Category: کاروبار

وزیراعلی شکایت سیل کی وائس چیئرپرسن مہناز سعید کا مظفرگڑھ کے رمضان بازارکا دورہ،شہریوں نے شکایات کے انبار لگادیئے،ڈپٹی کمشنر اور اسسٹنٹ کمشنر آگاہ کرنے کے باوجود بازار نہ آئے۔وزیراعلی پنجاب کے شکایت سیل کی وائس چیئرپرسن مہناز سعیدنے مظفرگڑھ پریس کلب روڈ پر واقعہ رمضان بازار کا دورہ کیا۔مہناز سعید نے رمضان بازار کے مختلف سٹالزکا دورہ کرکے اشیاء اور انتظامات کا جائزہ لیا ۔انہوں نے رمضان بازار میں ناقص انتظامات اور خواتین کو درپیش مشکلات پر برہمی کا اظہار کیا اور انتظامیہ کوآٹا اور چینی کے سٹالزپر خواتین کے کاونٹر بڑھانے کی ہدایت کی۔صحافیوں کی نشاندہی پر وائس چیئرپرسن وزیراعلی شکایت سیل نےچند سال قبل رمضان بازارکے مقام پر لگائی گئی ٹف ٹائل کو راتوں رات تبدیل کرنے کابھی نوٹس لیتے ہوئے تحقیقات کا اعلان کیا۔مہناز سعید نے رمضان بازار دورہ کے دوران کئی بار ڈپٹی کمشنر اور اسسٹنٹ کمشنر مظفرگڑھ کو رمضان بازار آنے کی ہدایت کی تاہم دونوں افسران نےوائس چیئرپرسن وزیراعلی شکایت سیل کو لفٹ نہیں کرائی ۔افسران کے رویہ پر برہم مہناز سعید نے معاملہ کو وزیراعلی کےنوٹس میں لانے کا بھی اعلان کیا۔

ڈپٹی کمشنر ڈاکٹر احتشام انور نے سنانواں اور چوک سرور شہید میں قائم رمضان بازاروں کا دورہ اور ان بازاروں کے انتظامات کا جائزہ لیا. اسسٹنٹ کمشنر کوٹ ادو جام آفتاب احمد اور دیگر متعلقہ اداروں کے حکام بھی موجود تھے. ڈپٹی کمشنر ڈاکٹر احتشام انور نے رمضان بازار چوک سرور شہید میں آٹے کے تھیلے کے وزن کو چیک کیا.100 گرام وزن کم ہونے پر ڈپٹی کمشنر نے محکمہ خوراک اور متعلقہ فلور ملز کے اہلکاروں پر برہمی کا اظہار کیا اور سختی سے حکم دیا کہ آٹے کے تھیلے کا وزن پورا ہونا چاہیے.اس سلسلے میں کوئی غفلت برداشت نہیں کی جائے گی، انہوں نے کہا ہے کہ حکومت پنجاب کی ہدایت پر اس سال بھی رمضان المبارک میں مختلف اشیا پر سبسڈی دی جارہی ہے. ضلع مظفرگڑھ میں مختلف مقامات پر قائم رمضان بازاروں میں اشیاء خوردو نوش سمیت سبزی، پھل، گوشت، مرغی، انڈے اور دیگر ضروریات زندگی سستے داموں وافر مقدار میں دسیتاب ہیں. انہوں نے ہدایت کی کہ ضلع بھر کے بازاروں میں صفائی ستھرائی کا خاص خیال رکھا جائے.خاص طور پر چکن کے سٹال پر صفائی ستھرائی اور حفظان صحت کے تمام اصولوں کی پابندی کی جائے. انہوں نے کہا کہ بازار میں موجود سٹالز پر اشیا جیسے کھجور و دیگر میٹھی اشیا کو ڈھانپ کر رکھا جائے. انہوں نے کہا کہ ہم نے عوام کو ریلیف فراہم کرنا ہے اس سلسلے میں کسی قسم کی کوتاہی برداشت نہیں کی جائے گی. انہوں نے کہا کہ رمضان بازاروں میں تمام سٹالز پر نرخ نامہ آویزاں کیا جائے جس پر روزانہ کی بنیاد پر نرخ درج ہوں. انہوں نے مزید کہا کہ اشیاء خوردو نوش کے معیار پر کوئی سمجھوتہ نہیں کیا جائے گا. انہوں نے کہا کہ رمضان پیکج کے تحت ضلع بھر میں آٹا، چینی، دالیں، بیسن، کجھور اور دیگر اشیا وغیرہ سبسڈائزڈ ریٹ پر عام مارکیٹ کی نسبت سستے داموں دستیاب ہیں انہوں نے مزید بتایا کہ ضلع کے مخیر حضرات اور سماجی و فلاحی تنظیموں کے تعاون سے ضلع بھر میں مختلف مقامات پر مدنی دسترخوانوں کا بھی اہتمام کیا گیا ہے ڈپٹی کمشنر نے تمام تحصیلوں کے اسسٹنٹ کمشنرز,پرائس کنٹرول مجسٹریٹس کو ہدایت کی کہ وہ روزانہ کی بنیاد پر عام مارکیٹ اور رمضان بازاروں کا معائنہ کریں اور اشیاء خوردونوش کی سستے داموں اور سرکاری ریٹ کے مطابق فراہمی کو یقینی بنائیں..انہوں نے کہا کہ مصنوعی قلت پیدا کرنے والوں اور مہنگائی کرنے والوں کے خلاف ایکشن لیا جائے گا.

مظفرگڑھ کی انتظامیہ نے شہرکی اہم شاہراہ کو رمضان بازارلگاکرٹریفک کے لئے مکمل طوربند کردیا جبکہ متبادلہ راستہ پربھی ریڑھی بازارقائم ہونےسے موٹر سائیکل اور موٹر کار سوارشہریوں کوآمدورفت میں مشکلات کاسامناہے۔تفصیل کےمطابق مظفرگڑھ میں انتظامیہ نے فیاض پارک چوک کےقریب اہم شاہراہ جو کہ شہر کے مین بازار سے آمدورفت کا مرکزی راستہ تھی اس پرٹینٹ لگارمضان بازار کے بنادیا اور یہاں سے ہر قسم کی ٹریفک کا داخلہ بند کردیا۔واضح رہے کہ اس شاہراہ سے مین بازار اور ضلع کچہری و کوڑے خان سکول کے لئے شہریوں کی کثیرتعداد کا گزر ہوتا تھا اس اہم سڑک کے بند ہونے سے شہریوں کی مشکلات بڑھ گئیں ہیں۔ شہریوں کو آمدورفت کے لئے اب مرکزی شاہراہ کی بجائے ہائی ایس اسٹینڈ سےمنسلک ایک چھوٹے راستے سے ہوکر گزرنا پڑتا ہے جو کہ دن میں کئی کئی گھنٹے بلاک رہتا ہے ۔چند سال قبل جب رمضان بازار کے نام پر شہر کی مرکزی شاہراہ کی بندش کا فیصلہ کیاگیا تھا تو متبادل روٹ کے طور پر گرجا کے ساتھ موجود شاہراہ کو متبادل راستہ قرار دے دیا گیا تھا تاہم تین سال قبل انتظامی افسران اور سیاستدانوں نے ملکر گرجا گھر کے ساتھ موجود سڑک کو غیرقانونی طور پر ریڑھی بازار میں تبدیل کردیا ۔ذرائع کے مطابق اس ریڑھی بازار سے بھی بااثر سیاستدانوں اور انتظامی افسران کے نام پر بھتہ وصول کیا جاتاہے یہی وجہ ہےکہ آج تک اس روڈ پر قابض ریڑھی مافیا پر ہاتھ نہیں ڈالا گیا ۔یہ ریڑھی بازار ناصرف شہریوں کے لئے وبال جان ہے بلکہ شہر کے مرکزی گرجا گھر کی دیوار سے منسلک ہونے کی وجہ سے سکیورٹی رسک بھی ہے۔شہریوں نے انتظامیہ سے مطالبہ کیا کہ عوام کی سہولت کے نام پر عوام کو ہی رسوا نہ کیا جائے اور رمضان بازار کو شاہراہ عام سے چند قدم کے فاصلہ پر واقع فیاض پارک منتقل کردیا جائے ۔

حکومت کی جانب سے پٹرول کی قیمتیں بڑھانے کے باعث عام شہری پہلے ہی پریشان تھا،رہی سہی کسر پٹرول پمپ مالکان نے پوری کردی،شہر کے اکثر پٹرول پمپس پر پٹرول 110 روپے فی لیٹر فروخت ہونے لگا.تفصیلات کیمطابق حکومت کی جانب سے پٹرول کی قیمتوں میں اضافے کے بعد پٹرول کی فی لیٹر قیمت 108 روپے مقرر کی گئی تھی مگر شہر کے بیشتر پٹرول پمپ مالکان دھڑلے سے فی لیٹر پٹرول کے 110 روپے وصول کررہے ہیں اور شہریوں سے روزانہ لاکھوں روپے غیرقانونی طور پر وصول کیے جارہے ہیں،دوسری جانب شہر کے گنجان آباد علاقوں میں موجود پٹرول پمپوں کی جانب سے زائد رقم وصول کرنے کے باوجود بھی ضلعی انتظامیہ نے کوئی کاروائی کرنا گوارا نہ کیا،فی لیٹر پٹرول کی زائد قیمت وصول کرنے پر نہ تو کسی پٹرول پمپ کو سیل کیاگیا اور نہ ہی کوئی نوٹس دیاگیا،،شہریوں نے ڈپٹی کمشنر مظفرگڑھ ڈاکٹر احتشام انور سے مطالبہ کیا ہے کہ من مانے ریٹ پر پٹرول کی فروخت کا سلسلہ بند کرایا جائے اور زائد رقم وصول کرنے والے پٹرول پمپوں کو سیل کیاجائے.

ڈپٹی کمشنر مظفرگڑھ ڈاکٹر احتشام انور نےآج گندم خریداری مہم کی نگرانی کے سلسلے میں گندم خریداری مرکز ریلوے سٹیشن مظفرگڑھ ون کا معائنہ کیا. اس موقع پر اسسٹنٹ کمشنر مظفرگڑھ ظہور حسین بھٹہ بھی ان کے ساتھ تھے.ڈپٹی کمشنر کے دورے کے دوران فوڈ سنٹر پر محکمہ فوڈ کا عملہ غائب .ڈپٹی کمشنر نے سخت برہمی کا اظہار کیا . غیر حاضری پر فوڈ انسپکٹر مہر جاوید کو شوکاز نوٹس جاری کرنے کا حکم دیا.اس موقع پر گفتگو کرتے ہوئے انہوں نے کہا کہ اس سال حکومت پنجاب نے ضلع مظفرگڑھ میں محکمہ خوراک کو 1لاکھ 41ہزار 285میٹرک ٹن گندم خریداری کا ہدف دیا ہے . گندم خریداری کی عمل کو نہایت شفاف بنایا جارہا ہے. اس سلسلے میں غفلت برتنے والوں کے خلاف سخت کارروائی کی جائے گی. انہوں نے کہا کہ ہر مرکز پر کاشتکارں کے بیٹھنے کیلئے سایہ دار جگہ، کرسیاں، پینے کے پانی اور بجلی پنکھوں کی سہولت فراہم کی گئی ہے .انہوں نے محکمہ خوراک کے عملے کو ہدایت کی کہ وہ تمام متعلقہ مراکز پر اپنی حاضری کو یقینی بنائیں.

ڈپٹی کمشنر ڈاکٹر احتشام انور نے کہا ہے کہ حکومت پنجاب کی ہدایت پر اس سال بھی رمضان المبارک میں ضلع مظفرگڑھ میں مختلف مقامات پر 8رمضان بازار لگائے جارہے ہیں. جہاں سبزی، پھل، گوشت، مرغی اورانڈے سمیت دیگر ضروریات زندگی کی دیگر اشیاءسستے داموں وافر مقدار میں دسیتاب ہونگی. انہوں نے کہا کہ ان بازاروں میں آنے والوں کے لئے پینے کے پانی , سایہ دار شیڈ اور پنکھوں کا بھی انتظام ہوگا. اس کے ساتھ ساتھ امن وامان کے لیے سکیورٹی انتظامات بھی ہونگے. انہوں نے ہدایت کی کہ ضلع بھر کے بازاروں میں صفائی ستھرائی کا خاص خیال رکھا جائے انہوں نے کہا کہ ہم نے عوام کو ریلیف فراہم کرنا ہے اس سلسلے میں کسی قسم کی کوتاہی برداشت نہیں کی جائے گی.
یہ بات انہوں نے آج مظفرگڑھ شہر میں فیاض پارک سے متصل قائم رمضان بازار اور خان گڑھ رمضان بازار کے دورے کے موقع پر کہی. اسسٹنٹ کمشنر مظفرگڑھ ظہور حسین بھٹہ سمیت دیگر متعلقہ اداروں کے اعلیٰ حکام بھی موقع پر موجود تھے .انہوں نے انتظامات کا جائزہ لیا اور ہدایات جاری کیں.انہوں نے کہا کہ ضلع بھر میں رمضان بازار 6 مئی بروز پیر سے باقاعدہ طور پر فنکشنل کردئیے جائیں گے جہاں صبح سے شام تک عوام اپنی ضرورت کی اشیا خرید سکیں گے. انہوں نے بتایا کہ رمضان بازاروں میں نرخ نامہ آویزاں کیا جائے گاجس پر روزانہ کی بنیاد پر نرخ درج کئے جائیں گے، تمام رمضان بازاروں میں معیاری اشیاء خوردو نوش، سبزی، پھل، گوشت، مرغی کے علیحدہ علیحدہ سٹال لگائے جائیں گے. انہوں نے مزید کہا کہ اشیاء خوردو نوش کے معیار پر کوئی سمجھوتہ نہیں کیا جائے گا.انہوں نے کہا کہ رمضان پیکج کے تحت ضلع بھر میں آٹا، چینی، دالیں، بیسن، کجھور اور دیگر اشیا وغیرہ سبسڈائزڈ ریٹ پر عام مارکیٹ کی نسبت سستے داموں دستیاب ہونگے انہوں نے مزید بتایا کہ ضلع کے مخیر حضرات اور سماجی و فلاحی تنظیموں کے تعاون سے ضلع بھر میں مختلف مقامات پر مدنی دسترخوانوں کا بھی اہتمام کیا گیا ہے جہاں مسافر, غریب اور مستحق روزہ دار افطاری کر سکیں گے.ڈپٹی کمشنر نے تمام تحصیلوں کے اسسٹنٹ کمشنرز کو ہدایت کی کہ وہ روزانہ کی بنیاد پر رمضان بازاروں کا معائنہ کریں اور اشیاء خوردونوش کی سستے داموں فراہمی کو یقینی بنائیں .