Category: بلاگ

تحفہ ہمیشہ سے ہی لوگوں کے درمیان الفت و محبت پیدا کرنے کا ذریعہ رہا ہے۔ اللہ کے آخری نبی ﷺ نے فرمایا کہ آپس میں تحفے دیا کرو کہ یہ دِلوں میں محبت پیدا کرتے ہیں اور آپس کی کدورتیں ختم کرتے ہیں۔
آج کے جدید دور میں جب تحفے کا ذکر آتا ہے تو ہمارے ذہین میں، موبائل، گھڑی، کمپیوٹر، مہنگے برانڈ کے کپڑے، خوشبوئیں وغیرہ آتی ہیں کہ دنیا میں یہی مادی چیزیں ہی محبت کا معیار مانا جانے لگا ہے۔
آج میں آپ کو ایک معروف عالم دین مفتی مینک کا ایک واقعہ سناتا ہوں جس میں وہ بیان کرتے ہیں کہ انہیں دنیا میں سب سے بہترین تحفہ کون سا دیا گیا۔
وہ بیان کرتے ہیں کہ ویسے تو قرآن پاک کی ساری سورتیں بہت شان والی ہیں لیکن جو سب سے زیادہ میرے دل کو اپنا گرویدہ بناتی ہیں وہ سورة الضحى کی تیسری اور پانچویں آیات ہیں۔ ان کی شان نزول یہ ہے کہ جب نبی ﷺ پر کچھ عرصے کے لئے وحی موقوف ہو گئی تھی تو کفار کہنے لگے کہ اللہ نے محمد ﷺ کو چھوڑ دیا ہے۔ اس صورت حال کو دیکھتے ہوئے اللہ نے یہ آیات نازل کیں۔
"مَا وَدَّعَكَ رَبُّكَ وَمَا قَلَىٰ” اور "وَلَسَوْفَ يُعْطِيكَ رَبُّكَ فَتَرْضَىٰ”
جن کا ترجمہ ہے کہ
"اے محمد ﷺ! تمہارے رب نے نہ تمہیں چھوڑا ہے نا تم سے ناراض ہوا ہے”
اور "اور تمہارا رب عنقریب تمہیں اتنا عطا کرے گا کہ تم راضی ہو جاؤ گے”
ان آیات کا حوالہ دے کہ مفتی مینک کہتے ہیں کہ میں کئی سال پہلے تنزانیہ میں زینزیبار یونیورسٹی میں گیا۔ میں نے وہاں کے نوجوانوں کے ساتھ باتیں کیں اور دو تین دن بعد وہ شکریہ کے پیغامات لے کے میرے پاس آئے اور ان میں سے ایک شخص (جو اب میرا بہت اچھا دوست ہے) نے کہا کہ ہم آپ کو ایک تحفہ دینا چاہتے ہیں جو کہ قرآن پاک کی ایک آیت ہے اور کہنا لگا کہ "وَلَسَوْفَ يُعْطِيكَ رَبُّكَ فَتَرْضَىٰ” عنقریب اللہ آپ کو اتنا دے گا آپ خوش (راضی) ہو جائیں گے۔
مفتی صاحب فرماتے ہیں کہ میری زندگی میں پہلی مرتبہ تھا کہ اس آیت کا ایک مختلف مفہوم میرے سامنے آیا۔ اور تب سے یہ آیت میرے دل کے بہت قریب ہے۔
اس بات سے سمجھ آئی کہ دنیا کا بہترین تحفہ کسی کو دعا دینا ہے جس سے اللہ بھی آپ سے راضی ہو جائے گا اور آپ کو دعا کرنے کا ثواب بھی ملے گا اور آپس میں محبت اور تعلقات بھی بہت بہتر ہو جائیں گے۔
اللہ عمل کرنے کی توفیق دے۔

@Being_Faani

مبشر لقمان عہدِ جدید کا ایک عظیم سچا، پائیدار، حق، سچ صحافت کا علمبردار ہے

انہوں نے اپنے صحافتی کیرئیر میں ایسے ایسے دلیرانہ کام کیے جو بڑے بڑے اینکر نہ کرسکے اپنی زندگی میں انہوں نے ہمیشہ کھری صحافت کو ترجیح دی حق سچ اور دلیرانہ ڈنکے کی چوٹ پر صحافت کرنے کی وجہ سے وہ پاکستان کے بلکہ عالمی طور پر سینئر ترین صحافی مانیں اور سمجھے جاتے ہیں لوگ انہیں شوق سے سنتے اور دیکھتے ہیں

میں ذاتی طور پر بچپن سے انکا پروگرام ” کھرا سچ” دیکھنے کا عادی رہا ہوں اور اسی مناسبت سے انکا فین ٹھہرا
ایک فین ہونے کی حیثیت سے انکے پروگرام ” کھرا سچ ” کو بڑے ہی انہماک اور توجہ کے ساتھ سننا میرا ہمیشہ سے مشغلہ رہا ہے
ٹاک شوز کی بھرمار کی وجہ مجھے انکا پروگرام کھرا سچ ہر صورت دیکھنا ہوتا تھا جس طرح انکے پروگرام کا نام کھرا سچ تھا ویسے ہی یہ خد کھرے آدمی ہیں یہ قدرتی امر ہے کہ ہمیشہ قدرتی طور پر کھرا، سچا اور مخلص آدمی عوامی حلقوں میں مقبول سمجھا جاتا ہے

انکے پروگرام کا نام مجھے دیسی لفظ ” کھرا ” کشش کے طور اپنی طرف کھینچتا تھا اسی لحاظ سے بھی میں کھری اور سچی بات سننے کا عادی ہوں انکے پروگرام سے بہت کچھ سیکھا جو اپنی زندگی میں لاگو کر کے مشکلات آسان کی

آجکل پروگرام تو کافی کیے جاتے ہیں ٹاک شوز میں من پسند ایشوز کو نقطہ نظر کے حساب سے پرکھا جاتا ہے اور سیاسی پوائنٹ اسکورنگ کے لیے بہت سے اینکر حضرات نِت نئ سٹوریز سے اپنے آپ کو منوانے کے چکر میں رہتے ہیں
مگر انکو میں نے ہمیشہ پاکستان کی بہتری کے حق میں بولتے دیکھا

آجکل مبشر لقمان صاحب یوٹیوب پر پاکستانیت کو پرموٹ کرتے ہوئے نظر آتے ہیں جب بھی دیکھا جس موقع پر پرکھا مبشر لقمان صاحب پاکستان کے حق میں اور بہتری کے لیے بولتے اور لکھتے ہوئے پایا

خاص طور پر اور قدرتی طور پر انکے پروگرام کھرا سچ کا عکس مجھے پنچایت میں موجود سر پنچ کے لفظ کھری گل کی عکاسی کرتا ہوا نظر آتا تھا
جیسے پنچایت میں موجود ہر آدمی نے سچی اور کھری بات کہنا ہوتی ہے ویسے ہی اس پروگرام میں بھی سچی اور کھری بات مجھے سننے کو ملی
شائید کہ انکے پروگرام کے نام ( کھرا سچ ) کو پنچایت کے وجود سے اخذ کیا گیا ہو
اس پروگرام کی خاص بات یہ تھی کہ ہمیشہ پاکستان کی بہتری کے لیے بات کی جاتی تھی جو کہ خوش آئند بات تھی

مبشر لقمان صاحب کا پروگرام کھرا سچ وہ واحد پروگرام تھا جہاں مافیا سے لے کر بڑے بڑے ڈاکوؤں کو للکارا گیا مافیہ کے خلاف بہت سے پروگرام ڈنکے کی چوٹ پر کیے گئے یہی وہ خاص وجہ ہے جو مجھے اس پروگرام کو دیکھنے کی جانب بار بار توجہ مبذول کرواتی رہی

اگر کہی یہ پروگرام میرے سے دیکھنے سے رہ جاتا تو مجھے یوٹیوب پر دیکھنا ہوتا تھا خاص لگاؤ کی وجہ سے ، حق سچ بیانیے کو پروموٹ کرنے کی وجہ سے مجھے آج چند حوصلہ افزائی باتوں کو تحریر میں پرونا پڑا
میں اپنے خیالات اور احساسات کو الفاظوں میں بیان کرنا، کسی بھی شخصیت کے اچھے کردار کو ذکر کرنا، اور انکی صلاحیتوں کو عوام کے سامنے پیش کرنا میرا ہمیشہ سے مشغلہ رہا ہے

دعا ہے کہ اللّٰهُ رب العزت پاکستان کی بہتری کے حق میں بولنے والوں کو دن دگنی رات چوگنی ترقی عطاء فرمائے اور مبشر لقمان صاحب کی حفاظت فرمائے آمین

@Talha0fficial1

حضرت دحیہ قلبی رضی اللہ عنہ نہایت خوبصورت تھے۔ تفسیر نگار لکھتے ہیں کہ آپ کا حسن اس قدر تھا کہ عرب کی عورتیں دروازوں کے پیچھے کھڑے ہو کر یعنی چھپ کر حضرت دحیہ قلبی رضی اللہ عنہ کو دیکھا کرتی تھیں۔ لیکن اس وقت آپ مسلمان نہیں ہوئے تھے۔ ایک دن سرورِ کونین تاجدارِ مدینہ حضرت محمد مصطفی صلی اللہ علیہ وآلہ وسلم کی نظر حضرت دحیہ قلبی پر پڑی۔ آپؐ نے حضرت دحیہ قلبی کے چہرہ کو دیکھا کہ اتنا حیسن نوجوان ہے۔ آپ نے رات کو اللہ تعالیٰ کی بارگاہ میں دعا مانگی؛ یا اللہ اتنا خوبصورت نوجوان بنایا ہے، اس کے دل میں اسلام کی محبت ڈال دے، اسے مسلمان کر دے، اتنے حسین نوجوان کو جہنم سے بچا لے۔ رات کو آپ نے دعا فرمائی، صبح حضرت دحیہ قلبی رضی اللہ عنہ آپ صلی اللہ علیہ و آلہ وسلم کی خدمت میں حاضر ہو گئے۔
حضرت دحیہ قلبی رضی اللہ عنہ کہنے لگے؛ اے اللہ کے رسول ! بتائیں آپؐ کیا احکام لے کر آئے ہیں؟ آپؐ نے فرمایا میں اللہ کا رسول ہوں اور اللہ واحد ہے۔ اس کا کوئی شریک نہیں۔ پھر توحید و رسالت کے بارے میں حضرت دحیہ قلبی کو بتایا۔ حضرت دحیہ نے کہا؛ اللہ کے نبی میں مسلمان تو ہو جاؤں لیکن ایک بات کا ہر وقت ڈر لگا رہتا ہے ایک گناہ میں نے ایسا کیا ہے کہ آپ کا اللہ مجھے کبھی معاف نہیں کرے گا۔ آپؐ نے فرمایا؛ اے دحیہ بتا تونے کیسا گناہ کیا ہے؟ تو حضرت دحیہ قلبی نے کہا؛ یا رسول اللہ میں اپنے قبیلے کا سربراہ ہوں۔ اور ہمارے ہاں بیٹیوں کی پیدائش پر انہیں زندہ دفن کیا جاتا ہے۔ میں کیونکہ قبیلے کا سردار ہوں اس لیے میں نے ستر گھروں کی بیٹیوں کو زندہ دفن کیا ہے۔ آپ کا رب مجھے کبھی معاف نہیں کرے گا۔ اسی وقت حضرت جبریل امین علیہ السلام حاضر ہوئے؛
یا رسول اللہ صلی اللہ علیہ و آلہ و سلم، اللہ سلام کہتا ہے اور فرماتا ہے کہ اسے کہیں اب تک جو ہو گیا وہ ہو گیا اس کے بعد ایسا گناہ کبھی نہ کرنا۔ ہم نے معاف کر دیا ۔
حضرت دحیہ آپ کی زبان سے یہ بات سن کر رونے لگے۔ آپؐ نے فرمایا دحیہ اب کیا ہوا ہے؟ کیوں روتے ہو ؟ حضرت دحیہ قلبی کہنے لگے؛ یا رسول اللہ، میرا ایک گناہ اور بھی ہے جسے آپ کا رب کبھی معاف نہیں کرے گا۔ آپؐ نے فرمایا دحیہ کیسا گناہ ؟ بتاؤ ؟
حضرت دحیہ قلب فرمانے لگے؛ یا رسول اللہ، میری بیوی حاملہ تھی اور مجھے کسی کام کی غرض سے دوسرے ملک جانا تھا۔ میں نے جاتے ہوئے بیوی کو کہا کہ اگر بیٹا ہوا تو اس کی پرورش کرنا اگر بیٹی ہوئی تو اسے زندہ دفن کر دینا۔ دحیہ روتے جا رہے ہیں اور واقعہ سناتے جا رہے ہیں۔ میں واپس بہت عرصہ بعد گھر آیا تو میں نے دروازے پر دستک دی۔ اتنے میں ایک چھوٹی سی بچی نے دروازہ کھولا اور پوچھا کون؟ میں نے کہا: تم کون ہو؟ تو وہ بچی بولی؛ میں اس گھر کے مالک کی بیٹی ہوں۔ آپ کون ہیں؟ دحیہ فرمانے لگے؛ یا رسول اللہ صلی اللہ علیہ و آلہ و سلم، میرے منہ سے نکل گیا: اگر تم بیٹی ہو اس گھر کے مالک کی تو میں مالک ہوں اس گھر کا۔ یا رسول اللہ! میرے منہ سے یہ بات نکلنے کی دیر تھی کہ چھوٹی سی اس بچی نے میری ٹانگوں سے مجھے پکڑ لیا اور بولنے لگی؛ بابا بابا بابا بابا آپ کہاں چلے گئے تھے؟ بابا میں کس دن سے آپ کا انتظار کر رہی ہوں۔ حضرت دحیہ قلبی روتے جا رہے ہیں اور فرماتے ہیں؛ اے اللہ کے نبی! میں نے بیٹی کو دھکا دیا اور جا کر بیوی سے پوچھا؛ یہ بچی کون ہے؟ بیوی رونے لگ گئی اور کہنے لگی؛ دحیہ! یہ تمہاری بیٹی ہے۔ یا رسول اللہ! مجھے ذرا ترس نہ آیا۔ میں نے سوچا میں قبیلے کا سردار ہوں۔ اگر اپنی بیٹی کو دفن نہ کیا تو لوگ کہیں گے ہماری بیٹیوں کو دفن کرتا رہا اور اپنی بیٹی سے پیار کرتا ہے۔ حضرت دحیہ کی آنکھوں سے اشک زارو قطار نکلنے لگے۔ یا رسول اللہ وہ بچی بہت خوبصورت، بہت حیسن تھی۔ میرا دل کر رہا تھا اسے سینے سے لگا لوں۔ پھر سوچتا تھا کہیں لوگ بعد میں یہ باتیں نہ کہیں کہ اپنی بیٹی کی باری آئی تو اسے زندہ دفن کیوں نہیں کیا؟ میں گھر سے بیٹی کو تیار کروا کر نکلا تو بیوی نے میرے پاؤں پکڑ لیے۔ دحیہ نہ مارنا اسے۔ دحیہ یہ تمہاری بیٹی ہے۔
ماں تو آخر ماں ہوتی ہے۔ میں نے بیوی کو پیچھے دھکا دیا اور بچی کو لے کر چل پڑا۔ رستے میں میری بیٹی نے کہا؛ بابا مجھے نانی کے گھر لے کر جا رہے ہو؟ بابا کیا مجھے کھلونے لے کر دینے جا رہے ہو؟ بابا ہم کہاں جا رہے ہیں؟ دحیہ قلبی روتے جاتے ہیں اور واقعہ سناتے جا رہے ہیں۔ یا رسول اللہ ! میں بچی کے سوالوں کاجواب ہی نہیں دیتا تھا۔ وہ پوچھتی جا رہی ہے بابا کدھر چلے گئے تھے؟ کبھی میرا منہ چومتی ہے، کبھی بازو گردن کے گرد دے لیتی ہے۔ لیکن میں کچھ نہیں بولتا۔ ایک مقام پر جا کر میں نے اسے بٹھا دیا اور خود اس کی قبر کھودنے لگ گیا۔ آقا کریم صلی اللہ علیہ وآلہ وسلم دحیہ کی زبان سے واقعہ سنتے جارہے ہیں اور روتے جا رہے ہیں۔ میری بیٹی نے جب دیکھا کہ میرا باپ دھوپ میں سخت کام کر رہا ہے، تو اٹھ کر میرےپاس آئی۔ اپنے گلے میں جو چھوٹا سا دوپٹہ تھا وہ اتار کر میرے چہرے سے ریت صاف کرتے ہوئے کہتی ہے؛ بابا دھوپ میں کیوں کام کر رہے ہیں؟ چھاؤں میں آ جائیں۔ بابا یہ کیوں کھود رہے ہیں اس جگہ؟ بابا گرمی ہے چھاؤں میں آ جائیں۔ اور ساتھ ساتھ میرا پسینہ اور مٹی صاف کرتی جا رہی ہے۔ لیکن مجھے ترس نہ آیا۔ آخر جب قبر کھود لی تو میری بیٹی پاس آئی۔ میں نے دھکا دے دیا۔ وہ قبر میں گر گئی اور میں ریت ڈالنے لگ گیا۔ بچی ریت میں سے روتی ہوئی اپنے چھوٹے چھوٹے ہاتھ میرے سامنے جوڑ کر کہنے لگی؛ بابا میں نہیں لیتی کھلونے۔ بابا میں نہیں جاتی نانی کے گھر۔ بابا میری شکل پسند نہیں آئی تو میں کبھی نہیں آتی آپ کے سامنے۔ بابا مجھے ایسے نہ ماریں۔ یا رسول اللہ صلی اللہ صلی اللہ علیہ وآلہ وسلم میں ریت ڈالتا گیا۔ مجھے اس کی باتیں سن کر بھی ترس نہیں آیا۔ میری بیٹی پر جب مٹی مکمل ہو گئی اور اس کا سر رہ گیا تو میری بیٹی نے میری طرف سے توجہ ختم کی اور بولی؛ اے میرے مالک میں نے سنا ہے تیرا ایک نبی آئے گا جو بیٹیوں کو عزت دے گا۔ جو بیٹیوں کی عزت بچائے گا۔ اے اللہ وہ نبی بھیج دے بیٹیاں مر رہی ہیں۔ پھر میں نے اسے ریت میں دفنا دیا۔ حضرت دحیہ قلبی رضی اللہ عنہ واقعہ سناتے ہوئے بے انتہا روئے۔ یہ واقعہ جب بتا دیا تو دیکھا آپ صلی اللہ علیہ و آلہ وسلم اتنا رو رہے ہیں کہ آپؐ کی داڑھی مبارک آنسوؤں سے گیلی ہو گئی۔ آپؐ نے فرمایا؛ دحیہ ذرا پھر سے اپنی بیٹی کا واقعہ سناؤ۔ اس بیٹی کا واقعہ جو مجھ محمد کے انتظار میں دنیا سے چلی گئی۔ آپؐ نے تین دفعہ یہ واقعہ سنا اور اتنا روئے کہ آپ کو دیکھ کر صحابہ کرام رضی اللہ عنہم رونے لگ گئے اور کہنے لگے؛ اے دحیہ کیوں رلاتا ہے ہمارے آقا کو؟ ہم سے برداشت نہیں ہو رہا۔ آپؐ نے حضرت دحیہ سے تین بار واقعہ سنا تو حضرت دحیہ کی رو رو کر کوئی حالت نہ رہی۔ اتنے میں حضرت جبرائیل علیہ اسلام حاضر ہوئے اور فرمایا؛ یا رسول اللہ صلی اللہ علیہ و آلہ وسلم ! اللہ سلام کہتا ہے اور فرماتا ہے کہ اے محبوب صلی اللہ علیہ وسلم! دحیہ کو کہہ دیں وہ اُس وقت تھا جب اس نے اللہ اور آپؐ کو نہیں مانا تھا۔ اب مجھ کو اور آپ کو اس نے مان لیا ہے تو دحیہ کا یہ گناہ بھی ہم نے معاف کر دیا ہے۔ اس کے بعد آپ صلی اللہ علیہ و آلہ وسلم نے فرمایا جس نے دو بیٹیوں کی کفالت کی، انہیں بڑا کیا، ان کے فرائض ادا کیے، وہ قیامت کے دن میرے ساتھ اس طرح ہو گا جس طرح شہادت کی اور ساتھ والی انگلی آپس میں ہیں.
۔
جس نے دو بیٹیوں کی پرورش کی اس کی یہ اہمیت ہے تو جس نے تین یا چار یا پانچ بیٹیوں کی پرورش کی اس کی کیا اہمیت ہو گی؟
بیٹیوں کی پیدائش پر گھبرایا نہ کریں انہیں والدین پر بڑا مان ہوتا ہےاور یہ بیٹیاں اللّہ کی خاص رحمت ہوتی ہیں.

@M_ASMarkhor