Category: بلاگ

‏

یہ خبر آج کل ہر چینل کی زینت بنی ہوئی ہے ہر کوئی اس کی coverage کرکے اپنے آپ کو انسانی حقوق, خواتین کے حقوق کا علم بردار ثابت کرنے کی کوشیش کر رہا rating بڑھ رہی ہے اور خوب رونق لگی ہوئی ہے اور ہم بھولے بھالے عوام گوں مگوں کی کیفیت میں مبتلا ہیں کہ کس کو سچ مانیں اور کس کو چھوٹ.
جو ہم نہ ہوتے تو کسی اور کے چرچے ہوتے.
خلقتِ شہر تو کہنے کو فسانے مانگے
آج کے جدید دور کو, جسے ہم ترقی یافتہ دور بھی کہتے ہیں حالانکہ ترقی مادی لحاظ سے ہے روحانی طور پر ہم ہم تنزلی کی جانب گامزن ہیں اس میں کوئی خبر چاہے چھوٹی ہو یا سچی, چُھپ نہیں سکتی اور اس خبر کے حوالے سے مزید خبریں ,تبصرے, آراء اور ہمدردیاں سامنے آتی ہیں. یہ بات ازل سے ثابت ہے کہ خیر اور شر دونوں ساتھ ساتھ چل رہے ہیں اچھائی نہ ہو تو برائی کی پہچان ممکن نہیں برائی نہ ہو تو اچھائی کی شناخت کرنا ممکن نہیں
اب آتے ہیں اس خبر کی طرف خبروں سے خبریں نکلتی ہیں اور ان خبروں سے حقائق سامنے آتے ہیں پنجابی میں کہاوت ہے.
” کملا گل کرے ,سیاڑاں قیاس کرے ”
یہ لڑکی جو خود کو مظلوم کہتی ہے اور جس کے ساتھ ان اوباش نوجوانوں نے جو کچھ کیا کسی طور بھی اس کو پسندیدگی کی نگاہ سے نہیں دیکھا جاسکتا. ہم اس لڑکی کی بد کرداری , بدچلنی یا کسی بھی قسم کی کردار کشی کا گھر بیٹھ کر کوئی جائزہ فتویٰ یا سرٹیفکیٹ جاری نہیں کرسکتے اور نہ ہی ہمیں ہمارا مزہب اور قانوں اجازت دیتا ہے. لیکن ایک بات واضح ہے کہ اس پورے معاملے میں لڑکی معصوم نہیں. اس نے خود اپنے fans / follower کو بلایا کہ ہم سب یومِ آزادی کو مل کر منائیں گے تم سب میرے دیوانے پروانے آجاؤ تمارے درمیان میں اپنی tik tok بناؤں گی اور مشہور ہوجاؤں گی. لیکن………… جناب گیم ہوگئی الٹی. وہ سب social media کے فرینڈز جھلائے ہوئے کتوں کی طرح اس پر چڑھ دوڑے
"بھیڑ جب بھیڑیوں میں جائے گی تو کیسے جان کی امان پائے گی”

اور اس بہتی گنگا میں جس نے نہیں بھی ہاتھ دھونے تھے دھولئے . اس واقعہ کے رونما ہونے کے بعد اس نیک پروین لڑکی نے کسی تھانے میں اپنے ساتھ ہونے والی بدسلوکی کی شکایت نہ کی لیکن جب بد سلوکی کی وڈیو تشتِ ازبام ہوئی تو تیسرے دن اس نے یاسر شامی اور اقرار الحسن سے رابطہ کیا کہ مجھے آپ بھائی لوگ انصاف دلائیں. یہ اور اس قسم کے کئی لوگ تو پہلے ہی تیار بیٹھے ہوتے ہیں کہ:
” کوئی خبر لگے اور ہمارا دھندہ چلے ”

اس کے پیچھے کیا اسباب, واقعات اور حقائق ہوتے ہیں ؟ اس بات سے انھیں کوئی غرص نہیں ہوتی.
بس اِس کے بعد کیا ہوا میں آپ تین چار روز سے دیکھ رہے ہیں نیوز چینل, انسانی حقوق, عورت فاؤنڑیشن, اداکار, اداکارئیں اینکرز غرض جس کو نہیں بھی بولنا بول رہا ہے اور اس واقعہ کی آڑ میں پوری دنیا کو بتا رہا ہے کہ ہمارا پاکستانی معاشرہ دنیا کا غلیظ ترین معاشرہ ہے یہاں بائیس کروڑ انساں نہیں بلکہ بھیڑے رہتے ہیں . اور ہماری بُزدار حکومت( فارسی میں بُز’ بکری’ کو کہتے ہیں ) کی دوڈیں لگی ہوئی ہیں. ہماری پنجاب پولیس افراد کے نامعلام جم غفیر کی تلاش میں سرگرداں ہیے اور ایک 79 سالہ بزرگ کو بھی شاملِ تفتیش کرلیا ہے اور جلد مجرموں کو کیفرے کردار تک پہنچائے گی.
پیڑاں ہور تے پکھیاں ہور.
میں آپ اس معاشرے میں رہتے ہیں برے لوگوں کے ساتھ اچھے بھی لوگ ہیں عورتوں کا ادب احترام کرنے والے بھی ہیں ہمارا معاشرہ اتنا بھی گندہ نہیں جتنا ہم اسے ثابت کرنے کی کوشش کررہے ہیں. ہر خبر کو دیکھیں سنیں لیکن یقین سمجھ بوجھ سے کریں
‎@Naseem_Khera

جب اللّلہ پاک خوش ہوتے ہیں تو وہ اہل خانہ کو بیٹی سے نواز دیتا ہے مگر اس جدید دور میں بھی بہت سے گھروں میں بیٹی کی پیدائش کو دل سے تسلیم نہیں کیا جاتا۔ اولاد اللّلہ پاک نوازتے ہیں چاہے بیٹا ہو یا بیٹی اللّلہ پاک کی مرضی اس میں شامل ہوتی ہے مگر کچھ گھرانوں میں نا شکری عروج پہ ہوتی ہے اور وہ بیٹی کو رحمت نہیں زحمت سمجھ لیتے ہیں اور الزام ماں پہ ڈال دیتے ہیں کہ بیٹی کیوں پیدا ہوگئ ۔ اس میں اب ماں کا کیا قصور جب دینے والی رب پاک کی ذات ہے ۔ بیٹی رحمت ہے نہ کہ زحمت ۔ لوگوں کو بیٹی کی پیدائش پہ اعتراض ہوتا کیوں ہے ؟؟ کیوں کہ بہت سے گھرانوں میں یہ سوچا جاتا ہے بیٹی پرائی ہوتی ہے اور بیٹے سہارا بن سکتے ہیں بیٹیوں کو بوجھ سمجھا جاتا ہے اسلئے کہ ایک دن انکی شادی کرنی پڑے گی جہیز دینا پڑے گا اکثر خاندان جائیدادیں بیٹیوں کو دینا پسند نہیں کرتے وہ سوچتے ہیں جائیداد گھر سے باہر نہ جائے یا تو بیٹی کی شادی خاندان میں کردی جاتی ہے۔ یا پھر کی ہی نہیں جاتی اسکو ساری زندگی کنوارہ بیٹھائے رکھتے ہیں ۔ تاکہ جائیداد کا بٹوارا نہ ہو اسکو خود غرضی کہا جائے یا کیا کہا جائے؟؟اگر بیٹی خود اپنی خوشی تلاش کرنے کی ہمت کرے خاندان سے نکلنے اور کہیں باہر شادی کرنے کا سوچ بھی لے یا کوشش بھی کردے اسکو قتل کر دیں گے مگر اسکو جینے نہیں دیں گے ۔بیٹی کو جائیدادیں نہیں چاہیے ہوتیں پیار محبت توجہ اچھا برتاؤ چاہیے ہوتا ہے ایک تو ایسے گھرانے میں بچیوں کو ساری زندگی کے طعنے سننے پڑتے ہیں اور دوسرا بیٹے کو ہی اہمیت دی جاتی ہے کہ سب کچھ بیٹے کا ہی ہے سب چیزوں، خوشیوں پہ اسی کا حق ہے ایسے بچیاں احساسِ کَمتَری کا شکار ہو جاتی ہیں ۔آخر کیوں ایسا سوچا جاتا ہے؟؟ بیٹی ہونا جرم نہیں ہے آخری لمحات میں یہ بیٹیاں ہی کام آتی ہیں بیٹیاں وقت پڑنے پہ ماں باپ کا بیٹے کی طرح سہارا بن سکتی ہیں انکو حقیر نہ سمجھا جائے وہ برابر توجہ کی مستحق ہوتی ہے۔ خوشیاں ان کو بھی چاہیے ہوتی ہیں وہ بھی انسان ہوتی ہیں انکے پاس بھی دل ہوتا ہے جو کہ دھڑکتا ہے مردہ دل نہیں رکھتی کہ جینا چھوڑ دیں ۔بیٹی پیدا ہو جائے نا شکری نہ کریں اللّلہ کی رضا پہ راضی رہا کریں ۔بیٹی کی جب شادی کی جاتی ہے اسکی مرضی پوچھنی چاہیے مگر اکثر خاندانوں میں اسکی مرضی نہیں پوچھی جاتی آخر بیٹیوں کے ساتھ ناانصافی کیوں کی جاتی ہے ؟؟اگر بیٹے اپنی مرضی کر سکتے ہیں بیٹیوں کا بھی حق ہے ۔بیٹی ہونا جرم نہیں جو ساری زندگی محرومیوں میں جینے کے لیے سزا سنا دی جاتی ہے۔بیٹیاں بہت معصوم ہوتی ہیں ۔ بہت سی تلخیوں دشواریوں کے ساتھ زندگی آخرکار گزر ہی جاتی ہے۔ یہ ہے تو ایک تلخ حقیقت مگر محرومیوں میں جینا آسان نہیں ۔ فقط بیٹی رحمت ہے کوئی گناہ نہیں ۔بیٹی کو محبت و شفقت دیں اس کو بھی ہر وہ چیز دیں جو بیٹے کو دیتے ہیں اسکو بھی تعلیم دلوائیں کیونکہ تعلیم پہ بیٹیوں کا بھی حق ہے آپکی ناقدری آپ کو مہنگی پر سکتی ہے ۔ اولاد کو برابر حقوق دیں خاص طور پہ بیٹیوں کے ساتھ نرمی برتیں ۔کوشش کریں انکی ہر جائز خواہش پوری کریں ۔ اور بیٹیوں کو جہیز جائیدادیں نہیں دینی مت دیں مگر اپنے پیار سے محروم مت رکھیں ۔

‎
‎@Hu__rt7

انسان جہاں پہاڑوں سے زیادہ مضبوط وہاں پہ ایک تنکے سے زیادہ کمزور بھی ہے۔
اللہ نے انسان کو جوڑے کی صورت پیدا کیا مرد اور عورت۔ پھر ان میں ایک دوسرے کیلئے راحت اور سکون رکھا یعنی انکو ایک دوسرے کے سکون کا ذریعہ بنایا۔
جب دونوں عاقل بالغ ہو جائیں تو نکاح کریں اور حلال طریقے سے ایک دوسرے سے راحت حاصل کریں۔ اس کے علاوہ اسلام نے ہر طریقے اور کام کو حرام قرارا دیا جس سے جنسی تسکین کا سامان پیدا کیا جائے۔
اللہ نے انسان کی ضروریات کو پورا کرنے کیلئے اس کا شرعی حل بھی ساتھ دے کر دنیا میں بھیجا۔ سیدھا راستہ دکھانے کیلئے کم و بیش ایک لاکھ چوبیس ہزار پیغمبر بھیجے۔ ہر پیغمبر نے اللہ کی طرف سے دیے گئے احکامات کو بخوبی احسن طریقے سے اپنی قوم تک پہنچایا۔
ہماری رہنمائی کیلئے اللہ نے حضرت محمد صلی اللہ علیہ وسلم کو بھیجا۔ آپ صلی اللہ علیہ وسلم نے دین اور دنیا کے ہر کام کی تعلیم دی اور اللہ کی طرف سے دیے گئے احکامات کو قول اور فعل سے امت تک پہنچایا۔
ہمارے پیغمبر حضرت محمد صلی اللہ علیہ وسلم کی ساری تعلیمات انسانیت اور ایک اچھے معاشرے کا بقاء ثابت ہوئیں۔ آپ صلی اللہ علیہ وسلم نے ہمیں دین اسلام پوری انسانیت اور اس کی ضروریات کو پورا کرنے اور اسکی بقاء کا ضامن ایک خوبصورت تحفے کے طور پر دیا۔
اسلام کے آنے کے بعد انسانیت کی ایک بہترین صورت سامنے آئی۔ انسان کو جینے کا شعور اور زندگی گزارنے کیلئے ایک بہترین راستہ عطا کیا۔
اسلام کا ہر حکم ہر طریقہ معاشرے اور انسانیت کی خوبصورتی کا ضامن ہے۔
اسلام کے آ جانے سے معاشرے سے جھوٹ فراڈ سود جیسی بیماریوں کو ختم کرنے کے احکامات آئے جس سے معاشرہ میں اخلاقی توازن آیا۔ اسلام نے حلال اور حرام کی تمیز سکھائی اور جانوروں کی طرح زندگی بسر کرنے والے انسان کو انسان کی طرح زندگی گزارنے کا شعور اور سلیقہ سکھایا۔
اسلام نے سکھایا کہ انسان اشرف المخلوقات ہے تو کیوں نہ پھر وہ ایسے کام۔کرے جس سے وہ سب سے منفرد اور ممتاز نظر ائے۔
اسلام کے آ جانے سے عورت کو جینے اور زندہ رہنے کا حق دیا گیا ورنہ اسلام سے پہلے لوگ بیٹی پیدا ہوتے ہی اس کو دفنا دیا کرتے تھے۔ بیٹی کی پیدائش کو باعث شرم اور ذلت سمجھا جاتا تھا اور نحوست مانا جاتا تھا لہذا پیدا ہوتے ہی زندہ درگور کر دیا جاتا تھا۔
اسلام کے آتے ہیں اس فرسودہ اور غیر انسانی روایت کو ختم کر دیا گیا بلکہ اللہ کے عذاب کا سبب بتایا گیا اور بیٹی کو اللہ کی رحمت کا نام دیا گیا۔ عورت کے مقام کو سمجھایا گیا اور لوگوں کو عورت کے ہر روپ کی قدر و منزلت سمجھائی گئی۔
ماں کے قدموں میں جنت رکھ دی بیٹی کو اللہ۔کی رحمت کہا گیا عورت کے حقوق مقرر کیے گئے عورت کو جائیداد میں حق دار قرار دیا۔ ماں کی گود کو بچے کی پہلی اور عظیم درسگاہ بنا دیا گیا ماں کے پیار کو بچے کیلئے شفا بنا دیا ماں کی دعاوں کو اولاد کی کامیابی کا ضامن کہا ماں باپ کی نافرمانی سے روکا گیا سخت وعیدیں سنائی گئیں۔
جہاں عورت کو یہ وقار اور رتبہ دیا وہاں پہ اس کو اپنی حفاظت کیلئے کچھ تعلیمات دی گئیں جن کا مقصد عورت کی حفاظت اور اس کو پاک دامن رکھنا ہے۔ وہ تعلیمات دی گئیں جن سے عورت کی عزت کو چار چاند لگ گئے اور عورت کا مقام عزت اور رتبہ اور بڑھ گیا۔
اسلام نے عورت کو اپنا جسم چھپانے کی تعلیم دی تاکہ اس پہ کسی کی بری نظر نہ پڑے اور ساتھ ہی مردوں کو حکم دے دیا کہ وہ کسی غیر محرم عورت کی طرف نظر نہ اٹھائیں یہاں یہ قید مرد اور عورت دونوں کے لئے ہے کہ دونوں اپنی نظروں کی حفاظت کریں۔ مرد کو عورت کی طرف دیکھنے سے منع کر دیا۔ اور عورت کو اپنے جسم کو چھپانے کا حکم دے دیا۔ تاکہ کسی کی نظر اگر پڑے بھی تو پردے کی وجہ سے کوئی بگاڑ پیدا نہ ہو۔
پردہ عورت کی حفاظت کا ضامن ہے اس کا لباس ہی ایسا ہو گھر سے باہر نکلتے وقت کہ اس پہ کسی کی نظر رک نہ پائے کسی کو یہ پتا نہ چلے کہ یہ کس عمر کی عورت جا رہی ہے؟
انسان کمزور ہے گناہ کی طرف جلد مائل ہو جاتا ہے پھر شیطان بھی انسان کے ساتھ ہوتا ہے تو ضروری ہے کہ دونوں مرد اور عورت اپنی نظروں کی حفاظت کریں نظریں جھکا کہ چلیں تاکہ کوئی بھی فتنہ انکے دل و دماغ میں داخل نہ ہو۔
کرنے اور کہنے کو یہ بہت چھوٹی چھوٹی باتیں پردہ کرنا اور نظریں جھکانا لیکن یقین جانیں برائی کا سب سے بڑا ذریعہ بھی یہی دو چیزیں ہیں۔
جب نظریں نہیں جھکیں گی تو لازمی حرام کی طرف بھی نظر جائے گی اور اگر پردہ نہیں ہو گا تو لازمی بات ہے کہ خرابی پیدا ہو گی۔
انسانی کمزوریاں غالب آ جائیں گیں۔
آج جو کچھ ہمارے ہمارے معاشرے میں ہو رہا ہے مردوں کی بڑی تعداد کا بناو سنگھار غیر محرم لڑکیوں کو اپنی طرف مائل کرنے کے لئے ہوتا ہے اور اس طرح کچھ عورتوں کے بناو سنگھار کا مقصد بھی صرف غیر مردوں کو اپنی طرف متوجہ کرنا ہوتا ہے تو اس صورت میں ہمارا معاشرہ کس سمت جائے گا؟
اسلام قوانین کا احترام کسی کے دل میں نہیں ہے تو معاشرے سے یہ ناسور کیسے ختم ہو گا؟
دور جدید میں جہاں انٹرنیٹ نے ہماری زندگی میں بےشمار سہولتیں لائیں وہاں کچھ مصیبتیں بھی ہمارے گلے پڑیں جنہوں نے رہی سہی کسر بھی پوری کر دی۔ آج دیکھا جائے معاشرے میں جنسی درندگی کے بڑھتے واقعات کا ایک سبب یہ انٹرنیٹ بھی ہے۔
اپنے بچوں کو اسلامی تعلیمات سے روشناس کروائیں دنیاوی تعلیم بھی ضروری ہے لیکن دینی تعلیم فرض ہے۔ اس فرض کو اچھے طریقے سے نبھائیں اور بچوں کا انسان بنائیں وحشی درندے نہیں جو ماوں بہنوں کی عزت کے محافظ ہوں عزتوں کو تار تار کرنے والے جانور نہیں۔
اللہ ہماری ماوں بہنوں کو شرم و حیا کی دولت سے مالا مال فرمائے۔
ﺁﻣــــــــــــــــــﻴﻦ ﻳَﺎ ﺭَﺏَّ ﺍﻟْﻌَﺎﻟَﻤِـــــــــﻴْﻦ
https://twitter.com/Emerging_PAK_B?s=09