Category: بلاگ

حطین میں کامیاب و کامرانی ہونے کے بعد ” القدس کی جانب راستہ بالکل واضح ہوچکا تھا اب یہ بات ممکن تھی کہ صلاح الدین

اس کا قصد کرتے اور قدرے کوشش کر کے اس کو اپنے قبضے میں لے لیتے۔ لیکن اس نے عسکری نقطہ نگاہ سے اس کو دیکھا اور یہی

بات اس کی اعلی شخصیت اور شان عبقریت کو نمایاں کر رہی ہے۔ اس نے یہ سوچا کہ القدس کو کئی شہروں کے درمیان واقع ہے

اور ساحل سمندر پر صلیبیوں کے کئی مراکز قائم ہو چکے ہیں جہاں سے وہ بیرونی دنیا کے ساتھ تعلقات بڑی آسانی سے قائم

کر سکتے ہیں۔ خصوصا عیسائیوں کے وہ ممالک جو ارض فلسطین میں  صلیبی ناپاک وجود کو لاکھڑا کرنے میں چشموں کی حیثیت

رکھتے تھے اسی لیے اس نے پہلے ساحلی صلیبی مراکز سے خلاصی پانے اور دوسرے  صلیبی قلعوں اور پناہ گاہوں پر قبضہ کرنے کا پختہ

 پروگرام بنایا۔ اس کے بعد وہ القدس کی طرف پیش قدمی کر کے اسے  فتح کر لے گا جب کہ اس صلیبی ناپاک وجود کی

زندگی کی شریانوں کو وہ پہلے ہی کاٹ چکا ہو گا اس کے علاوہ ” عکا اور دو سرے ساحلی صلیبی قلعوں پر قبضہ کرنا بھی مصر اور شام

کے مابین راستہ بھی بنادے گا جو اس کے ملک کے دونوں بازو شمار ہوتے تھے۔

اس نے اپنے پروگرام کی تکمیل کے لیے عسکری اعتبار سے ہر طرح کی تیاریاں کیں- مجاہدین کو اپنے ہمرہ لیا- اور اپنے ذہن میں

کھنچے ہوئے خطوط کو زمین پر کھنچنے کے لیے چل پڑا -حطین کی کامیابی کے بعد صرف چند ماہ ہی گذرنے پائے تھے کہ الله تعالی نے

اسے مندرجہ ذیل شہروں اور قلعوں  پر فاتح نصیب فرمادی۔

عکا, قیساریہ,حیفا, صفوریہ, معلیا’ شقیف ‘ الغولہ’  الطور’ سبطیہ’ نابلس’ مجدلیانہ’ یافا’ تبسین’ صیدا ‘ جبیل’ بیروت ‘حرفند’ عسقلان ‘ الرملہ’ الداروم’  غزہ ‘ یبنی’ بیت الحم ‘بیت الجبریل ‘   اور ان کے علاوہ ہر وہ چیز جو ان صلیبی بری فورسز کے

پاس تھی۔

جیسا کہ ہم پہلے بتا چکے ہیں کہ یہ سب عظیم کامیابیاں اور بڑی بڑی فتوحات معرکہ حطین کے بعد ۵۸۳ ہجری میں صرف چند مہینوں کے دوران ہی پوری ہوگئی تھیں ۔ اس طرح بیت المقدس کوفتح کرنے کے لیے فضا مکمل طور پر ساز گار تھی- کام کو

مضبوط بنیادوں پر استوار کرنے کے لیے سلطان نے مصر سے اسلامی بحری بیڑے بھی منگوا لیے جو حسام الدین لو لو الحاجب( چمکدار ابرو والا ) کی زیر قیادت پہنچے-  جو اپنی جر أت و بسالت اور عظیم خطرناک کاموں میں بلا خوف و خطر کود جانے میں مشہور

زمانہ تھا- اور مصائب المشورہ بھی تھا۔ اس نے بحر متوسط میں چکر لگانے شروع کر دیئے مخصوصا اس بات کا خیال رکھتے ہوئے

کہ کہیں( یورپ کے ) فرنگی ساحل فلسطین تک پہچنے میں کامیاب نہ ہونے پائیں۔۔

۵۸۳ ہجری /5 رجب المرجب کو بروز اتوار القدس کے قریب آن اترا- اب اس نے بیت المقدس میں محصور عیسائیوں

سے کہا کہ بغیر خونریزی اور کشت و خون کہ جسے کہ وہ اپنے مقدس مقام میں پسند نہیں کر تا اطاعت قبول کر لیں۔ لیکن جب انہوں نے اس کے جواب میں متکبرانہ انکار پیش کیا تو پھر سلطان حملہ کر کے اور نقب لگا کر اس کوفتح کرنے کی تدابیر کرنے

لگا۔ اس مقصد کے لیے پانچ دن صرف اس کام میں گذر گئے۔ وہ بذات خود شہر کی دیواروں کے ارد گرد چکر لگاتا رہا کہ اس کا

کوئی کمزور پہلو تلاش کر کے وہاں سے حملہ آور ہو سکے ۔ بالاآخر فیصلہ یہ ہوا کہ شمالی جہت سے حملہ ہی کر دے۔ چنانچہ ۲۰رجب کو

اس نے اپنے لشکر کو اس جانب منتقل کر دیا اسی رات منجنیقیں نصب کروانا شروع کردیں-صبح ہونے سے قبل منجنیقیں لگ

چکی تھیں بلکہ کام کر نے کے لیے بھی مکمل طور پر تیار تھیں- تو اب انہوں نے اپنا کام شروع کر دیا۔۔۔۔۔

دوسری طرف فرنگیوں نے فصیل کے اوپر اپنی مجانیق کو نصب کر دیا دونوں طرف سے پتھراؤ شروع ہو گیا تھا – فریقین کے

مابین سخت ترین لڑائی ہو رہی تھی ۔ امام ابن الاثیر کے بقول ۔ ایک دیکھنے والے نے دیکھا کہ ہر ایک فریق اس لڑائی کو

دین سمجھ کر لڑ رہا تھا اور یہ بات بھی ایسے ہی ہے کہ دین ہی وہ چیز ہے جو انسان کے اندر کو متحرک کرتی ہے- موت کو اسکا

محبوب بنادیتی ہے- اپناسب کچھ اس پر لوٹا دینا اس کے لیے آسان ترین بنادیتی ہے- لوگوں کو اس بات کی ذرہ برابر بھی ضرورت نہ

تھی کہ انہیں لڑنے مرنے موت کے دریا میں کودنے پر ابھارا جائے بلکہ شاید انہیں زبردستی بھی روکا جائے تو نہ رکتے-

یکبارگی زور دار حمله

پر انہیں جہادی و قتالی ایام میں سے ایک امیر عزالدین عیسی بن مالک جو مسلمان قائدین اور تحقین میں سے ایک تھا وہ شہید

ہوگیا تو اس کے جام شہادت نوش کر تے ہی مسلمانوں کے جوش اور ولولے  میں ایک نیا رنگ پیدا ہوگیا تو انہوں نے یک بار

ایسا حملہ کیا کہ فرنگیوں کے قدم اکھڑ گئے- کچھ مسلمان خندق عبور کر کے فصیل تک پہچنے میں کامیاب ہو گئے۔ دیوار توڑنے

والے نقابوں نے شہر پناہ کو توڑنا شروع کر دیا- اس دوران دشمن کو دور رکھنے کے لیے مجانیق بلا توقف پتھراؤ کر رہی تھیں اور

تیرانداز مسلسل تیروں کی موسلا دھار بارش برسارہے تھے تا کہ یہ  دیوار توڑنے والے اپنے مقاصد کو حاصل

کرنے میں کامیاب ہو سکیں۔۔۔۔۔ 

 *جان بخشی کی درخواستیں* 

تو جب ان فرنگیوں کے دفاع کرنے والوں نے مسلمانوں کے حملے کی شدت ان کے ارادوں کی صداقت اور القدس رسول

معظم مسلم کی معراج کی عارضی قیام گاہ کو چھڑوانے کی خاطر موت کو سینے لگانے کے جذبات کو دیکھا تو انہیں اپنی

ہلاکت و بربادی کا یقین ہو گیا اور سوائے جان بخشی طلب کرنے کے کوئی چارہ نہ دیکھا تو وہ مذاکرات کرنے کے لیے مائل ہو گئے

            

                          Twitter ID @pakdefsd

اچھا لکھنے کے لیے آپ کا امیر ہونا۔خوبصورت ہونا یا کسی عہدے پر ہونا ضروری نہیں جیسا اس مالک پروردیگار نے بنایا بہت بہت خوبصورت بنایا اس کا ہر دم شکر بجالایا کریں آپ کو لکھنے کے لیے اپنی اندر سے صلاحیتی قوت کو خود ابھارنا ہوگا کچھ لوگوں کو اللہ کی طرف سے لکھنے کی صلاحیت گفٹ کی ہوئی ہوتی ہے کچھ لوگ اللہ کی دی ہوئی عقل سے اپنے اندر یہ صلاحیت تلاش کرلیتے ہیں اور اللہ کا نام لیکر لکھنا شروع کردیتے ہیں پھر وقت کے ساتھ ان کے قلم میں روانئ آنی شروع ہوجاتی ہے جب آپ کسی بھی ٹاپک پر لکھنا شروع کرتے ہیں سب سے پہلی بات نوٹ کرلیں۔۔آپکو پہلے اپنے دل ودماغ میں کہانی کا پلاٹ ترتیب دینا ہے اور جو خاکہ آپکے دماغ میں چل رہا ہوتا ہے اس کے مطابق آپ نے کرداروں کو لیکر چلنا ہوتا ہے پوری سٹوری میں دوسری بات ۔جس ٹاپک پر آپ لکھ رہے ہیں اس ٹاپک پرآپکی گرفت مضبوط ہونی چاہئیے اگر آپ کی گرفت کمزور ہوگی تو آپ اس سٹوری پر اچھا فوکس نہیں رکھ پائیں گے تو تحریر ذہنوں پر اچھا اثر نہیں چھوڑے گی اچھا لکھنے کے لیے آپکے پاس بہت ذیادہ معلومات ہونی چاہئیں جتنا ذیادہ آپکا مطالعہ وسیع اور معیاری ہوگا اتنا اچھا آپ لکھ پائیں گے اور اپنی لکھی ہوئی تحریر کے ضمن میں ہونے والے لوگوں کے سوالات کو اچھی طرح جواب بھی دے سکیں گے ورنہ کوئی بھی مضبوط دلیل کےساتھ آپکو لاجواب کردے گا اور آپ بے بسی سے ہاتھ ملتے رہ جاو گے اور شرمندگی الگ سے اٹھانی پڑے گی ۔۔۔
آپ کی لکھی تحریر میں اتنی تاثیر ہونی چاہئیے کہ آپکو پڑھنے والا سٹوری کے کرداروں میں کھو جائے اس کے لیےپھر یہ ہی کہوں گی کہ آپکا اردو ادب میں حد درجے دلچسپی آپکے قلم کو چار چاند لگا دے گی کیونکہ آپکے الفاظ ہی آپکی شخصیت ہوتے ہیں ۔اور ایک شاندار شخصیت کے عامل فرد کے ساتھ بہترین الفاظ کا ساتھ بہت ضروری ہے۔۔۔۔
ہمیشہ حق و سچ کے لیے اپنی آواز بلند کریں ۔حق سچ لکھیں کیوں کہ حق کی فتح ہے باطل مٹنے والی چیز ہے یہ پہلو آپکی شخصیت میں مزید اعتماد لاۓ گا ایک دفعہ آپ اس کوشش میں کامیاب ہوگے پھرآپ کا قلم کبھی سچ لکھنے سے ڈگمگائے گا نہیں۔۔
معاشرے کی برائیاں آپ قلم سے لکھ کر لوگوں کو ان برائیوں کی روک تھام کرنے کے لیے اچھے مشورے دلائل کے ساتھ سمجھا سکتے ہیں بشرطیکہ آپکے لفظوں میں تاثیر ہو آپ کے الفاظ متاثر کن ہوں۔ کسی بات پر تنقید مہذب اور نرم الفاظ کے ساتھ کیجئے کیونکہ سخت الفاظ اتنے پراثر نہیں ہوتے جتنے نرم الفاظ سامنے والے انسان کے دل پر اثر چھوڑتے ہیں ۔”لکھنے والے پڑھنے والوں کے محتاج ہوتے ہیں” آپ کو پڑھنے والے جب تک ہیں آپ لکھ سکتے ہیں لہذا دوسروں کی پسندنا پسند کا خیال رکھنا ایک اچھے لکھاری کی خوبیوں میں شامل ہے ہمیشہ کردار میں ڈوب کر لکھیں کہ پڑھنے والا آپ کے لکھے ہوئے کرداروں کے ساتھ ساتھ سفر کرتا ہوا محسوس کرے ایسا میرے ساتھ ہوتا رہا ہے جب میں خواتین ۔شعاع پڑھتی تھی تو ایسے لگتا تھا میں ان کرداروں کے ساتھ چل رہی ہوں ۔اور اپنے دل میں ایک نقشہ سا بنا لیتی تھی کہ مصنفہ کسی کہانی کےکردار کی ہیروئن کی طرح ہی ہوگی ۔پھر وقت گزرا کافی مضنفات کو سوشل میڈیا پر دیکھا اور اپنی اس وقت کی سوچ پر ہنسی آئی کہ ہم کیسے مصنفہ کے الفاظ سے اس کی شخصیت کا اندازہ لگانے لگ جاتے ہیں یہ نہیں کہ وہ خوب صورت نہیں تھیں یا مجھے دھچکا لگا تھا انھیں دیکھ کر ۔ بات بس اتنی سی ہے کہ جیسا انسان اپنے ذہین میں خاکہ بنا لیتا ہے تو پھر اسی خاکے کے حساب سے دیکھتا ہے ۔اللہ کی بنائی ہر چیز خوب صورت ہے ہم اس کا کروڑ دفعہ شکر ادا کرتے ہیں اس نے ہمیں نہ صرف خوبصورت ۔خوب سیرت بنایا بلکہ متحاجی سے بھی بچا کر رکھا ہوا ہے یہ بس اس کی کرم نوازی ورنہ ہم پر کوئی سرخاب کے پر نہیں لگے ہوئے ۔۔وہ دے کر بھی ازماتا ہے اور لےکر بھی اس میں کوئی دو رائے نہیں کہ ۔اللہ آزمائش اپنے پیاروں پر لاتا ہے تو وہ انسان اور اللہ کے قریب ہوجاتا ہے کیونکہ بظاہر وہ انسان کرب میں ہوتا ہے لیکن اس انسان پر اللہ کی خاص نظر ہوتی ہے اور اللہ اسے سجدے کی توفیق دے دیتا ہے اور جن سے ناراض ہوتا ہے ان کی رسی ڈھیلی چھوڑ دیتا ہے وہ اس بات پر کبھی خوش نہ ہوں کہ وہ آسمان سے اتری کوئی الگ مخلوق ہیں ان کو ہر دم اللہ کی پکڑ سے بچ کر رہنا چاہئیے کیونکہ جب وہ رسی کھینچتا ہے تو انسان منہ کے بل گر جاتا ہےکہ پھر انسان کو سنبھلنے کا موقع بھی نہیں ملتا ۔۔بس اللہ سے دعا ہے اللہ ہمیں اپنا قرب نصیب فرما دے ہم سب پر اپنی خاص کرم نوازی فرمائے دنیا میں بھی اور آخرت میں بھی اپنا خاص فضل فرمائے ہم پر اپنے کرم کی بارش فرما دے کہ پھر کوئی زوال ہمیں شیطان کے بہکاوے میں نہ لاسکے ۔۔آمین

مُجھے یقین ہے ہر کسی نے ٹوئٹر کا سنا ہوا ہوگا ،استعمال کرتے ہیں یا نہی وہ الگ بات ہے لیکن کسی نہ کِسی ذریعے سے ٹوئٹر کا سن ضرور رکھا ہوگا۔ ٹوئٹر کا ہم نے بھی بہت سالوں سے سن رکھا تھا تقریباً پانچ سال پہلے ٹوئٹر کا سن کر ڈاؤن لوڈ کیا، جب ٹوئٹر کو اکائونٹ بنانے کے بعد کھولا تو عجیب بدرنگی سی دنیا نظر آئی۔۔ نظر کے سامنے کچھ ٹویٹس گزریں پر کچھ سمجھ نہیں آیا ۔۔ تھوڑا آگے پیچھے دیکھا پر کوئی دلچسپ چیز نظر نہی آئی اور دس منٹوں میں ہی بور ہو کر بند کر دیا۔ ایک دو دفعہ پھر کوشش کی لیکن نتیجہ وہی ڈھاک کے تین پات۔ سو ہم نے ٹوئٹر کو الوداع کہہ کر ڈیلیٹ کر دیا۔۔ سال بھر بعد پھر کسی کے مونہہ سے ٹوئٹر کا سن کر پھر سے لاگ ان کیا نتیجہ وہی رہا جو پہلی دفعہ تھا۔ دل میں سوچا عجیب لوگ ہیں۔ پتہ نہیں کیا نظر آتا ہے انکو ٹوئٹر میں جو ٹائم ضایع کرنے آ جاتے ہیں یہاں، ہم تو فیس بک پر ہی ٹھیک ہیں۔ سو ایک دفعہ پھر الوداع کہا اور ٹوئٹر کو پھر سے حذف کر دیا اپنے موبائل سے۔

سال 2018 کے الیکشن سے پہلے ایک جنون سا دل پر چھا گیا کے اس دفعہ اپنے ملک کے لیے کچھ کرنا ہے۔ تمام بدعنوان عناصر سے اپنے ملک کو پاک کرنا ہے انکی بدعنوانی کو دنیا کے سامنے لانا ہے اور ایک ایسے بندے کا ساتھ دینا ہے جو ایک لمبے عرصے سے سب کو جگانے کی کوشش کر رہا ہے پر کوئی جاگنے کو تیار ہی نہیں۔۔ میری مراد عمران خان صاحب ہیں۔ دھرنے کے دنوں میں جو آگاہی مہم اُنہوں نے چلائ اور جس طرح لوگوں کو۔ ایک تحریک دی بدعنوان عناصر کے خلاف ، اس سے دل میں ایک نیا ہی جوش و جذبہ پیدا ہو گیا کچھ کر دکھانے کا۔۔ سو اب کے ہم نے ایک عزم صمیم کے ساتھ ٹوئٹر ڈاؤن لوڈ کیا اور سوچ لیا کچھ بھی ہو جائے اب اسکو سمجھ کر ہی چھوڑنا ہے۔۔کافی سارے دن بہت بوریت ہوئی، اِدھر اُدھر ٹامک ٹوئیاں مارتے رہے۔ پھر کچھ ٹویٹس کو ری ٹویٹ کرنا شروع کیا، کچھ فالوورز بڑھنا شروع ہوئے۔ گلابی نمک کی اُن دِنوں ایک بہت اچھے صاحب(نام نہیں لونگی) بہت اچھی مہم چلا رہے تھے ، انکی طرف سے دعوت نامہ آیا ٹیم میں شامل ہونے کا ۔ ہم نے جھٹ سے ہاں کر دی۔
مزے کی بات یہ کے ابھی تک ہمیں ڈی ایم کے بارے میں کوئی خاص آئیڈیا نہیں تھا اور گروپ میں کیا ہوتا ہے اسکا تو بلکل بھی علم نہیں تھا۔۔ ہم تو گروپ میں جا کر گھبرا ہی گئے۔ ارے اتنے سارے لڑکے اور ٹیکسٹ میں گفتگو چلی جا رہی۔ ایک لڑکی ہونے کی وجہ سے بہت سارا خوش آمدید ۔ ارے باپ رے یہ سب کیا ہے۔ ہمارے بھائی لوگ نے یہ سب دیکھ لیا تو ٹوئٹر بند کرا دیں گے اس لیے ہم ڈر کے مارے اگلے ہی دن وہاں سے بھاگ نکلے۔۔( معافی گلابی نمک بھائی)

خیر پھر کچھ دن ایسے چلے۔۔ کچھ ٹویٹ کیے۔۔ کیونکہ لکھنے کا کیڑا تو ہم میں بدرجہ اتم موجود تھا۔ سو اپنی تئیں اچھا لکھنے کی کوشش کی۔۔ آہستہ آہستہ خود پر تھوڑا اعتماد ہونا شروع ہوا۔ اور پھر ایک ٹیم آئی کے وارئیرز کے ایک ایڈمن کی طرف سے دعوت نامہ ملا جو ہم نے تھوڑی شد و مد کے بعد قبول کر لیا۔۔ ساتھ میں وعدہ لیا ایڈمن سے کے ہم گروپ میں کوئی بات نہیں کریں گے صرف ٹرینڈز میں حصہ لیں گے۔ ایڈمن صاحب تو خوش ہو گئے ک ٹرینڈز کرنا ہی تو مقصد ہے۔ وہ ایک بہت اچھا دور تھا، ٹوئٹر صاف ستھرا تھا، لڑکے لڑکے ہی ہوتے تھے( مطلب لڑکیوں کے اکاؤنٹس سے نہیں آتے تھے) لڑکیاں کم تھیں لیکن ماحول بہت اچھا تھا۔ پہلے ہی ٹرینڈ میں ہم نے تو اپنی دھاک بٹھا دی۔۔ خود ہی سارے ٹوئٹس لکھے کیونکہ کاپی پیسٹ کا اس وقت پتہ ہی نہیں تھا۔ بہت تعریفیں ہوئیں ۔ اسکے بعد ایک مشن شروع ہو گیا۔۔ کچھ سمجھ آنے لگا کے کس سمت میں اور کِس طرح سے مثبت انداز میں ٹوئٹر کا استعمال کرنا ہے۔۔ فالوورز کا کوئی جنون نہیں تھا۔ کوئی کرتا ہے تو کرے نہیں تو پرواہ نہیں۔ بہت سے ٹرینڈز کیے۔ ہر ہفتے تین چار ٹرینڈز ہوتے تھے اور ہم ہوتے تھے اور ٹویٹس اور ریٹویٹس کی قطار لگ جاتی تھی۔ ایک دن میں چار چار لمٹس لگواتے اور بڑے خوش ہوتے تھے۔ اور اگلے دن رزلٹ کا انتظار کے کونسے نمبر پر آئے ہم۔ کیونکہ بچپن سے جنون نمبر ایک پر آنے کا بھی تھا۔۔ پھر ٹیم والوں کا دباؤ شروع ہوا کہ اب ایڈمن بنیں اور ہم کوئی ذمےداری لینا نہی چاہتے تھے اس لیے انکار پر انکار ۔۔ پر شاباش ہے ٹیم مینیجمنٹ کو بھی ، پیچھا نہی چھوڑا اُنہوں نے بھی اور آخر کار پہلے نائب ایڈمن اور پھر ایڈمن بنا ڈالا۔۔ پھر سینئر ایڈمن بن کر مینیجمنٹ کا حصہ بنے، اپنے سینئرز سے بہت کچھ سیکھا۔ ٹرینڈ کیسے بنتے ہیں ایچ ٹی کیسے بنتا ہے، ٹاپک کیسے چنا جاتا ہے، یہ سب ایک دلچسپ تجربہ رہا۔۔ کچھ اور ٹیموں میں بھی شمولیت اختیار کی لیکن اپنی پہلی ٹیم کے ساتھ وفادار رہے کیون وفاداری بھی ہم میں کوٹ کوٹ کر بھری ہے۔ سال سے زیادہ ہو گیا تھا اسی اثناء میں ہمیں ٹوئٹر پر۔۔ عمران خان الیکشن جیت کر وزیر اعظم بن چکے ہوئے تھے۔ اور ہم انکے ساتھ ایک نئے پاکستان کی تکمیل کے لیے کوشاں رہے۔۔ ساتھ ساتھ کشمیر کی جدوجہد آزادی کے لیے بیشمار ٹرینڈز کیے ۔۔ بیشمار اکاؤنٹس شہید کروائے اور کبھی غم بھی نہی کیا انکا۔ کیونکہ مقصد اکائونٹ نہیں تھا۔ مقصد پاکستان، اپنی افواج، کشمیر اور پاکستان کے لوگوں کی بھلائی کے لیے کام کرنا تھا۔

پھر افسوس کے ہماری ٹیم مینجمنٹ میں پھوٹ پڑ گئی اور ہماری ٹیم ٹوٹ گئی جسکا آج بھی افسوس ہے۔ اور پھر ہم نے اپنی ایک ٹیم کا آغاز کیا اپنے چند بہترین دوستوں کی مدد سے۔ الحمدللہ آج سال سے اُوپر ہو گیا وہ ٹیم چلا رہے ہیں۔ مقصد وہی ہے جو پہلے دن تھا۔ اس سفر میں بہت سے اچھے دوست ملے۔ بہت سے بچھڑ بھی گئے جن کی یاد آج بھی دل سے جاتی نہیں ہے۔ بہت سے سبق ملے۔۔ بہت کچھ سیکھا لوگوں کے رویوں سے متعلق۔۔ آج ٹوئٹر ویسا نہی ہے جیسا آج سے دو تین سال پہلے تھا لیکن اچھے لوگوں کی کمی نہیں ہے اور یہ دیکھ کر بہت خوشی ہوتی ہے کے جہاں بہت سے لوگ صرف دوسرے لوگوں کو استعمال کرنے کے لیے ٹوئٹر استعمال کرتے ہیں وہاں بیشمار لوگ صرف اور صرف اپنے وطن، پاکستان کی بھلائی کے لیے اپنا دن رات ایک کیے ہوئے ہیں۔ایسے سب لوگ میرے دل کے بےحد قریب رہتے ہیں۔ اللہ ہم سب کو نیک کام کرنے کی ہدایت اور توفیق عطا فرمائیں۔۔آمین ثم آمین
نوٹ: کسی اگلے آرٹیکل میں کچھ مزے دار قصے بھی بیان کرنے کی کوشش کروں گی جو کے بیشمار ہیں۔

@NiniYmz

ایک ملک ایک قوم ایک نصاب

حکومت وقت نے جب سے یکساں تعلیمی نصاب متعارف کروایا ہے تب سے کئی حلقوں میں اس عمل کو سراہا جارہا ہے کہ غریب اور امیر کا بچہ ایک ہی تعلیم حاصل کرے گا اور مستقبل میں ہر شعبہ ہائے زندگی میں سب شہریوں کو مساوی حقوق مل سکیں گے۔ یعنی امیر غریب کی تفریق ختم ہو جائے گی۔ لیکن جہاں لوگ اس نصاب کو مثبت نظر سے دیکھ رہے ہیں وہیں ہمیشہ کی طرح لبرل طبقے کو اس نصاب میں بھی کیڑے نکالنے کا موقع مل گیا۔ اور اس طبقے کا من پسند منجن عورت کے حقوق عورت کی آزادی کے نام پر واویلا شروع کر دیا بی بی سی کو مضمون لکھ ڈالے کہ پاکستان میں عورتوں کے حقوق سلب کیے جارہے ہیں اور وجہ بھی ایسی مزحکہ خیز پیش کی گئی کہ کوئی بھی با شعور انسان کا سر چکرا جائے کہ آخر کوئی اس قدر پسند ذہنیت کیسے رکھ سکتا ہے۔ پانچویں جماعت کی انگریزی کی کتاب پر شائع کی گئی ایک تصویر ہے جس میں ماں اور بیٹی کالین پر بیٹھے ہیں جبکہ باپ اور بیٹا صوفے پر اس ایک تصویر کو بنیاد بنا کر پراپیگنڈا کیا جارہا ہے کہ یہ نصاب اور یہ حکومت عورتوں کے حقوق کے خلاف ہے یہ خدا نخواستہ عورت کو مرد سے کمتر سمجھتی ہے۔ اس کے برعکس دیگر کئی درسی کتب میں خواتین یعنی ماں بیٹی کو صوفے پر بیٹھا دیکھا جاسکتا ہے اور بیٹا یا شوہر کالین پر بیٹھے ہیں جیسے عام طور پر ہمارے گھروں میں ہوتا ہے۔ لیکن وہ تمام تصاویر اس لبرل طبقے کو نظر نہیں آئیں۔

جیسے اس لبرل طبقے کو عید قربان پر جانوروں کے حقوق یاد آجاتے ہیں پھر چاہے سارا سال خود کے ایف سی مکڈولنڈ نوش فرماتے رہیں لیکن غریب کو مفت میں گوشت کھانے کو ملے تو جانوروں کا دکھ درد جاگ اٹھتا ہے تاکہ عام مسلمانوں کو دینی فریضے سے بدظن کیا جاسکے۔ ایسے ہی یکساں تعلیمی نصاب میں بھی انہیں عورتوں کے حقوق کا کوئی دکھ درد نہیں اصل مسئلہ یہ ہے کہ غریب کے بچے کی کیا مجال جو ہمارے بچوں کے مقابلے پر آسکے۔ اس ملک کی اشرافیہ بننا تو صرف ہمارا حق ہے ہم اس ملک کے مالک کرتا دھرتا ہیں غریب کا بچہ تو ہمارا نوکر ہی بنے گا وہ کیونکر افسر بنے۔

ساتھ ہی انہیں حکومت کے اس اقدام پر بھی شدید دکھ اور صدمہ پہنچا ہے کہ تعلیمی اداروں میں مرد و خواتین اساتذہ کے جینز پتلون پہننے پر کیوں پابندی لگا دی ہے۔ حالانکہ مُہزب لباس کے متعلق قوانین تو مغربی ممالک کے تعلیمی اداروں میں بھی لاگو ہے جن کا دین اسلام سے بھی کوئی تعلق نہیں ۔ لیکن بنیادی اخلاقیات کو تو وہ بھی مانتے ہیں اور اپنے اساتذہ کو طالب علموں کے لیے رول ماڈل کے طور پر دکھانا چاہتے ہیں اساتذہ کا لباس چال ڈھال اٹھنا بیٹھنا انداز گفتگو ہر چیز بچوں پر اثر ڈالتی ہے اس لیے وہ مغربی معاشرے بھی اپنے اساتذہ کو بنیادی اخلاقیات پر عمل کرنے کے لیے پابند کرتے ہیں۔ لیکن یہاں بدقسمتی سے اس لبرل طبقے کو کوئی عقل و شعور کی بات سمجھنا اونٹ کو رکشے میں بٹھانے کے مترادف ہے کیونکہ یہ دین بیزار طبقہ سمجھنا ہی نہیں چاہتا۔ میرا مطالبہ ہے کہ حکومتِ وقت ان مٹھی بھر ننگ دھڑنگ شدت پسند عناصر کے آگے ڈٹ جائے اور ہمارے معاشرے کے معمار نئی نسل اور اساتزہ کی بھلائی کے لیے اپنے اس بہترین فیصلے سے ہرگز پیچھے نا ہٹے۔۔

Twitter @zohaibofficialk