Category: کاروبار

ڈالر 35 پیسے سستا ہو 159 روپے 70 پیسے کا ہو گیا

تفصیلات کے مطابق انٹربینک میں ڈالر 35 پیسے سستا ہو کر 159 روپے 70 پیسے میں ٹریڈ ہوتا رہا۔ دوسری جانب سٹاک مارکیٹ میں 351 پوائنٹس کا اضافہ دیکھنے میں آیا۔
کئی دنوں کے بعدآج مارکیٹ میں امریکی کرنسی کے ریٹ میں کمی ہوئی، انٹر بینک مارکیٹ میں ڈالر 35پیسے سستا ہو کر 159 روپے 70 پیسے میں فروخت ہوا۔ سٹاک مارکیٹ میں بھی آج مثبت رجحان دیکھنے میں آیا جب 351 پوائنٹس کے اضافے کے بعد 100 انڈیکس 33 ہزار 323 پوائنٹس کی سطح پر پہنچ گیا۔

ماہرین کے مطابق پاکستان میں ٹیکس کلچر کے فروغ اور صنعتی سرگرمیاں بحال ہونے تک ملکی معاشی صورتحال دگرگوں رہنے کا خدشہ ہے، پاکستانی روپے میں مستقل استحکام کیلئے حکومت کو معاشی پالیسیوں پر عملدرآمد یقینی بنانا ہو گا۔

یوٹیلیٹی سٹورز کارپوریشن پاکستان نے گھی اور کوکنگ آئل کی قیمتیں سستی کردیں،

باغی ٹی وی رپورٹ کے مطابق یوٹیلیٹی سٹورز کارپوریشن پاکستان نے گھی اور کوکنگ آئل کی قیمتیں سستی کردیں، نئے جاری ہونے والے نوٹیفیکیشن کے مطابق گھی 26 روپے جبکہ کوکنگ آئل 21 روپے سستا کردیا گیا ہے۔ جس کا اطلاق آج سے یوٹیلٹی سٹورز کے صارفین پر ہوگا۔

واضح رہے کہ میڈیا کا ایک خاص طبقہ مسلسل یہ شور مچا رہا ہے کہ ٹیکسوں کی وجہ سے مہنگائی آسمانوں سے باتیں کرنے لگی ہے . اسی سلسلے میں تاجروں اور کاروباری حضرات کی آئے روز ہڑتالیں جاری ہیں.جب کہ اس صورت حال میں گھی کی قیمتوں میں یہ کمی مہنگائی سے ماری عوام کے لیے ہوا کا جھونکا ثابت ہوا ہو گا

گورنر سٹیٹ بینک آج نئی مانیٹری پالیسی کا اعلان آج کریں

تفصیلات کے مطابق گورنر اسٹیٹ بینک رضا باقر آئندہ دو ماہ کے لیے مانیٹری پالیسی کا اعلان آج کریں گے۔ پالیسی میں آئندہ دو مہینوں کے لیے شرح سود کا تعین کیا جائے گا۔

پالیسی ریٹ کے تعین کے لیے بورڈ آف گورننس کا اجلاس کچھ دیر میں شروع ہو گا جس میں بورڈ ممبران پالیسی ریٹ پر بحث کریں گے تاہم پالیسی ریٹ کا حتمی فیصلہ گورنر اسٹیٹ بینک کریں گے۔

شرح سود کے تعین کے بعد باقاعدہ پریس کانفرنس میں ریٹ کا اعلان کیا جائے گا۔

روپے کی گرتی قدر اور مہنگائی میں مسلسل اضافے کے باعث ماہرین توقع کررہے ہیں کہ اسٹیٹ بینک موجودہ حالات کو مد نظر رکھتے ہوئے شرح سود میں اضافہ کرسکتا ہے۔

یاد رہے کہ رواں سال مئی میں اسٹیٹ بینک نے گزشتہ مالی سال کی آخری مانیٹری پالیسی کا اعلان کرتے ہوئے اگلے دو ماہ کے لیے سود کی شرح میں اضافے کافیصلہ کیا تھا۔ مرکزی بینک کی شرح سود میں 150 بیسس پوائنٹس کا اضافہ کیا گیا، اسٹیٹ بینک اعلامیے کے مطابق بنیادی شرح سود 12.25 فی صد ہو گئی تھی ۔

اسٹیٹ بینک نے اس موقع پر کہا تھا کہ گزشتہ مانیٹری پالیسی کے بعد 3 نمایاں تبدیلیاں ہوئی ہیں، حکومت نے آئی ایم ایف سے 6 ارب ڈالر فنڈ سہولت پر اتفاق کیا، اس پروگرام کا مقصد معاشی استحکام بحال کرنا ہے۔

انٹر بینک میں ڈالر ایک روپے چار پیسے مزید مہنگا ہوگیا جس کے بعد اس کی قیمت 160 روپے سے تجاوز کرگئی۔

فاریکس ڈیلرز کے مطابق انٹر بینک میں ڈالر 159.86 سے بڑھ کر 160.90 روپے ہر جا پہنچا۔

ماہرین کا کہنا ہے کہ ادائیگیوں پر ڈالر کی طلب بڑھنے پر روپے پر دباؤ دیکھا جارہا ہے۔گزشتہ روز اوپن مارکیٹ میں ڈالر کا ریٹ 160 روپے اور انٹربنک میں 159 روپے 86 پیسے ہوگیا تھا۔

امریکی ڈالر مزید مہنگا ہو گیا ملک بھر میں کاروباری ہفتے کے پہلے روز ایک مرتبہ پھر امریکی ڈالر پرواز کرنے لگا، انٹر بینک میں امریکی کرنسی مزید ایک روپے 7 پیسے مہنگی ہو گئی۔

تفصیلات کے مطابق کاروباری ہفتے کے پہلے روز امریکی ڈالر کی قدر میں تیزی دیکھی گئی، مارکیٹ میں امریکی کرنسی 1 روپے 7 پیسے مہنگی ہو گئی جس کے بعد ایک ڈالر 159 روپے 86 پیسے پر بند ہوا۔

دوسری طرف اوپن مارکیٹ میں بھی کاروباری ہفتے کے پہلے روز ڈالر کی مسلسل اُڑان سے روپیہ ہلکان کا شکار ہے، اوپن مارکیٹ میں ڈالر 75 پیسے مہنگا ہو کر 160 روپے 50 پیسے پر بند ہوا۔

معاشی ماہرین کے مطابق ملکی کرنسی میں کمی کا رجحان ملک میں معاشی سرگرمیوں میں حالیہ تعطل کے پیش نظر ہو سکتا ہے، ٹیکس عائد کئے جانے کے سبب تاجر اور صنعتکار پریشان ہیں جبکہ حکومت مسائل حل کرنے میں غیر ضروری تاخیر کر رہی ہے جس سے ملکی معاشی صورتحال مزید گھمبیر ہوتی جا رہی ہے۔