Category: کاروبار

ذخیرہ اندوزوں اور ملاوٹ مافیا کیخلاف پنجاب حکومت کا بڑا آپریشن

باغی ٹی وی رپورٹ کے مطابق پنجاب حکومت نے ذخیرہ اندوزوں اور ملاوٹ مافیا کیخلاف گھیرا تنگ کردیا۔ گزشتہ 3 ماہ کے دوران کارروائیوں کی رپورٹ جاری کر دی گئی۔

پنجاب حکومت کی جانب سے جاری رپورٹ میں کہا گیا ہے کہ گرانفروشی پر 2 ہزار چار سو چھپن افراد گرفتار، دو ہزار پانچ سو تیئس مقدمات درج اور بارہ کروڑ چوراسی لاکھ روپے کے جرمانے کئے گئے۔

رپورٹ کے مطابق 20 ہزار چینی کی بوری، 302 بوری چاول، 3130 بوری گندم، 3629 آٹے کے تھیلے اور 35 ہزار کلو ذخیرہ کیا گیا گھی بھی برآمد کیا گیا۔ ملاوٹ مافیا کیخلاف کارروائیوں کے دوران 3118 یونٹس سیل کیے گئے۔ ملاوٹ مافیا کیخلاف 148مقدمات درج اور 15 کروڑ روپے کے جرمانے کیے گئے۔

سات ہزار کلو گرام مضر صحت گوشت، 14 لاکھ لیٹر دودھ، 13 سو کلو گرام مصالحہ جات تلف کئے گئے۔ 23 سو کلو گرام مضر صحت دالیں، 10 ہزار کلو گرام گھی اور 34 سو لیٹر پانی تلف کیا گیا۔

چیف سیکرٹری پنجاب کی جانب سے جاری بیان میں کہا گیا ہے کہ وزیراعظم اور وزیراعلیٰ پنجاب کی ہدایت کے مطابق اشیائے خورونوش کی قیمتوں اور دستیابی کی نگرانی کی جا رہی ہے۔ ذخیرہ اندوزی، ناجائز منافع خوری اور ملاوٹ کے مرتکب عناصر سے آہنی ہاتھوں سے نمٹا جائے گا۔

انہوں نے ڈی جی فوڈ اتھارٹی کو ہدایت دی کہ اشیائے خورونوش میں ملاوٹ کیخلاف کریک ڈاؤن تیز کیا جائے۔ ملاوٹ کے جرم کے مرتکب عناصر لوگوں کی صحت اور زندگیوں سے کھیل رہے ہیں۔ ایسے عناصر کسی رعایت کے مستحق نہیں ہیں۔چیف سیکرٹری نے کہا ہے کہ اشیا کی طلب اور رسد کو مدنظر رکھتے ہوئے پیشگی منصوبہ بندی از حد ضروری ہے۔ ڈپٹی کمشنرز ہر سہولت بازار سے استفادہ کرنے والے صارفین کی تعداد سے متعلق جامع رپورٹ بھجوائیں

معاون خصوصی ملک عمر فاروق نے سہولت بازارمیں غیر معیاری آٹا کی شکایت پر مقامی اعظم فلور ملز کی انتظامیہ کو 25ہزار روپے جرمانہ کرتے ہوئے محکمہ خوراک اور ضلعی انتظامیہ کے افسران کو ہدایت کی کہ غیر معیاری آٹا کی سپلائی کرنے والے فلور ملز مالکان کے خلاف بلا تفریق کاروائی کی جائے۔

انکا کہنا تھا کہ وزیر اعلیٰ پنجاب سردار عثمان بزدار کی سر براہی میں حکومت پنجاب عوام کو سستی اور معیاری اشیائے کی فراہمی کو یقینی بنا رہی ہے اگر کسی ملز یا تاجر کی جانب سے ناقص چیزوں کی سپلائی یا فروخت کی شکایت ملی تو آئند بھی انکے خلاف سخت کاروائی عمل میں لائی جائیگی۔معاون خصوصی نے کسوکے روڑ اور ماڈل بازار میں لگائے جانے والے سستے بازاروں کا دورہ کیا اور وہاں پر چیزوں کی قیمتوں اور کوالٹی کا خصوصی جائزہ لیا

سٹاک مارکیٹ میں سرمایہ کاروں کے اربوں ڈوب گئے

باغی ٹی وی : پاکستان سٹاک ایکسچینج میں 418 پوائنٹس کی کمی ریکارڈ کی گئی، سونے کی فی تولہ قیمت میں 100 روپے کا اضافہ ریکارڈ کیا گیا۔

تفصیل کے مطابق کاروباری ہفتے کے دوسرے روز پاکستان سٹاک ایکسچینج میں زبردست اتار چڑھاؤ دیکھنے میں آیا۔ دوارن کاروبار ایک وقت میں انڈیکس 200 پوائنٹس سے اوپر بھی چلا گیا۔

مگر اختتام پر مارکیٹ 418 پوائنٹس کی کمی کے بعد 100 انڈیکس 43 ہزار 255 پوائنٹس کی سطح پر بند ہوا۔ آج ہونے والی گراوٹ کے سبب سرمایہ کاروں کے لگ بھگ 40 ارب روپے سے زائد ڈوب گئے

روپے نے ڈالرکو پھر لگائی روک

باغی ٹی وی رپورٹ کے مطابق اوپن مارکیٹ میں ڈالر 10 پیسے کمی کے بعد 160 روپے 60 پیسے پر فروخت ہوا جبکہ انٹربینک میں ڈالر صرف ایک پیسہ اضافے سے 160 روپے 38 پیسے پر بند ہوا۔

دوسری جانب سونے کی فی تولہ قیمت میں 100 روپیہ اضافہ ریکارڈ کیا گیا ہے جس کے بعد اس کی قیمت ایک لاکھ 13 ہزار 550 ہو گئی ہے۔ اس کے علاوہ دس گرام سونے کی قیمت 85 روپے اضافے کے بعد 97 ہزار 350 ہو گئی ہے۔
واں ہفتے کے آخری کاروباری روز کے دوران سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق انٹر بینک میں امریکی ڈالر 23 پیسے سستا ہو گیا جس کے بعد قیمت 160 روپے 55 پیسے سے کم ہو کر 160 روپے 32 پیسے ہو گئی ہے
واضح ‌رہےکہ اپریل 2019 میں ڈالر نے بڑی چھلانگ لگائی تھی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی

انڈوں، آٹا اورٹماٹرکی قیمتوں میں اضافے کا نوٹس لیا وزیر خزانہ نے

باغی ٹی وی رپورٹ کے مطابق وفاقی وزیرخزانہ ڈاکٹرعبدالحفیظ شیخ نے انڈوں، آٹا اورٹماٹرکی قیمتوں میں اضافہ کا نوٹس لیتے ہوئے ان ضروری اشیا کی قیمتوں میں کمی کیلئے تمام ممکنہ اقدامات یقینی بنانے اورصوبائی حکومتوں کو ذخیرہ اندوزی، بلیک مارکیٹنگ اورسمگلنگ کے تدارک کیلئے گندم کی قیمتوں پرکڑی نظررکھنے کی ہدایت کی ہے تاکہ عام آدمی کومناسب نرخوں پرگندم اورآٹا کی بلاتعطل فراہمی کوممکن بنایا جاسکے۔

ان خیالات کا اظہار انہوں نے نیشنل پرائس مانیٹرنگ کمیٹی کے اجلاس کی صدارت کرتے ہوئے کیا۔ اجلاس میں وفاقی وزیرصنعت و پیداوار حماد اظہر، معاون خصوصی برائے محصولات ڈاکٹر وقار مسعود، صوبائی چیف سیکرٹریز، سیکرٹری منصوبہ بندی، ترقی و خصوصی اقدامات، سیکرٹری صنعت وپیداوار، چئیرمین ایف بی آر، چئیرمین ٹریڈنگ کارپوریشن آف پاکستان، ایڈیشنل سیکرٹری قومی غذائی تحفظ وتحقیق، ایم ڈی پاسکو، ایم ڈی یوٹیلیٹی سٹورز کارپویشن آف پاکستان، پاکستان بیوروبرائے شماریات کے ممبران اوروزارت خزانہ کے سینئیرافسران نے شرکت کی۔اجلاس میں ملک میں اشیائے ضروریہ کی قیمتوں کے رحجان کاجائزہ لیاگیا۔

وفاقی حکومت نے جون 2021ء تک نئی قومی بجلی پالیسی لانے کا فیصلہ کر لیا

باغی ٹی وی رپورٹ : وفاقی حکومت نے جون 2021ء تک نئی قومی بجلی پالیسی لانے کا فیصلہ کرتے ہوئے اس کا مسودہ تیار کر لیا ہے۔ مشترکہ مفادات کونسل سے منظوری لی جائے گی۔

تفصیل کے مطابق حکومت نے نئی قومی بجلی پالیسی لانے کا فیصلہ کر لیا ہے۔ مشترکہ مفادات کونسل سے منظوری لی جائے گی۔ اس سلسلے میں قومی بجلی پالیسی کا مسودہ تیار کر لیا گیا ہے۔

مسودے میں بجلی کی قیمتوں میں ردوبدل کا فیصلہ بروقت کرنے، سہ ماہی اور ماہانہ ٹیرف ایڈجسٹمنٹ میں تاخیر نہ کرنے سمیت 6 رہنما اصول تجویز کئے گئے ہیں۔ مسابقت، شفافیت اور استعداد کار رہنما اصولوں میں شامل ہیں۔

ماحولیاتی ذمہ داری اور مقامی تحقیق وترقی رہنما اصولوں میں شامل ہیں۔ پاور سیکٹر کیلئے مربوط انرجی پلان پالیسی ڈرافٹ کا حصہ ہے۔ مجوزہ پالیسی کے تحت بجلی کی پیداوار اور ترسیل پر توجہ دی جائے گی۔ پالیسی کے تحت مسابقت اور شفافیت کو فروغ دیا جائے گا.

روپے کے مقابلے ڈالر پھر سر اٹھانے لگا

باغی ٹی وی رپورٹ : ملک بھر میں رواں ہفتے کے پہلے کاروباری روز کے دوران امریکی ڈالر کی قیمت میں ایک مرتبہ پھر اضافہ ہو گیا۔

سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے پہلے کاروباری روز کے دوران انٹر بینک میں امریکی ڈالر 6 پیسے مہنگا ہو گیا جس کے بعد قیمت 160 روپے 32 پیسے سے بڑھ کر 160 روپے 38 پیسے ہو گئی ہے.
رواں ہفتے کے آخری کاروباری روز کے دوران سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق انٹر بینک میں امریکی ڈالر 23 پیسے سستا ہو گیا جس کے بعد قیمت 160 روپے 55 پیسے سے کم ہو کر 160 روپے 32 پیسے ہو گئی ہے
واضح ‌رہےکہ اپریل 2019 میں ڈالر نے بڑی چھلانگ لگائی تھی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی

باغی ٹی وی :آٹے کا 20 کلو کا تھیلا مزید مہنگا ہو گیا
آٹے کا 20 کلو کا تھیلا ساڑھے 5 روپے مہنگا ہو گیا .. ادارہ شماریات نے ہفتہ واری رپورٹ جاری کردی، جس کے مطابق ایک ہفتے میں آٹے کا 20 کلو کا تھیلا ساڑھے پانچ روپے مہنگا ہوگیا۔

رپورٹ کے مطابق انڈے 6 روپے درجن اوپر چلے گئے، کوئٹہ میں 230 روپے درجن تک پہنچ گئے، ٹماٹر تقریباً ساڑھے 8 روپے فی کلو مہنگے ہوگئے.اس کے علاوہ آلو 6 روپے 71 پیسے، پیاز تقریباً 4 روپے اور مرغی کے گوشت کی قیمت 15روپے فی کلو کم ہوئی۔

بھارت کو پھر منہ کی کھانی پڑی ، پاکستانی چاول بھارتی چاول کو پیچھے چھوڑ گیا

باغی ٹی وی رپورٹ کے مطابق :بھارت کو پھر منہ کی کھانی پڑی ، رواں سال دنیا بھر میں کورونا وائرس کے سبب معاشی سرگرمیاں متاثر ہوئی اور درآمدات، برآمدات بھی متاثر ہوئی ہیں۔

پاکستان کے باسمتی کی ایکسپورٹ اگرچہ سال2019 کے مقابلے میں تھوڑی کم رہی لیکن کاروبار افراد کا کہنا ہے کہ کورونا اور بھارتی سازش کے باوجود یہ اعدادوشمار کافی حد تک حوصلہ افزا ہیں۔

ادارہ شماریات کے مطابق سال 2020 میں چاول کی ایکسپورٹ2019 کے مقابلے میں 16 فیصد کم رہی۔ سال 2020 میں 43 لاکھ 75ہزار 445 ٹن چاول برآمد کیا گیا۔

سال 2019 میں 49 لاکھ 8 ہزار524 ٹن چاول برآمد کیا گیا تھا۔ مشکل حالات کےباوجود پاکستانی باسمتی چاول کی ایکسپورٹ زیادہ متاثرنہیں ہوئی۔

پاکستان نے باسمتی کے علاوہ دیگراقسام کےچاول برآمد کر کے بھی کثیرزرمبادلہ کمایا۔ سال 2020 میں 2 ارب 34 کروڑ21 لاکھ 61 ہزارکا زرمبادلہ پاکستان آیا۔

سال 2019 میں 2 ارب 48 کروڑ94 لاکھ 50 ہزار تھا۔ سب سےزیادہ کمی 46 فیصد جنوری 2020 میں ریکارڈ کی گئی۔

اعدادوشمار کے مطابق مجموعی طورپر3 لاکھ 64 ہزار169 ہزارٹن چاول ایکسپورٹ کیا گیا۔ جنوری 2019 میں اسی مدت میں 4 لاکھ 95 ہزار280ہزارٹن برآمد کیا گیا تھا۔

اکتوبر2020 میں چاول ایکسپورٹ میں 45 فیصدکمی ریکارڈکی گئی اور 2 لاکھ 19 ہزار810 ٹن چاول برآمد کیا گیا۔

سال 2019 میں اسی ماہ 3 لاکھ 17 ہزار222 ٹن چاول برآمد ہوا۔ اگست 2020 میں چاول ایکسپورٹ 41 فیصد گر کر ایک لاکھ 67 ہزار793 ٹن تک آگئی۔ اسی مدت سال 2019 میں 2 لاکھ 49 ہزار70 ٹن چاول برآمد کیا گیا تھا

ڈالر کے مقابلے روپیہ مضبوط ہونے لگا

باغی ٹی وی رپورٹ :ملک بھر میں کاروباری ہفتے کے آخری روز امریکی ڈالر کی قیمت میں مزید 23 پیسے کی تنزلی دیکھی گئی۔

تفصیلات کے مطابق ملک بھر میں مسلسل 6 ماہ کے دوران ترسیلات زر کی ریکارڈ آمد کے بعد امریکی ڈالر کی قیمت میں اُتار چڑھاؤ دیکھنے کو مل رہا ہے، گزشتہ ہفتے کے دوران روپیہ تگڑا ہوا ہے جبکہ امریکی کرنسی کی قدر گرتی جا رہی ہے۔

رواں ہفتے کے آخری کاروباری روز کے دوران سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق انٹر بینک میں امریکی ڈالر 23 پیسے سستا ہو گیا جس کے بعد قیمت 160 روپے 55 پیسے سے کم ہو کر 160 روپے 32 پیسے ہو گئی ہے
واضح ‌رہےکہ اپریل 2019 میں ڈالر نے بڑی چھلانگ لگائی تھی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی

ماحول دوست ایندھن یورو5 ڈیزل کا پہلا جہاز پاکستان پہنچ گیا

باغی ٹی وی رپورٹ کے مطابق :ماحول دوست ایندھن یورو5 ڈیزل کا پہلا کارگو کراچی پہنچ گیا، حکومت نے یورو فائیو ڈیزل کی درآمد کےلیے جنوری کی ڈیڈلائن مقرر کی تھی۔

پورٹ ذرائع کے مطابق42 ہزار میٹرک ٹن یورو 5 ڈیزل کا پہلا جہاز کراچی پورٹ پر لنگر انداز ہوگیا ہے۔واضح رہے کہ یورو 5 ڈیزل کیلئے حکومت نے جنوری2021 کی ڈیڈلائن رکھی تھی۔