لاہور:جب بادشاہ کسی کے باغ سے انارتوڑے تواس کے سپاہی باغ اجاڑدیتے ہیں:محکمہ صحت بھی انہیں روایات کی عکاسی کرنے لگا،پاکستان جوکہ اس وقت تاریخ کے مشکل دورسے گزررہا ہے اورجہاں ایک طرف کرپشن اورچوربازاری کوروکنے کے لیے اقدامات کیئے جارہے ہیں‌ وہاں یہ مرض اسی رفتارسے بڑھ رہاہے

 

 

ضرب المثل ہے کہ "رسی جل گئی پر بل نہ گیا”

یہ قوم بھی اسی صورت حال سے دوچار ہے ، ملک اورمعاشرہ تباہ ہوچکا مگرہماری عادتوں میں تبدیلی نہ آسکی ، جب یہ صورت حال پیدا ہوجائے توپھراللہ کی طرف سے آنے والا عذاب کوئی نہیں ٹال سکتا

جس ملک کے بڑے لوگ ، حکمران طبقہ یا دوسرے صاحب الاقتدارشیخ سعدی کے قول کے مطابق انارتوڑرہےہیں توسرکاری اہلکارباغ اجاڑرہے ہیں‌ اوراگریہ سلسلہ نہ رک سکا توپھروہ وقت دورنہیں جب تقدیرکا وارچلے گا اورپھراس جرم میں مبتلا بڑے اورچھوٹے ذلیل ورسوا ہوں گے

رشوت ستانی اورچوربازاری اس قدرعام ہوگئی ہے کہ انسانیت کے مسیحا بھی خدمت انسانیت کی آڑ میں کمزوروں کا حق مارجاتے ہیں ، ماتحتوں کی مزدوری کوہڑپ کرتے ہوئے شرم محسوس نہیں کرتے جس طرح پنجاب کے محکمہ صحت کے افسران کا حال ہے

 

 

 

یاد ہوگا کہ پچھلے مہینے کے آغازمیں ملک بھرکی طرح لاہوراورگردونواح میں ٹائیفائیڈ کی ویکسینیشن کی گئی جس کے لیےکونسل کی سطح پرمختلف لوگوں کی خدمات لی گئی ،

 

اس پروگرام کے تحت لاہور کے ڈپٹی ڈسٹرکٹ ہیلتھ آفیسرزکی قیادت میں شروع ہونے والی مہم میں ہرکونسل سے یونین کونسل مانیٹرنگ آفیسرز اوران کے ساتھ ساتھ موبلائزنگ ٹیم کی خدمات حاصل کی گئیں‌

 

اس مہم کوجس طرح ان یونین کونسل مانیٹرنگ آفیسرز اوران کے ساتھ ساتھ موبلائزنگ ٹیم نے احسن انداز سے سرانجام دیا اس کی مثال نہیں ملتی

مگرجب ان یونین کونسل مانیٹرنگ آفیسرز اوران کے ساتھ ساتھ موبلائزنگ ٹیم کوان کی مزدوری ، معاوضہ دینے کا وقت آیا توٹال مٹول سے کام لیا جارہاہے ، یہ معاوضہ جوکہ مجموعی طور پر 48 ہزاربنتا ہے ،بعض یونین کونسل مانیٹرنگ آفیسرز کو کچھ رقم دی گئی ہے ،

 

کسی کو بیس ہزاردیا گیا تو کسی کو18 ہزارغرض یہ کہ ڈی ڈی اوز کو متنقل ہونے والی یہ رقم ابھی تک حقداروں کو نہیں مل سکی

 

جبکہ اسی پروگرام کے تحت دیگراضلاع میں کام کرنے والے یونین کونسل مانیٹرنگ آفیسرزکو48000 روپے معاوضہ اداکردیا گیا ہے

 

اس حوالے سے جب لاہور کے مختلف ڈی ڈی اوز سے رابطہ کرنے کی کوشش کی گئی تو مذکورہ مسئلے کے حقیقی ہونے کی تصدیق بھی ہوگئی جب سی او ہیلتھ لاہور ڈاکٹرمحمد صدیق نے کہا کہ آپ کی طرف سے اس مسئلے کی نشاندہی کرنے کے بعد ڈی ڈی اوز کوہدایت کردی گئی ہے کہ وہ یونین کونسل مانیٹرنگ آفیسرز کو ان کے بقایا جات جلد ادا کردیں‌

 

یہ بھی معلوم ہوا ہے کہ اس مسئلے پرتوجہ دلاو کوشش کے دوران ڈی ڈی اوزکے درمیان ہونے والی گفتگونے ان سرکاری افسران کی بے رحمی اوردوسروں کا حق کھانے کی عادت کوبھی عیاں کردیا

دوسری طرف یونین کونسل مانیٹرنگ آفیسرز سے جب اس سلسلے میں رابطہ کیا گیا توانہوں نے اس خبرکی تصدیق کرتے ہوئے اس درست قراردیا اورکہا کہ واقعی کسی کو بھی اس کے واجبات جن کی مالیت 48000ہزاربنتی ہے ابھی تک ادا نہیں کیئے گئے

 

یہ توہیں بنیادی واجبات اس کے علاوہ روزانہ کی بنیاد پریوسی ایم او کو 850 روپے ، سکلڈ پرسن 500 روپے روزانہ اورایسے ہی اے ای ایف آئی ایف پی ٹریننگ کے لیے رزانہ 850 روپے دینے کا وعدہ کیا گیا تھا مگروہ بھی نہیں ملے

ان یونین کونسل مانیٹرنگ آفیسرزنےافسران بالا کے قہرسےڈرتے ہوئے سہمے ہوئے اوربے بسی کے عالم میں اس بات کی بھی تصدیق کی کہ اس حق کے دعوے کے بعد اب ان ڈی ڈی اوزکی طرف سے عتاب کا بھی ڈر ہے

 

بہرکیف ان حالات میں جب ملک میں رشوت ستانی کوایک جائزشکل قراردینے کی کوشش کی جارہی ہے اگرافسران بالا نے نوٹس نہ لیا تویہ یونین کونسل مانیٹرنگ آفیسرزدیگراپنے ہم وطنوں کی طرح صبرکرلیں‌ گے لیکن مجھے ڈرلگتا ہے کہ وہ ذات جسے رحیم وکریم کہتے ہیں وہ قہاروجباربھی ہے

اگراس ذات کا صبرلبریز ہوگیا تو پھریہاں اس ملک میں اللہ وہ نشانیاں‌دکھائیں گے جومصائب ، مشکلات اورآزمائشوں میں صبرکرنے والی اقوام کواللہ بے بسی کی حالت میں دکھاتے ہیں ،ہمیں ان حرکتوں سے بازآجانا چاہیے کیوں کہ کوئی تو دیکھ رہا ہے

 

اسلام آباد:کرونا وائرس کےحملے پھرتیز:اہل وطن نےکیاحفاظتی تدابیراختیارکرنی ہیں تفصیلات آگئیں ،اطلاعات کے مطابق ملک میں کورونا کے بڑھتے ہوئے کیسز کے باعث این سی او سی کی ہدایات پر وفاقی حکومت کی طرف سے اہم ہدایات جاری کردی گئی ہیں‌

ذرائع کےمطابق وفاق نے نئی پابندیوں کے اطلاق کی ہدایات جاری کر دی

جس کے مطابق عوامی و دیگر مقامات پر ماسک کا استعمال لازمی قرار دے دیا گیا یہ بھی ہدایت کی گئی ہے کہ وائرس پھیلنے والے ممکنہ مقامات پر سمارٹ لاک ڈائون اور مائیکرو لاک ڈائون کیا جا سکے گا

دوسری طرف یہ بھی تاکید کی گئی ہے کہ متعلقہ اداروں کی منظوری سے 50 فی صد کام گھر سے کرنے کی پالیسی پر عمل درآمد ہو گا

ادھر اس حوالے سے کہا جارہا ہےکہ تمام تجارتی سرگرمیوں پر رات دس بجے کے بعد پابندی عائد ہو گی ،جبکہ ہسپتال ، میڈیکل سٹور اور اشیائے خوردونوش کی دوکانوں پر دس بجے کے پابندی لاگو نہیں ہو گی

وفاقی حکومت کی طرف سے جاری ہدایات میں کہا گیا ہےکہ تمام پارکس شام چھے بجے کے بعد بند کر دئیے جائیں گے ، یہ بھی پیغام دیا گیا ہےکہ شادی ہالز اور ہوٹلز کے اندر بیٹھ کر کھانوں پر 15 مارچ سے دی جانے والی اجازت منسوخ کی جاتی ہے

ادھر اس حوالے سے کہا گیا ہے کہ سینما ہالز اور مزارات پر بھی پابندی برقرار رہے گی ،ہدایات کے مطابق کھلے مقامات پر تین سو افراد کے اجتماع پر کورونا ایس او پیز کے مطابق اجازت ہو گی ، تمام پابندیوں کا اطلاق 15 اپریل تک رہے گا ،

وفاقی حکومت کی طرف سے ہدایت کی گئی ہے کہ ان پابندیوں میں نرمی یا مزید سختیوں کے حوالے سے 12 اپریل کو فیصلہ ہو گا

اسلام آباد:کرونا وائرس سےبچاوکےلیےہائیرایجوکیشن نے دوہفتوں کےلیےہنگامی اعلان کردیا،اطلاعات کے مطابق حکومت کی جانب سے کوڈ 19 معاملات میں حالیہ اضافے کی وجہ سے منتخب شہروں میں تعلیمی اداروں میں موسم بہار کی تعطیلات کے اعلان کے بعد ہائیرایجوکیشن کیطرف سے اہم اعلان سنادیا گیا ہے ،

ذرائع کے مطابق ہائیر ایجوکیشن کمیشن نے واضح کیا ہے کہ تمام یونیورسٹیاں جاری ہدایات کے مطابق کام کرتی رہیں گی۔ قبل ازیں مندرجہ ذیل شہروں میں جامعات اور اعلی تعلیمی اداروں کے علاوہ فیصل آباد ، لاہور ، ملتان ، سیالکوٹ ، پشاور ، گوجرانوالہ ، گجرات ، راولپنڈی اور اسلام آباد ان دنوں بند رہیں گیں

مذکورہ بالا شہروں میں تمام جامعات اور اعلی تنظیمیں 15مارچ سے 28 مارچ کے دوران جسمانی حاضری کے لئے بند رہیں گی۔

یہ بھی بتایا جارہاہے کہ اس عرصے کے دوران تعلیمی سرگرمیاں آن لائن جاری رہیں گی۔ مزید یہ کہ ، کوویڈ ۔19 صحت اور حفاظت کے پروٹوکول کی مکمل پابندی کے ساتھ منصوبہ بندی کے مطابق جاری اور پہلے سے طے شدہ امتحانات کا انعقاد کیا جاسکتا ہے۔

ہائیرایجوکیشن کے مطابق یونیورسٹیوں کو مشورہ دیا جاتا ہے کہ وہ کوڈ 19 کم سے کم صحت اور حفاظت کے پروٹوکول کی سختی سے پابندی کریں ،

ادارے کی طرف سے کہا گیا ہے کہ تھرمل سکیننگ ، چہرے کا ماسک پہننا ، معاشرتی دوری ،سینیٹائزرزکی دستیابی اور باقاعدگی سے استعمال اور عمارتوں کی صفائی کو یقینی بنائیں۔ مزید برآں ، یونیورسٹیوں کو مشورہ دیا جاتا ہے کہ اگر کوڈ 19 یا نگرانی کمیٹی کے چیئر یا صوبائی / علاقائی ممبران سے ضرورت ہو تو مزید رہنمائی حاصل کریں۔

لاہور: جعلی ڈگری:اب کس پرتلوارچلنے والی ہے :اہم خبر نے ہلچل مچادی، ویسے تو سیاستدانوں کے بارے میں کہا جاتارہا ہے کہ وہ جعلی ڈگریوں کی بدولت اسمبلیوں میں پہنچتے ہیں لیکن پاکستان میں ایسے بھی طبقات ہیں کہ جواس میدان میں اپنا ثانی نہیں رکھتے ،

یہ کوئی سیاستدان نہیں بلکہ صدر لاہور ٹیکس بارعلی احسن رانا اور ان کے ساتھیوں کی جعلی ڈگریوں کی تصدیق کے متعلق کیس کی سماعت ,چیف جسٹس ہائی کورٹ محمد قاسم خان کے رخصت پر ہونے کے باعث کیس کی سماعت سترہ مارچ تک ملتوی کردی گئی۔

چیف جسٹس لاہور ہائیکورٹ محمد قاسم خان نے صدر لاہور ٹیکس بار احسن علی رانا سمیت دیگرز وکلاء کی ڈگریوں کے متعلق رپورٹ طلب کررکھی ہے، عدالت نے اس کیس میں وائس چانسلر پنجاب یونیورسٹی اور کنٹرولر امتحانات کو طلب کررکھا ہے ،

یہ بھی بتایا جارہا ہےکہ ہائی کورٹ کے حکم پر سیکریٹری لاہور ٹیکس بار رانا کاشف نے صدر کی ڈگری کی تصدیق کے لیے پنجاب بار کونسل کا مراسلہ لکھا تھا اور ہائیکورٹ میں بھی صدر لاہور ٹیکس بار علی احسن رانا کی ڈگری کی تصدیق کے لیے درخواست دائر ہے۔