Category: بلاگ

‏1947ء سعادت حسن منٹو جب اپنی فیملی کے ساتھ بمبئی سے کراچی پہنچا۔
تو لاہور کیلیے ریلوے ٹکٹ بُکنگ رش کی وجہ سے کئی کئی دنوں بعد کی ہو رہی تھی! منٹو نے کلرک کو رشوت دینا چاہی! تو اُس نے منٹو سے کہا
"بھائی صاحب! پاکستان بَن گیا ہے اَب یہاں یہ کام نہیں چلے گا”
آئیں آج ہم اَپنی تاریخ‏ میں 74 سال پیچھے جائیں اور اَپنی آزادی کے سفر کا آغاز کراچی کے اُس ریلوے بُکنگ کلرک سے کریں

ہمیں سکول میں اکثر باور کرایا جاتا تھا کہ پاکستان کلمے کے نام پر معرض وجود میں آیا ھے
پاکستان بنانے کیلیے بہت سی تحریکیں بناییں گییں ان تحریکوں کو بہت سخت مسایل کا سامنا بھی کرنا پڑا
شروعات میں مسلمانوں کیلیے ایک علیحدہ ریاست برصغیر میں بنانے کی تحریک شروع ھویی جس میں اکثر مسلمان اس تحریک میں بڑھ چڑھ شریک ھوے تمام مکتب فکر کے مسلمانوں نے ایک علیحدہ ریاست بنانے کیلیے اپنے اپنے لحاظ سے جتنا ممکن ھو سکا اس تحریک میں حصہ لیا جو مسلمان جو کچھ مالی کے طور پر دے سکتے تھے انہوں نے ہر ممکن کوشش کی اور اس تحریک کو کامیاب کرایا
اس تحریک نے چند ھی سالوں میں پوری دنیا میں اور بالخصوص انگریز حکومت جو اس وقت برصغیر پر برسراقتدار تھی کو اپنی کامیابی سے ان کے ایوانوں میں ہلچل مچا دی
قایداعظم محمد علی جناح باباے قوم جس نے اپنے تمام موجود لیڈروں کو جو اس وقت ایک علیحدہ اسلامی ملک کیلیے اس تحریک میں شامل تھے ان سے صلاح مشورے کے بعد اپنی سیاسی جماعت جو تمام مسلمانوں کیلیے برصغیر میں وجود میں آیی اس سیاسی پارٹی کا نام مسلم لیگ رکھا گیا
مسلمانوں کی تمام قیادت جو اس وقت انگریزوں کی گرفت میں تھی جن کے اوپر انگریز کا قانون چلتا تھا اب ایک نیی ریاست کیلیے اٹھ کھڑے ھوے ھماری مسلمان خواتین بھی اپنے مردوں سے پیچھے نہیں تھیں مادر ملت فاطمہ جناح کی سربراھی میں تمام سرکردہ خواتین نے اپنی طرف سے اس ریاست کی تحریک میں بھرپور کردار ادا کیا ان خواتین قیادت نے گھر گھر جاکر نیی اسلامی ریاست کیلیے تمام مسلمان خواتین کو دعوت دی اور اس تحریک کا حصہ بنوایا
ھمارے نوجوانوں نے سکول کالجز اور یونیورسٹیز میں بھی اس تحریک کیلیے سیمینار شروع کردییے جس سے عام مسلمان نوجونوں میں بھی اس تحریک کیلیے شعور بیدار ھوا
دور دراز کے مسلمانوں تک پہنچنے کیلیے اور اس ریاست میں شامل ھونے کیلیے گروپ بناے گیے جو مسلم لیگ کی قیادت کا پیغام ان مسلمانوں تک پہنچاتے تھے
تقریبا دس سال کے کم ترین عرصے میں مسلم لیگ برصغیر میں ایک بہت بڑی سیاسی پارٹی بن گیی جس کی واحد خواہش مسلمانوں کیلیے ایک علیحدہ ریاست تھی
ہر سال بعد اس تحریک میں تعداد بڑھتی گیی اور مسلمان جوق در جوق مسلم لیگ کے ہر کنونشن اور جلسوں میں شامل ھونے لگے
جس سے مسلم لیگ کی پوزیشن دن بدن مضبوط سے مضبوط تر ھوتی گیی
اس پارٹی کا واحد مقصد ایک علیحدہ ریاست تھی الیکشن میں کامیابی کے باوجود اس تحریک نے ایک اسلامی ریاست کی تگ ودو شروع رکھی
اس اسلامی ریاست کیلیے جب اجلاس ھوا تو اس پیارے ملک کا نام پاکستان تجویز کیا گیا
اس ملک کیلیے لاکھوں مسلمانوں نے اپنے خون سے بنیاد رکھی لاکھوں عورتوں کی بےحرمتی کی گیی لاکھوں سے زیادتی کی گییں ہزاروں عورتوں نے اپنی عزت بچانے کی خاطر گہرے کنووں میں کود کر اپنی جان گنوا دی لاکھوں بچے قتل ھوے
مسلمان جو باڈر کے اس پار یعنی موجودہ بھارت میں رہتے تھے اپنے تمام اثآثے جاییدادیں اس ملک کیلیے وھاں چھوڑ دیں
اور
خوشی خوشی اس ملک کیلیے سفر شروع کیا تو ان پر رستے میں ظلم کے پہاڑ ٹوٹ پڑے
ان کو چلتی ٹرین پر قتل کیا گیا ان کو لوٹا گیا
لیکن
آفرین ان غیرت مند مسلمانوں پر جنہوں نے پیچھے مڑ کر بھی نہیں دیکھا
آج
ھم جس پاکستان میں سکون سے زندگی بسر کررھے ہیں وہ صرف اور صرف ان مسلمانوں کی لازوال قربانیوں کی وجہ سے ممکن ھوا ھے
آج حالت یہ ھے کہ ھمارے ملک کا انصاف کا نظام تقریبا ختم ھوچکا ھے دنیا میں انصاف کے لحاظ سے پاکستان125ویں نمبر پر ھے
ایک اسلامی ملک جو کلمے طیب کے نام پر معرض وجود میں آیا جس کی بنیاد کیلیے لاکھوں مسلمانوں نے اپنے خون سےرکھی اب وھاں انصاف نام کی کویی چیز نہیں ھے
رشوت کے بغیر آپ کسی ادارے میں اپنا جایز کام بھی حل نہیں کرا سکتے
کیا اس لیے یہ ریاست معرض وجود میں آیی.
…نہیں..
اس ریاست میں وھی قانون لاگو تھے جو ریاست مدینہ میں بھی لاگو تھے
اقلیت اور اکثریت سب کیلیے ایک قانون تھا
اللہ پاک اپنے محبوب مُحَمَّد ﷺ کے صدقے ان مسلمان مرد و عورت کو جنت الفردوس میں اعلی مقام عطافرماے جنہوں نے اس ملک کیلیے اپنے جان ومال کا نقصان اٹھایا.. آمین

لیکن پھر غدار وطن اور کرپٹ ٹولوں نے اس پاک دھرتی کو نوچ ڈالا اللہ پاک انہیں برباد کرے جنہوں نے اس ملک کو نقصان پہنچایا اور لوٹا ھے..
اللہ پاک اس پیارے ملک کو ہمیشہ قایم و دایم رکھے آمین
اور
اس ملک کے دشمن نیست و نابود ھو جاییں

آج آنکھ کھلی تو گلی میں عجب شور شرابہ اور قہقہوں کی آواز سنائی دی پوچھنے پر معلوم ہوا کہ آج یومِ آزادی منایا جا رہا ہے یہ سن کر میں سکتے میں آگیا کہ ہم اپنی روزمرہ کی زندگی میں اس قدر مصروف ہوگئے کہ ہمیں اپنا آزادی کا دن یاد نہیں جو کہ ہمیں پتہ نہیں کتنی قربانیوں سے نصیب ہوا۔ ابھی میں انہیں سوچوں میں گُم تھا کہ وقت نے میرا ہاتھ پکڑا اور 14 اگست 1947 کے دن لا کھڑا کیا تو یہاں ایک الگ دنیا دیکھنے کو ملی ایک طرف دیکھا تو عورتیں شکرانے کے نوافل ادا کرنے میں مصروف ہیں تو دوسری طرف بزرگوں کو فکر مند دیکھا کہ جیسے وہ کسی طوفان کی آمد اور نقصان سے پیشگی با خبر ہیں۔ ابھی میں انہیں فکر مند دیکھ رہا تھا کہ اچانک رات کی تاریکی کو ایک پر سوز نسوانی آواز نے چیرا اور اس کے ساتھ ہی کچھ نوجوان ہاتھوں میں ڈنڈے تو کچھ نہتے گلی کو بھاگے، کچھ دیر بعد ایک نوجوان نے بری خبر سنائی کہ چاچے نورے کی بیٹی کو کافروں نے عصمت دری کے بعد قتل کر دیا ہے۔ یہ سن کر میرے رونگٹے کھڑے ہو گئے اور بزرگوں کی خاموشی موت کی خاموشی میں بدل گئی۔ گو کہ یہ مظالم مسلمانوں کے لیے نئے نہ تھے اور دنگے فساد بھی کافی دن سے شروع تھے لیکن آج آزادی کے اعلان کے بعد ان میں شدت آگئی تھی۔ کافر بھوکے کتوں کی طرح مسلمانوں کو ڈھونڈ کر چیتھڑے کرنے میں مصروف تھے اور ابھی تک یہ واحد مسلم اکثریتی علاقہ محفوظ تھا کیونکہ یہ شہر سے بہت دور ویرانے میں آباد تھا لیکن بد قسمتی سے اس کی بھنک بھی کافروں کو لگ چکی تھی۔ اب کیا تھا کہ نوجوان گلیوں میں پہرہ دینے میں مصروف تھے جدھر سے کوئی آہٹ سنائی دیتی اسی سمت بھاگ پڑتے۔ اس سانحہ کے بعد بزرگوں کی خاموشی سرگوشیوں میں تبدیل ہو گئی، بچوں کی شرارتیں معصومیت میں تبدیل ہو گئیں اور وہ ماؤں کی گودیوں میں سہم کر بیٹھ گئے۔
دوسری طرف پورا گاؤں ایک دوسرے کو یوں دیکھ رہا تھا کہ جیسے کہ صبح کی روشنی میں ایک دوسرے کو دیکھنا نصیب نہیں ہوگا۔ مائیں اپنی بیٹیوں کو سینے سے لگائے رورہی ہیں تو باپ بیٹوں کا ماتھا چوم کر بہنوں کی عصمتوں کی حفاظت کی قسم لے رہے تھے کہ کچھ کمزور اور با عزت افراد نے صرف اس وجہ سے اپنی بیٹیوں کو ذبح کر دیا یا اندھے کنوئیں میں دھکا دے دیا کہ ان کی بیٹیاں درندگی کا شکار ہو کر بغیر کفن کے دفن نہ ہوں اور کچھ بہادر بیٹیوں نے آگے بڑھ کر موت کو خود گلے لگا لیا صرف اس وجہ سے کہ وہ پاکستان کی جانب ہجرت کے دوران کسی رکاوٹ کا باعث نہ بنیں اور درندگی کا نشانہ بننے کی بجائے عزت کی موت کو ترجیح دی۔ اسی دوران گاؤں کے ایک تاجر کی چیخ سنائی دی اور اس کے ساتھ ہی وہ اپنا ذہنی توازن کھو بیٹھا کیونکہ اس کی اکلوتی بیٹی نے کنویں میں چھلانگ لگا کر جان دے دی۔اسکے بعد رات کی تاریکی میں پورے گاؤں نے اپنے گھر، مال اور پیاروں کی نعشوں کو بھیگی آنکھوں سے خیر آباد کہا اور اپنے سفر کا آغاز کیا۔ رات کی تاریکی میں ان بے گھر مسافروں پر کہیں سے کوئی مشتعل افراد کی ٹولی حملہ آور ہوتی اور کئی کو زخمی اور شہید کر کے چلے جاتے۔ قافلے میں شامل عورتوں اور لڑکیوں کو عصمت دری کے بعد قتل کر دیتے، دودھ پیتے بچوں کو برچھیوں پر تسبیح کے دانوں کی طرح پرو دیتے۔ ان سب سے بچنے کے لیے وہ لوگ دبے پاؤں چلتے اور بچوں کو سلائے رکھنے کی کوشش میں مصروف رہے تاکہ وہ کافر وں سے اپنی جان محفوظ رکھ پائیں۔ صبح کے سورج نے کیا دیکھا کہ وہ سینکڑوں افراد کا قافلہ صرف چند نفوس کا بچ گیا اورادھر ان کے گاؤں میں ان کے عزیزوں کی نعشیں بغیر کفن کے سورج کی کرنوں کو لپیٹے ہوئے کافروں کومنہ چڑھا رہی تھیں اور بتا رہی تھیں کہ ان کے ناپاک عزائم مسلمانوں کی آزادی کا راستہ نہیں روک سکتیں۔ ساری رات کا بھوکا پیاسا، تھکا ماندہ چند افراد پر مشتمل یہ قافلہ آخر کار ایک بڑے قافلے کا حصہ بننے میں کامیاب ہو گیا جوکہ کافی علاقوں کے افراد پر مشتمل نوجوانوں کے حصار میں تھا لیکن ان کے حالات بھی مختلف نہ تھے بلکہ یہ بھی لٹاپٹا قافلہ اپنے بہت سارے پیاروں کی نعشوں کو سورج کی بے رحم قرنوں کے حوالے کر آئے تھے۔بلآخرکئ دن کی مشکلات اورمسافت کے بعد جب یہ قافلہ اپنی منزل پر پہنچا تو امدادی کیمپوں میں مقیم افراد نے اپنا غم بھول کر ان کو گلے لگایا تو ایسا منظر آسمان نے دیکھا کہ سورج نے مارے شرم کے منہ چھپا لیا اور بادلوں نے اس بات پر آنسو بہائے کہ کیونکر انسان اپنا غم بھلائے دوسروں کو سہارا دے رہاہے۔ اپنا بیٹا کھوکر دوسرے کے بیٹے کو گلے لگا رہا ہے، اپنا خاندان اپنی آنکھوں کے سامنے ذبح ہوتا دیکھ کر بھی دوسرے خاندان کی خدمت میں لگا ہے شاید اس دن آسمان کو بھی سمجھ آیا ہو گا کہ انسان کو اشرف المخلوقات کیوں بولا گیا۔
میں ان سب حالات کو دیکھ رہا تھا کہ اچانک مجھے میرے بھائی نے آں جھنجھوڑا اور واپس آج کے دن میں لے آیا۔ اس نے آزادی کے دن کی مبارکباد دی اور رونے کی وجہ پوچھی، نہ جانے کب سے میری آنکھوں سے غیر محسوس طور پر آنسو نکل رہے تھےاور میں بےخبر اپنی سوچوں میں گم تھا، میں نے اپنے بھائی کے سوال پر آنسو صاف کرتے ہوئے محض مسکرا کر سر ہلانے پر اکتفا کیا۔ آخر اسے جواب دیتا بھی تو کیا کہ ہمارے آباؤ اجداد نے کس قدر قربانیوں سے آزادی حاصل کی اور ہمارے لیے یہ محض ایک چھٹی کا دن بن کر رہ گیا ہے۔جس دن بچے گھر وں کو جھنڈیوں سے سجاتے ہیں اور نوجوان اپنی بائیک کا سلنسر نکال کر گلیوں میں گھماتے اور تیز رفتاری کا مظاہرہ کرتے ہیں اور اگلے دن جھنڈیوں کی گلیوں میں بے حرمتی ہوتی ہےاور نوجوان یا تو اپنی تیز رفتار ی کی وجہ سے جان سے ہاتھ دھو بیٹھتے ہیں یا پھر کسی سرکاری ہسپتال کے بستر پر ہاتھ پاؤں تُڑواکر زندگی اور موت کے درمیان جھول رہے ہوتے ہیں اور ہمارا ملک آج بھی ترقی کی راہ پر کھڑا ہمارا منتظر ہے۔ ملک ترقی کی راہ پر گامزن تب ہی ہوسکتا ہے جس وقت کہ ہم اس ملک اور آزادی کی اہمیت سمجھ کر اسکےلیے دل و جاں سے محنت کریں گے اور شاید شہداء کی قربانیوں کا تھوڑا سا قرض ادا کر سکیں۔
اللہ تعالیٰ ہمیں آزادی جیسی نعمت کو سمجھنے کی توفیق عطا فرمائے آمین۔
ا

@ObaidVirk_717

امریکہ جس کو سپر پاور ہونے کا گھمنڈ ہے اس کو افغانستان میں ناکامی کا سامنا کرنا پڑا ہے۔ جدید اسلحے سے لیس گاڑیاں اور کھربوں ڈالر خرچ کیے اس کے باوجود کامیابی نہ ملی۔ پاکستان نے افغانستان سے امریکی اور نیٹو فوج کے انخلا کیلئے امریکہ کی مدد کی اور ان کو آسان راستہ دکھایا۔ افغان طالبان اور امریکہ کو ایک مزاکرات کی ٹیبل پہ لایا آخرکار فورسز کو بیس سال بعد واپس بولا لیا گیا۔دو دہائیوں سے امریکہ طالبان کے خلاف جنگ نہیں جیت سکا ہے اور پسپاہ ہو کہ وہاں سے نکلنا پڑا۔
اس لیے یہ کہا جاسکتاہےکہ افغانستان جیسے مسلے کا فوجی حل ناممکن ہے۔ اگر کوئی حل ہے تو وہ صرف اور صرف مزاکرات ہی ہیں۔ لیکن اشرف غنی کے ہوتے ہوئے طالبان کبھی بھی مزاکرات کیلئے تیار نہیں ہونگے۔۔
وزیراعظم عمران خان نے بھی اکثر اسی بات پہ ہی زور دیا ہے کہ امن کیلئے مزاکرات ہی کییے جانے چاہیں۔ پاکستان ہر طرح کی مدد کرنے کو تیار ہے۔ افغانستان میں امن کی انتہائی ضرورت ہے۔ پاکستان نے افغانیوں کو اپنے ملک میں پناہ دی۔ الزام تراشیوں کے باوجود ساتھ دیا اور دیتا رہے گا۔
اشرف غنی اور افغان طالبان آمنے سامنے آ چکے ہیں۔ نیٹو فورسز کےافغانستان سے نکلتے ہی افغان طالبانوں نے تقریبا 20صوبائی دارلحکو متوں پہ قبضہ جما لیا ہے مذید یہ خدشہ ہے کہ کابل پہ بھی جلد ہی قبضہ ہو جائے گا۔ جو بھی اسلحہ تھا اور جدید اسلحے سے لیس گاڑیاں سب اپنے قبضے میں لے لیے ہیں۔
امریکہ اور انڈیا نے مفادات کی خاطر بہت سے ایسے تجربات کیے کہ شاید ان کو کامیابی مل جائے لیکن ان کو اس سے کچھ حاصل نہیں ہو اہے۔اس ناکامی پہ انڈیا نے پاکستان کے خلاف ذہر اگلنا شروع کر رہا ہے۔ہر پراپیگینڈہ جو انہوں نے پاکستان کے خلاف کیالیکن وہی یہ بری طرح ایکسپوز ہوا ہے۔ آخرکار کار انڈیا کو اپنا سفارتخانہ بھی بند کرنا پڑا۔
بعد آزاں جب عمران خان نے اڈے دینے سے انکار کیا تو امریکہ نالاں ہی نظر آتا ہے۔ کیوں کہ پاکستان نے پہلے ہی غیروں کی جنگ میں ستر ہزار جانیں گنوائیں ہے۔ امریکہ جو اس وقت بھارت کی گود میں بیٹھا ہو اہےمذیدیہ کہ اسٹریٹجک پارٹر بنا ہوا ہے اور چائینہ کے خلاف ساذشوں میں مصروف ہیں۔
کیونکہ ان کے معاشی مفادات جڑے ہوئے ہیں اسلئیے امریکہ اور انڈیا کو افغانستان کے امن سے کوئی غرض نہیں ہے۔ ان کے کچھ ذاتی مفاد سے مزید بیگاڑ پیدا ہوا ہے اور پہلے سے زیادہ امن تباہ ہوا ہےلوگ بے گھر ہوئے اور کامیابی ومالی نقصان اٹھانا پڑا۔ اب تو پاکستان بھی مذید افغانیوں کو پناہ دینے کا متحمل نہیں ہو سکتا ہے۔

Twitter ID : @JeeTaiba

دنیا کی ترقی یا دنیا کے عروج و زوال کے لیے اگر آپ تاریخ کا مطالعہ کریں اور قرآن مجید کی روشنی میں اُس کو دیکھیں تو ایک قانون ہے۔ موجودہ زمانے میں انسان نے مادہ پر تجربات کیے اور مادہ جن قوانیں پر کام کرتا ہے وہ قوانیں دریافت کر لیے ہیں۔ جب یہ قوانین سائنسی طور پر دریافت ہو گئے ہیں تو آپ نے دیکھا کہ ایجادات کا انبار لگ گیا۔ یعنی انسان نے اپنے سننے، اپنے دیکھنے کی صلاحیت کو حیرت انگیز حد تک بڑھا لیا ہے۔ یہ صرف اس لیے ممکن ہوا ہے کہ ہم ان قوانیں کو سمجھنے میں کامیاب ہو گئے ہیں ۔
اسی طرح قوموں کے عروج و زوال کے بھی قوانین ہیں۔ ان کو اگر بالکل خلاصہ کے طور پر بیان کریں تو وہ تین ہی چیزیں ہیں بنیادی طور پر جو قوموں کو عروج پر قائم رکھتی ہیں۔قومیں دنیا کی سٹیج کے لیے منتخب کیسے ہوتی ہیں وہ ایک الگ بات ہے جبکہ عروج پر قائم کیسے رہتی ہیں اس کے لیے تین ہی بنیادی چیزیں ہیں۔
پہلی بنیادی چیز یہ ہے کہ کوئی قوم علم اور اخلاق کے لحاظ سےکس مرتبے پر ہے۔ یہاں علم سے مراد دنیاوی علم ہے، وہ علم جس سے آپ مادہ کے قوانیں دریافت کرتے ہیں، وہ علم جس کے مطابق آپ انسان کا مطالعہ کرتے ہیں اور معیشت اور معاشرت کے قائدے بناتے ہیں۔ اور اخلاق، یعنی وہ اخلاق جو اجتماعی زندگی کی ضرورت ہوتا ہے۔ جس میں انسانوں کے باہمی روابط کو ترتیب دیا جاتا ہے۔ علم و اخلاق کے لحاظ سے اگر کوئی قوم پستی میں ہے تو پھر وہ عروج کا خواب بھی نہیں دیکھ سکتی۔
وہ کسی سطح پر بلند ہو کر آ گئی ہےتو اب اس کے لیےگویا توقع پیدا ہوتی ہے۔اور وہ دنیا کے مقابلے میں برتری پر چلی جائے تو سب سے زیادہ جو چیز نمایاں ہو گی وہ یہ ہے کہ اس قوم نے یا اس جماعت نے علم اور اخلاق میں برتری حاصل کر لی ہے۔
جو لوگ بھی عروج کا خواب دیکھتےہیں یا یہ چاہتے ہیں کہ ان کی قومیں عروج کی طرف بڑھیں، ان کے لیے پہلا قدم جو ہو سکتا ہے وہ علم اور اخلاق کا ہے۔
دوسری چیز یہ ہے کہ اگر ان کا کوئی نظریہ ہے تو اس کے ساتھ اس کی یکسوئی کا معاملہ کیا ہے۔ یعنی کیا نظریاتی انتشار میں مبتلا ہے پوری کی پوری قوم یا اس کے ہاں جو بنیادی حقائق ہیں اس کے متعلق نظریہ یکسوئی کے ساتھ اختیار کر لیا گیا ہے؟
آپ نے قرآن مجید میں پڑھا ہو گا کہ جب اللہ تعالیٰ حضرت ابراہیم کی تعریف کرتے ہیں یا تعارف کرواتے ہیں تو کہتے ہیں کہ وہ مسلمِ حنیف تھے۔ یعنی یہ نہیں کہ وہ صرف مسلمان تھے بلکہ یکسو مسلمان تھے۔
اور تیسری چیز یہ ہوتی ہے کہ جو قوم اپنی برتری کا یا اپنی بہتری کا خواب دیکھتی ہے اس کی سیاسی وحدت کا کیا حال ہے۔ اگر آپ اس دور سے پہلے رومن امپائر کو دیکھیں تو تب سیاست میں مذہب بنیادی فیصلے کر رہا تھا۔اس کے بعد جو نئی دنیا پیدا ہوئی اس میں ہم نے دیکھا کہ خیالات میں تبدیلی آئی اور جو نئی دنیا بن کر ہمارے سامنے آئی ہے اس میں سیاسی وحدت کا فقدان ہوا اِس سے پہلی اور دوسری جنگ عظیم برپا ہو گئی۔ یعنی خود مغربی قومیں اپنے اندرون سے ایک عسکری چیلنج سے دو چار ہو گئیں۔ دونوں جنگوں سے نکل کر ایک نظام بنایا گیا۔ وہ نظام یہ تھا کہ اقوام متحدہ کا ادارہ بنایا گیا جس نےاس برتری کو یکسوئی میں بدل دیا ۔
اور اس یکسوئی میں سیاسی وحدت کو قائم رکھنے کے لیے چار چیزیں بنیادی حیثیت رکھتی ہیں۔
قوموں کا حقِ خود ارادی، قانون کی حکمرانی، جمہوریت اور بنیادی انسانی حقوق۔ یہ وہ چیزیں ہیں جس پر مغربی دنیا ٹھہری ہے۔
یہ تینوں چیزیں قوموں کی تقدیر کا فیصلہ کرتی ہیں۔ چنانچہ اگر دنیا میں کسی بھی قوم کو بالا تر ہونا ہے تو اس کے لیے یہ کافی نہیں ہے کہ وہ تسبیح پر سبحان اللہ کا ورد کر لے۔ جب یہ تین چیزیں کوئی قوم حاصل کر لیتی ہے تو اگر خدا نہ چاہے تو دنیا کی کوئی طاقت اس کا مقابلہ نہیں کر سکتی۔ آپ پوری تاریخ کا مطالعہ کر لیں ہمیشہ اسی اصول پر یہ معاملہ ہوا ہے۔
ہمارے دین میں یا قرآن میں دیکھیں تو اللہ تعالیٰ نے یہ بتایا ہےکہ”میں ایک کے بعد دوسری قوم کو دنیا کی سٹیج پر آنے کا موقع دیتا ہوں،اور یہ موقع تو میں اپنے انتخاب سے دیتا ہوں۔بالکل ایسا ہے جیسے میں کسی کو امراء کے گھر میں پیدا کر دیتا ہوں تو کسی کو غرباء کے گھر میں، لیکن جب میں ایک بار کسی قوم کو یہ موقع دے دیتا ہوں تو پھر وہ اپنے عروج کو قائم رکھنے کے لیےاصول و قوانین کی پابند ہوتی ہے۔”
یہی وہ اصول و قوانین ہیں جو میں نے اوپر بیان کر دیے ہیں۔یعنی جب تک کوئی قوم ان پر قائم رہے گی اللہ تعالیٰ فرماتے ہیں کہ "میں اپنا معاملہ اُن سے تبدیل نہیں کرتا وہ دنیا میں اپنی برتری کو قائم رکھتی ہے” اور جب وہ قوم ان تینوں چیزوں سے محروم ہونا شروع ہوتی ہے تو اللہ تعالیٰ کہتے ہیں کہ "میں بھی اپنا معاملہ ان سے تبدیل کر لیتا ہوں۔”اور اس کا پھر نتیجہ بیان کرتے ہیں” دنیا کی تاریخ میں ہر قوم کو اسی طرح موقع دیا ہے، ایک ترتیب کے ساتھ موقع دیا ہے۔ اور جب میں موقع دیتا ہوں تو نتیجے دو ہی نکلتے ہیں۔ قیامت کے دن تک میں اسی طرح ایک کے بعد دوسری قوم کو دنیا کی سٹیج پر لاتا رہوں گا، ان میں سے کچھ وہ ہوں گے جو طبعی موت مر جائیں گے، اور کچھ وہ ہوں گےجن کو میں پیغمبر بھیج کر تنبہ کرکےعذاب دوں گا۔ اور یہ سلسلہ قیامت تک جاری رہے گا۔”
میں جب قرآن مجید کی روشنی میں دنیا کی تاریخ کو دیکھتا ہوں تو یہ معلوم ہوتا ہے کہ نوح ؑ کی اولاد میں سے پہلے حام کو اقتدار ملا پھر سامی قوموں کو اقتدار ملا اور اب یافث کی اولاد کے پاس اقتدار ہے۔ یہ معلوم ہوتا ہے کہ دنیا کی سٹیج پر آخری قومیں ہیں لیکن اقتدار اور عروج کی بنیاد وہی تین چیزیں ہیں۔ جب تک یہ تین چیزیں حاصل ہیں یہ عروج پر رہیں گی۔ اگر آپ بھی عروج چاہتے ہیں تو آپ کو ان تین چیزوں پر عمل کرنا ہو گا۔
twitter.com/iamAsadLal
@iamAsadLal

عمران خان نئے پاکستان کا تصور لے کر 2018 کے الیکشن میں داخل ہوئے بڑے بڑے دعوے اور وعدے کیے پاکستانی قوم کو الفاظ کے گورکھ دھندے میں پھنسا یا۔ سبز باغ دکھائے۔ فیاضی کا یہ عالم کے تمام پارٹیوں کے بھگوڑوں کے لئے بنی گالہ کے دروازے کھول دیے۔ سابقہ حکومتوں کی خوب درگت بنائی اور یوں کرکٹ کے سحر کو سیاست میں پیوست کر کے وہ ایک لولی لنگڑی۔ ٹیری تھتی اور توتلی حکومت بنانے میں کامیاب ہو گئے۔ 1 جی ڈی اے 2 ایم کیو ایم 3 مسلم لیگ ق اور بی این پی مینگل کے تعاون سے وزیر اعظم کا لفظ عمران خان کے ساتھ لگ تو گیا مگر حالت یہ ہے کہ یہ چاروں ستون آ ئےروز آ گے پیچھے ہوتے رہتے ہیں جس کی وجہ سے نیازی صاحب ڈاواں ڈول ہوتے رہتے ہیں۔ حالت اتنی نازک ہے کہ ایک ستون بھی غائب ہو گیا تو تخت زمین بوس ہو جائے گا۔ عمران خان ماضی کی حکومتوں کو یہ کہتے تھکتے نہیں تھے کہ وہ وہاں فلاں فلاں پارٹی کی بلیک میلنگ کا شکار ہیں۔ مگر حقیقت کی نظر سے دیکھا جائے تو ملکی تاریخ کی بدترین بلیک میلنگ کا آجکل خان صاحب خود شکار ہیں۔ اتحادی جماعتوں میں سے کسی ایک کو چھینک بھی آجائے تو دو تین وفاقی وزرا جوشاندہ لے کر حاضر خدمت ہو جاتے ہیں۔ یوں یہ کہا جاسکتا ہے کہ نئے پاکستان والی حکومت کا پرانے پاکستان کی حکومتوں سے بھی برا حال ہے۔ میں بھی کبھی کبھی خواب دیکھتا ہوں جو حال ہی میں خواب آیا ہے وہ بڑا اندوناک ہے۔ آس خواب کے مطابق واقعی نیا پاکستان بننے جارہا ہے۔ مودی حکومت کے بنائے گئے نئے قانون کے مطابق ہندوستان کے مسلمانوں پر ہندوستان کی زمین تنگ کی جارہی ہے۔ رجسٹریشن اور شناخت نام کا ثبوت مانگنے کی وجہ سے وہاں کے مسلمانوں میں عدم تحفظ کا احساس بڑھتا جارہا ہے۔ مودی حکومت اندریں خانہ یہ فیصلہ کرچکی ہے کہ مسلمانوں کے ساتھ ان کا گزارا مشکل ہے۔ زیادہ تر ہندو وہاں کے مسلمانوں کو پاکستان نواز اور دہشتگرد سمجھتے ہیں۔ مسلمانوں کے گھروں۔ سکولوں اور مساجد پر باقاعدہ منصوبہ بندی کے تحت حملے کرائے جا رہے ہیں۔ مجھے 1947 کا منظر یاد آ نے لگ گیا ہے اللہ خیر کرے کہیں انسانی المیہ تو رونما نہیں ہونے جا رہا ہے ؟ کیا تاریخ اپنے آپ کو دوہرانے جارہی ہے ؟ کیا پھر سے ریل گاڑیوں کی چھتوں پر لوگ سفر کریں گے ؟ کیا پھر سے قتل عام ہوگا؟ کیا پھر سے آباد کاری کی مہم چلے گی ؟ کیا دو قومی نظریہ اپنی خالصتاً شکل میں رونما ہونے جارہا ہے؟ کیا اب سارے مسلمان اکٹھے ہو جائیں گے؟ کیا خالص ہندوستان اور خالص پاکستان بننے جارہا ہے۔ کیا نیا پاکستان بننے جا رہا ہے.
twitter.com/joinwsharif7

حضرت اسماء بنت یزید رضی اللہ عنہا کہتی ہیں کہ رسول اللہ نے فرمایا جو شخص اپنے مسلمان بھائی کے پیٹھ پیچھے اس کا گوشت کھانے سے باز رکھے یعنی اس کے سامنے اگر کوئی شخص مسلمان بھائی کی برائی اور غیبت کر رہا ہو تو اس کو اس حرکت سے روکے تو اس کا اللہ پر یہ حق ہے کہ وہ اس کو دوزخ کی آگ سے آزاد کرے گا۔ (بہیقی)
مشکوۃ شریف:جلد چہارم:حدیث نمبر 912
تشریح
غیبت کرنے کو بطور گوشت کنایہ کھانے سے تعبیر کیا ہے یعنی جو شخص کسی کی غیبت کرتا ہے تو گویا وہ اس کا گوشت کھاتا ہے چنانچہ قرآن کریم میں غیبت کی برائی ان الفاظ میں بیان فرمائی گئی ہے کہ ” ایحب احد کم ان یاکل۔ الخ۔ کیا تم میں سے کوئی شخص اپنے مردہ بھائی کا گوشت کھانا پسند کرتا ہے۔غیبت کرنے کو گوشت کھانے سے تشبیہ دینے کا سبب یہ ہے کہ غیبت کرنا دراصل اس کی آبرو ریزی کرنا ہے اور آبرو چونکہ جان سے بھی زیادہ پیاری ہوتی ہے لہذا جس شخص نے اپنے مسلمان بھائی کی غیبت کے ذریعہ آبرو ریزی کی اس نے گویا اس کو ہلاک کر دیا اور اس کا گوشت کھا لیا ۔ بظاہر یہ بات صحیح معلوم ہوتی ہے کہ لفظ بالمغیبۃ کا تعلق لفظ ذب سے ہے اور غیبت یعنی عدم موجودگی کے مفہوم میں ہے تاہم احتمال بھی ہے کہ بالمغیبۃ کا تعلق بلحم اخیہ سے ہو اور مفہوم کے اعتبار سے غیبت یعنی پیٹھ پیچھے برائی بیان کرنے کے معنی میں ہو اس صورت میں عبارت گویا یوں ہوں گی من ذب عن اکل لحم اخیہ بالمغیبۃ یعنی جو شخص کسی اپنے مسلمان بھائی کی غیبت کے ذریعہ اس کا گوشت کھانے سے باز رکھے۔ لیکن حدیث کا حاصل دونوں صورتوں میں ایک ہی رہے گا وہ یہ کہ اس کے ذریعہ لوگوں کو آپس میں ایک دوسرے کی غیبت کرنے سے باز رکھنے والے کی فضیلت کو ظاہر کرنا مقصود ہے۔
” دوزخ کی آگ سے آزاد کرے ” کا مطلب یا تو یہ ہے کہ اس شخص کو شروع ہی میں دوزخ کی آگ سے نجات یافتہ قرار دیا جائے گا یا یہ کہ اگر وہ شخص اپنے گناہوں کے سبب دوزخ میں داخل کیا جائے گا تو اس کو وہاں عذاب پورا کیے بغیر نکال لیا جائے گا۔
حضرت جابر رضی اللہ عنہ سے روایت ہے کہ نبی صلی اللہ علیہ وسلم نے فرمایا جو مسلمان اپنے مسلمان بھائی کی اس موقع پر مدد کرے اور غیبت کرنے والے کو غیبت سے نہ روکے جہاں اس کی بے حرمتی کی جاتی ہو اور اس کی عزت و آبرو کو نقصان پہنچایا جاتا ہو تو اللہ بھی اس موقع پر اس شخص کی مدد نہیں کرے گا جہاں وہ اللہ کی مدد کو پسند کرتا ہے اور جو مسلمان شخص اپنے مسلمان بھائی کی اس موقع پر مدد کرے جہاں اس کی بے حرمتی کی جاتی ہو اور اس کی عزت و آبرو کو نقصان پہنچایا جاتا ہو تو اللہ بھی اس موقع پر اس شخص کی مدد کرے گا جہاں وہ اللہ کی مدد کو پسند کرتا ہے۔ (ابوداؤد) مشکوۃ شریف:جلد چہارم:حدیث نمبر 914

حضرت معاذ بن انس رضی اللہ عنہ کہتے ہیں کہ رسول اللہﷺ نے فرمایا جو شخص کسی مسلمان کی عزت کو منافق کے شر سے بچائے گا اللہ اس کے لیے ایک فرشتہ بھیجے گا جو اس کو قیامت کے دن دوزخ کی آگ سے بچائے گا اور جو شخص کسی مسلمان پر ایسی چیز یعنی کسی عیب و برائی کی تہمت لگائے گا جس کے ذریعہ اس کے مقصد اس مسلمان کی ذات کو عیب دار کرنا ہو تو اللہ تعالیٰ اس کو دوزخ کے پل پر قید کر دے گا یہاں تک کہ وہ اس تہمت لگانے کے وبال سے نکل جائے۔ (ابوداؤد) مشکوۃ شریف:جلد چہارم:حدیث نمبر 917تشریح
یہاں منافق سے مراد غیبت کرنے والا ہے اور عیب جو شخص ہے اس کو منافق اس لیے فرمایا گیا ہے کہ غیبت کرنے والا کبھی بھی کسی شخص کے منہ پر اس کی برائی نہیں کرتا بلکہ اگر وہ سامنے ہوتا ہے تو دل میں اس کی طرف سے برائی رکھنے کے باوجود اس کی خیر خواہی کا دم بھرتا ہے اور پیٹھ پیچھے اس پر عیب لگاتا ہے غیبت کرنا اور عیب جوئی منافق کا کام ہے جس کا ظاہر کچھ ہوتا ہے اور باطن کچھ۔ حدیث کے آخری الفاظ حتی یخرج مما قال کا مطلب یہ ہے کہ جب تک وہ شخص اپنی اتہام تراشی کے گناہ سے صاف نہ ہو جائے اس وقت تک اس کی گلو خاصی ممکن نہیں ہو گی۔

حضرت انس رضی اللہ عنہ کہتے ہیں کہ رسول اللہ نے فرمایا جب اللہ تعالیٰ نے مجھے معراج کی رات اوپر لے گیا تو عالم بالا میں میرا گزر کچھ ایسے لوگوں پر ہوا جن کے ناخن تانبے کے تھے اور وہ ان ناخنوں سے اپنے چہروں کو کھرچ رہے تھے ان کی اس حالت کو دیکھ کر میں نے پوچھا کہ جبرائیل یہ کون لوگ ہیں انہوں نے جواب دیا کہ یہ وہ لوگ ہیں جو لوگوں کا گوشت کھاتے یعنی لوگوں کی غیبت کرتے ہیں ان کی عزت و آبرو کے پیچھے پڑے رہتے ہیں۔ (ابوداؤد) مشکوۃ شریف:جلد چہارم:حدیث نمبر 974
حضرت مستورد رضی اللہ عنہ آنحضرت صلی اللہ علیہ وسلم سے نقل کرتے ہیں کہ آپ نے فرمایا جو شخص کسی مسلمان کی غیبت، برائی کرنے یا اس پر زنا وغیرہ کی تہمت لگانے کے ذریعہ اس کی آبروریزی کر کے ایک لقمہ کھائے تو اللہ اس کو اس لقمہ کی مانند دوزخ کی آگ کھلائے گا اور جو شخص کسی مسلمان کی تحقیر و امانت کے بدلہ میں کسی کو کپڑا پہنائے گا تو اللہ تعالیٰ اس کو اس کپڑے کی مانند دوزخ کی آگ کا کپڑا پہنائے گا اور جو شخص کسی کو سنانے اور دکھانے کے لیے کھڑا کرے تو قیامت کے دن اللہ اس کے سنانے اور دکھانے کے لے خود کھڑا ہوگا۔ (ابوداؤد)
مشکوۃ شریف:جلد چہارم:حدیث نمبر 975
حضرت انس رضی اللہ عنہ سے مروی ہے کہ نبی صلی اللہ علیہ وسلم نے ارشاد فرمایا جب مجھے پروردگار عالم نے معراج پر بلایا تو میرا گذر ایک ایسی قوم پر ہوا جن کے ناخن تانبے کے تھے اور وہ ان سے اپنے چہرے اور سینے نوچ رہے تھے، میں نے پوچھا جبریل! یہ کون لوگ ہیں ؟ انہوں نے بتایا کہ یہ لوگوں کا گوشت کھانے والے (غیبت کرنے والے اور لوگوں کی طرف انگلیاں اٹھانے والے لوگ ہیں ۔مسند احمد:جلد پنجم:حدیث نمبر 2302
اللہ رب العالمین ہمیں غیبت جیسی نیکیوں کو برباد کردینے والی بیماری سے بچائیں ، اللہ کے دین کی سمجھ عطا فرمائیں دین اسلام پر چلنے والا بنا ئیں۔ آمین یا رب العالمین

@mmasief