Category: بلاگ

بچے پھول کی مانند ہوتے ہیں تمام والدین پر فرض ہے بچوں کی اچھی تربیت کرنا۔ایک کہاوت ہے جیسا کرو گے ویسا بھرو گئے۔یہ کہاوت ویسے تو ہر جگہ فیٹ ہو جاتی ہے ۔مگر یہ خاص طور پر والدین کے لیے ہے۔

مطلب اپنے بچوں کو جو سکھاو گے وہی اپنے بڑھاپے میں پاو گے۔کل کے کالم میں بات ہوتی تھی۔کہ کس طرح ہم اپنے بچوں کو ایک کامیاب انسان بنا سکتے ہیں۔ بچوں کے بچپن سے ہی ہمیں کیا کرنا چاہیے۔اور ہمیں اپنے بچوں کے معصوم دماغوں میں کیا ڈالنا چاہئے۔ قارئین سے گزارش ہے کہ کل والے کالم کو ضرور پڑھیں۔

آج ہم کچھ اور باتیں سیکھیں گے جو بڑتی عمر کے ساتھ ساتھ بچوں کے لیے بہت ضروری ہیں ایک بات یاد رکھ لیں کہ بچے 70% سے 80% باتیں دیکھ اور سن کر سیکھتے ہیں اس لیے اپنے گھر کا ماحول ہر وقت خوشگوار رکھیں۔

بچوں کے سامنے آپ جو بھی عمل کرتے ہیں بچے آپ کے سامنے کریں یا نہ کریں مگر وہ تنہائی میں اس کی پریکٹس ضرور کرتے ہیں۔ مثال کے تور پر آپ بچوں کے سامنے سگریٹ، پان، گٹکا، یا نسوار کھاتے ہیں تو بچے بھی اکیلے میں وہی کھا رہے ہوتے ہیں۔

اور اگر آپ بچوں کے سامنے نماز روضہ کرتے ہیں صبح سویرے آٹھ کر قرآن مجید پڑھتے ہیں تو یقین کریں بچے بھی آپ کے ساتھ ساتھ بلکل ویسے ہی پڑھنے کی کوشش کرتے ہیں۔

اگر تو آپ اپنے بچوں کو ایک کامیاب انسان بنانا چاہتے ہیں تو اپنے بچوں کی اچھی تربیت کریں اچھی تربیت سے آپ کی نسلیں سنور جائیں گی

بچوں کو نصیحت کرتے وقت کوشش کریں اسے عمل کر کے دیکھائیں اپنے گھروں میں گالم گلوچ سے پرہیز کریں اور بچوں کے سامنے تو بلکل بھی نہ کریں۔
آچھی تربیت کے ساتھ بچوں کو دینی اور دنیاوی تعلیم بھی دلوائیں
دینی تعلیم ہمیں ہمارے رب سے ملواتی ہے تو دنیاوی تعلیم سے انسان شعور سیکھتا ہے۔

نماز اور قرآن مجید خود بھی بڑھائیں اور بچوں کو بھی ضرور پڑھیں بچوں کو سمجھائیں ہمارے دین اسلام میں غلط کام کرنا کتنا بڑا گناہ ہے ۔اپنے پیارے نبی ﷺ کی زندگی کے بارے میں زیادہ سے زیادہ بتائیں۔میں اگر اپنا اکسپیرنس شیئر کروں تو میری سب سے چھوٹی بیٹی اس وقت چار سال کی ہونے والی ہے ۔آپ یقین کریں گے اسے چھ کلمے۔سورہ فاتحہ۔سورہ ناس۔سورہ اخلاص۔کے ساتھ ساتھ اسے پتہ ہے ہمارے پہلے نبی کون تھے اور آخری نبی کون ہیں وہ کہاں پیدا ہوئے ان کی زبان کون سی تھی ان کا روضہ مبارک کہاں پر ہے۔ہم کون ہیں۔ہمارا مذہب کیا ہے۔مسلمان سال میں کتنی عیدیں مناتے ہیں۔بسمہ اللہ کو کیا کہتے ہیں۔ ایسی بہت سی اور چیزیں ہیں جو اسے پتہ ہیں الحمدللہ۔

یہ سب کچھ اس نے زبانی یاد کیا ہوا ہے۔ مگر یہ ممکن کیسے ہوا۔ دراصل میری عادت ہے اپنے بچوں کو صبح صبح ہی اپنے موبائل میں لگا کر دے دیتا ہوں پہلے کلمے سونتے اور پڑھتے ہیں پھر چاروں قل سنتے ہیں ماشاءاللہ سن سن کر انہوں نے یاد کر لیے ہیں۔

آپ کوشش کریں کہ بچوں کو الیکٹرانک میڈیا سے دور رکھیں۔
اپنے موبائل یا لیپ ٹاپ پے اگر کچھ لگا کر دیں تو اپنے بچوں کے پاس ہی رہیں۔

اللہ پاک ہم سب کو سمجھ کر عمل کرنے کی توفیق عطا فرمائیں۔
آمین ثم امین ۔

@No1Hasham

کرونا وائرس (کووڈ-19) پوری دنیا کے لیے ایک انتہائی مہلک اور جان لیوا وبائی بیماری ثابت ہوئی ہے۔ اِس وبائی بیماری سے متاثرہ چند افراد دسمبر 2019 میں جب چین کے ایک صوبے ووہان میں سامنے آئے، تب کسی کے وہم و گمان میں بھی یہ نہیں تھا کہ یہ وبائی بیماری اتنے لمبے عرصے تک پوری دنیا کو اپنی لپیٹ میں لے لے گی۔

اور اب تک آج جب میں یہ کالم لکھ رہا ہوں اِس کرونا وائرس نامی وبائی بیماری کو تقریباً دو سال پورے ہونے کو ہیں لیکن ابھی تک اس کے مکمل طور پہ ختم ہو جانے کی کوئی مثبت اور حوصلہ افزا امید نظر نہیں آ رہی ہے۔

تاہم پوری دنیا سے بہت سارے سائنسدانوں کی دن رات کی محنت اور کوششوں سے اب پوری دنیا میں عالمی ادارہ صحت کی جانب سے منظور شدہ متعدد ویکسینز عوام الناس کے لیے استعمال کی جا رہی ہیں۔ عالمی ادارہ صحت کے مطابق اب پوری دنیا میں 13 مختلف ویکسینز استعمال کی جا رہی ہیں، جن کی کم از کم دو خوراکیں یا پھر زیادہ سے زیادہ تین خوراکیں (تاہم ضرورت پڑنے پہ ڈاکٹرز کے مشورے سے اس سے زیادہ بھی دی جا سکتی ہیں) لوگوں کو کچھ دنوں کے وقفے کے بعد دی جا رہی ہیں۔ جن میں سے چند کی تفصیل درج ذیل ہے۔

اِن میں سب سے پہلی ویکسین جو 2020 کے آخر میں جرمنی کے شہر مینز میں واقع بائیو ٹیک نامی کمپنی کے دو ڈاکٹرز جن میں 55 سالہ اوگور ساہین اور 53 سالہ اوزیلیم توریسی (جوکہ اصل میں خاوند اور بیوی بھی ہیں) اور ان کی ٹیم نے فائزر کے نام سے ایک ویکسین تیار کرلی تھی۔ جسے تب عالمی ادارہ صحت کی جانب سے بھی کرونا وائرس کے خلاف 90٪ تک مؤثر قرار دے دیا گیا تھا اور اس کا پہلا تجربہ انگلینڈ میں ایک 91 سالہ خاتون جس کا نام مارگریٹ کیینن ہے، کو 8 دسمبر 2020 کو انجیکشن کے ذریعے پہلی خوراک دے کر کیا گیا تھا۔

پھر اُس کے بعد آسٹرزینیکا/اے زیڈ ڈی 1222 نامی ویکسین جسے آسٹرزینیکا /آکسفورڈ اور اسٹیٹ انسٹی ٹیوٹ آف انڈیا اور ایس کے بایو نے تیار کیا تھا، اور جس کو عالمی ادارہ صحت کی جانب سے 16 فروری 2021 کو عوام الناس کو دینے کی منظوری بھی دے دی گئی تھی.

پھر ایک اور مشہور سینوفرم نامی ویکسین جس کو چین نیشنل بائیوٹیک گروپ (سی این بی جی) کے ماتحت ایک ادارہ ہے، جسے بیجنگ بائیو انسٹیٹیوٹ آف بائیولوجی پراڈکٹ کمپنی لمیٹڈ نے تیار کیا ہے۔ اور جسے عالمی ادارہ صحت کی جانب سے 7 مئی 2021 کو عوام الناس کو دینے کی منظوری بھی دے دی گئی تھی.

اب تک اگر پوری دنیا کی بات کریں تو عالمی ادارہ صحت کے مطابق آج بتاریخ 28 جولائی 2021 تک کُل تین ارب بیاسی کروڑ ننانوے لاکھ پینتیس ہزار سات سو بہتر ویکسین کی خوراکیں لوگوں کو دی جا چکی ہیں۔

جن میں سے امریکہ میں دی جانے والی اب تک کل تعداد چونتیس کروڑ چودہ لاکھ انتیس ہزار چھ سو چھیانوے ہے، روس میں دی جانے والی اب تک کی کل تعداد پانچ کروڑ ستائیس لاکھ بیاسی ہزار آٹھ سو اٹھاسی ہے، انگلینڈ میں دی جانے والی اب تک کی کل تعداد آٹھ کروڑ چوبیس لاکھ تیرا ہزار سات سو چھیاسٹھ ہے، بھارت میں دی جانے والی اب تک کی کل تعداد پینتالیس کروڑ انیس لاکھ بارہ ہزار تین سو پچانوے ہے اور برازیل میں دی جانے والی اب تک کی کل تعداد بارہ کروڑ بتیس لاکھ اکانوے ہزار چھ سو دس ہے۔
جبکہ پاکستان میں این سی او سی کے مطابق دی جانے والی اب تک کی کل تعداد آج بتاریخ 28 جولائی 2021 تک دو کروڑ اٹھہتر لاکھ پچھتر ہزار نو سو ننانوے ہے۔ جن میں سے وہ جن کی ویکسین کی خوراکیں مکمل ہو چکی ہیں ان کی کل تعداد انسٹھ لاکھ سات ہزار نو سو انتیس ہے، جبکہ وہ جن کو اب تک ویکسین کی کم از کم ایک خوراک دی جا چکی ہے ان کی کل تعداد دو کروڑ انیس لاکھ اڑسٹھ ہزار ستر ہے۔

اور اب روزانہ کی بنیاد پہ لوگوں کا ویکسین کی خوراکیں لینے والوں میں بھی بڑی حد تک اضافہ دیکھنے میں آ رہا ہے۔ جیساکہ این سی او سی کے مطابق آج کے دن بتاریخ 28 جولائی 2021 کو پچھلے چوبیس گھنٹوں میں آٹھ لاکھ انچاس ہزار چھ سو چونتیس لوگوں کو ویکسین کی خوراکیں دی گئی ہیں۔ جو کہ ایک بہت بڑی اور حوصلہ افزا تعداد ہے۔

کیونکہ پچھلے دِنوں پاکستان اور کئی دوسرے ممالک میں بھی کرونا کی ویکسین کے متعلق بہت سی افواہیں گردش کرتی رہی ہیں۔ کہ جو ویکسین کی خوراکیں لیں گے وہ خدانخواستہ بانجھ ہونا شروع ہو جائیں گے یا پھر وہ لوگ ایک، دو یا چند سالوں کے بعد مرنا شروع ہو جائیں گے اور اِن میں سے ایک خبر جو کہ کسی سائنسدان سے منسوب کی جارہی تھی جو میں نے بھی ایک اخبار کے تراشے پہ پڑھی وہ یہ تھی کہ ویکسین لگوانے کے بعد لوگ مگرمچھ بن جائیں گے، جوکہ انتہائی غیر فطری اور سراسر جھوٹ پہ مبنی بات ہے۔

ایسے عناصر اور اخبارات و رسائل جو ایسی بے بنیاد، من گھڑت اور جھوٹی خبریں پھیلا رہے ہیں، حکومت کو چاہیے کہ اُن کے خلاف سخت سے سخت کاروائی عمل میں لائی جائے۔ تاکہ عوام میں کرونا ویکسین لینے کے متعلق پائے جانے والے شکوک و شبہات ختم ہو سکیں اور تاکہ اس سے عوام میں یہ پیغام بھی جائے کہ کرونا ویکسین کی خوراکیں لینا انتہائی اہم اور ضروری ہے۔

اور اب آخر میں! میں یہ کہوں گا کہ میرے پاکستانیوں جیساکہ ہم سب جانتے ہیں کہ پوری دنیا میں اِس کرونا وائرس نامی وبائی بیماری نے اب تک لاکھوں کی تعداد میں لوگوں کی جان لے لی ہے۔ تو اِس کے پھیلاؤں کو روکنے اور خود کو اس سے بچانے کے لیے ضروری ہے کہ ہم سب جلد از جلد حکومت کی طرف سے عوام کی حفاظت کی خاطر دی جانے والی ویکسین کی خوراکیں لازمی لیں اور ایک ذمہ دار شہری ہونے کا ثبوت دیں، تاکہ ہم خود کو اور اپنے پیاروں کو بھی اِس مہلک وبائی بیماری سے بچا سکیں۔

اللہ تعالی ہم سب کا حامی و ناصر ہو۔

وآخر دعونا أن الحمدلله رب العالمين

دُعاؤں میں یاد رکھیے گا۔ شکریہ

– Twitter Handle: @MainBhiHoonPAK

آج کے ظالم دور میں انسان کو ہر طرف سے اذیت ملتی ہے شاید نصف سے زیادہ انسان ہر وقت کسی نہ کسی دکھ کا شکار ہوتے ہیں ہر انسان کو کبھی نہ کبھی دکھ ملتا ہی رہتا ہے لیکن کیا وہ ان دکھوں کے سہارے زندگی گزارے؟ ہرگز نہیں
جہاں انسان کو تکلیف ملتی ہے وہیں اللہ تعالیٰ اسے خوشی سے بھی نوازتا ہے آج اس تحریر میں زندگی میں ملنے والے دکھ اور اس کے مقابلے میں ملنے والی چھوٹی چھوٹی خوشیوں پر بات کریں گے

انسان بعض اوقات کسی شخص کے قریب چلا جاتا ہے لیکن اس نے بالآخر اس سے دور ہو جانا ہوتا ہے وقتی طور پر یہ دکھ شاید دل چیر کر رکھ دینے والا ہو لیکن اگر اسے مثبت لیا جائے تو یہ آپ کی سب سے بڑی خوشی بن سکتا ہے کیوں کہ ہر کسی کی زندگی میں آپ کی جگہ نہیں ہوتی اگر آپ زبردستی کسی کی زندگی میں رہنا چاہیں تو وہ نہ صرف آپ کے لیے دکھ ہو گا بلکہ اس کے لیے بھی جس کی زندگی میں آپ ہیں لہذا اگر آپ کسی سے دور ہوتے ہیں تو اسے خوشی میں بدل کر دیکھیں ہاں مشکل ضرور ہے لیکن نا ممکن نہیں ہے اس لیے دکھ کو خوشی میں بدل دیں

بعض اوقات انسان دکھ کے طوفانوں میں گھر جاتا ہے لیکن یہ دکھ اور تکالیف عارضی ہوتی ہیں یہ دکھ آپ کو اللہ تعالیٰ کی راہ پر لے آتے آپ اللہ تعالیٰ کے قریب ہو جاتے ہو اس سے بڑی رحمت کیا ہو گی کہ آپ اللہ تعالیٰ کے قریب ہو گئے

بعض اوقات انسان کو دھوکہ کھانا پڑتا ہے دھوکہ آپ کو زندگی کے کسی بھی مرحلے اور زندگی کے کسی بھی لمحے مل سکتا ہے اس وقت آپ کو دکھ پہنچتا ہے لیکن آگے چل کر یہ آپ کو مضبوط انسان بناتا ہے کیوں کہ تب آپ ہر کسی پر یقین نہیں کر سکتے آپ کو معلوم ہوتا ہے کہ دنیا جیسی نظر آتی ہے اس طرح ہوتی نہیں

بعض اوقات انسان کو منافقت کا سامنا کرنا پڑتا ہے یہ وقت انسان کے لیے مشکل ہوتا ہے اپنے پرائے کی پہچان مشکل ہو جاتی ہے لیکن جب آپ اس وقت سے نکل آتے ہیں تو آپ کھرے کھوٹے کی پہچان کر سکتے یہ زندگی میں آپ کے لیے خوشی کا باعث بنتا ہے

بعض اوقات انسان دنیا کو سمجھنے میں غلطی کرتا ہے وہ اس قدر معصوم ہوتا ہے کہ اسے لگتا ہے سب اس جیسے ہیں لیکن اس کی یہ غلط فہمی لوگ دور کر دیتے ہیں لوگ اسے توڑ دیتے ہیں لیکن ٹوٹنے کے بعد وہ حوصلہ کرے تو جڑ جاتا ہے اور ایک مضبوط انسان بن کر ابھرتا ہےیہ مضبوطی اس کے لیے سب سے بڑی خوشی ہوتی ہے

انسان سب سے زیادہ اپنوں کے ہاتھوں ٹوٹ جاتا انسان جسے اپنا مانتا ہے اس کا احترام ٹوٹ کر کرتا ہے دوسرے الفاظ میں انسان خود کو توڑ کر اپنوں کو جوڑتا ہے اس سے اس کی انا کو ٹھیس ضرور پہنچتی ہے لیکن اس سے اس کی خوشی میں اضافہ ہوتا جاتا ہے

انسان بعض اوقات ایسی حالت میں ہوتا ہے کہ اس کا ہر ارادہ ٹوٹ رہا ہوتا ہے اور یہ اسے شدید دکھ میں مبتلا کر دیتا ہے لیکن بعد میں اس پر ظاہر ہوتا ہے کہ اللہ تعالیٰ نے اسے اس سے بہتر دیا جو وہ چاہتا تھا اللہ تعالیٰ انسان کو ہمیشہ خوشیاں عطاء کرتا ہے انسان کو چاہیے ان خوشیوں کو اکٹھا کرتا جاۓ

انسان دنیا سے لڑتا رہتا ہے آخر پر اسے پتا چلتا ہے کہ دنیا میں دکھ تو ہیں لیکن اگر چھوٹی چھوٹی خوشیوں کو وہ جمع کرتا رہے تو اس کے دکھوں کا مداوا ممکن ہے وہ ان غموں کی بجائے نئے سرے سے اپنی زندگی کو چھوٹی چھوٹی خوشیوں سے بھرتا جاۓ تو اس کی زندگی بہتر سے بہترین ہو جائے گی