Category: چترال

چترال،باغی ٹی وی (گل حماد فاروقی کی رپورٹ)چترال پشاور شاہراہ دروش کے مقام پر سیلاب کی وجہ سے بند ۔ مسافروں کو شدید مشکلات کا سامنا

چترال میں پشاور شاہراہ دروش میں کلدام گول کے مقام پرسیلاب کے باعث بند ہے،مسافروں کو شدید مشکلات کا سامنا ہے، سکول سے واپس آنے والے طلباء بھی سیلاب میں پھنس گیے۔ دروش میں کلدام گول نالہ میں شدید طغیانی کی وجہ سے مسافر گاڑیاں سیلاب کے اندر پھنس گئی ہیں ،جنہیں بڑی مشکل سے ٹریکٹر سے باندھ کر نکالا گیا۔

اسی جگہ پر خواتین کا ڈگری کالج بھی ہے جہاں کی طالبات بھی سیلاب کی وجہ سے محصور ہوچکی تھیں۔ طلباءکو لانے والی ایک سکول بس بھی سیلاب میں پھنس گئی جسے بڑی مشکل سے نکالا گیا۔ بس میں پھنسے ہوئے طلباء نے بتایا کہ ہم بہت خوف زدہ ہوگئے، یہاں پل نہ ہونے کی وجہ جب بھی بارش برستی ہے تو اس نالے میں سیلاب آتا ہے ہم بار بار مطالبہ کرتے آرہے ہیں کہ یہاں ایک پل تعمیر کیا جایے مگر اس کی کہیں بھِی شنوانی نہیں ہوتی۔

مقامی لوگوں کا کہنا ہے کہ این ایچ اے کی جانب سے صرف ایک ٹریکٹر بھیجا گیا تھا مگر وہ بھی سیلاب میں آنے والا ملبہ جو سڑک پر جمع ہواتھا اسے صاف نہ کرسکا۔

مسافر گاڑیوں کے ڈرائیور جان کا خطرہ مول لیتے ہوئےاس سیلاب کے اندر سے گاڑیاں گذارنے پر مجبور ہیں،برساتی نالے کے دونوں جانب کثیر تعداد میں گاڑیاں پھنس گئیں ، مقامی لوگوں کا کہنا ہے کہ نیشنل ہائی وے اتھارٹی کا مینٹینس سیکشن سڑک کی مرمت کے نام پر کروڑوں روپے کا فنڈ تو لیتا ہے مگر اسے چند افسران اور ٹھیکیداران ملی بگھت کرکے ہڑپ کرجاتے ہیں۔

متاثرہ لوگوں نے اعلیٰ حکام سےمطالبہ کیا ہے کہ کلدام گول نالہ میں پچھلے دنوں بھی چوبیس گھنٹے سے زیادہ مسافر پھنسے رہےتھے

یہاں ایک پل تعمیر کیا جائے تاکہ مستقل بنیادوں پر اس مسئلے کا حل نکالا جاسکے اور مسافر گاڑیاں بار بار اس سیلابی نالے مِیں پھنسنے سے بچ سکیں اورچترال پشاور روڈ گاڑیاں مسافر بلاتعطل اپناسفرجاری رکھ سکیں.

چترال،باغی ٹی وی (گل حماد فاروقی)بارشوں اور سیلاب کے باعث اورغوچ، شاڈوک میں محکمہ سی اینڈ ڈبلیو نے بند راستے کھولنےپر کام شروع کردیا

چترال میں حالیہ مسلسل بارشوں اور تباہ کن سیلاب کی وجہ سے چترال کے مختلف علاقوں کے راستے ہر قسم کے ٹریفک کیلیے بند ہوئے تھے۔ مسلسل بارشوں کے بعد ندی نالوں میں طغیانی نے پہاڑوں سے بڑے بڑے پتھر اور ملبہ بھی بہاکر سڑکوں پر ڈھیر کردیا جس کی وجہ سے یہ راستے سفر کے قابل نہیں رہے۔ سیلاب کی وجہ سے اورغوچ، بکامک، شاڈوک، دنین گہتک وغیرہ کے راستے بند ہویے ہیں جس کی وجہ سے ہزاروں لوگ سفری مشکلات سے دوچار ہیں۔

اور غوچ کے آس پاس کئی دیہات آباد ہیں جہاں پندرہ ہزار نفوس پر مشتمل اس وادی کی سڑک دونوں جانب سے بند ہے۔ مین چترال سڑک پر دریائے چترال پر اورغوچ کیلیے جو پل تعمیر ہوئی ہے اس کے آگے بھِی راستہ خراب ہے جبکہ فیض آباد سے جانے والے سڑک پر پہاڑ سے بھاری پتھر، درخت، ملبہ گرنے سے یہ راستہ ہر قسم کے ٹریفک کیلے بند ہے۔ مسلسل بارش کے بعد محتلف علاقوں میں پہاڑی بھِی سرک گئے اور اکثر جگہوں میں بجلی کے کھمبے بھی گر چکے ہیں جس کی وجہ سے ان علاقوں میں بجلی کی فراہمی بھِی معطل ہے۔

اسی طرح شاڈوک، دنین، گہتک کی سڑک بھِی ہر قسم کے ٹریفک کیلیے بند ے جس پر پیدل جانا بھِی نہایت مشکل ہونے کے ساتھ ساتھ خطرناک بھی ہے۔ کیونکہ اب بھی پہاڑوں سے مٹی کے تودے، بھاری پتھر اور ملبہ گررہا ہے۔

مقامی لوگوں کا کہنا ہے کہ اورغوچ جانے والی سڑک برطانوی دور حکومت میں تعمیر ہوئی تھی مگر حکومت پاکستان نے اس پر کوئی زیادہ توجہ نہیں دی۔ اس سڑک کی بندش کی وجہ سے لوگ15 کلومیٹر پیدل سفرکرنے پر مجبور ہیں جبکہ اشیائے خوردونوش کو کندھوں پر اٹھانے کے ساتھ ساتھ مریضوں کو بھِی چارپائی پر ڈال کر ہسپتال لے جانا پڑتا ہے۔

مقامی لوگوں نے ڈپٹی کمشنر چترال اور ایگزیکٹیو انجینئر محکمہ سی اینڈ ڈبلیو کمیونیکیشن اینڈ ورکس طارق مرتضے کا شکریہ ادا کیا کہ ان کی ہدایت پر ٹھیکیدار نے فوری طور پر ان سڑکوں کی صفائی پر ٹریکٹر، ایکسیویٹر مشین لگاکر ملبہ صاف کررہے ہیں اور ٹریفک ک ی روانی کے قابل بنارہے ہیں۔

محکمہ سی اینڈ ڈبلیو نے حالیہ بارشوں اور سیلاب کے باعث بند ہونے والے عبدالولی خان بائی پاس روڈ، دنین چیوڈوک، آفیسر میس روڈ، مغلاندہ، شاہ ڈوک، ہون فیض آباد، اور غوچ ڈوم شغور، کربیتولی اور ضلع اپر چترال کی سڑک بھی محکمہ سی اینڈ ڈبلیو نے صاف کی تھی تاہم بونی سڑک پر دوبارہ پہاڑ سے بھاری پتھر اور پہاڑی تودے گرنے کی وجہ سے دوبارہ بند ہوگئی تھی۔

ویلیج کونسل دنین کے چیئرمین منیر احمد چاریلو اور دیگر لوگوں نے مطالبہ کیا کہ حکومت نے چترال کو آفت زدہ قراردیا ہے مگر جس طرح سابقہ صدر پاکستان پرویز مشرف اور آصف علی زرداری کے دور حکومت میں لوگوں کے قرضے معاف ہوئے تھے اسی طرح اس بار بھی زرعی اور عام لوگوں کے چھوٹے چھوٹے قرضے معاف کیے جائیں تاکہ ان کی مشکلات میں کمی آسکے۔

انہوں نے یہ بھِی مطالبہ کیا کہ جن سڑکوں پر ملبہ پڑا ہے اسے فوری ہٹایا جائےاور اورغوچ سڑک کو کشادہ کرنے کے ساتھ ساتھ دریا کی جانب سڑک کے کنارے حفاظتی دیوار بھی تعمیر کی جائے تاکہ اس سڑک پر سفر کرنے والے کسی قسم کے حادثے کا شکار نہ ہوں.

چترال،باغی ٹی وی (گل حمادفاروقی کی رپورٹ)مسلسل بارشیں، ندی نالوں میں طغیانی بڑے پیمانے پر تباہی ، راستے بند
چترال میں جمعہ کے روز سے موسلا دھار بارش کا سلسلہ جاری ہے جبکہ پہاڑوں کے چوٹیوں، بالائی علاقوں اور وادی کیلاش کڑاکار گاؤں میں برف باری بھی ہوئی ہے۔

تیز اور مسلسل بارشوں کی وجہ سے ندی نالے بپھر گئے ہیں طغیانی کی وجہ سے مختلف وادیوں کے راستے بند ہیں، چترال کو ملک کے دیگر حصوں سے ملانے والا واحد زمینی راستہ لواری ٹنل کا راستہ بھی ہر قسم کے ٹریفک کیلیے بند ہے جبکہ ضلع اپر چترال، گرم چشمہ اور وادی کیلاش کا راستہ بھی بند ہے۔ بجلی کی آنکھ مچولی اور پی ٹی سی ایل، انٹرنیٹ کی سروس بھی معطل ہے جس کی وجہ سے لوگوں کو شدید مشکلات کا سامنا ہے۔

لوئر چترال کے چمرکن کف گاؤں میں سیلاب نے تباہی مچادی ، کف گاؤں کی رابطہ سڑک، پیدک پل، آبپاشی کی ندی اور پانی کی پائپ لائن بھی سیلاب کی وجہ سے تباہ ہوگئی ہے، اس پل پر روزانہ سکول جانے والے سینکڑوں بچے، بچیاں، مسجد جانے والے نمازی اور عام لوگ بھِی گزرتے تھے جبکہ آبپاشی کی ندی جغور گول کے نالے سے سینکڑوں گھروں اور ہزاروں ایکڑ زمین کو بھی پانی جاکر سیراب کرتا تھا اب اس ندی کی ٹوٹنے کی وجہ سے خدشہ ہے کہ یہ زرعی زمین بھِی بنجر بن جائے گی.

چمرکن کف گاؤں سے تعلق رکھنے والے محراب ولی، محمد شفیق،شیر علی،انتخاب احمد،شمس الرحمان اور ایک مقامی انجینئر نے کہا کہ چمرکن کف گاؤں کو جانے والی سڑک بار بار سیلاب کی وجہ سے تباہ ہورہی ہے۔ دو سال قبل جب یہ سڑک سیلاب کی نظرہوگئی تھی تو علاقے کے لوگوں نے اپنی مدد آپ کے تحت ایک مقامی شخص کا کھیت کرائے پر لیکر اس میں عارضی طور پر سڑک گزاری مگر بدقسمتی سے اب وہ سڑک بھی پانی کیساتھ بہہ گئی ہےاور لوگوں کے پاس اب کوئی متبادل بھِی نہیں ہے۔

گاؤں والوں نے کہا کہ اس سڑک پر بار بار سرکاری خزانے سے بھاری رقم خرچ ہوتی ہے مگر ناقص منصوبہ بندی کی وجہ سے کام بھی ناقص ہوتا ہےجس کی وجہ سے سڑک بارش کے سیلابی پانی میں خس وخاشاک کی طرح بہہ جاتی ہے

مقامی لوگوں نے مطالبہ کیا ہے کہ اس سڑک سائیڈوں میں حفاظتی دیواریں میں ستون اور آر سی سی کنکریٹ کا استعمال کیا جائے تاکہ مستقل طور پر یہ سڑک محفوظ رہے۔اس سڑک کے ٹوٹنے کی وجہ کافی تعداد میں گاڑیاں اور موٹر سائیکلیں وغیر ہ دوسری طرف پھنس گئے ہیں جو اب ان کے نکلنے کا کوئی راستہ بھی نہیں ہے جب تک اس سڑک کو دوبارہ تعمیر نہ کیا جائے۔

شیر علی کا کہنا ہے کہ اس نے سولہ سال سعودی عرب میں محنت مزدوری کرکے بڑی مشکل سے یہ مکان بنایا تھا جو بار بار سیلاب کی زد میں آکر اس کا ایک حصہ دریا برد ہوچکا ہے اور اب میری بوڑھی والدہ، بیوی چھوٹے بہت خطرے میں ہیں کسی بھی وقت سیلاب آکر ہمارے گھر کو بہاکر لے جاسکتا ہے۔

اسی گاؤں میں فدا محمد نامی شحص کے گھر کو بھی نقصان پہنچا اور اس کے گھر میں پھل دار درخت وغیرہ بھِی گر گیے ہیں

چمرکن کے ویلیج کونسل چیئرمین عبدالحق کا کہنا ہے کہ حالیہ بارشوں اور سیلاب کی وجہ سے یہاں جو پیدل کا پل اور پانی کی ندی بہہ گئی اس سے علاقے کے لوگوں کو بہت نقصان ہوا ہے ان کا مزید کہنا تھا کہ یہ علاقہ میٹھے اور رسیلے انار کی باغات کیلئے مشہور ہے اگر آبپاشی کی نہر اور پانی کی پائپ لائن جلدی بحال نہ ہوئے تو خدشہ ہے کہ انار کے یہ باغات بھی خشک ہوکر تلف جائیں گے جو یہاں کے لوگوں کا آمدنی کا واحد ذریعہ ہے۔

متاثرہ لوگوں نے این ڈی ایم اے، پی ڈی ایم اے ، صوبائی وزیر اعلیٰ اور اعلیٰ حکام سے پر زور مطالبہ کیا ہے چمرکن کف گاؤں میں پیدل پل، رابطے کی سڑک، آبپاشی کی ندی اور پانی کی پائپ لائن فوری بحال کئے جائیں تاکہ یہ لوگ مزید مشکلات کے شکار نہ ہوں کیونکہ پانی کی پائپ لائن سیلاب میں بہہ جانے سے گھروں میں پانی کی سپلائی بند ہے۔ انہوں نے یہ بھی مطالبہ کیا ہے کہ جن لوگوں کے گھروں کو نقصان پہنچا ہے ان کی تلافی بھی کی جائے تاکہ وہ اپنے مکانوں کی جلدی مرمت کرواسکیں۔

چترال،باغی ٹی وی (گل حمادفاروقی کی رپورٹ)وادی کیلاش کی سڑک کی محفوظ جگہ از سرنوتعمیراوردریائے رمبورسے ملبہ ہٹانے کامطالبہ
چترال کے خوبصورت اور سیاحتی علاقے وادی کیلاش کی سڑکوں کی حالت نہایت ناگفتہ بہہ تھی تاہم نیشنل ہائی وے اتھارٹی نے ان وادیوں کیلیے تقریبا 12 ارب روپے کی لاگت سے سڑکوں کی کشادگی اور تعمیر کا کام پچھلے سال شروع کیا تھا۔ وادی کیلاش کیلیے سڑک کو کیلاش کی پہلی گیٹ وے وادی آیون سے لے جایا جارہا ہے مگر لنک روڈ کو چھوڑ کر اسے ایک غیر مناسب اور غیر محفوظ جگہ سے لے جایا جارہا ہے ۔

اس سڑک کو زرعی زمین کے بیچ میں سے دو سو فٹ اونچا گزارا جاتا ہے جہاں صرف مٹی اور ملبہ ڈال کر اسے اونچا کیا جاتا ہے جس کی وجہ سے ایک طرف زرعی زمین اور اس کیلیے آبپاشی کی نالے متاثر ہوئے ہیں تو دوسری جانب آس پاس کے مکانات کے رہائشیوں بے پردگی کاسامناکرناپڑرہا ہے جبکہ اس مصنوعی پہاڑ کے کناروں پر حفاظتی دیوار بھی نہیں ہے اور کسی بھِی سیلاب یا شدید بارش کی صورت میں یہ بہہ کر ختم ہوسکتا ہے۔

چترال میں سڑکوں کی تعمیر اور بہتری کیلیے آواز اٹھانے والی رضاکار تنظیم سی ڈی ایم : چترال ڈیویلپمنٹ مومونٹ : کے سینیر اراکین میجر ریٹایرڈ شہزادہ سراج الملک، پرنسپل ریٹایرڈ لیاقت علی ، پراجیکٹ منیجر ریٹایرڈ عنایت اللہ اسیر، وادی ایون کے منتحب چییرمین وجیہ الدین اور محمد رحمان نے میڈیا ٹیم کے ساتھ ان علاقوں کا دورہ کیا۔

مقامی ماہرین کا کہنا ہے کہ این ایچ اے کے انجنیر نے شاید اسلام آباد میں بیٹھ کر اس کا نقشہ بنایا ہے کیونکہ یہاں پہلے سے بہترین سڑک موجود ہے اسی سڑک کو دونوں جانب سے کشادہ کرکے سڑک تعمیر ہوسکتی ہے جس پر خرچہ بھی کم آتا ہے اور محفوظ بھی ہے مگر انہوں نے سڑک کو ٹیڑھا کرکے زرعی زمین میں ایک مصنوعی پہاڑ بناکر اس پر سڑک بناتے ہیں جو زمین سے غالبا دو سو فٹ اونچی ہے جو سیلاب اور تیز بارش کی صورت میں تباہ ہوسکتی ہے۔

انہوں نے وفاقی وزیر اور سیکرٹری مواصلات اور چیرمین این ایچ اے سے مطالبہ کیا کہ اس کیلیے دوبارہ ٹیم بھیجا جایے تاکہ اس سڑک کو محفوظ جگہہ سے گزارا جایے انہوں نے مقامی ماہرین اور انجنیروں کی مدد سے ایک نقشہ بھی تیار کروایا ہے جس میں یہ سڑک بالکل سیدھا گزرتا ہے۔

سی ڈی ایم کے ٹیم نے وادی رمبور کے سڑک کا بھِی دورہ کیا جہاں سڑک کی کشادگی پر کام جاری ہے مگر اس سڑک کو توسیع کرنے کیلیے ٹھیکدار پہاڑ میں کئی فٹ لمبی سرنگ بناکر اس میں بھاری مقدار مِیں بارود ڈال کر دھماکے سے پہاڑ کو اڑاتا ہے جس کا سارا ملبہ اور ہزاروں ٹن وزنی پتھر رمبور کے دریا میں گرتے ہیں اب اس دریا میں مصنوعی جھیل سی بن چکی ہے اور اگلے آنے والے دنوں میں جب گرمی کی وجہ سے برف پگھل کر اس دریا میں آئے گی تو یہ عطاء آباد جھیل کا منظر پیش کرے گا۔

میڈیا ٹیم سے باتیں کرتے ہویے مقامی لوگوں نے بتایا کہ ٹھیکیدار نے جو بڑے بڑے پتھر رمبور کی نہر میں ڈالا ہے اس کی وجہ سے پانی کا بہاؤ بند ہوچکا ہے اور یہ عطا آباد جھیل کا منظر پیش کررہا ہے۔ مقامی لوگوں نے بتایا کہ اس نالہ میں جو جھیل بن چکیے یہ ہمارے لیے خطرناک بھی ثابت ہوسکتی ہے کیونکہ اس سال بہت زیادہ برف باری ہوئی ہے اور پہاڑوں پر برف پگھل کر جب پانی زیادہ ہوگا تو اس سے ہمارے مکان ، باغات اور کھیت بھی تباہ ہو سکتے ہیں جبکہ سیلاب کی شکل میں پوری آیون وادی کی تباہی کا باعث بھی بن سکتا ہے۔

مقامی لوگوں نے یہ بھی انکشاف کیا کہ ٹھیکیدار اس پہاڑ کے اندر کیئی میٹر لمبی سرنگ کرکے اس میں بہت زیادہ بارود اور یوریا کھاد ڈال کر زور دار دھماکہ کراتا ہے جس سے پورا پہاڑ دھڑام سے نیچے گرتا ہے اور یہ بارود اور کیمکل والا پانی نیچے جاکر اسے لوگ استعمال کرتے ہیں جس کی وجہ سےوہ محتلف بیماریوں میں بھی مبتلا ہورہے ہیں۔

مقامی لوگوں نے مطالبہ کیا کہ اس دریا نما نالہ سے فوری طور پر بڑے پتھر اور ملبہ ہٹاکر اسے صاف کیا جایے تاکہ پانی کی بہاو میں رکاوٹ نہ آیے ورنہ یہ بہت بڑے پیمانے پر تباہی کا باعث بھی بن سکتا ہے۔

مقامی لوگوں نے یہ بھی انکشاف کیا کہ آیون سے بمبوریت تک پچاس سال قبل محکمہ جنگلات نے ایک سڑک بنائی تھی جس پر دیار کی لکڑی لایا کرتے تھے اگر محکمہ این ایچ اے اسی سڑک کو دوبارہ بحال کرے جو معمولی مرمت سے ٹھیک ہوسکتی ہے تو اس سے ایک طرف کیلاش سڑک پر کام میں رکاوٹ نہیں آئے گی لوگ اسی اوپر والی سڑک پر سفر کریں گے جبکہ دوسری طرف ملکی اور غیر ملکی سیاح بھی ایسے راستوں کو پسند کرتے ہیں جو پہاڑ کے بیچ میں سے گزرا ہو جہاں سے پوری وادی کا نظارہ کیا جاسکتا ہو۔

ہمارے نمائندے نے چییرمین این ایچ اے ارشد مجید مہمند اور پراجیکٹ ڈایریکٹر ظہیر الدین سے بار بار رابطہ کرنے کی کوشش کی اور ان کو باقاعدہ تحریری پیغام بھیجا کہ وہ اس سلسلے میں اپنے موقف سے آگاہ کریں مگر ابھی تک انہوں نے کوئی جواب نہیں دیا۔