Category: بلاگ

:
پاکستان دنیا کا واحد ملک ہے جو نظریاتی بنیاد پہ بنا اور مذہب کے بنیاد پہ بننے والا دنیا کا واحد ملک ہے جس کا بنیاد نظریہ پاکستان پہ تھا اور یہ نظریہ ہمارے پاس دو قومی نظریہ سے نکلا تھا ۔اس دو قومی نظریہ کے بارے میں جاننا بہت ضروری ہے کیوں کہ اسی کی بنیاد پہ یہ ملک بنایا گیا تھا ۔
جب ہم دو قومی نظریے کی بات کرتے ہیں تو تاریخ ہمیں بتاتی ہے کہ اس دو قومی تشخص کو سب سے پہلے البرونی نے دسویں سنچری میں بتایا تھا جب وہ برصغیر پاک وہ ھند کے دورے پہ آیا تھا اس وقت اپنی ایک کتاب کے اندر اس نے دو لفظ مینشن کیا تھا "They and We” اس میں They ہندوں کے لیے استعمال کیا تھا اور We مسلمانوں کے لئے ۔

ہمارا وطن پاکستان جہاں ہم رہتے ہیں وہ وطن نہیں جو وراثت میں اس کے بننے والو کو ملاہے بلکہ پاکستان کی بنیادیں استوار کرنے کےلئے متحدہ ہندوستان کے مسلمانوں کی ہڈیاں اینٹوں کی جگہ اور خون پانی کی جگہ استعمال ہواہے۔ اتنی گراں قدر تخلیق کا اندازہ صرف وہی لگا سکتا ہے جس نے تعمیر پاکستان میں اپنا من دھن، بھائی، عزیز واقارب قربان کئے۔ حصول پاکستان کےلئے لاکھوں مسلمانوں نے جام شہادت نوش کیا۔ کتنی ماﺅں کے سامنے ان کے بچے قتل کر دئیے گئے۔ کتنی پاکدامنوں نے نہروں اور کنوﺅں میں ڈوب پاکستان کی قیمت ادا کی ۔ کئی بچے یتیم ہوئے جو ساری زندگی والدین کی شفقت کےلئے ترستے رہے۔14اگست 1947ءوہ مبارک وقت تھا جب پاکستان معرض وجود میں آیا۔ مسلمانوں کے اتفاق اور قائداعظیم کے خلوص کی وجہ سے یہ عظیم سلطنت وجودمیں آئی، ہندوﺅں نے طرح طرح کی مکاریوں سے پاکستان کے مخالفت کی انگریزوں نے بھی طر ح طرح کی رکاوٹیں ڈالی ، ہمیں ہر قسم کی آزادی اور سامان اور آسائش وآرائش مہیا ہے مگر یہ کبھی نہ بولیں کہ اس میں لاکھوں لوگوں کی قربانياں انکا خون شامل ہے اور سر سید کی نگاہ دوربین اقبال کے افکار قائداعظم کی جدوجہد اور دوسرے اکابرین کا ایثار شامل ہے اے میرے ہموطنو ! بیشک آزادی بہت بڑی نعمت ہے اس کی قدر کرو یہ وطن تمہارے بزرگوں نے بہت مصیبتوں اور مشکلات سے حاصل کیا ہے۔ اے میرے ہم وطنو! یہ جو تم آزادی سے رہ رہے ہو یہ بڑی مہنگی اور قیمتی ہے ۔ہم وطنو آزادی ایک بہت بڑی نعمت ہے ۔
اس آزادی کی قدر کرو جیسا کہ آپکو معلوم ہے اس وقت انڈیا اور کشمیر کے اندر رہنے والے مسلمان کس طرح انڈین حکومت کے غیر جمہوری اور غیر انسانی پاليسیز کا سامنا کرہے ہیں ذرا ان بھیوں سے پوچھو تو پتا چلے گا کہ آزادی کتنی بڑی نعمت ہے ۔ آج ہم جتنا بھی اللّه کا شکر ادا کریں تو کم ہے کہ ہمیں اس عظیم نعمت سے ہمکنار کیا ہے ۔
پاکستان بنانا کوئی آسان کام نہیں تھا اس کو بنانے میں بہت ساری قربانیاں دی گئی بہت سارے لوگ شہید ہوگئے، بہت ساری ماؤں کے گود اجڑ دئے گئے پھر جاکر یہ ملک آزاد ہوا ۔
مگر افسوس کے ساتھ کہنا پڑتا بہت سارے پاکستانی دشمن کے ہاتھوں میں کھیل رہے اور اپنے ہی ملک کے خلاف استعمال ہورھے ہیں۔ کاش انکو معلوم ہوتا کتنی قربانیوں کے بعد یہ آزادی نصیب ہوئی ہے
بے شمار بچے اپنی ماؤں کے سامنے مارے گئے اور بہت سے خاندان اپنے گھروں میں جلا ے گئے۔ بہت سی نیک عورتوں نے کنوؤں اور نہروں میں چھلانگ لگائی اور اپنی زندگی پاکستان کے لئے قربان کی۔
بچے یتیم ہو گئے اور ساری زندگی اپنے والدین سے محروم رہے۔ لوگوں نے مصیبتیں جهيلے تکلیفیں اٹھائی اپنوں کو کھو دیا گھر بار لٹا دیں کس لئے ؟؟صرف کہ صرف اس آزادی کے لئے مگر جن کو آج فری میں آزادی ملی انکو اس کی قدر نہیں ذرا فلسطین اور کشمیر کے مسلمانوں کی جدوجہد آزادی کو پڑھ لیں تب انکو پتا چلے گا۔
آج یہ بہت ضروری ہے کہ ہم اپنے بچوں کو بتائیں کہ پاکستان کتنی عظیم قربانیوں کے بعد معرض وجود میں آیا تھا اور ہمیں اس آزادی کی قدر کرنی چائے۔
اتمام محب وطن پاکستانیوں کو جشن آزادی بہت مبارک ہو اللّه پاکستان کو تاقیامت قائیم وا دایم رکھیں۔
پاکستان زندہ آباد ۔
@I_MJawed

آزادی اللہ تعالٰی کی بہت بڑی نعمت ہے آزادی کی قدر ان کو ہے جنہوں نے یا تو بہت ساری قربانیوں دیں یا آزادی کے لیے جدوجہد کی یا جو آج بھی اپنی آزادی کے لئے قربابیاں دے رہے ہیں۔پچھلی گئی دہائیوں سے سے جو آزادی کی جنگ لڑ رہے ہیں اس میں ہمارے بہین بھائی کشمیری بھی ہیں۔

جہاں کئی دہائیوں سے اپنی آزادی اور اپنے حقوق کے لئے جدوجہد جاری ہے۔ لاکھوں قربانیاں ہمارے یہ بھائی دے چکے ہیں۔ لیکن یہ آزادی کے متوالے ایک پل بھی تھک کر بیٹھے نہیں۔ ان کی جدوجہد آزادی آج بھی جاری ہے۔

مجاہد برہان وانی کی شہادت نے اس تحریک جدوجہد آزادی میں ایک نئی روح ڈالی اور تحریک نے اور روز پکڑ لیا ۔اسی دوران ایک اور نوجوان جس نے اپنی خواہشات کو ترک کرکے اپنی نسلوں کی آزادی کے لئے قربانی دے دی۔ اس نوجوان نے بھی اپنی جان قربان کر کے تاریخ میں ہمیشہ کے لئے امر ہو گیا۔

مجاہد کشمیر کا بہادر بیٹا کمانڈر ریاض نیکو کی شہادت کے بعد کشمیر کے نوجوانوں میں مزید جدوجہد آزادی کا جذبہ پیدا ہوا۔اپنی جانوں کی قربانیوں سے نہ ڈرنے کی ایک عظیم داستان جو قائم ہو رہی ہے یہ اپنی مثال ہے۔

اس تحریک آزادی کی گونج تو پوری دنیا سن رہی ہے مگر یہ دنیا خاموش تماشائی بنی ہوئی ہے آج جس مشکل میں کشمیر کے لوگ ہیں۔ یہی مشکل گھڑی کسی بھی قوم پر آ سکتی ہے ۔دنیا کے اس ٹکڑے کو جسے جنت کی وادی بھی کہا جاتا ہے۔ اس وادی کشمیر کو جہنم بنا دیا گیا ہے۔لگتا ہے آج دنیا پھر کسی محمد بن قاسم کا انتظار کر رہی ہے
شاید کشمیر قوم اس بات کو سمجھ چکی ہے کہ دنیا ہماری مدد کو نہیں آئے گی اس لیے اپنی مدد آپ کے تحت یہ تحریک آزادی ابھی تک بھرپور طریقے سے چلا رہے ہیں۔

اب وہ جان چکے ہیں کہ اپنی جنگیں خود لڑی جاتی ہیں اب وہ زمانہ نہیں جب کسی بیٹی کی پکار پر کسی دور ریاست کا حکمران اپنے لشکر کے ساتھ پہنچ جاتا تھا۔مگر اس وقت ہر ریاست کے اپنے مفادات ہیں آج مجھے کشمیریوں کی جدوجہد آزادی پر تیسری بار لکھنے کا موقع ملا لیکن ہر بار اس قوم کا جذبہ دیکھ کر امید رہتی ہے۔ کہ مسلسل جدوجہد کے بعد کامیابی ضرور ملتی ہے۔ان شاء اللہ

یہ ہماری بدقسمتی ہے کہ جب اپنے اندر غدار پیدا ہو جائیں تو پھر وہ تحریکیں اتنی مضبوط نہیں رہتی دشمن ہمیشہ آزادی کی تحریکوں کو کچلنے کے لئے طاقت کا استعمال تو کرتا ہی ہے۔ لیکن ایسی تحریکوں کے لشکر میں غداروں کی تلاش بھی جاری رکھتا ہے۔ایسے لوگوں کو خرید لیتا ہے۔ جو اپنے حقوق اپنے ضمیر اور آنے والی نسلوں کی آزادی کا سودا کرتے ہیں۔بس یہی وجہ ہے کہ کشمیریوں کی تحریک آزادی کی یہ جنگ لڑی تو جا رہی لیکن کچھ اپنے آج بھی دشمن کے ساتھ ملے ہوئے ہیں۔

جو اس تحریک آزادی کو کمزور کرنے میں مددگار ثابت ہو رہے ہیں ایسی بیشمار قربانیوں کے بعد جب ظالم سے آزادی ملے گی تو اس قوم کو اپنی آزادی کی قدر بھی ہو گی۔ بہت خوش قسمت ہیں وہ قومیں اور تاریخ میں زندہ ہیں وہ لیڈرز جنہوں نے اپنے آنے والی نسلوں کی آزادی کے لئے قربانیاں دیں۔ اور آج وہ قومیں آزاد فضائوں میں سانس لے رہی ہیں۔

اللہ پاک کشمیریوں کی اس تحریک آزادی کو کامیاب بنائیں۔آمین ثم آمین

@No1Hasham

ایک اور یوم آزادی منایا جا رہا ہے جس کا مطلب صرف اتنا ہے کہ ہم نے آزادی حاصل کی۔ہم نے دو قوموں سے آزادی حاصل کی ایک انگریز اور دوسرا ہندو سامراج سے۔ جبکہ ہمارے ہمسائے نے صرف ایک سے آزادی حاصل کی اور وہ تھا برطانیہ۔
پاکستان بننے کا خواب جو شاعر مشرق ڈاکٹر علامہ اقبال نے دیکھا وہ رمضان المبارک کی ستائیسویں اور اگست کی 14 تاریخ کو قائد اعظم نے حقیقت بنا کر پورا کیا۔ پاکستان قائد کی انتھک محنت اور مسلسل جدوجہد کے بعد دنیا کے نقشے پر ابھرا۔
قائد اعظم ایک با اصول اور سچے انسان تھے مسلمانوں کے عظیم لیڈر اور رہنما تھے۔ ایک ایسا سچا انسان جس نے اپنے تن من دھن کی بازی لگا دی۔علامہ اقبال کا جو خواب تھا قائد کی محنت اور ذہانت کے بعد مسلمانوں کو آزاد اسلامی ریاست کی صورت میں ملا۔
14اگست ہماری آزادی کا دن ہے اس دن تنقید کرنا معاشرتی آداب کے خلاف ہے. لیکن آزادی کا دن ضرور ہے مگر کس آزادی کا؟ آزادی ایک قوم کی جو تھی؟ آزادی ایک قوم کی جو ہے؟ آج ہم بحثیت ایک قوم اپنی کارگردگی کا جائزہ لیں تو بڑی افسوسناک حقیقت سامنے آئے گی۔ کہ ہم نے اس طویل عرصے میں اپنے ملک کو چلانے کے اہل ابھی تک نہیں ہوئے جس کا خواب ہمارے قائد نے دیکھا تھا۔
بانی پاکستان جناب قائد اعظم محمد علی جناح نے جمہوری اقدار، آئین کی پاسداری اور برابری کے علاوہ انسانی حقوق کی تکریم پر مبنی معاشرے پر قائم ہونے کا خواب دیکھا تھا۔
قائد اعظم نے 2مارچ 1940 کو ایم ایس ایف کے جلسے میں خطاب کرتے ہوئے فرمایا تھا ”کسی قوم کا ایک ملک کو چلانے کیلئے تین بڑے بڑے ستونوں کی ضرورت ہے۔ تعلیم، معاشی طور پر مستحکم ہونا اور بیرونی جارحیت کے خلاف ہر وقت تیار رہنا یعنی دفاعی لحاظ سے مضبوط ہونا۔
قائد اعظم کے مطابق کسی ملک کو چلانے کیلئے پہلی شرط تعلیم ہے جس میں بدقسمتی سے آج تک ہم نے وہ ترقی حاصل نہیں کی جسکا خواب ایک زمانے میں دیکھا گیا تھا۔ اسکی بنیادی وجہ یہ ہے کہ ہم نے تعلیم پر دوسرے معاملات کو ترجیح دی۔ اور نوجوان نسل کی تعلیم و تربیت پر کم سے کم خرچ کرنے کی کوشش کی۔ جسکی وجہ سے ہماری شرح خواندگی پچاس سے ساٹھ کے درمیان میں اٹکی ہوئی رہتی ہے۔ جبکہ ہمارے خطے کے دوسرے ممالک ہم سے بہت آگے ہیں جس میں سری لنکا اور ایران سب سے بہتر ہیں۔ ہمیں یہ بات تسلیم کر لینی چاہیے کہ پاکستان میں تعلیم کے شعبے میں پائی جانے والی خرابیاں دور کرنے پر اتنی توجہ نہیں دی گئی جتنی دینی چاہیے تھی۔ اس شعبے میں ناکامی کی اصل وجہ اور بنیادی وجہ ہمارے تعلیمی اداروں میں طالب علم اور معلم دونوں کیلئے سہولیاتوں کی شدید قلت ہے۔ جس کی وجہ سے نہ کوئی دل لگا کر پڑھتا ہے اور نہ کوئی اپنےدل سے فروغ تعلیم کیلئے اپنا کردار ادا کرتا ہے۔ اور آج تک پاکستان میں ہر سیاسی پارٹی کو یہی نعرہ لگاتے سنتے آئے ہیں کہ ہم تعلیم پر اپنی پوری توجہ دیں گے بعد ازاں حکومت میں آتے ہی ان کو یہ شعبہ نقصان لگنے لگتا ہے کیونکہ اسکی مالی انکم زیرو ہے۔
قائد اعظم محمد علی جناح نے 30اکتوبر 1948 کو لاہور میں طلبہ سے خطاب کرتے ہوئے کہا ” تعلیم ہماری قوم کیلئے زندگی اور موت والا مسلئہ ہے۔ دنیا اتنی تیزی سے آگے بڑھ رہی ہے کہ اگر آپ نے خود کو تعلیم کے زیور سے آراستہ نہ کیا تو خدا نخواستہ ہم مٹ نہ جائیں۔ اپنی غفلت سے ہم نے قائد کی اس پیش گوئی کو سچ ثابت کر دیکھایا ہے۔
اگر بات معاشی استحکام کی کاروبار، تجارت اور صنعت کے میدان میں کی جائے تو یہ بڑی پریشان کن ہے۔ یہاں کوئی اطمینان کے ساتھ کاروبار نہیں کر سکتا کیونکہ یہاں انتہا پسندی، بے یقین سیاسی صورتحال اور دہشت گردی نے سب کو پریشان کیا ہوا ہے۔ اور تجارت کی صورتحال یہ ہے کہ ہم آزادی سے لے کر اب تک ہماری درآمدات زیادہ ہیں اور برآمدات بلکل کم ہیں بلکہ نہ ہونے کے برابر یہ معاملہ بھی ذرمبادلہ پر بوجھ ڈالتا ہے اور یہ اس وقت تک بہتری نہیں آئے گی جب تک ہم درآمدات اور برآمدات میں توازن نہ قائم کر لیں۔ پاکستان کی پہلی سالگرہ پر 1948 میں قائد اعظم نے فرمایا کہ ” ہمارے دشمنوں نے پاکستان کو پیدا ہوتے ہی گلا گھونٹ کر مارنے کی کوشش کی انہوں نے سمجھا کہ پاکستان اپنی معیشت کو قابو نہیں کر سکے گا اور جلد ہی دیوالیہ ہو جائے گا۔ وہ جو تلوار سے حاصل نہ کر سکے وہ ہمارے تباہ شدہ مالی حالات سے حاصل کرنا چاہتے تھے۔ مگر اللہ کے فضل و کرم سے ہمارا پہلا بجٹ ہی فاضل بجٹ رہا۔ اور دشمنوں کو زبردست مایوسی اٹھانا پڑی۔ آج جو پاکستان مالی مشکلات کا شکار ہے اسکی بڑی وجہ ہم نے اپنے پاؤں چادر سے باہر پھیلا لیے ہیں ہمیں اپنی چادر کے سائز کو بڑا کرنے کی ضرورت ہے ساتھ ساتھ اپنے پاؤں بھی سمیٹنے چاہیے اور سادگی اپنائی جائے۔جیسے ہمارے وزیراعظم جناب عمران خان صاحب نے کہا تھا اب اسے عملی طور پر کرنے کی ضرورت ہے۔
یہ بڑی خوشی کی بات ہے کہ تعلیم اور تجارت کے برعکس ہم نے دفاعی لحاظ سے کافی ترقی کی ہے۔ پاکستان کی فوج ہر طرح کے اسلحہ سے لیس ہے اور ہر نوعیت میں خود کا دفاع کرنے کے اہل ہے ہماری فوج ایٹمی اسلحے سے لیس ہے جس میں دشمن ہمارے ملک کی طرف میلی آنکھ اٹھا کر بھی نہیں دیکھ سکتا۔
23جنوری 1948 کو قائد اعظم نے پاکستان نیوی کو اپنے خطاب میں کہا کہ اقوام متحدہ کتنا ہی مظبوط نہ ہو اپنے وطن کے دفاع کی بنیادی ذمہ داری ہماری ہے۔
یوں غالباً یہ واحد ادارہ جس میں ہم قائد اعظم کے خواب کے مطابق پورے اترے۔

پاکستان ہمارا پیار ترین ملک جس کے لیے ہمارے آباواجداد نے قربانیاں پیش کی۔ہماری عظمت کا نشان، ہمارے جینے کی وجہ، ہمارا فخر، ہمارا پیارا پاکستان
بابا جی واصف علی واصفؒ نے فرمایا تھا کہ” پاکستان نورہے اور نور کو زوال نہیں “۔ اللہ کے خاص کرم سے ہم آزاد فضاؤں میں سانس لے رہے ہیں۔اگر اس وطن کو حاصل کرنے کی جدوجہد پر روشنی ڈالی جاۓ تو قربانی کی کٸی دستانیں ملیں گی۔ ہم سمجھتے ہیں اقبالل نے خواب دیکھا، قاٸد نے تکمیل کی، چوہدری رحمت علی نے نام رکھا اور یوں پاکستان بن گیا۔ جبکہ لفظ پاکستان کا ایک ایک حرف اپنے اندر لمبی لمبی داستان رکھتا ہے۔یہ ایک بہت طویل، تکلیف دہ، تھکا دینے والا سفر تھا۔ 23 مارچ 1940 سے لیکر 14 اگست 1947 تک کے سفر میں ہمارے آباواجداد نے بیشمار قربانیاں دی۔ ہجرت کے دوران لاکھوں لوگ شہید ہوۓ، ہزاروں بچے یتیم ہوۓ، کٸی عورتوں کے سہاگ اجڑے، سینکڑوں لوگ اپنے پیاروں سے دور ہوۓ،بچے اپنی ماوں سے دور ہوۓ، لوگوں کے ہاتھ پاوں کٹ گٸے،راوی کے پانی کا رنگ خون جیسا سرخ ہو گیا۔ ہجرت کے تکلیف دہ سفر کے بعد پاکستان آ کر بغیر کسی سامان کے زندگی کا آغاز کرنا، اتنی لازوال قربانیوں کے بعد ہمیں یہ پیارا وطن حاصل ہوا جس میں ہم آج سانس لے رہے ہیں اپنی مرضی سے رہ رہے ہیں۔پاکستان ہمارے بزرگوں کی نشانی ہے۔ اس کی حفاظت ہمارا فرض ہے۔ اس پر جان نثار کرنا ہمارا مقصد ہونا چاہیئے۔لیکن ہم احسان فراموش لوگ پوچھتے ہیں کہ پاکستان نے ہمیں دیا ہی کیا ہے? کیا ہم نے کبھی خود سے تنہاٸی میں سوال کیا ہے کہ اس سرزمین کو ہم نے کیا دیا ہے? گندی سڑکیں، کوڑا کرکٹ، گندگی،اپنے ملک کا کھا کر اپنے ملک کو ہی گالیاں دیتے ہیں?
بطور پاکستانی ہمارا فرض بنتا ہے کہ ہمارا پہلا پیار یہ ملک ہو۔ جیسے ہم اپنے محبوب ترین چیز کی حفاظت کرتے ہیں ویسے ہی اپنے محبوب وطن کی سڑکیں اور گلیاں صاف رکھیں، اسکو گندگی سے محفوظ رکھیں، پودے لگا کر اسکو سرسبز بناٸیں، کرپشن، سود، رشوت خوری، حرام کاموں سے اسکو پاک کریں کیونکہ اس کی خوشحالی کی لیئے اخلاص کے ساتھ کام کرنا ہماری نیت اور ارادہ ہونا چاہیئے۔ ہمیں اس کی مضبوطی اور حفاظت کے لیئے اکٹھا ہونے کی ضرورت ہے تا کہ اس کی دیواریں اتنی مضبوط ہوں کہ کوئی دشمن اس کو میلی آنکھ سے دیکھنے کا سوچ بھی نہ سکے۔
پاکستان ہمارا فخر ہے، غرور ہے، ہماری عزت ہے۔اس کی مٹی،ہوا،پانی اسکا ایک ایک ذرہ ہماری عزت ہے۔ یہ ہماری شناخت ہے اسکے بغیر نہ ہماری کوٸی پہچان ہے نہ کوٸی شناخت، ماں باپ کی شناخت ملنے سے پہلے یہ زمین ہمیں شناخت دیتی ہے ۔ہم اسکی مٹی پربستے ہیں۔ یہاں اپنے اور اپنے بچوں کے لیئے روزی روٹی کما تے ہیں۔آزادی سے سانس لیتے ہیں، ہم اسی مٹی پر جیتے ہیں اور اسی پر مرتے ہیں۔ یہاں ہم ہمارے پیارے بستے ہیں۔ یہاں ہماری بزرگ ہستیاں دفن ہیں۔ ہمارے آباو اجداد دفن ہیں۔ایک دن ہمیں بھی اسی مٹی میں دفن ہونا ہے اور روزِ قیامت اس مٹی سے اٹھائے جائیں گے۔
ہم جذبہ و جوش کا پہاڑ رکھتے ہیں۔ دنیا میں جہاں بھی پاکستان کا پرچم لہرایا جاتا ہے، ہمارے سینے فخر سے چوڑے ہوجاتے ہیں۔جہاں بھی پاکستان کا ترانا گونجتا ہے، سن کر دل کو قرار ملتا ہے کہ یہ ترانہ ہماری آزادی کا اعلان ہے۔ دل ایک عجیب سی کیفیت کا شکار ہو جاتا ہے۔
پاکستان پانچ دریاؤں کی خوبصورت سرزمین ہے۔اللہ کی خاص عنایت ہے کہ یہاں چار موسم پائے جاتے ہیں۔ یہاں مختلف قوموں کے لوگ آباد ہیں۔ اس کی سرزمین قیمتی ہے۔پاکستان کے بہت سے علاقے اپنی خوبی میں ثانی نہیں رکھتے اور دنیا بھر کے سیاحوں کی توجہ کا مرکز ہیں۔
یہ

لیکن افسوس ہماری الوطنی صذف چودہ اگست پر دیکھنے کو ملتی ہے ہم گھروں پر جھنڈے لگا کر اپنے پیار کا اظہار کرتے ہیں کری ضرور کریں لیکن اس جھنڈے کو زمین پر کبھی بھی گرنے نہ دیں۔ یہ جھنڈا ہماری آن، بان، شان اور پہچان ہے۔ اور اب وقت کی ضرورت ہے کہ ہم جھنڈیوں کے ساتھ ساتھ پودے لگا کر اپنے ملک کو سرسبزو شاداب بناٸیں پھر جھنڈیوں اور پودوں دنوں کی حفاظت کریں۔
انبیاء کرام علیہ السلام بھی اپنے وطن سے بہت محبت کرتے تھے۔ ہمارے پیارے آقا رسول پاکِ ؐ کو مکہ سے بہت محبت تھی۔ جب مدینہ میں آپؐ جا بسے تو آپؐ نے مکہ شریف کے لیئے دعائیں کی۔ پس! وطن سے محبت ہمارے ایمان کا کا جزو ہے۔ انشاء اللہ پاکستان نے قیامت تک قائم دائم رہنا ہے اور دنیا پر راج کرنا ہے۔
14 اگست کا دن جوش و جذبے سے مناتے ہوۓ قاٸداعظم علامہ اقبال سمیت سب رہنماوں اور آزادی کی جدوجہد کرنے والوں کو اپنی دعاوں میں یاد رکھیں۔اللہ پاک انکی قربانی قبول فرماۓ آمین۔
اللہ ہمیں آزادی جیسی نعمت کی قدر کرنے اور اس سرزمین کی حفاظت کرنے کی توفیق عطا فرماۓ۔آمین
خدا کرے میری ارضِ پاک پر اترے
وہ فصلِ گُل جسے اندیشہ زوال نہ ہو
یہاں جو پھول کھلے وہ کھلا رہے برسوں
یہاں خزاں کو گزرنے کی بھی مجال نہ ہو
آمین
پاکستان زندہ باد
پاکستان پاٸندہ باد

‎@IamSawairaKhan1

تیرہ اور چودہ کی درمیانی شب، جونہی گھڑی کی سوئیاں بارہ کے ہندسے پر پہنچیں مصطفی علی ہمدانی کی آواز ریڈیو سٹیشن میں گونج اٹھی۔
"السلام علیکم پاکستان براڈ کاسٹنگ سروس، ہم لاہور سے بول رہے ہیں”
آج پاکستان کے پچھترویں یومِ آذادی کے موقع پر جب میں یو ٹیوب پر یہی اعلان سنتی ہوں تو میرے رونگٹے کھڑے ہو جاتے ہیں اور آنکھوں سے آنسو امڈ آتے ہیں اور میرا ذہن اور دل چوہتر سال پیچھے چلا جاتا ہے، اور میں خود کو ان لوگوں میں محسوس کرتی ہوں جنہوں نے اپنے کانوں سے یہ اعلان سنا ہوگا اور اپنی آنکھوں سے پاکستان بنتے دیکھا ہوگا۔
ہم ان لوگوں کے خون اور انکی قربانیوں کا قرض کبھی نہیں چکا سکتے، ہم ایسا سوچ بھی نہیں سکتے کہ انکی جانوں، مال اسباب اور لٹی پٹی عزتوں کا بدلہ کبھی چکا سکیں گے ۔
لیکن ہم اتنا تو ضرور کر سکتے ہیں کہ جو پاکستان ہمارے بڑوں بیش بہا قربانیاں دے کر حاصل کیا تھا اسکو آگے بڑھانے، اسکا نام روشن کرنے اور ساری دنیا کے سامنے اسکا مثبت چہرہ دکھانے کی کوشش کریں 
یہ زمین مقدس ہے ماں کے پیار کی صورت
اس چمن میں تم سب ہو برگ و بار کی صورت
پاکستان ہمارے لئے اللہ کا خاص انعام ہے اور ہمارا فرض بنتا ہے کہ اللہ کے اس انعام کی قدر کریں اور اسکو آگے بڑھانے، ساری دنیا میں اسکی عزت اور نام بنانے کے لئے مثبت کردار ادا کریں۔
اس ملک کی ماؤں نے بہت سے ہیرے جنے ہیں جنہوں نے پاکستان کی شان بڑھائی اور وہ آج بھی پوری آب و تاب سے چمک رہے ہیں،
قائد اعظم سے لے کر ڈاکٹر عبدالقدیر خان تک اللہ پاک نے اس ملک کو بہت سے عظیم لوگوں سے نوازا ہے۔
کوئی اس ملک کو بنانے کے لئے اپنی صحت کی پرواہ کئے بغیر دن رات  جُتا رہا تو کوئی اسکو اسکی حفاظت کیلئے اپنی جان و مال اور گھرانے کی پرواہ کئے بغیر سرحدوں پر پہرے دیتا رہا اور اپنی جانوں کے نذرانے پیش کرتا رہا ،
کوئی اسکو آگے بڑھانے لئے اپنے دن رات ایک کرتا رہا تو کوئی اس کو ایٹمی طاقت بنانے کے لئے بیرونی طاقتوں سے لڑتا رہا۔
اس ملک نے بہت بہادر بیٹے اور بیٹیاں اپنی آغوش میں سمیٹ رکھے ہیں جنہوں نے اسکا نام روشن کرنے میں ہر ہر لمحہ اپنا بہترین کردار ادا کیا۔
گو کہ ہم ایک ترقی پزیر ملک ہیں لیکن اللہ پاک نے اس ملک کو بہترین افواج سے نوازا ہے ،
1979 سے 1989 تک دس سال کا عرصہ روس
نے افغانستان کے بہانے پاکستان کے گرم پانیوں تک رسائی حاصل کرنے کی کوشش کی لیکن اللہ کے فضل سے ہمارے بہادر جوانوں کی شجاعت اور بہترین حکمت عملی کی وجہ سے روس ناکام ہو کر واپس لوٹ گیا اور اسی طرح 2001 میں امریکہ بہادر اور اسکے اتحادیوں نے ایک مرتبہ پھر سے افغانستان کے بہانے پاکستان کو صفحہ ہستی سے مٹانے کی بہت کوشش لیکن یہ ساری دنیا نے دیکھا کہ الحمدللہ ہمارے ملک کی ایجنسیوں  نے انکے ناپاک ارادوں کو خاک میں ملا دیا اور امریکہ کو بھی اس میں منہ کی کھانی پڑی۔
اور پھر اپنے آقاؤں کی دیکھا دیکھی کچھ لگڑ بگڑ 26 فروری کو جھوٹی سرجیکل سٹرائیک کرنے پاکستان کی حدود میں داخل ہوئے لیکن ہمارے شاہینوں نے انکو چھٹی کا دودھ یاد دلا دیا اور پھر ساری دنیا کے سامنے اللہ نے ہمارے دشمن کو زلیل و رسوا کیا۔
اسی لئے ہمارے ہر دشمن کو یہ بات ہمیشہ یاد رکھنی چاہئے کہ
” There is no power on earth that can undo Pakistan.”
اور میرا یہ ایمان ہے کہ لا الہ کے نام پر بننے والا یہ ملک ہمیشہ قائم رہے گا اور اسکو کبھی زوال نہیں آئے گا۔

دہشتگردی کی یہ جنگ جو ہم پر ہمارے کم ظرف
ہمسائیوں کی طرف سے مسلط کردی گئی تھی اس
میں اس بہادر قوم اور فوج نے بہت قربانیاں دی ہیں۔ اور مجھے اللہ کی ذات پر پورا یقین ہے کہ ان قربانیوں
کا صلہ ہمیں ضرور ملے گا اور پاکستان اس دنیا کے افق پر ایک روشن ستارے کی مانند ابھرے گا۔

سوشل میڈیا پر جب بھی کبھی میں لوگوں کو پاکستان پر تنقید کرتے ہوئے دیکھتی ہوں تو مجھے دکھ ہوتا ہے کہ کیوں ہر وقت ہم  اپنے وطن سے شکوے کرتے رہتے ہیں اور کیوں ہم اپنے وطن کے صرف منفی پہلو ہی اجاگر کرتے ہیں۔
ہمیں شرمین عبید نہیں بننا ،ہمیں اپنے وطن کے مثبت پہلو بھی اس دنیا کو دکھانے ہیں، اگر یہاں دھوکہ دہی ہے ،بے حسی ہے تو یہاں عبد الستار ایدھی اور مسرت مصباح جیسے عظیم لوگ بھی ہیں جو بس خاموشی سے اس وطن کے مجبور اور بے بس لوگوں کو بنانے میں لگے رہتے ہیں،
ایکدوسرے کو موردالزام ٹھہرانے کے بجائے ہمیں اپنے حصے کا دیا جلانا ہوگا ہے،بے غرض ہو کر اپنے حصے کا مثبت کردار ادا کرنا ہوگا۔
برائیاں ہیں بھی تو کیا ہوا؟
ہر ملک میں اچھے اور برے لوگ موجود ہوتے ہیں لیکن کون اپنے ہی گھر کی برائیوں کا چرچا کرتا ہے؟
کون اپنے عیب لوگوں کو دکھاتا ہے؟
ہمیں بھی اپنے حصے کا دیا جلانا ہے ، اس ملک کو آگے بڑھانا ہے، جتنا ہمارے بس میں ہے ہمیں اتنا فرض ادا کرنا ہے۔
تنکا تنکا جڑ کر آشیانہ بن جاتا ہے ایسے ہی ہمیں جھوٹے جھوٹے مثبت اقدام سے اپنے وطن کا نام روشن کرنا ہے اور اسکی بہتری کے لئے ساتھ مل کر کوشش کرنی ہے کیونکہ
ہم تو مٹ جائیں گے اے ارض وطن لیکن تم کو
ذندہ رہنا ہے قیامت کی سحر ہونے تک

کی اس بات پر ناگواری کا اظہار فرمایا اور مذکورہ ارشاد گرامی کے ذریعہ گویا ان پر یہ واضح کیا کہ تم نے جو بات کہی ہے وہ کوئی معمولی درجہ کی نہیں ہے بلکہ اپنے نتیجہ کے اعتبار سے اس قدر ہیبت ناک ہے کہ اگر بالفرض اس کو کسی دریا میں ملا دیا جائے تو دریا اس کے سامنے ہیچ ہو جائے اور یہ چند الفاظ اس دریا کی وسعت و عظمت کے باوجود اس پر غالب آ جائیں اور اس کو متغیر کر دیں اور جب ان الفاظ کے مقابلہ میں دریا کا یہ حال ہے تو سوچو کہ تمہارے اعمال کا کیا حشر ہو سکتا ہے اس سے معلوم ہوا کہ کسی کے اس درجہ کے عیب کو بقصد حقارت بیان کرنا فلاں شخص کو تاہ قد ہے غیبت ہے
حضرت عائشہ رضی اللہ عنہا کہتی ہیں کہ آنحضرت صلی اللہ علیہ وسلم نے فرمایا میں اس بات کو ہرگز پسند نہیں کرتا کہ میں کسی شخص کی نقل اتاروں اگرچہ میرے لیے ایسا اور ایسا ہی کیوں نہ ہو۔ یعنی اگر کوئی مجھے بے حساب مال و زر اور کتنا ہی زیادہ روپیہ پیسہ بھی دے تو بھی میں کسی کی نقل اتارنا گوارا نہ کروں۔مشکوۃ شریف:جلد چہارم:حدیث نمبر 792
تشریح
کسی کی نقل اتارنا قولی ہو یا فعلی ، حرام اور غیبت محرمہ میں داخل ہے۔
حضرت انس رضی اللہ عنہ نبی کریم صلی اللہ علیہ وسلم سے روایت کرتے ہیں کہ حضور نے فرمایا جس شخص کے سامنے اس کے مسلمان بھائی کی غیبت کی جائے اور وہ اس مسلمان بھائی کی مدد کرے بشرطیکہ وہ مدد کرنے پر قادر ہو تو اللہ تعالیٰ دنیا و آخرت میں اس کی مدد کرے گا۔ اور اگر وہ مدد کرنے پر قادر ہونے کے باوجود اس کی مدد نہ کرے تو اللہ تعالیٰ دنیا و آخرت میں اس کا مواخذہ کرے گا۔ (شرح السنہ)
مشکوۃ شریف:جلد چہارم:حدیث نمبر 911

تشریح
مطلب یہ ہے کہ اگر کسی کے سامنے بھائی کی غیبت کی جا رہی ہے اور اس کے عیوب کو بیان کر کے اس کی حثییت و عزت کو نقصان پہنچایا جا رہا ہو تو اس کو چاہیے کہ اگر وہ اس پر قادر ہو تو اپنے اس مسلمان بھائی کی ذات و حثییت کو جو نقصان پہنچا ہے اس کو ختم کرنے کی کوشش کرے کیونکہ اس طرح نہ صرف اپنے ایک مسلمان بھائی کی مدد ہوتی ہے بلکہ اپنے آپ کو دنیا و آخرت میں اللہ کی مدد نصرت کا مستحق بنایا جاتا ہے اور اگر کوئی شخص اپنی اس ذمہ داری پوری کرنے سے گریز کرے تو اس کو جان لینا چاہیے کہ قدرت کا ہاتھ اس کا گریبان پکڑے گا اور اس کو دنیا و آخرت میں مواخذہ الٰہی سے دو چار ہونا ہوگا۔
اللہ رب العالمین ہمیں غیبت جیسی تباہ کن برائی سے محفوظ رکھیں ،دین اسلام کو سمجھنے اور نبی کریم ﷺکی سنت پر عمل کرنے والا بنا دیں
محمد آصف شفیق
@mmasief
حضرت ابوسعید رضی اللہ عنہ اور حضرت جابر رضی اللہ عنہ دونوں بیان کرتے ہیں کہ رسول اللہ صلی اللہ علیہ وسلم نے بیان فرمایا غیبت کرنا زنا کرنے سے زیادہ سخت برائی ہے، صحابہ ؓنے یہ سن کر عرض کیا یا رسول اللہ ﷺغیبت زنا سے زیادہ سخت برائی کس طرح سے ہے؟ آپ ﷺنے فرمایا اس طرح کہ جب آدمی زنا کرتا ہے تو توبہ کرتا ہے، اور اللہ تعالیٰ اس کی توبہ کو قبول فرما لیتا ہے اور ایک روایت میں یہ الفاظ ہیں کہ توبہ کرتا ہے اور اللہ تعالیٰ اس کو بخش دیتا ہے لیکن غیبت کرنے والے کو اللہ تعالیٰ نہیں بخشتا جب تک کہ اس کو وہ شخص معاف نہ کر دے جس کی اس نے غیبت کی ہے یعنی زنا کاری چونکہ اللہ کی معصیت و نافرمانی ہے اس لیے وہ ان کی توبہ قبول کر لیتا ہے اور اس کو بخش دیتا ہے جبکہ غیبت کرنا حق العباد سے تعلق رکھتا ہے اس لیے اللہ تعالیٰ غیبت کرنے والے کو اس وقت تک نہیں بخشتا جب تک وہ شخص اس کو معاف نہ کر دے جس کی اس نے غیبت کی ہے اور حضرت انس رضی اللہ عنہ کی روایت میں یہ الفاظ ہیں کہ آنحضرت صلی اللہ علیہ وسلم نے فرمایا زنا کرنے والا توبہ کرتا ہے اور غیبت کرنے والے کے لیے توبہ نہیں ہے۔ (ان تینوں روایتوں کو بہیقی نے شعب الایمان میں نقل کیا ہے۔)
مشکوۃ شریف:جلد چہارم:حدیث نمبر 807
تشریح
اور غیبت کرنے والے کے لیے توبہ نہیں ہے، غالباً اس اعتبار سے فرمایا گیا ہے کہ جو شخص زنا میں مبتلا ہو جاتا ہے اس کے دل پر اللہ کا خوف طاری ہو جاتا ہے اور اس تصور سے لرزنے لگتا ہے کہ اگر اللہ تعالیٰ نے مواخذہ کر لیا تو نجات کا راستہ نہیں ملے گا اس لے وہ اپنے اس فعل شنیع پر نادم و شرمسار ہو کر توبہ کرتا ہے جب کہ غیبت اگرچہ اللہ کے نزدیک بڑے گناہ کی چیز ہے کہ مگر غیبت کرنے والا اس کو ایک ہلکی چیز سمجھتا ہے کیونکہ جب کوئی برائی عام ہو جاتی ہے تو اس کی قباحت دل سے نکل جاتی ہے اور لوگ اس میں مبتلا ہو جانے کی برائی محسوس نہیں کرتے یا یہ بات بھی بعید از مکان نہیں ہو سکتی ہے کہ غیبت کرنے والا غیبت کو سرے سے کوئی برا فعل ہی نہ سمجھے بلکہ اس کو جائز و حلال جانے اور اس طرح وہ کفر کے بھنور میں پھنس جائے، اور یا اس جملہ کے یہ معنی ہیں کہ غیبت کرنے والا توبہ کرتا ہے تو اس کی توبہ بذات خود کارگر نہیں ہوتی بلکہ اس توبہ کا صحیح و مقبول ہونا اس شخص کی رضا مندی اور اس کی طرف سے معاف کر دیئے جانے پر موقوف ہوتا ہے جس کی اس نے غیبت کی ہے چنانچہ اوپر کی حدیث سے یہی واضح ہوتا ہے۔

حضرت عائشہ رضی اللہ عنہا کہتی ہیں (ایک دن مجھے کیا سوجھی کہ) میں آنحضرت صلی اللہ علیہ وسلم سے یہ کہہ بیٹھی کہ صفیہ کے تئیں بس آپ کے لیے اتنا کافی ہے کہ وہ ایسی ایسی ہیں اس بات سے حضرت عائشہ رضی اللہ عنہا کی مراد حضرت صفیہ رضی اللہ عنہا کے قد کی کوتاہی(چھوٹے قد کا ) کا ذکر کرنا تھا رسول اللہﷺ نے میری یہ بات سن کر ناگواری کے ساتھ فرمایا تم نے اپنی زبان سے ایک ایسی بات نکالی ہے کہ اگر اس کو دریا میں ملایا جائے تو بلاشبہ یہ بات دریا پر غالب آ جائے (احمد، ترمذی، ابوداؤد) مشکوۃ شریف:جلد چہارم:حدیث نمبر 788
تشریح
حضرت صفیہ بن حیی رضی اللہ عنہا بھی آنحضرت صلی اللہ علیہ وسلم کی ایک زوجہ مطہرہ تھیں ان کا قد چھوٹا تھا چنانچہ ایک دن حضرت عائشہ رضی اللہ عنہا نے چاہا کہ آنحضرت صلی اللہ علیہ وسلم کے سامنے حضرت صفیہ رضی اللہ عنہا کے اس عیب کا ذکر کریں اور اس طرح انہوں نے مذکورہ الفاظ اپنی زبان سے ادا کیے ظاہر ہے کہ یہ غیبت تھی جس میں حضرت عائشہ رضی اللہ عنہا مبتلا ہوئیں اس لیے آنحضرت صلی اللہ علیہ وسلم نے انکی اس بات پر ناگواری کا اظہار فرمایا اور مذکورہ ارشاد گرامی کے ذریعہ گویا ان پر یہ واضح کیا کہ تم نے جو بات کہی ہے وہ کوئی معمولی درجہ کی نہیں ہے بلکہ اپنے نتیجہ کے اعتبار سے اس قدر ہیبت ناک ہے کہ اگر بالفرض اس کو کسی دریا میں ملا دیا جائے تو دریا اس کے سامنے ہیچ ہو جائے اور یہ چند الفاظ اس دریا کی وسعت و عظمت کے باوجود اس پر غالب آ جائیں اور اس کو متغیر کر دیں اور جب ان الفاظ کے مقابلہ میں دریا کا یہ حال ہے تو سوچو کہ تمہارے اعمال کا کیا حشر ہو سکتا ہے اس سے معلوم ہوا کہ کسی کے اس درجہ کے عیب کو بقصد حقارت بیان کرنا فلاں شخص کو تاہ قد ہے غیبت ہے
حضرت عائشہ رضی اللہ عنہا کہتی ہیں کہ آنحضرت صلی اللہ علیہ وسلم نے فرمایا میں اس بات کو ہرگز پسند نہیں کرتا کہ میں کسی شخص کی نقل اتاروں اگرچہ میرے لیے ایسا اور ایسا ہی کیوں نہ ہو۔ یعنی اگر کوئی مجھے بے حساب مال و زر اور کتنا ہی زیادہ روپیہ پیسہ بھی دے تو بھی میں کسی کی نقل اتارنا گوارا نہ کروں۔مشکوۃ شریف:جلد چہارم:حدیث نمبر 792
تشریح
کسی کی نقل اتارنا قولی ہو یا فعلی ، حرام اور غیبت محرمہ میں داخل ہے۔
حضرت انس رضی اللہ عنہ نبی کریم صلی اللہ علیہ وسلم سے روایت کرتے ہیں کہ حضور نے فرمایا جس شخص کے سامنے اس کے مسلمان بھائی کی غیبت کی جائے اور وہ اس مسلمان بھائی کی مدد کرے بشرطیکہ وہ مدد کرنے پر قادر ہو تو اللہ تعالیٰ دنیا و آخرت میں اس کی مدد کرے گا۔ اور اگر وہ مدد کرنے پر قادر ہونے کے باوجود اس کی مدد نہ کرے تو اللہ تعالیٰ دنیا و آخرت میں اس کا مواخذہ کرے گا۔ (شرح السنہ)
مشکوۃ شریف:جلد چہارم:حدیث نمبر 911

تشریح
مطلب یہ ہے کہ اگر کسی کے سامنے بھائی کی غیبت کی جا رہی ہے اور اس کے عیوب کو بیان کر کے اس کی حثییت و عزت کو نقصان پہنچایا جا رہا ہو تو اس کو چاہیے کہ اگر وہ اس پر قادر ہو تو اپنے اس مسلمان بھائی کی ذات و حثییت کو جو نقصان پہنچا ہے اس کو ختم کرنے کی کوشش کرے کیونکہ اس طرح نہ صرف اپنے ایک مسلمان بھائی کی مدد ہوتی ہے بلکہ اپنے آپ کو دنیا و آخرت میں اللہ کی مدد نصرت کا مستحق بنایا جاتا ہے اور اگر کوئی شخص اپنی اس ذمہ داری پوری کرنے سے گریز کرے تو اس کو جان لینا چاہیے کہ قدرت کا ہاتھ اس کا گریبان پکڑے گا اور اس کو دنیا و آخرت میں مواخذہ الٰہی سے دو چار ہونا ہوگا۔
اللہ رب العالمین ہمیں غیبت جیسی تباہ کن برائی سے محفوظ رکھیں ،دین اسلام کو سمجھنے اور نبی کریم ﷺکی سنت پر عمل کرنے والا بنا دیں

@mmasief