Category: بلاگ

‏

"تھکن اور اسکی وجوہات” میں پہلے ایک آرٹیکل میں تفصیل سے لکھ چکی ہوں آج اسکا حصہ اس دوسرا آرٹیکل میں لکھ رہی ہوں

جب میں اپنی توجہ کسی کام پہ مرکوز کرتے ہیں تو ہم کوشش کرتے ہیں کہ ہمارے کندھے جکڑے ہوئے ہوں اور ہمارے مسلز  کسی نہ کسی طرح سے حرکت میں ہوں حالانکہ ہمارے ذہنی کام سے باقی جسم کے مسلز کی حرکت کا کوئی تعلق نہیں ہے

اب ہم تھکن سے نجات کیسے پا سکتے ہیں؟

"اس کا ایک آسان سا حل ہے کہ اپنے کام کے دوران پر سکون  رہنا سیکھیں ” یہ اپنا مشکل بھی نہیں ہے جتنا آپ سمجھ رہے ہیں اور سوچ رہے ہیں جس طرح ٹینشن لینا ایک عادت ہے ویسے پر سکون رہنا بھی ایک عادت ہے اور اچھی عادتیں تب ہی بنتی ہیں جب بری عادتیں ہم چھوڑ دیتے ہیں 

آپ کوئی کتاب پڑھنا شروع کریں اور جب ایک صفحہ پڑھ لیں تو اپنی آنکھیں بند کریں اور دل ہی دل میں دہرائیں "جانے دو،جانے دو،ختم کرو یہ ٹینشن اور ختم کرو اپنے ماتھے کے بل جانے دو جانے دو ساری پریشانیوں کو جانے دو” اسے ایک منٹ کےلئے آہستہ آہستہ دہرائیں  آپ محسوس کریں گے کہ چند سیکنڈز کے بعد آپکی آنکھوں کے مسلز  آپکے اس حکم کی تعمیل کر رہے ہیں یہ پرسکون ہونے کی سب سے بڑی تکنیک ہے ایسا ہی آپ اپنے جبڑوں کو کرسکون کرنے کےلئے کر سکتے ہیں،چہرے ،گردن اور کندھے کے مسلز بھی آپ اس تکنیک کو استعمال کرکے ریلیکس کر سکتے ہیں لیکن اسکے لیے سب سے اہم عضو آنکھ ہے  یونیورسٹی اور چیکاگو نے یہ ریسرچ کی ہے کہ اگر آپ صرف اپنی آنکھوں کے مطابق مسلز کو مکمل طور پہ ریلیکس کرنے میں کامیاب ہو جاتے ہیں تو آپ اپنی تمام تر  مشکلات بھول سکتے ہیں جسکی وجہ یہ ہے کہ آنکھیں نروس ٹینشن دور کرنے کےلئے بہت اہم کردار ادا کرتی ہیں کیونکہ  ہمارے جسم کی پیدا کردہ نروس انرجی کا  1/4 حصہ یہ استعمال کرتی ہیں

آپ سب سے پریشان کن لمحات میں بھی ریلکس کر سکتے ہیں خود کو پر سکون کرنے کےلئے کوئی کوشش نہ کریں کیونکہ سکون "پریشانی اور جہد مسلسل کے نہ ہونے کا نام ہے” یہ تصور کریں کہ آپکے چہرے اور آنکھوں کے مسلز ریلیکس ہیں اور "اس انرجی کو محسوس کریں کو آپکے چہرے سے اپکے کے جسم کے وسط تک حرکت کر رہی ہے اور اسی دوران وہ آپکی تمام پریشانی ختم کر رہی ہے اور آپ ایک بچے کی طرح پرسکون ہیں ”

پرسکون رہنے کے مزید چند طریقے میں آپ لوگوں کو بتاتی ہوں 

1۔اگر آپ واقعی میں پرسکون رہنا چاہتے ہیں تو کیا آپ نے کبھی کسی بلی ہوئے سوتے ہوئے دیکھا ہے؟ وہ کسطرح اپنے جسم کو ڈھیلا چھوڑ کر ہر طرح سے پرسکون ہو کر سوتی ہے ویسے  ہی آپ بھی اپنے جسم کو ڈھیلا چھوڑیں اپنے دماغ کو خالی اور کچھ دیر کے لیے سکون سے لیٹ جائیں

2۔اس پوزیشن میں کام کریں جس میں آپ خود کو پرسکون محسوس کر رہے ہوں کیونکہ جسم میں تناؤ سے کندھوں سے مسلز اکڑ جاتے ہیں

3۔خود کا دن میں 3 سے 4 دفعہ محاسبہ کریں اور سوچیں کہ کہیں آپ اپنے کام کو اس سے زیادہ مشکل تو نہیں بنا رہے جتنا کہ وہ حقیقت میں نہیں ہے دیکھیں کہ کیا آپ اپنے مسلز کا بلاوجہ استعمال کرکے اپنے لیے تھکن پیدا تو نہیں کر رہے؟ اگر ایسا ہے تو اسے ٹھیک کریں

4۔دن کے اختتام پہ دربارہ اپنا محاسبہ کریں  اور خود سے پوچھیں کہ آپ کتنے تھکے ہیں؟اگر آپ تھکے ہیں تو  آپ اپنے کام کی وجہ سے نہیں بلکہ خود پہ ذہنی دباؤ کی وجہ سے تھکے ہیں اور آپکا اس کام کو سر انجام دینے کا طریقہ غلط تھا اس وجہ سے بھی آپ تھکے ہیں

ان چند باتوں پہ عمل کرکے آپ نہ صرف ہائپر ٹینشن سے بچ سکتے ہیں بلکہ  ٹنشن ،نروس بریک ڈاؤن سے بھی بچ سکتے ہیں

‎@HusnHere

‏اسلامی فلاحی ریاست اور جمہوریت

ایک ایسا نظام جس میں عوام براہ راست اپنے منتخب نمائندوں کے ذریعے حکومت کے معاملات میں شرکت کرسکتی ہے، اس نظام حکومت کو ہم جمہوریت کہتے ہیں۔جمہوریت میں طاقت کا سرچشمہ عوام ہوتی ہے یعنی عوام کے پاس وہ طاقت ہے جس سے وہ جب چاہے اپنی منتخب حکومت کو گرا بھی سکتی ہے اور اس سے بنا بھی سکتی ہے یعنی پوری پوری طاقت عوام کی ہی ہے۔ جمہوریت کو سادہ الفاظ میں عوامی حکومت سے کہا جاتا ہے اور جمہوری نظام میں اس بات کا دعوٰی کیا جاتا ہے کہ اقتدار کی اصل مالک عوام ہے۔ آج کل ہر انسان کی زبان پر یہ لفظ گردش کرتا نظر آتا ہے کہ اگر ملک میں امن و امان قائم کرنا ہے، اگر ملک کو ترقی کے زینے پہ استوار کرنا ہے تو پھر جمہوریت کو فروغ دینا ہوگا، ملک میں جمہوریت کے نظام کو قائم کرنا ہوگا۔ جمہوریت دراصل ایک آزاد سوچ کی بنیاد ہے جہاں ہر شخص کو اختیار ہوتا ہے کہ وہ رازداری کے ساتھ اپنی مرضی سے  جس کو چاہے ووٹ کے ذریعے کرسکے۔
جمہوریت کے نظام کی ابتداء اسلام کے دور حکومت سے ہوئی تھی۔ آج بھی برطانیہ کی پارلیمنٹ میں حضرت عمر رضی اللہ تعالٰی عنہ کے ٹیکس اور عدل و انصاف کے نظام کی پیروی کی جاتی ہے۔ جمہوریت اس ملک میں عائد ہوسکتی ہے جہاں حق اور سچ کی بات کی جاسکے۔ جس ملک میں جمہوریت ہو اس میں وقفے وقفے سے انتخابات ہوتے ہیں۔ یہ جمہوریت کی پہلی نشانی ہوتی ہے، اور جمہوریت کی دوسری نشانی یہ ہے کہ اس میں حکومت صرف پانچ سال کی ہوتی ہے اور پانچ سال گزرنے کے بعد حکومت کا بدلنا لازمی ہوتا ہے۔ حکومت کا بدلنا یعنی پھر سے نئی حکومت کا آنا ہوتا ہے۔ جمہوریت کی تیسری نشانی سیاسی جماعتیں ہوتی ہیں یعنی جس ملک میں جمہوریت ہوتی ہے اس ملک میں سیاسی جماعتیں کثیر تعداد میں ہوتی ہیں۔ کسی بھی ملک کی ترقی کا انحصار جمہوریت پر ہوتا ہے کیونکہ جب ایک حکمران بذات خود غریب کا بیٹا ہو تو اس سے احساس ہوگا کہ ہمارے ملک میں غریب کی ضروریات کیا ہیں، سڑکوں کیبجائے صحت، روزگار، تعلیم کی ذیادہ ضرورت ہے اور اگر بادشاہ کے بیٹے کو حکمرانی کا تاج پہنا دیا جائے تو وہ غریب کی غریبی مٹانے کیبجائے اپنی عیاشی کے سازوسامان پر توجہ دے گا۔ہمارے ملک کے نظام میں 74 سال سے یہی روش نظر آرہی ہے۔ ہمارے ملک میں غریب کا پارٹی بنانا تو دور کی بات ہے وہ ایک ممبر کی سیٹ بھی حاصل نہیں کرسکتا کیونکہ جمہوریت دولت کی محتاج ہے۔ ہماری سوچ بھی ایسی ہے کہ پیسوں والے حکمرانوں کی تو قدر کرتے ہیں لیکن تعمیری سوچ اور تعمیری کام کرنے والے لوگوں کو ہم موقع نہیں دیتے۔ ہمارے ملک کی جمہوریت پیسہ، غنڈہ گردی، جھوٹ اور دھونس پر مبنی ہے کیونکہ جب ہمیں کسی تھانے کچہری یا کوئی غیر قانونی کام کی ضرورت پیش آئے تو یہی جمہوری حکمران ہمارے کام کو انجام دینے میں مدد کرتے ہیں اس لئے ہم ان کی چاپلوسی بھی کرتے ہیں۔ ہماری جمہوریت سرمایہ داروں اور جاگیرداروں کے گھر کی لونڈی ہے۔ یہ جمہوریت اور آئین کا ماڈل ہمیں مغرب نے دیا ہے جبکہ ہمارے حکمرانوں نے کبھی اسلام طرز کی جمہوریت استوار کرنے کی کوشش ہی نہیں کی اور نہ ہی کرنا چاہتے ہیں بلکہ یہ آمریت اور بادشاہت کو مضبوطی سے تھامے ہوئے ہیں کیونکہ اس میں ہی ان کو فائدہ ہے
اصل میں مسلمانوں کو جمہوریت سے دور رکھنے کی کوشش کی گئی اور اس سازش میں سب سے نمایاں کردار مسلمان حکمرانوں نے ادا کیا جو عوام کی آزادی کو اپنے لیے شدید خطرہ سمجھتے ہیں، ورنہ حقیقت میں اسلام نے جمہوری نظام حکومت کا بہترین ماڈل پیش کیا ہے جس کی بنیادیں انسانی آزادی، مساوات، جان و مال کا تحفظ اور فلاحی ریاست مقرر کی گئی ہیں۔ مسلمان اسلام کی بنیاد پر جمہوریت کا اپنا ماڈل بنا سکتے ہیں۔ لیکن اصل سوال یہ ہے کہ کیا واقعی ہمارے حکمران عوام کو جمہوری نظام دے کر انہیں سوچنے اور سمجھنے کی آزادی دینا چاہتے ہیں۔ اسلام نے انفرادیت کے مقابلے میں اجتماعیت پر زور دیا ہے تاکہ متفقہ رائے سے معاشرے کی نمائندگی اور مسائل کا حل تلاش کیا جاسکے۔ قرآن میں بار بار اس کا ذکر ہے کہ اللہ کو انصاف سے لگاؤ ہے اور انصاف کرنے والوں پر اس کی عنایت ہے جس کی بدولت انصاف پر مبنی معاشرے کی تشکیل پر زور دیا گیا ہے۔
اگر ہم پاکستان کی ترقی چاہتے ہیں تو ہمیں بدلنا ہوگا خود کی سوچ کو بدلنا ہوگا تب جاکر اس ملک کا حکمران بدلے گا اور صحیح حکمران آئے گا اور تب جاکر ہمارا ملک ترقی کرے گا۔

Tweets ‎@KharnalZ

‏

آج کے معاشرے پر نظر دوڑائی جائے ایسے لگتا ہے کہ انسان معاشرے کے وہ خوبصورت ادب و آداب سے بلکل ناواقف ہوگیا ہے جو ایک خوبصورت معاشرے کی پہچان ہوتی ہے۔ کیوں کہ ایک معاشرے کی خوبصورتی اس معاشرے میں رہنے والوں لوگوں کی آداب ہے۔ اگر کسی معاشرے میں اس کی کمی ہوگی تو پھر اس معاشرے میں عدم برداشت جیسے برائیاں جنم لیں گی۔ عدم برداشت جیسی برائی نا صرف ہمارے معاشرے کو بہت نقصان پہنچا رہی ہے بلکہ معاشرے کی خوبصورتی کو چھین رہی ہے۔

آپ اس کا اندازہ اس بات سے لگا سکتے ہیں کہ تقریباً ہر روز کوئی نا کوئی خبر ضرور آتی ہے کہ بیٹے نے اپنے والدین کو قتل کیا یا بھائی نے اپنی بہن کو قتل کیا یا شاگرد نے اٹھ کر اپنے استاد کو قتل کیا جسکو روحانی باپ کا درجہ دیا گیا ہے۔ تو کہی سے یہ خبر آ رہی ہوتی ہے کہ مخالفین نے فائرنگ کرکے قتل کیا۔ ہماری سیاست پر بھی اگر نظر دوڑائی جائے تو کردار کشی سے لے کر ماں بہن کی گالیاں تک کی نوبت آجاتی ہے۔

اگر ہم مسلمانوں کی بات کی جائے تو یہاں یہ حال ہے کہ اپنے رب کیطرف سے امتحان میں صبر کرنے کی بجائے اُلٹا اس رب سے شکوہ کرنا شروع کرتے ہیں اور اپنے شکووں اور شکایتوں کی ایک طویل فہرست باندھ دیتے ہیں بجائے اس کے کہ ہم تحمل اور شکر سے کام لے۔ اس ہی عدم برداشت کی نتیجے میں ہم اپنے دین کے احکامات تک بھول چکے ہیں۔

پہلے معاشرے میں خوشحالی کی وجہ ہی یہی تھی لوگوں میں برداشت تھا سب برداشت سے کام لیتے تھے لیکن آج برداشت کی بجائے اینٹ کا جواب پتھر سے دیتے ہیں اور اس پر فخر محسوس کرتے ہیں یعنی اس کی ایک وجہ جاہلیت بھی ہے۔ معاشرے میں برداشت کی بہت کمی آنے سے بہت ساری برائیاں جنم لے رہی ہیں جو معاشرے خوبصورتی کی تباہی کا باعث ہے۔

عدم برداشت آجکل مسلمانوں کے معاشرے کی خوبصورتی کو بھی نگل گیا ہے حالانکہ ہم اس نبی ﷺ کو ماننے والے ہیں جن پر طائف کے لوگوں پتھر برسائے۔ جس سے آپ ﷺ لہولہان ہو گئے تھے ۔ لیکن برداشت کا یہ عالم تھا آپ ﷺ نے کبھی ان کیلئے بد دُعا تک کیلئے بھی ہاتھ نہیں اٹھائے بلکہ اللہ تعالیٰ سے یہ دعا مانگی کہ اللہ انکو ہدایت کا راستہ نصیب فرمائے۔ ہم اس نبی ﷺ کو ماننے والے ہیں جہنوں نے فتح مکہ پر اعلان کرکے سب دشمنوں کو طاقت رکھنے کی باوجود بھی معاف فرمایا۔ ہم اس نبی ﷺ کو ماننے والے ہیں جنہوں نے اپنے پیارے چچا حضرت حمزہ رضی اللہ تعالیٰ عنہ کے قاتل کو معاف فرمایا لیکن اس کے باوجود بھی ہم اپنے نبی ﷺ کی سنت مبارک ، اللہ کے احکامات کو بھول گئے ہیں۔

آج ہمارے پیارے وطن پاکستان میں بدعنوانی سے لے کر قتل تک جتنے بھی جرائم ہو رہے ہیں تو اس کی وجہ عدم برداشت ہے۔ اپنی لائن میں کھڑے ہو کر انتظار کرنے کی بجائے رشوت دے کر کام کروا دیتے ہیں جیسے کئی مسائل جنم لیتے ہیں ۔ کسی کو معاف کرنے کی بجائے بڑھ چڑھ کر اسکو گالیاں دیتے ہیں جو لڑائی سے لے بات قتل تک چلی جاتی ہے ان سب برائیوں کی جڑ ایک ہی ہے اور وہ عدم برداشت ہے۔

ہم اپنے نظریات سے لے کر اپنے عقائد تک دوسروں پر ذبردستی سے مسلط کرنا چاہتے ہیں حالانکہ ہمارا رب خود فرماتا ہے کہ ہدایت کا راستہ نصیب کرنے کا اختیار صرف اس ہی کے پاس ہے

اگر ہم کسی پر زبردستی اپنی رائے یا اپنے نظریات مسلط کرنا چاہیں گے تو رد عمل بھی ہماری مرضی کا نہیں آئے گا بلکہ وہ بھی رد عمل میں عدم برداشت سے ہی کام لے گا

اسلئے ہمشیہ ہمیں چاہیے کہ معاشرے کی خوبصورتی کو برقرار رکھنے کیلئے برداشت سے کام لیا جائے اور اپنے رب اللہ کے بتائے ہوئے احکامات کی پیروی کرے جو ہمارے تک ہمارے پیارے نبی ﷺ  کی سنت کی شکل میں پہنچے ہیں ۔ معاف کرنے والوں میں بن جائیں ۔ ایک دوسرے کا احترام کرنے والے بن جائیں ۔ ایک دوسرے کی بات سننے والے بن جائیں تب ہی ہمارے معاشرے کی خوبصورتی لوٹ آئے گی اور اس معاشرے سے تمام برائیوں کا خاتمہ ممکن ہو پائے گا۔

Twitter; ‎@LaaybaTariq

‏

14 اگست

کو گریٹر اقبال پارک میں پیش آنے والے سانحے کے بارے میں سوشل میڈیا سے معلوم پڑا جس نے نا صرف مجھے بلکہ ہر اس شخص کو جھنجھوڑ کر رکھ دیا جو سینے میں اس قوم و ملت کا درد رکھتا ہے

اور اس ملک کو مہذب اقوام کی فہرست میں سب سے اوپر دیکھنا چاہتا ہے اور اللہ کے حضور سجدہ ریز ہو کر دعا کرتا ہے کہ نا صرف اس ملک کی ماؤں، بہنوں اور بیٹیوں کو اپنے حفظ و امان میں رکھے بلکہ بھائیوں اور بیٹوں کو بھی نیک اور صالح بنا دے

سب کو اسلام کی حقیقت نصیب فرما دے

اس سانحے کو ایک وسیع تناظر میں دیکھنے کی ضرورت ہے

اول یہ کہ ہمارے ہاں بہت سے ہیرے بھی پائے جاتے ہیں جو اخلاص و اخلاق کے اعلیٰ درجوں پر فائز ہیں

لیکن ایسے درندوں اور ناعاقبت اندیشوں کی بھی بھر مار ہوتی چلی جا رہی ہے

جن کی وجہ سے آئے دن سر شرم سے جھک جاتے ہیں اور اخلاقی پستی کی دگرگوں حالت کو دیکھ کر دل کڑھتا بھی ہے

کچھ لوگوں کو سنتے پایا گیا کہ شکر ہے اللہ نے بیٹی نہیں دی کچھ نے تو یہ دعائیں بھی مانگیں کہ یا اللہ کبھی بیٹی نا دینا

کیسی احمقانہ سوچ اور اپروچ ہے

ایک بیٹی کا باپ ہوتے ہوئے کیا اب میں پچھتاؤں کہ اے اللہ مجھے بیٹی کیوں دی

ہر گز نہیں!

بیٹیاں اللّٰہ کی رحمت ہوتی ہیں اور رحمت کے حصول پر کبھی نادم و نالاں نہیں ہوا جاتا

ہاں مگر میں اور آپ، ہم سب، جو مل کر ایک معاشرہ بناتے ہیں۔ ہمیں اس کی اصلاح ، تزکیہ و تطہیر کی ضرورت ہے

ہم سب کو مل کر ذمہ داری لینی ہو گی

لیکن سب سے بڑی ذمہ داری اور حق اساتذہ کا ہے

نہایت افسوس سے کہنا پڑتا ہے کہ ہمارا استاد صرف معلم رہ گیا

مربی نا رہا

تعلیم کا پیشہ ایک پیغمبرانہ پیشہ ہے

لیکن یہ ہر گز معلوم نا تھا کہ کیسے کیسے بگڑے لوگ استاد بنے بیٹھے ہیں

جنہیں بس اپنی دنیا کی فکر لاحق ہے، جن کے لیے صرف اور صرف اپنے مفادات معنی رکھتے ہیں اور دوسرے ان کے لیے صرف عوام ہیں۔ لاہور بورڈ کے جاری پیپرز نے رہی سہی کسر بھی نکال دی ہر طرف ایسا عملہ لگایا گیا جو پورے کا پورا

سینٹربیچتے رہے۔ تعلیم کا بیڑا غرق کر دیا گیا ہے

یہ لوگ کیسے تربیت کریں گے؟

استاد سکول میں بیٹھ کر بھی نہیں پڑھاتے ۔ یہ خود اتنا بگڑ چکے کہ انہیں خود اصلاح کی ضرورت ہے، یہ کیا اصلاح کریں گے؟

1993, 1997

میں

ایک کاغذ کا ٹکڑا ، جسے ڈگری کہا جاتا ہے

 کے بل بوتے پر آگے آنے والے یہ سفاک لوگ، جو اکثر و بیشتر جعلی طور پر بھرتی ہوئے انہیں اس قوم کی تربیت سے کیا غرض ہو سکتا تھا

جو دوسروں کا حق سلب کر کے آگے آئے ہوں ان کے سینوں میں اس قوم کی فکر کیوں کر ہو گی؟

رہی سہی کسر ہیڈ ماسٹر صاحبان پوری کر دیتے ہیں، اساتذہ کو وہ اپنا ذاتی ملازم سمجھتے ہیں اور اگر کوئی اچھا استاد ، ا چھا کام کرنے والے، پڑھانے والے ہوں تو انہیں اپنے ذاتی کاموں یا محکمے کے دیگر فضول کاموں میں الجھا دیا جاتا ہے 

اس زوال کا جتنا ذمہ دار اساتذہ ہیں اتنا ہی یہ محکمہ تعلیم بھی ہے جس کے لا ابالی تشخص اور اس کے نااہل کرتا دھرتا ، وزیرِ تعلیم سے لے کر سیکرٹری، ان سے سی ای اوز اور ان سے لے کر نچلے درجے کے تمام تعلیمی افسران شامل ہیں جو پالیسی سازی کے وقت حقائق کو نظر انداز کرتے ہیں اور محض تصوراتی پالیسیاں بنا کر تعلمی نظام کا مزید بیڑا غرق کرتے چلے جا رہے ہیں

خدارا اس قوم پر رحم کیجیے اور اپنے تمام تر فیصلوں پر نظر ثانی کیجیے

اساتذہ کو ذمہ داری خوش اسلوبی اور اپنے مقام پر آزادی سے کام کرنے دیجئے

سکولوں میں نظم و ضبط کا معیار بلند کروائیے اور کتابوں سے ہٹ کر تربیت پر زور دیجئے

معاشی زبوں حالی تو دور ہو ہی جاتی ہے مگر اخلاقی پستی جاتے جاتے جاتی ہے

والدین ، بھی اپنی ذمہ داری کا ادراک کرتے ہوئے بچوں کی تعلیم کے ساتھ ساتھ ان کی اخلاقی تربیت بھی کرتے رہیں کہ ہم سب مل کر ہی ان خرافات سے چھٹکارا حاصل کر سکتے ہیں

اللہ تعالیٰ ہم سب کو سمجھ عطا فرمائے اور قوم و ملت کی فکر ہمارے سینوں میں بیدار کرے کیونکہ بہتری یقیناً آسکتی ہے، اگر تمام متعلقہ فریقین اپنا قبلہ درست کر لیں

ذرا نم ہو تو یہ مٹی بڑی زرخیز ہے ساقی!

Twitter Handle: ‎@amfahadali1