Category: بلاگ

ہر شخص خوبیوں اور خامیوں کا مرکب ومالک ہے جنہیں رب نے معصوم اور محفوظ بنایا یعنی انبیاء صحابہ و اہلبیت ان کے علاؤہ نہ کوئی معصوم ہے نہ کوئی محفوظ ۔
راجہ فاروق حیدر سابق وزیر اعظم آزاد کشمیر صاحب کی زبان کو لے کر سوشل میڈیا پر بہت کچھ کہا گیا ان کی زبان کے دو رخ ہیں ۔
گو کہ ان کے اپنے کلچر کی وجہ سے ان کے منہ سے کئی بار غصے میں نازیبا گالیاں نکلیں جن کی آڈیو سوشل میڈیا پہ وائرل ہوئی جو کہ اس منصب کے شایان شان نہیں ۔۔
ہم نے اس کی بھرپور مذمت کی لیکن راجہ صاحب کی زبان کئی ایسی جگہوں پر بھی چلی جہاں بڑے بڑے لیڈروں کے پسینے جنوری میں نکل آتے تھے ۔
قوم کے لیڈر کی بہت سی خوبیاں ہوتی ہیں ان تمام خوبیوں میں ایک خوبی یہ بھی ہے کہ وہ بہادر ہو بزدل نہ ہو ۔
کیونکہ لیڈر کے بل بوتے پہ رعایا جان کی بازی جیت یا ہارتی ہے۔

راجہ فاروق حیدر خان میری شعوری زندگی میں کشمیر کے وہ واحد وزیر اعظم گزرے ہیں ۔
جو اپنے سابقہ پیش روں سے ایک اعتبار سے مختلف تھے کہ وہ ہر مقام پر سچ بولنے کی بھرپور اخلاقی قوت جرات اور ہمت رکھتے تھے۔
کئی ایسے مرحلے تاریخ کا حصہ ہیں اور ہمیشہ رہیں گے کہ جنہیں ہمیںشہ یاد رکھا جائے گا جس طرح ختم نبوتﷺ کے حوالہ سے کشمیر اسمبلی میں قانون بنا اور اسی طرح اسلام آباد میں تمام کابینہ کے سامنے بیٹھ کر مسئلہ کشمیر اور مظلوم کشمیریوں کے لیے یہ الفاظ کہ ان کی مدد کیوں نہیں کرتے تمھیں کیا ہو گیا ہے کہ ڈالروں کی خاطر تم خاموش ہو چباؤ گے ڈالر ؟؟
ان الفاظ کی قیمت بہت بھاری ہے۔
پھر کئی دفعہ ببانگ دھل ایک سابقہ ڈکٹیٹر پرویز مشرف کا نام جس طرح لے کر راجہ فاروق حیدر بولا ایسا تو وزیر اعظم بننے کے بعد کشمیر کا کوئی لیڈر خواب میں بھی نہیں سوچ سکتا کیونکہ ایسا سوچنے کو بھی غداری سے تعبیر کیا جاتا ہے ۔
پھر راجہ فاروق حیدر کے یہ الفاظ کہ مجھ سے وفاق وفاق کی بات نہ کرو میرا کیا تعلق وفاق سے میں ایک ریاست کا وزیر اعظم ہوں جو کچھ طے شدہ اصولوں کی بنیاد پر ملک پاکستان سے معاملات کرتی ہے ۔
پھر یہ الفاظ کہ کشمیر سارے کا سارا کشمیر کا حصہ ہے بے شک وہ جس کے قبضے میں بھی ہو ۔
نئے آنے والے وزیر اعظم صاحب سے بھی گزارش ہے کہ آپ کو بھی پارٹی کی وفاداری سے زیادہ اس قوم کی وفاداری نبھانی پڑھے گی جس کی تاریخ سات سو سالہ ہے بقول جنرل حمید گل کشمیر جہاں بھی گیا اکٹھا جائے گا اس اصول کو ہمیشہ پیش نظر رکھنا ہو گا پارٹی وفاداری میں اپنے آپ کو اتنا کبھی نہ گرائیے گا کہ کشمیری قوم کا وقار مجروح ہو ۔
آج یہ الفاظ اس لیے لکھ رہا ہوں کہ کوئی یہ نہ سمجھے کہ ہم الفاظ بیچتے ہیں بلکہ جو حقائق ہیں انہیں تسلیم کرنا چاہیے یہی وسیع ذہن کی حامل سوچ ہے ۔
راجہ فاروق حیدر صاحب کی پارٹی کے وزراء عوام کے لیے بہترین وزیر ثابت نہیں ہوئے جس کا خمیازہ پارٹی کو بھکتنا پڑا اور بری طرح شکست سے دو چار ہوئے ۔گو کہ کچھ دیگر وجوہات بھی تھیں جن میں ٹکٹ کی تقسیم وفاق کا اثر و رسوخ حکومت سونپنے والوں کی پسند لیکن اس عنصر سے آنکھیں بند کر لینا بھی ناانصافی ہو گی۔
ہر سیاسی پارٹی اپنے مفادات کا سودہ کرنا اہم سمجھتی ہے بنسبت قومی مفاد کے
ہمیں اس روش سے خود بھی باہر نکلنا ہے اور ان پارٹیوں کو بھی باہر نکالنا ہے۔
@JavaidHaqqani

اقوام میں عالم میں اللہ سبحانہ تعالی کے بے شمار نعمتیں اور رحمتیں ہیں تو انہیں نعمتوں میں سے آج ایک نعمت کا زکر کرتے ہیں وہ نعمت ہے اولاد کے لئے اس کا باپ ہے اگر والدین کے عزت واحترام کا زکر کریں تو قرآن کریم میں کئ مقامات پر والدین کے بارے میں حکم آیا ہے قرآن کریم میں اللہ سبحانہ تعالی نے ارشاد فرمایا: اور تمہارے رب نے حکم فرمایا کہ اس کے سوا کسی کی عبادت نہ کرو اور ماں باپ کے ساتھ اچھا سلوک کرو اگر تمہارے سامنے ان میں سے ایک یا دونوں بڑھاپے کو پہنچ جائیں تو ان سے اف تک نہ کہنا اور نہ انہیں جھڑکنا اور ان سے نرمی سے بات کرنا (الاسراء آیت نمبر 23)

مجھ کو چھاؤں میں رکھا اور خود بھی وہ جلتا رہا
میں نے دیکھا اک فرشتہ باپ کی پرچھائیں میں

باپ کا رشتہ انمول رشتہ ہے ایک باپ اپنی اولاد کی خوشی کے لئے اپنی جوانی اپنی خواہشات سب کچھ قربان کر دیتا ہے ان کو اچھی تعلیم اور تربیت دینے کے لئے دن رات مخنت مزدوری کرتا خود سوکھا کھا سکتا لیکن اولاد کی تکلیف برداشت نہیں کرتا اولاد کو آسائشیں دینے کے لئے پردیس جیسی میٹھی جیل کی صعوبتیں بھی برداشت کرتا مجھے اپنے باپ کی ایک ایک بات اور لمحات یاد ہیں ایک باپ کے لئے اس کی اولاد کی خوشی کیا ہوتی میں ایک واقع بتاتا میری شادی کا دن تھا اور میں بہت خوش ہو رہا تھا گھر میں سب فیملی رشتہ داروں کی خوشیاں دیدنی تھی ان سب میں جب می اپنے والد صاحب کو دیکھتا تو مجھے محسوس ہو رہا تھا کہہ میرے والد صاحب آج میں پہلے سے بہت زیادہ توانا اور ایکٹو نظر آ رہے تھے خیر میری بارات کی روانگی ہوئی میری شادی نزدیک میرے شہر گجرات میں ہوئی تھی سو ہم آدھا گنٹھہ سے بھی پہلے میرج حال پہنچ گے بارات کو استقبال ہوا میرے والد صاحب آگے آگے سب رشتہ داروں کو میرے ہونے والے سسرال کی فیملی کا تعارف کروا رہے تھے ہم حال میں پہنچے اور سٹیج پر جیسے ہی بیٹھے تو پانچ دس منٹ بعد مولوی صاحب نکاح رجسٹر اور دلہن کے چاچا اور ماموں اور والد دو چار لوگ آگے ہمارے فیملی ممبر جو سٹیج پر تھے مولوی صاحب کو جگہ دی اور کچھ ادھر ادھر کرسیاں رکھ لر بیٹھ گے میرے والد صاحب میری سامنے مئری طرف منہ کر کے بیٹھے تھے نکاح شروع ہوا میری نظرسامنے باہر شیشے کےمہمانوں گیٹ کی طرف گئ تو می دیکھا میڈیکل میں مئرے استاد محترم ڈاکٹر صاحب میرے چند کولیگ کے ساتھ اندر داخل ہوۓ میرے کزن نے انہیں دیکھ لیا ریسو کیا اور سٹیج کی طرف چلنے کا اشارہ کیا لیکن وہ ادھر قریبی کرسی پر یہ کہہ کر بیٹھ گے کے نکاح کے بعد چلتے ہیں ادھر خیر کچھ ہی دیر میں نکاح کا عمل مکمل ہوا مولوی صاحب نے نکاح کا خطبہ دیا اور دعا کرا کے چلے گے ان کے جاتے ہی میں نے اشارہ کیا کہہ استاد محترم کو سٹیج پر لائیں حسب روایات مہمان گلے ملنے اور مبارک باد دینے کے لئے باری باری سٹیج پر آتے اور مجھے اور میرے والد صاحب کو ملتے اور نیچے اپنی سیٹ پر چلے جاتے اسی طرح میرے استاد آۓ مجھے گلے ملے ڈھیر ساری دعائیں اور مبارک باد دی مجھے ملنے کے بعد وہ والد صاحب کو ملے مبارک دی اور کہا کیسے ہیں آپ اب کمر کی درد کیسی ہے میرے والد صاحب کو کمر درد کی ہلکی سی شکایت تھی جس کیوجہ سے وہ تھوڑا سا جھک کے چلتے تھے لےکن ڈاکٹر صاحب نے جیسا ہی کمر درد کا پوچھا میرے والا صاحب نے بیس سال کے جوان لڑکے کی طرح ان کے سامنے اٹھک بیٹھک کی اور کہا سوفیصد ٹھیک ہو ڈاکٹر صاحب انہوں نے کہا آپ کی کمر کا خم بھی الحمدللّٰہ ٹھیک ہوگیا ہے تو میرے والد صاحب سینہ چوڑا کر کے مونچھو ں کو تاؤ لگا کر بولے جناب آج میرے منڈے دی بارات ہے آج می جوان ہوگیا ہوں اب مجھے کوئی کمر درد نہیں ہے ان کی بات سن کر سٹیج پر بیٹھے سبھی لوگ خوب قہقہ لگا کر ہنسے اور کچھ نے والد صاحب کی بات کی تائید بھی کی کہہ ایک باپ کے لئے اس دن کی خوشی سے بڑی اور کیا خوشی ہو سکتی ہے
یہ تھا میرے والد کا پیار اور جزبہ میرے لئے جو ہر باپ کا اپنی اولاد کے لئے ایسا ہی ہوتا ہے لیکن کیا ہم اپنے والد کے بڑھاپے کے حقوق پورے کرتے ہیں یا کہ صرف فادر ڈے پر سوشل میڈیا کی پوسٹ کر کے ہی سمجھتے ہیں ہم نے والد صاحب کے پیار کا حق ادا کر دیا۔ والد کا پیار کیا ہوتا اور والد کی کمی کتنی محسوس ہوتی اگر یہ دیکھنا ہے تو مغربی ممالک جہاں پر پیدا ہونے والے بچوں کو اپنے باپ کے بارے میں معلوم ہی نہیں ہوتا ان سے باپ کی قدر پوچھیں وہ باپ کی کمی محسوس کرتے کسی باپ بیٹے کو آپس میں پیار کرتے دیکھ کر وہ کس کرب سے گزرتے لبھی محسوس کرنا آج اگر مغرب کی بات کریں تو فادر ڈے انہیں کا بنایا ہوا دن ہے اور وہ لوگ مدرے ڈے کی بنسبت فادر ڈے کو زیادہ بھر پور طریقہ سے مناتے والدہ کا رشتہ بہت مقدس رشتہ ہوتا ہے باپ اپنی اولاد کا مقدس محافظ ہوتا ہے ہماری بھی یہ زمہ داری ہے کہہ اپنے وقت میں سے کچھ وقت اپنے والدین کے پاس بیٹھا کریں ان سے بات چیت کیا کریں اور ان کی ہدایات پر سوفیصد عمل کریں والدین کی ہر ضرورت اور آسائش کا خیال رکھا کریں خاص طور پر جب والدین بڑھاپے میں پہنچ جائیں۔ان سے نرمی پیار اور محبت سے پیش آئیں۔ ۔ ان کی بھرپور جتنی زیادہ سے زیادہ ہوسکے خدمت کریں۔ اللہ پاک جن کے والدین دنیا میں موجود ہیں ان کو اپنے والدین کی خدمت کر کے جنت کمانے کی توفیق عطا فرماۓ اور جن کے والدین وفات پاگے ہیں وہ ان کی وفات کے بعد ان کے ایصال ثواب کیلئے وقتاً فو قتاً دعائے مغفرت و رحمت کا اہتمام کرنے ان کی قبروں پر حاضری دینے اور فاتحہ خانی کی توفیق عطا فرماۓ آمین ثمہ آمین

اپنی دعاؤں میں یاد رکھیں اللہ ہم سب کا حامی وناصر ہو آمین ثمہ آمین

@ChAttaMuhNatt

انصاف کے معنی کچھ یوں ہیں کہ کسی چیز کا فیصلہ کرتے وقت اس کے اصل حقدار کو اس کا پورا حق دینا۔ یا یوں کہیں کہ کسی فرد کے ساتھ کسی دوسرے فرد یا گروہ کی جانب سے زیادتی کا نشانہ بننے والے کو اس کا حق یعنی انصاف دیا جائے۔

اللّٰہ پاک کا ارشاد ہے:
"اور جب لوگوں میں فیصلہ کرنے لگو تو انصاف سے فیصلہ کیا کرو، اللّٰہ تمہیں خوب نصیحت کرتا ہے، بےشک اللّٰہ سنتا (اور) جانتا ہے”
(النساء 58)

اس آیت سے انصاف کی اہمیت کا باخوبی اندازہ لگایا جاسکتا ہے کہ کس قدر اللّٰہ پاک نے انصاف کا حکم دیا ہے۔ وہ لوگ جو دوسروں کے ساتھ زیادتی کرتے ہیں اور انہیں انصاف نہیں دیتے بےشک ان کے لیے اللّٰہ کے ہاں سخت سزا موجود ہے۔

لیکن یہاں ایک سوال یہ اٹھتا ہے کہ کیا ہمارے ملک میں امیر اور غریب کے لیے انصاف کا ترازو ایک ہے؟ تو جناب جواب صاف ہے "نہیں”۔ بدقسمتی سے ہمارے ملک میں انصاف کے حوالے سے حالت بہت بگڑی ہوئی ہے۔ یہاں انصاف صرف دو قسم کے لوگوں کو ہی آسانی سے ملتا ہے۔

ایک وہ جو بہت ہی بااثر لوگ ہوں، جو اپنے زور پہ اپنا حق لینا جانتے ہوں یا دوسرا وہ لوگ جن کا تعلق اچھے خاصے امیر خاندانوں سے ہو جو انصاف لینے کے لیے اگر اپنا پیسہ پانی کی طرح بہا بھی دیں تو کیا فرق پڑتا ہے۔ پھر پیچھے بچتی ہے بیچاری غریب عوام، جو خود سے زیادتی ہونے کے بعد انصاف کی طلب کے لیے ساری زندگی انتظار کرتے کرتے بڑھاپے تک کو پہنچ جاتے ہیں۔ لیکن انہیں انصاف نہیں ملتا۔

اب تک بہت سی حکومتیں آئیں اور چلی گئیں پر کسی نے بھی ملک کے عدالتی نظام پر توجہ نا دی بلکہ اس ادارے کو اپنے اپنے مقصد کے لیے جس قدر ہوسکا استعمال کیا۔ لیکن اب جب عمران خان کی حکومت آئی ہے تو غریبوں نے بھی ایک آس لگائی ہے کہ شاید اب ہی عدالتی نظام بہتر ہوجائے گا اور انہیں بھی انصاف ملا کرے گا۔

لیکن وہ یہ نہیں سمجھ پا رہے کہ جس طرح عدالتی نظام کو بگاڑنے میں سالوں سال لگائے گئے ہیں اسی طرح اس کو سنوارنے میں چند سال تو درکار ہونگے۔ لیکن انشاء اللہ ہم وہ وقت بھی دیکھیں گے جب امیر اور غریب کے لیے قانون ایک ہوگا۔

@SeharSulehri