Category: بلاگ

خلشوہ ایک عام دن تھا
مگر نہیں وہ عام دن نہ تھا کیوں کہ بعض اوقات عام دن بالکل بھی عام نہیں رہتے وہ زندگی کی چھوٹی چھوٹی خواہشوں کی تکمیل سے خاص ہو جاتے ہیں۔ انعم کے لیے بھی وہ بہت خاص دن تھا کیوں کہ اس کے ابّو نے اس کے لیے دوبئی سے تحائف بھیجے تھے اگرچہ ان تحائف میں کچھ خاص نہ تھا مگر لفظ تحفہ ہی بذات خود ایک خاص لفظ اور احساس کا نام ہے اور پھر وہ خاص کیوں نہ ہوتے ؟ جو ابّو نے ان کے لیے بہت پیار سے بھیجے تھے جو اس کے لیے پیار اور خلوص کے مجسم شکل تھے۔ انعم نے ڈبّے کھول کر دیکھے تو اس میں ایک گھڑی ، چوکلیٹ کا ڈبّہ اور خوب صورت عبایا تھا۔نعم نے عبایا کھول کر دیکھا تو اسے پسندیدگی کی سند اس کی خوشی اور آنکھوں کی چمک نے عطاکی۔ سیاہ رنگ کا خوبصورت عبایا جس پر جھل مل کرتی خوبصورت موتیاں ٹکی تھیں اور اس کے ساتھ عربی طرز پر ڈئزائن کردہ خوب صورت اسکارف۔ انعم نے عبایا کی خوشی میں اپنی پسندیدہ فلیور کے چوکلیٹ بھی نظر انداز کردئیے۔
٭٭٭٭٭٭٭٭٭٭
امّی یہ عبایا کتنا خوب صورت ہے ناں؟ کتنے کا ہوگا؟ مجھ پر اچھا لگے گا ناں ؟ اس قسم کے سوالات سے جب امی کے کان پک گئے تو اس نے ڈانٹ کر کہا ؛
نادیدی ! کوئی نئی چیز کھبی نہیں دیکھی کیا جو یوں شور مچا رہی ہوں ۔ جاؤ دفع ہوجاؤ۔۔۔۔پتہ نہیں کس پر گئی ہے آخر اس کا بچپنا کب ختم ہوگا یہ بڑبڑاتے ہوئے وہ کچن میں چلی گئی اور انعم پیر پٹخ کر کمرے میں۔
٭٭٭٭٭٭٭
وہ کالج جانے کے لیے تیار تھی۔ نیا عبایا اور عریبک اسکارف میں وہ ایسی خوش ہو رہی تھی جیسے بچپن میں من پسند کھلونا ملنے پر خوش ہوتی۔ کلائی پر نازک گھڑی پہن کر وہ سوچ رہی تھی کہ کالج میں دوستوں کے ساتھ ڈسکس کرنے کے لیے اچھا موضوع ہاتھ لگا ہے۔ یہ سوچ کر وہ اپنے آپ مسکرا دی۔ آخر اس نے قدِ آدم آئینے میں اپنا ناقدانہ جائزہ لیا اور کمرے سے باہر نکلی۔
٭٭٭٭٭٭٭٭
وہ کندھے پر بستہ لٹکائے رجسٹر ہاتھ میں پکڑے بے چینی سے صحن میں ادھرسے اُدھرٹہل رہی تھی۔ انتظار کرتے کرتے تھک گئی کہ کب اسد بھائی اٹھ جائے اور اسے یہ نیا upGet دکھایا جائے اور ساتھ میں وہ کالج بھی ڈراپ کرےمگر نہیں وہ گدھے گھوڑے بیچ کر خواب خرگوش کے مزے لے رہا تھا۔ انعم بیچاری امّی سے بھی پوچھ پوچھ کر تھک گئی۔
” بھائی اٹھا کے نہیں ؟”
"آخر یہ کب اٹھے گا؟”
مگر ہنوز سو رہا ہے کہ رپلائی سے تنگ آکر اس نے اکیلے کالج جانے کا فیصلہ کیا ۔ وہ پہلے ہی لیٹ ہوئی تھی اور اب مزید دیر ہورہی تھی ۔سو اسد کا مزید انتظار کرنا بیکار تھا۔
٭٭٭٭٭٭٭
پورے بیس منٹ بعدوہ ہانپتے کانپتےِارم کے گھر پہنچ گئی۔ مگر یہ کیا ؟ "یار میں آج نہیں جاسکتی بخار ہے مجھے ہو سکتا ہے کل بھی نہ جا سکوں پلیز میرا اپلی کیشن دے دینا”
ارم نے سُتے ہوئے چہرے اور نقاہت سے کہا ۔
"تواس کا مطلب ہے آج مجھے پھر اکیلے جانا پڑے گا ” انعم نے قدرے مایوسی سے کہا،
اس کے بعد ارم نے روئے سخن انعم کی گھڑی اور عبایا کی طرف پھیر دیا۔جس پر گھنٹہ بھر بحث متوقع تھی مگر انعم کوکالج کے لیے دیر ہو رہی تھی لہٰذا دونوں کا بحث طول نہ پکڑ سکا۔ جونہی انعم کی نظر گھڑی پر پڑی: "اوہ خدایا ! آج پھر میڈم سے ڈانٹ پڑے گی "کہہ کر دروازے کی طرف بھاگی۔ ٭٭٭٭٭٭٭
انعم کے گھر سے نکلنے کے بعد اسد اٹھا ۔ فریش ہو کر ناشتہ کرنے لگا۔ ادھر اُدھر نظر دوڑا کر انعم کو تلاش کیا مگر نا پا کر امی سےکہا:
"امّی انعم سے کہیں میں اسے کالج چھوڑ آتا ہوں جلدی کرے۔
"وہ تو چلی گئی مگر تم جاؤ تمھیں دیر ہو رہی ہے”
امی نے ناشتے کے برتن اٹھاتے ہوئے کہا ۔
٭٭٭٭٭٭٭
اسد جیسے ہی گھر سےنکلا راستے میں دانیال ملا۔ دانیال اسد کے بچپن کا ساتھی اور پڑوسی ہونے کے ساتھ یو نیورسٹی فیلو بھی تھا۔ دونوں رنگین مزاجی میں ایک سے بڑھ کر ایک تھے یہی وجہ تھی کہ دونوں کی خوب بنتی تھی۔ کالج روڈ پرپر چلتے چلتے انھیں ایک لڑکی نظر آئی۔ دانیال نے باچھیں کھول کر لڑکی کوایکسرے نظروں سے دیکھنا شروع کیا ۔وہ اس قسم کے حرکات کے لیے مشہور بلکہ بدنام تھا۔ اور یہ سچ ہے کہ خربوزے کو دیکھ کر خربوزہ رنگ پکڑتا ہے۔ دانیال کی صحبت کا یہ رنگ تیزی سے اسد پر بھی چڑنے لگا تھا۔ دونوں لڑکی کے پیچھے گز بھر کا فاصلہ رکھ کر چل رہے تھے کہ دانیال نے فقرے کسنا شروع کیے:
"اااااےےےے سن تو! بھاگ کیوں رہی ہوں؟آرام سے ! ہم کھا تو نہیں جائیں گے”
اور پھر بیہودگی سے قہقہہ لگایا ۔
انعم نے خوف کے مارے اور بھی تیز تیز چلنا شروع کیا۔ جیسے جیسے وہ دوڑنے کے انداز میں قدم اٹھاتی دونوں بھی تھوڑا فاصلہ رکھ کر چلنے لگے۔ بدقسمتی سے سڑک پر سکول کے بچّوں کے علاہ کوئی نہیں تھا جس سے انعم مدد مانگتی۔ اس کے کانوں میں دونوں کے شوخ اور بے باک فقرے اور سیٹیوں کی آوازیں آ رہی تھیں اس وقت اسے اپنا آپ بہت بے بس محسوس ہوا مگر وہ کچھ بھی کرنے سے قاصر تھی۔
"کیوں ہم بیچاروں پر بجلی گرا رہی ہوں۔ زرا سن تو سہی۔۔۔۔”
دونوں کچھ اور قریب ہوئے تھے کہ اسد نے ایک چُبھتا ہوا فقرہ کَسا۔
انعم کو آواز کچھ مانوس معلوم ہوئی تو پیچھے مُڑ کر دیکھا ۔ اس کے پیچھے دانیال تھا اور ساتھ میں اسد ، اس کا بھائی!
اس کا دل دھک سے رہ گیا ۔ وہ محاورۃً نہیں حقیقتاً پتھر کی ہوگئی اور صرف اتنا کہہ پائی؛
بھائی آآآآآپ۔۔۔ اس کے پاس کہنے کو کچھ بچا ہی نہ تھا نہ گالی ، نہ بحث ، نہ ڈانٹ کچھ بھی نہیں۔ وہ صرف پھٹی پھٹی آنکھوں سے اسد کو دیکھنے لگی۔
آ آ نعم م م تم ۔۔۔۔۔۔ وہ میں سمجھا۔
اسد کی زبان لڑکھڑانے لگی ، اس کے الفاظ اس کا ساتھ نہیں دے رہے تھے۔ جبکہ دانیال تو بیچ سے اس وقت کسک گیا جب انعم نے پیچھے مُڑ کر دیکھا ، جب اسد کے چلتے قدم رک گئے ، اور جب انعم نے ” بھائی آپ” کے الفاظ کہے۔
” وہ تمھارا گاؤن تو گرے کلر کا تھا یہ وہ میں سمجھا کہ۔۔۔”اسد کچھ بے ربط وضاحتیں دینے لگا مگر انعم کے کانوں میں سائیں سائیں ہو رہا تھا اسے کچھ سنائی دے رہا تھا نہ کچھ دکھائی ۔اسد کے جملے اس کے کانوں میں صدائے بازگشت کی طرح سنائی دے رہے تھے ۔ بے آواز آنسوں اس کے آنکھوں سے بہہ کر نقاب میں جذب ہو رہے تھے۔ اسے خود سے گن آنے لگی ۔ اسے ماحول سے کراہت محسوس ہونے لگی۔ وہ اس ماحول اور ان نا زیبا جملوں سے فرار چاہتی تھی جو اس کی دماغ پر ہتھوڑے کی طرح برس رہے تھے۔ وہ بے جان قدموں سے کالج جانے کی بجائے گھر کی طرف واپس موڑ گئی۔چلتے ہوئے اسے دل میں بہت چھبن محسوس ہو رہی تھی مگر یہ چبھن وقتی نہیں بلکہ عمر بھر کے لیے تھی کیوں کہ اس کا مان ، یقین ، اعتبار ، فخر اور نہ جانے کیا کیا سراب بن گیا تھا۔ اور اب شاید زندگی بھر اسے اس کسک اور چبھن کے ساتھ جینا تھا کیوں کہ گھر کے محافظ ہی لٹیرے نکلے تھے۔
؎ وہ ڈاکا ڈالنے آئے تھے مرے گھر اک رات
میں معاف کرتی اگر چہرے اجنبی ہوتے
٭٭٭٭٭٭٭

‏”بســم اللّٰـہ الرحمٰـن الرحـیم”
میری یہ تحریر اپ میں سے کس کس کو پہنچے گی یہ تو مجھے پتا نہیں کیونکہ کوئی ویڈیوز دیکھ رہا ہوگا کوئی گیم میں مصروف ہوگا تو کوئی دوستوں سے چیٹ میں مصروف ہوگا تو کوئی کمنٹوں میں مصروف ہوگا مگر پھر بھی جنکو یہ مضمون ملے تو ایک بار ضرور پڑھیں کیونکہ اس مضمون کا تعلق براہ راست اپ کی زندگی سے ہے اج ہمارے معاشرے میں موبائل فون نے نوجوانوں کے مستقبل کو داؤ پر لگا دیا۔
جی ہاں!ہم پاکستان کی وہ پہلی نوجوان نسل ہیں جن کو اسمارٹ فون اور سستا انٹرنیٹ ملا ہوا ہے ہم سے پہلے لوگوں میں نا اتنے موبائل فون تھے اور نا اتنا انٹرنیٹ تھا۔
اِس موبائل فون پر ہم روانہ گھنٹوں صرف کرتے ہیں۔ہم سے بیشتر اگر موبائل فون کے سکرین پر صرف کیے جانے والے وقت کا جائزہ لیں تو روزانہ کے حساب سے تقریباً ہر جوان پانچ سے سات گھنٹے موبائل کا استعمال کرتا ہوگا یہ انتہائی قیمتی وقت ہماری حالت بیداری کا ایک تہائی حصہ ہم موبائل کی سکرین پر لگا لیتے ہیں ۔کسی بھی دوسری منشیات کی طرف یہ موبائل کی لت بھی ہماری زندگی کت کافی حصہ کو کھاتی جارہی ہے۔
اگر ہم اسکو اوسطاً ساٹھ سال کے ادمی کی زندگی پر حساب جر تو تقریباً اٹھارہ سال اس کی زندگی سے وہ موبائل فون نے کھالیں ۔
اس میں کوئی شک نہیں کہ موبائل ہماری زندگی کا حصہ بن چکا ہے چاہ کر بھی ہم اسے خود سے جدا نہیں کر سکتے مگر اصل مسئلہ تب ہے جب یہ ہماری رادت بن جائے اسکا پہلہ نقصان تو وقت کی بربادی ہے اگر یہ وقت ہم بچا کر کسی دوسرے نفع بخش کاموں میں لگا لیں مسئلہ مطالعہ میں ورزش میں یا کوئی ہنر سیکھنے میں تلاوت میں یا اِس اور کسی فائدے والے کام میں۔ یا کوئی علم سیکھنے میں تو ہم کہاں سے کہاں پہنچ جاتے۔
دوسرا بڑا نقصان اسکا یہ ہے۔کہ موبائل فون پر بیکار اشیاء کے دیکھنے سے اپکی قوت مدرکہ(حافظہ) بڑی متاثر ہوتی ہے ہمارے دماغ کے دو حصے ہیں ایک جذباتی دوسرا ادراکی- صحت مند دماغ وہی ہوتا ہے جس کے دونوں حصے کام کرنے میں تیز ہو ۔لیکن جب ہم بیکار اشیاء دیکھتے ہیں تو اس سے ہماری قوت مدرکہ متاثر ہوتی ہیں اور پھر رفتہ رفتہ وہ بہت کمزور ہوجاتی ہے جس کی وجہ سے پھر ہم مختلف نقطہ نگاہ کو نہیں سمجھ پاتے۔زندگی میں پیش انے والے مختلف حالات کو سمجھنے اور برتنے کی طاقت پھر ہم میں نہیں ہوگی مختلف حالات کی درست تشخص اور حالات کے مطابق فیصلہ کرنے کی صلاحیت پھر ہم میں نہیں ہوگی
یہی موبائل کے وہ نقصانات ہے جو ہماری زندگی کو دیمک کی طرح ختم کئے جارہی ہے۔
ایک نقصان دینی بھی ہے۔ اور وہ دنیاوی نقصان سے بھی بڑھ کر ہے۔ روز مرہ کے دینی امور میں سب سے اہم نماز ہے مگر اج ہماری نمازیں بے رونق جسکا بڑا سبب یہی نحوست ہے موبائل نے ذوقِ تلاوت چھڑوادی موبائل نے نماز کی لذت چھڑوادی
یاد رکھئے یہ موبائل محض ایک اوزار ہے زندگی کا اپنایا ہوا سٹائل ہر گز نہیں بہتر ہے کہ ہم کسی وقت بیٹھ کر حساب کرے کہ ہم موبائل کے استعمال سے فائدہ زیادہ لے رہے ہیں یا نقصان۔۔۔

@Muhmmadi786

کورونا واٸرس کی وجہ سے زراعت معیشت کا سب سے زیادہ متاثرہ شعبہ رہا ہے ، اور آبادی کو فیڈ کیا جا رہا ہے اور صنعتوں کو کام کرنے کے لئے محنت کی فراہمی کو یقینی بنانا سب سے اہم ضرورت ہے۔ زرعی شعبہ پاکستان کی نصف سے زیادہ آبادی کی آمدنی کے ایک اہم حصے ، صنعتی آدانوں کا ایک اہم حصہ اور ملک کی تقریبا تمام غذائی سپلائی کے لئے ذمہ دار ہے۔

پاکستان پہلے ہی ایک دہائی سے زیادہ زرعی بحران کی لپیٹ میں ہے ، پچھلی دونوں حکومتوں نے ملک میں ’زرعی ایمرجنسی‘ کا اعلان کیا تھا۔ ایک دیرینہ ماحولیاتی بحران کے دوران زراعت کو نقصان اٹھانا پڑا ہے جو نوآبادیاتی زرعی آبادکاری کے عمل کے طور پر کم از کم پیچھے چلا جاتا ہے۔ یہ ایک ایسا بحران ہے جو صرف شدت اختیار کرچکا ہے۔ اس سے زیادہ اہم بات یہ ہے کہ پچھلی ڈیڑھ صدی کے دوران جو کچھ بھی محدود قسم کی فصلوں کی پیداوار کی موجودگی میں رکاوٹ ہے پچھلی دو دہائیوں میں صورتحال اور بھی سنگین ہوگئی ہے کیونکہ زرعی آدانوں کی قیمتوں میں فصلوں کی قیمتوں میں معمولی اضافے سے کہیں زیادہ اضافہ جاری ہے۔

لاکھوں بے روزگار مزدوروں کی جبری واپسی نے کئی دہائیوں میں پہلی بار دیہی علاقوں میں زائد مزدوری پیدا کی ہے۔. کاشت کار جو اکثر فصلوں کے موسموں میں مزدوری کی قلت کی شکایت کرتے ہیں انہیں ایک انوکھا موسم درپیش ہوتا ہے جہاں مزدوری دستیاب ہوتی ہے ، لیکن زرعی منڈیوں تک رسائی زیادہ مشکل ہوتی ہے۔. انہیں کھانے کی طلب گرنے کے ساتھ اپنی فصلوں کی کٹائی کرنے کی کوئی ترغیب نہیں ہے۔. کوئی بھی رومانٹک نظریہ لے سکتا ہے کہ شہری مزدوری کی اس بڑے پیمانے پر واپسی سے یہ ظاہر ہوتا ہے کہ گاؤں کی نام نہاد ’اخلاقی معیشت‘ غریبوں کی آخری پناہ گاہ ہے ، جہاں کسی نہ کسی طرح واپس آنے والی بے زمین آبادی کے لئے دیہات میں روزی ہوگی۔. لیکن حقیقت یہ ہے کہ اگر کھانے کی فصلوں کی کٹائی نہیں کی جاتی ہے اور تجارتی فصلیں فروخت نہیں کی جاتی ہیں تو دیہات میں زائد مزدوری کھلایا جانے کا امکان نہیں ہے۔.

اگرچہ یکجہتی معیشت کی کچھ شکل ابھرنے کا نظریاتی امکان موجود ہے۔, جیسا کہ ہندوستان کے کچھ حصوں میں بارٹر طریقوں کے چھوٹے پیمانے پر بحالی کی اطلاعات کے ساتھ دیکھا گیا ہے۔اس طرح کے طریقوں میں اہم رکاوٹیں اس تناظر میں سامنے آتی ہیں جہاں زرعی آدانوں اور مزدوری کو ضرورت سے زیادہ تیزی سے رقم کی جاتی ہے۔.

حقیقت یہ ہے کہ چھوٹے اور درمیانی کسانوں سمیت زیادہ تر دیہی گھرانے کھانے کے خالص خریدار ہیں۔. اس کا مطلب یہ ہے کہ جب کاشت کاروں کو کچھ غیر منڈی والے کھانے تک رسائی حاصل ہے ، لیکن فصلوں کا انتخاب ، زمینوں کے ذخیرے کا سائز ، قرضوں کی مقدار ، اور گھریلو مویشیوں جیسے متعدد عوامل خاص طور پر کسانوں کو بحران کا مقابلہ کرنے کی صلاحیت کی تشکیل میں اہم ہیں۔

یہ سنگین صورتحال وہ سیاق و سباق ہے جس میں پاکستان کے زرعی پروڈیوسر کورونا لاک ڈاؤن میں داخل ہوئے تھے۔. زرعی تجارتی منڈیوں کی مکمل بندش ، خاص طور پر وہ لوگ جو کسانوں سے آؤٹ پٹ خریدتے ہیں ، اس سے کسانوں کو نمایاں نقصان ہوا ہے۔ سامان کی نقل و حرکت معطل ہونے کے بعد ، اناج سمیت فصلوں کے لئے تیار فصلوں کو کھیتوں میں سڑنے کے لئے چھوڑ دیا گیا ہے۔ اس سے نہ صرف کسانوں کو فوری نقصانات کا ترجمہ ہوتا ہے ، بلکہ اس کا مطلب یہ ہے کہ پاکستان کا روایتی بمپر گندم کا ذخیرہ دستیاب ہونے کا امکان نہیں ہے۔

‎@JahantabSiddiqi

درخت انسانی زندگی کی بقا کے لئے بہت ضروری ہیں ہم جو آکسیجن اپنے جسم میں لے کر جاتے ہیں یہ درخت ہی مہیا کرتے ہیں اور کاربن ڈائی آکسائیڈ کو یہ جذب کرتے ہیں، سیلاب سے بچاتے ہیں زمین کی کٹنگ کو روکتے ہیں اور زمین کے ماحول اور موسم کو سازگار بناتے ہیں۔
کیا آپ جانتے ہیں رقبے کے لحاظ سے بڑے ممالک میں دنیا میں سب سے زیادہ جنگل کس ملک میں ہے ؟؟
روس کا 70 فیصد حصہ جنگلات پر مشتمل ہے جبکہ پاکستان کے کل 5 فیصد حصے پر جنگلات تھے جو اب کم ہو کر 3 فیصد پر پہنچ گئے ہیں جو کے انتہائی خطرناک سطح ہے۔
پاکستان میں 2013 میں جب عمران خان کو خیبرپختون خواہ میں حکومت ملی تو وہاں پر ایک ارب درخت لگانے کا منصوبہ بنایا گیا،لوگوں نے اپوزیشن نے خوب مذاق بنایا لیکن پانچ سال جب مکمل ہونے کو آئے تو تو پوری دنیا کے ماحولیاتی اداروں نے اس منصوبے کی تعریف کی اس منصوبے سے ہزاروں لوگوں کو روزگار ملا اسی طرح اب ہماری حکومت نے 10 ارب درخت لگانے کا اعلان کیا ہے جو کے ممکن ہو سکتا ہے اگر پوری قوم مل کر اس پر کام کرے پاکستان کے انہی اقدامات کی وجہ سے پاکستان کو اس سال عالمی یوم ماحولیات کے 5 جون کو میزبانی ملی جو کے بہت بڑے اعزاز کی بات ہے۔
پاکستان کا شمار ان ممالک میں ہوتا ہے جو ماحولیاتی تبدیلی کی وجہ سے سب سے زیادہ متاثر ہونگے
پاکستان جسے 1999 سے 2018 تک شدید موسم سے سب سے زیادہ متاثرہ ہونے والا دنیا کا پانچواں ملک قرار دیا گیا ہے ،
اگر ہم درخت نہیں لگائیں گے تو امکان ہے کہ زیادہ بارش، زیادہ گرمی اور گلیشیرز کا پانی پگھلنے سے ماحول پر منفی اثرات مرتب ہونگے جو کے ہم اب بھی محسوس کر رہے ہیں اور ایسے حالات کا اثر ہماری فصلوں پر پڑنے کی کمی کے ساتھ دیگر کئے مسائل کا سامنا کرنا پڑ سکتا ہے۔
اس سے سب سے زیادہ متاثر ہماری معیشت ہوگی کیونکہ ہمارے جی ڈی پی کا 20 فیصد زراعت سے منسلک ہے اور لاکھوں لوگوں کا روزگار اس سے خطرے میں پڑ سکتا ہے۔
حکومت نے اس سلسلے میں سب سے بہترین یہ کام کیا ہے کے اس معاملے کو سیریز لیا ہے جو کے پہلے والی حکومتیں نہیں لیتی تھیں حکومت نے اپنے چار سال کے عرصہ میں جنگلات کی مہم کے لئے 800 ملین امریکی ڈالر سے زیادہ رکھے ہیں جس سے دس ارب درخت لگانے کا خواب پورا ہوگا اور حقیقی معنوں میں کلین اور گرین پاکستان کا خواب پورا ہوگا۔
حکومت اس بات پر بھی کام کر رہی ہے کے ماحولیات کے لئے کام کرنے والے اداروں سے ملکر ایک ایسا فنڈ بنایا جائے جو ماحولیات کے لئے کام کرنے والے ممالک کو دیا جائے اگر وزیراعظم اس میں کامیاب ہو جاتے ہیں تو یہ پاکستان کا بہت بڑا فائدہ ہوگا۔
وزیراعظم کا ایک کروڑ نوکریاں دینے کا خواب بھی کلین اینڈ گرین پاکستان منصوبہ پورا کر سکتا ہے دس ارب درخت لگانے میں جو غریب علاقے ہیں ان کی عوام برسرروزگار ہو پائے گی، مقامی لوگوں کو نگہبان کے طور پر نوکریاں ملیں گی، تربیت ملے گی، پچھلے سالوں میں جو درخت لگ چکے ہیں ان پر شہد لگنے سے ہزاروں لوگوں کو فائدہ ہوا ہے اور مقامی نرسریاں اور وہاں کام کرنے والے روزگار کی سہولت سے مستفید ہوئے ہیں اور مزید بھی ہونگے۔
حکومت نے اس بات کا بھی اعلان کیا ہے کے پاکستان میں 15 نئے قومی پارکس بنائے جائیں گے جو کے 7300 سکوائر کلومیٹر کے رقبے پر مشتمل ہونگے۔ جہاں اتنے انقلابی اقدامات کئے جا رہے ہیں وہاں یہ بات بھی ضروری ہے کے جنگلات کی غیر قانونی کٹائی روکی جائے اور اس میں ملوث لوگوں کو سزا دی جائے اس کے ساتھ ساتھ درخت لگانا سلیبس کا حصہ بنایا جائے بچوں کو اس کے فوائد بتائے جائیں اور جو بچے درخت لگائیں شجرکاری کریں ان کو اس کے اس باقاعدہ نمبر دئیے جائیں ایک قوم بن کر ہی ہم یہ مشن پورا کر سکتے ہیں کوئی حکومت اکیلے یہ کام نہیں کر سکتی پوری قوم کو اس معاملے پر ایک ہونا ہوگا تب ہی جا کر ہم یہ کر پائیں گے ہمارے دین اسلام میں بھی درخت لگانے کا حکم دیا گیا ہے۔
حضرت انسؓ سے روایت ہے‘ فر ماتے ہیں‘ رسول اللہ ؐ کا اِرشادِ مقدس ہے: جو مسلمان درخت لگائے یا کھیت بوئے پھر اُس میں سے کوئی اِنسان یا پرندہ یا جانور کھائے (تو جس مسلمان نے وہ درخت لگائے ہوں یا کھیتی بوئی ہو) اُسے صدقہ کے برابر ثواب ملتا ہے۔ کیونکہ صدقہ کرنا بھی عبادت ہے۔
اللہ تعالی ہم سب کو عمل کی توفیق دے آمین

‎@Nomysahir