Category: بلاگ

انسان کو اللہ رب العزت نے اشرف المخلوقات بنایا ہے اور اس کے زمہ عبادت کی زمہ داری دی ہے. اللہ رب العزت نے قرآن مجید میں ارشاد فرمایا.
"ہم نے انسانوں اور جنوں کو اپنی عبادت کے لیے پیدا کیا.”
اگر غور کیا جائے تو اسی مقصد کے لیے اللہ رب العزت کے حضور بہت سے فرشتے بھی اس کام کے لیے منتخب ہیں اور اس کام کو انجام دے رہے ہیں.
ایک جماعت مسلسل قیام دوسری رکوع تو تیسری سجدے کا شرف حاصل کرتے ہوئے اللہ تعالیٰ کی کبریائی بیان کر رہی ہے.
سوال یہ پیدا ہوتا ہے کہ انسان کے سر اشرف المخلوقات کا سہرا بھی سجا رکھا ہے. اور دیکھا جائے تو اوپر مذکورہ عبادت میں مشغول فرشتے بھی تو مخلوق ہی ہیں. تو پھر عبادت کے ساتھ ساتھ کونسی ایسی چیز انسان کے زمہ ہے جسے نبھایا جائے تو انسان اشرف المخلوقات کی صف میں شامل ہوتے ہیں.وہ انمول صفت احساس کی ہے دوسری مخلوقات میں اس صفت کو اس انداز میں ممتاز نہیں کیا گیا جس انداز میں انسان میں رکھا گیا ہے. انسان اور جانور میں فرق کرنے والی خصوصیت بھی یہی ہے.جانور زیادہ تر اپنی بقا آور ضرورت کی سوچ لیے ہوتا ہے. جبکہ انسان کو احساس اور ایثار کی دولت سے نوازا گیا ہے. اب سوال یہ ہے کہ کیا احساس کے لیے وسیع دولت لازمی ہے؟
بلکل نہیں احساس حقوق العباد کا ایسا رکن ہے جس میں ہر جگی دولت ضروری نہیں. بعض اوقات کسی کو آپکی اچھے گفتگو اس کے اعصابی دباؤ کو کم کر دیتی ہے. بعض اوقات آپ کی خوش اخلاقی اس کے لیے دردِ دوا بن جاتی ہے. کوئی شخص پریشان ہو اس کو اس کی ہریشانی سے نکال دینا بھی تو نیکی ہی ہے.
آئیے اس کو ایک شریعت کے اوراق سے دیکھتے ہیں.
ایک دن نبی کریم خاتم النبیںن محمدمصطفیٰﷺ حضرت عائشہ صدیقہ رضی اللہ تعالیٰ عنہا سے مخاطب ہوے اور کہا کہ مانگو عائشہ (رضی اللہ تعالیٰ عنہا) کیا مانگتی ہو. دریائے رحمت کو اس قدر جوش میں دیکھ کر اجازت طلب کی کہ میں اپنے والد محترم حضرت ابو بکر صدیق رضی اللہ تعالیٰ عنہ سے مشورہ نا کر لوں؟ حضور نبی کریم صلی اللہ علیہ وسلم نے تبسم فرمایا اور اجازت دے دی. سوال حضرت ابو بکر صدیق رضی اللہ تعالیٰ عنہ کے سامنے رکھا گیا تو آپ رضی اللہ تعالیٰ عنہ انتہائی دانشوری سے سوال تجویز کیا کہ پوچھو کہ واقع معراج النبی میں جب اللہ سے ملاقات ہوئی تو اس وقت کچھ راز و نیاز کی باتیں ہوئیں ان میں سے کوئی ایک بات بتا دیں.حضرت عائشہ صدیقہ رضی اللہ تعالیٰ عنہا نے سوال لا کر آپ ﷺ کی بارگاہ میں رکھ دیا. حضور نبی کریم خاتم النبیںن محمد صلی اللہ علیہ وسلم مسکراے اور جواب ارشاد فرماتے ہوئے فرمایا کہ اللہ رب العزت نے ارشاد فرمایا کہ میں سب سے زیادہ خوش اس شخصیت سے ہوتا ہوں جو کسی کے ٹوٹے ہوے دل کو جوڑے.وعدے کے عین مطابق جب سوال کا جواب لیے حضرت عائشہ صدیقہ رضی اللہ عنہا جناب حضرت ابوبکر صدیق رضی اللہ عنہ کے پاس پہنچیں اور جواب سے آگاہ کیا تو جواب سن کر حضرت ابوبکر صدیق رضی اللہ تعالیٰ عنہ ایک بار مسکراے اور پھر رونے لگے. حضرت عائشہ صدیقہ رضی اللہ تعالٰی عنہا نے وجہ پوچھی تو جواب دیا کہ میں مسکریا اس لیے کہ کائنات کا مالک کسی بندے کے بظاہر اتنے چھوٹے سے عمل سے سب سے زیادہ راضی ہو جاتا ہے. لیکن رویا اس لیے کہ اگر کسی سے کسی کا دل ٹوٹ جاے تو رب العالمین کتنا ناراض ہو گا اس بد بخت انسان سے.
تو پتا چلا کہ حقوق العباد صریحاً کنجی _ رضا _ رب العالمین ہے.
خدارا اللہ کی رضا چاہتے ہیں تو حقوق العباد کے بظاہر اس معمولی لیکن انتہائی اہم پہلو کو نظر انداز مت کیجئے. اپنے مسلمان بھائیوں بہنوں سے اچھی گفتگو کیجیے اگر ممکن ہو تو ان کے مسائل کا حل تجویز کیجیے مخلوق کی اللہ کی رضا کے لئے خدمت کیجیے تا کہ اللہ ہم سے راضی ہو.

@EngrMuddsairH

وطن عزیز دہائیوں سے بادشاہت کے نظام تلے دبی دبی سانسیں لیتا رہا لفظ جمہوریت ماضی میں صرف فسادات برپا کرنے کیلئے یا کالے دھن کو چھپانے کے لئے استعمال ہوتا رہا جمہوریت کا راگ الاپنے والوں نے اس کے معنی بدل دئیے ۔ یہ لفظ چوروں قاتلوں غرض کہ ہر طرح کے مافیا کیلئے بطورِ ڈھال استعمال ہونے لگا۔

2018 سے پہلے اسلامی جمہوریہ پاکستان میں حکمرانی میں تخت شاہی کی جنگ صرف دو گھرانوں میں پروان چھڑتی رہی اس ملک کی حکمرانی ان دونوں گھرانوں میں ہی تقسیم ہوتی رہی اس ملک کو ان بادشاہوں نے اپنی وراثتی جائیداد سمجھ رکھا تھا جو نسل در نسل منتقل ہونے کی خواہش مند تھے۔جیسے باپ کے بعد بیٹی ، بیٹی کے بعد بیٹی کا شوہر اور پھر نواسہ تو کبھی باپ کے بعد باپ کا بھائی ، بیٹی اور بھتیجا وغیرہ۔

یہ شجرہ نصب جوں کا توں ہی آگے بڑھتا رہتا اگر ایک شخص ان بادشاہوں کے سامنے آ کر انہیں للکارتا نہ تو۔ یہ ایسے ہی وطنِ عزیز کی بندر بانٹ کرتے رہتے۔
اس مردے مجاہد نے بائیس سال کی انتھک محنت سے ان موروثی بادشاہوں کا تخت چھین کر ٹکڑے ٹکڑے کر دیا۔ مگر اس تخت کے لالچ نے ان بادشاہوں کی اولادوں کو سکون نہ لینے دیا ۔ دونوں گھرانوں نے اپنے خاندانی وطیرہ بلیک میلنگ کو بروئے کار لاتے ہوئے ریاست کو کمزور کرنے کی ٹھان لی کبھی اداروں پر لفظوں کی گولا باری تو کبھی قومی سلامتی پر ۔ ان کا مقصد ملک میں عدم استحکام کو پیدا کرنا تھا۔
 ۔
پاکستانی قوم پر سب سے بڑا احسان جو اس شخص نے کیا سوئی ہوئی قوم کو جگا دیا ۔یہ قوم خوابِ غفلت کے مزے لے رہے تھی اس شخص نے قوم کی آنکھیں کھول دیں ۔ پاکستانی عوام کو زبان دی۔اس قوم کو ان کے حقوق سے آشنا کیا۔اور اس قوم کو غلامی کی ان دیکھی زنجیروں سے آذادی دلائی اس قوم کی غیرت ،عزت اور وقار کو جگا دیا۔شعور کی اس دولت سے بڑا ہتھیار اس مافیا کے خاتمے کیلئے اور کوئی نہیں ہو گا۔قوم کا بچہ بچہ تختِ شاہی کے نظام کو مسترد کرتا ہے۔

نوجوان یہ وطن تمہارا ہے اور آج کے نوجوان پاکستان کا مستقبل ہیں۔ اپنے وطن کی پاسبانی خود کریں۔
الحمدللہ ہم وہ قوم بن چکے ہیں جو کسی بادشاہ کو اور موروثی سیاست کو اپنے سر پر مسلط نہیں ہونے دیں گے ہم پاکستانی قوم موروثی سیاست کو بلکل مسترد کرچکے۔
وطن عزیز کے مستقبل کی ڈور سنبھالنے کیلئے اب مڈل کلاس اور غریب کا بچہ آگے بڑھے گا۔ہمارے عظیم قائد محمد علی جناح اور ہمارے بزرگوں نے اپنے جان و مال کی قربانی دے کر ہمیں آزادی اس لیے نہیں دلائی کے ہم ان بادشاہوں کی غلامی کرتے رہیں جن کا سب کچھ وطن عزیز سے باہر ہے ۔ 2018 کے الیکشن میں لاکھوں نوجوانوں، بزرگوں، ماوئیوں اور بہنوں نے اس فرسودہ نظام کو اپنے ہاتھوں سے دفن کیا ہے۔یہ پیارا وطن کوئی کھلونا نہیں ہے جسے ان بادشاہوں کے بچوں کو بہلانے کیلئے بانٹ دیا جائے ۔

یہ وطن پاکستانیوں کا ہے جن کے آباو اجداد نے لاکھوں قربانیوں کے بعد حاصل کیا ہے۔ آو مل کے کہہ دو ہم ہیں پاسبان اس کے ۔
پاکستان زندہ باد

@RajaArshad56

منشیات کا استعمال اس وقت ملک کے طول وعر ض میں پھیل چکا ہے اس کو مکمل روکنا تو ایک لحاظ سے ناممکن ہے مگر کسی حد تک اس کو کنٹرول کیا جاسکتا ہے شروع شروع میں تو اس کی چکھنے کی حد تک یہ صرف مختصر وقت کی لذت کے لیے استعمال کیا جاتا ہے مگر آہستہ آہستہ یہ مجبوری بن جاتی ہے اور اس سے جان چھڑانا ایک لحاظ سے ناممکن ہو جاتا ہے اس وقت پاکستان کے سکولوں اور کالجوں میں منشیات کا گڑھ بن چکا ہے شہریار آفریدی کے بقول اسلام آباد کے سکولوں میں نوے فیصد کے قریب بچے آئس کے نشے میں مبتلا ہیں یہ ایک انتہائی گھمبیر صورتحال ہے کیونکہ یہ اعداد و شمار موجودہ ایک وزیر کے ہیں-آئس ایک ایسا نشہ ہے جس کو استعمال کرنے کے بعد انسان اپنی جاگنے کی مقررہ حد سے کئی زیادہ وقت چاک و چوبند رہ سکتا ہے مگر جس وقت اس کا نشہ اترتا ہے تو اس وقت ان افراد کی حالت قابل ترس ہوتی ہے-آئس بیچنے والوں کے باقاعدہ طور پر سکولوں اور کالجوں میں نیٹ ورک موجود ہوتے ہیں جن کا کام نئے لوگوں کو گھیر کر نشے کا عادی بنانا ہوتا ہے اور باقاعدہ طور پر ان کو اس کام کی تنخواہ دی جاتی ہے اس کام کو بخوبی سرانجام دینے کے لیے ان سٹوڈنٹس کو یہ بات کہہ کر اس طرف راغب کرتے ہیں کہ اس کو استعمال کر کہ آپ بہت زیادہ وقت آسانی سے جاگ سکتے ہیں اس طرح آپ اپنی پڑھائی کو زیادہ وقت دے کر اچھے گریڈز حاصل کر سکتے ہیں اور اس طرح یہ سٹوڈنٹس کو اپنے جال میں پھنسا لیتے ہیں اس کے علاوہ اور کئی طرح کے نشے مارکیٹ میں اس وقت باآسانی دستیاب ہیں جن میں چرس ،افیون ، شراب اور ایم ڈی ایم شامل ہیں جن کے بارے میں حکومت جانتے بوجھتے ہوئے کوئی قدم اٹھانے میں بے بس نظر آتی ہے سٹوڈنٹس کی بڑی تعداد نشے کی عادی ہوچکی ہے اور ان کے عادی ہونے کی بنیادی وجوہات میں سے امتحانات میں فیل ہو جانا ، گھر والوں کا دباؤ ، بے روزگاری ، نوکریوں کو تناسب کم ہونا اور اس کے علاوہ بہت زیادہ پڑھائی کا پریشر ہونا اور اس دباؤ کو کم کرنے کے لیے وہ نشے میں سکون تلاش کرتے ہیں میری ایسے ہی ایک طالبعلم شاہزیب عارف سے بات ہوئی جو جامعہ پنجاب میں قانون کا طالبعلم ہے اور اس نے بہت زیادہ دباؤ کی وجہ سے نشہ کرنا شروع کر دیا اور اس میں وہ سکون حاصل کرنے لگا-شائد نشہ کرنے والے افراد یہ بات سوچنے سے قاصر ہوتے ہیں کہ اس کا انجام بہت برا ہو گا یا پھر وہ یہ بات سمجھتے ہوں مگر وہ اپنے آپ کو کنٹرول نہ کر پاتے ہوں کہ وہ اس کو ترک کر سکیں مگر حقیقت میں اس کے اثرات بہت برے ہوتے ہیں جن میں بعض اوقات بات خودکشی تک جا پہنچتی ہے قائداعظم یونیورسٹی کےطالبعلم وسیم عباس نے گزشتہ سال منشات کے ہاتھوں مجبور ہو کر خودکشی کی کوشش کی مگر قسمت نے یاوری کی اور وہ محفوظ رہا مگر ہر کسی کی قسمت وسیم جیسی نہیں ہوتی اس کے علاوہ منشیات کے نقصان میں غربت ، بے ردزگاری ، وقت کا زیاں اور سرمائے کے نقصان کے علاوہ اور کئی طرح کے عیب شامل ہیں اس لیے طالبعلموں کو چاہئے کہ اس سے جہاں تک ہو سکے اجتناب کریں اس کے علاوہ حکومت کو بھی چاہیے کہ اس طرح کے قانون بنائے جائیں جو تعلیمی اداروں میں منشیات کی فراہمی کو روک سکیں – موجودہ اعداو و شمار کے مطابق اس وقت پاکستان میں چالیس لاکھ کے قریب منشیات کے عادی افراد موجود ہیں اور ان میں طالبعلموں کی بہت بڑی تعداد موجود ہے ان افراد کی بحالی کے لیے سینٹرز بنائے جائیں جہاں ان کو بحالی کے عمل سے گزار کر ایک باعزت شہری بنایا جا سکے-

ٹویٹر-mohsenwrites@

سورۃ کہف قرآنِ کریم کی عظیم سورت ہے۔ کہف غار کوکہتے ہیں اس سورت میں غار والوں کے قصے کی مناسبت سے اسے "کہف” کہتے ہیں۔ یہ سورۃ اس وقت نازل ہوئی جب مسلمانوں پر اہلِ مکہ کا ظلم وستم انتہا کو پہنچ رہا تھا تا کہ اصحابِ کہف کا واقعہ سنا کر مسلمانوں کی ہمت افزائی کی جائے وور انہیں بتایا جائے کہ ان سے پہلے مسلمانوں پر اس سے زیادہ ظلم کیا گیا۔ ان کے پائے استقامت میں تزلزل نہیں آیا۔ (تیسیرالرحمن:832/1)
یہ سورت بہت سے فضائل پر مشتمل ہے۔
سیدنا ابودرداء رضی اللہ عنہ بیان کرتے ہیں کہ رسول صلی اللہ علیہ وسلم نے فرمایا: جس شخص نے سورۃ کہف کی ابتدائی دس آیات حفظ کر لیں، وہ فتنہ دجال سے محفوظ رہے گا۔ (صحیح مسلم:1883)
جو اس کی تلاوت کرے گا آئندہ جمعے تک اس پر خاص نور اور روشنی باقی رہے گی۔ (صحیح البانی، صحیح الجامع الصغیر:6470)
حافظ ابن حجر عسقلانی رحمہ اللّٰہ نے صفد کے قاضی محمد ابن عبدالرحیم العثمانی کی تحریر دیکھی جس میں لکھا تھا:
مجھے امیر سیف الدین الحسامی نے بتلایا کہ میں ایک دن صحرا کی طرف نکلا تو علامہ ابن دقیق العید رحمہ اللّٰہ کو ایک قبر پر کھڑے دیکھا؛
وہ روتے ہوئے پڑھ رہے تھے اور اور دعا کر رہے تھے۔ میں نے پوچھا: کیا ماجرا ہے؟ تو فرمایا: اس قبر میں مدفون شخص میرا شاگرد ہے اور مجھ سے پڑھا کرتا تھا؛
اس کی وفات ہوگئی تو رات مجھے خواب میں ملا ؛ میں نے حال احوال دریافت کیا تو کہنے لگا: جب آپ لوگوں نے مجھے قبر میں دفنایا تو ایک دھاری دار کتا آ دھمکا، جیسے کوئی درندہ ہو؛ وہ مجھ پر غرانے لگا جس سے میں بری طرح خوف زدہ ہو گیا۔ اتنے میں بہت ہی خوب صورت حلیے والا ایک بڑا مہربان سا شخص آیا اور اس کتے کو دھتکار کر وہاں سے بھگا دیا ۔ میں نے پوچھا: آپ کون؟ تو کہا: میں تیرا وہ ثواب ہوں جو تو جمعے کے دن سورت کہف کی تلاوت کر کے کماتا تھا۔
(الدرر لابن حجر، 5: 325؛ البدر الطالع للشوکانی، 2: 213)
اس کو پڑھنے سے گھر میں سکینت اور برکت نازل ہوتی ہے۔ سیدنا براء بن عازب کہتے ہیں کہ ایک شخص نے سورۃ کہف پڑھی ان کے گھر میں گھوڑا بندھا ہوا تھا۔جو بدکنے لگا تو انہوں نے سلام پھیرا (کیونکہ وہ نماز میں تلاوت کر رہے تھے) کیا دیکھتے ہیں کہ ابر ہے جو سارے گھر میں چھا گیا ہے انہوں نے نبی کریم صلی اللہ علیہ وسلم سے ذکر کیا تو آپ صلی اللہ علیہ وسلم نے فرمایا اے فلاں تو قرآن پڑھتا رہ یہ سکینت ہے۔ جو قرآن پڑھنے کی وجہ سے اتری۔ (صحیح بخاری:3614) سورہ کہف جن واقعات پر مشتمل ہے وہ بہت ہی قابل اور عبرت و نصیحت والے ہیں۔ اللہ نے چار واقعات کے زریعے چار اہم اسباق دئیے ہیں۔
1۔ دین میں فتنے سے محفظ رہنے کے لئے اللہ کی رسی کو مضبوطی سے تھامنا ہے اور نیک لوگوں کی صحبت اختیار کرنا ہے۔
2۔ مال کے فتنے سے محفوظ رہنے کا طریقہ یہ ہے کہ انسان اس دنیا کی حقیققت کو پہچانے کہ یہ دنیا بہت ہی معمولی اور حقیر شے ہے۔
3۔ علم کے فتنے محفوظ رہنے کا طریقہ یہ ہے کہ انسان اللہ کی مخلوق کے ساتھ تواضع و انکساری اختیار کرے۔
4۔ سلطنت کے فتنے سے بچنے کے لئے انسان یاد رکھے کہ دولت فانی ہے ایک دن ختم ہو جانی ہے۔ کبھی بھی ہمیشہ کے لئے نہیں ملتی۔
پہلے واقعہ میں غار والوں کا ذکر ہے یہ چند توحید پرست نوجوان تھے۔ جو ایک ظالم بادشاہ کے سامنے حق کا پرچم لئے ڈٹ گئے۔ ایک ظالم و جابر بادشاہ تھا جو اپنی قوم کو غیر اللہ کی عبادت کی دعوت دیتا تھا
چنانچہ چند نوجوان جو اللہ پر ایمان رکھتے تھے۔ عقیدہ توحید پر قائم تھے۔ اس بادشاہ کے خلاف کھڑے ہو کر حق کی آواز بلند کی۔ اس قصے میں نوجوانوں کے لئے بہت بڑا سبق ہے اصحابِ کہف نے اللہ کے دین کو بچانے کے لئے کوشش کی۔ انہوں نے اللہ سے دعا کی اور اپنے دین و ایمان کی حفاظت کے لئے اللہ کی پناہ طلب کی اللہ نے انہیں پناہ دی اور وہ غار میں 309 سال تک پڑے رہے۔ اور جب وہ بیدار ہوئے تو پورا ماحول بدل چکا تھا وہاں کے لوگ جو بت پرستی اور شرک میں مبتلا تھے توحید کے پرستار بن چکے تھے۔ اس سے سبق ملتا ہے کہ جو کوئی اپنے دین کو فتنوں سے بچانے کی لئے فرار ہوتا ہے تو اللہ اسے فتنوں سے محفوظ رکھتا ہے۔ جو اللہ سے پناہ طلب کرتا ہے اللہ اسے پناہ دیتا ہے اور اسے دوسروں کے لئے ہدایت کا زریعہ بنا دیتا ہے۔
سورہ کہف میں ایک واقعہ مال کے فتنے کے بارے میں ہے جس میں اللہ نے باغ والے کو بہت سی نعمتوں اور رزق کی فراوانی سے بخشا اس نے ناشکری کا اظہار کیا اسے ایک اللہ کا بندہ نیکی کا حکم دیتا اور برائی سے روکتا کہ ماشاءاللہ اور لا قوۃ الا باللہ کیوں نہ کہا؟ لیکن اس نے مال و دولت پر غرور کیا تو اللہ نے اس کے باغات کو تباہ کر کے سامانِ عبرت بنا دیا۔
تیسرا واقعہ علم کے فتنے کے بارے میں ہے اللہ نے اپنے نبی موسی کو اس فتنہ سے محفوظ رکھنا چاہاجب بنی اسرائیل نے ان سے پوچھا سب سے بڑا عالم کون ہے انہوں نے کہا میں ہوں ان کا جواب بر حق تھا اللہ نے انہیں تورات عطا فرمائی اللہ کی طرف سے انہیں نو واضح نشانیاں ملیں۔ اور وہ ظالم بادشاہ فرعون سے برسر پیکار تھا۔ جس نے رب ہونے کا دعوی کیا تھا لیکن ان سب کے باوجود اللہ نے ان کی سرزنش کی اور بتایا کہ ہمارا بندہ خضر ہے جو علم اس کے پاس ہے وہ تمہارے پاس نہیں۔ مفسرین کہتے ہیں کہ حضرت موسی علیہ السلام اس عالم سے ملاقات کے لئے 80 سال چلتے رہے۔ لہذا علم کے فتنے سے بچنے کا طریقہ یہ ہے کہ انسان اللہ کے لئے تواضع اور خاکساری اختیار کرے اور ہمیشہ اللہ کے اس فرمان کو یاد رکھے کہ تمہیں بہت کم علم دیا گیا ہے۔
چوتھے واقعے میں اللہ کے نیک بندے ذوالقرنین کا ذکر ہے جسے اللہ نے مشرق سے لے کر مغرب تک حکمرانی اسباب اور وسائل دیئے۔ اور اس بندے نے زمین میں تکبر و فساد کی بجائے عاجزی اور اصلاح سے کام لیا۔ لوگوں کو ظالموں کے شر سے بچایا۔ لوگوں کو یاجوج ماجوج کے شر سے بچانے کے لئے ایک قلعہ بند تعمیر کیا اور یاجوج ماجوج وہاں قید ہوگئے اور قیامت تک رہیں گے۔ یہاں تک کہ اللہ انہیں نکلنے کی اجازت دے دے۔
اس سورۃ کے تمام واقعات پر غور و فکر کریں۔ اور عبرت و نصیجت حاصل کرنی چاہیے ۔ بالخصوص اس سورۃ کی جمعۃ المبارک کے دن تلاوت لازمی کیجئے۔ اور پہلی دس آیات لازمی حفظ کر لینی چاہیے۔ تاکہ فتنہ دجال جو سب سے بڑا فتنہ ہے اس سے محفوظ رہیں۔
اللہ تعالیٰ قرآنِ حکیم کی بہترین سمجھ اور عمل کرنے کی توفیق دے۔ آمین
جزاکم اللہ خیراً کثیرا
@Nusrat_writes

افغانستان کا پر امن مستقبل اب دنیا کے لیے ایک چیلنج ہے جو اعلی انسانی اقدار سے لے کر علاقائی اور عالمی امن اور اقوام متحدہ کی ساکھ تک ہے۔ایک طرف چار دہائیوں سے لگاتار دو سپر پاورز کی مسلح مداخلت اور افغانستان میں خانہ جنگی کی وجہ سے ہونے والی تباہی افغانیوں کے اپنے گھروں کو واپس آنے اور امن سے رہنے کے منتظر ہے۔ دوسری طرف ، خطے میں ایسے ممالک ہیں جو اپنے پڑوس میں دیرینہ بدامنی کا شکار ہیں۔تیسری طرف پاکستان جیسا ملک ہے جو افغانستان کے حالات سے سب سے زیادہ متاثر ہے۔ چوتھی طرف وہ طاقتیں ہیں جو افغانستان میں تشدد اور اس کے پڑوسیوں پر منفی اثرات دیکھتے ہیں ، جبکہ خطے کی حالت ایسی ہے کہ اس کا امن اب افغانستان میں آتش فشاں کے جلنے کے ہولناک اثرات برداشت نہیں کر سکتا۔یہ حقیقت ہے کہ اقوام متحدہ کی جدید تاریخ میں افغانستان واحد ملک ہے جو تقریبا نصف دہائی سے جنگ کا شکار ہے۔ افغانستان میں جنگ روسی مداخلت سے شروع ہوئی۔ روس کے انخلاء کے بعد طالبان اور دیگر افغان مسلح گروہوں کے درمیان طاقت کی جنگ شروع ہو گئی۔ طالبان نے خانہ جنگی جیتی اور 1996 سے 2001 تک افغانستان پر حکومت کی۔11 ستمبر کا سانحہ طالبان حکومت کے دوران پیش آیا ، جس کے بعد امریکی قیادت میں نیٹو افواج نے افغانستان میں ایک نئی جنگ شروع کی۔ جنگ تقریبا دو دہائیوں کے بعد طالبان اور امریکہ کے درمیان ایک معاہدے کے ساتھ ختم ہوئی ہے۔اس معاہدے کے نتیجے میں افغانستان سے غیر ملکی افواج کے انخلا کا عمل شروع ہوا اور اب افغانستان سے امریکی اور نیٹو افواج کا انخلا تقریبا مکمل ہو چکا ہے۔
طالبان ملكی دارالحکومت کابل سمیت اب تک 34 میں سے 25 صوبائی دارالحکومتوں پر کنٹرول حاصل کر چکے ہیں۔

طالبان حکومت کے سابقہ ​​تجربے کی بنیاد پر یہ خدشات بھی ظاہر کیے جا رہے ہیں کہ طالبان حکومت کے تحت شہری اپنے بنیادی حقوق سے محروم ہو جائیں گے۔اگرچہ ، طالبان ترجمان ان تمام امکانات کو مسترد کر رہے ہیں اور اس بات کی یقین دہانی کروا رہے ہیں کہ ان کی حکمرانی کے دوران خواتین کی تعلیم سمیت کوئی انسانی اور شہری حقوق نہیں چھینے جائیں گے ، لیکن دنیا اس حوالے سے ماضی کی تلخ یادوں کو مٹانے کے لیے تیار نہیں ہے۔
لیکن اس بار اگر طالبان اقتدار میں آتے ہیں تو یہ بہت ممکن ہے کہ ان کا طرز حکمرانی ماضی سے تھوڑا مختلف ہو۔ اس کے علاوہ ، افغان طالبان ، یقینا ، اب سیاسی قوتیں ہیں ، ان کا طرز حکمرانی ماضی سے مختلف ہونے کا امکان ہے ، گزشتہ دو دہائیوں کی جنگ ، بین الاقوامی رسائی اور بین الاقوامی تنقید کے پیش نظر۔
بین الاقوامی میڈیا کے مطابق افغانستان میں مقامی مسلح گروہ جیسے ذوالفقار امید گروپ ، عبدالغنی علی پور گروپ وغیرہ اور اس طرح کے درجنوں دیگر مسلح گروہ طالبان کے خلاف سرگرم ہو گئے ہیں۔ افغانستان کا مسئلہ ایک سیاسی مسئلہ ہے اس لیے اس کا سیاسی حل تلاش کیا جانا چاہیے۔
اور صحیح کام یہ ہے کہ طالبان سمیت تمام فریق ایک نیا افغان آئین لے کر آئیں۔یہ یقینی طور پر دونوں فریقوں کے لیے ایک مشکل مرحلہ ہوگا ، کیونکہ اس طرح کا معاہدہ لامحالہ دونوں فریقوں کے لیے نقصان کا باعث بنے گا ، لیکن اس کی قیمت ویسے بھی ایک نئی جنگ سے کم ہوگی۔ اگر فریقین اس طرح کے معاہدے سے اتفاق نہیں کرتے تو پھر 1990 کی طرح طاقت افغانستان کے مستقبل کا فیصلہ کرے گی۔ اور آخر میں ، یہ نوٹ کیا جانا چاہیے کہ ، وقت یہ بھی مطالبہ کرتا ہے کہ افغان تنازعہ بغیر کسی تاخیر کے حل کیا جائے۔ بصورت دیگر صورتحال مزید خراب ہونے کے امکان کو رد نہیں کیا جا سکتا۔

مصنف آزاد کالم نگار اور سوشل میڈیا ایکٹیو سٹ ہیں
@Bilal_1947

14 اگست کا دن تھا لوگ پاکستان کا جشن آزادی دھوم دھام سے منا رہے تھے کراچی میں لوگ مزار قائد اور لاہور میں مینار پاکستان کا رخ کرتے ہیں ویسے میں ذاتی طور پر اس چیز کے حق میں نہیں ہوں بہرحال مینار پاکستان لاہور میں ایک لڑکی اپنے کچھ جاننے والوں کے ہمراہ جشن آزادی کی خوشیاں منانے پہنچی کہا جارہا ہے کہ وہ خاتون کسی سوشل میڈیا ایپ کے لئے ویڈیوز بنانے کے لئے وہاں آئی تھی

پھر ہوا یہ کہ وہ لڑکی انسان نما درندوں کو گوشت کا لوتھڑا نظر آنا شروع ہوئی بقول کچھ لوگوں کے وہ ایسا لباس زیب تن کئے ہوئی تھی جو نا مناسب تھا ان کے لئے عرض ہے نامناسب لباس پر تنقید کرنے والوں نے وہ لباس دیکھا کیسے کیوں کہ مسلمان کے لئے تو نگاہوں کو نیچے کر کے چلنے کا حکم ہے خیر نامناسب لباس پر تنقید کرنے والوں سے گزارش ہے کہ وہ لباس نامناسب تھا تو اس کو اتار کر خاتون کے جسم کی رونمائی کرنا جائز کیسے ہوگیا؟

پوری دنیا سے جمع ہونے والے ریپ اور زیادتی کے واقعات میں امریکہ 84767 واقعات کے ساتھ پہلے ساؤتھ افریقہ 66196 کیس کے ساتھ دوسرے اور ہندوستان 22172 کیس کے ساتھ تیسرے نمبر پر ہے اب یہ کیس آفیشل طور پر انہی حکومتوں نے جاری کئے ہیں تو جو لوگ مینار پاکستان پر ہونے والے واقعات کو بیان کرنے والوں کو بیرونی سازشوں کا حصہ اور اپنے ملک کو بدنام کرنے کی کوششیں کرنے والا بنا کر محب وطن بننے کی ناکام کوشش کر رہے ہیں ان کو بتاتا چلوں غلط کو غلط نا بولنے والے ملک کبھی ترقی نہیں کر سکتے پوری دنیا میں رونما ہونے والے اس طرح کے واقعات پر آواز اٹھانے والی قوموں کو دنیا تاریخ میں ہمیشہ یاد رکھتی ہیں کہ وہ ایسی قوم تھی ایک واقع ہوا تھا پوری قوم ملکر سڑکوں پر نکل آئی اور ایسے قانون نافذ کروائے کہ اب لوگ جرم اور ایسی حرکتیں کرنے سے پہلے ایک ہزار بار سوچتے ہیں

خیر ہر ایک کو اپنی بات کہنے کا پورا حق ہے مگر ایک عورت پر وہشیوں کی طرح ٹوٹنے والوں کا دفاع کرنے والے معزرت کے ساتھ ایک بار صرف ایک بار یہ سوچئے کہ اگر وہ خاتون آپکی بہن بیٹی یا بیوی ہوتی تو کیا تب بھی آپکا ردعمل ایسا ہی ہوتا جیسا کہ اب ہے کہنے والے کہہ رہے ہیں کے کچھ دیر پہلے کی ویڈیو دیکھیں خود لوگوں کو جمع کیا جارہا ہے تو ان کی اطلاع کے لیے بتاتا چلوں محترمہ بینظیر بھٹو کی شہادت سے چند منٹ پہلے کی ویڈیو دیکھیں جہاں محترمہ گاڑی میں عوام کے نعروں کا جواب دے رہی ہے اور چند ہی منٹوں میں فائرنگ اور دھماکے نے پاکستان کی سیاست کا رخ ہی پلٹ کر رکھ دیا اگر محترمہ کو چند منٹ بعد ہونے والے واقعات کا علم ہوتا تو وہ آج ہمارے درمیان موجود ہوتیں یہ بات صرف اپکو چند منٹ پہلے اور بعد میں کیا ہوسکتا ہے کے ریفرنس کے طور پر پیش کی ہے

تو چند منٹ بعد کیا ہونا تھا اگر لوگوں کو پتہ چل جائے تو دنیا میں حادثات اور ناگہانی واقعات رونما ہونا ہی بند ہو جائے گے وہ لڑکی کیا جانتی ہوگی کہ اب سے کچھ منٹ بعد کیا ہوگا اگر جانتی تو سینکڑوں کے بیچ میں ننگا ہونے سے مشہور ہونے والی سوشل میڈیا ایپ پر گھر پر ننگا ہوکر بھی تو مشہور ہوسکتی تھی سوچئے گا ؟