Category: بلاگ

"ہمارا بچہ تو ہماری سنتا ہی نہیں”۔۔۔”بے کہنے کا ہو گیا ہے”۔۔۔”نہ تووقت پے سونا ہے نہ وقت پراٹھنا”۔۔۔” پڑھنا لکھنا ہے نہیں بس سارا دن موبائل ہے”۔۔۔”ہر ایک سے بدتمیزی اب تع محلے سے بھی شکاتیں آرہی ہیں”۔۔
یہ ہیں وہ جملے اور آوازیں جو آجکل تقریبا ہر گھر سے سنائ دی جا رہی ہیں ۔۔۔ ماں باپ بچوں کی شرارتوں اور منفی روئیے سے بے حد پریشان نظر آتے ہیں۔۔۔پرائیوٹ اسکولوں کی بھاری بھاری فیسیں دے کربھی بچہ نہ تو پڑھ پارہا ہے اور نہ ہی کوئ تربیت حاصل کر پارہا ہے۔۔۔ اس کے علاوہ ٹیوشن کا بوجھ الگ ہے لیکن بچے ویسے ہی بدتمیز_بے سلیقہ اور بد تہزیب۔۔۔ایسا کیوں ہے۔۔۔؟؟
دراصل آج کل کی مصروف زندگی میں والدین نے اپنی زمہ داریاں بھی اسکول اور ٹیوشن کی ٹیچر پر ڈال دی ہے ان کو یہ بات معلوم ہی نہیں کہ بچے والدین کا عکس ہوتے ہیں اور بچوں کی سب سے بڑی تربیت گاہ اس کا اپنا گھر ہے اور اس کے گھر کا ماحول جیسا ہو گا بچہ بھی ویسے ہی ڈھلے گا یاد رکھئے آپ کا بچہ جو آپ کو دیکھ کر سیکھ سکتا ہے وہ کوئ دوسرا سکھا ہی نہیں سکتا یہ ایک ایسا خودکار عمل ہے جس کو سمجھنے کے لئے کوئ روکٹ سائنس نہیں۔۔۔
مجھے یاد ہےجب ہم چھوٹے تھے ۔۔تو جیسے ہی ازان کی آواز آئ ابا جی نےٹیلی ویژن بند کر دینا تھا اور فورا نماز کے لئے چلا جاتےتھے جیسے جیسے ہم بڑے ہوئے تو ازان ہوتے ہی ہم بھی ٹی وی بند کر دیتے اور نماز کے لئے مسجد کی دوڑ لگا دیتے تھے مجھے یاد نہیں کہ کبھی ابا جی نے ہمیں نماز کی سختی کی ہو ہم ابا جی کے طرزعمل کو دیکھ دیکھ کر اتنے عادی ہو چکے تھے کہ نماز چھوٹتی ہی نہیں تھی۔۔۔۔۔
اس کے علاوہ میرے والد صاحب جب گھر میں داخل ہوتے تو پہلے دروازہ کھٹکھٹاتے اور داخل ہو کر باآواز سلام کرتے تھے اور امی سے مسکراتے ہوئے بات کرتے۔۔۔ آہستہ آہستہ یہ عادتیں ہم سب بہن بھائیوں میں بھی منتقل ہوئیں سب بہن بھائ بناء دستک دئے اپنے گھر میں داخل نہیں ہوتے تھے۔۔۔ اور داخل ہوتے ہی باآواز ہو کے سلام کرتے اور امی کے پاس بیٹھ کر پہلے گپ شپ۔لگاتے پھر دیگر کاموں میں لگتے تھے۔۔۔۔
مجھے یہ بھی اچھی طرح یاد ہے کہ ابا جی جب آفس سے گھر آتے۔۔۔ تو پہلےدادی جان کے پاس بیٹھتے اور ان کا ہاتھ چومتے تھے۔۔۔ابا جی کی یہی عادت ہم سب بہن بھائیوں نے بھی پائ۔۔۔ گھر آتے ہی امی کے پاس بیٹھتے کوئ ان سے لپٹ کر اپنی محبت کا اظہار کرتا توکوئ ان کے زانو پر سر رکھ کر لیٹ جاتا اور کوئ تو باقاعدہ پیار کرنا شروع کر دیتا تھا۔۔۔
اس کے علاوہ میں نے یہ بھی دیکھا کہ اکثر ابا جی گھر کے کام کاج میں امی کا ہاتھ بھی بٹاتے تھے اگر امی کپڑے دھو رہی ہوں یا کھانا پکا رہی ہوں تو وہ بھی انکی مدد کرتے تھے۔۔۔بالکل یہ ہی عادتیں کم و بیش ہم سب بھائیوں میں منتقل ہوئیں ہم سب کام کاج میں اپنی بیگمات کا ہاتھ بٹاتے ہیں۔۔۔
علاوہ ازیں ہم نے ہمیشہ امی کو پنجگانہ نماز پڑھتے دیکھا کبھی سر سے دوپٹہ نہیں اترتا تھا ۔۔۔صبح صبح اٹھ جانا ۔۔فجر سے فارغ ہو کر تلاوت کلام ان کا معمول تھا ۔۔۔اور آپ یقین جانئے میری تمام۔بہنیں بالکل امی کی طرح ہی صبح سویرے اٹھتی ہیں اور وہی معمولات زندگی اپنائ ہوئ ہیں جو میری والدہ کے تھے۔۔۔۔
ہم نے تو کبھی اپنے والدین کو لڑتے ہوئے بھی نہیں دیکھا لڑنا تو دور کی بات ہماری امی جی ابا کے آگے اونچی آواز میں بات بھی نہیں کرتی تھیں۔۔۔ہمیشہ اہل محلہ کے دکھ درد میں شریک رہتی تھیں ۔۔۔محلے میں کسی کے گھر کوئ تقریب ہو ہمارا بیٹھک والا کمرہ شادی کی تقریب والے محلے داروں کو دے دیا جاتا تھا ۔۔۔جہاں ان کے مردمہمانوں کا انتظام ہوتا تھا۔۔۔اور امی اور ابا دونوں ان کے لئے ایسے بڑھ چڑھ کرکام کرتے تھے جیسے وہ محلے دار نہیں رشتہ دار ہوں۔۔۔اب تو سارے محلے کے گھر ہی بڑے ہو چکے ۔۔۔لیکن پھر بھی ان کے دکھ سکھ میں ہم سب ان کے ساتھ ویسے ہی کھڑے ہوتے ہیں جیسے ہمارے والدین ہوتے تھے۔۔۔
اچھا ہمارے گھر میں ایک اور اچھی بات تھی کوئ بھی بات ہو۔۔۔مسئلہ ہو۔۔۔یا کسی کے رشتے وغیرہ کی بات ہو۔۔ابا جی ہم سب سے مشاورت ضرور کرتے تھے۔۔۔ مجھے اچھی طرح یاد ہے میں کافی چھوٹا تھاجب میری بڑی بہن کا رشتہ آیا تو ابا جی نے مجھ سمیت سب بہن بھائیوں سے مشورہ کیا تھا۔۔۔ اکثر دیگر امور میں بھی وہ ہمیں مشاورت میں شامل رکھتے تھے اور شاید یہ ہی وجہ ہے کہ میں بھی اپنے گھر میں کسی بھی امور پر اپنی فیملی سے مشاورت کرتا ہوں اور ہمارے گھر میں جو بھی فیصلے ہوتے ہیں باہمی رضامندی سے ہی ہوتے ہیں۔۔۔
ایک بات اور۔۔۔میرے گھر میں صفائ کا بڑا خیال رکھا جاتا تھا والدہ بغیر ہاتھ دھوئے کچن میں بھی نہیں جاتی تھیں اور ہمیں بھی جانے کی اجازت نہیں تھی۔۔گھر ہمیشہ شیشے کی طرح دمکتا رہتا تھا۔۔۔ جھوٹ بولنے کو اور گندے الفاظ کے استعمال کو بہت معیوب سمجھا جاتا تھا۔۔۔اور اللہ تعالی کا لاکھ لاکھ شکر ہے یہ ہی عادت ہم سب بہن بھائیوں میں بھی ہے سب کے گھر صاف ستھرے روشن ۔۔اور ہمیشہ ہی سچ اور ستھرا ہی بولتے ہیں۔۔۔۔
تو دوستوں! یہ تمام عادات جو ہمیں اپنے والدین سے ملیں اور ہم نے بھی وہی طرز زندگی اپنے انفرادی گھرانے میں بھی اپنائ ہے۔۔۔اب ماشاء اللہ میری اولاد بھی اسی نقش قدم پر چل رہی ہے۔۔۔ سب بتانے کا مقصد یہ تھا کہ ہمارے والدین نے ہمیں سرکاری اسکولوں میں ہی پڑھایا اور بڑے نے چھوٹے کو پڑھائ میں رہنمائ کی اور اس نے اور نیچے والے کو ۔۔اس طرح ٹیوشن سے بھی دور رہے۔۔۔ ہماری تربیت توازخود ہی ہوتی رہی۔۔۔ نہ کوئ بھاری فیس والا اسکول ۔۔۔اور نہ کوئ قیمتی ٹیوشن۔۔۔ سب بہن بھائ ماشاءاللہ اس معاشرے میں ایک کامیاب باعزت زندگی بھی گزار رہے ہیں۔۔اور اللہ تعالی کا بڑا احسان ہے ہمارے گھر سے ایسے جملوں کی آواز بھی نہیں آتیں جن کا زکر میں نے مضمون کے شروع میں کیا ۔۔

@Azizsiddiqui100

تمام پاکستانی جو سوشل میڈیا کی تھوڑی بہت سمجھ بوجھ رکھتے ہوں گے یا استعمال کرتے ہوں گے وہ یقیناً اس نام سے واقف ہوں گے- قاسم علی شاہ ایک معلم ، موٹیویشنل سپیکر ہیں اور پوری دنیا میں ان کو مثبت سوچ پھیلانے کا باعث بننے کی وجہ سے بہت زیادہ سراہا جاتا ہے اس وقت پاکستان میں ان کی فاؤنڈیشن بھی فعال ہے جس کا مقصد ملک کے نوجوانوں کو اس طرح تیار کرنا ہے کہ وہ ایک ایسی زمدگی بسر کریں جس کا انہوں نے خواب دیکھا ہو-اس وقت وہ بارہ کے قریب کتابوں کے مصنف ہیں اور ان کی کتاب بڑی منزل کے مسافر نے سیل کے کئی ریکارڈ بنائے ہیں سوشل میڈیا اس وقت ایسا ہتھیار بن چکا ہے جو ہر انسان کے ہاتھ میں ہے اور وہ بنا سوچے سمجھے چلا رہا ہے کئی بار تو اس کو درست استعمال کیا جاتا ہے مگر کئی دفعہ اس کو غیر مناسب انداز میں استعمال کیا جاتا ہے ایسی ایک مثال آپ قندیل بلوچ کے حوالے سے سیکھ سکتے جس کو آخر کار موت کی وادی میں سونا پڑا ایسا ہی ایک واقعہ گزشتہ دنوں پیش آیا جب کسی نے قاسم علی شاہ کی چند ایسی تصویریں سوشل میڈیا پر ڈال دیں جس میں انہوں نے قمیض نہیں پہنی ہوئی تھی اس پر ایک طوفان بدتمیزی کھڑا کر دیا گیا -لوگوں نے بغیر کچھ جانے یا سوچھے طرح طرح کی باتیں بنایا شروع کر دی غرض یہ کہ جتنے منہ اتنی باتیں-ٹویٹر پر ایک صارف واصف نے یہ لکھا کہ ابھی تو اصل کھیل شروع ہوا ہے آپ انتظار کریں تھوڑی دیر بعد قاسم علی شاہ کی ویڈیو اپلوڈ کروں گا جس میں وہ رنگرلیاں منا رہے ہیں اور کئی عورتوں کے ساتھ ناچ رہے ہیں ایک اور صارف عدنان نے لکھا کہ یہ قاسم علی شاہ ایک بہروپیہ ہے جس نے دانائی کا بھیس بدلا ہوا ہے جبکہ یہ ایک درندہ ہے جس نے کئی لڑکیوں کی زندگیاں بربا د کی ہیں اور آواز اٹھنے پر ان کو پیسے دے کر یا پھر طاقت کے زور پر دبا دیا گیا ہے اس طرح دیکھتے ہی دیکھتے یہ معاملہ ٹرینڈنگ میں چلنے لگا اور قاسم علی کو خود آ کر ان تصویروں کے معاملے کی وضاحت دینی پڑ گئی-قاسم علی شاہ نے واقعے کی تفصیل بیان کرتے ہوئے بتایا کہ ہماری فیملی یہ دیکھ کر ہنس رہی ہے کہ لوگ کیا کیا کہہ رہے ہیں انہوں نے بتایا کہ یہ تصویریں ان کے گھر کہ اندر کی ہیں اور انہوں نے خود بنائی ہیں اور تین سال پرانی ہیں انہوں نے اپنے گھر کی موجودہ تصویریں بھی شیئر کی اور دیکھایا کہ جو بیک گراؤنڈ تصویروں میں ہے وہی اب بھی ہے اور وہ اکثر کھر میں دھوتی اور بنیان میں ہوتے ہیں اس دن بھی میں ایک ایسے ہی لباس میں ملبوس تھا -اس کے علاوہ انہوں نے ان لوگوں کو مخاطب کیا جو لوگ اس بات کا انتظار کر رہے تھے کہ ابھی ویڈیوز آنے والی ہیں شائد وہ مایوس ہوں گے کیونکہ ایسی کوئی بات نہیں ہے-اس کے علاوہ انہوں نے تصویریں لیک ہونے کے بارے میں بتایا کہ موبائل میں خرابی کے باعث اسے مکینک کی پاس بھیجا گیا اور وہاں سے یہ تصویریں لیک ہوئی جن کی وجہ سے یہ سارا پراپیگنڈہ کیا جا رہا ہے آخر میں قاسم علی شاہ نے رب کی رضا کے لیے ان تمام لوگوں کو معاف کر دیا جو اس پراپیگنڈے میں شامل تھے اور ان کی ساکھ کو متاثر کرنے کا سبب بن رہے تھے -اب آتے ہیں اس طرف کہ یہ معاملہ کیوں پیش آیا یوں تو اس کی کئی وجوہات ہیں مگر جو اہم ہے وہ ہماری دوسروں کے معاملے میں ٹانگ اڑانے کی عادت ہے سب سے پہلے مکینک نے کوتاہی کرتے ہوئے تصویریں لیک کی اس کے بعدلوگوں نے بغیر کسی ثبوت کے باتیں بنائی شروع کر دی اور عزت اچھالنے کا سلسلہ شروع ہو گیا -کاش ہم ایک بہتر معاشرے کی تخلیق کے لیے اپنا کردار ادا کر سکیں-

ٹویٹر-mohsenwrites@

ہر پاکستانی کی طرح میرا دل بھی شدت سے چاہتا ہے کہ جیسے ترقی یافتہ ممالک میں ان کی زبان بولی جاتی ہے ویسے ہی ہمارے ملک میں ہماری ذبان بولی جائے اتنا میرا ملک ترقی کی منازل طے کرلے کہ پھرمیرے ملک میں رہنے والوں کو اردو زبان بولتے ہوئے شرم نہ آئے یا احساس کمتری کا احساس نہ ہو یہ بات بیرون ملک آکر میں نے بہت شدت سے محسوس کی کہ ہم خود کو بڑا ایڈوانس اور کوئی اونچی شے شو کرنے کے لیے اپنے بچوں کو فل انگلش میڈیم سکول میں تعلیم دلواتے ہیں اور فخر سے اپنے رشتےداروں کو بتاتے ہیں کہ جہاں ہمارا بچہ پڑھ رہا ہے وہاں مکمل آکسفورڈ کا نصاب ہے اردو کی بکس نہیں تو یہاں سے ہی ہماری قومی زبان کی بے حرمتی شروع ہوجاتی ہے ہمیں سب کو انفرادی طور پر اپنا آپ بدلنا ہوگا اگر چاہتے ہیں کہ ہماری ذبان کو بھی عزت ملے ۔مانتی ہوں انگلش انٹرنیشل زبان ہے بعض جگہ پر بولنی ضروری بھی ہوجاتی ہے اپنا پیغام کو بہتر انداز سےرسائی دینے کے لیے۔۔ لیکن اس کا یہ مطلب بھی نہیں کہ ہم اپنی زبان کو بھول ہی جائیں ہمارے بچے انگلش میں بات کرنی ذیادہ آسان سمجھیں بنسبت اردو کے ۔اور ہم اپنے بچوں کو فر فر انگلش بولتے ہوئے دیکھ کر واری صدقے جانا شروع ہوجائیں ۔۔ا
پاکستان کا ماحول ہی ایسا بن چکا ہے بچے تو بچے بڑے بھی اردو کے بجائے انگلش میں بات کرنا ذیادہ آسان سمجھتے ہیں اور فخر محسوس کرتے ہیں کہ سامنے والا انھیں کوئی بہت اونچی چیز سمجھ رہا ہے بڑا پڑھا لکھا سمجھ رہاہے ۔۔اور تو سکول میں بچوں کو کلاس میں بھی سختی سے انگلش میں بات کرنے کی ترغیب دی جاتی ہے توان بچوں نے پھر انگلش میں ہی بات کرنی ہے ناں جیسا ماحول ویسی تربیت ۔۔۔!!
اور اگر خوش قسمتی سے بچہ سرکاری سکول۔کالج میں داخل کروا دیں تو وہاں بھی دوسری قوموں کی غلامی کرنے پر ہماری پاکستانی قوم نمبر ایک پر ہی آئے گی فارسی ۔عربی کو لازمی نصاب میں شامل کیا ہوتا ہے ان مضامین میں پاس ہونا لازمی ہے ۔انگلش تو ہے ہی لازمی ۔اردو اختیاری مضمون کے طور پر پڑھایا جاتا ہے مطلب اس مضمون میں فیل بھی ہو جاو گے تو بھی کوئی بات نہیں آپ کو فیل نہیں مانا جائے گا بس انگلش میں پاس ہونا ضروری ہے ۔۔!!
افسوس ہم احساس کمتری کے ماری قوم ہمیں اپنی پہچان پر شرمندگی محسوس ہوتی ہے دوسروں کی پہچان کا رنگ اپنے اوپر حاوی کرنے کی جستجو میں لگے ہوئے ہوتے ہیں ہمارا پھر وہ حساب بن جاتا ہے۔۔
"کوا چلا ہنس کی چال اپنی بھی بھول گیا ”
بس یہ ہی کہنا چاہوں گی کہ ہمیں اپنی زبان کو ذندہ کرنا ہوگا ہر صورت ۔ہرقیمت پر ۔ہمیں طے کرنا ہوگا ہماری قومی زبان ہی ہماری دفتری زبان ہے یہ نہیں جس ملک سے ہمیں بھیک کے نام پر امداد مل جائے اسی کے گن گانے لگ جائیں اور اپنی روایات بھول جائیں اور اسی ملک کی زبان کے رٹے لگانے شروع کردیں
تاریخ کا مطالعہ کریں تو پتہ چلے کہ کتنے ملک پاکستان کے ساتھ آزاد ہوئے تھے آج وہ ملک ترقی پذیر ممالک میں شامل ہوچکے ہیں ہمارے ملک کو سب نے اپنے گھر کی لونڈی سمجھ رکھا تھا ۔خوب نوچا گھسوٹا اور دوسرے ممالک میں بھاگ گے ۔ایک وقت تھا جرمنی نے پاکستان سے قرض لیا تھا آج جرمنی کہاں اور ہم کہاں ۔۔!!ابھی بھی ملک کی تباہی نکل جاتی اگر اللہ تعالی پاکستان کو صادق وآمین ملک کا سربراہ عنائت نہ فرما تا صد شکر ۔۔تو بات کررہی تھی اردو زبان کی ۔جو سکون بھری راحت میں اردو میں محسوس کرتی ہوں اپناناپن محسوس ہوتا ہے ایسا دنیا کی کسی زبان میں محسوس نہیں کیا میری کوشش ہوتی ہے کم ازکم اپنے پاکستانیوں سے اردو میں بات کروں غیر ملکیوں سے ان کی زبان میں بات کرنا ہماری مجبوری ہے ورنہ میرا بس چلے تو انھیں بھی اپنی زبان سکھا دوں ویسے کافی غیرملکی لوگوں کو جن کے ساتھ میری اچھی دعا سلام ہے ان کو السلام علیکم بولنا سکھایا ہے ۔۔۔
ہماری پاکستانی عوام کو اب غفلت کی نیند سے جاگ جانا چاہئیے اپنے بچوں کو اپنے کلچر کے بارے میں بتاتے رہنا چاہئے ۔ اپنے بچوں کو بتانا چاہئیے کہ اردو بولنی کیوں ضروری ہے اردو زبان سے ہمارا کیا رشتہ ہے ۔اور اردو بولنا جہالیت نہیں اردو ہماری قومی زبان ہے ہمارا فخر ۔۔میں دوسروں کی کیا بات کروں میں اپنی کزنز سے کبھی وٹس آپ پر بات کروں تو وہ جواب انگلش میں دیتی ہیں اور میں دل میں کہتی ہوں ” ایڈی تسی انگلش دی جانشین "جیسے میں تو آپکو جانتی ہی نہیں ہوں ۔۔!!
پھر میں تو اردو میں ہی جواب دیتی ہوں کبھی احساس کمتری محسوس نہی ہوا اپنی زبان بولتے ہیں الحمدللہ ۔
اب پاکستان کے حالت بدل چکے ہیں ۔اب ہمیں اپنے گلے سے غلامی کا طوق اتار کر پھینک دینا چاہئیے کنویں کے مینڈک بن کر بہت ذندگی گزار لی اب اس حصار سے خود کو نکالنا ہوگا بحثیت قوم ہمیں بارش کا پہلا قطرہ ثابت ہونا ہوگا خود سے ابتدا کرنی ہوگی اور ایک تندرست معاشرے میں اپنا مثبت کردار ادا کرنا ہوگا اپنے لیڈر قائداعظم کا خواب شرمندہ تعبیر کرنا ہوگا۔۔ کسی شاعر نے کیا خوب کہا تھا
"نہیں بدلی کبھی ان قوموں کی حالت
جن کو خیال نہیں آتا اپنی حالت خود بدلنے کا ۔۔ !!