Category: بلاگ

یہ بات دل کو سکون دیتی ہے. جسم میں جیسے جان آ جاے روح کو تازگی مل گئ ہو.
لیکن کیا ہم اس کی قدر کر رہے ہیں. کیا ہمارے اعمال اس بات کی اکاسی کر رہے ہیں؟ کیا پاکستان حاصل کرنے کا مقصد بھی پورا کر رہے ہیں؟
پاکستان جس کے لیے ماؤں نے لعل کٹواے، بہنوں نے بھائی گنواے. باپ نے اپنا سہارا کھویا. بیٹی کا سایا گیا تو بیوی کا سہاگ. اتی قربانیاں پاکستان تو دے گئیں لیکن 75 سال میں ہم قوم نا بن سکے. ایسا لگتا ہے سب کچھ رائیگاں کر دیا گیا. پاکستان مملکت تو مل گئ لیکن ہم اس کی قدر نا کر سکے. یہ کیسی آزادی ہے جہاں بچیوں کا ریپ کیا جاے، عورتیں نیم برہنہ لباس پہن کر فخر محسوس کریں، کسی کی بہن بیٹی کی عزت اجاڑنا سٹیٹس سمجھا جائے، کسے کو نوکری دے کر غلام سمجھا جائے، کسی کی مدد کر کہ اسکی غریبی یا تنگدستی کا مزاق اپنے کیمرے کی آنکھ میں بند کیا جاے پھر اس کی تشہیر سے خود کو خدا ترس سمجھا جائے. کیا یہ مقصد تھا قیام پاکستان کا؟
کیا ہم بحیثیت پاکستانی پاکستان کا حق ادا کر رہے ہیں.
افسوس!
ہم ملاوٹ کا بازار گرم کر رہے، ساتھ والے کو دھوکا دے کر فخر سے سینہ چوڑا کرتے اور خود کو عقلمند ثابت کرتے. کمزور کا حق کھا کر خود کو طاقتور ثابت کرتے ہیں لیکن یہ پاکستانی ہونے کا حق ادا نہیں کر رہے.خدارا ہوش کے ناخن لیں پاکستان اسلام کے نام پر حاصل کیا گیا اسے اسلامی جمہوریہ پاکستان بنائیں اپنا اخلاق اچھا بنائیں اپنا کردار اچھا بنائیں تاکہ دنیا میں اپنا وقار بحیثیت قوم دوبارہ حاصل کر سکیں
قائد اعظم محمد علی جناح کے منشور کو سمجھیں؛ یمان اتحاد اور تنظیم سے اپنے پاکستان کے رنگوں کو دوبارہ تازگی بخشیں. دین کی سربلندی کے لیے اپنی کردار کو نمونہ بنا کر مثال بنا کر معاشرے میں پیش کریں تاکہ پاکستانی اور سچے مسلمان کی صحیح معنوں میں پہچان ہو سکے. ہمیں آج عہد کرنا ہے. پاکستان اور اسلام سے وفا کرنی ہے خود کو بدلنا ہے اور اپنی ایک نئ پہچان بنانی ہے جو حصول پاکستان اور اسلامی تہزیب کی بنیاد ہے.
ہمارے قائد اعظم محمد علی جناح رح نے ہمیں نا صرف یہ تحفہ پاکستان عطا کیا بلکہ ہمیں جینے کا سلیقہ بھی بتا کر گئے آج ان کے فرامین کو فراموش کر ہے ہم مزید پستی کا شکار ہو گئے ہیں ہمیں خود کو پہچاننا ہو گا آج کی تحریر میں میں ان کے فرامین کو دوبارہ شامل کرنے کا شرف حاصل کروں گا.
قائد اعظم محمد علی جناح نے 28 دسمبر 1947 کو کراچی کے ایک جلسے میں خطاب کرتے ہوئے فرمایا ” *مجھے اس میں کوئی شک نہیں کہ اتحاد، یقینِ محکم اورتنظیم ہی وہ بنیادی نکات ہیں جو نہ صرف یہ کہ ہمیں دنیا کی پانچویں بڑی قوم بنائے رکھیں گے بلکہ دنیا کی کسی بھی قوم سے بہتر قوم بنائیں گے* ”
قائد اعظم محمد علی جناح نے 30 اکتوبر 1947 کو لاہور کے ایک جلسے میں خطاب کرتے ہوئے فرمایا ” *دنیا کی کوئی طاقت پاکستان کو ختم نہیں کرسکتی* ”
قائد اعظم محمد علی جناح نے 15 جون 1948 کو خطاب کرتے ہوئے فرمایا ” *ہم سب پاکستانی ہیں اور ہم میں سےکوئی بھی سندھی ، بلوچی ، بنگالی ، پٹھان یا پنجابی نہیں ہے۔ ہمیں صرف اور صرف اپنے پاکستانی ہونے پر فخر ہونا چاہئیے* ”
11 اگست کو قانون ساز اسمبلی میں فرمایا.” *انصاف اور مساوات میرے رہنماء اصول ہیں اور مجھے یقین ہے کہ آپ کی حمایت اور تعاون سے ان اصولوں پر عمل پیرا ہوکر ہم پاکستان کو دنیا کی سب سے عظیم قوم بنا سکتے ہیں۔* ”
1944 میں مسلم یونیورسٹی یونین میں فرمایا
” *دنیا کی کوئی قوم اس وقت تک ترقی نہیں کرسکتی جب تک اس کی خواتین مردوں کے شانہ بشانہ معاشرے کی تعمیر و ترقی میں حصہ نہ لیں۔ عورتوں کو گھر کی چار دیواری میں بند کرنے والے انسانیت کے مجرم ہیں۔* ”
23 مارچ 1940 کو چٹاگانگ میں فرمایا. ” *پاکستان کی داستان ‘ اس کے لئے کی گئی جدوجہد اور اس کا حصول‘ رہتی دنیا تک انسانوں کے لئے رہنماء رہے گی کہ کس عظیم مشکلات سے نبرد آزما ہوا جاتا ہے۔*”
21 مارچ 1948 کو ڈھاکہ جلسے میں خطاب کرتے ہوئے فرمایا. ” *یہ آپ کا اختیار ہے کہ کسی حکومت کو طاقت عطاکریں یا برطرف کردیں لیکن اس کے لئے ہجوم کا طریقہ استعمال کرنا ہرگز درست نہیں ہے۔ آپ کو اپنی طاقت کا استعمال سیکھنے کے لئے نظام کو سمجھنا ہوگا۔ اگر آپ کسی حکومت سے مطمئن نہیں ہیں توآئین آپ کو مذکورہ حکومت برطرف کرنے کا اختیاردیتا ہے لہذا آئینی طریقے سے ہی یہ عمل انجام پذیر دیا جاناچاہئے۔* ” یہی وہ کامیابی کی کنجی ہے جو اس قوم کو عمل کرنے سے بدل سکتی ہے

@RajaArshad56

جشن آزادی کا دن گزرا سب نے بہت جوش خروش سے منایا باجے بجائے گانے لگائے آتش بازی کی خوشیاں منائی گئی جی ہم آزاد ہیں بالکل ہم آزاد تو ہیں لیکن سوال یے ہے کہ کیا ہم اخلاقیات سے بھی آزاد ہیں؟ کیا ہم احساسات سے بھی آزاد ہیں؟ اور کیا ہم احترام سے بھی آزاد ہیں ہم آزاد تو ہیں لیکن غلام ہیں ہم نفس کے سوچ کے اور جہالت کے تو جناب من بہت ہی افسوس سے لکھنا پڑھ رہا مجھے ہم اپنی آنے والی نسلوں کو کیا سوچ دے رہیں کیا شعور دے رہے ہیں آزادی کو کس چیز سے تشبیہ دے رہے ہیں ہم آزادی کو آزاد پنچھی کی طرح سمجھنے کی بجائے آزاد جنگلی جانور کی طرح سمجھ رہے ہیں تو پھر اشرف المخلوقات انسان اور حیوانات میں فرق کیا۔ کیا آزادی صرف باجا بجانا موٹر سائیکل کا سائلنسر نکال کر شور شرابہ کرنا ڈانس کرنا اور بے جا لوگوں کو تنگ کرنے کا نام ہے کیا؟ کیا جھنڈا لہرانا اور فضولیات ہی آزادی ہے آپکے کتنے بچوں کو علم ہے کے پاکستان کیوں بنا افسوس اگر آپ اپنے بچے کو باجا لے کر دینے کی بجائے یے بتاتے کہ پاکستان کا مطلب کیا لا الہ الا اللہ
اس کو بتاتے کے یے جھنڈا کیوں لہرایا جا رہا ہے اپنے بچوں کو بتاتے کے قائد اعظم محمد علی جناح نے 18 لاکھ بندے کیوں شہید کروائے اپنے بچوں کو بتاتے کے 70 ہزار مسلمانوں کی بہن بیٹیاں کیوں اٹھا کر لے گئے سکھ ہندو اپنے بچوں کو بتاتے کے مسلمانوں نے اپنی بیٹیوں کے گلے کیوں کاٹے اپنے بچوں جو بتائیں کے مسلمانوں کی بہن بیٹیوں نے دریاوں اور کنوؤں میں کیوں چھلانگ لگائی یے بتائیں ساری قوم کو کے پاکستان کتنی قربانیوں سے بنا اور ان قربانیوں کو ہم فضولیات میں رائگاں نہیں جانے دیں گے ان قربانیوں کی باجے بجا کر تذلیل نہیں کریں گے۔
بتائیں اپنی اولادوں کو کے 1857ء سے لے کر 1947ءتک کتنے علماء کرام اور مشائخ پھانسی چڑھے بتائیں اپنے نسلوں کو کے جو جوانی میں انگریزوں کی جیلوں میں گئے اور بڑھاپے تک جیلوں میں رہے۔بتائیں اپنی آنے والی نسلوں کو کہ علامہ فضل حق خیر آبادی نے مٹی کے ٹوکرے کیوں؟ اٹھائے۔ یے بتائیں لوگوں کو کے مولانا احمد اللہ شاہ مدراسی کی گردن کاٹ کر دہلی کے چاندنی چوک میں کیوں لٹکائی گئی۔یے بتائیں کے بہادر شاہ ظفر سے چھینی حکومت انگریزوں نے اور بہادر شاہ ظفر کو اس کے بیٹوں اور پوتوں کے سر کاٹ کر ناشتے میں کس نے پیش کئے۔سارے حقائق اپنی اولادوں کو بتائیں پھر سائلنسر کوئی نہیں نکالے گا پھر باجے کوئی نہیں بجائے گا۔ یے آزادی آپ کو ایسے ہی نہیں ملی اس کے پیچھے لاکھوں شہداء کا خون ہے بڑے بڑے علماء کرام اولیاء مشائخ کی جانوں کی قربانیوں کے بدلے یے آزادی ملی ہمیں جسے آپ موٹر سائیکل کا سائلنسر نکال کر باجوں کے شور اور واہیات حرکتیں کر کے سیلیبریشن کرتے ہو۔اپنے بچوں کو اپنی تاریخ نہ بتا کر اور فضولیات میں لگا کر ہم تاریخ کے اوراق میں سے اپنے آپ کو ہمیشہ کے لئے مٹا دیں گے۔ محرم الحرام کا مہینہ ہے شہادتوں کا مہینہ تاریخ کی ایک عظیم قربانی جو شہدائے کربلا نے دین اسلام کی سربلندی کےلئے اپنی جانوں کا نذرانہ پیش کیا ہمیں اس کا بھی احساس نہیں ہم امام حسین علیہ السلام کی عظیم قربانی کے اس مہینے محرم الحرام کا احترام کرنا بھی بھول گئے اور باجے فضولیات اور آتش بازی گانے اور دیگر فضولیات سے اس عظیم مہینے کی توہین کرکے گناہوں کے مرتکب ہو رہے ہیں کل روز قیامت آپ سے پوچھا جائے گا وہ لاکھوں شہداء آپ سے سوال کریں گے کے کیا پاکستان اسی لیا آزاد ہوا تھا کے آپ فضولیات کریں کیا لاکھوں شہداء کا خون ہم رائگاں جانے دیں گے۔اگر آپ حقیقی معنوں میں آزادی چاہتے ہیں تو پھر بجائے فضولیات کے آپ معاشرے میں آزادی کی فضا قائم کریں غلامانہ سوچ سے آزادی نفس سے آزادی گناہوں سے آزادی معاشرے کی ہر برائی سے ریپسٹ سے طاقتور اور کمزور کے فرق سے آزادی رشوت خوری سے آزادی سمگلنگ سے ناجائز تجاوزات سے اور منشیات سے آزادی تو پھر آپ صحیح معنوں میں آزاد ہوں گے ۔اللہ تبارک وتعالی وطن عزیز کو تاقیامت سلامت رکھے دشمنان پاکستان اور دشمنان اسلام کے شر سے محفوظ رکھے اور ہماری قوم کو ہدایت دے اور حقیقی معنوں میں گناہوں سے اور ہر برائی سے کورونا وبا سے اور ہر قسم کی مشکلات سے آزادی عطا فرمائے آمین۔

@Ssatti_

14 اگست پاکستان کی یوم آزادی کے دن کے طور پہ منایا جاتا ہے۔ 14 اگست 1947ء کو ہمارا ملک پاکستان معرض وجود میں آیا تھا۔ پاک و ہند جب یہ برصغیر کے نام سے مشہور تھا تب کچھ مسلم رہنماوں نے یہ تجویز پیش کیا کہ چونکہ مسلمان اور ہندو دو الگ لگ قومیں ہیں اور دونوں کا رہن سہن، مذہب و تہذیب سب کچھ الگ ہے تو لہذا یہ دونوں قومیں اکھٹی نہیں رہ سکتی بلکہ مسلمانوں کیلئے الگ مسلم ریاست کا تصور پیش کیا اور بٹ کے رہیگا ہندوستان بن کے رہیگا پاکستان کا نعرہ بلند کیا جو کہ مسلمانوں کی جذبات اور احساسات کی ترجمانی کر رہا تھا اور یہی دو قومی نظرئے کی بنیاد بنی۔ مختصر یہ کہ کافی جدوجہد اور قربانیوں کے بعد پاکستان بنا اور بر صغیر پاک و ہند دو حصوں میں بٹ گیا مسلمان انگریزوں کی غلامی سے آزاد ہوگئے۔ اب آتے ہیں آزادی کے مقاصد پہ اور موجودہ دور میں اسکی ضرورت پہ۔
کیا ہم نے یہ سوچا کہ یوم آزادی ہم سے کیا تقاضا کر رہا ہے؟
کیا صرف جھنڈیاں اور بیجز لگانا، قومی ترانے اور ملی نغمیں سننا، باجے بجانا، پٹاخے پھاڑنا، موٹر سائیکلوں کے سلینسر نکالنا، موٹر سائیکلوں پر ون ویلنگ کرنا، صاف ستھرے کپڑے پہننا، ٹویٹر پر ٹویٹس، فیس بک انسٹاگرام پر پوسٹس کرنا، یوٹیوب پر ویڈیوز وائرل کرنا، واٹس ایپ پر سٹوریز اور سٹیٹس لگانا ہی یوم آزادی کا حق ہیں؟؟؟

نہیں ہر گز نہیں بلکہ 14 اگست یوم آزادی کی خوشیاں منانے سے پہلے ہمیں 74 سال پیچھے جاکر تاریخ کا مطالعہ کرنا ہوگا اور دیکھنا ہوگا تاریخ کی تناظر میں کہ یہ ملک کتنی قربانیوں کے بعد آزاد ہوا ہے؟
کیا ہمیں یاد ہیں وہ کٹے پٹے انسان وہ لٹے پٹے قافلے۔
کیا ہم جانتے کہ اس وطن کی خاطر کتنی بیٹیوں نے اپنی عصمتوں کی قربانیاں دی ہیں؟
کتنی ماوں نے اپنے بیٹوں کو قربان کیا ہیں؟
کتنے بچے یتیم ہوگئے تھے؟
کتنے سہاگ اجڑ گئے تھے؟
کتنی عورتیں بیوائیں ہوگئی تھیں؟
کیا ہم جانتے ہیں کہ ہندوستان سے پاکستان تک کے آزادی کے سفر میں ہمارے کتنے بزرگوں نے کتنی جائیدادوں کی قربانیاں دی تھی؟
پاکستان محض علامہ محمد اقبال، قائد اعظم محمد علی جناح، شہید ملت لیاقت علی خان، محمد علی جوہر، سردار یار محمد خان، عبدالکلام آزاد، چوہدری رحمت علی اور چند اور مخصوص لوگوں کی بات چیت و گفت شنید سے نہیں بنا بلکہ اس کے لئے اور بھی بہت ساری قربانیاں دی گئی ہیں۔ جس میں ہمارے علماء کی بھی بہت بڑی تعداد شامل ہیں جو وطن عزیز پاکستان کی خاطر شہید ہوگئے تھے۔

آج 14 اگست یوم آزادی کو ہم نے کیا عہد کئے؟
کیا آج کے بعد بھی ہم پولیس، رینجرز، پاک فوج، ایف سی اور باقی تمام قانون نافذ کرنے والے اداروں کو اس طرح سے عزت دیں گے جس طرح آج ہم ان کے گن گا رہے تھے۔
کیا آج کے بعد بھی ہم قومی پرچم کی تقدس و حرمت کو اس طرح بر قرار رکھیں گے جس طرح آج ہم نے دل سے لگایا تھا۔
کیا آج کے بعد بھی سرکاری عمارات و املاک کی اس طرح سے خیال رکھیں گے جس طرح ہم آج اس کے در و دیوار چھوم رہے تھے۔
کیا آج کے بعد بھی اس طرح ایک ہی صف میں صرف پاکستانی بن کر کھڑے ہونگے یا پھر سے فرقوں اور جماعتوں میں بٹ جائیں گے۔
کیا آج کے بعد بھی آئین پاکستان کی پاسداری کریں گے اور تمام قوانین کو مانیں گے۔
کیا آج بعد بھی ہم ٹریفک سگنل نہیں توڑیں گے جو کہ قانون کے مطابق جرم اور شریعت کی رو سے ایک گناہ ہے۔
کیا آج کے بعد بھی اسی طرح سے بھائی چارے، یگانگت، اتفاق و اتحاد، نظم و ضبط کو بر قرار رکھیں گے۔
کیا 15 اگست سے بھی ہم پاکستانی ہی رہیں گے یا پھر سے ایک دوسرے کی جان کے در پے ہوجائیں گے۔
کیا آج ہم نے اپنے بچوں کو پاکستان کی آزادی کے پیچھے جدوجہد اور قربانیوں کے بارے میں بتایا۔
کیا ہم ان کے ذہن اور لاشعور میں یہ بٹھا سکے کہ فوج، پولیس اور قانون نافذ کرنے والے اداروں اور آئین پاکستان کی ہمیشہ عزت و پاسداری کرنی ہیں اور قانون کو مقدم رکھنا ہے اور کھبی بھی کسی بھی صورت میں آئین شکنی و قانون شکنی نہیں کرنی۔
کیا ہم نے یہ پڑھایا کہ کھبی ایسے مقام پر پہنچو کہ جہاں موقع مل بھی رہا ہو تب بھی رشوت ستانی سے بچنا ہے کیونکہ یہ قانون کے مطابق جرم اور شریعت کی رو سے گناہ ہے۔
کیا ہم ان کو یہ سمجھا سکے کہ پڑوسیوں کے ساتھ کیسا رویہ اختیار کرنا ہے اور کس طرح کے اخلاق رکھنے ہیں۔
کیا ہم یہ سمجھا سکے کہ اپنے سے چھوٹوں سے شفقت اور بڑوں سے عزت سے پیش آنا ہے۔
کیا ہم نے انکو صبر و شکر، ہمت و استقلال اور برداشت کا سبق دیا۔
کیا ہم انکو یہ سمجھا سکے کہ کھبی بھی ظلم و ظالم کا ساتھ نہیں دینا ہے اور کھبی مظلوم کا ساتھ نہیں چھوڑنا اور ظلم کے خلاف کھڑا ہونا ہے۔
کیا ہم یہ سمجھا سکے کہ اس ملک خداداد پاکستان کو ہمیشہ صاف ستھرا اور ہرا بھرا رکھنا ہے اور کوشش کرنا ہے کہ ماحول کو صاف ستھرا رکھا جائے اور اسی کو اپنا شعار بنالے۔
کیا ہم یہ سمجھا سکے کہ قومی پرچم کو جیسے آج دل سے لگایا تھا اور چھوم رہے تھے اس طرح آئندہ بھی اس کی تقدس اور عزت و حرمت رکھنی ہے۔
کیا ہم یہ سمجھا پائے کہ جس طرح آج ہم ایک دوسرے سے پیار و محبت، شفقت و عزت سے پیش آرہے تھے تو آئندہ بھی اسکو دوام بخشیں گے اور امن و محبت کو فروغ دیں گے۔

اگر ہم یہ سب کچھ سمجھا چکے تو گویا ہم نے آج کی یوم آزادی کی حق ادا کردی اگر نہیں تو ہمیں سوچنا چاہئے کہ ہم اس ملک کو کس طرح کی مستقبل دینے جارہے ہیں جو وطن کی آزادی کی قیمت تک سے نا آشنا ہوگا۔
اللہ ﷻ وطن عزیز پاکستان کی حفاظت فرمائے۔ ہمارے ملک کو اندرونی و بیرونی سازشوں سے محفوظ فرمائے۔ رب ذوالجلال وطن عزیز میں امن و استحکام فرما۔ اے پروردگار! ہماری معیشت کو مضبوط فرما۔ مہنگائی و بیروزگاری کو ہم سے دور فرما۔ ہمارے بچوں اور نوجوانوں کو تعلیم قرآن، دین اسلام اور اخلاق محمدی ﷺ سے مزئین فرما۔ ہمارے ملک کو دنیا میں ممتاز مقام عطاء فرما۔ پاکستان کو دنیائے اسلام کا قلعہ بنا۔ حق کا بول بالا فرما۔ باطل کو مغلوب فرما۔
آمین۔

Twitter Handle:
@IjazPakistani

اشیاء کی قیمتوں میں اضافہ بہت سے طبقات کے لیے پریشان کن ہوتا ہے وہ افراد جو کہیں معمولی سی جاب کرتے ہیں اور وہ لوگ جو دیہاڑی دار مزدور ہیں اور وہ طبقہ جو کھیتی باڑی کرتا ہے مہنگائی سے بہت زیادہ متاثر ہوتا ہے،
اگر کسی ملازم کی بیس پچیس ہزار تنخواہ ہے اور اس کے گھر کا خرچہ اس تنخواہ میں بمشکل پورا ہوتا ہے تو اشیاء کی قیمتوں میں مزید اضافہ اس کے لیے پریشانی کا سبب بن سکتا ہے،
مزدور جو کہ روزانہ کی اجرت پر کام کرتا ہے اگر وہ صبح سے شام تک کام کرکے آٹھ سو روپے کماتا ہے تو اسے بھی یقیناً مہنگائی کی وجہ سے مشکل وقت سے گزرنا پڑ سکتا ہے،
اگر دیکھا جائے تو 800 روپے ایک دن کے لیے ناکافی ہے موجودہ حالات میں تو ایک شخص یا دو سے تین افراد مشکل ہی سہی لیکن گزارا کر لیں گے کیونکہ ہر شخص اپنی آمدنی کو دیکھ کر اپنے گھر کا بجٹ بناتا ہے لیکن اشیا کی قیمتوں میں اضافہ یعنی مہنگائی ان کے اس بجٹ پر اثر انداز ہوتی ہے جو انہوں نے بمشکل کھینچ تان کر کفایت شعاری سے بجٹ بنایا ہوتا ہے،
مہنگائی ایک ایسی بلا کا نام جو دن بدن ہمارے معاشرے میں اپنے پنجے مضبوط کر رہی ہے اس کی ایک وجہ حکومت کی ناکام پالیسیاں بھی ہو سکتیں ہیں اور دوسری وجہ بھی حکومت سے تعلق رکھتی ہے کہ مکمل طور پر سنجیدگی سے ایشا کے حکومتی ریٹ پر تاجروں کو پابند کیا جائے کہ وہ اسی مقرر کردہ ریٹ پر اشیاء کو فروخت کریں گے،
اس کی جانچ پڑتال کرنا سبزی منڈی کے بیوپاریوں ٹیکسٹائل تاجروں اور مرچنٹ تاجروں پر نظر رکھنا سب حکومتی اداروں کا کام ہے،
اور تیسری بڑی وجہ کے انٹرنیشنل سطح پر پٹرولیم مصنوعات کی قیمتوں میں اضافہ بھی مہنگائی کا سبب بنتا ہے اور اس کے متعلق تو کچھ بھی نہیں کیا جاسکتا جب تک عالمی طور پر قیمتوں میں کمی کی جائے،
لیکن ایسے ٹائم پیریڈ میں حکومت عوام کے لیے سبسڈی نام کی ایک سہولت مہیا کرتی ہے جس سے نچلا طبقہ مستفید ہوتا ہے بشرطیکہ سبسڈی کا صحیح استعمال کیا جائے اور حقدار ہی اس سے فائدہ اٹھا سکیں،
مہنگائی پر کچھ چیدہ چیدہ باتیں ہیں جو ہم آپ سے شیئر کر رہے ہیں مہنگائی سے متاثر افراد کی ایک بہت بڑی تعداد ہے جسے یہاں پر بیان کرنے سے یہ تحریر ایک کتاب کی شکل اختیار کر جائے گی،
چاہتے ہیں کہ مختصر سی تحریر ہو اور اس میں صرف ایسی ہی چند بنیادی باتوں کا ذکر کیا جانا مناسب ہے،
میرا مقصد کسی سیاسی جماعت یا حکومت پر الزام تراشی کرنا ہر گز نہیں ہے لیکن حکومت ہی مہنگائی اور دیگر اہم چیزوں کی ذمہ دار ہوتی ہے مثلاً بیروزگاری کی شرح میں اضافہ اشیاء خورد نوش میں ملاوٹ کے رجحان کو روکنا جیسے بنیادی عوامل شامل ہیں،
ایک تو مہنگی چیز خریدی جائے اور دوسری وہ ملاوٹ سے پاک نہ ہو تو ذمہ داری حکومت پر عائد ہوتی ہے،
چونکہ ہمارا موضوع مہنگائی اور عام افراد ہیں اس لیے باقی چیزوں پر تبصرہ کرنا غیر ضروری ہے،
مہنگائی سراسر نچلے طبقے کا ہی زیادہ مسئلہ ہے جن کی آمدنی ان کے اخراجات سے تھوڑی کم یا پھر ان کے اخراجات کے برابر ہے،
اپنا اور اپنے بچوں کا پیٹ پالنا اور علاج معالجہ اور دیگر اخراجات کیسے وہ اپنی مختصر سی آمدنی میں پورے کر پاتے ہیں،
بجلی اور گیس کے بل اور بچوں کے سکولوں کی فیسوں کے اخراجات عام آدمی کے لیے پورا کرنا بہت مشکل ہو جاتا،
اگر دیکھا جائے تو کسی بھی ملک میں مہنگائی اور بیروزگاری کی وجہ سے وہاں کے معاشروں میں لوگوں کی جیب کاٹنا، گاڑیاں چھیننا، موبائل چوری کرنا جیسے جرائم بڑھ جاتے ہیں،
ہمارے معاشرے کو اللہ ان جرائم سے محفوظ رکھے اور صبر کے ساتھ حلال کمانے اور حلال کھانے کی توفیق دے،
ہماری حکومت پاکستان نے عام آدمی کے علاج معالجے کے لیے صحت انصاف کارڈ کا اجرا کیا تھا اور یہ عام آدمی تک پہنچا ہے اور اس کے علاوہ احساس پروگرام بھی شروع کیا ہے جس کے ذریعے مستحق افراد تک پیسہ پہنچایا جا رہا ہے تاکہ وہ اپنی ضروریات کو پورا کر سکیں،
میں سمجھتا ہوں کہ نوجوانوں کو روزگار مہیا کرنا اور مہنگائی کی شرح کو بڑھنے سے روکنے کے لیے اقدام کرنا زیادہ بہتر ہے کہ ہر شخص خود کفیل ہو اس کی آمدنی اس کے اخراجات سے زیادہ ہو وہ اور خوشحال زندگی بسر کر سکے،

@zsh_ali

ہماری سوچ ہمارے اردگرد کے لوگوں پر اور معاشرے پر اثرات مرتب کرتی ہے۔ ہمارے اعمال ہماری سوچ کی عکاسی کرتے ہیں۔ سوچ دو طرح کی ہوتی ہے ایک مثبت سوچ اور ایک منفی سوچ۔ منفی سوچ ہمارا کلچر بن چکی ہے۔ ایک منفی سوچ معاشرے پر منفی اثرات چھوڑتی ہے جب کہ مثبت سوچ صحت مند اور مہذب معاشرے کی ضمانت ہے۔ ایک دوسرے کی ٹانگیں کھینچنے کی بجاۓ ایک دوسرے کی حوصلہ افزاٸی کریں تا کہ معاشرے کے تمام افراد میں خود اعتمادی کی فضاء قاٸم ہو۔
ہمارے ہاں سکول ،کالجز اور یونیورسیٹیز میں بچوں کو کتابیں تو رٹاٸی جاتی ہیں مگر انہیں زندگی کے اصول اور انکا معاشرے کی ترقی میں کردار سے بلکل بھی آگاہ نہیں کیا جاتا۔ بچوں کو تعلیمی اداروں میں یہ تو بتایا جاتا کہ اگر پڑھو گے نہیں تو پچھلی کلاس میں واپس بھیج دیں گے لیکن اس بچے کو یہ نہیں بتایا جاتا کہ آپ کو علم حاصل کرنا ہے کیونکہ علم آپ کی شخصیت میں نکھار پیدا کرتا ہے تا کہ آپ اس قوم کی ترقی میں اپنا کردار اداکر سکو۔ ہمارے ہاں تربیت کا نظام بہت ناقص ہے۔ جیسا کہ ہم پاکستان کی سڑکوں پر کوڑا پھنکنا اپنا بنیادی حق سمجھتے ہیں ہمیں یہ بتایا جاتا ہے کہ جو چاہے کرو جہاں چاہے کچرا پھینکو خاکروب کا کام ہے کہ وہ صفاٸی کرے کیونکہ انہیں تنخواہ دی جاتی ہے اور اگر اس فضول قسم کی سوچ کو دوسروں تک پھیلانے کی بجاۓ مثبت پیغام دیا جاۓ کہ پاکستان ہمارا گھر ہے اور ہم سب کو اسکی صاف صفاٸی کا خیال رکھنا ہے کوڑا کرکٹ کوڑے دان میں ڈالنا ہے نہ کہ سڑکوں پہ پھینک کر اپنی جہالت کا ثبوت دینا ہے۔ تعجب کی بات ہے کہ پڑھے لکھے لوگ کوڑا کرکٹ پھیلا رہے ہوتے اور ان پڑھ لوگ صاف کر رہے ہوتے اس سے تو یہ ثابت ہوتا ہے کہ ہم ڈگری یافتہ تو ہیں مگر تعلیم یافتہ نہیں ۔ہمارا معاشرہ اس طرح کے سینکڑوں واقعات سے بھرا پڑا ہے مثال کے طورپر ایک بچہ جو کہ اپنی والدہ کا ہاتھ پکڑے سکول سے نکلتا ہے اور اس کی والدہ اسے ایک خاکروب کی طرف اشارہ کرتے ہوے بتاتی ہے کےبیٹا دیکھو تم تعلیم حاصل کرو ورنہ اسکی طرح تم بھی خاکروب بن جاٶ گے اور بچہ اس طرح یہ تاثر لیتا ہے کہ یہ بہت ہی حقیر اور کم تر ہے جبکہ یہ لوگ بھی اس معاشرے میں وہی مقام رکھتے ہیں جو کہ ہمارا ہے بلکہ یہ تو زیادہ قابل احترام ہیں جو کہ ہمارا پھیلایا ہوا کوڑا کرکٹ صاف کرتے ہیں اور اس طرح وہ اس سے ناروا سلوک کرے گا جو کہ ایک مہذب معاشرے کے فرد کو زیب نہیں دیتا لیکن اگر وہی ماں بچے سے یہ کہے کہ بیٹا تم دل لگا کر پڑھو تا کہ تم معاشرے کے ان افراد کی بہتری کے لیے کام کر سکو اس طرح اس بچے کے اندر معاشرے کے ان افراد کے لیے محبت اور ہمدردی کا جزبہ پیدا ہو گا اور دوسرے کا
احساس جو کہ ماحول کو خشگوار بناتا ہے۔ کوٸی بھی معاشرہ وہاں کے رہنے والے لوگوں سے مل کر بنتا ہے چاہے وہ کوٸی خاکروب ہو یا کلرک ہو یا کسی ادارے میں آفیسر ہو ہمیں ہر ایک کو عزت دینا ہو گی کیوں ہر فرد ہی ملت کے مقدر کا ستارہ ہے چاہے وہ کوٸی ریڑھی بان ہی کیوں نہ ہو۔ مگر ہمارے ہاں منفی سوچ اس قدر پروان چڑھ چکی ہے کہ ہم صحیح باتوں کا بھی غلط مطلب نکالنے لگتے اور دوسروں کو عزت دینا اپنی توہین سمجھتے ہیں۔ اور پھر ایک دوسرے سے ناروا سلوک کرنا اور اخلاق و تہذیب کی حدوں کو پار کر دینا ہمارے معاشرے میں بے سکونی کی فضاء پیدا کر رہا ہے۔ہمیں اس منفی سوچ سے باہر نکلنا ہو گا کیونکہ منفی سوچ ایک خطرناک زہر ہے جو معاشرے کے افراد کی تباہی کا سبب بنتی ہے ۔ جب ہماری سوچ منفی ہو گی تو ہمارا عمل بھی منفی ہو گا جس سے ہمارے ارد گرد کے لوگ متاثر ہونگے۔ ہمیں اپنے ذہنوں کو بدلنا ہو گا ایک دوسرے کو حقیر پن کی نگاہ سے دیکھنے کی بجاۓ اپنے اندر مثبت خیالات کو جگہ دینی ہو گی۔ بچے اس قوم کا روشن مستقبل ہیں اس لیے ایسے الفاظ کا چناٶ کریں جو انہیں معاشرے کے لیے اور اس کے افراد کے لیے سود مند بنا سکیں۔ مثبت سوچ کسی بھی کتاب میں نہیں پڑھاٸی جاتی بلکہ یہ تو ہمارے رویوں اور اخلاقیات سے پیدا ہوتی اور ان الفاظ سے ظاہر ہوتی جن کا ہم انتخاب کرتے۔ ہمارے ہاں تو والدین بچوں کو یہ سکھاتے کہ پڑھو گے نہیں تو فیل ہو جاٶگے لوگ مذاق بناٸیں گے اچھی جاب نہیں ملے گی وغیرہ وغیرہ اور اس جیسی اور بہت سی دوسری دھمکیاں اوراس طرح بچہ پڑھائی کا مثبت تاثرلینے کی بجاۓ اسے کوٸی بہت بڑا پہاڑ سمجھنے لگتا اور پھر آہستہ آہستہ پڑھائی کے متعلق اس کی سوچ منفی رو اختیارکر جاتی تو ان سب الفاظ کی بجاۓ اگر مثبت الفاظ کا چناٶ کیا جاۓ جیسے کہ بیٹا آپ اس قوم کا مستقبل ہو اگر آپ تعلیم حاصل کرتے ہو تو آنے والے دور میں آپ ملک کی فلاح و بہبود میں بہتر طور پر اپنا کردار ادا کر سکو گے اور معاشرے کےایک اچھے فرد ثابت ہو گے ۔ اس لیے مہربانی فرما کر اس قوم کےمستقبل کو اپنی منفی سوچ کی نظرنہ کریں اچھا سوچیں اور اچھا عمل کریں اور معاشرے کے تمام فرد کو عزت کی نگاہ سےدیکھیں کیونکہ کے ہر فرد اس معاشرے کی ترقی میں اپنا اپنا حصہ ڈال رہا ہےچاہے ۔ منفی سوچ پر قابو رکھنا اور مثبت سوچ کو اپنانا ہمارے اپنے اختیار میں مگر افسوس کے ہم اس کے لیے کوشش نہیں کرتے ۔اگر ہمیں ایک ترقی یافتہ اورمہذب معاشرہ تشکیل دینا ہے تو ہمیں حقیقی معنوں میں اس کے لیے کوشش کرنا ہو گی اپنی منفی سوچوں کو ختم کرنا ہو گا کیونکہ اگرسوچ مثبت ہو گی تو ہمارا رویہ بھی مثبت ہو گا اور مثبت رویہ معاشرے پر اور اس کے افرادپر مثبت اثرات مرتب کرتا ہے😌

@b786_s