Category: متفرق

یوں تو شروع دن سے ہی مار کھانا ہندوستان کا مقدر ہے جیسا کہ محمد بن قاسم ،شہاب الدین غوری،محمود غزنوی،ٹیپو سلطان و دیگر مسلمان جرنیلوں سے ہندوستان کی خوب درگت بنتی رہی مگر پچھلی صدی میں شاہ اسماعیل شہید،علامہ محمد اقبال و محمد علی جناح اور ان کے ساتھیوں نے جذبہ جہاد بلند کیا اور دو قومی نظریہ پیش کرکے اور پاکستان بنا کر ہندو کیساتھ انگریز کو بھی سرپرائز دیا
مگر اپنی درگت بنوانے کا عادی ہندو سکون سے نا بیٹھ سکا اور مقبوضہ وادی کشمیر کو آزاد کرنے سے انکاری ہو گیا جس پر پاکستان کے غیور قبائلیوں،افواج پاکستان اور وادی کشمیر کے شیروں نے مل کر ہندو کی خوب درگت بنائی اور وادی کشمیر کے کل 84474 مربع میل میں سے 32093 مربع میل آزاد کروا کر اسے ایک زبردست ترین سرپرائز دیا جس پر ہندو وزیراعظم پنڈت جواہر لال نہرو بھاگم بھاگ اپنے آقا انگریز کے پاس سلامتی کونسل پہنچا اور جنگ بندی کیلئے منت سماجت کی ورنہ یہ سرپرائز بھارت کے ٹکڑے ٹکڑے کرکے ہی مکمل ہونا تھا
6 ستمبر 1965 کو ایک مرتبہ پھر ہندو کو اپنی درگت بنوا کر سرپرائز لینے کی سوجھی اور اس نے رات کی تاریکی میں پاکستان پر حملہ کر دیا جس پر امت محمدیہ کی پاک فوج نے ایسا سرپرائز دیا کہ 17 روزہ جنگ میں ہندو تو پریشان ہونا ہی تھا پورا عالم کفر اس سرپرائز پر سر پکڑ کر بیٹھ گیا اور یوں ایک مرتبہ پھر ہندو اپنے آقا انگریز کے پاس سلامتی کونسل میں پہنچا اور جنگ بندی کروائی
دو مرتبہ سرپرائز لینے کے بعد ہندو نے اپنا طریقہ بدلا وہ جان چکا تھا مغربی پاکستان میں اسے دو مرتبہ سرپرائز بہت مہنگا پڑا ہے لہذہ اس مرتبہ اس نے مشرقی پاکستان میں اپنی جڑیں مضبوط کرکے کچھ غداران ملک و ملت کو اپنے ساتھ ملایا اور مکتی باہنی کے نام پر ایک مسلح لڑاکا تنظیم بنائی جس نے پاک فوج پر حملے شروع کر دیئے اور بنگلہ دیش کو الگ ملک بنانے کی تحریک شروع کر دی اس مرتبہ ہندو کا وار کچھ کارگر ہوا مکتی باہنی و انڈین فوج نے بنگلہ دیش کی عوام میں پاکستان کے خلاف خوب زہر بھرا اور یوں مکتی باہنی کی پاک فوج سے باقاعدہ جھڑپیں شروع ہو گئیں جس کی کمان اینڈ کنٹرول انڈین فوج کے ہاتھ تھی آخر مکمل جنگ چھڑ گئی مغربی پاکستان سے مشرقی پاکستان تک گولہ بارود کی رسد ختم ہو کر رہ گئی مگر پھر بھی پاک فوج کے شیروں نے وسائل کی کمی اور اپنوں کی غداری کا غم سہہ کر بھی مردانہ وار مقابلہ کیا مگر فوجی افسران و جوان ہتھیار پھینکنے کو تیار نا تھے جس پر مکتی باہنی اور انڈین فوج نے بنگلہ دیش کے پاکستانی حامی لوگوں و مغربی پاکستان سے آئے سول اداروں کے اہلکاروں کے خاندان کے لوگوں کو شہید کرنا شروع کر دیا جو کہ انتہائی تشویشناک بات تھی اس کے بعد بھارت نے ایک اور چال چلی اور جنگ بندی کا اعلان کردیا اور اپنی فوجیں ڈھاکہ میں لا کر ایسٹرن کمان کے امیر عبداللہ خان نیازی سے ہتھیار ڈالنے کا مطالبہ کر دیا جس پر جوانوں و افسروں میں تشویش کی لہر ڈور گئی اور انہوں نے ہتھیار ڈالنے سے انکار کردیا جس پر مکتی باہنی اور انڈین فوج نے دوبارہ عام شہریوں کو شہید کرنا شروع کردیا اس پر مجبور ہوتے ہوئے اور نا چاہتے ہوئے بھی ہماری فوج کو اپنوں کی غداری کی بدولت 6 دسمبر 1971 کو ہتھیار ڈالنے پڑے اور یوں 45000 فوجی اور 40000 سے کم سول محکموں کے اہلکار انڈین فوج کے ہاتھوں جنگی قیدی بن گئے مگر پاکستان کو فتح کرنے کا انڈین خواب پھر بھی شرمندہ تعبیر نا ہوسکا کیونکہ 1971 میں راجھستان کے محاذ لونگے والا میں انڈین فوج کو سخت جانی مالی نقصان اٹھانا پڑا اور انڈین فوج اپنی پوزیشنیں چھوڑ کر پیچھے بھاگی جس کا اعتراف خود انڈین جرنیل بھی کرتے ہیں اسی طرح سلیمانکی کے محاذ پر میجر شبیر شریف شہید نے دشمن کو بہت پیچھے تک دھکیل دیا اور ان کی کئی پوسٹوں پر قبضہ کرلیا جبکہ قصور کے محاذ پر ایسی کاری ضرب لگائی گئی کہ کھیم کرن کا محاذ چھوڑ کر انڈین فوج پیچھے کو بھاگ نکلی اور اس طرح تاریخی شکست انڈیا کو 1971 میں قصور کے محاذ پر ہوئی زندہ دلان قصور نے اپنی پاک فوج کیساتھ مل کر کھیم کرن شہر پر قبضہ کرکے پاکستانی پرچم لہرایا جس کی تصویریں آج بھی انڈین فوج اور عوام کے ذہنوں پر سوار ہیں غیور قصوریوں نے کھیم کرن سے خوب مال غنیمت حاصل کیا جس کے ثبوت کے طور پر آج بھی اہلیان قصور کے گھروں میں لگے انڈین شہر کھیم کرن سے لائے گئے دروازے ،کھڑکیاں،برتن و دیگر سامان ضرورت لوگوں کے پاس موجود ہے حتی کہ رائیونڈ قصور روڈ جو کہ کچہ راستہ تھا اسی کھیم کرن سے لائی گئی مال غنیمت کی اینٹوں سے بنا
28 مئی 1998 کو ایٹمی دھماکے کرکے پاکستان نے ایک بار پھر انڈیا کو بہت بڑا سرپرائز دیا مگر شاید مار کھائے بغیر سرپرائز کو قبول کرنا انڈیا کی عادت نہیں سو اس نے 1999 میں کارگل کے مقام پر پاکستانی فوج اور مجاھدین کشمیر سے چھیڑ چھاڑ شروع کر دی جس کے نتیجے میں 3 مئی 1999 کو باقاعدہ ایک جنگ کا آغاز ہوا جس میں انڈیا کے 30000 اور پاکستان کے 5000 فوجی آمنے سامنے ہوئے پہلے ہی ہلے میں انڈیا کے 1000 سے زائد سپاہی مارے گئے جبکہ 2000 کے قریب فوجی زخمی ہونے کیساتھ انڈین ائیر فورس کے 3 طیارے تباہ ہوگئے جس سے بھارتی فوج سخت گھبراہٹ کا شکار ہو گئی اور دونوں ملکوں پر ایٹمی قوت ہونے کی بدولت عالمی دباؤ بڑھ گیا اور یوں دونوں ملکوں کو بغیر کسی نتیجے کے جنگ بندی کرنی پڑی مگر نقصان کے لحاظ سے ایک بار پھر شکست انڈیا کی ہوئی
14 فروری 2019 کو مقبوضہ کشمیر کے علاقے پلوامہ میں انڈین فوج پر کشمیری مجاھدین کی مسلح آزادی پسند تحریک جیش محمد کی طرف سے حملہ کیا گیا جس کے نتیجے میں 200 سے زائد انڈین فوجی مارے گئے جبکہ سرکاری طور پر انڈیا نے صرف 44 فوجیوں کی موت تسلیم کی پلوامہ حملے کے بعد اپنی ناکامی کا بدلہ لینے کیلئے انڈیا نے لائن آف کنٹرول کی خلاف ورزی شروع کردی جس پر پاک فوج کی طرف سے بھرپور جواب دیا گیا جھڑپیں بڑھتی گئیں اور 26 فروری 2019 کو انڈیا نے ایک بار پھر رات کی تاریکی میں لائن آف کنٹرول کی خلاف ورزی کرتے ہوئے اپنے طیارے پاکستانی حدود میں داخل کئے مگر ہمارے شاہینوں کی بروقت اڑان سے انڈین پائلٹ گھبرا گئے اور گھبراہٹ میں اپنے جنگی جہاز کا پے لوڈ لائن آف کنٹرول کے نزدیک بالا کوٹ کے مقام پر گرا کر بھاگ گئے اور دعوی کردیا کہ ہم نے پاکستانی علاقے میں جاکر جیش محمد کے ٹریننگ کیمپوں پر فضائی کاروائی کرتے ہوئے 350 سے زائد جیش محمد کے کارکنان شہید کر دیئے ہیں جس کے چند گھنٹوں بعد پاک فوج کے ترجمان میجر جنرل آصف غفور نے انڈیا کو مخاطب کرتے ہوئے کہا کہ اس کے اس جھوٹ کو جلد بے نقاب کرینگے اور ایک سرپرائز بھی دینگے جنرل صاحب کے بیان کے چند گھنٹوں بعد ہی پاکستانی ائیر فورس کے دو شاہینوں اسکورڈن لیڈر حسن صدیقی اور ونگ کمانڈر نعمان علی خان نے انڈین علاقے میں گھس کر اس کے دو طیارے مار گرائے جن میں سے ایک طیارہ مقبوضہ وادی کشمیر جبکہ دوسرا آزاد کشمیر کے علاقے میں گرا جس کے پائلٹ ونگ کمانڈر ابھی نندن کو کشمیری عوام نے گھیر لیا اور اس کی تاریخی دھلائی کرکے ایک بہت بڑا سرپرائز دیا اس کے بعد پاکستان نے انٹرنیشنل میڈیا کو بالاکوٹ کا دورہ بھی کروایا جس پر انٹرنیشنل میڈیا نے انڈین ائیرفورس کی ناکامی کا پول کھول کر اسے ایک اور ناکامی کا سرپرائز دیا
ابھی نندن کی رہائی کیلئے انڈیا نے اقوام عالم کیساتھ پاکستان کی بھی منت سماجت شروع کر دی جس پر ونگ کمانڈر ابھی نندن کو اچھی چائے اور کھانا کھلانے کے سرپرائز کے بعد واہگہ کے راستے انڈیا بھجوا دیا گیا
معرکہ 27 فروری پر میجر جنرل آصف غفور نے ٹویٹ کیا تھا کہ انڈین اس سرپرائز کو کبھی بھی نہیں بھلا سکیں گے اور ان شاءاللہ ایسا ہی ہے پچھلے سرپرائزوں کی طرح انڈیا اس سرپرائز ڈے 27 فروری کو کبھی بھول نہیں سکے گا

ایک اندازے کے مطابق پچھلے چھے سالوں میں پاکستان میں 30 کے قریب صحافی اپنی جان گنوا چکے ہیں اور سینکڑوں ایسے ہیں جن پر بااثر اور کرپٹ لوگوں کی طرف سے ناجائز ایف آئی آر درج کرائی گئی ہیں کئی ایسے بھی صحافی ہیں جو حقائق اور کرپشن اور ظلم و زیادتی کو بے نقاب کرنے کی وجہ سے دھمکیوں کا سامنا ہے اور ان صحافیوں کے خاندان آج فاقوں اور کسمپرسی کی حالت کو پہنچ چکے ہیں اور کئی ایسے بھی سینیئر ترین صحافی ہیں جنہوں نے اس ملک قوم اور معاشرے کے لیے اپنی زندگی لٹا دی مگر آج بھیک مانگنے پر مجبور ہیں اور میڈیا صحافتی اداروں سمیت وزارت اطلاعات اور حکومت سمیت کوئی بھی آن کو کسی قسم کی سپورٹ کرنے کو تیار نہیں ہے

حقیقت یہ ہے کہ اگر یہی فیلڈ میں کام کرنے والے صحافی اپنی دو دن خبریں دینا ہی بند کردیں تو چینلز بند ہو جائیں گے اخبار تک نہیں چھاپے جاسکیں گے جبکہ ان میڈیا چینلز اور اخبارات کو شہرت اور بلندیوں پر پہنچانے والے ٹاپ سٹوری اور بریکنگ نیوز دینے والے سردی گرمی بھوک پیاس دن یا رات سفر اور دھمکیوں اور خطرات کے باوجود بریکنگ نیوز اور سٹوری دینے والے یہی فیلڈ میں کام کرنے والے صحافیوں کے ساتھ میڈیا مالکان کا رویہ دشمنوں کے ساتھ روا رکھے جانے والے رویہ سے بھی بدتر ہے

جب صحافتی ادارے صحافی کو اس کی محنت کا کوئی معاوضہ یا تنخواہ نہیں دیں گے تو آخر مرتا کیا نا کرتا پھر مجبور ہوکر اس نے کسی کرپٹ کو بلیک میل کرنا ہے یا کسی بھی غلط کام کا حصہ بن جانا ہے یا پھر اچھے سچے پڑھے لکھے لوگ صحافت چھوڑتے جائیں گے اور کرپٹ اور برے لوگ صحافت میں گھستے چلے جائیں گے یا پھر مجبور ہوکر فیلڈ میں کام کرنے والے بے روزگار صحافیوں نے کچھ نا کچھ تو کرنا ہے اپنے گھر کا چولہا جلانے اور بچوں کو پالنے کے لیے۔ ہمارے پاکستان میں سب سے زیادہ آج کا صحافی ہی مظلوم ہے جو درحقیقت سب سے زیادہ معاشی استحصال کا شکار ہے اور جھوٹ کا پردہ اوڑھ کر زندگی گزار رہا ہے۔

پاکستان میں صحافت کے سسٹم اور حکومتوں اور محکمہ اطلاعات کی نااہلی یا منافقت یا اپنی ہی کرپشن کی وجہ سے آج تک اس شعبہ میں کسی قسم کی بہتری کے لیے کوئی اقدامات نہیں ہوسکے ہیں

کیونکہ بڑے بڑے اخباروں اور ٹی وی چینلز کے مالکان جو سیٹھ نما دولت کے پجاری انسان اور اثرورسوخ والے ہیں ان کے خلاف اور فیلڈ میں کام کرنے والے بے روزگار صحافیوں کے لیے ستر سالوں سے کوئی اقدامات نہیں ہوسکے ہیں

حقیقت یہ ہے کہ یہ میڈیا مالکان تمام حکومتوں سیاستدانوں بیوروکریسی اور اسٹیبلشمنٹ اور ججوں سمیت سب کے راز جانتے ہیں اور یہ کسی کے خلاف بھی اپنے اپنے اداروں میں موجود بڑے بڑے قابل لکھاریوں اور اینکرز جو کہ بے چارے اپنی نوکری بچانے کے لیے جب ان کو یہ میڈیا مالکان اشارہ کرتے ہیں تو حکومتوں بیوروکریسی اسٹیبلشمنٹ کے خلاف مہم چلانا شروع کردیتے ہیں جس کی وجہ سے ان میڈیا کے سیٹھوں کو کوئی چھیڑنے کو تیار نہیں ہوتا ہے

کیونکہ اس حمام میں سب ننگے ہیں جس کی وجہ سے اخبارات اور ٹی وی چینلز کے سیٹھ نما کرپٹ مالکان فیلڈ میں محنت کرنے والے صحافیوں کو تنخواہ مراعات تو دور کی بات ہے الٹا ان سے نمائندہ بننے کا ہزاروں لاکھوں روپے لیتے ہیں اور سالانہ ششماہی سہ ماہی بزنس اشتہارات کی مد میں علاوہ لیتے ہیں

اگر یہی صورتحال برقرار رہی تو ایک دن یہ پڑھے لکھے با کردار صحافی جو کسی کو بلیک میل کرنے کے لیے پگڑی نہیں اتارتے بلکہ پروفیشنل طریقے سے مثبت رپورٹنگ کرنے والے ہیں چھوڑتے چلے جائیں گے اور حقیقت میں بھی ایسے ہی بلیک میلر کرپٹ دونمبری کے سرپرست ظالم کے حمایتی صحافی ہم آپ سب کو ملیں گے یا نظر آئیں گے جو واقعی میں بلیک میلر یا کرپٹ یا ان کرپٹ لوگوں کی سرپرستی کرنے والے ہوں گے جبکہ مظلوم کمزور کےے ساتھ کھڑے ہونے والے حق سچ کا ساتھ دینے والے صحافی دور دور تک نظر نہیں آئیں گے جس کے بہت زیادہ منفی اثرات اس ملک پاکستان اور اس معاشرہ پر پڑیں گے کیونکہ جو ارباب اختیار تک سچ کو سو پردوں سے نکال کر باہر لانے والے سچے اچھے اور قابل صحافی نہیں ہونگے تو معاشرے میں ایک بہت بڑا بگاڑ پیدا ہوگا جو پھر کسی سے بھی ٹھیک نہیں ہو پائے گا۔

بظاہر تو ہم کو بلیک میلر فیلڈ کے صحافی نظر آتے ہیں مگر درحقیقت اصل بلیک میلر صحافتی اداروں کے یہ سیٹھ نما مالک ہوتے ہیں جو ان صحافیوں کو مجبور کردیتے ہیں کہ وہ ان کو کما کر کھلائیں

ضرورت اس امر کی ہے کہ اس ملک پاکستان کے خاص طور پر فیلڈ میں کام کرنے والے بے روزگار اور مظلوم صحافیوں کے لیے کچھ اچھے اور ٹھوس اقدامات کریں جس کی امید عمران خان اور فردوس عاشق اعوان مشیر اطلاعات سے آج ان کو لگ رہی ہیں اگر اب بھی ان فیلڈ میں کام کرنے والے بے روزگار مظلوم صحافیوں کی زندگی میں تبدیلی نا آئی تو شائد کبھی نا آسکے

حمزہ نے کہا، میں فرسٹ ائیر میں تھا جب یہ دہلا دینے والا واقعہ پیش آیا تھاایک دن پہلے سب کچھ نارمل تھاحملے کے دن فرسٹ ائیر کوچھٹی تھی_ میں نے سب کو بکھرے ہوئے اور آنسوؤں کی حالت میں بیدار پایامیں اپنے دوستوں کے بارے میں سوچ کر صدمے میں پہنچ گیاجو حملے کے دوران سکول میں موجود تھے_ جیسے جیسے وقت گزر رہا تھا اموات کی تعداد بڑھتی جا رہی تھیاور میں اپنے قریبی ساتھیوں کو بچانے کے لیے کچھ نہیں کر سکا

مجھے سکول میں رہ کر علم اور حکمت حاصل کرنا تھا اور مسائل پر قابو پانا تھا جسکا مجھے مستقبل میں سامنا کرنا تھا اور اس سے کوئی فرق نہیں پڑتا کہ کونسی طاقت مجھے علم حاصل کرنے سے روکنے کی کوشش کرتی ہے ہمارے کاج کی عمارتوں کے ساتھ چلتے ہوئے یہ دہشت اب بھی ہمارے دل میں ہے لیکن یہ ہمیں مزید مطالعہ کرنے اور ہمارے حوصلے بلند کرنے کی ہمت دیتی ہے_

احمد نے کہا، تعلیم کا مطلب ہر وہ چیز ہے وہ تمام یادیں اور احساس ہے اور دہشت گردوں کو میرا پیغام یہ ہے تم نے ہمیں قتل کرنے جی کوشش کی، اسکے بجائے آپ نے ہمیں لافانی بنایا_ ہماری یاد ہمیشہ زندہ رہے گی، اور سب کو حوصلہ، طاقت اور امید فراہم کرے گی_

دونوں طلباء اے پی ایس کے حملے کا شکار ہیں وہ اپنے دوستوں کو 16 دسمبر 2014 کو صبح ساڑھے دس بجے کھو بیٹھے تھے، تحریک طالبان کے سات بندوق بردار اسکول میں داخل ہوئے اور طلباء اور عملے کو مارنا شروع کر دیا اس دن آٹھ سے اٹھارہ سال تک کے 140 سے زیادہ بچے اس دن شہید ہوئے اور متعدد زخمی ہوئے_

بھائیو! دہشت گردی اب ہمارے لئے ایک بہت بڑا خطرہ بن گیا ہے اس نے ہم میں بڑھے پیمانے پر خوف کو جنم دیا ہے ہمیں پاکستان کے ایک وفادار شہری کی حیثیت سے اس طاقت اور بہادری کے ساتھ اس خطرہ اور خطرے کا سامنا کرنا چاہیے ہر مسئلے کا حل ہوتا ہے اس طرح دہشت گردی کے اس خطرے کے کچھ موثر حل بھی ہیں اگر ان کا صحیح طریقے سے عمل کیا جائے گا_

اللہ تعالیٰ نے قرآن مجید میں ارشاد فرمایا :
” جن لوگوں نے کفر کیا وہ چاہتے ہیں کہ تم ذرا اپنے ہتھیاروں اور سامان سے غافل ہو جاؤ تو تم پر یکبارگی حملہ کر دیں اگر تم بارش کے سبب تکلیف میں یا بیمار ہو جاؤ تو تم پر کچھ گناہ نہیں کہ ہتھیار اتار رکھو مگر ہوشیار ضرور رہنا اللہ نے کافروں کے لئے ذلت کا عذاب تیار کر رکھا ہے_(102:4)

آج ہم 1990 کی دہائی کے آخر سے بدتر حالات کا سامنا کر رہے ہیں_ روزانہ نیوز چینلز اور اخبارات، جرائم کی کہانیاں، خودکش دھماکوں اور بہت سے چھوٹے چھوٹے حالات سے بھرا ہوا ہےجسکا مستقبل میں خطرہ ہو سکتا ہے اور متعصب میڈیا کے ذریعہ بھی انکی اطلاع نہیں ہے جسکی وجہ سے ہماری پوری قوم ناامیدی اور بالآخر بے عمدگی کی گہرائیوں میں جارہی ہے عمدگی کی ریڑھ کی ہڈی ہے آج ان وجوہات کی بنا پر نوجوان کچھ مایوس، ناامید اور بے بس ہیں لیکن ان سب کے علاوہ نوجوان ابھی بھی سرنگ کے اختتام پر روشنی کے منتظر ہیں یہاں تک کہ انہوں نے عملی میدانوں میں خود کو آگے بڑھایا ہے لیکن مسئلہ اس وقت پیدا ہوتا ہے جب ان کے پاس وہی کرنے کی طاقت نہیں ہوتی وہ جو کرنا چاہتے ہیں موجودہ منظر نامے سے یہ بات بالکل واضح ہے کہ این سی سی (نیشنل کیڈٹ کور) کے لئے شہریوں کو تحفظ کے لیے متحرک کرنے کے لیے نوجوانوں کی تربیت کا اب سے موزوں وقت ہے جب خودکش حملے ہماری روزمرہ کی زندگی کا ایک حصہ بن چکے ہیں تو بھارت، بلوچستان، فاٹا اور کشمیر میں ہمارے خلاف غیر سرکاری جنگ لڑ رہا ہے امریکہ اور اسرائیل کے ساتھ ساتھ انڈیا ہمارے پڑوسی افغانستان میں بیٹھ کر ہمارے خلاف کھیل کھیل رہا ہے
جب بھارت نے ہمارے پانی کو دریائے چناب اور راوی میں روک دیا ہے، دفاعی اور تجویزاتی تجزیہ نگاروں کا نظریہ ہے کہ اگلی جنگ بہت جلد متوقع ہے اور اس جنگ کی وجہ پانی کا مسئلہ اور دیگر مسائل سرفہرت ہونگے_

المیہ یہ ہے جب ہم اس قسم کی تربیت کی بات کرتے ہیں تو لوگ سوچتے ہیں ہم انتہاپسند ہیں ہم جنگ کو دعوت دے رہے ہیں خوابوں کی ناممکنات اور خیالات اور افعال کی منفی سمت کے بارے میں بات کر رہے ہیں جو تباہ کن نتائج کا باعث بن سکتا ہے لیکن اس نقطہ نظر کے لوگوں کو اسرائیل میں یوتھ بٹالین کی تربیت کا علم نہیں ہو سکتا اسرائیل میں ایک طالبعلم کو دسویں جماعت کی ڈگری نہیں دی جاتی جب تک وی ایک ہفتہ کی ٹریننگ پاس نہ کرے ایک ماہ کی تربیت کے بغیر انٹرمیڈیٹ ڈگری اور گریجویٹ ڈگری کے لئے تین ماہ کی تربیت نہیں دی جاتی ہے اس تربیت کے تحت ہر بھرتی ایک بنیادی تربیتی پروگرام میں جاتا ہے جہاں انہیں فوج کے نظم و ضبط شوٹنگ، ابتدائی طبی امداد، کیمیائی اور حیاتیاتی جنگ سے متعلق معلومات اور جسمانی فٹنس کی تعلیم دی جاتی ہےیہ تربیت قومی دفاعی خدمت قانون 1986 کے تحت کچھ مستثنیات کے ساتھ مطلوب مرد اور خواتین دونوں کے لئے لازمی ہے یہ دنیا کا واحد ملک ہے جو خواتین کے لیے لازمی قومی خدمات کع برقرار رکھتا ہے اسرائیل جیسے چھوٹے سے ملک کی چستی کا راز اپنے نوجوانوں کے لیے لازمی فوجی تربیت کی پالیسی ہے اسرائیل نے بہت سی جنگیں لڑی ہیں 1948،1967 اور 1973 میں اور وہ ہمیشہ ان جنگوں کو جیتے اور اسکی وجہ یہی ہے کہ اسکی آخری آبادی اسکے آخری مرد اور عورت تک ایک سپاہی کی حیثیت سے لڑاکا ہے

ہندوستان نے بھی اس طرح کی تربیت کا آغاز کیا ہے نیشنل کیڈٹ کارپس (دہلی) نے 1948 کے نیشنل کیڈٹ کور ایکٹ کے ساتھ تشکیل دی یہ ایک رضاکارانہ تنظیم ہے جو پورے ہندوستان میں ہائی اسکولوں اور کالجوں سے کیڈٹس کی بھرتی کرتی ہے _

نیشنل کیڈٹ کور، جانباز، مجاہد فورس پاکستان میں وہ قسم کی فوجی تربیت ہے جو 2002 تک کالجوں اور یونیورسٹیوں کے طلباء کع دی جاتی تھی جب پرویز مشرف نے اس تربیت کا روکا تھا ان کے تحت، پاکستان کے محب وطن اور پڑھے لکھے نوجوانوں کو ابتدائی طبی امداد کی سرگرمیوں بنیادی ہتھیاروں کے استعمال اور ہنگامی صورتحال سے نمٹنے کے لئے تربیت دی گئ تھی جس میں جنگ یا لڑائی سے متعلق حالات بھی شامل ہیں اس وقت ان خطرات، سازشوں اور غیر یقینی کی صورتحال بہتر جانتے تھے جنکا سامنا ہمارا ملک (داخلی دشمن) اور بین الاقوامی دشمنوں کی شکل میں بھی کر رہا ہے_

اس قسم کی تربیت آرمڈ فورس اور سویلین کے مابین پائے جانے والے اختلافات کو کم کرتی ہے جنکو دشمن بدتر بنانے کی کوشش کر رہے ہیں_کیڈٹ کور /سویلین آرمی ایک مخصوص فوج کی حیثیت سے خدمات انجام دے سکتی ہے فوج کے ذخائر فوج کی افرادی قوت کی ضروریات کو پورا کریں گے _

ریزرویونٹس فلسطینیوں کی حالیہ لہر میں اسرائیلیوں کی طرح دفاعی شیلڈ جیسے بہت سے آپریشن کرتی ہیں مزید برآں، تربیت یافتہ کیڈٹ عوامی سول ٹرانسپورٹ، تعلیمی اداروں، کھلی منڈیوں اور پارکنگ لاٹوں کی حفاظت کے ساتھ ساتھ چوکیوں پر مدد کرنے جیسے دیگر سول خدمات انجام دے سکتے ہیں_

مزید یہ کہ این سی سی دفاع کی دوسری لائن کے طور پر کام کرتی ہے وہ آرڈیننس فیکٹریوں کی مدد کے لیے کیمپوں کا اہتمام کر سکتے ہیں محاذ کو اسلحہ اور گولا بارود کی فراہمی کرتے ہیں اور دشمن کے پیرا ٹروپرز کو پکڑنے اور مشتبہ خودکش بمباروں کی شناخت اور گرفتاری کے لئے پٹرولنگ ٹیم کے طور پر بھی استعمال کیا جاتا تھااین سی سی بچاؤ کے کاموں اور ٹریفک کنٹرول میں بڑھ چڑھ کر حصہ لینے کے لیے سول ڈیفینس حکام کے ساتھ بھی کام کرسکتے ہیں تاہم این سی سی کے پچھلے نصاب کو مزید جدید بنانے کے لیے نظر ثانی کی جانی چاہیےجیسے ہندوستان نے 1965 اور 1971 کی ہند پاک جنگ کے بعد این سی سی نصاب میں نظر ثانی کی تھی محض دفاع کی دوسری لکیر ہونے کی بجائے این سی سی کو اپ گریڈ کیا گیا تاکہ وہ قیادت والی خصوصیات کی نشوونما کو بڑھا سکیں_

بھارت اور اسرائیل ہمارے خطرناک دشمنوں میں شامل ہیں دونوں ہی نوجوانوں کو این سی سی کی تربیت دے رہے ہیں پھر سوال یہ پیدا ہوتا ہے کہ پاکستان میں کیوں نہیں؟بحیثیت مسلمان ملک ہمیں ہر طرح کی صورتحال کے لیے تیار ہونا چاہیئے ہمارے مذہب کی بھی ضرورت ہے طاقت کو متوازن کرنا چاہیے اگر آج نہیں، اس ہنگامہ خیز دور میں تو پھر صحیح وقت کب آنے والا ہے؟

اب وقت آگیا ہے کہ سول طرف سے بھی قومی محب فوج تیار کی جائے ان مشکل وقتوں میں ہمیں تعلیم اور دفاع کی وزارتوں کے اشتراک سے اپنے نوجوانوں کے لئے لازمی فوجی تربیت حاصل کرنے کی ضرورت ہے

ہمیں نوجوانوں کو جدید ہتھیاروں اور آلات کے استعمال کے لیے تیار کرنا ہوگا تاکہ نوجوان شہری جنگ کو سنبھالنے کی ذمہ داری بھی نبھا سکیں جو ہم پر عائد کی گئی ہے اور شہروں، قصبوں اور گلیوں کی حفاظت کی جاسکے ہماری فوج پہلے ہی بہت زیادہ دباؤ سے نمٹ رہی ہے وہ نہ صرف ہماری سرحدوں کی حفاظت کر رہے ہیں بلکہ مساجد اور اداروں کی حفاظت بھی کر رہے ہیں نہ صرف سرحد پر جانیں دے رہے ہیں بلکہ ملک کے اندر بھی شہادتیں پیش کر رہے ہیں ہمیں اس پاک سر زمین کو بچانے کے لیے اپنی پاک فوج کے ساتھ کندھے سے کندھا ملا کر کھڑا ہونا پڑے گا جب محب وطن، بصیرت، اچھی طرح سے لیس اور حوصلہ افزائی کرنے والے نوجوان فوج کے ساتھ کھڑے ہو جائیں گے، تو کبھی بھی کوئی بری طاقت ہمارے ملک اور عوام کے ساتھ بری نیت رکھنے کی جرت نہیں کرسکتی_

ہمیں اپنی درخواست کو باضابطہ حکام کے سامنے پیش کرنے کے لیے کھڑا ہونا پڑے گا ہمیں آنے والے وقتوں کے لیے باضابطہ طور پر تیار ہعنے کی ضرورت ہے ہم بہترین کے لیے امید کرتے ہیں لیکن کسی بھی صورت میں ہمیں بد ترین کی تیاری کرنی ہو گی یہ ایکشن پلان ہے جو زندگی کے تمام فاتح تخیل کو حقیقت میں، تصور کو حقیقت میں بدلنے اور خوابوں کو اصل مقاصد میں اور بالآخر عمل میں بدلنے کے لئے استعمال کرتے ہیں نوجوانوں کے پاس آج خواب، محرکات اور امیدیں ہیں اور وہ پاکستان کے لیے اپنی جانیں قربان کرنے کے لیے تیار ہیں ہمیں صرف اس مثبت توانائی کو کچھ نتیجہ خیز کاموں میں تبدیل کرنا ہے_

آئیے سب پاکستان کے امن و خوشحالی کے لیے دعا کریں اور ہر سطح پر پاکستان کے دفاع کیلئے کچھ نہ کچھ اپنا کردار ضرور ادا کریں _

پاکستان زندہ باد

16 دسمبر 1971 کو دشمن کی مدد سے اپنے ہی غداروں نے مکتی باہنی بنا کر پاکستان کو دولخت کر دیا تھا حالانکہ دنیا گواہ ہے کہ چند دن کے گولہ بارود ہونے کے باوجود ہماری بہادر افواج تقریبا سات ماہ تک لڑی اور آخر کار عالم اسلام کی وہ مایہ ناز فوج کے جس نے 1948 اور 1965 میں انڈیا کو چھٹی کا دودھ یاد کروایا تھا اور عرب اسرائیل جنگ میں کہ جب عالم اسلام کے کئی خلیجی ملک اسرائیل کے قبضے میں جا چکے تھے اس وقت تل ابیب کا خاک غرور میں ملایا تھا اس اسلامی جہادی فوج نے ورنہ یقینا اسرائیل ایک اٹامک پاور ہوتا اور دنیا کا نقشہ آج یہ نا ہوتا مگر افسوس کہ وہ فوج اپنوں کی غداری کی بدولت ہتھیار پھینکنے پر مجبور ہو گئی اور پھر ڈھاکہ ڈوب گیا
ہم نہیں بھولے سقوط دھاکہ اور ہم نہیں بھولے سانحہ اے پی ایس 16 دسمبر 2014 کو ایک بار پھر ہمارے ازلی دشمن بھارت نے ہمارے ملک کے اندر سے ہی غداروں اور دین کے نام نہاد دعویداروں کو خریدا اور پشاور میں بچوں کے آرمی پبلک سکول پر حملہ کرتے ہوئے ڈیڑھ سو سے زائد بچوں کو شہید کر دیا اور اس بار مکتی باہنی کا کردار دین کے نام نہاد دعویداروں ٹی ٹی پی یعنی تحریک طالبان پاکستان نے ادا کیا مگر میں قربان افواج پاکستان اور عوام پاکستان پر کہ جنہوں نے مل کر مقابلہ کیا اور ٹی ٹی پی کے تمام سورمے جہنم واصل کر دیئے اور دشمن کے ناپاک عزائم کو خاک میں ملا دیا کہ اب ارض پاک کے بچے سکول نہیں جائینگے
میرے ملک کے دشمنوں دکھ تو ضرور ہوتا ہے ان گزرے واقعات کو یاد کر کے مگر ہمارا حوصلہ پھر بلند ہو جاتا ہے کہ ہمارے لئے رب نے ناکامی رکھی ہی نہیں کیونکہ ہم اللہ کی راہ میں لڑتے ہوئے مارے جائیں یا لڑتے ہوئے دشمن کو مار دیں ہر صورت ہم ہی کامیاب و کامران ہوتے ہیں وہ ہمارے پولیس و فوج کے جوان ہو یا آرمی پبلک سکول کے اساتذہ و نہتے معصوم بچے ان شاءاللہ کامیاب و کامران ہیں
ہاں مگر دشمنوں خارجیوں دین و ملت کے باغیوں ناکامی صرف تمہارے لئے ہی ہے کہ تم نے مکتی باہنی بنا کر میرے اپنوں کو میرے خلاف کرکے ڈھاکہ کا سقوط تو کروا لیا مگر آج بھی دیکھ لو بنگلہ دیش کے اندر سینکڑوں نہیں بلکہ ہزاروں لوگ پاکستان سے محبت کرنے والے موجود ہیں اور ان میں دن بدن اضافہ ہو رہا ہے اور دیکھ لو بنگلہ دیش بنانے والوں کا انجام بھی ذرا کہ کیسے اپنی ہی بنگلہ دیشی فوج کے ہاتھوں اپنے بیوی بچوں سمیت قتل ہو گئے اور نشان عبرت بن گئے اور تم نے اپنی اس حزیمت کا بدلہ لینے کیلئے پشاور میں ڈیڑھ سو کے قریب معصوم بچوں کو شہید کروا دیا اور تمہارا خیال تھا کہ اب پاکستان کے بچے ڈر جائیں گے اور سکول کی راہ نہیں لینگے مگر دیکھو ظالموں تم پھر ناکام ہو گئے
اللہ کی قسم ایسی درندگی کی مثال نہیں ملتی تم نے سوچا تھا اے پی ایس کو ویران کرکے ملک کے باقی سکولوں میں دہشت کی فضا قائم کرکے بچوں کو سکول سے دور کر دو گے مگر آؤ دیکھو اسی اے پی ایس کے سکول کے بچوں کے حوصلے پہلے سے بھی زیادہ بلند ہیں اور اے پی ایس اسی شان و شوکت سے قائم و دائم ہے مگر اب تو ہمارے معصوم بچے بھی بے خوف ہو کر تمہیں للکار رہیں ہیں کہ جس عمر میں بچے ویڈیو گیم اور چاکلیٹ کھانے کی باتیں کرتے ہیں اب اے پی ایس کے بچے بلکہ پورے ملک کے بچے کہہ رہے ہیں مجھے ماں اس سے بدلہ لینے جانا ہے
کیا جب کبھی کوئی دہشت گرد مرتا ہے تب اس کے بچوں نے بدلہ لینے کی بات کی ؟ نہیں بلکل نہیں کیونکہ بچے بھی جانتے ہیں حق کیا ہے باطل کیا ہے دہشتگردوں خارجیوں اللہ کے دین کے دشمنوں تم نے بہت نہلایا اس ارض پاک کو خون سے مگر اللہ کی قسم ہمیشہ تم ناکام ہوئے اور ان شاءاللہ ہوتے ہی رہوگے کیونکہ آج بنگالی بھی مانتے ہیں کہ ہم پاکستان کیساتھ زیادہ مضبوط تھے اب تو پاکستان مردہ باد کا نعرہ لگانے والے بھی کہہ رہے جیوے جیوے پاکستان مگر کہاں گئے وہ دہشت گرد اور ان کے یار آج وہ بیرون ممالک اور پہاڑوں غاروں میں منہ چھپائے بیٹھے ہیں
دنیا نے دیکھا پاکستان کو توڑنے والے خود مٹ گئے کیونکہ اس ارض پاک کی بنیادوں میں سولہ لاکھ شہداء کا خون شامل ہے اور خون کی بنیاد بڑی مضبوط ہوتی ہے ان شاءاللہ تم جتنا مرضی زور لگا لو جتنا لگا چکے اس سے بھی زیادہ لگا کر دیکھ لو پاکستان تھا ہے اور قیامت تک رہے گا ان شاءاللہ کیونکہ اس ملک کے بچے بوڑھے اور جوان سب کا ایک اللہ پر ایمان
اوہ مودی نجس میرے فوجیوں میرے اے پی ایس کے بچوں کے قاتل تو اب اپنے ہی ملک میں بنگال اور بھارت کے دیگر علاقوں میں اٹھتی ہوئی سونامی کو دیکھ اور ڈر اس وقت سے جب تیرے اس ہندوستان کے اندر کئی پاکستان بنے گے ان شاءاللہ