فیصل آباد (عثمان صادق) کرونا کے بعد عالمی سطح پر روبوٹک اور مصنوعی ذہانت کا نیاد ور شروع ہو رہا ہے۔ اس طرح جہاں بڑے پیمانے پر موجودہ ملازمتوں میں کمی ہو گی وہاں ان سے کئی گنا زیادہ نئی نوکریاں پیدا ہوں گی مگر اِس سے فائدہ اٹھانے کیلئے بروقت تیاری کی ضرورت ہے۔ یہ بات سی پیک اور ریسرچ اینڈ ڈویلپمنٹ بارے فیصل آباد چیمبر آف کامرس اینڈانڈسٹری کی قائمہ کمیٹی کے چیئرمین انجینئر احمد حسن نے پہلے اجلاس سے خطاب کرتے ہوئے کہی۔انہوں نے کہا کہ سی پیک کے تناظر میں فیصل آباد کی جامع ترقی کیلئے نئی ہائی ٹیک صنعتوں کے قیام کے علاوہ موجودہ صنعتوں میں بھی جدید ٹیکنالوجی کو متعارف کرانے کیلئے انڈسٹری اکیڈیمیا رابطوں میں اضافے کے ساتھ ساتھ ان کے عملی اطلاق کیلئے حکومت کو بیک وقت مالی اور ترغیبی اقدامات اٹھانے ہوں گے۔ میٹنگ کے ایجنڈے کے بارے میں انہوں نے بتایا کہ آر اینڈ ڈی کی ویژن، مشن اور اہداف کا تعین، آر اینڈ ڈی ونگ کے ماڈل اور فریم ورک کی تیاری، انڈسٹری اکیڈیمیا روابط، انڈسٹری اکیڈیمیا روابط کے فوائد کو متعلقہ شعبوں تک پہنچانااور اس مقصد کیلئے یوٹیوب اور سوشل میڈیا کے استعمال، پراجیکٹ فوکس ایریاز کی نشاندہی اور اُن کے قومی معیشت اور عوام پر اثرات اور کیپسٹی بلڈنگ کے مقامی صنعتوں کیلئے فوائد کا تعین کرنا شامل ہیں۔ انہوں نے کہا کہ اس ایجنڈے کو فیصل آباد چیمبر آف کامرس اینڈانڈسٹری کے صدر عاطف منیر شیخ سے بھی شیئر کیا جائے گا تاکہ اس میں اُن کے روڈ میپ اور تجاویز کو بھی شامل کیا جا سکے۔ انہوں نے ایجنڈے کے بارے میں بتایا کہ اس کا بنیادی مقصد مائیکرو فنانشل استحکام، ٹیکس، گورننس، تنوع اور ویلیو ایڈیشن، توانائی، زراعت اور لائیو سٹاک، افرادی قوت، انٹر پرینورشپ اور کاروباری آسانیاں، ماحولیات کا تحفظ اور ماحولیاتی تبدیلیوں کو روکنا اور مجموعی قومی معیشت کو بہتربنانا ہے۔ وائس چیئرمین ڈاکٹر خرم طارق نے کہا کہ اس بھاری بھر کم ایجنڈ ے کی بجائے کم سے کم ایجنڈے پرکام کیا جائے تاکہ ایک مقصد کو حاصل کرنے کے بعد بتدریج دوسرے اہداف پر کام شروع کیا جا سکے۔ ڈاکٹر عارف نے کہا کہ کمیٹی کو بیک وقت مقامی اور قومی سطح کے مسائل پر توجہ دینی چاہیے اور اس سلسلہ میں انہوں نے توانائی، توانائی کے متبادل ذرائع، واٹر ٹریٹمنٹ، انڈسٹری اکیڈیمیا روابط، ملازمین کی تربیت، ریگولیٹری اداروں سے روابط اور ان کی تجاویز سے پالیسیوں کی تشکیل میں بہتری لانے پر توجہ دینا ہو گی۔ محمد امجد خواجہ نے فیصل آباد چیمبر کے ایگزیکٹو ممبران کی صلاحیتوں میں اضافہ پر بھی زور دیا اور کہا کہ اس مقصد کیلئے خصوصی پروگرام تشکیل دیئے جائیں۔ اس سلسلہ میں ایک کمیٹی بھی قائم کی گئی جو ڈاکٹر عارف اور ڈاکٹر حبیب اسلم گابا کی نگرانی میں آئندہ لائحہ عمل تشکیل دے گی۔ ماحولیاتی تبدیلیوں کے حوالے سے انہوں نے کہا کہ امریکہ کے صدر جوبائیڈن نے ماحول کے تحفظ کیلئے 1.3ٹریلین ڈالر کا بجٹ منظور کیا ہے جس سے پاکستان بھی فائدہ اٹھا سکتا ہے۔ انہوں نے گرین انقلاب اور قابل تجدید توانائی کے فروغ کیلئے بھی اقدامات پر زور دیا۔ چیئرمین کہا کہ پاکستان بنیادی طور پر زرعی ملک ہے جسے اپنی زرعی پیداوار بڑھانے کے ساتھ ساتھ اس شعبہ میں ویلیو ایڈیشن پر بھی کام کرنا چاہیے تاکہ دیہی غربت کے خاتمے کے ساتھ ساتھ قومی معیشت کو بھی مستحکم بنیادوں پر استوار کیا جا سکے۔ انہوں نے بتایا کہ اس سلسلہ میں زرعی سکالر اظہر رسول آئندہ اجلاس میں فیصل آباد کے پوٹینشل کے بارے میں آگاہ کریں گے۔ انہوں نے چوتھے صنعتی انقلاب کیلئے فیصل آباد چیمبر اور صنعتکاروں کی آگاہی کیلئے جامع پروگرام ترتیب دینے کی اہمیت بھی واضح کی۔
Category: کاروبار
-
چین کا اقدام،عالمی مارکیٹ میں تیل کی قیمتیں کم ہو گئیں
بیجنگ/سنگاپور:چین کا اقدام،عالمی مارکیٹ میں تیل کی قیمتیں کم ہو گئیں، خام تیل 83.52ڈالرز فی بیرل پر آگیا سرمایہ کار4نومبر کےاوپیک پلس اجلاس سے قبل پوزیشن ایڈجسٹ کرنے لگے۔
باغی ٹی وی : برطانوی خبررساں ادارے "روئٹرز” کے مطابق نیشنل فوڈ اینڈ سٹرٹیجک ریزرو ایڈمنسٹریشن نے اتوار کو کہا تھا کہ چین نے پٹرول اور ڈیزل کے محفوظ ذخائر جاری کیے تاکہ مارکیٹ کی سپلائی کو بڑھایا جا سکے اور بعض خطوں میں قیمتوں کے استحکام میں مدد کی جا سکے یہ خبر حالیہ ہفتوں میں ڈیزل کی سخت سپلائی اور کئی صوبوں میں پیٹرول اسٹیشنوں پر قطاروں کی میڈیا رپورٹس کے بعد سامنے آئی ہے۔
چینی ریفائنرز نے تیسری سہ ماہی میں COVID-19 کی روک تھام اور سیلاب کی وجہ سے ایندھن کی پیداوار میں کمی کی لیکن ڈیزل کی کھپت میں اضافہ ہوا، جزوی طور پر بجلی کے بڑے بحران کی وجہ سے ہوا جس نے مارکیٹ کو حیران کر دیا۔
چین برسوں سے ڈیزل اور پٹرول کا خالص برآمد کنندہ رہا ہے، لیکن بیجنگ کی حالیہ پابندی کا مقصد ایندھن کی اضافی پیداوار کو ہٹانا، خام تیل کی درآمدات اور ریفائنڈ ایندھن کی برآمدات کے کوٹے میں کٹوتی سے لے کر ڈیزل کی ملاوٹ والے حصے پر بھاری درآمدی ٹیکس تک، ایندھن خاص طور پر ڈیزل کی سپلائی کو سخت کرنا ہے۔
خام تیل جس کی قیمت میں جمعے کو 6سینٹ کا اضافہ ہوا تھا، گزشتہ صبح 20 سینٹ گر کر 83.52 ڈالر فی بیرل پر آ گیا یو ایس ویسٹ ٹیکساس کا خام تیل جو جمعہ کو 76 سینٹ تک اوپر گیا تھا، پیر کو 37 سینٹ تک گر کے 83.20 ڈالر فی بیرل پر آ گیا۔
نسان سکیورٹیز میں ریسرچ کے جنرل منیجر ہیرویوکی کیکوکاوا کا کہنا ہے کہ ’چین کی طرف سے ایندھن کے ذخائر کے جاری ہونے کی خبروں کے بعد اور اوپیک پلس میٹنگ سے پہلے سرمایہ کار پوزیشنز کو ایڈجسٹ کر رہے ہیں۔
سب کی نظریں پٹرولیم برآمد کرنے والے ممالک کی تنظیم، روس اور ان کے اتحادیوں، جنہیں اوپیک پلس کہا جاتا ہے، کی چار نومبر کو ہونے والے اجلاس پر ہیں۔تجزیہ کاروں کو توقع ہے کہ وہ دسمبر میں سپلائی میں یومیہ چار لاکھ بیرل اضافہ کرنے کے اپنے منصوبے پر قائم رہیں گے۔
تیل کی قیمتیں گزشتہ ہفتے کئی برس کی بلند ترین سطح پر پہنچ گئیں، جس میں اوپیک پلس کے اس فیصلے سے مدد ملی کہ عالمی سپلائی کے خدشات کے باوجود اپنی پیداوار میں بتدریج اضافے کا منصوبہ برقرار رکھا جائے-
-
افغان چلغوزوں کی کھیپ چین پہنچ گئی،دونوں ملکوں کے درمیان تجارت کا دوبارہ آغاز ہو گیا
افغانستان اور چین کے درمیان تجارت کا آغاز ہو گیا،افغان چلغوزوں کی کھیپ چین پہنچ گئی۔
باغی ٹی وی : تفصیلات کے مطابق چین نے جنگ سے تباہ حال اپنے پڑوسی ملک افغانستان کے گہرے ہوتے معاشی اور انسانی بحران سے نمٹنے میں طالبان حکمرانوں کی مدد کے لیے براہِ راست فضائی تجارتی رابطہ دوبارہ فعال کر دیا ہے۔
چین اور افغانستان کے درمیان فضائی راستے سے تجارت بحال ہوئی ہے اور افغانستان سے بڑی تعداد میں چلغوزے چین برآمد کیے گئے ہیں افغان دارالحکومت کابل سے کام ائیر کا جہاز 45 ٹن چلغوزے لیکر شنگھائی پہنچا ہے۔
له کابل هوايی ډګر څخه په ځلغوزو بار یوه کارګو الوتکه د اسلامي امارت د لوړ رتبه مسئولینو له افتتاح وروسته د چین هیواد په لور.
هوايي دهليز عملا په کار پیل وکړ. pic.twitter.com/x6u8YQ9TTV
— Bilal Karimi(بلال کـریمي) (@BilalKarimi44) October 31, 2021
طالبان حکومت کے ایک ترجمان بلال کریمی نے وائس آف امریکہ کو بتایا کہ چلغوزے کی برآمد کابل اور بیجنگ کے درمیان حالیہ وسیع تر ‘اچھی بات چیت’ کا نتیجہ ہے آنے والے دنوں میں دو طرفہ تجارت کے دیگر شعبوں میں پیش رفت کی توقع ہے ہمیں امید ہے کہ تجارتی سرگرمیاں جاری رہیں گی اور چین کے ساتھ ہمارے تجارتی تعلقات کو فروغ ملے گاچلغوزے کی آج ہونے والی برآمد خاص طور پر دونوں ملکوں کے تعلقات میں ایک نئی اور اچھی شروعات کی نشاندہی کرتی ہے۔1/3Today first flight of pine nuts this year bound for China with 45 https://t.co/EM6OySAbpi Global air transport is still limited, China and Afg overcome numerous difficulties and managed flights, which solve the problem of Afg farmers,solidify the trade ties between 2 countries pic.twitter.com/BUkKyqptaP
— ZhaoXing 赵星 (@ChinaEmbKabul) October 31, 2021
کارگو فلائٹ کی روانگی کے بعد کابل میں چین کے سفیر وانگ یو نے ایک ٹوئٹ میں کہا، کہ آج اس سال پائن نٹس کی پہلی پرواز چلغوزے لے کر چین کے لیے روانہ ہوئی۔ چونکہ عالمی ہوائی نقل و حمل ابھی بھی محدود ہے، چین اور افغان نے متعدد مشکلات پر قابو پالیا اور پروازوں کا انتظام کیا، جس سے افغان کسانوں کا مسئلہ حل ہوگا، اور دونوں ملکوں کے تجارتی تعلقات مضبوط ہوں گے2/3China firmly pursues a friendly policy toward all Afg people, besides more humanitarian assistance to Afg, Chinese FM Wang Yi recently confirmed the flights to ADP Baradar & AFM Muttaqi during meeting.Coming months tens of thousands tons of pine nuts will export to China.
— ZhaoXing 赵星 (@ChinaEmbKabul) October 31, 2021
انہوں نے لکھا کہ چین تمام افغان عوام کے لیے دوستانہ پالیسی پر مضبوطی سے عمل پیرا ہے، اس کے علاوہ افغان کو مزید انسانی امداد فراہم کی جائے گی، چینی ایف ایم وانگ یی نے حال ہی میں ملاقات کے دوران اے ڈی پی برادر اور اے ایف ایم متقی کے لیے پروازوں کی تصدیق کی۔ آنے والے مہینوں میں دسیوں ہزار ٹن پائن نٹس چین کو برآمد کیے جائیں گے۔
3/3The income reaching hundreds of millions of U. S. dollars,greatly benefiting many Afg farmers,etc.The little pine nuts bring happiness to Afg people and good taste to Chinese people, and “pine nut air corridor” is the important bond of friendship between our two countries.
— ZhaoXing 赵星 (@ChinaEmbKabul) October 31, 2021
وانگ یو نے مزید کہا کہ کروڑوں امریکی ڈالر کی اس آمدنی سے بہت سے افغان کسانوں کو فائدہ پہنچے گا یہ چھوٹے چھوٹے چلغوزے افغان عوام کے لیے خوشی اور چینی باشندوں کے لیے اچھا ذائقہ لائیں گے، چلغوزوں کی فضائی تجارت دونوں ممالک کے درمیان دوستی کا اہم رابطہ ہے۔”چین افغانستان سے چلغوزوں کے سب سے بڑے درآمد کنندگان میں سے ایک ہے اور اس نے نومبر 2018 میں فضائی ذریعے سے تجارت کا آغاز کیا تھا گزشتہ دنوں قطر کے دارالحکومت دوحہ میں افغان اور چینی وزرائے خارجہ نے ملاقات کی تھی جس میں افغان وزیر خارجہ نے چینی ہم منصب کو چلغوزوں کا تحفہ پیش کیا تھا۔اس ملاقات کے بعد اب چین اور افغانستان کے درمیان تجارت بھی شروع ہوگئی ہے۔
-
انٹر بینک میں ڈالر کی قیمت میں مزید کمی
انٹر بینک میں ڈالر کی قیمت میں مزید کمی ریکارڈ کی گئی۔
باغی ٹی وی : تفصیلات کے مطابق اسٹیٹ بینک آف پاکستان کی جانب سے جاری کردہ اعداد و شمار کے مطابق کاروباری ہفتے کے پہلے روز انٹر بینک میں ڈالر کی قیمت میں کمی سے روپے کی قدر مزید مستحکم ہو گئی ہے۔
اسٹیٹ بینک کے سماجی رابطے کی ویب سائٹ ٹوئٹر پر جاری کردہ اعداد و شمار کے مطابق انٹر بینک میں ڈالر کی قیمت مزید 36 پیسے کم ہوئی ہے ڈالر کی قیمت میں کمی کے بعد ڈالر 171.65 روپے سے کم ہو کر 171.29 روپے تک آ گیا ہے۔
واضح رہے کہ گزشتہ ہفتے سعودی عرب کی جانب سے پاکستان کو ملنے والی امداد کے بعد سے ڈالر کی قیمت میں کمی دیکھی جا رہی ہے وزیر اعظم عمران خان کےحالیہ دورہ سعودی عرب کے موقع پر سعودی عرب نے پاکستان کے زرمبادلہ کے زخائر کی بہتری کے لئے پاکستان کے لئے تین ارب ڈالر معاشی پیکج منظور کیا جبکہ کل معاشی امداد کا حجم 4 ارب ڈالر سے زیادہ ہے۔
ایل پی جی کی قیمت میں مزید اضافہ
تفصیلات کے مطابق سعودی فنڈ برائے ترقی کی جانب سے پاکستان اسٹیٹ بینک میں 3 ارب ڈالر جمع کروائے جائیں گے جبکہ سعودی عرب نے پاکستان کو تیل کی خریداری میں بھی مدد دینے کا اعلان کیا ہے اور پاکستان کو رواں سال تیل خریداری کیلیے ایک ارب 20 کروڑ ڈالر ملیں گے۔ سعودی عرب کی جانب سے جاری کردہ اعلامیہ میں کہا گیا ہے کہ سعودی عرب، پاکستان کی معیشت کو سہارا دینے پر ہمیشہ گامزن رہے گا۔
اکتوبر میں مہنگائی میں کتنا اضافہ ہوا ؟اداراہ شماریات نے تازہ ترین اعداد و شمار جاری کردئیے
-
ہونڈا موٹر سائیکلز کی قیمتوں میں اضافہ
اٹلس ہونڈا لمیٹڈ نے ایک مرتبہ پھر موٹرسائیکلز کی قیمتوں میں اضافہ کردیا ہے۔
باغی ٹی وی : اس ضمن میں کمپنی کی جانب سے جاری نوٹیفکیشن کے مطابق ہونڈا سی ڈی 70 کی قیمت میں 4 ہزار روپے کا اضافہ کیا گیا ہے جس کے بعد اس کی قیمت 86 ہزار 900 روپے سے بڑھ کر 90 ہزار 900 ہو گئی ہے۔
ہونڈا سی ڈی 70 ڈریم کی قیمت بھی 4 ہزار روپے جبکہ پرائڈر کی قیمت میں 5 ہزار روپے کا اضافہ ہو گیا ہے۔ سی ڈی 70 ڈریم کی قیمت 93 ہزار 500 روپے سے بڑھ کر 97 ہزار 500 روپے جب کہ ہونڈا پرائڈر 100 سی سی کی قیمت ایک لاکھ 20 ہزار 500 روپے سے بڑھ کر ایک لاکھ 25 ہزار 500 روپے ہوگئی ہے۔
نوٹیفکیشن کے مطابق سی ہونڈا سی جی 125 کی قیمت میں 5 ہزار روپے کا اضافہ کیا گیا ہے جس کے بعد اس کی نئی قیمت ایک لاکھ 42 ہزار 500 سے بڑھ کر ایک لاکھ 47 ہزار 500 روپے ہو گئی ہے جی 125 ایس ای کی قیمت 6 ہزار 500 روپے اضافے کے بعد ایک لاکھ 70 ہزار 500 سے بڑھ کر ایک لاکھ 77 ہزار روپے ہو گئی۔
سی بی 125 ایف اور سی بی 150 ایف کی قیمتوں میں فی کس ساڑھے 6 ہزار روپے کا اضافہ کیا گیا ہے سی بی 125 ایف کی قیمت 2 لاکھ 5 ہزار 500 روپے سے بڑھ کر 2 لاکھ 12 ہزار ہوگئی جب کہ سی بی 150 ایف کی قیمت 2 لاکھ 60 ہزار 500 سے بڑھ کر 2 لاکھ 67 ہزار روپے ہو گئی ہے۔
یاد رہے کہ آئل اینڈ گیس ریگولیٹری اتھارٹی (اوگرا) نے نومبر کے لیے ایل پی جی کی قیمت میں اضافہ کردیا ہے اس ضمن میں جاری نوٹیفکیشن کے مطابق ایل پی جی کی فی کلو قیمت میں 13 روپے 20 پیسے اضافہ کیا گیا ہے جس کے بعد اس کی نئی قیمت 216 روپے 89 پیسے ہو گئی ہے ایل پی جی کا 11.8 کلو کا گھریلو سلنڈر 155 روپے 80 پیسے اضافے کے بعد 2559 روپے 35 پیسے کا ہو گیا ہے۔
واضح رہے کہ اکتوبر میں ایل پی جی کا گھریلو سلنڈر 2403 روپے 55 پیسے میں فروخت ہو رہا تھا نوٹیفکیشن کے مطابق ایل پی جی کی نئی قیمتوں کا اطلاق یکم نومبر 2021 سے ہو گیا-
ایل پی جی کی قیمت میں مزید اضافہ
-
ایل پی جی کی قیمت میں مزید اضافہ
آئل اینڈ گیس ریگولیٹری اتھارٹی (اوگرا) نے نومبر کے لیے ایل پی جی کی قیمت میں اضافہ کردیا۔
باغی ٹی وی: اس ضمن میں جاری نوٹیفکیشن کے مطابق ایل پی جی کی فی کلو قیمت میں 13 روپے 20 پیسے اضافہ کیا گیا ہے جس کے بعد اس کی نئی قیمت 216 روپے 89 پیسے ہو گئی ہے ایل پی جی کا 11.8 کلو کا گھریلو سلنڈر 155 روپے 80 پیسے اضافے کے بعد 2559 روپے 35 پیسے کا ہو گیا ہے۔
واضح رہے کہ اکتوبر میں ایل پی جی کا گھریلو سلنڈر 2403 روپے 55 پیسے میں فروخت ہو رہا تھا نوٹیفکیشن کے مطابق ایل پی جی کی نئی قیمتوں کا اطلاق یکم نومبر 2021 سے ہو گیا-
مہنگائی کی مجموعی شرح 14.31 فیصد تک پہنچ گئی
ادھر ادارہ شماریات نے مہنگائی کے تازہ ترین اعداد و شمار جاری کردئیے ہیں اکتوبر 2020 کے مقابلے میں اکتوبر 2021 کے دوران مہنگائی کی شرح 9.19 فیصد رہی اور جولائی تا اکتوبر 2020 کے مقابلے میں جولائی تا اکتوبر 2021 مہنگائی 8.74 فیصد رہی۔
گزشتہ ایک سال میں گھی 43 فیصد، مسٹرڈ آئل 41.92 اور خوردنی تیل 40 فیصد مہنگا ہوا جبکہ چکن 34.69 فیصد، دالیں اور گوشت 17 فیصد اور آٹا 12.97 فیصد مہنگا ہوا لیکن ایک سال میں ٹماٹر 48.52 فیصد، دال مونگ 29 فیصد، پیاز 28 فیصد اور آلو 19 فیصد سستا ہوا-
پاکستان میں مہنگائی کا 70 سالہ ریکارڈ ٹوٹ گیا ، وفاقی ادارہ شماریات نے مہنگائی کا 3 سالہ ریکارڈ جاری کر دیاقٓ
ایک ماہ میں چکن 17.91 فیصد اور سبزی 15.26 فیصد مہنگے ہوئے جبکہ آلو 12.17 فیصد، گندم 7.25 فیصد اور چائے 4.95 فیصد مہنگی ہوئی۔
رپورٹ کے مطابق ایک ماہ میں پیاز 12.70 فیصد اور چینی 7.72 فیصد سستی ہوئی جبکہ دال مونگ 6.14 فیصد، انڈے 5.94 فیصد اور مصالحہ جات 3.85 فیصد سستے ہوئے۔
اکتوبر میں مہنگائی میں کتنا اضافہ ہوا ؟اداراہ شماریات نے تازہ ترین اعداد و شمار جاری کردئیے
-
کورونا کے باوجود پاکستان کی معشیت بحال ہوئی اسٹیٹ بینک آف پاکستان
کراچی: اسٹیٹ بینک آف پاکستان کے مطابق مالی سال 2020-21 میں کورونا وبا کے چیلنج کے باوجود پاکستان کی معیشت بھرپور طور پر بحال ہوئی۔
باغی ٹی وی : عالمی معیشت کورونا وبا کی وجہ سے معاشی اور مالی چیلنجوں کا سامنا کرنا پڑاتاہم پاکستانی معیشت گذشتہ مالی سال کے مقابلے میں بھرپور طور پر بحال ہوئی، پاکستان نے مالی رواں سال کے مقررہ اہداف کے تناظر میں کافی اچھی کارکردگی دکھائی،رواں مالی سال معاشی نمو بحال ہو کر3.94 فیصد پر آ گئی۔
اسٹیٹ بینک کا سالانہ کارکردگی جائزہ رپورٹ برائے سال 2020-21 کے مطابق رواں مالی سال ایک خاص طور پر دشوار سال رہا، معاشی نمو مقررہ 2.1 فیصد ہدف سے خاصی بلند رہی،گزشتہ مالی سال کورونا کے سبب معاشی نمو 0.47 فیصد سکڑی،مالی سال21ء میں مہنگائی معتدل ہو کر اسٹیٹ بینک کے ہدف کے اندر 8.9 فیصد پر رہی،جاری کھاتے کا توازن، مالیاتی توازن اور ملکی زرمبادلہ کے ذخائر جیسے اہم معاشی توازن کے اظہاریوں میں بہتری آئی، مہنگائی کی توقعات کو قابو میں رکھ کر پورے سال کے دوران پالیسی ریٹ کسی ردو بدل کے بغیر برقرار رکھا گیا۔
مہنگائی کی مجموعی شرح 14.31 فیصد تک پہنچ گئی
اسٹیٹ بینک کے زرِ مبادلہ ذخائر میں 40 فیصد سے زائد اضافہ ہوا، کرنٹ اکاؤنٹ کا خسارہ 10 سال کی پست ترین سطح پر چلا گیا۔ مارکیٹ کی بنیاد پر طے ہونے والی شرحِ مبادلہ نے برآمدی مسابقت کو بہتر بنایا۔ رواں مالی سال 29.4 ارب ڈالر کی ترسیلات موصول ہونے کی راہ ہموار ہوئی۔جون 2021ء کے آخر تک 181,556 ’روشن ڈیجیٹل اکاؤنٹس کے ذریعے 1.56 ارب ڈالر موصول ہوئے۔
مالی شمولیت کی قومی حکمت عملی کے تحت اسٹیٹ بینک میں مالی شمولیت کو اوّلین تزویراتی ترجیح کی حیثیت حاصل رہی،رواں مالی میں دیہی، پسماندہ اور بینکاری خدمات سے محروم علاقے سٹیٹ بینک کی خصوصی توجہ کا مرکز بنے رہے، اور مرکزی بینک نے وہاں کمرشل اور مائیکرو فنانس بینکوں کو نئی شاخوں کے قیام کے لیے لائسنس جاری کیے۔
آصف علی کے چھکے،آصف علی ریمیمبر دا نیم سوشل میڈیا پر ٹرینڈ
قرضے کی تقسیم کے حوالے سے سٹیٹ بینک نے ہاوسنگ، تعمیراتی، زرعی قرضوں اور چھوٹے و درمیانے کاروباری اداروں کو قرضوں کی فراہمی دوبارہ شروع کی، مزید یہ کہ اپریل 2021ء میں سٹیٹ بینک نے اسلامی بینکاری صنعت کے لیے تیسری مرتبہ پانچ سالہ تزویراتی منصوبہ جاری کیا تاکہ تزویراتی سمت کا تعین اور صنعت میں نمو کے موجودہ تحرک کو مستحکم کیا جاسکے۔
ٹی وی پر بڑی بڑی بڑھکیں مارنے والا شہباز گل لاہور کی عدالت سے غائب ہے،عطا تارڑ
-
مہنگائی کی مجموعی شرح 14.31 فیصد تک پہنچ گئی
وفاقی ادارہ شماریات کے اعداد و شمار کے مطابق حالیہ ایک ہفتے میں مہنگائی کی شرح میں 1.23 فیصد اضافہ ہوا ہے –
باغی ٹی وی : ادارہ شماریات کےمطابق مہنگائی کی مجموعی شرح 14.31 فیصد تک پہنچ گئی کم آمدنی والوں کے لئے مہنگائی 15.01 فیصد تک ہوگئی ہے، ایک ہفتے میں 25 اشیاء ضروریہ کی قیمتوں میں اضافہ ہوا جب کہ ایک ہفتے میں 4 اشیاء کی قیمتوں میں کمی اور 22 اشیاء کی قیمتیں مستحکم رہیں۔
ادارہ شماریات کے مطابق ایک ہفتے ایل پی جی گھریلو سلنڈر 90 روپے 31 پیسے مہنگا ہوگیا جس کی قیمت 2411.77 روپے ہوگئی ہے علاوہ ازیں بجلی کی فی یونٹ قیمت میں 19 پیسے کا اضافہ ریکارڈ کیا گیاہے۔
ادارہ شماریات کے مطابق ٹماٹر 10 روپے 71 پیسے مہنگے ہوئے، انڈے فی درجن 5 روپے 28 پیسے مہنگے فی درجن قیمت 175 روپے 78 پیسے ہوگئی ہے چینی کی فی کلو قیمت 3 روپے 77 پیسے کا اضافہ ہوا جس کے بعد چینی کی فی کلو قیمت 104 روپے 52 پیسے ہوگئی۔
ادارہ شماریات کے مطابق 5 لیٹر برانڈڈ کوکنگ آئل 19 روپے 30 پیسے کا اضافہ ہوا قیمت 1800 روپے سے تجاوز کرگئی ہے جبکہ اڑھائی کلو برانڈڈ گھی کی قیمت میں بھی 7 روپے 4 پیسے کا اضافہ ہوا، زندہ مرغی سمیت گڑ، دال ماش، باسمتی چاول، دال مسور بھی مہنگی ہوگئی ہے تاہم ایک ہفتے میں کیلے، دال مونگ، پیاز اور لہسن سستے ہوئے ہیں۔
پاکستان میں مہنگائی کا 70 سالہ ریکارڈ ٹوٹ گیا ، وفاقی ادارہ شماریات نے مہنگائی کا 3 سالہ ریکارڈ جاری کر دیاقٓ
اس سے قبل وفاقی ادارہ شماریات کے اعداوشمارنے رپورٹ جاری کی تھی جس کے مطابق اکتوبر 2018 سے اکتوبر 2021 تک بجلی کی قیمتوں میں 57 فیصد اضافہ ہوا۔ اسی طرح ایل پی جی کے 11.67 کلو گرام سلنڈر کی قیمت 51 فیصد اضافے کے بعد ایک ہزار 536 روپے سے بڑھ کر 2 ہزار 322 روپے کی سطح پر پہنچ گئی پیٹرول کی قیمت میں 3 سال کے دوران 49 فیصد تک اضافہ ہوا اور فی لیٹر پیٹرول کی قیمت 93 روپے 80 پیسے سے بڑھ کر 138 روپے 73 پیسے ہو گئی۔
رپورٹ کے مطابق کھانے پینے کی اشیا کی قیمتوں میں سب سے زیادہ اضافہ خوردنی گھی وتیل کی قیمتوں میں ہوا۔ گھی کی فی کلو قیمت 108 فیصد اضافے سے 356 روپے تک پہنچ گئی جبکہ خوردنی تیل کا 5 لیٹر کا کین 87 اعشاریہ 60 فیصد اضافے کے بعد ایک ہزار 783 روپے پر پہنچ گیا۔
-
آئی ایم ایف بینکوں میں عوامی اداروں کے اکاؤنٹس بند کرنے کیلئے کوشاں
بین الاقوامی مالیاتی فنڈ (آئی ایم ایف) نے پاکستان پر یہ شرط رکھی ہے کہ وہ سرکاری بینکوں اور وزارت دفاع کے تمام بینک اکاؤنٹس کو کمرشل بینکوں میں بند کرے اور رقم مرکزی بینک کے کھاتے میں منتقل کی جائے۔
باغی ٹی وی :نجی اخبار "ایکسپریس ٹریبون” کے مطابق اس مطالبے کا مقصد حکومت کے کنٹرول میں سینکڑوں اربوں روپے واپس لانا ہے جو اس وقت کمرشل بینکوں کے پاس رکھے ہوئے ہیں جو کہ وزارت خزانہ کی مختلف ہدایات کی خلاف ورزی ہے۔
ذرائع کے مطابق عملے کی سطح پر معاہدے تک پہنچنے میں تاخیر کی ایک وجہ آئی ایم ایف کی جانب سے اس مالی سال کے اندر ٹریژری سنگل اکاؤنٹ II نظام کو نافذ کرنے پر اصرار ہے۔
عالمی قرض دہندہ یہ بھی چاہتا تھا کہ صدارتی آرڈیننس جاری کرنے کے بجائے حکومت ٹیکس میں چھوٹ واپس لینے اور مزید ٹیکس لگانے کے لیے پارلیمنٹ میں فنانس بل پیش کرے۔
وزارت خزانہ کے ذرائع نے بتایا کہ وزارت دفاع ، مسلح افواج اور عوامی شعبے کے اداروں بشمول آئل اینڈ گیس ڈویلپمنٹ کمپنی لمیٹڈ (او جی ڈی سی ایل) اور نیشنل ہائی وے اتھارٹی (این ایچ اے) کے پاس تقریبا 50 ہزار بینک اکاؤنٹس موجود ہیں-
پاک بھارت ٹاکرا: دنیائے کرکٹ کا سب سے بڑا مقابلہ آج دبئی کے میدان میں ہو گا
مالیاتی انتظامی اصلاحات کا دوسرا مرحلہ آئی ایم ایف چاہتا ہے کہ اس سال دسمبر تک ایک فریم ورک بنایا جائے تاکہ باقی تمام کمرشل بینک کھاتوں کو بند کیا جا سکے جو کہ سرکاری رقم سے فنڈ کیے جاتے ہیں فی الحال ، وزارت دفاع ، عوامی ادارے اور کچھ خودمختار کارپوریشنز اب بھی کمرشل بینک اکاؤنٹس کو برقرار رکھے ہوئے ہیں – یہ رقم وفاقی حکومت کے دائرہ کار سے باہر لے رہی ہے۔
پاکستان ان اکاؤنٹس کو بند کرنے کے لیے مزید ایک سال چاہتا ہے ، لیکن آئی ایم ایف اس تاریخ کو بڑھانے کے لیے تیار نہیں ہے عالمی قرض دہندہ کا فائدہ یہ ہے کہ 6 بلین ڈالر کا قرض ستمبر 2022 تک ختم ہو جائے گا۔
ذرائع نے بتایا کہ حکومت نے ان اکاؤنٹس کو اگلے سال فروری تک بند کرنے کی پیشکش کی تھی۔
مشیر خزانہ شوکت ترین نے اس سوال کا جواب نہیں دیا کہ پاکستان نے فروری 2022 کی ڈیڈ لائن پر اتفاق کیا ہے یا نہیں۔ وزارت خزانہ کے ترجمان نے بھی اس کہانی کے درج ہونے تک کوئی جواب نہیں دیا۔
حکومت اور ٹی ایل پی کے درمیان مذاکرات کامیاب
ذرائع نے بتایا کہ پہلے مرحلے کے تحت سرکاری وزارتوں اور منسلک محکموں کے کمرشل بینک اکاؤنٹس کو مئی 2021 تک بند کرنا تھا تاہم ، ان اکاؤنٹس میں سے 6000 میں سے صرف 4،500 ہی بند ہوسکے اور تقریبا 5 ارب روپے کا بیلنس فیڈرل کنسولیڈیٹڈ فنڈ میں منتقل کیا گیا یہاں تک کہ موٹر وے پولیس ، اینٹی نارکوٹکس فورس ، کسٹمز ڈیپارٹمنٹ اور پٹرولیم ڈویژن کے زیر انتظام کچھ بڑے کھاتے بھی اس سال مئی تک بند نہیں ہوسکے۔
وزارت خزانہ نے سیکورٹی سے متعلق کچھ کھاتوں اور رینجرز اور فرنٹیئر کانسٹیبلری کے زیر انتظام اکاؤنٹس میں بھی نرمی دی تھی آئی ایم ایف-ورلڈ بینک کی شرائط کے تحت ، حکومت کو پہلے پبلک فنانس مینجمنٹ ایکٹ پارلیمنٹ سے منظور کرانا پڑا تاکہ پبلک کیش مینجمنٹ میں شفافیت لائی جا سکے۔
اس کے بعد ، جولائی 2020 میں ، کیش مینجمنٹ اور ٹریژری سنگل اکاؤنٹ رولز 2020 متعارف کرایا گیا پھر مارچ 2021 میں وفاقی حکومت نے فنانشل مینجمنٹ اینڈ پاورز آف پرنسپل اکاؤنٹنگ آفیسرز ریگولیشنز 2021 کو مطلع کیا لیکن ڈیفنس ڈویژن کو اس کے دائرے سے خارج کردیا۔
آئی ایم ایف نے مئی 2021 تک فنکشنل سنگل ٹریژری اکاؤنٹ (TSA-1) کے حصول کے لیے 6 بلین ڈالر کے پروگرام میں ساختی بینچ مارک شامل کیا تھا۔
کراچی بندرگاہوں کو سنگین خطرہ لاحق ،سندھ ہائی کورٹ نے ڈی ایچ اے کو مزید زمین حاصل کرنے سے روک دیا
آئی ایم ایف کی رپورٹ کے مطابق ، حکومت نے اپنا عزم دیا تھا کہ وہ "TSA-2 میں تیزی سے آگے بڑھے گی اور یورپی یونین کی مدد سے ، ان کے سالانہ اور کثیر سالانہ وعدوں کے کنٹرول سسٹم کو بہتر بنائے گی”-
ذرائع نے بتایا کہ پچھلے سال جون تک مسلح افواج کے مختلف کھاتوں میں تقریبا 500 ارب روپے جمع تھے جو اب بڑھ کر 600 ارب روپے ہو چکے ہیں۔
آئی ایم ایف چاہتا ہے کہ یہ رقم فیڈرل کنسولیڈیٹڈ فنڈ میں جلد سے جلد منتقل کی جائے۔
مسلح افواج کے علاوہ ، سویلین محکمے اپنے اکاؤنٹس کو چھوڑنے سے گریزاں رہے ہیں جنہیں فنڈز دیے گئے ہیں جو کہ قوانین کی خلاف ورزی کرتے ہوئے اور آمدنی کے اسٹریم بناتے ہیں جن کی پارلیمنٹ نے اجازت نہیں دی تھی۔
ملک میں کورونا مثبت کیسز اور اموات میں کمی
آئی ایم ایف کے اس اقدام سے حکومت کو کیش بیس فراہم کرنے کے علاوہ بہتر مالیاتی انتظام لانے میں مدد ملے گی یہ کیش بیس فی الحال کمرشل بینکوں کے لیے غیر ضروری طور پر دستیاب ہے۔
اسٹیٹ بینک آف پاکستان کو اب وفاقی حکومت کی جانب سے ٹریژری سنگل اکاؤنٹ کی میزبانی اور دیکھ بھال کرنے کی ضرورت ہے۔
قوانین کے تحت ، اسٹیٹ بینک کو "کمرشل بینکوں سے معلومات اکٹھا کرنا اور خزانہ ڈویژن کو تمام معلومات کی فراہمی کو یقینی بنانا ہے تاکہ ٹریژری سنگل اکاونٹ سسٹم کے نفاذ کو یقینی بنایا جا سکے”۔
مرکزی بینک ابھی تک مئی کی آخری تاریخ تک کئی اکاؤنٹس بند نہیں کر سکا ہے۔
ٹی ایل پی لانگ مارچ: ڈپلومیٹک انکلیو کے سیکیورٹی پوائنٹس پر انتظامات سخت
-
قومی اسمبلی کی پارلیمانی کمیٹی برائے چائینہ پاک اکنامک کوریڈور کے وفد کا علامہ اقبال انڈسٹریل سٹی فیصل آباد اور فیڈمک کا دورہ
قومی اسمبلی کی پارلیمانی کمیٹی برائے چائینہ پاک اکنامک کوریڈورکے چیئرمین شیر علی ارباب کی قیادت میں کمیٹی کے دیگر ارکان قومی اسمبلی نے فیصل انڈسٹریل اسٹیٹ ڈویلپمنٹ اینڈ مینجمنٹ کمپنی (فیڈمک)اور علامہ اقبال انڈسٹریل سٹی فیصل آباد کا دورہ کیا۔پارلیمانی کمیٹی کے ارکان علامہ اقبال انڈسٹریل سٹی میں لگنے والے ملکی وغیرملکی صنعتی یونٹس میں گئے اورتعمیراتی کاموں کا بھی جائزہ لیا۔سی ای او فیڈمک رانا یوسف،سابق صدر چیمبر آف کامرس ضیا علمدار بھی موجود تھے۔اس موقع پر سی پیک پارلیمانی کمیٹی قومی اسمبلی کے ارکان کو فیڈمک میں بریفنگ دی گئی۔کمیٹی اراکین نے علامہ اقبال انڈسٹریل سٹی میں تعمیراتی کاموں پراطمینان کا اظہار کرتے ہوئے انتظامیہ کو ترقیاتی کاموں کی رفتار مزید تیز کرنے کی ہدایت کی۔ چیئرمین نیشنل اسمبلی پارلیمانی کمیٹی برائے سی پیک نے کہا کہ اکنامک زون کے معاملات بڑی اہمیت کے حامل ہیں جنہیں فوری حل کئے جایا۔انہوں نے کہا کہ سی پیک کے منصوبوں کوتیزی سے آگے بڑھانا ترجیح ہے۔سی پیک خطے کی معاشی ترقی کے لئے گیم چینجر ہے۔انہوں نے کہا کہ علامہ اقبال انڈسٹریل سٹی میں بجلی کی جلد فراہمی کے لئے فیڈرز بڑھائے جائیں۔انہوں نے کہا کہ وزیراعظم پاکستان عمران خان کی قیادت میں صنعتی ترقی کا سفر عروج پر ہے اور ملکی وغیر ملکی سرمایہ کاروں کو وسیع مواقع فراہم کئے جارہے ہیں۔پارلیمانی کمیٹی کے دیگر ارکان نے بھی علامہ اقبال انڈسٹریل سٹی کے ترقیاتی کاموں کو تیز رفتاری سے مکمل کرنے کی ضرورت پر زور دیا۔سی ای او نے بتایا کہ انڈسٹری نہ لگانے پر 22 پلاٹس خالی کرائے گئے ہیں اور آئندہ میٹنگ میں مزید پلاٹس کی رجسٹریشن منسوخ کی جائے گی جبکہ منسوخ پلاٹس کی فہرست پارلیمانی کمیٹی کو بھی بھجوائی جائے گی۔ڈائریکٹر فیڈمک نے عزم کو دہراتے ہوئے کہا کہ ایم تھری انڈسٹریل سٹی کے امور فاسٹ ٹریک پر چلائیں گے۔