کراچی: پی آئی اے نے اندرون ملک سفر کرنے والے طلباء و طالبات کیلئے کرایوں میں 10 فیصد کمی کا اعلان کردیا، تمام ڈومیسٹک فلائٹس پر سفر کرنے والے طالبعلموں کو کرایوں میں 10 فیصد کمی کا ریلیف دیا جائے گا
طلباء کو رعایتی ٹکٹ کی فراہمی کے اعلان کے بعد اطلاق فوری طور پر عمل میں لایا جا رہا ہے جس کے بعد طلبا براہ راست پی آئی اے دفاتر اور ایجنٹس کے زریعے اکانومی کلاس پر رعایت حاصل کر سکیں گے
Category: کاروبار
-
پی آئی اے کی طرف سے طالبعلموں کیلئے اچھی خبر
-
سال 19-2018: تیسری سہ ماہی میں ادائیگیوں کا حجم 157331 ارب رہا،اسٹیٹ بینک
کراچی:پاکستان کی معاشی صورت حال کو لمحہ بہ لمحہ مانیٹر کرتے ہوئے اسٹیٹ بینک آف پاکستان نے روپوٹ جاری کردی. اسٹیٹ بینک آف پاکستان کے مطابق مالی سال 19-2018 کی تیسری سہ ماہی میں ادائیگیوں کا حجم 157331 ارب رہا، جنوری تا مارچ اے ٹی ایم سے 1434ارب نقد نکالے گئے۔
اسٹیٹ بینک آف پاکستان کے ذرائع کے مطباق مالی سال 2019 کی تیسری سہ ماہی کی ادائیگیوں کا جائزہ جاری کردیا۔ اسٹیٹ بینک کے مطابق مارچ 2019 تک ملک میں 45 بینکوں کی 15 ہزار 5 سو 49 برانچیں ہیں۔
رپورٹ میں بتایا گیا کہ مارچ 2019 تک ملک میں اے ٹی ایم مشینوں کی تعداد 14 ہزار 5 سو 75 ہوگئی، تیسری سہ ماہی میں اے ٹی ایم سے 13 کروڑ ٹرانزیکشنز کی گئیں جبکہ 3 ماہ میں اے ٹی ایم کے ذریعے 1606 ارب کی ادائیگیاں کی گئیں۔
اسٹیٹ بینک کے مطابق جنوری تا مارچ اے ٹی ایم سے 1434 ارب نقد نکالے گئے، 3 ماہ میں موبائل بینکنگ سے 271 ارب کی ادائیگیاں کی گئیں۔
اسٹیٹ بینک ذائع نے رپورٹ میں مزید کہا گیا کہ مالی سال کے 9 مہینوں میں 71 لاکھ ای کامرس ٹرانزیکشنز کی گئیں، جولائی سے مارچ تک ای کامرس کی مد میں کارڈ سے ادائیگیوں کا حجم 36 ارب رہا۔ -
پاور سیکٹر سے بڑی خوشخبری …
اسلام آباد: سینٹ کی قائمہ کمیٹی برائے انرجی کو پاور ڈویژن کے سیکرٹری عرفان علی نے بریفنگ دیتے ہوئے کہا ہے کہ پاکستان کی بجلی کی ٹرانسمیشن اور تقسیم اگلے سال تک 26000 میگا واٹ تک پہنچ جائے گی جو کہ ملکی تاریخ میں رکارڈ سطح کی پاور سپلائی ہوگی،
تفصیلات کیمطابق پاور ڈویژن کے سیکرٹری نے کہا کہ اس سال بجلی کی طلب 23000 میگا واٹ تھی اور ترسیل و تقسیم 21000 میگا واٹ تک رہے گی اس کے مقابلے میں پچھلے سال بجلی کی ٹرانسمیشن کی صلاحیت 19000 میگا واٹ تھی جو کہ طلب سے 4000 میگا واٹ کم تھی
سینٹ کی قائمہ کمیٹی برائے انرجی کے اجلاس کی صدارت سینیٹر فدا محمد نے کی اور انہوں سیکٹری پاور ڈویژن سے ملک میں بجلی کی کل پیداوار، طلب و رسد اور تقسیم و ترسیل پر بریفنگ مانگی جس پر سیکرٹری پاور ڈویژن عرفان نے بریفنگ دی
اجلاس میں غیر اعلانیہ لوڈشیڈنگ اور اوور بلنگ جیسے موضوعات کو بھی زیر بحث لایا گیا -
کراچی میں جائیداد کی ویلیوایشن کا نیا نوٹیفکیشن جاری
کراچی میں جائیداد کی ویلیو ایشن کا نیا نوٹیفکیشن جاری کر دیا گیا، ایف بی آر نے فروری 2019 کے مقابلے رہائشی پلاٹ کے ویلوایشن ریٹ میں 44 فیصد تک اضافہ کر دیا۔
تفصیلات کے مطابق جائیداد کی خرید و فروخت پر ٹیکس کٹوتی کے لیے ایف بی آر نے نیا ویلو ایشن ٹیبل جاری کردیا، قدر و قیمت کے لحاظ سے زمین کی درجہ بندی 11 حصوں میں کی گئی ہےایف بی آر کے مطابق کراچی میں اے ون کٹیگری کے اوپن رہائشی پلاٹ کی ویلوایشن اب 65 ہزار روپے فی گز پر ہو گی جبکہ سب سے آخری کٹیگری میں شامل رہائشی پلاٹ 11 ہزار 200 روپے گز کے حساب سے ویلو ہو گا۔
اسی طرح اے ون کٹیگری کا اوپن کمرشل پلاٹ ڈیڑھ لاکھ روپے فی گز کے حساب سے ویلو ہوگا۔ ایف بی آر کے مطابق نئی ویلو ایشن کا اطلاق 24 جولائی 2019 سے ہوگا۔
پراپرٹی ڈیلرز کا کہنا ہے کہ فروری 2019 کے نوٹیفکیشن کے مقابلے رہائشی پلاٹ کے ویلوایشن ریٹ میں 44 فیصد تک اضافہ ہوا جبکہ کمرشل پلاٹ کے ویلوایشن ریٹ میں 39 فیصد تک اضافہ ہوا ہے۔
واضح رہے کہ اس سے پہلے ایف بی آر ذرائع سے یہ بات کہی گئی تھی کہ یکم جولائی سے پراپرٹی کی ویلیوایشن کے نئے نرخ لاگو کردیئے جائیں گے، شہر کے 9 ٹاؤنز کے 1 ہزار 246 مختلف علاقوں میں کمرشل و رہائشی پلاٹس و تعمیر شدہ بلڈنگز کی پراپرٹی ویلیو ایشن میں 20 سے 100فیصد اضافے کی تجویز دی گئی۔ اب اس پروگرام پر عملی اقدام ہو گیا ہے.
-
پاکستانی برآمدات 36.7 ارب ڈالر تک پہنچنے کا امکان
اسلام آباد:بین الاقوامی مالیاتی فنڈ (آئی ایم ایف) نے کہا ہے کہ مالی سال2024 تک پاکستان کی برآمدات کا حجم 36.7 ارب ڈالر تک پہنچنے کا امکان ہے، آئی ایم ایف نے یہ پیشگوئی اپنی حالیہ اسٹاف رپورٹ میں کی ہے
آئی ایم ایف نے کہا ہے کہ پاکستان کا مالیاتی حسارہ جو کہ 2017 میں 19.7 ارب ڈالر تھا اس میں بتدریج کمی آئی ہے اور 2018 کے مالی سال میں مالیاتی حسارہ مزید 6.95 ارب ڈالر گر گیا ہے اورامکان ظاہر کیا جا رہا ہے کہ آئندہ مالی سال میں یہ حسارہ مزید گر کر 5.49 ارب ڈالر رہ جائے گا
آئندہ مالی سال میں ٹیکسوں کی وصولی 7.011 ارب ٹریلین تک رہنے ، سال 2000-21 میں 8.3 ٹریلین اورمالی سال 2022-23 تک ٹیکسوں کی وصولی کا حجم 9.48 ٹریلین تک پہنچنے کا امکان ہے -
عرب امارات کراچی میں ایشیا کا سب سے بڑا ویزا سنٹر کھولنے جارہا
متحدہ عرب امارات (یو اے ای) نے کراچی میں ایشیا کا سب سے بڑا ویزا سنٹر کھولنے کا منصوبہ بنا لیا۔
پاکستان میں تعینات یو اے ای کے سفیر حماد عبید الزابی نے کراچی چیمبر آف کامرس اینڈ انڈسٹری میں منعقدہ تقریب سے خطاب کرتے ہوئے کہا کہ کراچی میں ویزا فراہم کرنے کی سہولت کا آغاز رواں سال ستمبر میں شروع ہو جائے گا جبکہ اسی طرز کا سنٹر اسلام آباد میں بھی بنایا جائے گا۔
انہوں نے کہا کہ ویزا سنٹر میں میڈیکل انشورنس، چیک اپ اور کنٹریکٹ کی سہولیات دستیاب ہوں گی، یہ ایشیا کا سب سے بڑا ویز سنٹر ہو گا۔
-
معیشت کو مستحکم کرنے اور اداروں کو مضبوط بنانے کیلیےپاکستان کو امداد دی: آئی ایم ایف
عالمی مالیاتی فنڈ (آئی ایم ایف) کے قائم مقام ایم ڈی ڈیوڈ لپٹن کا کہنا ہے کہ پاکستان کو مالی امداد کا مقصد وہاں کی معیشت کو مستحکم کرنا اور اداروں کو مضبوط کرنا ہے۔
تفصیلات کے مطابق آئی ایم ایف کے قائم مقام ایم ڈی ڈیوڈ لپٹن نے واشنگٹن میں وزیراعظم عمران خان کے ساتھ ملاقات کی۔ڈیوڈ لپٹن نے اپنے بیان میں کہا کہ وزیراعظم پاکستان کے ساتھ ملاقات کر کے خوشی ہوئی، ملاقات کے دوران پاکستان کی معاشی صورتحال پر بات چیت ہوئی۔
انہوں نے کہا کہ عمران خان سے پاکستان کے ریفارم پروگرام پر بات ہوئی کیونکہ آئی ایم ایف ریفارم پروگرام میں پاکستان کی معاونت کر رہا ہے۔
ایم ڈی آئی ایم ایف نے کہا کہ ریفارم پروگرام کا مقصد پاکستان کی معیشت کو مستحکم کرنا اور اداروں کو مضبوط بنانا ہے، آئی ایم ایف پروگرام پاکستان کو پائیدار اور متوازن ترقی دےگا۔
قائم مقام ایم ڈی نے کہا کہ آئی ایم ایف دیگر عالمی شراکت داروں سے مل کر حکومت پاکستان کےساتھ کام کر رہا ہے جس کا مقصد اقتصادی اصلاحات کے پروگرام پر عمل درآمد سمیت معاشی استحکام اور اداروں کی مضبوطی ہے۔
آئی ایم ایف کے قائم مقام ایم ڈی نے کہا کہ وزیراعظم عمران خان سے ملاقات میں حالیہ معاشی پیش رفت پر تبادلہ خیال کیا گیا جبکہ اقتصادی اصلاحات کے ایجنڈے پر بھی بات چیت ہوئی۔ انہوں نے بتایا کہ عمران خان سے ملاقات کرکے خوشی ہوئی۔
پاکستان اور آئی ایم ایف نے حال ہی میں 6 ارب ڈالر کے قرض پروگرام پر دستخط کیے ہیں جس کے تحت پاکستان کو اگلے تین سال کیلئے اقتصادی اصلاحات کرنا ہوگی۔
-
مارکیٹ میں پام آئل کے نرخوں میں کمی
کوالالمپں کمیور۔ 20جولائی (اے پی پی) ملائیشین مارکیٹ میں پام آئل کے نرخوں میں کمی ہوئی جس کی وجہ طلب کا کم ہونا ہے۔
برسا ڈیریویٹوز ایکسچینج میں پام آئل کے اکتوبر کے لیے سودے 0.6 فیصد کم ہوکر 1972 رنگٹ (479.57 ڈالر) فی ٹن طے پائے۔
-
پاکستان کا فرانس کے ساتھ بڑا معاہدہ طے پاگیا
اسلام آباد:حکومت پاکستان کا فرانس کیساتھ بجلی کی پیداوار بڑھانے کیلئے 50.2 میلن یورو کا معاہدہ طے پا گیا ، اس منصوبے کے تحت درگئی اور چترال کے ہائڈرو پاور پلانٹس کی بحالی اور ان کی قوت پیداوار کو بڑھانے کیلئے کام کیا جائے گا ،
تفصیلات کے مطابق سیکرٹری اکنامک افیئرز ڈویژن نور احمد سے فرانس کے سفیر مارک بیرٹی نے ملاقات کی اور چترال اور مالا کنڈ کے ہائڈرو پاورپروجیکٹس کی بحالی اور اپ گریڈیشن کے منصوبے پردستحط کیے گئے،
یادرہے کہ درگئی اور چترال کے پاور پلانٹس گرین انرجی کا بہترین سورس ہیں اور ان سے علاقہ مکینوں کو سستی بجلی مہیا کی جا رہی ہے اور اگران پراجیکٹس کی بحالی کا منصوبہ کامیابی سے مکمل ہوگیا تو نہ صرف قوت پیداوارمیں اضافہ ہوگا بلکہ علاقے میں ترقی کے نئے راستے بھی کھلیں گے -
میانوالی ایکسپریس افتتاح، پنڈی بوائے نے مخالفین کے چھکے چھڑا دیے
سرگودہا،میانوالی: وفاقی وزیر ریلوے شیخ رشید احمد صاحب کامیانوالی ایکسپریس ٹرین کی افتتاحی تقریب سے خطاب مخالفین کے چھکے چھڑا دیے۔پنڈی بوائے