Category: کاروبار

سٹاک مارکیٹ‌میں تیزی

باغی ٹی وی : پاکستان سٹاک مارکیٹ میں زبردست تیزی دیکھنے میں آئی جس کے نتیجے میں کے ایس ای100انڈیکس کی41ہزار کی نفسیاتی حد بحال ہوگئی اور سرمایہ کاروں کی جانب سے منافع بخش کمپنیوں کے شیئرز کی خریداری میں دلچسپی کے سبب73 فیصد کمپنیوں کے حصص کی قیمتوں میں اضافہ ریکارڈکیا گیا جس کے باعث مارکیٹ کی سرمایہ کاری مالیت ایک کھرب 19ارب 55کروڑ29لاکھ روپے بڑھ گئی ۔پاکستان سٹاک مارکیٹ میں جمعرات کو ٹریڈنگ کے آغاز سے ہی سرمایہ کاروں نے کھل کر حصص کی خریداری کی جس کے باعث تیزی رہی ، یہ رجحان آخر تک برقرار رہا اور کاروبار کے اختتام پر کے ایس ای100انڈیکس 789.34پوائنٹس اضافے سے 41071.30پوائنٹس ، کے ایس ای30انڈیکس 377.27پوائنٹس کے اضافے سے 17243.24پوائنٹس اور کے ایس ای آل شیئرز انڈیکس 428.63پوائنٹس کے اضافے سے 28848.63پوائنٹس کی سطح پرپہنچ گیا۔دریں اثناگزشتہ روز عالمی مارکیٹ سونے کی فی اونس قیمت27 ڈالرکے اضافے سے 1918ڈالر ہوگئی جس کے باعث مقامی مارکیٹ میں سونے کی قیمت ایک ہزار کے اضافے سے 114600روپے تولہ ہوگئی جبکہ دس گرام سونے کی قیمت 857روپے کے اضافے سے 98251روپے ہوگئی

رواں سال کی پہلی سہ ماہی میں مالیاتی خسارے کی رپورٹ جاری

باغی ٹی وی :مالی اور اقتصادی صورت حال پر جہاں ایک طرف جمود ہے وہاں عوام میں بھی شدید احساس ہے کہ مہنگائی بڑھ چکی ہے.لوگوں کی قوت خرید بہت کم ہو چکی ہے. .رواں مالی سال کی پہلی سہ ماہی میں مالیاتی خسارہ جی ڈی پی کے ایک اعشاریہ ایک فیصد کے برابر رہا، قرض و سود کی ادائیگی پر 742 ارب روپے جبکہ دفاع پر 224 ارب روپے خرچ ہوئے۔

وزارت خزانہ کے مطابق جولائی سے ستمبر کے دوران 484 ارب روپے کا مالیاتی خسارہ رہا جس کو پورا کرنے کے لئے حکومت نے 322 ارب روپے کا مقامی جبکہ 161 ارب روپے کا بیرونی قرض لیا۔

مالی سال 2021 کی پہلی سہ ماہی میں قرض و سود کی ادائیگی پر 742 ارب روپے جبکہ دفاع پر 224 ارب روپے خرچ ہوئے جبکہ گذشتہ مالی سال انہی تین ماہ کے دوران قرض سود کی ادائیگی پر 571 ارب روپے اور دفاع پر 242 ارب روپے خرچ ہوئے تھے۔

وفاقی ادارہ شماریات نے منہگائی میں اضافے کے اعداوشمار جاری کردیے‏

باغی ٹی وی : ‏وفاقی ادارہ شماریات نے منہگائی میں اضافے کے ہفتہ وار اعداوشمار جاری کردیے‏. ادارہ شماریات‏ کے مطابق ایک ہفتے کے دوران منہگائی میں 1.38 فیصد اضافہ رکارڈ کیا گیا،

گزشتہ ہفتے 17 اشیاء کی قیمتوں میں اضافہ رکارڈ کیا گیا، آلو،پیاز،ٹماٹر،لہسن،چینی،انڈے،گوشت اورایل پی جی کی قیمتوں میں اضافہ ہوگیا.ٹماٹرکی فی کلوقیمت 134 روپے80 پیسے سے بڑھ کر197 روپے 59 پیسے ہوگئی،

ٹماٹر کی اوسط فی کلو قیمت میں 62 روپے 79 پیسے اضافہ ہوا،پیاز4 روپے فی کلواورآلو1 روپے 81 پیسے فی کلو منہگا ہوا،ایک ہفتے کے دوران انڈے کی قیمت میں 1.04 روپے فی درجن اضافہ ہوا،چینی 4روپے15 پیسے اورایل پی جی گھریلو سلنڈرپر13روپے فی کلو اضافہ ہوا،

ایک ہفتے کے دوران 7 اشیاء کی قیمتوں میں کمی ہوئی،ایک ہفتے کے دوران چکن 1 روپے 92 پیسے فی کلو سستا ہوا، خشک دودھ، مٹن، بیف، دال ماش کی قیمتوں میں بھی اضافہ ہوا،ایک ہفتے کے دوران آٹا 33 پیسے فی کلو سستا ہوا، دال مونگ، مسور، چنا اور گُڑ کی قیمتوں میں کمی رکارڈ کی گئی،

تازہ دودھ، دہی، گھی، نمک اورمرچ سمیت 27 اشیاکی قیمتوں میں استحکام رہا،

ایف بی آر نے رواں مالی سال کتنا ریوینیو وصول کیا ، اعدادو وشمار جاری

باغی ٹی وی : ایف بی آر نے رواں مالی سال جولائی تاا اکتوبر 1337ارب روپے کانیٹ ریوینیو حاصل کیا ہےجبکہ پچھلے سال ان چار ماہ میں 1288 ارب رو پےنیٹ ریونیو حاصل کیا گیاتھا۔ انکم ٹیکس کی مد میں 470ارب روپے حاصل ہوئے۔ سیلز ٹیکس سے حاصل کردہ ریونیو643 ارب، فیڈرل ایکسائز ڈیوٹی 81 ارب اور کسٹمز ڈیوٹی 206 ارب رہا۔

ایف بی آر نےمالی سال کے پہلے چار ماہ میں گراس ریونیو 1400ارب روپےاکھٹا کیا ہے جو کہ پچھلے مالی سال کے پہلے چار ماہ میں1323ارب روپے تھا ۔ ماہ اکتوبر میں محاصل کی مد میں 333ارب روپے حاصل ہوئے جو کہ پچھلے سال 325 ارب روپے تھے۔

رواں مالی سال جولائی تا اکتوبر128ارب روپے کے ریفنڈز جاری ہوئے ہیں جبکہ پچھلے سال جاری کردہ ریفنڈز 52 ارب روپے کے تھے۔ماہ اکتوبر میں 15 ارب کے ریفنڈز جاری ہوئے ہیں جو کہ پچھلے سال اکتوبر میں 4.5 ارب تھے۔

ریفنڈز میں اضافہ کے باوجود ایف بی آر نےاس سال اکتوبر میں پچھلے سال اکتوبر کے محاصل کے مقابلہ میں زائد ریونیو حاصل کیا ہے.مقامی وصولیوں میں 13 فیصد اضافہ حاصل ہوا ہے جو کہ ٹیکس گزاروں کا حکومت کے ریوینیو اقدامات پر اعتماد کی عکاسی بھی کرتا ہے۔
رواں مالی سال کے پہلے چار ماہ میں سمگل شدہ اشیاء جن کی مالیت 21.48 ارب روپے ہے ضبط کی گئی ہیں جبکہ پچھلے سال پہلے چار ماہ میں 13.40 ارب روپے مالیت کی اشیاء ضبط ہوئی تھی۔رواں ٹیکس سال تاجروں کی آسانی کے لئے انکم ٹیکس گوشوارے نہایت آسان اور ایک صفحہ پر مشتمل متعارف کرائے گئے ہیں۔
مزید براں تاجروں اور تنخواہ دار طبقہ کے لئےاردو اور علاقائی زبانوں میں بھی ٹیکس گوشوارے اپلوڈ کر دیئے گئے ہیں۔ ایف بی آر نے ٹیکس گزاروں سے اپیل کی ہے کہ وہ ان سہولیات سے فائدہ اٹھائیں اور اپنے سالانہ انکم ٹیکس گوشوارے 8 دسمبر 2020 تک جمع کرالیں۔

فیڈرل بورڈ آف ریونیو کی رواں سال ریکارڈ وصولی

باغی ٹی وی : فیڈرل بورڈ آف ریونیو نے رواں مالی کے پہلے چار ماہ (یکم جولائی تا 31 اکتوبر 2021) کے دوران 1400 ارب روپے کی ٹیکس وصولیاں کی ہیں۔فیڈرل بورڈ آف ریونیو (ایف بی آر) نے رواں مالی سال 21-2020 (جولائی تا اکتوبر) کے دوران مجموعی طور پر1400 ارب روپے خام ریونیو جب کہ 1337ارب روپے کا خالص ریونیو حاصل کیا ہے جب کہ پچھلے سال ان ہی چار ماہ میں 1288 ارب روپے نیٹ ریونیو حاصل کیا گیا تھا۔ اس طرح رواں سال جولائی تا اکتوبر 77 ارب روپے گراس ریونیومیں اضافہ حاصل ہوا ہے۔

رواں مالی سال کے پہلے چار ماہ کے دوران ایف بی آر نے انکم ٹیکس کی مد میں 470ارب روپے، سیلز ٹیکس سے 643 ارب، فیڈرل ایکسائز ڈیوٹی 81 ارب اور کسٹمز ڈیوٹی کی مد میں 206 ارب کا ریونیو حاصل کیا۔
ایف بی آر کو اکتوبر 2020 میں محاصل کی مد میں 333ارب روپے حاصل ہوئے جو کہ پچھلے سال 325 ارب روپے تھے، رواں مالی سال جولائی تا اکتوبر 128ارب روپے کے ریفنڈز جاری ہوئے ہیں جبکہ پچھلے سال جاری کردہ ریفنڈز 52 ارب روپے کے تھے۔ ماہ اکتوبر میں 15 ارب کے ریفنڈز جاری ہوئے ہیں جو کہ پچھلے سال اکتوبر میں 4.5 ارب تھے، ریفنڈز میں اضافے کے باوجود ایف بی آر نے اس سال اکتوبر میں پچھلے سال اکتوبر کے محاصل کے مقابلے میں زائد ریونیو حاصل کیا ہے۔ ریفنڈز میں اضافے کی بدولت معاشی سرگرمیوں میں بہتری آئی ہے۔

کورونا وبا کے باعث معیشت کی سست روی اور فنانس ایکٹ 2020 میں ٹیکسز اور ڈیوٹیز کی مد میں خاطر خواہ ٹیکس ریلیف دینے کے باعث درآمدی سطح پر 2 فیصد ریونیو میں کمی کے باوجود ایف بی آر نے قابل تحسین کارکردگی کا مظاہرہ کیا ہے اور مقامی وصولیوں میں 13 فیصد اضافہ حاصل کیا ہے جو کہ ٹیکس گزاروں کا حکومت کے ریونیو اقدامات پر اعتماد کی عکاسی بھی کرتا ہے۔

رواں مالی سال کے پہلے چار ماہ کے دوران 21 ارب 48 کروڑ روپے سے زائد مالیت کی اسمگل شدہ اشیاء ضبط کی گئی ہیں جبکہ پچھلے سال اسی دورانیے میں 13 ارب 40 کروڑ روپے مالیت کی اشیاء ضبط ہوئی تھیں۔

دوسری جانب ایف بی آر تجارتی آسانی کی فراہمی کے لئے آٹومیشن، ای آڈٹ اور طریقہ کار سہل بنانے کے لئے ہمہ وقت کوشاں ہے۔ ادارے نے کرپشن، ہراسانی اور اختیارات کے غلط استعمال کے تدارک کے لئے موثر اقدامات اٹھائے ہیں۔ رواں ٹیکس سال تاجروں کی آسانی کے لئے انکم ٹیکس گوشوارے نہایت آسان اور ایک صفحہ پر مشتمل متعارف کرائے گئے ہیں۔

مزید براں تاجروں اور تنخواہ دار طبقہ کے لئے اردو اور علاقائی زبانوں میں بھی ٹیکس گوشوارے اپ لوڈ کر دیئے گئے ہیں۔ ایف بی آر نے ٹیکس گزاروں سے اپیل کی ہے کہ وہ ان سہولیات سے فائدہ اٹھائیں اور اپنے سالانہ انکم ٹیکس گوشوارے 8 دسمبر 2020 تک جمع کرالیں

ملک بھر میں رواں ہفتے کے آخری کاروباری روز کے دوران ایک مرتبہ پھر امریکی ڈالر 36 پیسے سستا ہو گیا۔

باغ ٹی وی : سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق انٹر بینک میں رواں ہفتے کے آخری کاروباری روز کے دوران امریکی ڈالر مزید 36 پیسے سستا ہو کر 160 روپے 26 پیسے کی سطح پر آ گیا ہے۔

واضح‌رہےکہ اپریل 2019 میں ڈالر نے بڑی چھلانگ لگئی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی

پاکستان اسٹاک مارکیٹ میں مندی

باغی ٹی وی : پاکستان اسٹاک مارکیٹ میں مندی رہی ،کے ایس ای100انڈیکس194پوائنٹس کی کمی سے 41186پوائنٹس پر بند ہوا، 59فیصد کمپنیوں کے حصص کی قیمتوں میں کمی کے باعث سرمایہ کاروں کو36ارب روپے سے زائد کا نقصان ہواجبکہ حصص کی لین دین کے لحاظ سے کاروباری حجم منگل کی نسبت23.41فیصدکم رہا۔تفصیلات کے مطابق اسٹاک مارکیٹ میں بدھ کو ٹریڈنگ کا آغازمثبت زون میں ہوا

سرمایہ کاروں کی جانب سے مخصوص منافع بخش کمپنیوں کے شیئرز کی خریداری میں دلچسپی کے باعث تیزی رہی جس کے باعث ٹریڈنگ کے دوران 100انڈیکس41695 پوائنٹس کی بلند سطح پر پہنچ گیا،بعد ازاں حصص کی فروخت کا رجحان بڑھ گیا جس کے سبب مندی چھاگئی جو آخر تک برقرار رہی۔کاروبار کے اختتام پر کے ایس ای30انڈیکس 80پوائنٹس کی کمی سے 17297پوائنٹس اور کے ایس ای آل شیئر انڈیکس 137پوائنٹس کی کمی سے 28976پوائنٹس پربند ہوا،مجموعی طور پر415کمپنیوں کے حصص کا کاروبار ہوا جس میں سے 151کمپنیوں کے حصص کی قیمتوں میں اضافہ، 246میں کمی اور18 میں استحکام رہا