Category: کاروبار

واشنگٹن: دنیا کے امیر ترین شخص ایلون مسک کو صرف ایک ہفتے کے دوران تقریباً 350 ارب ڈالر کا بھاری مالی نقصان ہوا-

رپورٹس کے مطابق ایلون مسک کی دولت میں یہ غیر معمولی کمی بنیادی طور پر ان کی کمپنی اسپیس ایکس کے حصص کی قیمت میں تقریباً 30 فیصد گراوٹ کے باعث ہوئی چند روز قبل اسپیس ایکس کی شاندار مارکیٹ کارکردگی اور حصص کی فروخت کے بعد سرمایہ کاروں میں زبردست جوش و خروش دیکھنے میں آیا تھا، تاہم بعد ازاں کمپنی کے مصنوعی ذہانت سے متعلق منصوبوں کے لیے درکار نئی سرمایہ کاری اور بڑھتے ہوئے اخراجات کے خدشات نے مارکیٹ کے اعتماد کو متاثر کیا۔

رواں ماہ ایلون مسک نے اسپیس ایکس کے حصص فروخت کے لیے پیش کیے تھے، جس کے بعد ان کی مجموعی دولت ایک ٹریلین ڈالر سے تجاوز کر گئی تھی اور وہ دنیا کے پہلے "ٹریلینئر” کے طور پر خبروں کی زینت بنے تھے تاہم حالیہ گراوٹ نے ان کی دولت میں نمایاں کمی کر دی ہےاس گراوٹ کے نتیجے میں ایلون مسک کی مجموعی دولت تقریباً 1.45 ٹریلین ڈالر سے کم ہو کر 1.1 ٹریلین ڈالر کے قریب رہ گئی ہے اگرچہ وہ اب بھی دنیا کے امیر ترین افراد میں سرفہرست شمار ہوتے ہیں، لیکن ایک ہفتے کے دوران ہونے والا یہ نقصان حالیہ برسوں کے بڑے مالی نقصانات میں شمار کیا جا رہا ہے۔

ماہرین کا کہنا ہے کہ اسپیس ایکس کے حصص میں کمی کا اثر صرف کمپنی تک محدود نہیں رہا بلکہ عالمی ٹیکنالوجی اور سرمایہ کاری کی منڈیوں پر بھی دباؤ دیکھا گیا ہے سرمایہ کار اب مصنوعی ذہانت کے منصوبوں کے اخراجات، منافع اور مستقبل کی مالی حکمت عملی کا مزید باریک بینی سے جائزہ لے رہے ہیں۔

عالمی منڈی میں خام تیل کی قیمتوں میں نمایاں کمی ریکارڈ کی گئی ہے،قیمتیں گزشتہ سیشن میں دیکھی گئی تقریباً 4 ماہ کی کم ترین سطح کے قریب پہنچ گئیں۔

غیر ملکی میڈیا رپورٹس کے مطابق تیل کی قیمتوں میں کمی کی بڑی وجہ آبنائے ہرمز کے ذریعے تیل بردار جہازوں کی آمدورفت میں بہتری اور مشرقِ وسطیٰ میں کشیدگی میں نسبتاً کمی ہے، جس سے عالمی سپلائی متاثر ہونے کے خدشات کم ہوئے ہیں، برینٹ خام تیل کے فیوچر معاہدوں کی قیمت 37 سینٹ یا 0.5 فیصد کمی کے بعد 76.71 ڈالر فی بیرل جبکہ امریکی ویسٹ ٹیکساس انٹرمیڈیٹ خام تیل 36 سینٹ یعنی 0.5 فیصد کمی کے ساتھ 72.85 ڈالر فی بیرل پر آ گیا۔

اس ہفتے تیل کی قیمتوں پر دباؤ اس وقت بڑھا جب واشنگٹن نے ابتدائی امن مذاکرات کے بعد تہران کو 60 روزہ پابندیوں میں نرمی دیدی، جس کے تحت ایران کو تیل فروخت کرنے کی اجازت مل گئی دوسری جانب لبنان میں کشیدگی میں کمی نے بھی منڈی کو سہارا دیا۔

ماہرین کا کہنا ہے کہ اگر خطے میں حالات مزید بہتر رہے اور آبنائے ہرمز سے تیل کی ترسیل معمول پر آتی رہی تو عالمی منڈی میں تیل کی قیمتوں پر دباؤ برقرار رہ سکتا ہے۔ تاہم کسی بھی نئی جغرافیائی کشیدگی کی صورت میں قیمتوں میں دوبارہ اضافہ بھی ممکن ہے۔

سونے کی عالمی اور مقامی مارکیٹوں میں آج قیمتوں میں بڑی کمی ہوئی ہے-

آل پاکستان صرافہ جیمز اینڈ جیولرز ایسوسی ایشن کے مطابق مقامی صرافہ بازاروں میں 24 قیراط کے حامل فی تولہ سونے کی قیمت میں بھی 10 ہزار 400 روپے کی کمی آئی، جس کے نتیجے میں نئی قیمت 4 لاکھ 32 ہزار 236 روپے اور اسی طرح فی 10 گرام سونے کی قیمت 9360 روپے کم ہوکر 3 لاکھ 68 ہزار 985 روپے کی سطح پر آ گئی،دوسری جانب بین الاقوامی بلین مارکیٹ میں آج منگل کے روز فی اونس سونے کی قیمت میں 104 ڈالر کا اضافہ ہوا، جس کے نتیجے میں نئی عالمی قیمت 4 ہزار 98 ڈالر فی اونس ہو گئی-

دریں اثنا مقامی سطح پر فی تولہ چاندی کی قیمت 487 روپے کی کمی سے 6ہزار 664 روپے اور فی 10 گرام چاندی کی قیمت بھی 438روپے کی کمی سے 5ہزار 641روپے کی سطح پر آگئی،علاوہ ازیں امریکی گولڈ فیوچرز بھی 2 فیصد کم ہو کر 4,117.70 ڈالر پر آ گئے جبکہ دیگر قیمتی دھاتوں میں بھی نمایاں کمی دیکھی گئی، پلاٹینم 3 فیصد کم ہو کر 1,628.55 ڈالر اور پیلیڈیم 2.9 فیصد کمی کے ساتھ 1,229.28 ڈالر فی اونس پر آ گیا۔

پاکستان اسٹاک ایکسچینج نے یوم عاشورہ پر چھٹیوں کا اعلان کیا ہے-

اسٹاک ایکسچینج کی جانب سے جاری اعلامیے میں کہا گیا ہے کہ تمام ٹریڈنگ رائٹس سرٹیفکیٹ ہولڈرز، اسٹاف اور متعلقہ افراد کو مطلع کیا جاتا ہے کہ پاکستان اسٹاک ایکسچینج لمیٹڈ 25 جون 2026 (جمعرات) اور 26 جون 2026 (جمعہ) کو 9 اور 10 محرم الحرام 1448 ہجری کے موقع پر بند رہے گی، اسٹاک مارکیٹ عیدالفطر، عیدالاضحیٰ، عاشورہ اور ربیع الاول کے مواقع پر عام تعطیلات کے دوران بند رہتی ہے اور ان دنوں میں کاروباری سرگرمیاں معطل رہتی ہیں۔

وفاقی حکومت اور سندھ حکومت نے بھی پیر کے روز ملک بھر میں 25 اور 26 جون یعنی جمعرات اور جمعہ کو یوم عاشور کے موقع پر عام تعطیلات کا اعلان کیا تھا۔

دوسری جانب پاکستان اسٹاک ایکسچینج میں منگل کے روز کاروباری سرگرمیوں کے آغاز پر مثبت رجحان ریکارڈ کیا گیا، جہاں انڈیکس میں تقریباً 500 پوائنٹس کا اضافہ ریکارڈ کیا گیا ایک موقع پر بینچ مارک کے ایس ای 100 انڈیکس 178,970.18 پوائنٹس کی سطح پر ٹریڈ کر رہا تھا، جو 498.32 پوائنٹس یعنی 0.28 فیصد اضافہ ظاہر کرتا ہے۔

مارکیٹ میں سیمنٹ، کمرشل بینکس، تیل و گیس کی تلاش کرنے والی کمپنیوں، آئل مارکیٹنگ کمپنیز اور پاور جنریشن کے شعبوں میں خریداری کا رجحان غالب رہا،حبکو، او جی ڈی سی ایل، پاکستان آئل فیلڈز، پاکستان پیٹرولیم لمیٹڈ، پاکستان اسٹیٹ آئل، حبیب بینک، مسلم کمرشل بینک اور یونائیٹڈ بینک جیسے بڑے انڈیکس شیئرز مثبت زون میں ٹریڈ ہوتے رہے۔

امریکا اور ایران کے درمیان معاہدے کے بعد عالمی منڈی میں خام تیل کی قیمتوں میں مزید کمی ہو گئی ہے۔

بین الاقوامی میڈیا رپورٹس کے مطابق سرمایہ کاروں کے خدشات کم ہونے اور تیل کی سپلائی معمول پر آنے کی توقعات کے باعث برینٹ خام تیل اور ویسٹ ٹیکساس انٹرمیڈیٹ کی قیمتوں میں کمی ریکارڈ کی گئی،برینٹ خام تیل کمی کے بعد 78.80 ڈالر فی بیرل جبکہ ڈبلیو ٹی آئی کی قیمت 74.30 ڈالر فی بیرل پرآ گئی ہے۔

ماہرین کا کہنا ہے کہ امریکا اور ایران کے درمیان مذاکرات میں پیش رفت سے آبنائے ہرمز میں ممکنہ رکاوٹوں کے خدشات کم ہوئے ہیں، جس کے باعث عالمی توانائی منڈی میں استحکام کے آثار پیدا ہوئے ہیں۔

تجزیہ کاروں کے مطابق اگر دونوں ممالک کے درمیان معاہدے پر عمل درآمد جاری رہا تو تیل کی سپلائی بہتر ہونے کے ساتھ قیمتوں میں مزید کمی ہو سکتی ہے تاہم خطے میں دوبارہ کشیدگی کی صورت میں عالمی منڈی میں تیل کی قیمتوں پر اثر پڑے گا معاشی ماہرین کا کہنا ہے کہ عالمی سطح پر تیل کی قیمتوں میں کمی کا مثبت اثر پاکستان سمیت تیل درآمد کرنے وا لے ممالک پر بھی پڑ سکتا ہے۔

پاکستان اور عالمی مارکیٹ میں سونے کی قیمت میں اضافہ ہوا ہے،پاکستان میں فی تولہ سونے کی قیمت میں 4,643 روپے کا اضافہ ہوگیا۔

عالمی مارکیٹ میں سونا 189 ڈالر اضافے کے بعد 7,151 ڈالر فی اونس کا ہوگیاہے،ملک میں فی تولہ سونا 4,463 روپے اضافے کے بعد442,636 روپے کا ہوگیا جب کہ 10 گرام سونا 4179 روپے اضافے کے بعد 378,345 روپے کا ہو گیاہے،اس کے علاوہ 10 گرام 22 قیراط سونے کی قیمت 347,083 روپے ہوگئی۔

پیر کے روز اسپاٹ گولڈ 1.2 فیصد اضافے کے ساتھ 4,209.03 ڈالر فی اونس پر ٹریڈ کرتے دیکھا گیا، جبکہ اگست کے لیے امریکی گولڈ فیوچرز 0.5 فیصد کمی کے ساتھ 4,225.80 ڈالر پر آ گئے اس کے علاوہ چاندی کی قیمت 2.6 فیصد اضافے کے ساتھ 66.60 ڈالر فی اونس تک پہنچ گئی، جبکہ پلاٹینم اور پیلیڈیم کی قیمتوں میں بھی بالترتیب 1.3 اور 1.5 فیصد اضافہ دیکھا گیا۔

مارکیٹ ماہرین کے مطابق سرمایہ کاروں نے محفوظ سرمایہ کاری کے طور پر دوبارہ سونے کی طرف رجوع کیا ہے۔

امریکا اور ایران کے درمیان معاہدے اور کشیدگی میں کمی کے بعد عالمی منڈی میں خام تیل کی قیمتوں میں نمایاں کمی ریکارڈ کی گئی ہے۔

بین الاقوامی میڈیا رپورٹس کے مطابق سرمایہ کاروں کے خدشات کم ہونے اور تیل کی سپلائی معمول پر آنے کی توقعات کے باعث برینٹ خام تیل اور ویسٹ ٹیکساس انٹرمیڈیٹ (WTI) کی قیمتوں میں کمی دیکھی گئی برینٹ خام تیل کی فی بیرل قیمت میں ایک ڈالر سے زائد کی کمی ہوئی ہے جس کے بعد برینٹ خام تیل کی فی بیرل قیمت 79.44 ڈالر ہو گئی ہے۔

ماہرین کا کہنا ہے کہ امریکا اور ایران کے درمیان مذاکرات میں پیش رفت سے آبنائے ہرمز میں ممکنہ رکاوٹوں کے خدشات کم ہوئے ہیں، جس کے باعث عالمی توانائی منڈی میں استحکام کے آثار پیدا ہوئے ہیں، اگر دونوں ممالک کے درمیان معاہدے پر عمل درآمد جاری رہا تو تیل کی سپلائی بہتر ہونے کے ساتھ قیمتوں میں مزید استحکام آ سکتا ہے، تاہم خطے میں دوبارہ کشیدگی کی صورت میں عالمی منڈی متاثر ہو سکتی ہے۔

معاشی ماہرین کا کہنا ہے کہ عالمی سطح پر تیل کی قیمتوں میں کمی کا مثبت اثر پاکستان سمیت تیل درآمد کرنے والے ممالک پر بھی پڑ سکتا ہے اور آئندہ دنوں میں پٹرولیم مصنوعات کی قیمتوں میں کمی کی گنجائش پیدا ہو سکتی ہے۔

کراچی: ملک بھر میں فی تولہ سونے کی قیمت میں معمولی کمی ریکارڈ کی گئی ہے۔

آل پاکستان جیمز اینڈ جیولر ایسوسی ایشن کے مطابق ملک بھر میں فی تولہ سونا 43 روپے کم ہوا ہے جس کے بعد فی تولہ سونے کی قیمت 4لاکھ 37ہزار 993 روپے ہوگئی ہے اسی طرح 10گرام سونے کا بھاؤ 39 روپے کم ہوکر 3 لاکھ74ہزار 166 روپے ہے،دوسری جانب عالمی بازار میں سونے کا بھاؤ 43 سینٹ کم ہوکر 4155.5 ڈالر فی اونس ہے۔

چاندی کی قدر میں تیزی دیکھی گئی، جس کے نتیجے میں فی تولہ چاندی کی قیمت 16 روپے کے اضافے سے 6 ہزار 962 روپے کی سطح پر آگئی ہے جب کہ فی 10 گرام چاندی کی قیمت بھی 14 روپے کے اضافے سے 5 ہزار 909 روپے کی سطح پر آگئی ہے۔

مارکیٹ تجزیہ کاروں نے کہا کہ عالمی منڈی کے رجحانات براہ راست مقامی نرخوں پر اثر انداز ہو رہے ہیں، جس کے باعث قیمتی دھاتوں کی قیمتوں میں یہ ردوبدل دیکھنے میں آیا ہے-

ملک میں سونے کی قیمت میں مزید کمی ہو گئی ہے،گزشتہ روز سونے کے نرخ میں 200 روپے فی تولہ کمی ہوئی تھی-

آج سونے کے نرخ میں 2300 روپے کی کمی ہوئی ہے جس کے بعد فی تولہ سونا 4 لاکھ 52 ہزار 936 روپے کا ہو گیا ہے 10 گرام سونے کی قیمت 2070 روپے کم ہونے سے نئی قیمت 3 لاکھ 87 ہزار 615 روپے کی سطح پر آ گئی ہے جبکہ عالمی مارکیٹ میں سونا 23 ڈالر سستا ہونے سے فی اونس سونے کی قیمت 4305 ڈالر ہو گئی ہے،دوسری جانب ملک میں چاندی کی قیمت 144 روپے کم ہونے سے فی تولہ قیمت 7359 روپے کی سطح پر آگئی ہے۔

جبکہ اسپاٹ گولڈ 1.4 فیصد اضافے کے ساتھ 4,316 ڈالر فی اونس تک پہنچ گیا، جبکہ گزشتہ روز اس میں نمایاں کمی ہوئی تھی دوسری جانب امریکی گولڈ فیوچرز میں معمولی کمی ریکارڈ کی گئی،دیگر قیمتی دھاتوں میں بھی اضافہ دیکھا گیا جس میں چاندی 1.8 فیصد بڑھ کر 69.18 ڈالر فی اونس، پلاٹینم 1.2 فیصد اضافے کے ساتھ 1,757 ڈالر، اور پیلیڈیم 1.3 فیصد بڑھ کر 1,329 ڈالر فی اونس تک پہنچ گئی۔

ماہرین کے مطابق مشرق وسطیٰ سے مثبت خبروں کے باعث تیل کی قیمتیں نیچے آئیں، جس سے مہنگائی کے خدشات کم ہوئے اور سرمایہ کاروں نے دوبارہ سونے کی طرف رخ کیا صدر ٹرمپ کی جانب سے ایران کے ساتھ معاہدے کی شرائط پر سخت مؤقف کے باوجود دونوں ممالک نے 14 نکاتی عبوری معاہدے کا اعلان کیا ہے، جس کے تحت جنگ بندی میں مزید 60 دن کی توسیع کی گئی ہے تاکہ مستقل امن معاہدے پر بات چیت جاری رکھی جا سکے۔