Category: کرونا اپڈیٹس

لاہور:کسی نے بیٹنگ سیکھنی ہے توبابراعظم سے سیکھے،فخرزمان توفخرپاکستان بن گئے:شان پولاک کا خراج تحسین،اطلاعات کے مطابق جنوبی افریقی کرکٹ ٹیم کے سابق کپتان شان پولاک کا کہنا ہے کہ وہ بابراعظم کی کپتانی سے بے حد متاثر ہوئے ہیں

جنوبی افریقہ کے سٹارکرکٹرسابق کپتان 47 سالہ شان پولاک نے کہا ہے کہ سچ یہ ہے کہ اگرکوئی بیٹنگ سیکھنا چاہتا ہے تووہ پاکستان کے کرکٹ اسٹاربابراعظم سے سیکھے ، وہ بابراعظم کی تکنیکی صلاحیتوں سے بہت زیادہ متاثرہیں

شان پولاک کہتےہیں کہ کوویڈ 19 کے چیلنجز میں مثبت کرکٹ کھیلنا آسان نہیں ہوتا لیکن پاکستانی کرکٹ ٹیم نے مجموعی طور پر زبردست کھیل کا مظاہرہ کیا، پاکستانی ٹاپ آرڈر نے ون ڈے سیریز میں شاندار بیٹنگ کی، فخر زمان، امام الحق اور بابراعظم کی کارکردگی بہترین رہی۔

شان پولاک کہتے ہیں کہ سچ تو یہ ہےکہ بابراعظم آرام دہ پوزیشن میں آجاتا ہے اور وہ خود کو ہر طرح کی کنڈیشنز میں موثر ثابت کرنے کے لیے بہترین موقع فراہم کرتاہے چاہے وہ سست پچ ہو یا باؤنسی ، تیز ہو یا سوئنگ، اسے اتنی اچھی تکنیک ملی ہے کہ وہ ہر امتحان پر پورا اتر سکتا ہے۔

دوسری جانب جنوبی افریقی اوپنر ایڈم مارکرم نے کہا ہے کہ فخر زمان فخرپاکستان بن گئے ، اپن بہترین بیٹنگ سے دنیا بھرمیں پاکستان کا نام روشن کردیا،

ایڈم مارکرم کہتے ہیں کہ فخرزمان نے ایک میچ میں تقریباََ ڈبل سنچری اور دوسرے میں سنچری بنائی، فخر زمان کی اننگز سے بہت کچھ سیکھنے کا موقع ملا،

ریاض: بلااجازت عمرہ ادا کرنے پر 10 ہزار ریال جرمانہ عائد:مزیدسخت سزابھی دی جاسکتی ہے:سعودی حکام،اطلاعات کے مطابق سعودی حکومت نے رمضان المبارک میں بلااجازت عمرہ کےلیے جانے والوں پر 10 ہزار ریال جرمانہ عائد کرنے کا فیصلہ کیا ہے۔

سعودی وزارت حج وعمرہ کے مطابق حکومت رمضان المبارک میں صرف ان لوگوں کو عمرہ ادا کرنے کی اجازت دے گی جو کورونا ویکسین لگواچکے ہوں گے لہذا جن کو عمرہ ادا کرنے کے لیے حکومتی اجازت نامہ درکار ہے ان کے لیے لازم ہے کہ وہ کورونا کی 2 ویکسین لازمی لگوائیں۔

سعودی وزارت داخلہ نے کہا ہے کہ رمضان المبارک کے دوران صرف عمرہ نہیں بلکہ حرم شریف میں داخلے پر بھی پابندی عائد کی گئی ہے۔ مسجد الحرام اور مسجد نبوی میں نماز ادا کرنے لیے بھی اجازت نامہ درکار ہوگا۔

وزارت داخلہ کے مطابق یہ پابندیاں رمضان المبارک میں زیادہ رش کے سبب کورونا وبا کے پھیلاو کو کم کرنے کے لیے لگائی گئی ہیں اور ان پر عمل درآمد کروانے کے لیے سخت سیکیورٹی کا انتظام کیا گیا ہے اور خلاف ورزی کرنے والوں کے ساتھ کسی قسم کی نرمی نہیں برتی جائے گی۔

وزارت داخلہ نے سعودیوں اور غیر ملکیوں سے اپیل کی ہے کہ جو لوگ عمرہ ادا کرنا چاہتے ہوں یا نماز کی ادائیگی کے لیے مسجد الحرام جانے کے خواہش رکھتے ہوں ان کے لیے اجازت نامہ لینا ضرری ہے

اسلام آباد:وزیرخارجہ کاپاک امریکہ ورچوئل اسٹارٹ اپ سمٹ سے خطاب،شرکا کا شکریہ اداکیا،اطلاعات کے مطابق آج پاکستان اورامریکہ کے درمیان ہونےو الے ایک آن لائن سمٹ سے خطاب کرتے ہوئے وزیرخارجہ شاہ محمود قریشی نے کہا ہے کہ مجھے آج اس ورچوئل اسٹارٹ اپ سمٹ کا افتتاح کرنے پر بے حد خوشی ہوئی۔ میں آج کے ایونٹ میں دلچسپی لینے کے لئے امریکہ اور پاکستان دونوں ممالک کے شرکا کا شکریہ ادا کرتا ہوں۔ یہ پاکستان کی بہتری اور ترقی کے لئے آپ کے عزم کا ثبوت ہے۔

اس سمٹ سے خطاب کرتے ہوئے شاہ محمود قریشی نے کہا کہ جاری وبائی بیماری کے حوالے سے بہت اہم تحقیقات کی جارہی ہیں ، جس میں 21 ویں صدی کے کچھ انتہائی مشکل چیلنجوں سے نمٹنے کے لئے سائنس اور ٹیکنالوجی کو کس طرح فائدہ اٹھایا جاسکتا ہے شامل ہے ،

وزیرخارجہ نے اس موقع پرفوڈ سیکورٹی کےساتھ ساتھ دنیا میں غربت کے خاتمے کے حوالے سے پاکستان کے اقدامات سے آگاہ کیا، انہوں نے کہا کہ دنیا میں امن وامان کس طرح لایا جاسکتا ہے اس حوالے سے بھی پاکستان کوشاں ہے

شاہ محمود قریشی نے کہا کہ پاکستان اورامریکہ کی عوام کے درمیان ایک گہرا تعلق ہے اوردونوں ملک ایک دوسرے کی ضروریات کوسمجھتے ہیں ، ان کا یہ بھی کہنا تھا کہ دونوں ملکوں کوایک دوسرے کے مزید قریب آنا چاہیے

پاکستان کے نوجوانوں کے لابانش اور اس کی ناقابل استعمال صلاحیت کے بارے میں بہت کچھ کہا جاتا ہے۔ میری نظر میں ، اس کا ادراک تب ہی ہوسکتا ہے جب ہم ان کو ترقی کے مناسب مواقع اور پلیٹ فارم پیش کرتے ہیں۔ پاکستان میں اسٹارٹ اپ ایکو سسٹم ایک ایسی ہی جگہ ہے ، جس میں کامیابی کی زیادہ سے زیادہ کہانیاں پیش کی جارہی ہیں۔

اس مقصد کے لئے میں ہائر ایجوکیشن کمیشن (ایچ ای سی) ، سیکیورٹیز اینڈ ایکسچینج کمیشن آف پاکستان (ایس ای سی پی) ، اسٹیٹ بینک آف پاکستان ، نیشنل سائنس اینڈ ٹکنالوجی پارک ، نیشنل ٹکنالوجی فنڈ کے ساتھ ساتھ کچھ کامیاب مقامی افراد کی اعلی سطح کی نمائندگی کا خیرمقدم کرتا ہوں۔ اسٹارٹ اپ دنیا سے تعلق رکھنے والے افراد کومواقع فراہم کرنے کی درخواست کرتا ہوں

اسلام آباد:اسلام آباد ایئرپورٹ پر کورونا ایس اوپیز کی دھجیاں اڑا دی گئیں،مگرکسی کوپرواہ تک نہیں ،اطلاعات کے مطابق پی آئی اے کی پرواز تاخیر کا شکار ہونے پر اسلام آباد ایئرپورٹ پر کورونا ایس او پیز کی دھجیاں اڑا دی گئیں۔

ذرائع کے مطابق اسلام آباد سے لندن کے لیے پی آئی اے کی پرواز تاخیر کا شکار ہوئی تو ایئرپورٹ پر بورڈنگ کے منتظر مسافروں کی قطاریں لگ گئیں۔

https://twitter.com/TeamMLucman/status/1380137196200546307

ذرائع کے مطابق پی کے 9757 نے دن ایک بجے اڑان بھرنا تھی، پرواز تاحال روانہ نہ ہوسکی جس کے باعث مسافروں کا رش بڑھ گیا اور کورونا ایس او پیز کی خلاف ورزی ہوئی۔

دوسری طرف اس حوالے سے سخت ردعمل آرہا ہےکہ عوام کو بھی چاہیے کہ وہ خوداپنی فکرکریں ، حکومت اگرایس او پیز کے تحت کسی کوزبردستی احتیاطی تدابیر کی طرف لاتی ہے پھرشکوے شروع ہوجاتے ہیں ،ہمیں اپنے رویے بدلنے ہوں گے

واضح رہے کہ پی آئی اے نے برطانیہ کے لیے خصوصی پروازیں چلائی ہیں۔

ط

لاہور:کروناسےدنیا کی معیشت زوال پزیر،پاکستان کی معیشت بلندیوں کوچھونےلگی،دنیابھی حیران، کیا کررہاہےکپتان،اطلاعات کے مطابق پاکستان کو ڈھائی ارب ڈالر یورو بانڈز کی مد میں موصول ہو گئے جس کے بعد ملک کے زر مبادلہ کے ذخائر تین سال کی بلند ترین سطح پر پہنچ گئے۔

سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ بیان کے مطابق پاکستان کو ڈھائی ارب ڈالر یوروبانڈز کی مد میں حاصل ہوگئے ہیں۔

#SBP has received the proceeds of government’s US$2.5bn Euro Bond issuance in its account. As a result, SBP’s FX reserves closed above US$16bn today, their highest level since July 2017.

— SBP (@StateBank_Pak) April 8, 2021

ٹویٹ کے مطابق ملک کے مرکزی بینک کے زرمبادلہ ذخائر 16ارب ڈالر تک پہنچ گئے۔ ملکی زرمبادلہ کے زخائر ساڑھے تین سال کی بلند ترین سطح پر پہنچ گئے ہیں۔

اس سے قبل وزارت خزانہ کی طرف سے اعلامیہ جاری کیا گیا تھا جس میں بتایا گیا تھا کہ پاکستان کی 3 سال کے بعد انٹرنیشنل کیپٹل مارکیٹ میں واپسی ہوئی ہے۔ کیپٹل مارکیٹ سے 5، 10 اور 30 سال کے یورو بانڈز سے 2.5 ارب ڈالر مل گئے۔

اعلامیہ وزارت خزانہ کرے مطابق یورو بانڈز میں ایشیاء، مشرق وسطی، یورپ اور امریکی سرمایہ کاروں نے بھرپور دلچسپی لی۔ پاکستان نے پہلی بار گلوبل میڈیم ٹرم پروگرام کے تحت بانڈز جاری کئے، پاکستان مستقبل میں بھی کیپٹل مارکیٹ میں بانڈز جاری کرتا رہے گا۔