Category: کرونا اپڈیٹس

لاہور:چیف آرگنائزر پی ٹی آئی سیف اللہ نیازی کورونا کا شکار،اطلاعات کے مطابق پاکستان تحریک انصاف کے چیف آرگنائزرسیف اللہ نیازی کرونا وائرس کا شکارہوگئے ہیں اورانہوں نے اپنے آپ کو قرنطینہ کرلیا ہے

ذرائع کے مطابق سیف اللہ نیازی اپنی طبعیت میں کچھ بہتری محسوس نہیں کررہے تھے ، اس سلسلے میں جب انہوں نے اپنے ٹسٹ کروائے توان کو یہ بتایا گیا کہ وہ کرونا وائرس کا شکارہوگئے ہیں

ادھر اس حوالے سے یہ بھی معلوم ہو اہےکہ سیف اللہ نیازی نے کہا ہے کہ وہ پارٹی کے تنظیمی امورکوہرصورت ادا کریں گے اوراس سلسلے میں‌ وہ بہت جلد سسٹم تیارکرلیں گے

لاہور: رمضان المبارک کی آمد کے ساتھ ہی خوشخبری بھی آگئی ،اطلاعات کے مطابق پنجاب ڈیزاسٹر مینجمنٹ اتھارٹی ( پی ڈی ایم اے ) نے پنجاب کے مختلف اضلاع میں آئندہ چار سے پانچ روز میں طوفانی بارشوں کی پیشگوئی کر دی ۔

ذرائع کے مطابق پی ڈی ایم اے کا کہنا ہے کہ راولپنڈی ، چکوال ، اٹک کے علاقوں میں آج سے ہفتے کی رات کے درمیان بارش کی پیشگوئی ہے جو کہ طوفانی شکل بھی اختیار کر سکتی ہے ۔ تمام اضلاع کے ڈپٹی کمشنرز کو حفاظتی اقدامات کی ہدایات جاری کر دی گئی ہے ۔

دوسری طرف محکمہ موسمیات کا کہنا ہے کہ چند دن پہلے یہی امکان نظرآرہا تھا کہ یہ رمضان شاید گرم ترین گزرے لیکن اللہ کی قدرت کے کیا کہنے کہ تمام اندازے اورقیاس آرائیاں جھوٹی ثابت ہوئیں اوراللہ نے اپنی رحمت کا پیغام رحمت کے مہینے میں دے دیا ہے

کراچی:ملک میں ایک طرف کرونا وائرس کی تباہ کاریاں:دوسری طرف گاڑیوں کی فروخت میں 31 فیصد اضافہ،اطلاعات کے مطابق ایک طرف ملک میں کرونا وائرس کی تباہ کاریاں جاری ہیں تودوسری طرف ملک کی ایلیٹ کلاس کمیونٹی کی طرف سے خواہشات کی تکمیل کا سلسلہ کم ہونے کی بجائے طویل ہوتا ہوا نظرآرہا ہے ،

اس حوالے سے معلوم ہوا ہے کہ ملک میں ہیوی وہیکلز کی فروخت میں معمولی کمی کے علاوہ پورے آٹو سیکٹر نے رواں مالی سال کے پہلے 9 مہینوں میں مستحکم نمو حاصل کی جبکہ کار کی فروخت میں 31.5 فیصد کا اضافہ ہوا۔

ذرائع کے مطابق مالی سال 2021 کے پہلے 9 ماہ میں جیپس کی فروخت میں 157.6 فیصد اضافہ ہوا جس کے بعد چھوٹی کمرشل گاڑیاں / پک اپ میں 41.4 فیصد، ٹریکٹر 57.2 فیصد اور دو یا تین پہیوں والی سواری کی فروخت میں 22 فیصد کا اضافہ ہوا۔

ہونڈا موٹر سائیکل کی کُل فروخت مالی سال 2021 کے 9 ماہ میں 9 لاکھ 61 ہزار 76 یونٹس رہی جبکہ مالی سال 2020 کے 9 ماہ میں یہ 7 لاکھ 68 ہزار 974 یونٹ تھے۔

گزشتہ مالی سال کے اسی عرصے میں 85 ہزار 330 یونٹس کے مقابلے میں رواں مالی سال مقامی اسمبلرز کی کُل ایک لاکھ 12 ہزار 244 یونٹس فروخت ہوئی ہیں۔

مارچ 2021 میں کاروں کی فروخت میں بھی اضافہ دیکھا گیا جو فروری 2021 کے 13 ہزار 570 یونٹس کے مقابلے میں بڑھ کر 17 ہزار 105 یونٹس ہوگئی۔

مارچ 2020 میں فروخت 5 ہزار 796 یونٹس تھی جس کی وجہ مارچ کے تیسرے ہفتے میں ملک بھر میں لاک ڈاؤن تھا جس میں اپریل 2020 تک توسیع کردی گئی تھی۔

گاڑیوں کی اعلی قیمتوں نے خریداروں کے جذبات کو متاثر نہیں کیا ہے کیونکہ وہ کم شرح سود پر آٹو فنانسنگ کی طرف زیادہ راغب دکھائی دیتے ہیں۔

لاہور:بغیر ماسک مساجد میں داخلے پر پابندی:مسجد کون نہیں جاسکیں گے :ہدایات جاری کردی گئیں ،اطلاعات کے مطابق پنجاب حکومت نے بغیر ماسک مساجد میں داخلے پر پابندی لگاتے ہوئے رمضان المبارک میں کورونا وائرس سے بچاؤ کے لیے نئے ایس او پیز جاری کردیے۔

محکمہ صحت کی طرف سے جاری نوٹیفکیشن میں کہا گیا ہے کہ مساجد ، بازاراور مزاروں میں داخلے کے مقام پر ہینڈ سینیٹائزر اور ماسک کی فراہمی کا اہتمام لازمی قرار دے دیا گیا کیوں کہ ماسک کے بغیر مساجد میں داخلے کی اجازت نہیں ہو گی ،

اس نوٹیفکیشن میں یہ بھی کہا گیا ہے کہ 60 سال سےکم عمر افراد ایس او پیز کے ساتھ مسجد میں نماز ادا کرسکیں گے ، کھانسی اوربخارکے شکار افراد گھر پرعبادت کریں جب کہ مساجد میں سحر و افطار کا انتظام کرنے کی اجازت نہیں ہوگی ۔

نوٹی فکیشن کے مطابق قالین کی بجائےفرش پرنمازادا کی جائے اور گھروں سے جائے نمازلانے کی اجازت ہے ، اجتماعی اعتکاف کی بجائے انفرادی طور پر گھروں میں اعتکاف کے لیے جگہ مختص کریں ، مساجد میں ہاتھ ملانے اور گلے لگنے سے مکمل پرہیز کیا جائے ،

اس نوٹیفکیشن میں کہاگیا ہےکہ مساجد ، عبادت گاہوں میں کمیٹی تشکیل دی جائے جو ایس اوپیزپرعمل یقینی بنائے، رمضان میں بازاروں ، مزاروں، مساجد، امام بارگاہوں میں لائن کی پابندی یقینی بنائیں۔

نوٹی فکیشن میں مزید کہا گیا ہے کہ کورونا وائرس سے بچاؤکی ہدایات کو مناسب مقامات پرآویزاں کیا جائے ، بازاروں ، مساجد میں آنے جانے کے لیے الگ الگ راستے بنائے جائیں ، مساجد ، ا مام بارگاہوں میں صحن یا کھلی جگہوں پرعبادت کا اہتمام کیا جائے جب کہ مساجد میں 3 فٹ کے فاصلے پر نشان لگا کر نمازیوں کےلیے جگہ مختص کی جائے ،

کھانسی اوربخارکے شکار افراد گھر پرعبادت کریں جب کہ مساجد میں سحر و افطار کا انتظام کرنے کی اجازت نہیں ہوگی۔