Category: بلاگ

دنیا میں بہت سی بیماریاں ہیں لیکن ڈپریشن ایک ایسی بیماری ہے جو انسانی وجود کو گھن کی طرح کھا رہی ہے ۔۔ہم آئے روز
اخبارات میں،اپنے اردگرد بہت سے ایسے واقعات دیکھتے اور سنتے ہیں۔۔
"کبھی کوئی بچہ امتحان میں ناکامی پر موت کو گلے لگا رہا ہے تو کبھی کوئی نام نہاد عشق میں ناکامی پر آہ بھر کر زندگی کو
ناکام سمجھ کر موت کی آغوش میں جا سوتا ہے”۔۔
” کیا زندگی اتنی سستی ہے” ؟ ۔۔
ہمیں سوچنا ہے اور جاگنا ہے اس غفلت کی نیند سے جس میں ہم ڈوبے ہوئے ہیں اور ہماری نئی نسل تباہی کے دہانے پر جا
پہنچی ہے۔
خود کشی کے بڑھتے واقعات ہمیں توجہ دال رہے ہیں کہ ہم اپنی نئی نسل کی تربیت کرنے میں ناکام ہو رہے ہیں۔۔
ہمارے بچے حتی کی اب نوجوان طبقہ بھی ڈپریشن کی زد میں آکر ایک ہی راستہ چنتا ہے اور وہ ہے موت۔۔
ایسا کیوں ہے کیا ہمارے معاشرتی رویے اس طرح کے ہیں؟۔۔کیوں خودکشی کی تعداد میں اضافہ ہو رہا ہے؟۔۔
ڈپریشن کی بیماری عام ہے۔۔
"آج ہم ان وجوہات پر غور کریں گے جو ڈپریشن کی وجہ بنتی ہیں اور نتیجہ موت کی صورت نکلتا ہے۔۔۔
بچوں کو ڈپریشن سے محفوظ رکھنے کا طریقہ انھیں تعلیم کے ساتھ کھیل کود اور صحت مند سرگرمیوں میں شامل کرنا ہے اس
کے عالوہ وقتاً فوقتاً شرتی تربیت بھی کرنی چاہیے۔۔انھیں وقت کی گردش میں موجود خم دار رستوں پر چل ان کی اخالقی و معا
کر منزل کی تالش سکھانی چاہیے”۔
"ہمیں ضرورت ہے ہم اپنے بچوں کو سوشل میڈیا کی نام نہاد سرگرمیوں سے دور رکھیں ۔۔ان کی تربیت اس طرح کریں کہ ان کو
کوئی مشکل ،مشکل نہ لگے اور وہ کامیابی سے اپنے رستے کی طرف بڑھ جائیں”۔۔۔
انھیں بتانا چاہیئے وہ کسی ناکامی کو اپنے ذہن پر سوار مت کریں بلکہ مشکل سے رستہ نکال کر آگے بڑھ جائیں۔۔
ڈپریشن کی ایک اور وجہ نوجوان نسل میں بڑھتی ہوئی بے راہ روی بھی ہے ۔۔اس میں کوئی شک نہیں کہ سوشل میڈیا کے بے
حد استعمال نے ہماری زندگیوں کو جھگڑ دیا ہے۔بعض لوگ سوشل میڈیا کی وجہ سے اتنے زیادہ اپنی راہ سے ہٹ کر بے راہ
روی کی طرف بڑھ جاتے ہیں کہ نتیجہ موت کی صورت نکلتا ہے۔۔
"ڈپریشن کی ایک اور وجہ زندگی کا جمود ہے کبھی کبھی زندگی میں ایسے لمحے موجود ہوتے ہیں جو بلکل اس پانی کی طرح
ہوتے ہیں جو ساکن ہوتا ہے اور پھر اس کو کائی لگ جاتی ہے اس طرح اگر انسانی زندگی بھی جمود کا شکار ہو تو اس کو بھی
کائی لگ جاتی ہے اور یہ کائی انسانی وجود کو کھا جاتی ہے اور بعض اوقات نتیجہ خودکشی کی صورت نکلتا ہے”۔۔۔
"زندگی ایک بہتے ہوئے پانی کی طرح ہونی چاہیئے کیونکہ ٹھہرے ہوئے لمحے اور منجمد پانی موت کی عالمت ہے اگر زندہ
رہنا ہے تو چلتے رہنا ہے ۔۔چھوٹے چھوٹے قدم ہی سہی لیکن قدم اٹھاتے رہنا ہے اسی میں انسانی وجود کی بقا ہے”۔۔
"ہمیشہ ایک بات کا یاد رکھیں اگر کوئی رشتہ آپ سے چھن گیا یا دور ہو گیا ہے تو اس کی ایک ہی وجہ ہے کہ آپ ایک بہتر
رشتے کے حقدار ہیں۔۔۔اس لئے خود کو اذیت مت دیں”۔۔
آپ کو ہمیشہ وہ ہی ملتا ہے جس کے آپ حقدار ہوتے ہیں۔۔۔۔اس لئے خودفریبی سے بچیں۔۔۔
خودکشی کی ایک اور وجہ نوجوان نسل کا چاہتوں اور محبتوں کی ڈور میں الجھنا بھی ہے ۔۔
"ہمیں یاد رکھنا کہ محرم رشتوں کی محبت کبھی نامحرم رشتوں کی محبت پر حاوی نہیں ہوتی وہ محبت نہیں ایک دھوکا •
ہوتا ہے جو ہم خود کو خود ہی دے رہے ہوتے ہیں۔۔محبت وہ ہے جو آسمانوں میں حیا کے نور سے لکھ کر عزت کی
چادر میں لپیٹ کر ہمیں ایسے سونپی جاتی ہے جو ہمیں معتبر کر دیتی ہے اس لئے جھوٹی اور فریبی محبتوں سے خود
کو بچائیں”
کوشش کریں اپنے اردگرد موجود الجھے لوگوں کو خود سے جوڑ کر حرام موت سے بچائیں اسی میں بقا ہے, اسی میں زندگی۔

‏
سگریٹ نوشی ایک بد ترین لت ہے جو سرطان ، فالج، اور امراض قلب کا سبب ہوتی ہے، اس لت سے پیچھا چھڑانا مضبوط ترین قوت ارادی کے مالک افراد کے بھی بس کی بات نہیں ہوتی۔ مگرسگریٹ نوشی کے نقصانات کم کرنے کیلٸے کچھ عادتیں اپنا کر خود کو اس لت سے آزاد کرواسکتے ہیں ۔

جس جگہ سگریٹ نوشی کا اشتہار دیا گیا ہوتا ہے وہیں اس سے بچنے کیلٸے طریقے بھی بتائيں جاتے ہیں جسے بری طرح سے نظر انداز کر دیا جاتا ہے، سگریٹ نوشی چھوڑنا ممکن نہیں مگر منصوبہ بندی کے تحت اس لت سے جان چھڑانا ناممکن بھی نہیں ہے ، ہر آنے والے دن کے ساتھ سگریٹ کی تعداد کم کر کے اس سے جان چھڑائی جا سکتی ہے۔ ایک بار ایسا کرنے کی کوشش کریں اور پھر دیکھیں آپ کی صحت پر کس حد تک مثبت اثرات مرتکب ہوتے ہیں

تو پھر کیا سگریٹ نوشی کی لت سے چھٹکارا چاہتے ہیں؟ اگر ہاں تو یہ چند مفید نکات اس حوالے سے بہت مددگار ثابت ہوں گے۔

١- تمباکو نوشی چھوڑنے کا منصوبہ بنائيں اور سگریٹ چھوڑنے کی تاریخ طے کریں۔. اگلے دو ہفتوں کے اندر ایک تاریخ کا انتخاب کریں ، لہذا آپ کے پاس چھوڑنے کی ترغیب کھوئے بغیر تیاری کرنے کے لئے کافی وقت ہے۔. اگر آپ بنیادی طور پر کام پر سگریٹ نوشی کرتے ہیں تو ، ہفتے کے آخر میں چھوڑ دیں ، لہذا آپ کے پاس تبدیلی کے مطابق کچھ دن باقی ہیں۔.

٢- کنبہ ، دوستوں ، اور ساتھی کارکنوں سے کہو کہ آپ چھوڑنے کا ارادہ رکھتے ہیں۔اپنے دوستوں اور اہل خانہ کو تمباکو نوشی چھوڑنے اور ان سے یہ بتانے کے اپنے منصوبے پر عمل کرنے دیں کہ آپ کو ان کے تعاون اور حوصلہ افزائی کی ضرورت ہے۔. ایک ایسے دوست دوست کی تلاش کریں جو تمباکو نوشی کو بھی روکنا چاہتا ہو۔. آپ ایک دوسرے کو مشکل وقت سے گزرنے میں مدد کرسکتے ہیں۔.

٣-ان چیلنجوں کا اندازہ لگائیں اور ان کا منصوبہ بنائیں جن کو چھوڑتے وقت آپ کو سامنا کرنا پڑے گا۔.زیادہ تر لوگ جو دوبارہ سگریٹ نوشی شروع کرتے ہیں وہ پہلے تین مہینوں میں ایسا کرتے ہیں۔. آپ عام چیلنجوں ، جیسے نیکوٹین کی واپسی اور سگریٹ کی خواہشوں کے لئے آگے کی تیاری کرکے اپنے آپ کو اس میں مدد کرسکتے ہیں۔.

٤- سگریٹ اور تمباکو کی دیگر مصنوعات کو اپنے گھر ، کار اور کام سے ہٹا دیں۔.اپنے تمام سگریٹ ، لائٹر ، اشٹری اور میچ پھینک دیں۔. اپنے کپڑے دھوئے اور کسی بھی ایسی چیز کو تازہ کریں جس سے دھواں کی طرح بو آ رہی ہو۔. اپنی کار کو شیمپو کریں ، اپنے دالیں اور قالین صاف کریں ، اور اپنے فرنیچر کو بھاپیں۔.

٥-سگریٹ چھوڑنے میں مدد حاصل کرنے کے بارے میں اپنے ڈاکٹر سے بات کریں۔آپ کا ڈاکٹر انخلا کی علامات میں مدد کے لیے دوائیں لکھ سکتا ہے۔. اگر آپ ڈاکٹر کو نہیں دیکھ سکتے ہیں تو ، آپ اپنی مقامی فارمیسی میں کاؤنٹر پر بہت ساری مصنوعات حاصل کرسکتے ہیں ، بشمول نیکوٹین پیچ ، اور لوزینجز وغیرہ

‎

آرٹ میں ہمیشہ پاکستان کو ایک خاص اہمیت حاصل رہی ہے. اپنے فن کے جوہر دکھا کر بہت سے فنکاروں نے اپنا اور ملک پاکستان کا نام روشن کیا یے "پاکستانی ٹرک آرٹ” ایسا ہی ایک آرٹ جس نے پاکستان کو شہرت اور ایک الگ پہچان دی ہے. پاکستان نے اس آرٹ کی وجہ سے بین الاقوامی سطح پر شہرت حاصل کی ہے.
رنگ برنگے اور خوبصورت ڈیزائنز سے تیار کردہ پاکستانی ٹرک آرٹ جب لمبے سفر اور سرحدوں پر جاتے ہیں تو ان کا آرٹ دیکھ کر انہیں باآسانی پہچانا جا سکتا ہے. پاکستان میں ٹرک ڈرائیوروں کے من پسند ڈیزائن بھی تیار کئے جاتے ہیں اس میں قدرتی مناظر, قومی ہیروز کی تصاویر, شاعری اور رنگ برنگے پھول پتیاں وغیرہ شامل ہیں.
ٹرک آرٹ میں صرف رنگوں کا ہی کھیل شامل نہیں ہے کیوں کہ رنگوں والے آرٹ تو صرف دن میں ہی دکھائی دیتے ہیں اس لیِے آرٹسٹوں نے نئے طریقے استعمال کرتے ہوئے پلاسٹک اور کاغذ سے بنے مختلف اشکال چھوٹے بڑے ٹکڑوں کو ٹرک کی باڈی پر خاص ترکیب سے لگائے جاتے ہیں جن پر رات کے وقت روشنی پڑنے سے یہ ڈیزائنز اور تصاویر چمک اٹھتے ہیں. کچھ ڈیزائن صوبائی لحاظ سے بھی ہوتے ہین جن میں آزاد کشمیر, سندھ, پنجاب اور بلوچستان کے رنگ نمایاں نظر آتے ہیں. بعض ٹرکوں پر ایسی تصاریر بھی ہوتی ہیں جو کہ جزبہ حب الوطنی کے مظہر ہوتی ہے.
پاکستان میں ٹرک آرٹ کا کام 1960 میں شروع ہوا تھا جب بیرون ملک سے ٹرک پاکستان آتے تھے. اس سے قبل یہ آرٹ صرف بیل گاڑیوں یا گھوڑا گاڑی پر ہوتا تھا.
اب یہ ٹرک آرٹ صرف ٹرک کی حد تک کی محدود نہیں رہا بلکہ گھریلوں استعمال کی اشیاء پر بھی اب یہ آرٹ کئے جاتے ہیں. کچھ لوگ اپنی کار, بائی سائیکل پر بھی ٹرک آرٹ کرواتے ہیں.
پاکستانی ٹرک آرٹ اب آسمانوں پر بھی پہنچ چکا ہے ایک فلائینگ اکیڈمی نے اپنے دو سیٹوں والے طیاروں کو اس ٹرک آرٹ میں مزیں کروایا ہے.
اسی طرح سابقہ جرمن ایمبیسڈر مارٹن کوبلر نے اپنی بائی سائیکل پر ٹرک کروایا جسے وہ اپنی ریٹائرمنٹ کے بعد اپنے ساتھ واپس جرمنی لے گئے. پاکستان کے لئے یہ ٹرک آرٹ چند برسوں میں بہترین ثقافتی ورثہ بن کر سامنے آیا ہے.
بہت سے ٹرک آرٹسٹ یہ شکائیت کرتے ہیں کہ حکومت پاکستان کی جانب سے انہیں کوئی بھی تعریفی سند یا لیٹر آف ایپریسی ایشن نہیں دیا گیا جبکہ بیرون ممالک میں انہیں اس منفرد کام کے باعث کئی سرٹیفیکیٹس, اعزازات مل چکے ہیں. کچھ آرٹسٹوں کا کہنا ہے کہ ٹرک مالک آرٹ دیکھ کر واہ واہ تو کرتے ہیں لیکن انکے دام دینے پر بلکل تیار نہیں ہیں اسی وجہ سے آرٹسٹ اب اس فن سے دور ہوتے چلے جا رہے ہیں کیوں کہ اس مہنگائی اور معاشی مسائل کی وجہ سے ان کے گھر کا چولہا نہیں چلتا.
یہ ٹرک آرٹس کی ہی محنت ہے کہ پرانے ٹرک کو
بھی ایسے سجایا جاتا ہے جیسے بلکل نیا ہو.

ایک ٹرک کو تیار کرنے میں لاکھوں روپے لگائے جاتے ہیں جبکہ ایک مکمل ٹرک کہ ییاری میں ایک سے زائد ماہ کا عرصہ درکار ہوتا ہے جس میں چھ سے آٹھ مزدور کام کرتے ہیں.

Twitter Handle: @RealJameel8

آج کتابوں کی الماری سے گرد جھاڑتے جھارٹے اچانک ہی کتابوں میں موجود میری ڈائری نیچے گری اور کئی رتجگوں ،ازیتوں، آنسؤں اور سالوں کے صبر اور محنت سے یادوں پہ ڈالی ہوئی گرد جھڑنے لگی۔ آپ سے بہتر کون جانے گا کہ میں کتابوں کی ،لفظوں کی،استعاروں کی کتنی دیوانی تھی۔

 پانچویں جماعت سے کتابیں اور ناولز پڑھنے کے باوجود  

آپ میری زندگی کی وہ پہلی اور آخری کتاب جسے میں آنکھوں سے نہیں روح سے پڑھا ہے،جسکے الفاظ میرے دماغ میں نہیں میرے دل میں سمائے اور ایسے سمائے کے پھر آپ کے علاوہ کوئ لفظ بھایا ہی نہیں ۔

اب میں کتابیں خریدتی ضرور ہوں لیکن پڑھ نہیں پاتی کیوں کہ ہر صفحہ یادوں کی نئی شاہراہ کا روپ دھار لیتا ہے ۔

پہلے جب کبھی زندگی مشکل لگنے لگتی تھی میں الفاظ کا سہارا لیتی تھی اور دکھ درد،حسرتیں ،خواہشیں سب صفحہ قرطاس پہ اتار دیتی تھی لیکن

اب۔۔۔۔۔قصہ مختصر اب لفظ مرہم نہیں بنتے ہیں ۔

ایسا لگتا ہے جیسے الفاظ کا قحط پڑ گیا ہو یا میرے پاس کچھ باقی نا رہا ہو لکھنے کیلیے 

یا شاید جو میں لکھنا چاہتی ہوں اس کو بیان کرنے کیلیے الفاظ بنے ہی نہیں ۔

اور پتہ ہے ضبط سے میری آنکھیں لہو رنگ ہو جاتی ہیں جب کوئی پوچھتا ہے کہ کیا درد کو لکھا جا سکتا ہے؟ سوال کرنے والے کیا جانے کہ درد لکھا ہی تو نہیں جاتا یہ تو بس محسوس ہوتا ہے اور جہاں درد ہوں وہاں باقی احساسات کا کوئی وجود نہیں رہتا ۔

پہلے میری تحریروں میں خوابوں ،رنگوں اور خوشیوں کا عکس جھلکتا تھا لیکن اب میری تحریریں ،مسائل ،معاشرے اور زندگی کی تلخیوں کے گرد گھومتی ہیں ،پڑھنے والے سمجھتے ہیں اب مجھے لکھنے کا شعور آگیا ہے انہیں کیا معلوم کہ پہلے میں جو لکھتی تھی آپ کو مخاطب کر کے لکھتی تھی لیکن 

اب میں نے خوابوں میں بھی آپ سے کلام کرنا چھوڑ دیا ہے ،پہلےمیرے الفاظ کی رعنائی آپ سے تھی  

میرے الفاظ کی روح تھے آپ لیکن اب مجھے اپنے لکھے تمام لفظ بے جان کٹھ پتلیاں لگتے ہیں ۔

کون کہتا ہے وقت مرہم ہوتا ہے ؟ آج کئی سال گزرنے کے بعد میری ڈائری کی اک جھلک مجھے واپس اسی موڑ پہ لے آئی ہے تو ثابت ہوا کہ وقت گزرنے کے ساتھ زخم مندمل نہیں گہرے ہوتے جاتے کیونکہ 

کچھ زخموں کے لئے شاید وقت کے پاس بھی مرہم نہیں خنجر ہوتا ھے ۔

میری ڈائری کے صفحات کی بوسیدگی چیخ چیخ کر بتاتی ہے کہ اس پہ لکھے الفاظ زندگی سے محروم ہو چکے ہیں ۔ہاں لیکن وہ آخری صفحہ جس میں اب بھی زندگی کروٹ لیتی دکھائی دیتی ہے جس پہ میں وہ آپکی سالگرہ والی رات لکھی ہے،اور ہر وہ لمحہ جس میں آپ میرے سنگ مسکرائے تھے ،اور وہ آپ کے ہمراہ جامعہ سے گھر تک کے سفر کے اک اک قدم کی داستاں رقم ہے اس سانس لیتے آخری صفحے پہ ۔

وہ چہرہ وہ باتیں وہ یادیں آج بھی میری ڈائری کے تاریک اوراق پہ بکھریں پڑے ہیں ۔

کسی کو الفت ہوتی ہے محبت ہوتی ہے ،انس ہوتا ہے مجھے یہ سب نہیں تھا مجھے تو عادت ہے ،عقیدت ہے اور بھلا کبھی عادتیں اور عقیدتیں بھی تبدیل ہوتی ہیں ؟

ہاں وقت کے ساتھ ساتھ ہم درد سہنا سیکھ جاتے ہیں یا شاید تکلیف کی شدت وہی رہتی ہے بس اظہار کا طریقہ بدل لیتی ہے ، پہلے میں ساری ساری رات سارا دن رو کے گزار دیتی تھی اب روتی نہیں ہوں تو وہی درد مائیگرین بن کے راتوں کی نیندیں چرائے رکھتا ہے۔

گزرے لمحات کا تذکرہ میرے لیے بلکل ایسا ہی ہے جیسے کسی مرنے والے کے سامنے زندگی کی دلکشی اور رعنائیوں کی باتیں کی جائیں ۔

میری زات بلکل ایسے ہوگئی ہے جسے کوئ اپنے ہی سائے کی تلاش میں بھٹک رہا ہو۔ یاد ہے وہ تصویر جس میں آپ میرے ساتھ نہیں تھے لیکن دور کھڑے آپکا سایہ چپکے سے میں نے اپنے سنگ باندھ لیا تھا ،بس اسی سائے کی تلاش میں ہوں۔

اور کون کہتا ہے کہ درد دینے والے کیلیے دل سے بدعا ہی نکلتی ہے؟ میرے تو آج بھی ہاتھ بارگاہ الہی میں اٹھتے ہیں تو پہلے سوال آپکی خوشیوں اور سکون کا ہوتا ہے ،اپنی زات کو ہمیشہ آپ کے بعد رکھا ہے میں نے بس نام لکھتے ہوئے اپنے نام کے آگے لکھا آپ کا نام مجھے اچھا لگتا ہے ،اور اسی لیے میں کبھی اپنا پورا نام نہیں لکھتی ہمیشہ آدھا لکھتی ہوں۔

کچھ عادتیں اور رشتے ایسے ہوتے ہیں جنکی قید میں انسان ہمیشہ رہتا ہے اور موت کے ساتھ ہی اس قید سے رہائی پاتا ہے لیکن مجھے لگتا ہے کے لحد کے سینے میں بھی میرا دل آپ کے نام پہ ضرور دھڑکے گا ۔

کہ جسم فانی ھے تو کیا روح تو امر ہے نا ۔

اور پڑھنے والے کیا جانے کہ لفظ ، محبت ، عقیدت یہ سب صرف لڑکا لڑکی کے مخصوص رشتے کیلیے نہیں ہوتے ،رشتہ کوئی بھی ہوسکتا ہے 

Twitter ID @PatrioticUjii

 
علاقائی سلامتی کی صورت حال پر نظر رکھنے کے ساتھ ساتھ پاکستان کو اپنے قریبی پڑوس میں ، اور خاص طور پر افغانستان کے اگلے دروازے پر موجود  تخریبی عناصر کو بھی زیرِ نظر رکھنا چاہیے جو فی الوقت ہمارے ملک میں علاقائی صورتحال سے فائدہ اٹھانے اور امن و امان کو غیر مستحکم کرنے کی کوشش کر سکتے ہیں۔ کوئٹہ کے مضافات میں کوئٹہ مستونگ روڈ پر اتوار کو ہونے والے ایک خودکش حملے میں کم از کم چار فرنٹیئر کور کے جوانوں کی شہادت اس بات کی یاد دہانی کراتی ہے کہ ہمارا ملک ایک لمحے کے لیے بھی کسی بھی طور پر کسی کی بھی جانب سے اپنے محافظوں کو نیچا دکھانے کی روش کا متحمل نہیں ہو سکتا۔ کیونکہ پاکستان ابھی بھی دہشت گردوں کے نشانے پر ہے۔ 
کالعدم ٹی ٹی پی نے مذکورہ بالا دہشت گردی کی کارروائی کی ذمہ داری قبول کر لی ہے۔ مگر یہ بھی تلخ حقیقت ہے کہ پچھلے کچھ مہینوں کے دوران پاکستان میں عسکریت پسندوں کی سرگرمیوں میں تیزی سے اضافہ ہوا ہے خاص طور پر خودکش حملوں میں۔ مثال کے طور پر پچھلے مہینے ، کم از کم دو بچے گوادر کے ایسٹ بے ایکسپریس وے کے علاقے میں شہید ہوئے تھے جبکہ دہشت گردوں کا نشانہ چینی شہریوں کو لے جانے والی موٹر کار تھی علاوہ ازیں، کراچی میں بھی چینی افراد کو نشانہ بنایا گیا تھا۔ خیال کیا جاتا ہے کہ یہ واقعات کالعدم بلوچ علیحدگی پسندوں نے انجام دیے ہیں۔ مزید برآں جولائی کا داسو واقعہ ( جس میں متعدد چینی شہری مارے گئے تھے) اور اس جیسے حال ہی میں وقوع پذیر ہونے والے دیگر افسوسناک واقعات پاکستان میں کام کرنے والے چینی شہریوں کی حفاظت کے لیے سخت حفاظتی اقدامات کی ضرورت پر زور دیتے دکھائی دیتے ہیں۔ کیونکہ دشمنان پاکستان کا ہدف بظاہر چینی شہری اور بلوچستان کی سرزمین ہے مگر درحقیقت انکا مقصد سی پیک جیسے اسٹراٹیجک منصوبے کو رکوانا اور ناکام بنانا ہے۔  
اگرچہ پاکستان بیرون ملک سیکورٹی خطرات پر قابو پانے کے لیے بہت کم کام کر سکتا ہے کیونکہ یہ اس کے دائرہ اختیار سے باہر ہے ، لیکن پھر بھی وہ اپنے تمام تر سیکیورٹی اپریٹس کو متحرک کر سکتا ہے تاکہ عسکریت پسندوں کی یہاں سرگرمیوں پر نظر رکھی جاسکے نیز انہیں بروقت روکا جاسکے ۔ بلاشبہ اس وقت افغانستان ایک تشویشناک علاقہ بنا ہوا ہے۔ اگرچہ پاکستان  کے افغان طالبان کے ساتھ منفی تعلقات نہیں ہیں لیکن یہ حقیقت اپنی جگہ موجود ہے کہ کابل کے حقیقی حکمرانوں بالخصوص افغانستان میں بین الاقوامی سطح پر تسلیم شدہ حکومت کا فقدان ہے ، جبکہ خود ساختہ داعش کے خراسان باب جیسے گروپ ، ٹی ٹی پی اور بلوچ باغی اب بھی افغان سرزمین پر موجود ہو سکتے ہیں۔ اس لیے پاکستان کو چاہیے کہ وہ افغان طالبان پر دباؤ ڈالے کہ وہ ان سیکورٹی خطرات کے خلاف کارروائی کرے ، جبکہ داخلی کوششیں بھی تیز کی جائیں تاکہ یہ یقینی بنایا جا سکے کہ پاکستان میں دشمنوں کی طرف سے کوئی چھوٹی یا بڑی دراندازی / دہشتگردی نہ ہو سکے جسکا حساس ادارے خدشہ ظاہر کر رہے ہیں۔ 
دریں اثناء ، انٹیلیجنس پر مبنی آپریشنز کو بھی مقامی طور پر بحال کرنے کی ضرورت ہے ، خاص طور پر بلوچستان اور قبائلی علاقوں میں ، جہاں سیکیورٹی کی صورتحال ماضی میں خاص طور پر نازک رہی ہے۔ مزید یہ کہ کچھ علاقائی ریاستیں جو پاکستان میں امن نہیں دیکھنا چاہتی وہ افغانستان کی موجودہ صورتحال کو بطور ہتھیار ہمارے ملک کے خلاف استعمال کر سکتی ہیں اس لیے حکومت پاکستان کو ان کی کوششوں کا مقابلہ اور بروقت تداراک کرنا چاہیے۔ آخر میں ، افغانستان میں جتنی جلدی بھی ایک جامع حکومت بنتی ہے ، نہ صرف یہ اس ملک کے لیے بلکہ پورے خطے کے لیے بہتر ہوگا۔ طالبان کے ساتھ ساتھ ان کے افغان مخالفین کو بھی اس مقصد کے لیے کام کرنے کی ضرورت ہے ، تاکہ یہ یقینی بنایا جا سکے کہ ایک نئی خانہ جنگی کو مذکورہ بالا عسکریت پسند گروہ خود کو خطے میں دوبارہ منظم کرنے اور پورے علاقے میں تباہی پھیلانے کے لیے استعمال نہ کر سکیں۔ 
ایمان ملک