ہمیں چاہیے کہ ہم اپنا روز مرہ کا ایک جدول بنا کر اس کے مطابق اپنا محاسبہ کیا کریں تا کہ خود احتسابی کے عادی ہو سکیں مگر یاد رہے کہ خود احتسابی کے لیے یکسوئی اور ضمیر اور اس کی عدالت کا ہونا لازمی ہے یعنی ہمارے ضمیر کی عدالت یہ فیصلہ کرے گی کہ ہم کہاں کھڑے ہیں

کچھ لمحے کی لیے سر جھکا کر اپنی گزشتہ زندگی کا احتساب کریں کہ کہاں سے چلے تھے اور آج کہاں ہیں؟ نفع میں ہیں یا نقصان میں جا رہے ہیں۔ اگر نفع میں ہیں تو اللّٰه کا شکر ادا کریں

نفع سے مراد یہ ہے کہ زندگی نیکی اور اچھائی کے کاموں میں گزری ہو یعنی نماز، روزے کی پابندی کی ہو، ریاکاری، جھوٹ، غیبت، چغلی، حسد، تکبر، وعدہ خلافی، والدین کی نافرمانی و دل آزاری سے بچنے کے ساتھ ساتھ دیگر احکاماتِ خداوندی بجا لاتے ہوئے زندگی بسر کی ہو تو نفع میں ہیں

لیکن اگر اس کے برعکس زندگی کے لمحات گناہوں اور فضولیات میں گزرے ہوں تو سمجھ جائیے کہ ہم اس کاروبارِ حیات میں نقصان اٹھا رہے ہیں لہٰذا فوراً سنبھل جائیے اور توبہ کر کے اللّٰه کو راضی کرنے والے کاموں میں لگ جائیے

دل میں جب بھی کوئی خیال پیدا ہو تو اس پر عمل کرنے کے بجائے ذرا توقف فرما کر سوچیے کہ یہ خیال رضائے الٰہی کے حصول کا سبب بن سکتا ہے یا نہیں۔ اگر یہ قربِ خدا کا باعث بن سکتا ہے تو اس سے پہلے کہ یہ فوت ہو جائے اس پر فوراً عمل کر گزریئے۔ اس کے برعکس اگر کوئی ایسا خیال آئے جو اللّٰه سے دوری کا سبب بنے تو اسے دل کی تختی سے فوراً مٹا ڈالیے کہ کہیں وہ پختہ نہ ہو جائے بلکہ کوشش کیجیے کہ جب بھی آپ کی دل میں ایسا کوئی خیال آئے جو یادِ اللّٰه سے دور کرنے والا ہو تو فوراً بدل دیجیئے اس خیالِ غیر کو خیالِ یار سے تا کہ وہ آپ کو نہ بدل سکے۔

حضرت ابو طالبؓ فرماتے ہیں کہ وہ مختلف روایات میں مروی ہے کہ بعض نیک کام عمر میں زیادتی و برکت کا سبب بنتے ہیں تو جان لیجیے کہ عمر میں برکت سے مراد یہ ہے کہ آپ اپنی چھوٹی سی عمر میں رضائے رب الانام کے حصول کی خاطر نیک کام کر کے وہ مقام و مرتبہ پانے میں کامیاب ہو جائیں جو دوسرے طویل عمر میں اپنی غفلت کے سبب نہ پا سکے اس طرح 12 ماہ کے قلیل عرصہ میں آپ علم و عمل کے اس بلند مقام پر فائز ہو سکتے ہیں جس مقام پر کوئی دوسرا شخص دین سے دوری کی بنا پر 20 سالوں میں بھی نہ پہنچ پائیں

اب سوال یہ ہے کہ خود احتسابی کیسے کریں؟؟

خود احتسابی سے مراد نفس کا محاسبہ کرنا اور روزانہ یہ دیکھنا ہے کہ آج کیا کیا؟ نیکی کے کام کر کے قربِ رب العزت حاصل کرنے میں کامیاب ہوئے یا نہیں؟ اور اگر کوئی شخص محاسبہ کرتے ہوئے اپنے نامۂ اعمال میں نیکیوں کی کمی اور گناہوں کی زیادتی پائے تو اسے چاہیے کہ اللّٰه سے ڈرے اور توبہ کرتے ہوئے نیکیوں کی کثرت کی خواہش کرے کہ گناہ کے بعد نیکی کرنا گناہ کو مٹا دیتا ہے

فرمانِ اللّٰه ہے

"بے شک نیکیاں برائیوں کو مٹا دیتی ہیں”

زندگی برف کی طرح پگھل رہی ہے، موت اپنی تمام تر سختیوں سمیت پیچھا کر رہی ہے۔ عنقریب ہمیں مرنا ہے اندھیری قبر میں اترنا ہے، اپنی کرنی کا بھگتنا ہے۔ یقیناً وہ لوگ خوش نصیب ہیں جو مرنے سے قبل آخرت کی تیاری کر لیتے ہیں

اے بے خبر! موت سے غافل نہ ہو
یہاں سب چھوڑ کر جانا ہے تجھ کو

کاش! دیگر فرائض و سنن کی بجائے آوری کے ساتھ ساتھ ہم تمام لوگ قرآن و سنت کو اپنی زندگی کا دستور العمل بنا لیں۔

کچھ نیکیاں کما لو، جلد آخرت بنا لو
کوئی نہیں بھروسا اے لوگو زندگی کا

@H___Malik

15 اگست2021 مقبوضہ کشمیر میں یوم سیاہ کے طورپر منایا گیا۔ یہ سلسلہ آج سے نہیں 30 سال سے متواتر جاری ہے۔ اس روز پوری وادی میں مکمل ہڑتال ہوتی ہے۔ کہیں بھی کوئی عوامی تقریب نہیں ہوتی سوائے سرکاری تقریبات کے جو فوج کے کڑے پہرے میں ہوتی ہیں۔ سرینگر بخشی سٹیڈیم میں مکمل کرفیو اور فوجی محاصرے میں گورنر ہو یا وزیراعلیٰ ڈرتے ہوئے ترنگا لہراتا ہے اور وہاں سے بھاگ نکلنے کی سوچتا ہے کہ کہیں ایسا نہ ہو کہ کوئی سنتی گولی یا مارٹر گولہ آکر تقریب کیساتھ ساتھ ان کا بھی خاتمہ کر دے اور دوسری طرف افغانستان میں طالبان مجاہدین نے سپر پاور امریکہ اور36 نیٹو ممالک کی فوجوں کو شکست فاش سے دوچار کر کے بھارت کے یوم آزادی کے دن یعنی 15اگست 2021 کو یوم الفتح منایا
امریکی فوج نے سنہ 2001 سے اب تک افغانستان میں طالبان کی مزاحمت کے خلاف لڑتے ہوئے اربوں ڈالر خرچ کیے ہیں افغانستان میں جنگ میں دو لاکھ 41 ہزار اموات، 22 کھرب 60 ارب ڈالرز کے اخراجات ہوئے تحقیق کے مطابق یہ اموات براہِ راست اس جنگ کی وجہ سے ہوئیں۔ جن میں 71 ہزار 344 عام شہری، دو ہزار 442 امریکہ کے فوجی اہلکار، 78 ہزار 314 افغان سیکیورٹی اہلکار اور 84 ہزار 191 مخالفین کی ہلاکتیں شامل ہیں۔۔دنیا کی جدید ترین ٹیکنالوجی،اسلحہ، بحری بیڑوں اور دنیا کے 37 سے زیادہ ممالک کی فوجوں نیٹو کا اتحاد اور اسلامی و غیر اسلامی ملکوں کے سفارتی تعلقات کو بروئے کار لانے کے باوجود بالآخر امریکہ اور نیٹو بیس سال کی طویل جنگ ہار کر افغانستان کو چھوڑ گیا امریکہ نے ایک ڈرامہ رچایا اور اور پھر اسے جواز بنا کر افغانستان پر چڑھ دوڑا اسے اس بات سے قطعاً غرض نہ تھی کہ کل کیا ہوگا بلکہ یقین تھا کہ وہ طالبان کے ساتھ علاقے کو بھی تسخیر کر لے گا مگر یہ ایک بھیانک خواب ثابت ہوا اور اب اس نے شکست تسلیم کر لی.بلکہ یوں کہوں کہ دنیا کی جدید ترین جنگی سامان سے لیس فوج افغانوں کے ہاتھوں عبرتناک شکست سے دوچار ہوگئی.اس جنگ میں جہاں افغانستان کا بہت نقصان ہوا وہاں پاکستان کا بھی کچھ کم نہیں رہا افغان باشندوں کی مدد کے عوض ستر ہزار سے زائد انسانوں کی جان کا نذرانہ دینا پڑا مگر افسوس دنیا اس قربانی کو سمجھنے سے قاصر ہے
ٹی وی سکرینوں اور اخبارات کے ادارتی صفحات پر چھائے امریکی ’’ماہرین‘‘فقط اس سوال کا جواب ڈھونڈنے کو بے چین ہیں کہ مسلسل 20برسوں تک سوسے زیادہ ارب ڈالر کے خرچ سے تیار ہوئی افغان فوج جسے جدید ترین اسلحہ بھی فراہم ہوا تھا ایک لاکھ سے کم بتائے طالبان رضا کاروں کے سامنے ریت کی دیوار کیوں ثابت ہوئی۔
میرے نزدیک افغانستان میں امریکہ کی شکست کی بہت بڑی اک وجہ افغان مجاہدین کا آپنے بازوؤں اور پروں پہ بھروسہ تھا ،یہی وجہ تھی کہ افغان مجاہدین نے امت مسلمہ کو قصور وار ٹھہرانے کی بجائے یا پاکستان پر طعن و تشنیع کی بجائے اپنی جنگ خود لڑی اور اس کے نتیجے میں آج دنیا کی سپر پاور کو عبرتناک شکست ہوئی اور افغانی شیروں کو فتح حاصل ہوئی
آج مقبوضہ کشمیر میں مسلسل غیر انسانی فوجی محاصرے، ڈیموگرافی تبدیل کرنے کی چالیں، انسانی حقوق کی مجموعی خلاف ورزیوں نے مقبوضہ کشمیر میں دائمی انسانی و سیکیورٹی بحران،غیر انسانی محاصرہ اور بدترین غیر انسانی جبر جاری ہے تو مسئلہ کشمیر کا حل صرف اور صرف اففانستان کو ماڈل سمجھتے ہوئے بلخصوص بیس کیمپ اور بالعموم پورے کشمیر کے باشندوں کو کردار ادا کرنا ہو گا،اہلیان کشمیر کے پاس وسائل کی موجودگی کے ساتھ ساتھ لیٹریسی پوائنٹ بھی بلند ترین سطح پہ ہے،صرف اور صرف دنیا کے بدلتے حالات کی وجہ سے کشمیر کی جنگ کا دورانیہ بہت زیادہ لمبا اور اسی کے نتیجے میں مایوسیاں پیدا ہوئی اور لیڈرشپ کا فقدان پیدا ہوا،وہ بیس کیمپ جس کا تحریک آزادی کشمیر میں بنیادی کردار بنتا تھا مگر بدقسمتی سے بے حس اور بزنس مائینڈ کے لوگ بیس کیمپ پر قابض ہو گے اور تحریک آزادی کشمیر کو صرف اپنی سیاسی مفادات لینے کی خاطر استعمال کرتے رہے،آج بھی وقت ہے کہ بیس کیمپ کے شہری مقبوضہ کشمیر کی غیور نوجوانوں برھان وانی،پی ایچ ڈی اسکالر سبزار احمد صوفی،پی ایچ ڈی اسکالر ڈاکٹر منان وانی،پی ایچ ڈی اسکالر ڈاکٹر بلال احمد ڈار کی طرح ملی بیداری کا ثبوت دیں اور کشمیر کے حقیقی پشتیبانوں کے ساتھ قدم سے قدم ملا کر کھڑی ہو جائیں اور تحریک کی بھاگ دوڑ اپنے ہاتھوں میں لے لے۔وہ وقت دود نہیں جب امریکہ کی نسبت بہت کمزور ملک ہندوستان شکست کھا جائے گا کشمیر کے باشندے آزاد فضاؤں میں سانس لے سکیں گے۔۔۔
کام نگار
سردار حمزہ رافع

پاکستانی نیوز چینلز پر پہلی بار ترجمان طالبان ذبیح اللہ مجاہد کی براہ راست پریس کانفرنس میں کہا کہ 20 سال جنگ کے بعد افغان طالبان نے افغانستان کی سر زمین کو آزاد کروا لیا۔نااہل افغان حکومت آخرتک جنگ کی بات کرتی رہی اب چاہتےہیں ایسانظام بنےجس میں تمام طبقےکےلوگ شامل ہوں ہم نے11دن میں پورےافغانستان کوفتح کیاہے۔ سیاسی نظام پرکام جاری ہے جلداعلان کردیاجائےگا۔ یہ صرف ہماری ہی نہیں بلکے پوری وقم کی فتح ہے آزادی ہر قوم کا حق ہے آزادی افغان عوام کا بھی بنیادی حق ہے افغانستان میں تمام غیرملکیوں کورہنےکاحق بھی ہے احترام کرتےہیں ہمارا کابل میں ‏داخل ہونےکاکوئی ارادہ نہیں تھا لیکن کرپٹ حکمران وقت سےپہلےبھاگے نکلےلوٹ مارہوئی توکابل میں ‏داخل ہوئے ہم لوگوں کی حفاظت کیلئےمجبوری میں کابل میں داخل ہوئے طالبان نہیں چاہتےکہ افغانستان میں جنگ جاری رہے.
‏ عام معافی کااعلان افغانستان کی سرزمین کو دہشت گردی کیلئے استعمال نہیں کرنےدیں گے ۔ خواتین کو شرعی حدود کے مطابق کام کرنے دیا جائے گا خواتین کسی بھی معاشرےکااہم جزہوتی ہیں ان کااحترام کرتےہیں۔ خواتین کوشریعت اورقانون کےمطابق مکمل حقوق دینگے۔
ترجمان طالبان ذبیح اللہ مجاہد کا یہ بھی کہنا تھا کہ قومی مفادات کے خلاف کوئی چیز نشر نہ کی جائے یہ بھی ایک تجویز دی گئی کابل میں سفارتخانوں اورگرین زون کومحفوظ بنایا جائے گا پڑوسی ممالک کو بھی ہمارےاصولوں کا احترام کرناچاہیِے ہماری افغان عوام سےکوئی دشمنی نہیں اسلامی امارت افغانستان میں ‏سیاسی نظام کی تشکیل کیلئےمشاورت جاری ہے چاہتےہیں ایسانظام بنےجس میں تمام طبقےکےلوگ ‏شامل ہوں ہم نے11دن میں پورےافغانستان کوفتح کیاہے ہم تکبرکی بات نہیں کرتےامن کی بات ‏کرتے ہیں۔ کسی سےذاتی دشمنی نہیں چاہتے کےکابل میں داخل ہونےکےبعدکسی کوتکلیف نہیں پہنچائی گئی یقین دلاتے ہیں عوام کےجان ومال کی حفاظت کی جائےگی افغانستان کوقبضےسےآزادکرانےپرفخرمحسوس کرتے ہیں
افغانستان کوحق ہےکہ وہ قانون بنائےجواقدارکےمطابق ہوافغانستان کی تعمیرمیں بین الاقوامی برادری تعاون کرے ایسی حکومت تشکیل دی جائےگی جو عوام کی خدمت کرےافغان عوام اب افغانستان میں مثبت تبدیلی دیکھیں گےہم نےافغانستان کاکنٹرول سنبھال چکے ہیں اورجنگ ختم کر چکے ہیں اب ہم سب مل کر ایک متحدہ افغانستان چاہتےہیں اب عہدکر چکے ہیں افغان سرزمین دوسروں کےخلاف استعمال نہیں ہونے دیں گے میڈیاکوعوام کی اقداریااسلامی تعلیمات کی خلاف ورزی کی اجازت نہیں ہو گی۔ افغان سرزمین کو آزادکرانا ہمارابڑاہدف تھا جو پورا ہوا۔
میڈیاآزادہےتمام ادارےاپنی سرگرمیاں جاری رکھیں ہماری تین تجاویزہیں،غیرجانبداری ہونی چاہیے نشریات اسلامی اقدارسےمتصادم نہیں ہونی چاہئیں قومی مفادات کےخلاف کوئی چیزنشرنہ کی جائےمعاشی ترقی کےحصول کوشش کی جائے گی انفرااسٹرکچرکی تعمیرکیلئےکام کیا جائے گا۔ روس چین کے ساتھ اچھے تعلقات ہیں ہم اپنی حکمت عملی کا اعلان کرتے ہیں آنے والے دنوں میں افغانستان منشیات سےپاک ملک ہوگا حکومت کےقیام کےبعدہی افغانستان کےجھنڈےکافیصلہ ہوگا۔

email : saima.arynews@gmail.com
Twitter Account : https://twitter.com/saimarahman6

آج کے اس مصروف دور میں ہر انسان مختلف قسم کی پریشاینیوں اور بے خینیوں سے دو چار ہے۔ وہ زندگی کی اس دوڑ میں ہر ممکن کوشش کرتا ہے کہ اتنے ساتھ لوگوں کو خوش رکھ سکے اور خود بھی ذہنی سکوں حاصل کرے۔۔۔۔۔۔
لیکن افسوس انسان اس کوشش میں ناکام ہو چکا ہے۔ وہ جانتا ہی نہیں ہے کہ سکون کیا ہے اور وہ اسے کیسے حاصل کرے۔
اس بے سکونی اور بے چینی کی وجہ سے وہ آئے دن مشکلات میں گھرتا ہی چلا جاتا ہے۔ اتنوں سے دوری اختیار کرلیتا ہے، اپنے دوستوں سے علیحدہ ہو جاتا ہے حتی کہ اپنے عستے بستے گھر کو اجاڑ بیٹھتا ہے۔۔ اور آہستہ آہستہ وہ خود کشی کی طرف جا پہنچتا ہے۔ اس کی زندگی کی کمائی اس کو ذرا برابر بھی سکون نہیں دے پاتے۔۔۔۔
امام غزالی علیہ الرحمہ کا قول ہے کہ : "بندے کی اپنے رب سے دوری بندے کو بندے سے دور کر دیتی ہے۔
لیکن یہاں ایک سوال پیدا ہوتا ہے کہ آخر سکون کس چیز میں ہے؟؟ جب اس دنیا کی آسائشیں سکون نہ دے سکی ۔۔ اس دنا کی کوئی رشتہ سکون نہ دے سکا تو آخر وہ کیا ہے جس سے سکون حاصل ہو۔۔۔۔ وہ کیا ہے جو زندگی میں مشکل سے مشکل حالات میں ڈگمگانے نہ دے؟؟
وہ صرف اللہ کی طرف رجوع ہے۔۔۔۔ وہ اللہ سے ربط قائم کرنا ہے۔۔۔۔ وہ اللہ کی کتاب احکامات کو مضبوطی سے تھام لینا ہے۔۔
پھر چاہے زندگی میں کوئی بھی حالات ہوں، زندگی کی ایسی مشکلات ہوں کہ جینا بھی دو بھر ہو تو جینا مشکل نہیں لگتا ۔۔۔ کیوں اللہ سے تعلق مضبوط ہوتا ہے۔ وہ اپنے نیک بندے کےلیے ہر مشکل راستہ آسان کرتا چلا جاتا ہے۔۔۔۔
اللہ سے تعلق استوار کرنا کیا ہے؟؟
اللہ سے تعلق استوار کرنا یہ ہے کہ اس کے احکام ماننا، اس کا ہر ہر حکم بجا لانا، اس کی عبادت میں خود کو مصروف کر لینا، اپنے روز مرہ کے کاموں میں اللہ کی احکام کے خلاف نہ جانا، اور کیسی بھی پریشانی ہو، کیسی بھی مشکل ہو اس کو اللہ پر بھروسہ رکھتے ہوئے برداشت کرنا۔۔۔۔۔
اللہ پاک نے قرآن پاک میں ارشاد فرمایا:
اَلَّذِیْنَ اٰمَنُوْا وَ تَطْمَىٕنُّ قُلُوْبُهُمْ بِذِكْرِ اللّٰهِؕ-اَلَا بِذِكْرِ اللّٰهِ تَطْمَىٕنُّ الْقُلُوْبُؕ(28)
"جو ایمان لائے اور ان کے دل اللہ کی یاد سے چین پاتے ہیں ، سن لو! اللہ کی یاد ہی سے دل چین پاتے ہیں "۔
یعنی اللّٰہ تعالیٰ کی رحمت و فضل اور اس کے احسان و کرم کو یاد کرکے بے قرار دلوں کو قرار اور اطمینان حاصل ہوتا ہے ۔ یونہی اللّٰہ تعالیٰ کی یاد محبت ِ الٰہی اور قرب ِ الٰہی کا عظیم ذریعہ ہے اور یہ چیزیں بھی دلوں کے قرار کا سبب ہیں بلکہ حقیقت یہ ہے کہ اگر یہ بھی کہا جائے تو یقینا درست ہوگا کہ ذکرِ الٰہی کی طبعی تاثیر بھی دلوں کا قرار ہے ، اسی لئے پریشان حال آدمی جب پریشانی میں اللّٰہ تعالیٰ کا ذکر کرتا ہے تواس کے دل کو قرار آنا شروع ہوجاتا ہے ،یونہی قرآن بھی ذِکْرُ اللّٰہ ہے اور اس کے دلائل دلوں سے شکوک و شبہات دور کرکے چین دیتے ہیں ، یونہی دعا بھی ذِکْرُ اللّٰہ ہے اور اس سے بھی حاجتمندوں کو سکون ملتا ہے اور اسمائے الٰہی اور عظمتِ الٰہی کا تذکرہ بھی ذِکْرُ اللّٰہ ہے اور اس سے بھی محبانِ خدا کے دلوں کو چین ملتا ہے۔
اللہ رب العالمین نے قرآن کریم کے اندر سورہ زخرف میں فرمایا :
"وَمَن یَعْشُ عَن ذِکْرِ الرَّحْمَٰنِ نُقَیِّضْ لَهُ شَیْطَانًا فَھُوَ لَهُ قَرِینٌ.
” اور جو کوئی رحمان کے ذکر سے منہ موڑتا ہے، اس پر ہم ایک شیطان مسلط کر دیتے ہیں، جو اس کا ساتھی بنا رہتا ہے۔ ( سورہ زخرف : 36)
ہمیں چاہیے کہ ہم اللہ سے اپنا رشتہ مضبوط کریں، اس کے احکامات پر عمل کریں، اس کے ذکر و اذکار سے اپنی زبان تر رکھیں، بندوں کے حقوق کی مکمل رعایت کریں، مشکل و پریشانی کے لمحات میں بھی خوش و خرم رہنا سیکھیں، غم و الم کی چادر اوڑھ کر بیماریوں کو دعوت نہ دیں، ورنہ تندرست و توانا ہونے کے باوجود بھی ہسپتالوں کے چکر کاٹیں گے، فراغت و خوش حالی کے باوجود بھی قلبی راحت و سکون سے محروم ہوکر ذہنی و نفسیاتی اذیتیں ہمارا جینا دوبھر کر دیں گی۔ اللہ ہمیں سکون کی دولت سے مالا مال کرے۔۔آمین!

Twitter ID: @T7__G