آپ کیا سیکھیں گے ۔

عمر یوسف۔۔۔

عربوں کی شاعری پڑھنے کے بعد آپ کو احساس ہوگا کہ یہ عربی شعراء انسان کو اپنی باتوں میں جکڑنے کا ایسا فن رکھتے تھے کہ بڑے بڑے بادشاہ بھی ان کے جال میں پھنس جاتے ۔۔۔۔ حتی کے انہیں اپنا قریبی بنا لیتے ۔۔۔ درہم و دینار ۔۔۔ اور مال و دولت سے نوازتے ۔۔۔ اپنے دربار میں انہیں خاص مقام عطا کرتے ۔۔۔

تو شعراء خوب فائدے اٹھاتے ۔۔۔ اور زندگی کی تمام نعمتیں حاصل کرتے ۔۔

جبکہ محمد کریم صلی اللہ علیہ وسلم کی سیرت کو آپ پڑھیں گے تو یہ پائیں گے کہ آپ ص بھی ایک بادشاہ کی تعریف و تمجید میں اپنا وقت گزارتے تھے ۔۔ وہ بادشاہ ان تمام بادشاہوں کا بادشاہ اللہ رب العزت ہے ۔۔۔

آپ دیکھیں گے کہ جن لوگوں نے عارضی بادشاہوں کی خوشامد میں اپنی زندگیاں گزاریں ان کو عارضی فائدے ملے ۔۔۔ لیکن جس نبی ص نے خدائے لازوال کی تعریف و تمجید میں وقت گزارا اس نبی کو اللہ نے دنیا میں بھی سرخرو کیا اور آخرت کے حقیقی اور دائمی فائدوں کا بھی مالک بنایا ۔۔۔

آپ نے فن سیکھنا ہے تو یا تو آپ عربوں کی شاعری سے لوگوں کو راضی کرنے کا فن سیکھ لیں یا آپ نبی ص کی سیرت پڑھ کے ملک الملک رب ذوالجلال کو راضی کرنے کا فن سیکھ لیں اور دائمی فائدے حاصل کرلیں ۔۔۔

نوٹ
یہاں پر عربوں کی شاعری پر تنقید ہرگز مقصود نہیں ہے ۔۔۔ بلکہ اس شاعری کی بات کی جائے تو یہ ایک بہترین شاعری ہے ۔۔۔
یہاں پر زہد و ورع کو اپنانے کی ترغیب دینا مقصود ہے کہ دنیا کو راضی نہیں کیا جاسکتا ۔۔۔ ہاں لیکن اللہ کو راضی کیا جاسکتا ہے اور دونوں جہاں کی عزتیں صرف اس اللہ کی رضا سے حاصل ہوں گی ۔

ایمان کی طاقت

عمر یوسف

وہ میرے سامنا بیٹھا تھا ۔۔۔ ادارے میں اسے نکالے جانے کی چہ مگوئیاں ہورہی تھیں ۔۔۔ اسے وقتا فوقتا اس کے دوست بتاتے ۔۔۔ کہ آج تمہارے بارے میں یہ بات ہوئی ۔۔۔ آج یہ ہوا ۔۔۔ مختلف باتیں سن سن کر اسے یقین ہوگیا کہ وہ زیادہ دیر یہاں نہیں ٹھہرنے والا ۔۔۔ جاب چلی جانے کا غم ۔۔۔ عموما انسان کو اذیت و کرب میں مبتلاء کردیتا ہے ۔۔۔ اور انسان نفسیاتی پیچیدگیوں کا شکار ہوجاتا ۔۔۔ سوچ منتشر ہوجاتی ہے ۔۔۔ اور مستقبل کے خدشے آگھیرتے ہیں ۔۔۔ نئی جاب کیسے حاصل کی جائے یہ فکر بھی دامن گیر ہوتی ہے ۔۔۔ مختلف وسوسے جنم لیتے ہیں اور انسان کے چہرے سے رونق غائب ہوجاتی ہے ۔۔۔ اس کی کیفیت بھی ایسے ہی بنی ہوئی تھی ۔۔۔ میں خود پریشان تھا ۔۔۔ اور دعا گو تھا کہ معاملات زیادہ نہ بگڑیں ۔۔۔ وہ مجھ سے مخاطب ہوا ۔۔۔ اور پرعزم آواز کے ساتھ بولا ۔۔۔

عمر صاحب ۔۔۔ میرا ایمان ہے کہ جہاں آپ کا رزق لکھا ہوا ۔۔۔ وہ آپ کو مل کر ہی رہے گا ۔۔۔ کسی کا باپ بھی نہیں روک سکتا ۔۔۔ اور جہاں سے نہیں ملنا وہاں سے کبھی نہیں ملے گا ۔۔ کسی کا باپ بھی نہیں لے کے دے سکتا ۔۔۔

یہ الفاظ ادا کرنے کے بعد وہ پرسکون دکھائی دیا ۔۔۔ جیسے ہی اس کے ضمیر نے اس کے اندر موجود ایمانی طاقت کے ہونے کا احساس دلایا ۔۔۔ اس کے وساوس جاتے رہے ۔۔۔ ذہنی انتشار تھم گیا ۔۔۔ مستقبل کے خدشے اور فکریں دم توڑ گئیں ۔۔۔ خدا کے ہونے کے احساس نے اسے فرحت بخشی ۔۔۔ اللہ پر توکل نے اس چہرے کو ترو تازہ کردیا ۔۔۔

بعد میں جو بھی حالات پیش آئے میرے سامنے تھے ۔۔۔ اس کے معاملات بگڑتے گئے اور بالآخر اسے مستعفی ہونا پڑا ۔۔۔ اپنے استعفی کو روکنے کے لیے اس نے کافی ہاتھ پاوں مارے لیکن بے سود تھے ۔۔۔ وہاں اس کا رزق نہیں تھا ۔۔۔ تو بڑے بڑے باپوں کی سفارش نہیں چلی ۔۔۔ لیکن چند ہی ہفتوں کے بعد اسے معمولی تگ و دو کے بعد پہلے سے بہتر جاب ملی ۔۔۔ اور تنگی کے بعد آسانی آگئی ۔۔۔

یہ سب کچھ سوچتا ہوں تو احساس ہوتا ہے کہ بگڑے ہوئے معاملات تو بعد میں درست ہو ہی جاتے ہیں لیکن خدا پر عدم توکل کی وجہ سے بہت سے لوگوں کو شروع میں بھی کافی ذہنی صدمے کا شکار ہونا پڑتا ہے ۔۔۔ جو بلا شبہ انتہائی کربناک دورانیہ ہے ۔۔۔ لیکن خدا پر یقین کامل انسان کو اس ابتدائی صدمے سے بچاتے ہوئے حیات جاوداں بخشتا ہے ۔۔۔

ایمان کی طاقت بقلم: عمر یوس

ایمان کی طاقت
عمر یوسف

وہ زارو قطار آنسو بہاتے ہوئے اپنی داستان غم سنا رہی تھی ۔۔۔ اس کے الفاظ میں اتنا دکھ بھرا تھا کہ اردگرد کا سارا ماحول بھی غم میں ڈوب گیا ۔۔۔ پاس بیٹھے تمام لوگوں کی آنکھیں اشکبار تھیں ۔۔۔۔
ماضی کی یادوں میں کھوئے ہوئے اس نے اپنے بھائی کو خوب یاد کیا ۔۔۔ اور یاد ماضی میں کھوئے ہوئے اس نے دل کی کیفیت بیان کرنا شروع کی ۔۔۔

اس کا بھائی کالج میں پڑھنے والا طالب علم تھا ۔۔۔ ایک دن اچانک کمر میں درد شروع ہوئی تو معمولی درد سمجھتے ہوئے اس پر توجہ نہ دی گئی ۔۔۔ پھر آہستہ آہستہ جب دکھ بڑھنا شروع ہوا تو چیک اپ کے لیے ہاسپٹل لے جایا گیا ۔۔۔ رپورٹ آئی تو سب کے اوسان خطا ہوگئے ۔۔۔ ان سب کے پیروں تلے سے زمین کھسک گئی یہ جان کر کہ اس نوجوان کو بلڈ کینسر تھا ۔۔۔ ڈاکٹرز نے کینسر کے سپیشل ہاسپٹل میں رہفر کیا ۔۔۔ دن بدن کمزوری بڑھتی گئی ۔۔۔ کینسر اس کے جسم کو یوں کھا رہا تھا جیسے سوکھی لکڑی کو آگ کھاتی ہے ۔۔۔

ماں روز اپنے لعل کو دیکھ کر آنسو بہاتی اور اس کے ساتھ بندھی ہوئی امیدوں کو یاد کرکے روتی ۔۔۔۔ وہ تو اس کی شادی کے اپنے دیکھ رہی تھی ۔۔۔ وہ تو اس مان میں تھی کہ کب اپنے لعل کی منگنی کروں اس کی دلہن کے لہے کپڑے خریدوں ۔۔۔۔

گھر کے صحن میں جواں سالہ بیٹے کو چلتے دیکھ کر باپ کا سینا فخر سے چوڑا ہوجاتا ۔۔۔ بہنیں اپنے گھبرو جوان بھائی کو دیکھتی تو یوں محسوس کرتیں کہ اس کے ہوتے ہوئے ہمارا کوئی بال بھی بیکا نہیں کرسکتا ۔۔۔

پھر آزمائش آئی اور مرض بڑھتا چلا گیا ۔۔۔ اور وہ وقت بھی آیا جب کینسر نے اپنا آخری حملہ کیا ۔۔۔ پہلے اس کے گردے فیل ہوئے ۔۔۔ پھر جگر نے کام کرنا شروع کیا ۔۔۔ آہستہ آہستہ حملہ دل کی طرف منتقل ہوا اور پھر دل نے دھڑکنا بند کردیا ۔۔۔ ایک کے بعد ایک ۔۔۔ جسم کے تمام اعضاء کام کرنا چھوڑ گئے ۔۔

اور پھر ماں کی آنکھوں کا تارا غروب ہوگیا ۔۔۔ باپ کے آنکھوں کی ٹھنڈک ختم ہوگئی اور جلن نے ڈھیرے ڈال دیے ۔۔۔ بہنیں جیسے بے یارو مددگار ہوگئیں ۔۔۔

ماں دنیا و ما فیھا سے بے خبر بے سدھ پڑی صدمے کی حالت میں چلی گئی ۔۔۔ باپ کی کمر ٹوٹی اور چارپائی سے دوستی ہوگئی ۔۔۔ بہنیں دیواروں کے ساتھ لگی اپنے بھائی کے کیے گئے وعدے یاد کرتیں اور یوں لگتا جیسے دل ڈوب سا گیا ہے ۔۔۔

اس دن میرے سامنے بیٹھے ہوئے اس نے کہا کہ جی کرتا ہے زور زور سے چلاوں دھارے مار مار کر بھائی کو واپس بلاوں ۔۔۔ اس کے جانے کے بعد اب بھی جب اسے یاد کرتی ہوں تو پھر غم اسی شدت سے حملہ آور ہوتا ہے ۔۔۔
اس کے کالج کے سامنے سے گزروں تو بے ہوش ہوجاتی ہوں ۔۔۔ مجبورا وہ شہر چھوڑنا پڑا ۔۔۔

اب بھی جب غم کی شدت ہوجائے ۔۔۔ دل بے قابو ہوجائے ۔۔۔ اوسان خطا ہوجائیں ۔۔۔ آنکھوں کے سامنے اندھیرا چھا جائے ۔۔۔ تو پھر وہ اللہ یاد آتا ہے ۔۔۔ جسے یاد کرنے سے غم کی شدت ہلکی ہوجاتی ہے ۔۔۔ بے قابو دل قابو میں آجاتا ہے ۔۔۔ دل کو چین اور روح کو تسلی ملتی ہے ۔۔۔ آنکھوں کے سامنے چھایا اندھیرا روشنی میں بدلنا شروع ہوجاتا ۔۔۔

پھر میں یہی کہتی ہوں کہ جو میرے اللہ کو منظور تھا وہی ہونا تھا ۔۔۔ اور یقینا ہم اس کی حکمتوں سے بے خبر ہیں ۔۔۔ وہ جو بھی ہمارے لیے کرتا ہے ۔۔۔ ہمارے فائدے کے لیے ہوتا ہے ۔۔۔ اے اللہ میں تجھ پہ راضی ہوئی ۔۔۔

قارئین ایمان کی طاقت جتنا بندے کو سکون عطا کرتی ہے اتنا دنیا کے کسی بھی ماہر نفسیات کے پاس نہیں ۔۔۔
اگر یہی مسئلہ کسی غیر مسلم کے ساتھ پیش آتا تو یقینا وہ کسی ماہر نفسیات کے کلینک کی زینت ہوتی ہے ۔۔۔

اگر تم مسلمان ہو ۔۔۔ مومن ہو ۔۔۔ تو تم دنیا کی سب سے عظیم نعمت رکھتے ہو ۔۔۔

اس نعمت کے حاصل ہونے پر لازم ہے کہ تم کہو الحمد للہ

ایک تیر سے دو شکار

عمر یوسف

خیالات کتنی طاقت رکھتے ہیں ۔۔۔ اچھے ہوں تو زندگی اچھی بنا دیتے ہیں برے ہوں تو زندگی اجیرن کردیتے ہیں ۔۔۔ دماغ کا کام تو بس یہی ہے کہ وہ ہر وقت خیالات میں مگن رہے گا ۔۔۔ اس لیے انسان تو خیالات سے الگ ہو نئی سکتا ۔۔۔ ہاں ایک کام انسان کرسکتا ہے کہ وہ اپنے خیالات پہ قابو پالے ۔۔۔ جب دماغ قابو میں ہوتا ہے تو بندہ بادشاہوں جیسی زندگی گزارتا ہے ۔۔۔ خلیفہ متوکل باللہ کو اداس دیکھ کر وزیر فتح خاقان نے پوچھا ۔۔۔ حضور پریشان کیوں بیٹھے ہیں ۔۔۔ جبکہ آپ تو دنیا کہ خوش نصیب ترین انسان ہیں ۔۔۔ خلیفہ متوکل باللہ نے وزیر کو فورا جواب دیتے ہوئے کہا کہ مجھ سے بہتر انسان تو وہ جو عام ہے اور معمولی زندگی بسر کرتا ہے ۔۔۔

سوچ کا زاویہ غلط ہو تو بادشاہ بھی غلاموں جیسی زندگی گزارتا ہے ۔۔۔ خلیفہ کی زندگی سے خوب اندازہ لگایا جاسکتا ہے ۔۔۔

جب دماغ میں خیالات کا طوفان بپا ہو ۔۔۔ اور منفی خیالات انسان کی کمر توڑ دیں تو نفسیات کے ماہر میڈیٹیشن یعنی مراقبہ کرنے کو کہتے ہیں ۔۔۔ مراقبہ میں انسان آنکھیں بند کرتا ہے اور صرف ایک نقطے پر سوچ کو مرکوز کرتے ہوئے لمبے لمبے سانس لیتا ہے ۔۔۔ یوں دماغ کئی طرفہ سوچنے کی بجائے ایک طرفہ سوچنے لگتا ہے اور ساری کی ساری منفیت غائب ہوجاتی ہے ۔۔۔۔

اس میں کوئی شک نہیں کہ مراقبہ کے نتائج مرتب ہوتے ہیں ۔۔۔ اور ڈپریشن کے مریض خوب اچھا محسوس کرتے ہیں ۔۔۔

لیکن میں چاہتاہوں کہ آپ ایک تیر سے دو شکار کریں ۔۔۔ آپ کو بتاتا چلوں کہ نماز سب سے بڑا مراقبہ ہے ۔۔۔ ایک مسلمان جب نماز پڑھ رہا ہو تو اس کی ساری کی ساری توجہ اس کے رب کی طرف ہوتی ہے ۔۔۔ وہ بس اپنے رب کو سوچتا ہے ۔۔۔ وہ یوں محسوس کرتا ہے کہ اس کی طرف دیکھا جارہا ہے ۔۔۔ پھر اس کا خشوع و خضوع اور بڑھ جاتا ہے ۔۔۔ جب عذاب قبر یاد آتا ہے تو دنیاوی مصائب ہیچ نظر آنے لگتے ہیں ۔۔۔ حشر کے طویل اور پر مشقت منظر کو یاد کرکے اسے دنیا انتہائی حقیر معلوم ہوتی ہے ۔۔۔ دنیا کی حقیقت جان لینے کے بعد وہ انتہائی مطمئن ہوجاتا ہے ۔۔۔ اللہ سے دعائیں کرتے ہوئے اس کی امید بندھ جاتی ہے کہ اس کے سارے کام ٹھیک ہوجائیں گے ۔۔۔

یوں جب نماز ختم ہوتی ہے تو منفیت کا طوفان تھم چکا ہوتا ہے ، بری سوچوں کے سیلاب کو جیسے روک دیا جاتا یے ۔۔۔ دماغ کے باغ سے خزاں رخصت ہوجاتا ہے اور بہار آجاتی ہے ۔۔۔ خوشبو سے معطر پھول لہلہانے لگتے ہیں اور انسان عمل کے میدان میں کودنے کے لیے مکمل طور پر تیار ہوجاتا ہے ۔۔۔

یوں نماز جیسے عبادت نما مراقبے سے انسان نے ثواب بھی کما لیا اور مراقبہ بھی کرلیا ۔۔۔

بلا شبہ اس نے ایک تیر سے دو شکار کیے ہیں ۔۔۔