Category: کاروبار

گندم کی ق-مت کتنی ہونے چاہیے وزیرا علیٰ پنجاب کو خط لکھ دیا گیا

باغی ٹی وی : پنجاب اسمبلی سیکرٹریٹ نے عثمان بزدار حکومت کوخط لکھا ہے کہ گندم کی امدادی قیمت 2 ہزار روپے من مقرر کی جائے۔

با گندم کی امدادی قیمت کے حوالے سے وزیراعلی‌کو اسمبلی فیصلے سے آگاہ کیا گیا ہے پنجاب اسمبلی نے حکومت پنجاب کو خط لکھ دیا جس میں اسپیکر چوہدری پرویز الہی کی زیرصدارت اسپشل کمیٹی نے گندم کی امدادی قیمت بارے سفارشات مرتب کی تھیں۔ پیر کے روز پنجاب اسمبلی کے ایوان نے متفقہ طورپر گندم کی امدادی قیمت کی سفارشات منظور کر لی تھیں.

اس سے قبل پنجاب اسمبلی نے قراردیا کہ حکومت گندم کی امدادی قیمت دو ہزار روپے مقررکرےاور حکومت پنجاب دو ہفتوں میں عملدرآمدکی رپورٹ دے ،پنجاب اسمبلی سیکرٹریٹ کی جانب سے پنجاب اسمبلی کے ایوان کی کارروائی سے حکومت پنجاب کو آگاہ کردیا گیا ہے۔
وفاقی کابینہ نے گندم کی امدادی قیمت فی من 1650 روپے مقرر کرنے کا فیصلہ کیا تھا . بینہ اجلاس کے بعد پریس کانفرنس سے خطاب کرتے ہوئے وزیر اطلاعات و نشریات شبلی فراز نے کہا کہ ہم نے عوام اور کسان دونوں کا خیال رکھنا ہے۔ کسانوں کے لیے گندم میں 100 روپے کا اضافہ کیا گیا ہے جبکہ آٹے کی قیمت وہی رہے گی۔ا

مہنگائی کے اس دور میں کسان کو لاگت ہی کی قیمت بمشکل ملتی ہے۔یا تو حکومت بجلی‘ کھاد‘ جراثیم کش ادویات‘ بیج اور دیگر ضروریا ت سستی کرے یا مناسب سبسڈی دے۔100 روپے فی من امدادی قیمت سے کسان زیادہ خوش تو نہیں ہونگے البتہ نہ ہونے سے اتنا بھی بہتر ہے ،یہ سوچ کے قدرے مطمٔن ہوسکتے ہیں۔حکومت کئی اور معاملات میں بھی عوام کو ریلیف دینا چاہتی ہے مگرمنافع خور مافیاز عوام تک ریلیف پہنچنے نہیں دیتے۔حکومت کو اس طرف توجہ دینا ہوگی گندم کی پاکستان میں کمی نہیں جو سٹاک کرکے قلت کی فضا پیدا کردی جاتی اور من مانے ریٹ مقرر اور وصول کئے جاتے ہیں۔

منی لانڈرنگ کے قوانین متعارف کرانے اور بینکنگ چینل سے ترسیلات زر کے فروغ کا ثمر حاصل ہونے لگا

باغی ٹی و ی :بیرون ممالک مقیم پاکستانیوں کی مہربانیاں جاری، اکتوبر 2020 میں ترسیلات زر 14 اعشاریہ 5 فیصد اضافے سے 2 ارب 30 کروڑ ڈالر ریکارڈ کی گئی، یہ مسلسل پانچواں مہینہ ہے جب ترسیلات زر میں 2 ارب ڈالر سے زائد کا اضافہ ہوا ہے۔

اسٹیٹ بینک کے مطابق جولائی سے اکتوبر 2020 کے دوران ترسیلات زر 26 اعشاریہ 5 فیصد اضافے سے 9 ارب 40 کروڑ ڈالر ریکارڈ کی گئی ہیں۔
معاشی تجزیہ کاروں کے مطابق حکومت کی جانب سے منی لانڈرنگ کے قوانین متعارف کرانے اور بینکنگ چینل سے ترسیلات زر کے فروغ کے لئے کئی سہولیات فراہم کی گئیں ہیں، یہی وجہ ہے کہ ترسیلات زر میں اضافہ دیکھنے میں آرہا ہے۔

ادھر سرکاری قرض اور واجبات 44.8 ٹریلن روپے کی ریکارڈ سطح پر پہنچ گئے۔ ایک سال کے دوران قرض اور واجبات میں 3.3 ٹریلین روپے کاا ضافہ ہوا، تاہم رپورٹ کے مطابق قرض میں اضافے کی رفتار نمایاں طور پر کم ہوئی ہے۔

اسٹیٹ بینک کی طرف سے جاری کردہ اعدادوشمار کے مطابق ستمبر 2020کے اختتام پر ملک کے ذمے قرض اور واجبات 44.8 ٹریلین روپے تک پہنچ گئے۔ ایک سال کے دوران قرضوں اور واجبات میں 3.3 ٹریلین روپے یا 7.9فی صد اضافہ ہوا۔ پاکستان تحریک انصاف کے دورحکومت میں قرض کے بڑھنے کی یہ سب سے کم رفتار ہے

مجموعی ملکی قرض اور واجبات کا حجم ریکارڈ 44.8 ٹریلین روپے تک پہنچ گیا۔

باغی ٹی وی اسٹیٹ بینک کی طرف سے جاری کردہ رپورٹ میں ابتایا گیا ہے کہ ستمبر کے اختتام پر مجموعی سرکاری قرض اور واجبات 44.8 ٹریلن روپے کی ریکارڈ سطح پر پہنچ گئے۔ ایک سال کے دوران قرض اور واجبات میں 3.3 ٹریلین روپے کاا ضافہ ہوا، تاہم رپورٹ کے مطابق قرض میں اضافے کی رفتار نمایاں طور پر کم ہوئی ہے۔

اسٹیٹ بینک کی طرف سے جاری کردہ اعدادوشمار کے مطابق ستمبر 2020کے اختتام پر ملک کے ذمے قرض اور واجبات 44.8 ٹریلین روپے تک پہنچ گئے۔ ایک سال کے دوران قرضوں اور واجبات میں 3.3 ٹریلین روپے یا 7.9فی صد اضافہ ہوا۔ پاکستان تحریک انصاف کے دورحکومت میں قرض کے بڑھنے کی یہ سب سے کم رفتار ہے۔
واضح رہے کہ 44.8 ٹریلین روپے کے قرض اور واجبات رواں مالی سال کے متوقع جی ڈی پی حجم 45.6 ٹریلین روپے کے 98.3فیصد کے مساوی ہے۔ واجبات کو علیٰحدہ کرنے کے بعد قرض کا حجم 42.6 ٹریلین روپے ہے جس میں ایک سال کے دوران 3.4 ٹریلین روپے یا 8.7 فیصد کا اضافہ ہوا ہے۔

گزشتہ ماہ کی اسٹیٹ بینک کی رپورٹ کے مطابق مالی سال کی تیسری سہ ماہی میں ترسیلات زر 7.1 ارب ڈالر کی ریکارڈ سطح تک پہنچیں۔

اکتوبر میں اسٹیٹ بینک آف پاکستان نے اپنے جاری کردہ اعلامیہ میں کہا تھا کہ بیرون ملک مقیم پاکستانیوں نے 2 ارب ڈالر سے زائد رقوم وطن بھیجی ہیں اور مالی سال کی تیسری سہ ماہی میں ترسیلات زر 7.1 ارب ڈالر کی ریکارڈ سطح تک پہنچ گئیں۔

مہنگائی کا یہ عالم کہ ایک سستا بازار بھی عوام کی پہنچ سےدور ہونے لگا

باغی ٹی وی :ایک سستا بازار بھی عوام کی پہنچ سےدور ہونے لگا مہنگائی نے لنڈے بازار میں بھی مستقل ڈیرے ڈال لئے، جوتوں، جیکٹوں اور سویٹرز کے علاوہ دیگر استعمال شدہ اشیا کی قیمتوں میں 30 سے 60 فیصد تک اضافہ ہو گیا جس کے سبب خریداروں کا رش ہونے کے باوجود خریداری نہ ہونے کے برابر ہے۔

یوں تو ہرموسم میں ہی لنڈا بازار شہریوں کی بڑی تعداد کے لیے بڑا سہارا ہوتے ہیں لیکن تن ڈھانپنے کے لیے سردیوں میں لنڈے بازاروں کا رخ کرنے والوں کی تعداد بہت زیادہ بڑھ جاتی ہے۔ یہ عالم اِن دنوں بھی دکھائیدے رہا ہے لیکن اکثریت خریداری کے بغیر ہی یہاں سے واپس لوٹ رہی ہے۔

مارکیٹ ذرائع کے مطابق استعمال شدہ جوتوں، جیکٹوں، کوٹ اور دیگراشیاکی قیمتوں میں 30 سے 60 فیصد تک اضافہ ہو گیا ہے۔ اچھا کوٹ 4 سے 6، جوتے 200سے 500، جیکٹیں 2 سے 3 سو روپے کے درمیان فروخت ہورہے ہیں۔ اِسی تناسب سے دیگر اشیا کے نرخوں میں بھی بہت اضافہ دیکھنے میں آرہا ہے۔یہ صورت حال اُن کے لیے بھی تشویش کا باعث ہونی چاہیے جن کے نزدیک مہنگائی ابھی بھی بہت بڑا مسئلہ نہیں ہے.
ملکی اداروں میں کرپشن بدعنوانی اور سست روی نے کاروباری طبقے کو شدید مشکلات سے دوچار کررکھا ہے۔ان خیالات کا اظہارپاک چائنہ بزنس کمیونٹی کے چیئرمین حاجی فدا حسین نے ایک بیان میں کیا۔

کہا ہے کہ چینی آٹا ادویات جیسی بنیادی ضروریات زندگی مافیاز کے رحم و کرم پر ہیں۔ غریب آدمی کی زندگی مہنگائی اور بے روزگاری نے اجیرن کردی ہے۔ حکومت عوام کو ریلیف دے بنیادی ضروریات زندگی کے نرخ کنڑول کئے جائیں۔ مافیاز کو قانون کے کٹہرے میں لایا جائے جو زندہ انسانوں کو نگل رہے ہیں۔ کرونا کی اس نئی لہر سے بچنے کیلئے حکومت موثر اور پائیدار حکمت عملی تشکیل دے

روپے کے ڈالر پر کاری وار مسلسل جاری

باغی ٹی وی : کاروباری ہفتے کے تیسرے روز انٹر بینک میں پاکستانی کرنسی کے مقابلے ڈالر مزید 20 پیسے سستا ہوگیا۔

فاریکس ڈیلرز ایسوسی ایشن کے مطابق بدھ کے روز انٹر بینک میں ڈالر 20 پیسے سستا ہوکر 158.49 کی سطح پر بند ہوا۔ خیال رہے کہ گزشتہ روز صرافہ بازار میں کاروباری ہفتے کے دوسرے روز سونے کی قیمت میں نمایاں کمی ہوئی تھی۔

سندھ صرافہ بازار ایسوسی ایشن کے مطابق گزشتہ روز سونے کی فی تولہ قیمت 2500 روپے کی کمی کے بعد ایک لاکھ 12 ہزار100 روپے ہو گئی تھی۔اس کے علاوہ 10 گرام سونے کی قیمت میں 2143 روپے کی کمی کے بعد 96 ہزار108 روپے ہو گئی تھی

واضح ‌رہےکہ اپریل 2019 میں ڈالر نے بڑی چھلانگ لگئی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی