Baaghi TV

Category: کاروبار

  • موبائل صارفین کے لیے خوش خبری

    موبائل صارفین کے لیے خوش خبری

    موبائل صارفین کے لیے خوش خبری موبائل فون کمپنیوں نے موبائل بیلنس پر صارفین سے آپریشنل اور سروسز فیس کی وصولی روک دی۔

    تفصیلات کے مطابق سپریم کورٹ کے احکامات پر موبائل کمپنیوں نے موبائل بیلنس پر عائد 7 سے 10 فیصد ٹیکس کم کردیا جس کے بعد اب یہ رقم صارفین کو فراہم کی جائے گی۔

    چنانچہ اب 100 روپے کا موبائل بیلنس ری چارج کرنے پر آپریشنل اور سروسز چارجز کی مد میں 12 روپے 9 پیسے منہا نہیں کیے جائیں گے۔

    یوں صارفین کو 100 روپے کے کارڈ پر 76 روپے 94 پیسے کے بجائے 88 روپے 90 پیسے موصول ہوں گے اور اب آپریشنل اور سروسز فیس کی ادائیگی کمپنیوں کے اکاؤنٹ سے کی جائے گی۔

    اس بارے میں پاکستان ٹیلی کمیونکیشن اتھارٹی( پی ٹی اے) کے ترجمان خرم مہران نے بتایا کہ سپریم کورٹ کے احکامات کے پیشِ نظر موبائل کمپنیز صرف 12.5 فیصد ود ہولڈنگ ٹیکس ہی لاگو کرسکیں گی۔

    عدالت عظمیٰ نے کمپنیوں کو 10 فیصد انتظامی اور سروسز چارجز ختم کرنے کا حکم دیا تھا جس کے بعد جمعے سے اس حکم پر عملدرآمد کرتے ہوئے سروس چارجز ختم کردیے گئے۔

    واضح رہےکہ اس سے قبل بھی سابق چیف جسٹس آف پاکستان جسٹس میاں ثاقب نثار کے دور میں سپریم کورٹ نے موبائل فون کارڈ پر حکومت کو ٹیکس کی وصولی سے روک دیا تھا اور موبائل کمپنیوں نے 100 روپے کے کارڈ پر 100 روپے کا بیلنس دینے کا اعلان کیا تھا تاہم چند ماہ بعد ہی عدالت نے اس حکم کو معطل کردیا تھا

  • ترکی کو چاہیےکہ پاکستان میں سرمایہ کاری کرے، ترک سفیر

    ترکی کو چاہیےکہ پاکستان میں سرمایہ کاری کرے، ترک سفیر

    ترک سفیر نے کہا ہے کہ ترکی کو چاہیےکہ پاکستان میں سرمایہ کاری کرے،ترک عوام کو چاہے کہ وہ زیادہ سے زیادہ پاکستان کی سیر کرے

    تفصیلات کے مطابق احسان مصطفی یردوکل نے کہا ترک عوام کو چاہے کہ وہ زیادہ سے زیادہ پاکستان کی سیر کرے، جبکہ ترک کمپنیوں کو بھی چاہئے کہ وہ پاکستان میں سرمایہ کاری کرے۔ ترک کمپنی کی جانب اسلام آباد میں کھولے گئے ویزا و ٹریول سروس سنٹرکے افتتاح پر خطاب میں ترک سفیرنے مزید کہا کہ جس طرح ایک کمپنی نے پہلا ویزہ و ٹریول سنٹر کھولا ہے دیگر کمپنیاں بھی یہاں آکر سرمایہ کاری کریں کیونکہ پاکستان میں سرمایہ کاری کے بہت زیادہ مواقع ہیں۔

    انہوں نے کہا کسی بھی ترک کمپنی کا اسلام آباد میں ترکش ویزا سنٹر کا کھلنا ایک اچھا شگون ہے، اس سنٹر کے کھلنے سے ترک جانے والے پاکستانیوں کو ویزا کے حصول میں آسانیاں پیدا ہوں گی۔

    ترک گروپ آف کمپنیزکے چیئرمین زہریا کرامان کا کہنا تھا کہ اسلام آباد میں ویزا سنٹر کھولنے کا مقصد دونوں ملکوں کے مابین تعلقات کو مزید فروغ دینا ہے۔ ترکی کی ضرب المثل ہے کہ ترکی کا دنیا میں ایک دوست ہے اور وہ دوست پاکستان ہے ،ہمیں امید ہے کہ پاکستانی عوام کے دلوں میں بھی ترکی کے عوام کیلئے اس طرح کے جذبات ہوں گے

  • ساہیوال:ہڑتال کے دوران کیا ہوتا رہا؟

    ساہیوال:ہڑتال کے دوران کیا ہوتا رہا؟

    ساہیوال :حکومتی نئی ٹیکس پالیسی کے خلاف تاجر تنظیموں کی اپیل پر شٹر ڈاؤن ہڑتال،دوکانیں اور کاروباری مراکز بند،بازار سنسان،کاروبار زندگی مفلوج،

    تفصیلات کے مطابق پنجاب بھر کی طرح ضلع ساہیوال میں بھی حکومت کی طرف سے عائد کردہ نئی ٹیکس پالیسی کے خلاف تاجر تنظیموں کی اپیل پر ہفتے کے روز شٹر ڈاؤن ہڑتال کی گئی،ضلع کے اکثر مقامات پر تمام کاروباری مراکز اور بازار مکمل طور پر بند رہے اور کہیں کہیں ہڑتال کا اثر جزوی طور پر دیکھنے میں آیا،حکومت کی طرف سے اگرچہ اس ہڑتال کو ناکام قرار دیا جاتا رہالیکن آزاد اور غیرجانبدارانہ ذرائع کے مطابق شٹر ڈاؤن کا تناسب 95% کے قریب رہا،ساہیوال شہر کا سب سے بڑا صدر بازار شہر خموشاں کا منظر پیش کرتا رہا،اسی طرح دیگر بازاروں میں بھی تقریباً تمام دوکانیں بند رہیں،البتہ موبائل مارکیٹ جزوی طور پر کھلی نظر آئی،اس ہڑتال کی اپیل تو مبینہ طور پر تاجر تنظیموں کی طرف سے کی گئی تھی لیکن مبصرین کے بقول اس ہڑتال کے اصل محرکات میں اپوزیشن پارٹیوں کے وہ تاجر شامل تھے جو مختلف حکومتی ادوار میں تاجر تنظیموں کے عہدے دار رہے اور حکومتی سرپرستی کا فائدہ اٹھا کر اپنے کاروبار کو فروغ دیتے رہے،تاہم اس ہڑتال کے دوران کہیں پر بھی کوئی زور زبردستی نہیں کی گئی اور دوکانداروں نے اپنی مرضی سے دوکانیں بند رکھیں،بازاروں میں خریداری کے لیے آنے والے بھی اکا دکا ہی نظر آئے،جمعہ کی شام سے ہی حکومتی پارٹی کی ذیلی تاجر تنظیموں کی طرف سے ضلعی انتظامیہ سے کامیاب مذاکرات کے بعد ہڑتال کی منسوخی کی خبریں آنا شروع ہوگئی تھیں لیکن ہفتے کے دن کاروباری اوقات شروع ہوتے ہی تمام صورتحال واضح ہونا شروع ہوگئی،یاد رہے کہ یہ ہڑتال اس سال بجٹ میں منظور ہونے والی نئی ٹیکس پالیسی کے خلاف تاجر تنظیموں کی اپیل پر کی گئی تھی،لیکن اس کے اصل مقاصد ،ان کا درست یا غلط ہونا اور حاصل یا لاحاصل کے بارے میں کوئی حتمی رائے قائم کرنا قبل از وقت ہوگا البتہ ٹیکسوں کے بوجھ تلے دبی عوام سوشل میڈیا پر اپنے تئیں ان سوالوں کے جواب ڈھونڈنے اور دینے میں مگن ضرور ہے،

  • چکوال میں دن بھر ہڑتال کی صورتحال

    چکوال میں دن بھر ہڑتال کی صورتحال

    ضلع وتحصیل چکوال اور باقی تمام تحصیلیں تلہ گنگ، کلرکہار، چواسیدن شاہ اور لاوہ میں بھی پاکستان کے باقی تمام شہروں کی طرح آج حکومت کی ٹیکس سے متعلق پالیسیوں کے خلاف شٹر ڈاون ہڑتال کی گئی۔ جبکہ یہ ہڑتال مکمل طور پر شٹر ڈاون ثابت نہ ہو سکی بلکہ جزوی رہی کیونکہ کاروباری لوگوں نے دیکھا دیکھی دکانیں کھول دیں۔ چکوال کے تمام علاقہ میں ہڑتال کی صورتحال تقریبا ایک جیسی ہی رہی۔ چکوال کے مین بازاروں میں پورا دن مکلمل شٹر ڈاون رہے جبکہ ملحقہ دیہاتوں میں دکانداروں نے لاتعلقی ظاہر کرتے ہوئے اپنے معمولات کاروبار برقرار رکھے۔اور مزید یہ کہ ٹرانسپورٹ بھی جزوی طور پر برقرار رہی لیکن عوام جن میں خصوصا مسافر لوگ ہڑتال کے ڈر سے گھروں میں ہی محصور رہے۔

  • ہڑتال کامیاب نہ ہونے پر انجمن تاجران مظفرگڑھ غنڈا گردی پر اترآئی۔

    مظفرگڑھ میں انجمن تاجران کے عہدیداروں کی غنڈا گردی،زبردستی دکانیں بند کروانے پر تاجروں کے مابین ہنگامہ آرائی۔تاجر تنظیم کے عہدیداروں کی رشید حلوائی چوک ،مملہ چوک سمیت مختلف علاقوں میں دکانیں زبردستی بند کروانے کی کوشش پر تاجروں نے پولیس طلب کرلی ۔دکانیں بند کروانے والے شرپسندوں نے تاجروں کو زدوکوب بھی کیا ۔پولیس نے موقع پر پہنچ کر حالات پر قابو پایا اور دکانیں کھولنے والے تاجروں کو تحفظ فراہم کیا۔پولیس کے بازار میں گشت کی وجہ سے دکانداروں نے اپنی دکانیں کھولنی شروع کردیں۔تاجروں کا کہنا تھاکہ چند شرپسند تاجر رہنما اپنے سیاسی مقاصد کے حصول کے لئے تاجروں کو کاروبار سے روک رہے ہیں انتظامیہ دکانیں زبردستی بند کروانے کا نوٹس لے اور شرپسندوں کے خلاف سخت کاروائی کرے۔

  • چینی صنعتوں کا پاکستان میں جال بچھا دیں گے.چینی کمپنیوں کے سربراہان کا عمران خان سے وعدہ

    چینی صنعتوں کا پاکستان میں جال بچھا دیں گے.چینی کمپنیوں کے سربراہان کا عمران خان سے وعدہ

    اسلام آباد:ہم چینی صنعتوں کا پاکستان میں جال بچھا دیں گے،بہت جلد چینی صنعتوں کو پاکستان منتقل کرنا شروع کردیں گے .ان خیالات کا اظہار چین سے آئے ہوئے 55 کمپنیوں کے سربراہان نے وزیر اعظم عمران خان سے اسلام آباد میں‌کیا.ان چینی کاروباری شخصیات کو وزیر اعظم پاکستان نے پاکستان میں سرمایہ کاری کرنے کے حوالے سے دعوت دی تھی

    وزیر اعظم عمران خان نے وفد سے کہا کہ پاکستان چین سے اس سلسلے میں فائدہ اٹھانا چاہتا ہے.عمران خان نےکہا کہ پاکستان چینی قیادت کے ویژ ن اور منصوبے بندی سے بہت متاثر ہے.خاص کر امن وامان ،گورننس اور غربت میں کمی کے حوالے سے چینی اقدامات سے متاثر ہیں.

    چینی وفد سے بات چیت کرتے ہوئے عمران خان نے کہا کہ بہت جلد اکنامک کوریڈور خطےمیں پاکستان کے لیے ایک گیم چینجر بن جائے گا.پاک چین دوستی پر عمران خان نے کہا کہ اس دوستی سے دنوں ملکوں میں تعلقات مزید بہتر ہوں گے

    پاکستان میں چین کے سفیر نے حکومت کی طرف سے معاشی اصلاحات کو سراہا اور کہا کہ مستقبل قریب میں پاکستان کے معاشی حالات بہتر ہوجائیں گے

    چینی وفد کے ساتھ اس ملاقات میں وزیراعظم کے علاوہ مشیر خزانہ عبدالحفیظ شیخ،مشیر تجارت عبدالرزاق داود،مخدوم خسرو بختیار،زبیر گیلانی اور چیئر مین ایف بی آر شبر زیدی شریک ہوئے

  • 13جولائی کی شٹرڈاون ہڑتال،مظفرگڑھ میں انجمن تاجران اور انتظامیہ میں ٹھن گئی

    مظفرگڑھ میں کل 13 جولائی کو مہنگائی اورٹیکسوں کیخلاف ہونے والی ہڑتال کے معاملے پر انجمن تاجران اور ضلعی انتظامیہ آمنے سامنے آگئے،انجمن تاجران کا کہنا ہے کہ ضلعی انتظامیہ کے ہتھکنڈوں اور پولیس کی دھمکیوں کے باوجود ہڑتال ہرصورت کامیاب ہوگی.مظفرگڑھ میں 13 جولائی کومہنگائی اور ٹیکسوں کیخلاف ہو نے والی ہڑتال کو کامیاب بنانے کے لیے انجمن تاجران اور ہڑتال کو ناکام بنانے کے لیے ضلعی انتظامیہ اور پولیس نے کمر کس لی.ضلع مظفرگڑھ میں ہڑتال کو کامیاب کرانے کے لیے انجمن تاجران نے ضلع بھر میں رابطہ مہم شروع کررکھی ہے اور تاجروں سے ہفتے کے روز دکانیں بند کرنے کی اپیل کی جارہی ہے،دوسری جانب ہڑتال کو ناکام بنانے کے لیے ضلعی انتظامیہ بھی متحرک ہوگئی ہے،ضلعی انتظامیہ کی جانب سے تاجروں کے مختلف دھڑوں سے رابطے کرکے ہڑتال سے باز رکھنے کی کوششیں بھی جاری ہیں.انجمن تاجران کے عہدیدار میاں شان شیخ نے الزام عائد کیا ہے کہ ہڑتال کو ناکام بنانے کیلئے ضلعی انتظامیہ اور پولیس ضلع بھر کے تاجروں کو تقسیم کرنا چاہتی ہے،مختلف ہتھکنڈوں کو استعمال کرکے تاجروں کو ڈرایا اور دھمکایا جارہا ہے.

    انجمن تاجران کیمطابق کل 13 جولائی کو ضلع بھر میں ہڑتال ہر صورت کامیاب ہوگی.دوسری جانب ضلعی پولیس کی جانب سے بھی بیان جاری کردیا گیا ہے،پولیس ترجمان وسیم خان گوپانگ کیمطابق ہڑتال کی آڑ میں زبردستی دکانیں بند کرانے والے تاجروں کیخلاف مقدمات درج کیے جائیں گے.

  • 13 جولائی کو ہڑتال سے بھاگنے والے سند یافتہ غدار ہیں:نعیم میر

    13 جولائی کو ہڑتال سے بھاگنے والے سند یافتہ غدار ہیں:نعیم میر

    آل پاکستان انجمن تاجران کے مرکزی سیکرٹری جنرل نعیم میر نے کہا ہے کہ 13 جولائی کو ہڑتال سے بھاگنے والے سند یافتہ غدار ہیں .

    باغی ٹی وی کی رپورٹ کے مطابق آل پاکستان انجمن تاجران کے مرکزی سیکرٹری جنرل نعیم میر نے حکومت کی جانب سے بے جا ٹیکسوں کی بھرمار کے خلاف پاکستان بھر میں 13 جولائی کی شٹر ڈاﺅن ہڑتال کے حوالے سے لاہور پریس کلب میں پریس کانفرنس سے خطاب کیا ، پریس کانفرنس میں ملک امانت، امجد چوہدری، وقار میاں، میاں خلیل عبیر، عمران بشیر، شیخ عمر حیات، سہیل محمود بٹ، شیخ عرفان اقبال، میاں طاہر سبحانی، ملک فاروق حفیظ، لالہ یاسر، آغا ذوالفقار، ذوالفقار بھٹی، سید عظمت شاہ، صدام خان، علی نصرت بٹ و دیگر شریک ہوئے۔ 

    آل پاکستان انجمن تاجران کے مرکزی سیکرٹری جنرل نعیم میر نے خطاب کرتے ہوئے کہا کہ تاجر تحریک پررات کے اندھیرے میں شب خون مارا گیا،شب خون مارنے والے کوئی اور نہیں تاجر ہی تھے،معاہدے میں واضح لکھا تھا کہ ہڑتال سے بھاگنے والے تاجر تاجروں کے غدار ہوں گے،ہڑتال سے بھاگنے والے سند یافتہ غدار ہیں،

    انہوں نے مزید کہا کہ یہ ہڑتال اب ہماری نہیں ملک بھر کے اکتیس لاکھ تاجروں کی ملکیت ہے،کراچی سے خیبر تک کشمیر سے گوادر تک 13 جولائی کو ہڑتال ہوگی،یہ پاکستان کی تاریخ کی سب سے بڑی ہڑتال ہوگی،تاجر غداروں کا احتساب خود تاجر برادری کرے گی،

    انہوں نے کہا کہ قومی تاجر اتحاد، لاہور بزنس مین فرنٹ، آل پاکستان ٹرک ٹرالہ اونرز ایسوسی ایشن ، جیولرز ، کار ڈیلرز ایسویس ایشن اور دیگر تاجر تنظیموں نے بھی 13جولائی کی ہڑتال کا اعلان کر دیا ہے، چیئرمین لاہور بزنس مین فرنٹ امجد چوہدری نے کہا کہ محمد علی میاں کے ٹولے کا وطیرہ ہمیشہ سے تاجروں کو بیچنا رہا ہے،یہ ٹولہ کبھی لاہور چیمبر آف کامرس میں تاجروں کو بیچتا ہے تو کبھی حکومت کے ساتھ مل کر تاجروں کا سودا کرتا ہے،

    پریس کانفرنس میں تمام تاجر رہنماﺅں نے ہاتھوں میں ہاتھ ڈال کر اظہار یکجہتی کرتے ہوئے شٹرڈاﺅن ہڑتال کو کامیاب ترین بنانے کا عزم کیا

  • سیلز ٹیکس سے متعلق افواہیں پھیلائی جا رہی ہیں، چیئرمین ایف بی آر

    سیلز ٹیکس سے متعلق افواہیں پھیلائی جا رہی ہیں، چیئرمین ایف بی آر

    چیئرمین ایف بی آر شبرزیدی نے میڈیا سےبات کرتے ہوئے کہا کہ سیلز ٹیکس سے متعلق افواہیں پھیلائی جا رہی ہیں.آٹے اور میدے پر سیلز ٹیکس نہیں لگایا گیا

    باغی ٹی وی رپورٹ کےمطابق اسلام آبادمیں چیئرمین ایف بی آر شبرزیدی نے میڈیا سے گفتگوکرتے ہوئے کہا کہ زیروریٹنگ اورشناختی کارڈ کے معاملے پرمذاکرات ہوئے ہیں،گزشتہ روز اپٹما کے لوگوں کے ساتھ بات چیت ہوئی،کل رات کراچی کے تاجروں سےٹیلیفون پربات چیت ہوئی،فیصل آباد چیمبرکے لوگوں سے بھی آج بات چیت ہوئی ہے، انہوں نے کہا کہ سیلز ٹیکس سے متعلق افواہیں پھیلائی جا رہی ہیں.آٹے اور میدے پر سیلز ٹیکس نہیں لگایا گیا

    13 جولائی کو ہڑتال ہوگی یا نہیں تاجر برادری نے اہم اعلان کر دیا

    واضح رہے کہ اس سےپہلے رکن پنجاب اسمبلی وزیر خزانہ رانا بابرحسین نے تجویذ پیش کی تھی کہ حکومت ٹیکسٹائل، لیدر، کارپٹ، سرجری کے آلات، کھیلوں کے سامان پر مشتمل پانچوں سیکٹر پر زیرو ریٹنگ سٹیٹس ختم نہ کرے کیونکہ ملکی برآمدات کا بیشتر حصہ انہی شعبوں سے وابستہ ہے۔ انہوں نے کہا کہ یہ تمام سیکٹرز دستاویزی ہیں اور ملکی برآمدات کاکل 70%جبکہ روزگارکا 50%حصہ انہی سے منسلک ہے۔ زیرو ریٹنگ کی سہولت بحال ہونے سے ان سیکٹرز کی کارکردگی بہتر ہو گی اور ملکی برآمدات میں اضافہ ہوگا جس سے نہ صرف مقامی کاروباری برادری کا اعتماد بحال ہو گا بلکہ غیر ملکی سرمایہ کاروں کو بھی ایک مثبت پیغام جائے گا۔انہوں نے کہا کہ زیرو ریٹنگ کی سہولت جاری رہنے سے صنعتوں کی کاروباری لاگت میں مزید اضافہ نہیں ہوگا۔

  • 13 جولائی کو ہڑتال ہوگی یا نہیں تاجر برادری نے اہم اعلان کر دیا

    13 جولائی کو ہڑتال ہوگی یا نہیں تاجر برادری نے اہم اعلان کر دیا

    تاجر رہنماؤں کے ایک دھڑے نے 13 جولائی کو ہڑتال کی کال واپس لے لی. پنجاب حکومت اور پاکستان ٹریڈرز الائنس کے درمیان مذاکرات کامیاب ہوگئے

    تفصیلات کےمطابق پنجاب حکومت اور پاکستان ٹریڈرز الائنس کے درمیان مذاکرات کامیاب ہوگئے جس کے بعد تاجر رہنماؤں نے 13 جولائی کو ہڑتال کی کال واپس لے لی.13 جولائی کی ہڑتال کے سلسلے میں سات گھنٹے کے طویل مذاکرات میں صوبائی وزیر صنعت میاں اسلم اقبال نے تاجروں کے ایک دھڑے کو منا لیا، پاکستان ٹریڈرزالائنس نے ہڑتال سے لاتعلقی کا اعلان کردیا
    جب کہ کراچی الیکٹرونکس ڈیلرز ایسوسی ایشن کل دُکانیں کاروبار بند رکھنے کے اعلان پر برقرار ہیں۔

    انہوں نے کہا کہ کچھ تنظیمیں سوشل میڈیا پر منفی پروپیگینڈا کررہی ہیں، آئی ڈی کارڈ کی شرط صرف مین ڈیلر کے لیے ہے جب کہ گلی محلے میں کاروبار کرنے والے چھوٹے دکانداروں پر کوئی ٹیکس نہیں لگایا گیا۔

    دوسری جانب کراچی الیکٹرونکس ڈیلرز ایسوسی ایشن نے کل دکانیں بند رکھنے کا اعلان کیا ہے اور فیصل آباد میں یکم جولائی سے پروسیسنگ انڈسٹری کی بندش کا برقرار ہے۔

    صوبائی وزیر صنعت میاں اسلم اقبال نے کہا کہ شناختی کارڈ کی شرط ڈسٹری بیوٹرز پر لاگو ہے ، اکاؤنٹس منجمد نہیں ہونگے ، مارکیٹوں میں ایف بی آر چھاپے نہیں مارے گا،چھوٹے تاجروں پر فکس ٹیکس کا نظام لایا جائے گا ،درآمدی سامان جو 30 جون سے پہلے لینڈنگ بلز پر ہے اس کو پرانے قوانین،ڈیوٹیز کے مطابق ریلیز کیا جائے گا.