Category: بلاگ

سماٹ سندھیوں کی 500 سالہ تاریخ
تحریر : بلاول سموں
سندھ پر 712 ســے لیکـر 1024 تک کے 312 سال عــربوں کا قبــضہ رھا لیـــکن سماٹ قوم 312 سـال کی غلامی اور طویل جدوجہد کے بعد بلآخــر 1024 میــں سنــدھ پر عربوں کی حکمرانی ختم کرنے میں کامیاب ھوگئی تھی۔ اس لیـے 1024 سے لیکر 1335 کے 311 سال تک سمــاٹ قـــوم کا ســومرا خاندان سندھ کا حکمــران رھــا اور 1335 سـے لیکر 1520 کے 185 سال تک سماٹ قوم کے سمہ خاندان کی سندھ پر حکمران رھی۔ لیکـن 1520 میں ترک نژاد ارغونوں نے سندھ پر قبــضہ کـــرلیا۔ اس لیــے 1520 ســــے لیکر 1554 تک 34 ســـال ترک نژاد ارغـــونوں کی سندھ حکمرانــی رھـی۔ جبکہ 1554 سے لیکر 1591 تک 37 ســـال ترک نژاد ترکــھانوں کی سندھ حکمرانی رھی۔ جس کــے بعد مغلوں نے سندھ پر قبضہ کرلیا۔ اس لیے 1591 سے لیکر 1701 تک 110 سال مغلوں کی حکمرانی رھی۔ گــوکہ 1591 ســے لیکر 1701 تک سنــدھ پر مغلوں کـــی حکمرانی رھی۔ لیکن پنجاب میں پنجابیوں کی مزاحمت کے بڑھنے کی وجہ سے مغلوں کــی پنجاب میـں حکمرانی کمزور ھونا شروع ھوگئی۔ جس کــی وجہ سے دھلی میں بیٹھ کر مغلوں کــو براہ راســت سنــدھ پر اقتـــدار کو برقرار رکھنا مشــکل ھوگیــا تھا۔ اس لیے دھلی دربار ســے تعلقات کــی وجہ سے 1701 سے عباسی کلھوڑا کـــو سنـدھ پر حکمرانی کرنے کا موقع مل گیا اور 1701 سـے لیکر 1783 تک کے 82 سال عــربی نژاد عباســی کلھوڑا کی سندھ پر حکمرانی رھی۔عباسی کلھــوڑا چــونکہ عــربی نژاد تھــے اور انکـی سندھ میں اکثریت نہیں تھی۔ جس کی وجہ ســے سـماٹ سندھیوں پر حکمرانی کرنے کـــے لیـــے عباســـی کلـــھوڑا کـــو پنجاب سے کـــردستانـــی نژاد تالپــور بلوچ لانے پڑے تاکہ بلوچ قبائل کـــی مدد ســـے عباسی کلھوڑا کو سندھ میں سماٹ سندھیوں پر حکمرانی کرنے میں مدد مل سکے۔ لیکن نادر شاہ افشار کــے ایران کا حکـمراں بن جانـے اور دھلی پر 1739 میں نادر شاہ افشار کــے حملــے کـے بعد مغل حکمرانوں کے کمزور ھوجانـے۔ جبکہ 1747 میں نادر شاہ افشار کے دســتِ راست احـمد شاہ ابدالی کے افغانستان کــی سلطنت قائم کرکے افغانستان میں درانی حکـومت قائم کرلینے کی وجہ سے تالپور بلوچ نے عباســـی کلـــھوڑا کـــے ساتھ مل کر سماٹ سندھیـــوں پر حکـمرانی کرتے رھنے کے بجائے مغل سلطنت کــی آشیرباد اور ایران کے قاجار خاندان کـــی معاونت سـے 1783 میں ھالانی کـــے مقام پر عباســی کلھوڑا کـــے ساتھ جنگ کرنـے کے بعد عباسی کلھوڑا کی حکومت ختم کرکـــے سنـــدھ پر خــود حکمرانی کرنا شروع کردی۔ لہٰذا 1783 ســے لیـکر 1843 تک کے 60 سال کردستانـــی نژاد تالپــور بلوچ کــــی سندھ پر حکمرانـــی رھـــی۔ لیکن 1843 میں سندھ پر قبضہ کـــرکــــے انگریزوں نــے تالپور بلوچ کی حکمرانـــی کــو ختم کردیا اور خود سندھ کے حکـــمراں بن گئـــے۔ اس لیــے 1843 سے لیکر 1947 تک کـــے 104 سال سندھ پر انگریزوں کی حکمرانی رھی۔
پاکستان کے 1947 میں قیام کے بعد پاکستان
کا وزیرِ اعظـــم یوپی کـــے اردو بولنـــے والــے ھندوستانــی لیاقت علی خان کے بن جانے سے اور کــراچی کـــے پاکستان کا دارالحکومت بن جانــے کے بعد ستمبر 1948 میں پاکستان کی گورنمنٹ ســـروس میـــں امیـــگرنٹس کے لیے %15 اور کراچـــی کــے لیـے %2 کوٹہ رکھ کر لیاقت علــی خان نـے یوپی ‘ سی پی سے اردو بولنے والے ھندوستانی لا کر کراچی اور سندھ کــے دوسرے بڑے شہروں میں آباد کرنا شروع کر دیـــے اور ھندو سماٹ سندھیوں کو سندھ سے نکالنا شروع کردیا۔ اس عمل کــے دوران سندھ کے مسلمان سماٹ سندھیــوں نے تو مزاھمت کی لیکن عربی نژاد اور بلــوچ نژاد اشــرافیہ نے وزیرِ اعظم لیاقت علی خان کـے ساتھ بھرپور تعاون کیا۔ اس لیے ھی لیاقت علی خان نے سندھ کے سماٹ وزیر اعلی ایوب کھـــوڑو کـو ھٹا کر عربی نژاد پیر الٰہی بخش کــو سندھ کا وزیر اعلی بنا دیا۔ عربـی نژاد پیر الٰہی بخش نے ھندوستان سےلا کـــر کراچــی میـــں آباد کیـــے جانــے والــے مھاجروں کے لیے 1948 میں پہلی کالونی پی آئــی بــی کـــالونی (پیـر الٰہی بخش کالونی) بنائـــی۔ جس کـــے بعد ھنــــدوستان سے لا کر کراچــی میں آباد کیے جانے والے مھاجروں کے لیــے سنــدھ حکــومت کــی ســـرپرستـی میں کالــونیاں بنانــے اور ھنـــدو سـماٹ سندھیوں کــو سندھ سـے نکالنے کا سلسلہ منصوبہ بندی کے ساتھ اور تیزی سے شروع کردیا گیا۔سندھ کـے اصل باشندے ‘ سماٹ سندھی پہلے ھی اکثریت میں ھونــے کـے باوجود ‘ صدیوں سے عربی نژاد اور بلوچ نژاد کی بالادستی کی وجہ سـے نفسیاتی طور پر کمتری کے احساس میں مبتلا تھــے۔ لیکــن ھندو سماٹ سندھیوں کـــو سندھ ســـے نکال دینــے ســے سندھ میں سماٹ سنــدھیوں کـی آبادی بھی کم ھو گئی۔ جس کی وجہ سے سندھ کے شہری علاقوں پر یوپـــی ‘ ســـی پـــی کــــی اردو بولنــــے والی ھندوستانــی اشرافیہ کی اور سندھ کے دیہی علاقــوں پر عــربی نژاد اور بلوچ نژاد اشرافیہ کـــی مکمل سماجـــی ‘ سیاســـی اور مــعاشی بالادستــی قائم ھــو گئــی اور سـماٹ سندھی مستــقل طور پر سماجی ‘ سیاسی اور معاشی بحران میں مبتلا ھو گۓ.

معاشی بدحالی
تحریر : نزرانہ اعوان
سردیوں کی یخ بستہ شام منہ لپیٹےایک مجبور ماں اپنے معصوم بچے کوایدھی سنٹر کےجھولے میں چھوڑ جاتی ہے۔۔۔۔اس سے سوال کیا گیا ؟؟ کہ کیا تجھے تمہاری ممتا ستائے گی نہیں ؟کیا اس بچے کی سسکیاں تجھ کو رولائیں گی نہیں؟ اسکے خشک و زرد ہونٹوں سے آواز آئی۔۔میں اپنا بھوکا پیٹ تو برداشت کر سکتی ہوں لیکن اپنے بچے کو بھوکا روتے نہیں دیکھ سکتی ۔اس پر یہ کہنا لازم ہےکہ.

خاک میں ماں کی محبت کو ملا دیتی ہے
بھوک تہذیب کے آداب بھلا دیتی ہے

دور حاضر میں ہر فرد اس بات پر لڑ رہا ہے کہ ہم اخلاقی بدحالی کا شکار ہیں ۔لیکن میرا یہ دعوٰی ہے کہ ۔۔۔ ہم اخلاقی بدحالی سے زیادہ معاشی بدحالی کا شکار ہیں کیونکہ تاریخی اوراق گواہ ہیں کہ جب جب اخلاقيات تباہی کے دہانے پر پہنچے تو اس کی اصل وجہ معیشت ٹھہری،اور آج کا سب سے بڑا مسئلہ بھی یہی ہے ہمیں چاہیے کہ اس کا جلد از جلد کوئی حل نکالیں،بجائے اس کے کہ ہم چند ووٹوں کے عوض سٹیج پر کھڑے ہو کر بڑی بڑی باتیں کرتے رہیں کیونکہ اخلاقیات ہر لحاظ سے معیشت کی محتاج ہے .
روٹی کے چند ٹکڑوں اور قابل گزارہ دودھ کی قلت، ان دم توڑتے بچوں کا مسئلہ اخلاقیات نہیں معیشت ہےجب ایک مجبور ماں اپنے بچوں سمیت ریل گاڑی سے ٹکرا جاتی ہے تو اس کامسئلہ اخلاقیات نہیں معیشت ہے۔ دو کلو آٹے کےلیے جب ایک بوڑھا ملتان میں نشتر ہسپتال کےباہر اپنا خون بیچتا ہے تو اسکی وجہ اخلاقیات نہیں معیشت ہے ۔جب کراچی کے علاقے لیاری میں رہائش پزیر سلطان نامی عمر رسید آدمی بیروزگای سے تنگ آکر زندگی سے ہاتھ دھو بیٹھے تو اسکا مسئلہ اخلاقیات نہیں معیشت ہے۔ جب ننکانہ صاحب میں 35سالہ فیاض اپنی بچوں سمیت دریا میں کود جائے تو اسکا مسئلہ ہماری معیشت ہے۔جب اک نوجوان مہنگائی کے ہاتھوں اپنے خاندان کی ضررویات زندگی پوری نہیں کر پائے گا تو پھر بے شک وہ چور اور ڈاکو ہی بنے گا۔ ایسے کئی سلطان اورفیاض اب بھی ہمارے معاشرے کاحصہ ہیں لیکن خوش قسمتی یہ ہے کہ ابھی تک انکی ہمت نے دم نہیں توڑا.
یہ زرد چہرے ،پتھريلی آنکھیں، عصمت لوٹاتی بیٹیاں، بھوک سے سسکتے بچے، فٹ پاتھ پر ٹھٹھرتی آدمیت ہماری معاشی بدحالی کامنہ بولتا ثبوت ہیں ۔۔
چہرا بتا رہا تھا کہ مارا ہے بھوک نے
اور لوگ کہہ رہے تھے کہ کچھ کھا کے مر گیا
تنگ دستی بھوک اور بدتر معاشی حالات اعلیٰ اخلاقیات کو پس پشت ڈال دیتے ہیں ۔کوئی بھی انسان اخلاقیات کی بات تو تب کرے گا جب اس کی زندگانی فاقہ کشی اور غم بے روزگاری سے عاری ہوگی. پچھلے کئی برسوں سے پاک وہند کے درمیان مسئلہ کشمیر پر جنگ جاری ہے. ہم اقوام متحدہ میں بار بار اپیل کر رہے ہیں مگر آج تک کوئی امید کی کرن نظر نہ آئی،اب سوال یہ اٹھتا ہے کہ کیا اس کی وجہ ہماری اخلاقی بد حالی ہے ؟
ہرگز نہیں ہے، اس کی وجہ تو ہماری معاشی بدحالی ہے،ہمیں اب یہ بات تسليم کرنا ہوگی بھارت معیشت میں ہم سے بہتر ہے ۔ جس کی وجہ سے وہ بے دھڑک کشمیر پر آج بھی قبضہ کر کے بیٹھا ہے ۔ اور میری گزاش ہے ہمارے معزز حکمرانوں سے کہ آپس کے بحث و مباحثہ اور کرسی کے مفاد کے بجائے ملکی معیشت پر دھیان دیں۔اس بات میں کوئی شک کی گنجائش نہیں کہ دور حاضر میں ہر ملک اپنی اپنی معیشت کا رونا رو رہا ہے کیونکہ کروناوائرس نے تمام ممالک کی معیشت کو تباہ کردیاہے۔اور یہاں تک کہ امریکی معیشت جو کہ دنیا کی ترقی یافتہ معیشت ہے وہ بھی اس موذی وبا کی لپیٹ میں آگئی۔۔۔اور اب ہماری اولین ترجیح بھی معیشت کی بحالی ہونی چاہنے۔ کیونکہ یہ دورسائنس وٹیکنالوجی اورمعیشت میں ترقی کا دور ہے ۔ہمارے ملک کا المیہ تو یہ ہے کہ ہر کوئی فقط کرسی کے حصول تک محدود رہ گیا ہے ۔کوئی بھی اپنی کمزوری کو تسليم نہیں کررہا۔کوئی موجودہ حکومت کو معیشت کی ابتری کاذمہ دار ٹھہراتا ہے،کوئی تمام مسائل کی ہار سابقہ حکومت کے گلے میں ڈال دیتاہے۔اور یہی نہیں کوئی عقل سے عاری تو افواج پاکستان کو ہی نشانہ بنالیتا ہے ۔اب ضرورت اس امر کی ہے کہ ہم آپس کے جھگڑوں سے بالاتر ہو کراپنی معیشت پردھیان دیں.
لیکن اگر اب بھی آپکا دماغ میرے دعویٰ کو ماننے سے انکاری ہے تو میں آپ سے سوال کرتی ہوں۔
کہ جس کا اک ہی بچہ ہو بھوکا آٹھ پہروں سے
بتاؤ اہل دانش تم کہ گندم لے؟ یا تختی لے؟؟

وقت عمران خان سے اور بھی سچ اُگلوائے گا
تحریر: محمد ریاض ایڈووکیٹ
اتوار 30 اکتوبر جی ٹی روڈ مریدکے میں لانگ مارچ شرکاء سے خطاب کرتے ہوئے عمران خان نے کہا کہ نواز شریف کرپٹ ہے، زرداری چور ہے، یہ اسٹیبلشمنٹ نے مجھے بتایا۔ عمران خان نے پاکستانی اسٹیبلشمنٹ کو مخاطب کرتے ہوئے کہا کہ آپ ہی نے نواز شریف اور زرداری پر مقدمات بنوائے تھے اور اسٹیبلشمنٹ ہی نواز شریف اور زرداری کو کرپٹ اور چور کہا کرتی تھی اور اب انہی چوروں اور ڈاکوؤں کا ساتھ دے رہی ہے۔ مسند اقتدار سے آئینی طریقہ کار سے ہٹائے جانے کے بعد عمران خان کی جانب سے پاکستانی عسکری قیادت پر حملوں کا یہ پہلا واقعہ نہیں ہے بلکہ مسند اقتدار سے ہٹائے جانے کے بعد ہر گزرتے لمحے عمران خان کے رویے اور لہجے میں تلخی دیکھنے کو مل رہی ہے۔ لاہور میں یوٹیوبرز سے گفتگو کے دوران وزیر اعظم شہباز شریف سے عمران خان کے لانگ مارچ کے حوالے سے پوچھے گئے سوال پر شہباز شریف کا کہنا تھا کہ ادارے نے سوچا ہوگا عمران خان کو سپورٹ کرتے ہیں شاید پاکستان کی حالت بہتر ہو جائے لیکن جس ادارے نے عمران نیازی کو پالا اس نے اسی کے خلاف زہر اگلنا شروع کر دیا، ڈائن بھی تین گھر چھوڑ کر حملہ کرتی ہے لیکن عمران نیازی نے افواج پاکستان پر تابڑ توڑ حملے کیے۔ انہوں نے کہا کہ دھکا اسٹارٹ گاڑی بھی چل پڑتی ہے مگر عمران خان نہیں چل پائے، عمران خان نے پاک فوج کے جوانوں اور شہدا کو بھی نہیں چھوڑا، لوگوں کے گھر والوں اور بچوں کو بھی نہیں بخشا، میں سمجھتا ہوں کہ جو وطن کا نہیں وہ کسی کا نہیں۔ عمران خان کے بیان کے ردعمل میں ن لیگ کے سینئر رہنما پرویز رشید نے کہا ہے کہ عمران صاحب نے آج ایک اور اعترافِ گناہ بھی کر لیا ہے۔ ایک بیان میں انہوں نے کہا کہ عمران خان نے اعتراف کیا کہ نواز شریف اور جمہوری قیادتوں پر اُن کی بہتان تراشی حقائق پر مبنی نہیں بلکہ آمریتوں کی جانب سے دی گئی ڈکٹیشن تھی۔ ن لیگی رہنما نے مزید کہا کہ جسے عمران خان اپنی 26 سالہ جدوجہد کہتے ہیں آج اسی کو غیروں سے سُنا سُنایا جھوٹ تسلیم کر رہے ہیں۔ پرویز رشید نے یہ بھی کہا کہ ابھی وقت عمران خان سے اور بھی سچ اُگلوائے گا۔ عمران خان کی جانب سے اسٹیبلشمنٹ پر تابڑ توڑ حملوں کے بعد پاکستانی اسٹیبلشمنٹ نے عمران خان کے الزامات کو میڈیا کے سامنے کھل کرباطل قرار دے دیا ہے اور ساتھ ہی عمران خان کے دو رخی اور دو رنگی رویوں کو منظر عام پر لائے ہیں کہ جن مقتدر شخصیات کو آپ دن کی روشنی میں میر جعفر، میر صادق اور غدار قرار دیتے ہیں انہی سے رات کے اندھیروں میں خفیہ ملاقاتیں کرتے ہیں۔ یہ بات طے شدہ ہے کہ پاکستانی سیاسی تاریخ میں کسی بھی سیاسی رہنما کی جانب سے پاکستانی عسکری اداروں کے خلاف جتنے بیانات عمران خان نے دیے ہیں انکی مثال نہیں ملتی۔عمران خان کے یوٹیوب پر بیانات اس بات کی گواہی دیتے ہوئے نظر آتے ہیں۔ اقتدار ملنے سے پہلے اور اقتدار کھو جانے کے بعد عمران خان کے عسکری اداروں کے خلاف بیانات میں مماثلت اتفاقیہ نہیں ہے۔ حیرانی تو اس بات پر ہورہی ہے کہ عمران خان کو مسند اقتدار پر پہنچانے کے لئے اپنا کندھا دینے والوں کو آخر عمران خان کے اندر ایسی کونسی خوبی نظر آئی تھی؟ شہباز شریف کی اس بات میں بہت وزن نظر آتا ہے کہ جس ادارے نے عمران نیازی کو پالا اس نے اسی کے خلاف زہر اگلنا شروع کر دیا، ڈائن بھی تین گھر چھوڑ کر حملہ کرتی ہے۔کیونکہ عمران خان اس بات سے انکار نہیں کرسکتے کہ انکو مسند اقتدار میں پہنچانے میں کس نے کیا کردار ادا کیا۔ اگر عمران خان اس بات کا گمان کرتے ہیں کہ انکی 22 سالہ سیاسی محنت نے انکو ایوان وزیراعظم تک پہنچایا تو یہ مبالغہ آرائی ہوگی۔ کیونکہ عمران خان کی سیاست شوکت خانم ہسپتال اور 1992 کے ورلڈ کپ کی کامیابی کے گرد ہی گھومتی ہے جس کا اظہار آج تک عمران خان اور انکی پارٹی کرتی آئی ہے۔ یاد رہے اگر ان دونوں کارناموں کی بناء پر عمران خان نے وزیراعظم بننا ہوتا تو عمران خان 1996 ہی میں مسند اقتدارپر براجمان ہوچکے ہوتے، آخر اس وقت کی نوجوان نسل اور پوری پاکستانی قوم جس نے عمران خان کے ان دونوں کارناموں کو اپنی آنکھوں کے سامنے شرمندہ تعبیر ہوتے ہوئے دیکھا تھا، عمران خان کو اک قومی ہیرو کے طور پر تو قبول کیا لیکن انتخابات میں وزیراعظم پاکستان کے عہدے کے لئے ناقابل قبول شخصیت قرار دے کر انتخابات میں مسترد کیوں کیا؟ مریدکے میں عمران خان کا اسٹیبلشمنٹ کے خلاف بیان خود انکے کردار کی نفی کرتا دیکھائی دیتا ہے۔ کیونکہ مشرف کے سب سے بڑے حامی کے طور پر عمران خان منظر عام پر آئے تھے۔ یاد رہے نواز شریف کے خلاف مشہور زمانہ پانامہ کیس خود عمران خان نے نواز شریف کے دور اقتدار ہی میں سپریم کورٹ میں دائر کیا تھا۔ عمران خان کے دور اقتدار میں ن لیگ اور پی پی پی قیادت کے خلاف مقدمات اور گرفتاریاں ہوئیں۔ اور مریدکے میں عمران خان کے اعترافی بیان کہ نواز شریف،مریم نواز سمیت ن لیگی اور پی پی پی قیادت کے خلاف پانامہ کیس اور اپنے دور اقتدار میں دیگر مقدمات عمران خان نے اسٹیبشلمنٹ کے کہنے پر دائر کروائے تھے؟۔درحقیقت عمران خان کو اسٹیبلشمنٹ پر غصہ ”غیر سیاسی“ ہونے پرہے۔ ویسے عمران خان کتنے بھلکر ہیں جو اپنے بیانات، اعلانات بھول جاتے ہیں یا پھر میرے کپتان بہت ہی بھولے بھالے ہیں جن کو یہ پتا ہی نہ چلا کہ وہ اسٹیبلشمنٹ کی کٹھ پتلی بن کر پونے چار سال اقتدار کے مزے اُڑاتے رہے(کیونکہ عمران خان کے بیانات آن ریکارڈ ہیں کہ وہ بے اختیار تھے)۔ ایک بات طے شدہ ہے کہ پی ٹی آئی کے چیرمین عمران خان کی سیاسی زندگی قول و فعل کے تضادات سے بھرپور ہے۔