کرونا کیسز، بھارت دنیا میں نمبر ون، سب سے زیادہ مریضوں کا ایک اور ریکارڈ بنا لیا

باغی ٹی وی کی رپورٹ کے مطابق چین سے پھیلنے والے خطرناک کرونا وائرس نے دنیا بھر میں تباہی مچا رکھی ہے تا ہم بھارت میں آئے روز کرونا مریضوں کے حوالہ سے ایک نیا ریکارڈ بن رہا ہے

بھارت میں کرونا مریضوں میں مسلسل اضافہ ہو رہا ہے،بھارت میں کورونا کے ریکارڈ قائم ہونے کا سلسلہ جاری ہے، گزشتہ 24 گھنٹوں میں بھارت میں کرونا کے 3 لاکھ 79 ہزار نئے مریض سامنے آئے ہیں جو یومیہ دنیا بھر میں سب سے زیادہ کیسز ہیں، جو اب تک ایک دن میں سامنے آئے ہیں، بھارت میں کرونا سے 3645 اموات بھی ہوئی ہیں

بھارت میں مجموعی طور پر کرونا مریضوں کی تعداد 18376524 ہو گئی ہے، جن میں سے 15086878 افراد صحتیاب چکے ہیں جبکہ مجموعی طور پر 24832 مریض جان کی بازی ہار چکے ہیں،

بھارتی ریاست مہاراشٹر میں کورونا وائرس کےمریضوں اور شرح اموات میں اضافے کے سبب ریاستی حکومت نے لاک ڈاؤن میں مزید 15 مئی تک توسیع کرنے کا فیصلہ کیا ہے۔ دوسری جانب حکومت کی جانب سے اعلان کیا گیا ہے کہ یکم مئی سے 18 سے 44 سال کے درمیان ریاست کے تمام شہریوں کو ریاستی حکومت مفت کرونا ویکسین فراہم کرے گی۔

دوسری جانب مہاراشٹر کے وزیر برائے صحت راجیش ٹوپے کا کہنا ہے کی ریاستی حکومت کے پاس ویکسینیشن ڈرائیو کے لئے بینادی ڈھانچہ موجود ہے لیکن مناسب تعداد میں ویکسین موجود نہیں ہے۔جس پر سوال اٹھنا شروع ہو گئے ہیں کہ ریاستی حکومت کے پاس اگر خاطر خواہ تعداد میں ویکسین موجود ہی نہیں تو حکومت کی جانب سے سب کو ویکسین کیسے لگائی جا سکے گی؟

دہلی میں بھی کرونا کیسز میں مسلسل اضافہ ہو رہا ہے لیکن دہلی میں طبی سہولیات پوری نہیں ہیں،ہسپتال بھر چکے ہیں، کرونا مریض سڑکوں پر ہیں، کوئی ہسپتال لینے کو تیار نہیں،لاشوں کی آخری رسومات ادا کرنے کے لئے شمشان گھاٹ میں جگہ نہیں مل رہی، شہریوں نے لاشوں کو گھروں میں رکھ دیا ہے ۔دہلی میں آکسیجن کی قلت ایک بڑا مسئلہ بنی ہوئی ہےاور دہلی کے وزیر اعلی اروند کیجریوال مودی سرکار اور صنعتکاروں سے مدد کی درخواست کر چکےہیں ۔

گزشتہ ہفتے بھارت میں سائنسدانوں نے کہا تھا کہ کرونا وائرس کی وبا 11 سے 15 مئی کے درمیان عروج پر پہنچ سکتی ہے اور فعال کیسز کی تعداد 35 لاکھ تک جا سکتی ہے، مئی کے اواخر تک اس کی شدت میں کمی واقع ہوگی۔

واضح رہے کہ بھارت میں کرونا نے قہر مچا دیا، انسان سڑکوں پر تڑپ تڑپ کر جانیں دینے لگے، کوئی پرسان حال نہیں، ہسپتال بھر گئے، آکسیجن کی کمی ہو گئی،شہریوں کے دکھوں کا مداوا کرنے والا کوئی نہیں دہلی کے کئی اسپتالوں میں کئی دنوں سے آکسیجن کا بحران چل رہا ہے۔ دہلی حکومت نے مرکزی حکومت سے امید لگائی ہے اور مرکزی حکومت کی جانب سے دہلی کے لئے کوٹہ بھی بڑھایا گیا ہے لیکن کرونا مریضوں کے بڑھنے کی وجہ سے حالات خراب ہو رہے ہیں کیونکہ آکسیجن کی سپلائی میں بھی وقت لگتا ہے،

برطانیہ میں کورونا ویکسین سب سے پہلے کس کو لگائی گئی؟

کرونا ویکسین کے ذریعے ہمارے جسم میں بندر کا ڈی این اے ڈالا جائے گا،شہری عدالت پہنچ گیا

عالمی ادارہ صحت کی پاکستان کو کرونا ویکسین بارے بڑی یقین دہانی

کرونا ویکسین کا راز ہیکرز کی جانب سے چوری کرنے کی کوشش ناکام

کرونا پھیلاؤ روکنے کے لئے این سی او سی کا عوام سے مدد لینے کا فیصلہ

کرونا وائرس ، معاون خصوصی برائے صحت نے ہسپتال سربراہان کو دیں اہم ہدایات

کرونا وائرس لاہور میں پھیلنے کا خدشہ، انتظامیہ نے بڑا قدم اٹھا لیا

کرونا ویکسین کی تیاری کے لئے امریکہ مسلمان سائنسدانوں کا محتاج

پاکستان میں کرونا ویکسین کہاں تک پہنچ گئی، مبشر لقمان کے ساتھ ڈاکٹر جاوید اکرم کے تہلکہ خیز انکشافات

‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

دہلی میں ہیلتھ ورکر کرونا کا شکار ہوئی تو بیڈ ملا نہ شمشان گھاٹ میں آخری رسومات کیلئے جگہ

بھارت میں کرونا بحران کا مودی ذمہ دار،عالمی میڈیا بھی برس پڑا

بھارت میں کرونا سے سڑکوں پر اموات، پاکستان نے بھی بڑا اعلان کر دیا

بھارت میں کرونا کیسز ، بھارتی سائنسدانوں نے ہی بھارتی قوم کو ڈرانا شروع کر دیا

کرونا کیسز، بھارت میں نیا ریکارڈ بن گیا،شمشان گھاٹ میں طویل قطاریں

گورنرہاؤس پنجاب کی اہم شخصیت کرونا سے چل بسی
باغی ٹی وی کی رپورٹ کے مطابق ملک بھر میں کرونا کی تیسری لہر جاری ہے، کرونا مریضوں اور اموات مین مسلسل اضافہ ہو رہا ہے

پنجاب کے صوبائی دارالحکومت لاہور میں بھی کرونا مریضوں میں مسلسل اضافہ ہو رہا ہے، ہسپتالوں میں وینٹی لیٹرز بھر گئے ہیں ،کرونا کے پھیلاؤ کو روکنے کے لئے شہر میں شام چھ بجے سے سحری تک لاک‌ ڈاؤن لگایا ہوا ہے، ضلعی انتظامیہ اور قانون نافذ کرنے والے ادارے ایس او پیز پر عملدرآمد کے لیے متحرک ہیں

کرونا سے لاہور میں اموات میں بھی اضافہ ہو رہا ہے، اطلاعات کے مطابق گورنر ہاؤس پنجاب کے سکیورٹی آفیسر احمد رضا کورونا کے باعث چل بسے ہیں، وہ کرونا کا شکار ہو گئے تھے جس کے بعد انہیں علاج کے لئے ہسپتال داخل کروایا گیا تھا تا ہم ایک ماہ ہسپتال میں رہنے کے بعد انکی موت ہو گئی ہے، کرونا کی وجہ سکیورٹی آفیسر احمد رضا کے پھیپھڑے ناکارہ ہو گئے تھے۔

گورنرہاؤس کے سکیورٹی آفیسر کی نماز جنازہ گورنر ہاؤس میں ہی ادا کی گئی جس میں گورنر پنجاب چوہدری سرور سمیت دیگراعلیٰ حکام نے شرکت کی ،اطلاعات کے مطابق احمد رضا 20 سال سے گورنر ہاؤس کی سکیورٹی ٹیم کا حصہ تھے .