیں اپنے مقاصد کو پورا کرنے کے لئے عمل پیرا ہیں۔

Chaudhry Yasif Nazir

Chaudhry Yasif Nazir is digital media journalist, Columnist and Writer who writes for baaghitv.com . He raises social and political issues through his articles, for more info visit his twitter account

Follow @IamYasif

دوست کسی نے کیا خوب کہا تھا کہ حرف حرف رٹ کر بھی آگاہی نہیں ملتی آگ نام رکھ لینے سے روشنی نہیں ملتی آدمی سے انسان تک آؤ گے تو سمجھو گے کہ کیوں چراغ کے نیچے روشنی نہیں ملتی اور کہتے ہیں کسی نے سو سالہ بزرگ سے پوچھا زندگی میں خوشی کو کیسے پایا جائے تو اس بزرگ نے بہت ہی پیارا جواب دیا جتنا پاس ہے اسے کم دکھاوا کرو اور جتنا جانتے ہو اسے کب بولا کرو زندگی ہنسی خوشی گزر جائے گی آج کے دور میں تو لوگ ہر ایپ کو اپ ڈیٹ کرتے ہیں مگر کبھی کوئی اپڈیٹ کرنے کی بات کرتا ہے تو لوگ اس کا مذاق اڑاتے ہیں اور یہی اس دنیا کی کڑوی سچائی ہے

لوگ بڑی سوچ سوچنے والوں کی باتوں پر یقین کرنے کی بجائے ان کا مذاق اڑانے لگ جاتے ہیں اس لئے تو بڑا سوچنے والے ہی بڑا کر کے جاتے ہیں جبکہ چھوٹی سوچ رکھنے والے صرف مذاق بناتے ہی رہ جاتے ہیں آج سے چالیس سال پہلے اگر کوئی سمارٹ فون کی بات کرتا تو لوگ اس کا مذاق اڑاتے کہ ایسا ممکن ہی نہیں کہ کوئی ڈیوائس ٹچ کرنے سے چلی تصویر بھی کیپچر کریں کال بھی کروائے ایس ایم ایس بھی بھجوائے ویڈیو بھی دکھائے اور ویڈیو کال بھی کروائیں پوری دنیا میں سے کہیں سے بھی انفارمیشن اکٹھی کرکے آپ تک پہنچ جائے ایسا ناممکن ہے مگر آج سب کچھ آپ کے سامنے ہے لوگوں نے جتنا کہا کہ نہیں ہوسکتا اتنی بار بڑے لوگوں نے وہ کر کے دکھایا اس لئے ایک بات ذہن میں باندھ لیں اس دنیا میں کچھ بھی ناممکن نہیں ہے اور کہتے ہیں اللہ نے انسان کو رنگنے کے لئے نہیں بلکہ ایک باعزت باوقار زندگی گزارنے کے لیے پیدا کیا ہے اس لئے خود کو عزت دو محنت کرو اپنے خوابوں کو پورا کرنے کے لیے وقت دو خود کی عزت کرو کیوں کہ جب تک آپ خود کی عزت نہیں کریں گے تو کوئی بھی آپ کی عزت نہیں کرے گا اپنے دماغ میں منفی خیالات کی بجائے مثبت خیالات کو جگا دو اپنے مقصد کو وقت دو اور خود کو قبول کرو آپ کے ذہن میں آپ کا ایک خوبصورت اور من پسند سیلف امیج ہونا چاہیے یاد رکھیں کہ کوئی بھی انسان پرفیکٹ نہیں ہوتا انسان نے ہمیشہ مزید کچھ سیکھنے مزید اچھی کارکردگی دکھانے کی گنجائش
@Shabi_223