Category: کرونا اپڈیٹس

لاہور: تحریک انصاف کی رکن اسمبلی بھی کورونا کا شکارہوگئیں،اطلاعات کے مطابق پنجاب اسمبلی میں تحریک انصاف کی رکن اسمبلی شعوانہ بشیر بھی کورونا وائرس کا شکار بن گئیں، وزیراعلی پنجاب نے پھولوں کا گلدستہ بھجوا دیا۔

پنجاب اسمبلی میں پی ٹی آئی کی رکن اسمبلی شعوانہ بشیر بھی کورونا وائرس سے شدید متاثر ہوگئیں جنہیں عادل ہسپتال میں داخل کروا دیا گیا ہے۔ وزیراعلی پنجاب عثمان بزدار کی جانب سے رکن اسمبلی کی صحت کے لئے نیک خواہشات اور جلد صحت یابی کی دعا کی گئی ہے۔ وزیراعلی پنجاب نے رکن اسمبلی کو پھولوں کا گلدستہ بھی بھجوایا ہے۔

دوسری جانب نواز شریف کے وکیل اور سابق ایڈووکیٹ جنرل خواجہ حارث کو کورونا ہوگیا ہے، ایڈووکیٹ سپریم کورٹ خواجہ حارث نے اپنا کرونا ٹیسٹ کرایا اور مثبت آنے پر گھر پر قرنطینہ کرلیا۔ ایڈیشنل ایڈووکیٹ جنرل پنجاب شان گل نے ماہر قانون خواجہ حارث سے ٹیلی فون پر اُن کی خیریت معلوم کی اور اُن کی جلد صحت یابی کیلئے نیک خواہشات کا اظہار کیا۔

کورونا کی دوسری لہر کی وجہ سے دوبارہ حفاظتی انتظامات کئے گئے ہیں اور ماسک کے بغیر ہائیکورٹ اور عدالتوں میں داخلے کی اجازت نہیں ۔ کورونا کی وجہ سے چیف جسٹس پشاور ہائیکورٹ اور پنجاب کی ماتحت کے جج بھی اس عالمی وائرس سے متاثر ہوئے ہیں۔

اسلام آباد :کرونا کا خطرہ،اراکین نے پبلک اکاؤنٹس کمیٹی میں آنا چھوڑدیا ،اطلاعات کے مطابق کورنا وائرس کی تباہ کاریوں سے خوف زدہ پبلک اکاونٹس کمیٹی کے اجلاس میں اراکین نے آنا چھوڑدیا ہے ،

تفصیلات کے مطابق راناتنویر حسین کی زیرصدارت پبلک اکاؤنٹس کمیٹی کا اجلاس جاری تھا کہ اس دوران کورونا کے خطرات کو مدِنظر رکھتے ہوئے کچھ ارکان اجلاس سے چلے گئے۔خواجہ آصف نے کہا کہ میرے 5 دوستوں کو ایک ساتھ کورونا ہوگیا ہے آپ لوگ بھی احتیاط کریں۔ یہ کہہ کر خواجہ آصف اجلاس سے روانہ ہوگئے۔

پیپلزپارٹی کی شیری رحمان اور حناربانی کھر بھی قبل ازوقت اجلاس سےاٹھ گئیں جب کہ نورعالم خان نے بھی کمیٹی روم میں زیادہ لوگوں کی موجودگی پر اعتراض اٹھایا۔اراکین کے اعتراض پر رانا تنویرحسین نےپی اےسی اجلاس جلدختم کردیا۔انہوں نے ہدایت کی کہ آڈٹ حکام آئندہ صرف 5 آڈٹ پیراز لےکر آئیں، جب تک کوروناہے کم پیراز لےکر آئیں۔

قومی اسمبلی کا 20 نومبر سے شروع ہونے والا اجلاس نہ بلانےکا فیصلہ کیا گیا ہے۔جمعہ سے شیڈول اجلاس اب ملتوی کر دیا گیا ہے۔20 نومبر سے شروع ہونے والا اجلاس نہ بلانےکا فیصلہ کیا گیا ہے یہ اجلاس2 ہفتے تک جاری رہناتھا۔

کورونا وبا کی دوسری لہر کو روکنے کے لیے سینیٹ احتیاطی تدابیر کے تحت سینیٹ کی کمیٹیوں کے اجلاسوں پر تاحکم ثانی پابندی عائد کر دی گئی۔سینیٹ کمیٹیوں کے اجلاسوں پرپابندی میں توسیع تیسری بارکی گئی ہے۔سینیٹ کمیٹیوں کےاجلاسوں پرپہلی پابندی3 نومبرکوعائدکی گئی تھی۔

لندن :عام ماؤتھ واش ’30 سیکنڈ’ میں کورونا وائرس کو ختم کرسکتے ہیں، تازہ تحقیق زبردست علاج،اطلاعات کے مطابق برطانوی ماہرین طب نے دعویٰ کیا ہے کہ اگرعام ماؤتھ واش ’30 سیکنڈ’ میں کورونا وائرس کو ختم کرسکتے ہیں، یہ دعویٰ برطانیہ میں ہونے والا ایک طبی تحقیق میں سامنے آیا۔

کارڈف یونیورسٹی کی اس تحقیق میں دریافت کیا گیا کہ کم از کم 0.07 فیصد سیٹلک فیرڈینیم کلورائیڈ (سی پی سی) والے ماؤتھ واش وائرس کی منتقلی کی شرح میں روک تھام کے حوالے سے مددگار ثابت ہوسکتے ہیں۔

اس تحقیق کے نتائج ابھی کسی طبی جریدے میں شائع نہیں ہوئے اور اس سے رواں ماہ سامنے آنے والی ایک تحقیق کے نتائج کو تقویت ملتی ہے، جس میں دریافت کیا گیا تھا کہ سی پی سی والے ماؤتھ واش سے کورونا وائرس سے متاثر افراد میں وائرل لوڈ کم کیا جاسکتا ہے۔

اس تحقیق میں شامل ڈاکٹر رچرڈ اسٹینٹن کا کہنا تھا کہ نئی تحقیق سے ان شواہد میں اضافہ ہوتا ہے کہ عام دستیاب ماؤتھ واشز نئے کورونا وائرس کو بھی ناکارہ بناسکتے ہیں، کم از کم لیبارٹری کے اندر ٹیسٹوں میں تو یہی معلوم ہوا ہے۔

ان کا کہنا تھا یہ تحقیق ابھی کسی طبی جریدے میں شائع نہیں ہوئی اور اس کے نتائج کی جانچ پڑتال دیگر سائنسدانوں نے نہیں کی، جس کو اب اشاعت کے لیے ایک طبی جریدے کو جمع کرایا جائے گا۔

اس حوالے سے ویلز یونیورسٹی ہاسپٹل میں مریضوں پر ایک ٹرائل کیا جارہا ہے جس میں دیکھا جائے گا کہ ماؤتھ واش سے مریض کے لعاب دہن میں کورونا وائرس کی تعداد کو کم کیا جاسکتا ہے یا نہیں۔تحقیق کے مکمل نتائج 2021 کے شروع میں شائع کیے جانے کا امکان ہے۔محققین نے بتایا کہ اگرچہ لیبارٹری تحقیق بہت حوصلہ افزا رہی اور ایک مثبت قدم ہے مگر اس حوالے سے مزید کلینیکل تحقیق کی واضح ضرورت ہے۔

ان کا کہنا تھا ‘ہمیں یہ سمجھنے کی ضرورت ہے کہ عام ماؤتھ واش لیبارٹری میں کووڈ 19 پر مرتب مثبت اثرات مریضوں میں کس حد تک نظر آتے ہیں اور اس حوالے سے ہم اپنے کلینیکل ٹرائل کو 2021 کے شروع تک ختم کرنا چاہتے ہیں’۔انہوں نے مزید کہا کہ اس ٹرائل سے ہمیں یہ جاننے میں مدد ملے گی کہ کتنے وقت تک ایک بار استعمال کرنے پر ماؤتھ واش کا اثر برقرار رہتا ہے۔

ڈاکٹر رچرڈ اسٹینٹن کا کہنا تھا کہ دانتوں کے امراض کے ماہر اور تحقیقی ٹیم کے قائد ڈاکٹر نک کلیڈون کا کہنا تھا کہ ان کا ماننا ہے کہ ماؤتھ واش کورونا وائرس کے خلاف جنگ میں ہاتھ دھونے، جسمانی دوری اور فیس ماسک کے ساتھ اہم اضافہ ہوسکتا ہے۔

ڈاکٹر رچرڈ اسٹینٹن کا کہنا تھا کہ دنیا بھر میں اب تک ساڑھے 5 کروڑ کے قریب افراد میں کووڈ 19 کی تشخیص ہوچکی ہے جبکہ دوسری لہر کی شدت میں ہر روز اضافہ ہورہا ہے۔

رواں ماہ کے دوران کورونا وائرس کی وبا کی روک تھام کے حوالے سے متعدد اچھی خبریں سامنے آئی ہیں۔1 نومبر کو امریکی کمپنی موڈرینا نے اعلان کیا تھا کہ اس کی ویکسین کے ٹرائل کے تیسرے مرحلے کے ابتدائی نتائج میں وہ 94.5 فیصد موثر ثابت ہوئی۔

یاد رہے کہ اس سے قبل 9 نومبر کو امریکا کی کمپنی فائزر اور جرمن کمپنی بائیو این ٹیک نے اپنی ویکسین کے ابتدائی نتائج میں اسے 90 فیصد سے زیادہ موثر قرار دیا گیا۔