Category: بلاگ

وقت وہ چیز ہے جو کبھی ایک جیسا نہیں رہتا ہے اور نا ہی واپس آتا ہے گزرا ہوا وقت۔ ہم لوگوں کو قدر کرنی وقت کی۔ کیوں کہ وقت اور عزت ایسی چیز ہے اگر وہ جائے تو واپس آنا مشکل ہی نہیں نا ممکن ہے۔
جب ایک شاگرد کے پڑھنے کا وقت ہوتا ہے تو وہ نہیں پڑھتا اور اگئے چل کر وہی وقت اس کو ایسی ٹھوکر مرتا ہے کہ وہ شخص سوچتا ہے کاش اس نے وقت کی قدر کی ہوتی

وقت واقعات کا مسلسل تسلسل ہے جو بظاہر ماضی سے لے کر حال تک ، مستقبل کے ذریعے ناقابل واپسی واردات میں ہوتا ہے۔ ایک شخص اس دنیا میں ایک ایسے وقت کے اندر رہتا ہے جس کا اظہار اسی معاملے میں ہوتا ہے ، دس سال پہلے تک آپ ویسے نہیں تھے جیسا کہ آپ آج ہیں ، نہ آپ کی شکل میں ، نہ آپ کے علم میں ، نہ آپ کے تجربات میں ، آپ کے ارد گرد کی ہر چیز بدل جاتی ہے۔ وقت گزرنے کے ساتھ اس مضمون میں ، ہم انسانی زندگی میں اس وقت کی اہمیت کے بارے میں بات کریں گے۔

جو چیز ہم وقت پر نہیں کرتے اور کہتے ہیں اگئے چل کر کریں گے تو اس چیز کے بہت زیادہ برے اثرات مرتب ہوتے ہیں ہماری زندگیوں میں۔ لحاظ وقت بادشاہ ہوتا ہے اس سے کام لینا سیکھیں نا کہ اس کو ضیاع کرنا۔

مثال لے لیں اگر کسی شخص کے ساتھ حادثہ پیش آتا ہے تو ہم اس کو اگر وقت پر اسپتال منتقل نہیں کرتے تو وہ شخص اپنی زندگی ہار جاتا ہے اور وقت پر اس کو نا لانے والے بھی عمر بھر پچھتاوے کا سامنا کرتے ہیں اپنی نظروں میں گر جاتے ہیں۔

اس طرح اگر ہم اس لاک ڈاؤن کی صورت میں ہم جو گھر بیٹھے ہوئے ہیں تو ہم لوگوں کو اس چیز کا فائدہ اٹھانا چاہیے کہ ہم کچھ نا کچھ نیا کریں اس لاک ڈاؤن میں فارغ بیٹھے سے اچھا ہے۔

ہمیں اللہ کی طرف سے دیئے ہوئے اس وقت کی قدر کرنی چاہئے اور اس استعمال کرنا سیکھیں ناکہ ضیاع کرنا۔ وقت بدلتے دیر نہیں لگتی اگر آج ہم وقت کی پابندی نہیں کریں تو اگئے چل کر وقت ہماری قدر نہیں کرے گا۔

اللہ ہم سب کو ہدایت دے اور ہمیں وقت ضائع کرنے سے پہلے سوچ سمجھ دے تاکہ ہم ایسا نا کریں !!

اس لیے بڑے کہتے ہیں "گزرا ہوا زمانہ آتا نہیں دوبارہ” (وقت)

"وقت تو ایسا ہی ہوتا ہے صاحب”
"ایک بار جائے تو اپنا محتاج بنادیتا ہے”

لحاظ وقت کی قدر کو سمجھیں اور دوسروں کو بھی تلقین کریں کہ وہ اپنا وقت ضائع نا کریں اور کسی کام میں اپنے کو استعمال کرنے کی کوشش کریں کیوں وقت کی قیمت نہیں ہوتی آپ وقت نہیں خرید سکتے وقت انمول ہے جو زندگی میں کبھی لوٹ کر نہیں آنا۔

ہم لوگ فضول کی چیزوں میں وقت ضائع کرتے ہیں اور حقیقی چیز کے وقت نہیں ہوتا اور جب وقت چلا جاتا ہے تو پھر احساس ہوتا ہے کاش اس وقت یہ کام کیا ہوتا ہم نے۔

لحاظ وقت کا جانے نا دیں اس کا فائدہ اٹھاتے ہوئے اپنی زندگی آسان بنائیں اور اپنی زندگیوں میں وقت جیسی نعمت کا لطف اٹھائیں کیوں زندگی اور وقت دونوں ایک بار ہی ملتے ہیں زندگی ہو وقت پر جینا سیکھیں کیوں کہ جب وقت نہیں ہوگا تو یہ لطف نہیں ملے گا۔ اللہ پاک ہمیں وقت کی قدر کرنے کی ہدایت دے اور لوگوں ضائع کرنے سے پہلے سوچ سمجھ دے کہ وہ اس نعمت سے محروم نا ہوں ۔

قدر کرنا سیکھیں وقت کی یہ واپس نہیں آنا دوبارہ یہ قیمتی ہے اور صرف ایک بار ملتا ہے

@JaanbazHaseeb

آج ہم ایک ایسے معاشرے میں رہ رہے ہیں جہاں ہر کوئی منصف بنا ہوا ہے۔
یہ ایک اٹل حقیقت ہے جسے آپ یہ میں جھٹلا نہیں سکتے۔
جیسے کہ ابھی آپ نے اس آرٹیکل کا موضوع پڑھ کر ہی سوچ لیا ہوگا کہ یہ ایسا ہو گا یا ویسا ہوگا۔
بلکل اسی طرح ہم دن رات دوسرے انسانوں کے بارے میں بھی راۓ قائم کر لیتے ہیں اور نہ صرف راۓ قائم کرتے ہیں بلکہ اس کو حتمی جان کر اس شخص یا اس چیز کے بارے میں فیصلہ بھی کر لیتے ہیں۔
کسی سیاستدان کا کوئی بیان آیا تو ہم نے اس کے بارے میں فیصلہ صادر کر دیا کہ یہ تو ہے ہی برا/ کرپٹ/چور
دنیا میں کوئی بھی واقعہ پیش آۓ چاہے وہ موسمی تبدیلی ہو
کوئی عالمی وبا ہو
کوئی حادثہ ہو
ہم نے اس کے اچھا یا برا ہونے کا فیصلہ ضرور دینا ہوتا ہے۔
ہم مانیں یا نہ مانیں لیکن یہ حقیقت ہے کہ ہم سب ہی اپنی ذات میں منصف ہیں۔ کوئی کم ہوسکتا ہے ، کوئی زیادہ ہو سکتا ہے، لیکن اس سے انکار آپ نہیں کر سکتے۔
صبح جاگنے سے لے کر رات کو سونے تک، ہم اپنا زیادہ تر وقت اپنے اسی مشغلے میں صرف کر دیتے ہیں۔
ہمیں اپنے سے زیادہ دوسرے کی فکر ہوتی ہے کہ اس نے یہ کام غلط کیا۔
وہ چیز خراب کی
وہ یہ کام اس طرح سے کرتا تو زیادہ بہتر ہوتا۔
صرف کام ہی نہیں ہم تو انسان کے بارے میں بھی یہ کرتے ہیں کہ
یہ انسان اچھے مزاج کا ہے۔
وہ بدمزاج ہے ۔
فلاں تو بہت اکھڑ مزاج ہے۔
فلاں نہایت اچھا اور نرم مزاج ہے۔
بطور معاشرہ ہمارا رویہ ایسا ہوگیا ہے کہ ہم ہر وقت اسی کام اور اسی مشغلے میں مگن رہتے ہیں۔
اُس نے یہ ٹھیک کیا
ِاس نے یہ غلط کیا۔
وہ اچھا ہے
یہ برا ہے۔
وہ ہونا چاہیے تھا
یہ نہیں ہونا چاہیے تھا۔
یہاں تک کہ جن لوگوں کو ہم ذاتی طور پر جانتے بھی نہیں ہیں ان کے متعلق بھی راۓ قائم کر کے ان کے بارے میں فیصلہ کرلیتے ہیں۔
اور یہ فیصلہ عموماً بظاہر دیکھ کراچھا یا برا کیا جاتا ہے۔
اب آپ سوچیں گے کہ اس میں کیا غلط ہے؟
مسلہ یہ نہیں کہ ہم یہ سوچتے ہیں بلکہ اصل المیہ یہ ہے کہ ہم سچائی جانے بغیر یہ سب کرتے ہیں اور پھر اس ڈٹ جاتے ہیں
نہ صرف خود، بلکہ دوسروں پر بھی اپنا یہ فیصلہ مسلط کرنے کی کوشش کرتے ہیں۔
بے شک ﷲ پاک نے انسان کو دماغ اور سوچنے سمجھنے کی صلاحیت عطا کی ہے
لیکن اس کا یہ مطلب بھی نہیں کہ ہم زبردستی کے منصف بن جائیں اور کسی کے بارے میں پوری طرح جانے بغیر اس کے بارے میں اچھا یا برا ہونے کا فیصلہ کر دیں۔
اس طرح زبردستی کے منصف بن کر، دوسروں کے بارے میں فیصلے کر کے ہم نہ صرف ان لوگوں کی بلکہ اپنی زندگی بھی مشکل بنا رہے ہیں۔
کیونکہ ہمیں نہیں معلوم کہ سامنے والا انسان ابھی کن مشکل حالات سے گزر رہا ہے جس کی وجہ سے وہ اتنا تلخ مزاج ہوگیا ہے۔ ہمیں نہیں معلوم کہ کوئی کتنے دکھ سہہ کر بھی مسکرا رہا ہے۔
اس لیے اپنے ساتھ ساتھ دوسروں کی زندگی بھی آسان بنائیں۔
دوسروں کے بارے فیصلہ صادر کرنے میں جلد بازی نہ کریں۔ جب تک آپ اس کے متعلق سب جان نہ لیں.
سب ہی ایک جیسے اچھے یا برے نہیں ہوسکتے۔
کیونکہ رب العزت نے سب کو الگ شکل، مزاج، سمجھ، دماغ کے ساتھ پیدا کیا ہے۔
بہتر ہے کہ دوسروں کو بھی انسان ہونے کا مارجن دیں اور بلاوجہ جج بن کر راۓ قائم کرنے سے گریز کریں۔
اس سے نہ صرف آپ کی بلکہ آپ کے ارد گرد رہنے والوں کی زندگی بھی پرسکون ہو گی۔

‎

انسان کی تعلیم و تربیت کا عمل اس کے پیدا ہوتے ہی شروع ہو جاتا ہے انسان تعلیم اور تربیت کے لیے سکول و مدرسہ کی طرف رجوع کرتا ہے بچے کو دنیاوی تعلیم کے ساتھ ساتھ تربیت بھی دی جاتی ہے کہ اپنے بڑوں سے چھوٹو سے اور بزرگوں سے کیسے بات کرنی ہے یہ تربیت سب بچوں کو یکساں دی جاتی ہے کچھ بچے اس پر عمل کرتے ہیں اور کچھ نہیں جو بچے اس پر عمل نہیں کرتے ان کا عمل نہ کرنے کا بہت بڑا کردار اس بچے کے گھر کے مسائل اس کے والدین کا اس سے بات کرنے کے طریقے کی وجہ سے ہوتا ہے۔ آج انسان اگر 16 پڑھ لے اور اس میں اخلاق نہ ہو تو کسی کام کا نہیں ہے بے شک وہ جتنے بڑے سے بڑے عہدے پر فائز ہے۔ بڑی قسمتی سے ہمارے معاشرے میں بچوں کو تم کرکے بات کی جاتی ہے ان سے توقع رکھی جاتی ہے کہ وہ آپ کو "آپ” کہہ کر پکارے۔ جو ہم اپنے بچوں کو بچپن میں سکھاتے ہیں اور ان کے ساتھ رویہ اختیار کرتے ہیں بچہ ہمیشہ وہی سیکھتا ہے اور بڑے ہو کر اسی تربیت پر چلتا ہے۔
ہمارے معاشرے کی ایک اور بہت بڑی بدقسمتی ہے بڑے اگر غلط بھی ہو اور چھوٹا ان کی اصلاح کرنے کی کوشش کرے تو اس کو بدتمیز کہا جاتا ہے۔ اور اگر بڑے بات کر رہے ہوں اور چھوٹا چپ کر کے بیٹھا رہے تو اس کو کہا جاتا ہے کہ تمہارے منہ میں زباں نہیں ہے جیسے، آج کے دور میں لوگ تربیت پتہ نہیں کس کو کہتے ہیں۔ اگر وہی کام وہ خود کرے تو وہ ٹھیک ہے اگر وہ چھوٹا کرے تو وہ غلط ہے،
بچے اپنے والدین کا عکس ہوتے ہیں اور اگر آپ چاہتے ہیں کہ آپ کے بچے آپ سے عزت سے پیش ہیں آپ کا احترام کریں۔ تو آپ پر بھی لازم ہے کہ اپنے بچوں کا احترام کرے ان کی عزت کرے اور ان کے ساتھ ایسے پیش آئیں جیسے آپ اپنے ہم عمر کے لوگوں کے ساتھ پیش آتے ہیں۔ آج کے دور میں لوگ توقع کرتے ہیں کہ ہم چھوٹوں کو جو مرضی کہیں لیکن وہ ہماری عزت کریں۔ وہ آپ کے منہ پر آپ کی عزت تو ضرور کریں گے لیکن دل میں کبھی نہیں کریں گے۔ ایسی عزت کا کیا فائدہ جو دل سے ہی نہ کی گئی ہو والدین کو چاہیے کہ وہ اپنے بچوں کے ساتھ ایسے پیش آئے جیسے میں اپنے بڑوں کے ساتھ آتے ہیں۔ آپ کا بچہ آپ کا بینک ہے جس میں آپ اپنا اخلاق اپنی تربیت جمع کرواتے ہیں جو آج آپ جمع کروائیں گے کل کو وہی آپ کے سامنے آئے گا۔ بہت سے بچے اسی وجہ سے کامیاب نہیں ہو پاتے کیونکہ ان کی تربیت ہی نہیں ہوئی ہوتی بچے سمجھتے ہیں کہ جیسے ہم گھر میں بات کرتے ہیں ویسے ہی باہر کی دنیا بھی چلتی ہے میری والدین سے اپیل ہے اپنے بچوں کی اچھی تربیت کریں ان کو اچھا ماحول مہیا کرے تاکہ بچے قابل انسان بن سکے اور چار آدمی میں بیٹھ کر اپنے خاندان کا نام روشن کر سکے۔ آج غلطی ہماری اپنی ہوتی ہے اور ہم بچوں کو کہتے ہیں کہ آپ نے ہمارا نام خراب کر دیا حالانکہ کہیں نہ کہیں ہماری تربیت میں کھوتی ہوتی ہے۔ اور میں اپنی ہونہار نسل کو بھی کہوں گا تعلیم کے ساتھ ساتھ تربیت حاصل کریں اگر ہر بار غلطی آپ کی نہیں ہوتی تو ہر بار غلطی آپ کے والدین کی بھی نہیں ہوتی آپ کے والدین آپ کو پڑھاتے ہیں بڑا کرتے ہیں اور قابل انسان بناتے ہیں اور اگر آپ تعلیم کے ساتھ ساتھ تربیت حاصل نہیں کرتے تو جاھل میں اور آپ نے کوئی فرق نہیں ہے

اسلامی جمہوریہ پاکستان کے حالات جیسے ہیں ان سے آج کل بچہ بچہ واقف ہے بلکہ خوفزدہ ہے۔۔یہ ملک جو اسلام کے نام پر وجود میں آیا جس کی بنیاد ہی لا الہ الا اللہ ہے آجکل اس میں ہر چیز نظر آتی ہے سوائے اسلامی اصول اور قوانین کے۔آج کل ملک میں جو انتشار اور قتل و غارت گری پھیلی ہوئی ہے اس کا بنیادی سبب یہی ہے۔۔بہت سے آزاد خیال لوگوں کو اس بات سے انکار ہو گا۔۔بہت سوں کو یہ بات قدامت پسندی نظر آئے گی مگر سچ یہی ہے کہ جب تک ہم اسلام اور اس کی تعلیمات سے روگردانی کرتے رہیں گے معاشرہ گراوٹ کا شکار رہے گا۔معاشرے کے اندر پھیلا یہ بگاڑ اور بدنظمی کبھی بھی سمیٹی نہیں جا سکتی جب تک اسلامی قوانین کو لاگو نہ کر دیا جائے۔بچے جنہیں اس باغِ جہاں کا پھول کہا جاتا ہے انہیں اسی اسلامی جمہوریہ پاکستان میں بری طرح روندا اور مسلا جا رہا ہے۔۔خواتین اب گھروں میں بھی محفوظ نہیں ہیں۔۔کہیں شوہر کے ہاتھوں بیوی کا قتل ہو رہا ہے،کہیں بیوی کے ہاتھوں شوہر کا،کہیں اولاد ماں باپ کو قتل کر رہی ہے اور کہیں ماں باپ اولاد کی جان کے دشمن ہوئے کھڑے ہیں۔یہ اس ملک کے حالات تو نہیں ہونے چاہئیے تھے جس کا خواب علامہ اقبال نے دیکھا اور جس کی تعمیر کیلیے کئی خاندانوں نے اپنے خون سے آبیاری کی۔ایسے لگتا ہے جیسے قیامت وقوع پذیر ہونے کو ہے۔۔ہر طرف افراتفری کا عالم ہے۔۔ایسے لگتا ہے جیسے ہر انسان دوسرے انسان کے خون کا پیاسا ہے۔۔ایسے لگتا ہے جیسے ہر احساس ختم ہو کر رہ گیا ہے۔۔اب لوگ کسی مظلوم کی داد رسی نہیں کرتے بلکہ اس کی ذات کی کھوج میں لگ جاتے ہیں کہ وہ کیسا انسان ہے اور پھر رائے دی جاتی ہے کہ اگر اس کے ساتھ نا انصافی ہوئی ہے تو یہ اسی لائق تھا۔اب کسی کے مدد مانگنے پر اس کی مدد نہیں کی جاتی بلکہ ہاتھ میں نصیحتیں تھما دی جاتی ہیں۔ایک انسان دوسرے انسان کے اوپر چڑھائی کرنے کو اور اس کا حق مارنے کو ترقی کی ایک کوشش سمجھتا ہے۔یہ سب اس لیے ہے کہ ہم نے حضور پاک صلی اللہ علیہ وسلم اور ان کی تعلیمات کو چھوڑ کر مغرب کو اپنا رول ماڈل بنا لیا ہے۔۔ہم نے اسلامی تعلیمات اور قوانین کو سخت اور انسان دشمن سمجھ کیا ہے حالانکہ انسانیت کی بقا ان ہی میں ہے۔۔ہمیں اسلامی قوانین کے لاگو ہونے سے کیوں ڈر لگتا ہے کیونکہ ہم سب جانتے ہیں کہ کہیں نہ کہیں کسی نہ کسی طرح ہمارے دامن بھی سیاہیوں میں ڈوبے ہوئے ہیں اس لیے ہم بھی کہیں ان کی لپیٹ میں نہ آ جائیں۔اس لیے ہر شخص دوسرے پر ظلم ہوتا دیکھ کر خاموش ہے کیونکہ اپنا دامن تو بچا ہوا ہے۔اسی لیے تو عمران اور ظاہر جعفر جیسے ہزاروں درندے کھلے عام دندناتے پھرتے ہیں۔۔اگر کسی ایک کو بھی چوک میں لٹکا دیا جاتا تو حالات شاید کچھ بہتر ہوتے۔زینب کے بعد کوئی ماہم نہ ہوتی۔

اچانک بریک لگانے کی وجہ سے گاڑی کے ٹائر زور سے چرچرائے تھے ،موسلا دھار برستی بارش کی پرواہ کیے بغیر وہ بے چینی اور اضطراب کی حالت میں گاڑی سے اترا اور بھاگ کر کچھ فاصلے پر موجود کیچڑ لگے کاغذ کے ٹکڑے کو اٹھا کر چومتے ہوئے اپنے سینے سے لگایا تھا ،اسکی پہلی محبت کی نشانی ،اور پہلی محبت بھی کبھی بھولی ہے ،یہ تو رگوں میں لہو بن کر دوڑتی ہے ،پہلے عشق کی داستان سناتا وہ سبز ہلالی پرچم کا چھوٹا سا ٹکڑا ،اس پرچم کو آنکھوں سے لگائے وہ ماضی میں ڈوب گیا تھا ،سات سالہ بچہ گھر میں داخل ہوتے ہی چلایا تھا آپی آپی مجھے بھی پاکستانی جھنڈا چاہیے ،اس کی ضد کو دیکھتے اسکی بہن کمرے میں گئی تھی اور اپنی ہری قمیص کو کاٹ کہ اسے جھنڈے کی شکل دیتے ایک چھڑی پر لگا کہ اسے تھمایا تھا ،اس بچے کے ہاتھ میں جیسے ہفت اقلیم آگئ تھی جھنڈے کو لہراتا جاتا تھا اور کہتا جاتا تھا بن کے رہے گا پاکستان ،لے کے رہیں گے آزادی ،اچانک ہوا کہ دوش پہ لہراتی آواز
ہمارا پرچم یہ پیارا پرچم
نے اسے واپس ہوش کی دنیا میں لاکھڑا کیا تھا آنکھوں سے بہتے اشکوں کو صاف کرتےاس نے دور دور تک بکھری اپنی ناقدری پہ ماتم زدہ پاکستانی جھنڈیوں کو دیکھا تھا اور سوچا تھا کاش وہ ان لاکھوں بہنوں کے پھٹے آنچل ان لوگوں کو دکھا سکے جو اس وطن اور اس سبز ہلالی کو حاصل کرنے کیلیے تار تار ہوئے تھے ،اس نے آج جانا تھا کہ کیوں اسے اس پرچم سے اتنا لگاؤ اور عقیدت ہے ،
اور یہ صرف اس ایک نوجوان کی کہانی نہیں ہے بلکہ ایسی ان گنت کہانیاں اس پرچم ستارہ و ہلال کے ساتھ جڑی ہوئ ہیں ،اور آج کی نسل کیلیے یہ پرچم یہ جھنڈیاں صرف فوٹو شووٹ اور تفریح کا زریعہ بن کر رہ گئی ہیں

قومی جھنڈے کی جو ناقدری و بے ادبی ملک پاکستان میں ہوتی وہ دنیا کے کسی اور کونے میں نظر نہیں آئے گی
جس وطن کا جشن آزادی منانے کیلیے گھروں اور گلیوں کو سجایا جاتا ہے اسی کے قومی نشان لیے ہزاروں جھنڈیاں زمین پر پڑی نظر آتی ہیں۔
جس پرچم کو جوانوں نے سر پر باندھ کر اللہ اکبر کے نعرے لگاتے جانیں قربان کی تھیں کچرے میں پڑا ملتا ہے۔
یہ کیسی محبت ہے
یہ کیسا جشن ہے
ہم دنیا کو کیا بتا رہے ہیں ،کیا دکھا رہے ہیں
اس سبز جھنڈے کی ناقدری کر کے لاکھوں شہیدوں کو کیا جواب دیں گے جنہوں نے اس پرچم کو لہرانے کیلیے اپنی زندگیوں کے نذرانے پیش کیے۔ یہ لاالہ کے نعرے پہ حاصل کیے گئے ملک کے قومی پرچم کو قدموں تلے روند کے بروز محشر اللہ اور اسکے رسول کو کیا منہ دکھائیں گے ۔
وطن سے محبت کا یہ کونسا مقام ہے کہ ایک ویڈیو بنانے کیلیے, ایک ٹک ٹوک کی خاطر اس پرچم کو نا جانے کتنی بار گرایا جاتا ہے ،اس پرچم کی قدر نا کرنے والے اس پرچم کی قدر اس باپ سے پوچھے جس نے اپنے ھی ھاتھوں سے اپنے جوان لخت جگر کو منوں مٹی کے نیچے دفنایا، اس کےباوجود پاکستانی پرچم لہرایا ہے
اس عظیم پرچم کی قدر اس فوجی کے بیٹے سے پوچھو جسے باپ کی لاش کے بدلے میں یہ جھنڈا عنایت ہوتا ہے۔
اس ماں سے پوچھو جو اولاد پہ آئے اک کھرونچ کے بدلے دنیا ہلا دہتی ہے لیکن جب جواں بیٹا ،شہید ہوتا ہے تو لہو رنگ آنکھیں لیے مسکراتی ہے اور سبز ہلالی پرچم پہ وارنے کیلیے دوسرے بیٹے کو بھیج دیتی ہے ،کیوں کہ وطن عزیز کا یہ سبز جھنڈا
آنکھوں کی بینائ اور سکون قلب ہے
اور اس پرچمِ عظیم کی قدرو منزلت اس پہ جان نثار کرنے والی فوج سے پوچھو
کیونکہ جب بھی وطن کا کوئی بیٹا شہید ہوتا ہے تو اس کے جسد خاکی کو اس سبز پرچم میں لپیٹا جاتا ہے اس پرچم کی اہمیت وہی جانتے ہیں جو اس کی تاقیامت سربلندی کے لئے اپنے لہو کے نذرانے پیش کرتے ہیں یا وہ اجداد کہ جنہوں نے بقائے وطن اور اس سر سبز و سفید پرچم کی سربلندی کے لیے ناجانے کتنے لخت جگر اس دھرتی پہ وارے ہیں
14 اگست منائیے لیکن خدارا جتنی محبت سے آپ سبز ہلالی پرچم کو خریدتے ہیں اتنی ہی محبت سے اس پرچم کی حفاظت بھی کیا کریں نہ کہ 14 اگست گزرنے کے بعد روڈ پر پھینک دو.اس پرچم کی اپنی جان سے بھی بڑھ کر حفاظت کریں کیوں کہ یہ صرف کپڑے کا ٹکڑا نہی ہے ،اس کے ہرے رنگ کو لاکھوں جوانوں نے اپنے لہو سے سینچا ہے اسکے غرور سے چمکتے چاند میں انتظار کی سولی پہ لٹکتی نا جانی کتنی سہاگنوں کہ بالوں کی چاندی چھپی ہے ۔اس پہ بنے تارے کی تمکنت کیلیے لاکھوں تارے یتیم ہوئے ہیں ۔
یہ پرچم ہمارے عزم و اسقلال کی سنہری داستاں ہے اسے یوں بے آبرو نا کیجیے ۔آپ کا لہو سبز ہلالی پرچم کی بقا کا ضامن ہے ۔
اس پرچم کی کیسی عظیم شان ہے
اس پرچم کا مطلب پاکستان ہے
۔مجھے فخر ہے کہ میں جس سر زمین کی باسی ہوں وہاں مائیں ابھی ایسے سرفروشوں کو جنم دیتی ہیں جو اس دھرتی اور اس پہ لہراتے پرچم کو گرنے نہی دیتے ۔14 اگست ضرور منايے مگر 15 اگست کو بھی وہی جذبہ زندہ رکھيے،کیونکہ
آزادی نام ہی عقل و شعور کا ، سر زمین مقدس سے عہد وفا کا ، سامراجی طاقتوں کے خلاف اعلان جنگ کا، قانون کی پاسداری اور انصاف کی یکساں فراہمی کے لئے جدوجہد مسلسل اور باہمی اتفاق کا ہے ۔
یہ پرچم ہماری عزتوں کا نشان ہے
خدارا آپ بھی اس پرچم اور وطن عزیز کی اہمیت کو سمجھیے اس سے محبت کا عملی ثبوت دیں اور جہاں کہیں بھی یہ سبز ہلالی کو گرا ہوا دیکھیں تو جھک کہ اٹھانے میں شرم محسوس نا کیا کریں ۔
کیوں کہ اس پرچم کی بقا میں ہماری بقا ہے ،یہی سچے محب وطن کی نشانی اور اپنی مٹی سےعشق ھے اور عشق کبھی ختم یا دفن نہیں ھوتا بلکہ ھمیشہ زندہ رھتا ھے۔پہلے خود اس ہلالی پرچم کی عظمت کو سمجھنا ہوگا تبھی ہم دنیا کو بتا پائیں گے کہ ہماری رگوں میں لہو کی جگہ یہ سبز رنگ دوڑتا ہے اور اس سبز پرچم کی خاطر ہم جان دے بھی سکتے اور اسکی طرف بری نظر سے دیکھنے والے کی جان لے بھی سکتے ہیں
آؤ یہ عہد کریں کہ اس 14 اگست ،جشن آزادی منائیں گے لیکن اس پرچم کی تعظیم میں کمی نہیں آنے دیں گے آؤ عہد کریں کہ

ہم تو لڑیں گے وطن کے لیے
جھنڈا تو ملے گا کفن کے لیے

@_Ujala_R