Category: بلاگ

مجھے اپنی زندگی کے دوران نوکری کے سلسلے میں پاکستان دیکھنے اور گھومنے کا کافی موقع ملا بس ایک صوبہ سندھ ہی رہتا تھا اور میری شدید خواہش تھی کہ میں سندھ جاؤں اور سندھ کے مختلف شہر گھوموں تاکہ مجھے پتا چلے کہ سندھ کے لوگوں کی طرز زندگی اور رہن سہن کیا ہے۔۔اور سندھ کے پسماندگی کی وجہ کیا ہے۔۔کوی چار مہینے پہلے میری پوسٹنگ سندھ کے شہر چھور کینٹ میں ہوی یہ شہر حیدرآباد سے 170 کلو میٹر دوری پر واقعہ ہے۔بہت ہی پسماندگی کا شکار ہے۔شہر اور گردونواح میں مسلمان اور ہندو آبادی کی شرح برابر ہے۔۔دور دور تک سکول نظر نہیں آتا اور علاج کے لیے ہسپتال بھی مجھے ابھی تک نظر نہیں آیا بس سنا ہے کہ یہاں سے 25 کلومیٹر دور عمر کوٹ شہر ہے جہاں سرکاری ہسپتال ہے۔وہاں کے لوگوں کی غربت اور بے بسی پر رونا آتا ہے۔شہر کے علاؤہ آس پاس دیہات میں بجلی نہیں اور پانی کی بھی شدید کمی ہے۔۔شدید گرمی میں لوگ درختوں کے سایہ میں دن گزارتے اور سارا دن اپنے علاقے کے جاگیردار اور وڈیرے کے کھیتوں میں محنت مشقت کرتے۔میں اکثر جب یہاں کے لوگوں کو دیکھتا جن کے پاس اپنی ضروریات زندگی کے لیے کوئ سہولت موجود نہیں تو اپنے ساتھ لڑکوں سے کہتا کہ بہت شوق تھا سندھ آنے اور رہنے کا لیکن جب یہاں کے لوگوں کو بے بسی کی زندگی گزارتے دیکھا تو میرا یہاں رہنے کا شوق تو پورا ہوگیا۔کچھ دن پہلے ایک کسان سے ان کے رہن سہن کے بارے میں پوچھنے لگا جو اپنے وڈیرے کے کھیتوں میں محنت مشقت کر رہا تھا۔اس سے پوچھا بھائ آپ کھانے میں کیا کھاتے اور دن میں کتنے ٹائم کھانا کھاتے تو کہنے لگا پسی ہوئ لال مرچوں کو تڑکا لگا کر پھر پانی ڈال کر شوربہ بنا کر اس میں کھانا کھاتے دن دس بجے اور رات کھانا کھاتے سبزی دال کے لیے ہمارے پاس پیسے نہیں کہ خرید کر کھا سکے البتہ کبھی کبھی ٹماٹروں کی چٹنی بنا کر اس سے کھانا کھاتے۔۔میں اکثر یہ سوال کرتا کہ کیا چھور میں رہنے والے لوگ پاکستان کا حصہ نہیں ہیں ۔کیا ان کی نسلیں اسی طرح پروان چڑھتی رہے گے۔بس ساری زندگی آپنے وڈیروں کی خدمت کی ۔کیا اس سسٹم کے خلاوہ آواز اٹھانے والا کوئ نہیں۔کیا ان کے بچوں کو تعلیم حاصل کرنے کا کوئ حق حاصل نہیں۔ایک محب وطن پاکستانی ہونے کی حیثیت سے ہمارا حق بنتا ہے کہ ہم سندھ کے شہر چھور اور ایسے بہت سے شہروں کے لوگ جو غربت اور بے بسی کی زندگی گزار رہے ہیں ان کے حقوق کے لیے آواز اٹھائے۔۔سندھ حکومت سے میری گزارش ہے کہ اب بہت ہوگیا اب تو اس بے بس عوام کے بارے میں سوچنا شروع کردے ان کے بچوں کے لیے سکول بنوا دے اور علاج کے لیے ہسپتال تاکہ یہ لوگ پڑھ لکھ کر اپنے مسقبل کا تحفظ کرسکے۔ شکریہ
@kashu_uu

گلگت بلتستان کے ضلع دیامر میں ایک ایسا علاقہ جہاں سے کے کے ایچ ہمیشہ بلاک ہوتا ہے۔ اس روڈ پہ اب تک سیکٹروں لوگوں کے جان اور گاڑیاں چلی گی ہے ۔ اج ہم اس پہ بات کرتے کہ یہ روڈ اخر کیوں بلاک ہوتا ہے کیا قدرتی افت کی وجہ سے بلاک ہوتا ہے کچھ ادارے جان بوجھ کے اس روڈ کو اسے کنڈیشن میں رکھے ہوے ہیں ؟ یہ بہت سارے سوالات ہیں جن کے جواب باہر حال ہر گلگت بلتستانی شہری کو چاے۔جب اپ اسلام اباد سے جیسے ہی دیامر میں داخل ہوتے ہو تو سب سے پہلے چلاس شہر اتا ہے چلاس سے دو گھنٹے کے سفر گلگت کے طرف کرنے کے بعد تہ تہ پانی کا مقام اتا ہے۔اس علاقہ کا نام بھی اس لے تہ تہ پانی (تتو وی) کہا گیا کیونکہ یہاں گرم چشمے پوٹھتے ہیں۔یہاں کا پانی گرم ہونے کی وجہ یہاں پہ گندھک (سلفر) کثیر مقدار میں ہونا ہے ۔اسی پہاڑ میں سے ایک فالٹ گزرتا ہے جسے رائیکوٹ فالٹ کہتے ہیں ۔یہ ایک ایکٹیو فالٹ ہے مطلب یہ کہ یہاں کی زمین ہمیشہ ہلتی رہتی ہے۔جس کے وجہ سے ہمیشہ سلائڈنگ ہوتی ہے یہ تتہ پانی کا ایریا تقریبا پانچ کلومیڑ کے ایریا پر مشتمل ہیں جو کہ ہمیشہ سے اس پہاڑوں کٹاو کی وجہ سے بند رہتا ہے۔اس روڈ کو کلیر کرنے کے لےاین ایچ اے کے سب کنٹریکٹر ایف ڈبلو او نامی ادارے کے زمداری ہےکہ وہ کسی بھی قسم کے صورت حال میں روڈ کو صاف کرنے کے زمدار ہے اور روڈ بند ہونے کے صورت میں اوپن کرنا وغیرہ سب ان کے زمے ہے.اس روڈ کے متبادل ایک اور روڈ جو بلکل اس روڈ کے مخالف سمیت یعنی دریا سند ھ کے دوسرے طرف ہے وہ گوہراباد سے رائیکوٹ بریج کے لیفٹ بنک سے جوڑتا ہے جو کہ بلکل سیف روڈ ہے۔ اگر رائیکوٹ بٹسولئ سے پل کو دریا کے دوسرے طرف جوڑ دیا جاے اور وہاں ایک لینک روڈ جو پہلے سے موجود ہے کو میٹل کیا جاے اور اسے رائیکوٹ پل کے لیفٹ طرف جوڑ دیا جاے تو اس پریشانی کا مکمل حل ہوجاے گا۔مگر اس سے جو ادارے روزانہ روڈ کھولنے کے نام پہ کروڑوں پیسے کھا رہے ہیں ان کا روزی روٹی بن ہوجاے گی اور کرپشن کرنے کے مواقع ختم ہوجاے گے۔عوام گلگت بلتستان گزشتہ تیس سالوں سے ہزاروں دفع اس اشو پہ احتجاج کیا ہے لیکن این ایچ اے کو کوئی پرواع ہی نہیں ہے۔دوسرا اپشن اب چونکہ سی پیک کا روڈ بھی اسے طرف سے بننا ہے جو ڈرنگ پل تک ہے ڈرنگ پل سے رائیکوٹ پل اٹھ کلومیڑ ہے اگر اسی کے ساتھ مذید اٹھ کلومیٹر ایکسیٹنشن کیا جاے تو یہ اشو مکمل طور پہ حل ہوگا۔ہزاروں انسانوں کی قیمتی جانی ضیا ہونے سے بچیں گے

آج ہم ایک ایسے فتنہ خیز دور سے گزر رہے ہیں۔ جہاں لوگ برملا عبادت کا انکار کرنے لگے، کچھ تو رب ہی کا انکار کرتےہیں، کوئی حجاب کو قید کہتا ہے تو کہیں حجاب سے آزادی ہے اور کہیں تو مکمل لباس سے ہی آزادی ہے۔ یقیناً یہ تکلیف دہ حالات ہیں کئی باتیں ایسی ہیں جو تحریر کرنا بھی بہت مشکل ہے کیوں آج لوگ میوزک کو ہی دین بنا بیٹھے ہیں؟ کیوں وہ اپنی ہر تکیف کا علاج میوزک کو سمجھتے ہیں؟ کیوں وہ میوزک کو اپنے لئے ضروری غذا کہتے ہیں؟ کچھ کہتے ہیں۔ ".God is a dj” نعوذ باللہ۔ کچھ نے کہا میوزک تو آپکی سانسیں ہیں یعنی جیسے انسان سانس کے بغیر نہیں جی سکتا ایسے ہی میوزک کے بغیر جینا بھی مشکل ہے۔

"سیدنا قتادہ رضی الله عنہ سے روایت ہے کہ شیطان جب ملعون ہو کر آسمان سے نیچے اتر آیا تو کہنے لگا اے الله تو نے مجھے ملعون تو بنا دیا اب یہ بتا دیجئے کہ دنیا میں میرا علم کونسا ہوگا؟ الله نے فرمایا تیرا علم جادو ہوگا۔ پھر کہنے لگا میری پسندیدہ آواز کونسی ہوگی؟ الله نے فرمایا گانا بجانا۔ پھر کہنے لگا میرا پسندیدہ مشروب کونسا ہوگا؟ الله نے فرمایا ہر نشہ آور چیز تیرا مشروب ہوگا۔”
تین چیزین ہیں جادو، میوزک، اور تمام قسم کی منشیات۔ تینوں کا تعلق شیطان سے ہے۔
ان تینوں کاموں سے الله اور اسکے رسول صلی الله علیہ وسلم نے منع فرمایا ہے۔
یہ انسان کی فطرت ہے کہ وہ خوبصورت آواز اور خوبصورت پیغام سے متاثر ہوئے بغیر نہیں رہتا۔ آدم سے لے کر نبی صلی الله علیہ وسلم تک کسی نے آواز کے حسن سے منع نہیں کیا لیکن شرط یہ ہے کہ جذبات پاکیزہ ہوں، بےضرر ہوں اور بےحیائی نہ ہو۔ نبی کریم صلی الله علیہ وسلم کے نکاح کے وقت، عیدین پر، عورتوں کی خاص نجی محفل میں آپ صلی الله علیہ وسلم نے آواز کے حسن کی اجازت دی ہے لیکن کچھ پڑھنے یا گانے کے شرط رکھی کہ آوازیں مردوں تک نہ پہنچیں اور فحش نہ ہوں۔
آواز کے ساتھ جب ساز مل جانے سے وہ میوزک بن جاتا ہے۔ اور ساز معاشرے کے لئے بہت نقصاندہ ہے یہ بات سائنسی تحقیقات سے بھی ثابت ہے کہ میوزک سننے سے آپکی سوچنے کی صلاحیت کمزور ہوجاتی ہے انسان جب میوزک سنتا ہے تو وہ ایک خیالی دنیا میں چلا جاتا ہے جسکا اثر دماغ کے اس حصے پر پڑتا ہے جہاں لانگ ٹرم میموری واقع ہے پس لانگ ٹرم میموری کمزور ہوجاتی ہے اور وقت کے ساتھ ساتھ سوچنے اور یاد کرنے کی صلاحیت ختم ہو جاتی ہے۔ اسکے علاوہ میوزک انسان کو جنسی اشتعال انگیزی پہ ابھارتا ہے۔ گوگل پہ انکی لسٹ پائی جاتی ہے کہ کس گانے میں کتنا جنسی آلہ استعمال ہوا ہے۔
میوزک ایک خطرناک جادو کی طرح ہے جو انسان پر اپنا تسلط قائم کر لیتا ہے انسان اس آواز کے سحر میں چلا جاتا ہے۔ انسان خود کو ہلکا پھلکا، اور ہر غم سے آزاد محسوس کرتا ہے۔ دراصل، انسان کا جسم، ذہن اور روح ایک پوزیشن پہ نہیں رہتے۔ جیسے ایک طیارہ جب تباہ ہوتا ہے اوپر سے نیچے آتا ہے تو اسے نیچے آنےمیں کوئی طاقت اور وقت نہیں لگتا اور وہ لمحے میں تباہ ہوجاتا ہے یہ ہی کیفیت میوزک سننے والے کی ہوتی ہے۔ اور پھر میوزک انسان کی روح کو ایسے بکھیر دیتا ہے۔ جسے شیشے کا گلاس نیچے گرتا ہے اور بکھر کر چوُر چوُر ہوجاتا ہے۔
میوزک تزبزب پیدا کرتا ہے۔ آپکو بے چین کرتا ہے۔ میوزک سکون نہیں دیتا۔ میوزک انسان کی عقل پہ غالب آجاتا ہے۔ انسان کے حواس کو قابو میں کرلیتا ہے۔ انسان کا کنٹرول شیطان کے ہاتھ میں چلا جاتا ہے۔ آواز، ساز اور لہجہ تینوں چیزیں انسانی کیفیات کو متاثر کرتی ہیں۔ میوزک کی ایک شناخت رقص بھی ہے میوزک کے ساتھ انسان کے ہاتھ پاؤں حرکت کرنے لگتے ہیں۔ میوزک کوئی معمولی یا بے ضرر چیز نہیں ہے یہ ایک ایسا نشہ ہے جو آپکودوسری نشہ آور اشیا کے مقابلے میں آسانی سے دستیاب ہوتا ہے کیونکہ اگر کوئی نشہ کرنا چاہے تو وہ پہلے خریدتا ہے پھر کرتا ہے اس پہ وقت لگتا ہے لیکن میوزک ایسا نشہ ہے جو آپ نہ بھی سننا چاہیں تو بعض اوقات آپکو سنوا دیا جاتا ہے۔ اور ہر جگہ پایا جاتا ہے۔ یہ قدرتی بات ہے کہ جب انسان برائی کا عادی ہوجاتا ہے تو اس میں احساسِ گناہ ختم ہو جاتا ہے
قرآن و حدیث میں میوزک سے منع کرنے کے مختلف انداز ہیں مثلاً یہ کہا گیا کہ میوزک حرام ہے، کبھی منع کر کے، کبھی ناپسندیدہ قرار دے کر، کبھی شیاطین کا آلہ قرار دے کر، کبھی باعثِ عذاب کہہ کر، کبھی گناہ کہہ کر، کبھی بے ہودہ کام کہہ کر۔ قرآن و حدیث میں میوزک کے حرام ہونے کی درج زیل دلائل ملتی ہیں۔

"الله رب العزت قرآن میں فرماتے ہیں:
وَ مِنَ النَّاسِ مَنۡ یَّشۡتَرِیۡ لَہۡوَ الۡحَدِیۡثِ لِیُضِلَّ عَنۡ سَبِیۡلِ اللّٰہِ بِغَیۡرِ عِلۡمٍ ٭ۖ وَّ یَتَّخِذَہَا ہُزُوًا ؕ اُولٰٓئِکَ لَہُمۡ عَذَابٌ مُّہِیۡنٌ ﴿۶﴾
ترجمہ: اور بعض لوگ ایسے بھی ہیں جو لغو باتوں کو مول لیتے ہیں کہ بے علمی کے ساتھ لوگوں کو اللہ کی راہ سے بہکائیں اور اسے ہنسی بنائیں یہی وہ لوگ ہیں جن کے لئے رسوا کرنے والا عذاب ہے ۔ (سورہ لقمان: 6)”

اس کے علاوہ قرآن پاک میں متعدد بار الله رب العزت نے فحاشی اور شیطان کی پیروی سے منع کیا ہے۔ اور میوزک فحاشی کا مرکز اور شیطان کی پسندیدہ آواز ہے۔

"حضرت عبداللہ بن مسعود رضی الله عنہ سے روایت ہے کہ نبی کریم صلی الله علیہ وسلم نے فرمایا:
گانا(میوزک) دل میں نفاق اس طرح پیدا کرتا ہے جیسے پانی کھیتی کو پیدا کرتا ہے۔
(السنن الکبری للبھیقی:21537)”

"نبی کریم صلی اللہ علیہ وسلم نے فرمایا کہ میری امت میں ایسے برے لوگ پیدا ہو جائیں گے جو زناکاری، ریشم کا پہننا، شراب پینا اور گانے بجانے کو حلال بنا لیں گے اور کچھ متکبر قسم کے لوگ پہاڑ کی چوٹی پر ( اپنے بنگلوں میں رہائش کرنے کے لیے ) چلے جائیں گے۔ چرواہے ان کے مویشی صبح و شام لائیں گے اور لے جائیں گے۔ ان کے پاس ایک فقیر آدمی اپنی ضرورت لے کر جائے گا تو وہ ٹالنے کے لیے اس سے کہیں گے کہ کل آنا لیکن اللہ تعالیٰ رات کو ان کو ( ان کی سرکشی کی وجہ سے ) ہلاک کر دے گا پہاڑ کو ( ان پر ) گرا دے گا اور ان میں سے بہت سوں کو قیامت تک کے لیے بندر اور سور کی صورتوں میں مسخ کر دے گا۔
(صحیح بخاری:5590)”

صحابہ کرام کے طرزِعمل سے پتہ چلتا ہے کہ وہ میوزک کو سخت ناپسند کرتے تھے ایک دفعہ حضرت عبداللہ بن عمر رضی اللہ عنہ نے بانسری کی آواز سنی تو اپنے کانوں میں انگلیاں دے دی اور راستہ بدل لیا حضرت نافع رحمہ اللہ فرماتے ہیں میں ان کے ساتھ تھا جب میں نے کہا اب آواز نہیں آرہی تب انہوں نے کانوں سے انگلیاں نکال کر فرمایا کہ ایک دفعہ میں نبی کریم صلی الله علیہ وسلم کے ساتھ تھا آپ صلی الله علیہ وسلم نے اسی طرح میوزک کی آواز سنی اور اسی طرح کانوں میں انگلیاں دے دی تھی۔
بعض حقیقتیں بہت تلخ ہوتی ہیں لیکن جب انسان حقیقت جان لیتا ہے تو اس کے لئے برائی چھوڑنا آسان ہو جاتا ہے۔ پس حقیقت جان لیجئے اور برائی چھوڑ دیجئے!!
جزاکم الله خیرا کثیرا
@Nusrat_writes

خلشوہ ایک عام دن تھا
مگر نہیں وہ عام دن نہ تھا کیوں کہ بعض اوقات عام دن بالکل بھی عام نہیں رہتے وہ زندگی کی چھوٹی چھوٹی خواہشوں کی تکمیل سے خاص ہو جاتے ہیں۔ انعم کے لیے بھی وہ بہت خاص دن تھا کیوں کہ اس کے ابّو نے اس کے لیے دوبئی سے تحائف بھیجے تھے اگرچہ ان تحائف میں کچھ خاص نہ تھا مگر لفظ تحفہ ہی بذات خود ایک خاص لفظ اور احساس کا نام ہے اور پھر وہ خاص کیوں نہ ہوتے ؟ جو ابّو نے ان کے لیے بہت پیار سے بھیجے تھے جو اس کے لیے پیار اور خلوص کے مجسم شکل تھے۔ انعم نے ڈبّے کھول کر دیکھے تو اس میں ایک گھڑی ، چوکلیٹ کا ڈبّہ اور خوب صورت عبایا تھا۔نعم نے عبایا کھول کر دیکھا تو اسے پسندیدگی کی سند اس کی خوشی اور آنکھوں کی چمک نے عطاکی۔ سیاہ رنگ کا خوبصورت عبایا جس پر جھل مل کرتی خوبصورت موتیاں ٹکی تھیں اور اس کے ساتھ عربی طرز پر ڈئزائن کردہ خوب صورت اسکارف۔ انعم نے عبایا کی خوشی میں اپنی پسندیدہ فلیور کے چوکلیٹ بھی نظر انداز کردئیے۔
٭٭٭٭٭٭٭٭٭٭
امّی یہ عبایا کتنا خوب صورت ہے ناں؟ کتنے کا ہوگا؟ مجھ پر اچھا لگے گا ناں ؟ اس قسم کے سوالات سے جب امی کے کان پک گئے تو اس نے ڈانٹ کر کہا ؛
نادیدی ! کوئی نئی چیز کھبی نہیں دیکھی کیا جو یوں شور مچا رہی ہوں ۔ جاؤ دفع ہوجاؤ۔۔۔۔پتہ نہیں کس پر گئی ہے آخر اس کا بچپنا کب ختم ہوگا یہ بڑبڑاتے ہوئے وہ کچن میں چلی گئی اور انعم پیر پٹخ کر کمرے میں۔
٭٭٭٭٭٭٭
وہ کالج جانے کے لیے تیار تھی۔ نیا عبایا اور عریبک اسکارف میں وہ ایسی خوش ہو رہی تھی جیسے بچپن میں من پسند کھلونا ملنے پر خوش ہوتی۔ کلائی پر نازک گھڑی پہن کر وہ سوچ رہی تھی کہ کالج میں دوستوں کے ساتھ ڈسکس کرنے کے لیے اچھا موضوع ہاتھ لگا ہے۔ یہ سوچ کر وہ اپنے آپ مسکرا دی۔ آخر اس نے قدِ آدم آئینے میں اپنا ناقدانہ جائزہ لیا اور کمرے سے باہر نکلی۔
٭٭٭٭٭٭٭٭
وہ کندھے پر بستہ لٹکائے رجسٹر ہاتھ میں پکڑے بے چینی سے صحن میں ادھرسے اُدھرٹہل رہی تھی۔ انتظار کرتے کرتے تھک گئی کہ کب اسد بھائی اٹھ جائے اور اسے یہ نیا upGet دکھایا جائے اور ساتھ میں وہ کالج بھی ڈراپ کرےمگر نہیں وہ گدھے گھوڑے بیچ کر خواب خرگوش کے مزے لے رہا تھا۔ انعم بیچاری امّی سے بھی پوچھ پوچھ کر تھک گئی۔
” بھائی اٹھا کے نہیں ؟”
"آخر یہ کب اٹھے گا؟”
مگر ہنوز سو رہا ہے کہ رپلائی سے تنگ آکر اس نے اکیلے کالج جانے کا فیصلہ کیا ۔ وہ پہلے ہی لیٹ ہوئی تھی اور اب مزید دیر ہورہی تھی ۔سو اسد کا مزید انتظار کرنا بیکار تھا۔
٭٭٭٭٭٭٭
پورے بیس منٹ بعدوہ ہانپتے کانپتےِارم کے گھر پہنچ گئی۔ مگر یہ کیا ؟ "یار میں آج نہیں جاسکتی بخار ہے مجھے ہو سکتا ہے کل بھی نہ جا سکوں پلیز میرا اپلی کیشن دے دینا”
ارم نے سُتے ہوئے چہرے اور نقاہت سے کہا ۔
"تواس کا مطلب ہے آج مجھے پھر اکیلے جانا پڑے گا ” انعم نے قدرے مایوسی سے کہا،
اس کے بعد ارم نے روئے سخن انعم کی گھڑی اور عبایا کی طرف پھیر دیا۔جس پر گھنٹہ بھر بحث متوقع تھی مگر انعم کوکالج کے لیے دیر ہو رہی تھی لہٰذا دونوں کا بحث طول نہ پکڑ سکا۔ جونہی انعم کی نظر گھڑی پر پڑی: "اوہ خدایا ! آج پھر میڈم سے ڈانٹ پڑے گی "کہہ کر دروازے کی طرف بھاگی۔ ٭٭٭٭٭٭٭
انعم کے گھر سے نکلنے کے بعد اسد اٹھا ۔ فریش ہو کر ناشتہ کرنے لگا۔ ادھر اُدھر نظر دوڑا کر انعم کو تلاش کیا مگر نا پا کر امی سےکہا:
"امّی انعم سے کہیں میں اسے کالج چھوڑ آتا ہوں جلدی کرے۔
"وہ تو چلی گئی مگر تم جاؤ تمھیں دیر ہو رہی ہے”
امی نے ناشتے کے برتن اٹھاتے ہوئے کہا ۔
٭٭٭٭٭٭٭
اسد جیسے ہی گھر سےنکلا راستے میں دانیال ملا۔ دانیال اسد کے بچپن کا ساتھی اور پڑوسی ہونے کے ساتھ یو نیورسٹی فیلو بھی تھا۔ دونوں رنگین مزاجی میں ایک سے بڑھ کر ایک تھے یہی وجہ تھی کہ دونوں کی خوب بنتی تھی۔ کالج روڈ پرپر چلتے چلتے انھیں ایک لڑکی نظر آئی۔ دانیال نے باچھیں کھول کر لڑکی کوایکسرے نظروں سے دیکھنا شروع کیا ۔وہ اس قسم کے حرکات کے لیے مشہور بلکہ بدنام تھا۔ اور یہ سچ ہے کہ خربوزے کو دیکھ کر خربوزہ رنگ پکڑتا ہے۔ دانیال کی صحبت کا یہ رنگ تیزی سے اسد پر بھی چڑنے لگا تھا۔ دونوں لڑکی کے پیچھے گز بھر کا فاصلہ رکھ کر چل رہے تھے کہ دانیال نے فقرے کسنا شروع کیے:
"اااااےےےے سن تو! بھاگ کیوں رہی ہوں؟آرام سے ! ہم کھا تو نہیں جائیں گے”
اور پھر بیہودگی سے قہقہہ لگایا ۔
انعم نے خوف کے مارے اور بھی تیز تیز چلنا شروع کیا۔ جیسے جیسے وہ دوڑنے کے انداز میں قدم اٹھاتی دونوں بھی تھوڑا فاصلہ رکھ کر چلنے لگے۔ بدقسمتی سے سڑک پر سکول کے بچّوں کے علاہ کوئی نہیں تھا جس سے انعم مدد مانگتی۔ اس کے کانوں میں دونوں کے شوخ اور بے باک فقرے اور سیٹیوں کی آوازیں آ رہی تھیں اس وقت اسے اپنا آپ بہت بے بس محسوس ہوا مگر وہ کچھ بھی کرنے سے قاصر تھی۔
"کیوں ہم بیچاروں پر بجلی گرا رہی ہوں۔ زرا سن تو سہی۔۔۔۔”
دونوں کچھ اور قریب ہوئے تھے کہ اسد نے ایک چُبھتا ہوا فقرہ کَسا۔
انعم کو آواز کچھ مانوس معلوم ہوئی تو پیچھے مُڑ کر دیکھا ۔ اس کے پیچھے دانیال تھا اور ساتھ میں اسد ، اس کا بھائی!
اس کا دل دھک سے رہ گیا ۔ وہ محاورۃً نہیں حقیقتاً پتھر کی ہوگئی اور صرف اتنا کہہ پائی؛
بھائی آآآآآپ۔۔۔ اس کے پاس کہنے کو کچھ بچا ہی نہ تھا نہ گالی ، نہ بحث ، نہ ڈانٹ کچھ بھی نہیں۔ وہ صرف پھٹی پھٹی آنکھوں سے اسد کو دیکھنے لگی۔
آ آ نعم م م تم ۔۔۔۔۔۔ وہ میں سمجھا۔
اسد کی زبان لڑکھڑانے لگی ، اس کے الفاظ اس کا ساتھ نہیں دے رہے تھے۔ جبکہ دانیال تو بیچ سے اس وقت کسک گیا جب انعم نے پیچھے مُڑ کر دیکھا ، جب اسد کے چلتے قدم رک گئے ، اور جب انعم نے ” بھائی آپ” کے الفاظ کہے۔
” وہ تمھارا گاؤن تو گرے کلر کا تھا یہ وہ میں سمجھا کہ۔۔۔”اسد کچھ بے ربط وضاحتیں دینے لگا مگر انعم کے کانوں میں سائیں سائیں ہو رہا تھا اسے کچھ سنائی دے رہا تھا نہ کچھ دکھائی ۔اسد کے جملے اس کے کانوں میں صدائے بازگشت کی طرح سنائی دے رہے تھے ۔ بے آواز آنسوں اس کے آنکھوں سے بہہ کر نقاب میں جذب ہو رہے تھے۔ اسے خود سے گن آنے لگی ۔ اسے ماحول سے کراہت محسوس ہونے لگی۔ وہ اس ماحول اور ان نا زیبا جملوں سے فرار چاہتی تھی جو اس کی دماغ پر ہتھوڑے کی طرح برس رہے تھے۔ وہ بے جان قدموں سے کالج جانے کی بجائے گھر کی طرف واپس موڑ گئی۔چلتے ہوئے اسے دل میں بہت چھبن محسوس ہو رہی تھی مگر یہ چبھن وقتی نہیں بلکہ عمر بھر کے لیے تھی کیوں کہ اس کا مان ، یقین ، اعتبار ، فخر اور نہ جانے کیا کیا سراب بن گیا تھا۔ اور اب شاید زندگی بھر اسے اس کسک اور چبھن کے ساتھ جینا تھا کیوں کہ گھر کے محافظ ہی لٹیرے نکلے تھے۔
؎ وہ ڈاکا ڈالنے آئے تھے مرے گھر اک رات
میں معاف کرتی اگر چہرے اجنبی ہوتے
٭٭٭٭٭٭٭