Category: بلاگ

قارئین کرام! اکثر ہم ایک آزاد ملک کے شہری کے طور پر اپنی آزادی کو قبول کرتے ہیں اور ہمارے شہر اور پاکستان کے دیگر مقامات کے پرامن ماحول جہاں ہم جاتے ہیں،اس آزادی اور امن کا صحرا ان  فوجی اور سیکورٹی ایجنسیوں کے بہادر ثپوتوں کو جاتاہے جو ہمارے ملک کوغیر ملکی اور دیگر قسم کے ملکی خطرات سے بچانے کے لیے چوبیس گھنٹے کام کرتے ہیں۔ان کا کردار سویلین حکومت کی رہنمائی میں ملک کے دفاع اور سلامتی کے لیے کام کرناہوتا ہے۔ اور یہ اہلکار اپنی ڈیوٹی کے دوران اگر ضروری ہو تو بڑی قربانیاں دیتے ہیں۔ہماری بہادر افواج کی طرف سے فراہم کردہ دفاعی خدمات کی شراکت کو ہمارے ملک میں قومی یوم دفاع کے سالانہ جشن کے طور پر نشان زد کیا جاتا ہے۔یوم دفاع، جیسا کہ نام سے ظاہر ہوتا ہے، اس دن کی یاد مناتا ہے جب ہماری قومی مسلح افواج نے 1965 کی جنگ میں ہمارے ملک پر بھارتی افواج کے حملے کا کامیابی سے دفاع کیا۔ یہ دن ہماری مسلح افواج اور جنگ کے تمام شہداء کو خراج تحسین ہے۔ یہ ہر سال 6 ستمبر کو منایا جاتا ہے۔1965جنگ میں پاکستانی مسلح افواج کی قربانیوں کی یاد میں ہر سال یوم دفاع منایا جاتا ہے۔دشمن نے 6 ستمبر 1965 کو ہماری سرحدوں پر حملہ کیا۔ یہ بھارت کے مقبوضہ کشمیر میں پاکستانی فوج کی پیش قدمی کو روکنے کا رد عمل تھا۔انہوں نے بنیادی طور پر لاہور، سیالکوٹ اور سندھ کے ریگستانی علاقوں پر حملہ کیا۔ یہ لڑائی 22 ستمبر 1965 تک جاری رہی، جب دونوں فریقوں نے اقوام متحدہ کے زیر انتظام جنگ بندی کو قبول کر لیا۔ہماری فوج نہ صرف ان علاقوں کا دفاع کرنے میں کامیاب رہی بلکہ ہزاروں شہریوں کی جانوں اور ان کے گھروں کی حفاظت میں بھی کامیاب رہی۔اس طرح، ہم اپنے ملک کے تمام فوجی جوانوں کی عزت اور احترام کرنے کا فرض ادا کرتے ہیں جنہوں نے اپنی جانوں کا نذرانہ دیا تاکہ ہم، ہمارے رشتہ دار اور ہم وطن پرامن رہ سکیں۔یہ احترام اور اعزاز ان تمام فوجی جوانوں کے لیے بھی ہونا چاہیے جوآج بھی حقیقی معنی میں سر زمین سے کئے گئے عہد کو وفا کر رہے ہیں۔ہمارے بہت سے شہید قومی ہیروز کو ان کی بہادری پر انعامات سے نوازا گیا۔ نشان حیدر کا اعلیٰ ترین فوجی اعزاز میجر راجہ عزیز بھٹی کو 1965 میں لاہور بیدیاں علاقے کے دفاع میں غیر معمولی کردار ادا کرنے پر دیا گیا۔وہ مٹھی بھر دوسرے بہادر اور بہادر فوجی جوانوں میں شامل ہیں جو شہید ہوئے اور دوسری لڑائیوں اور جنگوں میں اسی ایوارڈ سے نوازے گئے۔ انہوں نے پاکستان کے دفاع میں اپنی جانوں کی حتمی قربانی دی۔یوم دفاع بھی اس عہد کی تجدید کا دن ہے کہ ہم ایک مضبوط، قابل فخر قوم ہیں، اور یہ کہ ہم کسی بھی غیر ملکی قوم سے خوفزدہ نہیں ہوں گے، چاہے وہ کتنا ہی مضبوط کیوں نہ ہو۔ یہ پاکستان کی عظیم قوم کی لڑائی کے جذبے، بہادری اور حکمت عملی کی عکاسی کرتا ہے۔ اور یوم دفاع وہ دن منانے اور یاد رکھنے کا دن ہے تاکہ ہم مضبوط ہوں اور ملک کے نوجوانوں اور بچوں کو صحیح پیغام دیں۔ملک بھر میں یوم دفاع کے موقع پر فوجی پریڈ اور تقریبات کا ایک سلسلہ منعقد کیا جاتا ہے، مگر اس سال کرونا وبا کی وجہ سے روایتی تقریبات محدود کر دی گئی ہے۔ تازہ ترین ٹیکنالوجیز اور عسکری جنگ میں پیش رفت بھی فوجی پریڈ میں دکھائی جاتی ہے۔ بعض اوقات، نئے تیار شدہ ہتھیاروں کے ٹیسٹ لانچ بھی اس دن ہوتے ہیں۔ان تقریبات کا واضح مقصد اپنے ہیروز کو یاد رکھنا اور عسکری لحاظ سے اپنی طاقت کو ظاہر کرنا ہے۔ ہمارے ٹیلی ویژن چینلز اور سوشل میڈیا بھی اس مقصد کے لیے اپنا کردار ادا کرتے ہیں۔ہم سب کو اپنی مضبوط افواج اور اپنے ملک کی سرحدوں اور سلامتی کی حفاظت میں ان کے آئینی کردار پر فخر ہونا چاہیے۔ یہ بات حقیقت ہے کہ ہمیں شدید معاشی مسائل کا سامنا ہے، لیکن ہم غیر ملکی خطرات سے محفوظ ہیں جو دنیا بھر میں بہت سے لوگ ایشیا کی بہترین عسکری قوتوں میں شمار کرتے ہیں۔ جب ہم اپنے ماضی کے جنگی ہیروز کو سلام پیش کرتے ہیں تو ہم ان کی قربانیوں کا احترام کرتے ہیں۔لیکن ہماری فوج نہ صرف جنگ کے دوران لڑائی میں مصروف ہوتی ہے، بلکہ امن کے وقت قوم کے ساتھ بھی تعاون کرتی ہے۔ افواج اکثر آفات سے متاثرہ علاقوں میں انسانی سرگرمیاں بھی انجام دیتی ہیں اور سیلاب، زلزلے وغیرہ جیسے واقعات میں قومی امدادی خدمات فراہم کرتی ہیں۔مسلح افواج کے بہت سے ادارے جیسے ان کے سکول، کالج، ہسپتال وغیرہ جو فوج کے کنٹرول میں کام کرتے ہیں، عام شہریوں کو بھی قیمتی خدمات فراہم کرتے ہیں۔ہمارے قومی ہیروز کو خراج تحسین پیش کرنے کا کوئی وقت نہیں۔ کسی بھی سکول یا کمیونٹی تقریب کا اہتمام کسی بھی وقت ان تمام مردوں اور عورتوں کے اعزاز کے لیے کیا جا سکتا ہے جنہوں نے ہمارے ملک کے دفاع کے لیے خدمات انجام دی ہیں۔ان کی اہمیت اور کوششوں کے بارے میں بیداری سوشل میڈیا پر بھی اٹھائی جا سکتی ہے۔ خاندان اور دوستوں کے ساتھ ہماری بات چیت اور گفتگو میں فوج کی اہمیت اور آئینی کردار کا موضوع بھی شامل ہو سکتا ہے۔

@MAkhter_

یہ بات حقیقت ہے کہ سگریٹ نوشی صحت کیلئے مضر ہے اس لئے بہت سے افراد نے اس سے پھٹکارا پانے کی کوشش تو کی ہوگی لیکن خاطر خواہ کامیابی حاصل نہیں کر سکے ہوں گے کیونکہ سگریٹ میں نکوٹین ہوتی ہے اور اسکا عادی بڑی مشکل ہی اس سے جان چھڑا سکتا ہے بہر حال اس لعنت سے چھٹکارا پانے کیلئے چند ہدایات درج ذیل ہیں جن پر عمل کر کہ ہم اس لعنت سے چھٹکارا حاصل کر سکتے ہیں۔

اہم ترین اور سب سے آسان طریقہ یہ ہے کہ پہلے آپ مضبوط ارادہ کریں کہ میں نے سگریٹ نوشی کو ترک کرنا ہے پھر جب بھی سگریٹ کی طلب ہوا ٹھ کر صاف اور تروتازہ ماحول میں لمبے لمبے سانس لینا شروع کردیں زیادہ نہ ہو سکے تو دن میں تین بار تو ضرور یہ عمل سرانجام دیں اس سے بہت حد تک آ پکوسکون محسوس ہوگا اور دوبارہ یہی طریقہ دو ہرانے کو جی چاہے گا۔

ابتدائی دنوں میں ایسا کرنے سے آ پکو قدرے مشکل پیش آئے گی لیکن آہستہ آہسہ مثبت نتائج برآمد ہوں گے لہذا شروع میں پانی کا استعال زیادہ کردیں اس سے ایک تو سگریٹ کی طلب سے دھیان بٹ جاۓ گا اور دوسراجسم سے نکوٹین کے زہریلے مادے بھی خارج ہونے میں آسانی ہوگی۔

بعض لوگ سگریٹ سے پیچھا چٹروانے کیلئے پان ،نسوار یا کافی وغیرہ کی عادت ڈالتے ہیں لیکن یبھی نقصان دہ اثرات مرتب کرتی ہیں اس لئے مثبت عادات اور قدرتی طریقوں سے اس عادت کو ترک کرنے کی کوشش کی جاۓ۔

کھانا کھانے کے بعد سگریٹ کے عادی حضرات سگریٹ ضرور پیتے ہیں ان کو چاہیے کہ بجاۓ سگریٹ کے وہ ایک کپ پودینہ چاۓ کا پئیں جس سے ہاضمہ بجائے بھی متاثر نہیں ہوگا اور سگریٹ سے بھی چھٹکارا حاصل ہو جاۓ گا۔

سگریٹ پینے والے دوستوں کی محفل سے دور ہیں۔ اپنے گھر سے تمام سگریٹ، ایش ٹرے اور حتی کہ اپنے سب کپڑے وغیر ہ دھوڈالیں تا کہ سگریٹ کے دھوئیں وغیر ہ سے دو بار سگریٹ پینے کو جی نہ چا ہے۔

صبح سویرے اٹھنے کا معمول بنالیں اور تازہ ہوا میں لمبی لمبی سانس لیں۔ اور کی پھلکی ورزش کریں تا کہ مجموعی طور پرصحت بحال رہے اس کے علاوہ دن کے کسی بھی حصے میں تفریح کیلئے کوئی انڈور گیم یادلچسپ مووی دیکھیں اس طرح بتدریج کی نفسیاتی خواہش سگریٹ سے دور ہوتی جاۓ گی۔ اپنے دوستوں، گھر والوں اور آفس میں سب کو بتادیں کہ میں سگریٹ چھوڑ چکا ہوں لہذ وہ کی مزید حوصلہ افزائی سے مد دکر میں گے۔

اس کے علاوہ کسی پریشانی کی صورت میں اپنے ڈاکٹر سے رجوع ضرور کریں۔ بعض ہسپتالوں میں سگریٹ نوش حضرات کا علاج بذریعہ ادویات بھی کیا جا تا ہے جہاں نکوٹین کے متبادل کئی ادویات استعمال کرواتے ہیں لیکن یہ بھی مضر صحت ثابت ہوتی ہیں۔ اس لئے کوشش کریں کہ خود قدرتی اور سادہ طریقے سے اس لعنت سے چھٹکارا پائیں ورنہ کسی ماہرنفسیات سے رابطہ کر میں جو کہ آپ کو بغیر ادویات کے مندرجہ بالا ہدایات کے پیش نظر اپنی نگرانی میں علاج کر یگا۔ اللّه پاک سے دعا ہے کہ اللّه پاک ہمیں اس لعنت سے محفوظ فرمائے اور جو لوگ سگرٹ نوشی کرتے ہیں انکو اس سے جان چھڑانے کی توفیق عطا کرے۔ آمین

@MeryamWaheed

اے دشمن دیں تو نے کس قوم کو ہے للکارا
ہم بھی ہیں صف آرا ‘ہم بھی ہیں صف آرا
ریڈیو پاکستان پر اس نغمے کی ریکارڈنگ جاری تھی کہ ایسے میں پاک ٹی وی چینل پر نیوز کاسٹر قراۃالعین کی جذبات سے بھرپور تیز آواز ابھری ۔؛
بھارت نے پاکستان پر لاہور کی جانب سے حملہ کر دیا ہے ۔اب تک دشمن کے آٹھ سو فوجی ہلاک ہو چکے ہیں ۔
یہ 6 ستمبر 1965 کی صبح کاذب کا وقت تھا جب انڈیا کی ناپاک فوج نے رات کے اندھیرے میں پاکستان پر بزدلانہ وار کیا ۔وہ تو لاہور کے احاطے میں ناشتہ کرنے کے متمنی تھے لیکن ہمارے شیردل نوجوانوں نے انہیں بی آر بی نہر کے پار ہی روک لیا اور ان کے آگے سیسہ پلائی ہوئی دیوار بن کر کھڑے ہو گئے ۔اس جنگ میں فتح کا سہرا لاہوریوں کے سر بھی جاتا ہے اس کے ساتھ عوام بالخصوص گلی محلے کے لڑکے والے بھی شامل ہوگئے ہر کوئی اپنے مذہب اور وطن سے محبت کے جذبے سے سرشار تھا ۔ماؤں نے اپنے بیٹوں کے سر پر خود کفن باندھے لوگوں کو گرمانے کے لیے یہ نغمہ بھی ملک بھر میں رقص کر رہا تھا ۔
اے پتر ہٹاں تے نئیں وکدے
تو لبدی پھریں بازار کڑے
اے شیر بہادر غازی نیں
اے کسے کولوں وی ہر دے نہیں
ایہنا ں دشمناں کولوں کی ڈرنا
اے موت کولوں وی ڈردے نہیں
اے اپنے دیس دی عزت توں
جان اپنی دیندے وار کڑے
محب وطن اپنی جان ہتھیلی پر رکھ کر دشمن کو ناکوں چنے چبوانے سرحدوں پہ پہنچ چکے تھے مائیں بہنیں کھانے بنا کر جانباز فوجیوں اور جوانوں کے پاس پہنچا رہی تھی بہت سی دختران پاکستان ہسپتالوں میں زخمیوں کے لیے نرسنگ کا فریضہ انجام دے رہی تھیی ۔جوش و جذبے کا یہ عالم تھا کہ کوئی بھی فوجی یا سویلین نوجوان زخمی ہسپتال میں لایا جاتا تو وہ دوبارہ میدان جنگ میں جانے کی خواہش کرتا ۔شدید بیہوشی میں بھی وہ کافروں سے جنگ لڑنے کے لیے ہاتھ پاؤں مار رہے تھے اور ہندوؤں کو للکار رہے تھے ۔
6 ستمبر 1965 کی جنگ کے پیچھے بھارت کی وہ جارحانہ کارروائیاں تھی جو وہ پچھلے کئی ماہ سے کر رہا تھا ۔مسلمان ریاستوں سے چھیڑ چھاڑ اس کی د یرینہ روایت ہے اس روایت نے ہی تو سلطان محمود غزنوی کو ہندوستان پر سترہ حملے کرنے پر مجبور کیا تھا ۔ہمیشہ یہ ناپاک دشمن پہل کرتا ہے اور پھر منہ کی کھا تا ہے
جنگ شروع ہو چکی تھی ایسے میں صدر پاکستان محمد ایوب کے خطاب نے مسلمانوں کے جوش و جذبے کو مزید ابھا را۔ 6 ستمبر 1965 کو ریڈیو !پاکستان پر ایوب خان نے خطاب کرتے ہوئے کہا ۔میرے عزیز ہم وطنو!
دس کروڑ پاکستانیوں کے امتحان کا وقت آگیا ہے ۔ہندوستان نے پاکستان پر لاہور کی جانب سے حملہ کر دیا ہے مئی 1965 میں ہندوستان نے جنگ بندی کی لائن کو توڑتے ہوئے جان بوجھ کر کارگل کی تین چوٹیوں پر قبضہ کرلیا ۔اقوام متحدہ کی مداخلت پر انہیں خالی تو کردیا لیکن انہوں نے اگست میں ان پردوبارہ قبضہ جما لیا بعد ازاں اس نے چکوال کی چوکیوں پر بھی قبضہ کرلیا اور مختلف سرحدوں کی جانب سے بھی پاکستانی عوام پر گولا باری کی ۔اس قدر اشتعال انگیزی کے باوجود پاکستانیوں نے بڑے صبر سے کام لیا لیکن ہندوستانیوں نے اس بات کو ہماری کمزوری سمجھا ۔ان کی بڑھتی ہوئی کارروائیوں کے سبب آزاد کشمیر کو اپنی اپنی فوجیں بھی بھمبھر کے مقام پر لا کر کھڑا کرنا پڑیں ۔ہندوستان نے تو اپنے ہوائی بیڑے کو بھی بے دریغ جنگ میں دھکیل دیا اس طرح حالات کو مزید خطرناک بنا دیا اس وقت تمام دنیا پر ظاہر ہوگیا تھا کہ کشمیر میں ہندو جارحیت کا اصل مقصد پاکستان پر حملہ کرنا ہے ۔پچھلے اٹھارہ سال سے وہ پاکستان کے خلاف جنگی تیاریاں کرتے رہے ہیں ہم شروع سے ہی اس بات کو جانتے تھے کہ یہ جنگی تیاریاں ہمارے لئے ہیں وقت نے اسے سچ کر دکھایا ۔اب جب کہ ہندوستان نے اپنی روایتی منافقت اور بزدلی سے کام لیتے ہوئے باقاعدہ اعلان جنگ کیے بغیر اپنی فوجوں کو پاکستان پر حملہ کرنے کا حکم دے دیا ہے تو ہمارے پاس بس ایک ہی راستہ رہ گیا ہے اور وہ یہ کہ ہم ان کے ناپاک حملے کا ایسا منہ توڑ جواب دیں گے کہ ہندوستانی حکمرانوں کے ناپاک سامراجی منصوبوں کا خاتمہ ہوجائے ۔
انہوں نے لاہور کے دلیر اور بہادر لوگوں کو سب سے پہلے للکاراہے تاریخ میں لاہور کے دلیروں کا نام ہمیشہ زندہ رہے گا ۔
پاکستان کے 10 کروڑ عوام جن کے دلوں میں لا الہ الا اللہ محمد k الرسول اللہ کی صدا گونج رہی ہے اس وقت تک چین سے نہیں بیٹھیں گے جب تک دشمن کی توپیں ہمیشہ کے لیے خاموش نہ ہو جائیں ۔ہندوستانی حکمران شایدابھی نہیں جانتے کے انہوں نے کس قوم کو للکارا ہے ہمارے اندر ایمان اور یقین کی طاقت ہے ۔ہم پورے اتحاد اور عزم کے ساتھ دشمن کا مقابلہ کریں گے اللہ تعالی کا واضح ارشاد ہے کہ’ فتح ہمیشہ سچ کی ہوگی” ۔جنگ شروع ہو چکی ہے اللہ تعالی نے ہماری مسلح افواج کو اپنے جوہر دکھانے کا موقع دیا ہے ہماری فوجیں انشاءاللہ کامیاب ہوگیں ۔
میرے عزیز ہم وطنو اس آزمائش کی گھڑی میں آپ مکمل طور پر پرسکون اور متحد رہیں
میرے ہم وطنوں آگے بڑھو اور دشمن کا مقابلہ کرو اللہ تمہارا حامی و ناصر ہو
اس جنگ نے بہت سے شہداء کے کارنامے رقم کیے ۔
پاکستان کے شہداء میں ایک ایسا ہی اہم کردار میجر عزیز بھٹی شہید کا ہے ۔میجر میجر عزیز بھٹی 6 اگست1928 کو ہانگ کانگ کے خوبصورت جزیرے میں پیدا ہوئے ان کے والد مقامی سکول میں معلم تھے ۔1941 میں جاپان نے ہانگ کانگ پر حملہ کردیا ان کے والدین ہجرت کر کے پاکستان کے شہر گجرات کے ایک علاقے کھاریاں میں رہائش پذیر ہو گئے ۔میجر میجر عزیز بھٹی شروع سے ہی بڑے بہادر اور بڑے زیرک انسان تھے پڑھ لکھ کر وہ فوج میں بھرتی ہو گۓ انہوں نے پاک فوج میں کمیشن حاصل کیا اور پنجاب رجمنٹ کا حصہ بن گئے یہ۔
29 اگست 1965 کی بات ہے جب میجر عزیز بھٹی اپنے اہل وعیال کے ساتھ چھٹیاں گزار رہے تھے تو انہیں یونٹ واپس بلا لیا گیا جنگی حالات سر پر منڈلا رہے تھے وہ یونٹ آنے کی تیاری کرنے لگے جب کھانے کی میز پر ان کی بیوی نے آ فسردہ لہجے میں پوچھا کہ جنگ ختم ہو گئی تو وہ واپس آ جائیں گے جواب میں عزیز بھٹی نےمسکرا کر جواب دیا ؛پریشان کیوں ہوتی ہو تمہیں معلوم تو ہے ایک فوجی کی زندگی میں اتارچڑھاؤ آتے رہتے ہیں ۔ان کا چھوٹا بیٹا ذوالفقار معصومیت سے بولا ابا جان کیا جنگ ہونے لگی ہے ؟عزیز بھٹی نے جواب دیا ہاں ۔شاید حالات کچھ زیادہ اچھے نہیں رہے تو وہ معصومیت سے مکا ہو ا میں لہراتے ہوۓ بولا پھر کبھی دشمن کو پیٹھ نہ دکھانا۔ میجر نے اس کا ماتھا چومااور اس سے کہا کہ پھر یہ بھی وعدہ کرو کہ میں شہید ہوجاؤں تو میری لاش پر نہیں رونا اور پھر اپنی بیوی اور بیٹے سے کیا گیا وعدہ وفا کرنے میدان جنگ میں پہنچ گئے ۔
میجر عزیز بھٹی کو لاہور سیکٹر میں برکی کی جانب سے ایک کمپنی کی کمان سونپی گئی جہاں انہوں نے اپنے جانبازوں کے ساتھ مسلسل چھ دن اور چھ راتیں دشمن کا مقابلہ کرتے گزاریں۔ نئ وردی نہ ملنے پر ایک افسر نے اپنی وردی پہننے کو کہا تو میجر عزیز نے جواب دیا نہیں وردی اور کفن اپنا ہی اچھا لگتا ہے ۔
نویں اور دسویں کی درمیانی شب کو دشمن نے اس سیکٹر پر بھرپور حملے کے لیے اپنی پوری بٹالین جھونک دی لیکن میجر عزیز بھٹی اور اس کے جوانوں نے ان کے سامنے اپنے جسموں کی فصیل کھڑی کردی اور دیوانہ وار ان کا مقابلہ کیا۔میجر عزیز بھٹی مسلسل دشمن کی چوکیوں پر بی آر بی نہر کے اوپر کھڑے ہو کر نظریں جمائے کھڑے تھے کہ مخالف ٹینک کا ایک گولہ آپ کو أ لگا اور آپ موقع پر ہی شہید ہوگئےلیکن دشمن کو سرحد پار کرنے میں ناکام کر دیا جب دشمن یہاں سے ہٹ رہا تھا تو اس سیکٹر کے 150نوجوان شہید جبکہ اس کے سینکڑوں فوجی مارے جا چکے تھے ۔
ایک دوسرا نام پاک فضائیہ کے کمانڈر ایم ایم عالم کا ہے جنہوں نے چالیس سیکنڈ میں پانچ ہنٹر طیارے مار گرائے جو آج بھی گینز بک آف ورلڈ ریکارڈ میں درج ہے ان کی اس جرات و مہارت پر انہیں نشان حیدر سے نوازا گیا دین کا یہ سپاہی میدان جہاد میں تو شہید نہ ہوسکا لیکن طویل علالت کے بعد وفات پا گیا۔ اس طرح میجر طفیل شہید اور شبیر شریف کو بھی نشان حیدر سے نوازا گیا کیونکہ انہوں نے بھی میدان کارزار میں جرات و بہادری کے بہت جوہر دکھائے تھے ۔پاکستان کے جس جس علاقے سے دشمن نے حملہ کیا جب وطن باسیوں نے اس کا منہ توڑ جواب دیا ۔
ہڈیارہ سے لے کر کھیم کرن تک
چونڈہ سے لے کر ہلواڑے تک
واہگہ سے لے کر جام نگر تک
قصور سے لے کر اکھنور تک
ہر طرف پاک فوج کی سرخروئی کے پرچم لہرا رہے تھے
20ستمبر کو سلامتی کونسل کے کہنے پر جنگ بندی کا اعلان کر دیا گیا
یہ جنگ 17 روز جاری رہی اس کے خاتمے تک ہندوستان اپنا بھاری جانی اور مالی نقصان کروا چکا تھا ۔
یہ جنگ بھارتی ٹینکوں کا قبرستان ثابت ہوئی ۔120 ٹینک تو لاہور سیکٹر میں ہی تباہ ہو چکے تھے ۔
بھارت کے پانچ سو سولہ ٹینک جب کہ ہمارے 35 ٹینک تباہ ہوئے تھے ۔
بھارت کے سات ہزار فوجی جہنم واصل ہوئے جبکہ پاکستانی 830 جوان شہید ہوئے
بھارت کے 1000فوجیوں کو قیدی بنایا گیا جبکہ پاکستان کے 17 فوجی ہندوستان کے قیدی بنے ۔
بھارت کے 1617 مربع میل کے رقبے پر پاکستان کا قبضہ ہوگیا جبکہ پاکستان کے 447 رقبے پر ہندوستان نے قبضہ کیا اور درجنوں جنگی انڈین جہاز ہمارے ماہر ہوا بازوں نے تباہ کر دیئے اور یوں ہندوستان کے وزیراعظم لال بہادر شاستری کا لاہور میں ناشتہ کرنے کے بعد جم خانوں میں بیٹھ کر جام سے جام ٹکرا نے کا خواب منوں مٹی تلے ملیامیٹ ہو گیا ۔
اس وطن کا ایک ایک ذرا ان شہیدوں کے ایک ایک قطرے کا مقروض ہے۔ جن آزاد فضاؤں میں ہم سانس لے رہے ہیں اس کے ایک ایک جھونکے میں ان کے مقدس لہو کی خوشبو شامل ہے ۔
جنہوں نے اپنا خون دل دے کر گلاب کی طرح اپنے وطن کو سنو ارا اور اپنے تازہ لہو سے اس کی آبیاری کی ہے اور انھوں نے یہ واضح کر دیا ۔
جب بھی گھیرا تجھے ظلمتوں نے کبھی
مشعل جام بنے ہم مقابل رہے
ہم نے مر کر تجھے سرخرو کردیا
ہم بھی تیرے شہیدوں میں شامل رہے
آئیں یوم دفاع کو یاد رکھتے ہوئے ہم اپنے وطن کی پاک مٹی سے وعدہ کریں کہ جب بھی ضرورت پڑے گی ہم بھی اپنے وطن اور اسلام کی خاطر اپنا تن من دھن اس پر نچھاور کر دیں گے ۔اللہ تعالی اس اسلام کے قلعے کو محفوظ اور مستحکم بنا ۓ ۔ہمیں کفار پر فتح و نصرت عطا کرے ۔اسلامی ریاست کا وجود قائم رہے اور ہر طرف اسلام کا بول بالا ہو جائے (آمین)
**********************