Category: کاروبار

اسٹاک مارکیٹ میں آج بھی شدید مندی کا رجحان رہا
باغی ٹی وی :پاکستان اسٹاک مارکیٹ میں آج بھی شدید مندی کا رجحان رہا اور کاروبار کے اختتام پر 100 انڈیکس میں 286 پوائنٹس کی کمی ریکارڈ کی گئی۔
اسٹاک مارکیٹ میں کاروباری ہفتے کے چوتھے روز جمعرات کو شدید مندی کا رجحان رہا۔ کے ایس ای 100 انڈیکس میں کاروبار کا آغاز 30 ہزار 416 پوائنٹس پر ہوا۔

کاروباری کے ابتدائی ایک گھنٹے کے دوران کے ایس ای 100 انڈیکس میں 1752 پوائنٹس کی کمی ہوئی اور انڈیکس 28 ہزار 664 پوائنٹس کی کم ترین سطح پر آ گیا۔

کے ایس ای 100 انڈیکس میں کاروبار کا اختتام 30 ہزار 129 کی سطح سے ہوا، آج 238,267,900 شیئرز کی لین دین ہوئی جس کی مالیت پاکستانی روپوں میں 9,417,662,147 بنتی ہے۔

کاروباری ہفتے کے چوتھے روز انٹر بینک میں ڈالر کی قیمت 31 پیسے بڑھ گئی ہے۔

باغی ٹی وی :فاریکس ڈیلرز کے مطابق انٹر بینک میں ڈالر 158.52 سے بڑھ کر 158.65 روپے کا ہوگیا ہے۔گزشتہ سال کے آغاز میں ڈالر کی قیمت مسلسل بڑھتی رہی، جنوری میں ڈالر 138 روپے 93 پیسے، فروری میں 138 روپے 90 پیسے اور مارچ میں 139 روپے10 پیسے تک پہنچ گیا۔

گزشتہ سال کے آغاز میں ڈالر کی قیمت مسلسل بڑھتی رہی، جنوری میں ڈالر 138 روپے 93 پیسے، فروری میں 138 روپے 90 پیسے اور مارچ میں 139 روپے10 پیسے تک پہنچ گیا۔
کچھ روز قبل ڈالر کی قیمت میں 30 پیسے کمی ہوئی تھی جس کے بعد سے ڈالر کی قیمت برقرار رہی اور روپیہ مستحکم ہوا تھا ۔ اب پھر جب سے کرونا وائرس کی خبریں‌ گردش میں‌ ہیں. تب سے ڈالر مہنگا ہو رہا ہے .

کورونا وائرس سے نمٹنے کے لیے عالمی مالیاتی اداروں کی پاکستان کو تعاون کی پیشکش

باغی ٹی وی : کورونا وائرس سے نمٹنے کے لیے عالمی بینک اور ایشیائی ترقیاتی بینک نے پاکستان کو مالی تعاون کی پیشکش کردی ہے۔
ایشیائی ترقیاتی بینک پاکستان کو 35 کروڑ ڈالر فراہم کرے گا جبکہ عالمی بینک نے بھی 18 کروڑ 80 لاکھ ڈالر دینے کی پیشکش کر دی ہے۔پاکستان اور عالمی مالیاتی اداروں کے درمیان معاہدے جلد متوقع ہیں۔ذرائع نے بتایا کہ کورونا وائرس پر قابو پانے کیلئے فنڈز این ڈی ایم اے کے ذریعے خرچ کیے جائیں گے۔ان کا مزید کہنا تھا کہ اے ڈی بی کی طرف سے پانچ کروڑ ڈالر فوری جاری ہونے کا امکان ہے۔

کرونا وائرس سے متاثر ہونے والوں کی تعداد بڑھنا شروع ہوئی تو حکومت نے ورلڈ بینک سے فوری مدد کا مطالبہ کیا۔ اس وقت پاکستان کو کرونا وائرس سے نمٹنے کے لئے انفراسٹرکچر، ہسپتال، ایمبولنس، ادویات، ماسک اور دیگر اشیاء کی اشد ضرورت ہے۔

عالمی مالیاتی ادارے پاکستان کو فنڈز فراہم کرنے کیلئے تیار ہو گئے، ایشیائی ترقیاتی بینک 35 کروڑ ڈالر دے گا جبکہ عالمی بینک سے 23 کروڑ 80 لاکھ ڈالر ملیں گے۔

کراچی میں لگنے والے تمام بچت بازاروں کو بند کرنے کا حکم دے دیا گیا

باغی ٹی وی :کراچی میں لگنے والے تمام بچت بازاروں کو بند کرنے کا حکم دے دیا گیا ہے اس سلسلے میں نوٹی فکیشن بھی جاری کردیا گیا ہے جس کے تحت تمام بچت بازار اور میلوں کے جاری حکم نامے منسوخ کردیے گئے ہیں۔

ترجمان بلدیہ عظمیٰ کراچی کے مطابق بچت بازار کے ایم سی کے زیر انتظام چلائے جاتے ہیں اور میئرکراچی نےکورونا کی موجودہ صورتحال کے پیش نظرحکم جاری کیا جس کے بعد تمام اجازت نامے عارضی طور پرمعطل کردیے گئے اور تمام بچت بازار تا حکم ثانی بند رہیں گے
واضح رہے کہ پاکستان میں کورونا وائرس کی بڑھتی ہوئی تعداد کی وجہ سے حکومت نے کافی اقدام کیے ہیں. تعلیمی سرکاری اور نجی ادارے پہلے ہی بند ہیں.اسی طرح ہر طرح کی تقریبات پر پابندی ہے .

تعلیمی اداروں کی بندش ، ڈیلی ویجز والے افراد شدید مشکلات کا شکار، حکومت ان کا خیال کرے

باغی ٹی وی :کورونا وائرس کی وجہ سے تعلیمی ادارے بند ہیں ، اس وجہ سے جو افراد ان اداروں سے معاشی طور پر وابستہ ہیں اور ڈیلی ویجز کے طور پر اپنا معاشی سرکل چلائے ہوئے ہیں.شدید مشکل کا شکار ہوگئے ہیں.تعلیمی اداروں میں جو افراد کینٹین وغیرہ چلاتےتھے اور روزانہ کی بنیاد پر اپنا رزق کماتے تھے وہ شدید متاثر ہوئے ہیں . ان میں سے بعض کی حالت تو ایسی ہے کہ ان کا چولہا بھی نہیں جل رہا اور وہ قرض لینے اور بھیک مانگنے پر مجبور ہوگئےہیں.

حکومت پاکستان کو چاہیے کہ ایسے افراد کے لیے لازمی طور پر کوئی لائحہ عمل اختیار کرے تاکہ متاثرین اپنے بچوں کو دو وقت کا کھانا کھلا سکیں اور اپنی معاشی ضروریات پوری کر سکیں.واضح‌رہے کہ اگر ان کا حل نہ نکالا گیا تو ایسے لوگ پھر جرائم اور ڈگیتیاں کرنے پر مجبور ہوں گے.
ایسے حالات کی بہترین مثال یہ ہے کہ کینیڈا کے وزیر اعظم نے ان لوگوں کے لیے سرکاری خرچے کا بندوبست کیا ہے جو کورونا وائرس کی وجہ سے معاشی طور پر متاثر ہوئے ہیں.حکومت پاکستان کو بھی ایسا کچھ کرنا چاہیے تا مشکل کی گھڑی میں ایسے افراد بے یارو مددگار نہ رہیں.

ورجن ایئر لائنز عملے کو بلا معاوضہ چھٹی پر بھیجنے پر مجبور

باغی ٹی وی کرونا وائرس نے دنیا کی معیشت کے ساتھ ساتھ اینرلائن انڈسٹری کو بھی ہلا کر رکھ دی اہے ورجن اٹلانٹک کے عملے کو آئندہ تین ماہ کے دوران آٹھ ہفتوں کی بلا معاوضہ چھٹی لینے کو کہا جائے گا ، تاکہ کورونا وائرس وبائی امراض کے دوران ہونے والے نقصان سے ایئر لائن نمٹ سکے.

عالمی سفری پابندیوں اور اس بیماری کی وجہ سے سفر کرنے میں ہچکچاہٹ کے باعث ، مسافروں کی طلب میں کمی سے نمٹنے کے لئے ایئر لائن بھی ہے ۔ورجن اٹلانٹک کی 26 مارچ تک روزانہ کی پروازوں میں 80 فیصد کمی اور لندن ہیتھرو سے نیوارک روٹ کو فوری طور پر محور کردیا جائے گا۔واضح ہے کہ صنعت کو زندہ رہنے کو یقینی بنانے کے لئے مربوط حکومت کی حمایت کی ضرورت ہوگی اور بحران ختم ہونے پر وہ کام جاری رکھے گا،

کورونا وائرس کے باعث دنیا کی ایئر لائنز کو رواں سال اربوں ڈالر کے نقصان کا سامنا کرناپرا ہے اور یہ خسارہ دن بدن بڑھ رہا ہے ۔ سنگا پور ایئر لائن نے اپنے ملازمین پر بھاری پے کٹ لگا دیا ہے . اسی طرح فلائی بے کے ہزاروں سٹاف ممبرز نئی ملازمتوں کے لیے مارے مارے پھر رہے ہیں. ہانگ کانگ ایئر لائن نے کھانا دینے کی سہولت ختم کردی .اسی طرح بہت سے ممالک کی جانب سے پروازوں میں کمی یا پابندیاں عائد کی گئی ہیں جس کی وجہ سے ایوی ایشن انڈسٹری کو نقصان کا سامنا ہے۔

دنیا بھر میں خوف کی فضا پھیلانے والے مہلک ترین کرونا وائرس سے ایئرلائنز انڈسٹری پر بھی نہایت منفی اثرات مرتب ہوئے ہیں، صرف ایشیا پیسفک کی ایئرلائنز کے بزنس میں رواں سال 27 ارب 80 کروڑ ڈالر کی کمی کا سامنا ہوگا۔انٹرنیشنل ایئر ٹرانسپورٹ ایسوسی ایشن نے خبردار کیا ہے کہ مجموعی طور پر عالمی ایوی ایشن انڈسٹری کو 30 ارب ڈالر کا نقصان متوقع ہے، انڈسٹری کو نقصان چین کو جانے والی پروازوں کی منسوخی اور سامان کی ترسیل بند ہونے سے ہوا