Category: کرونا اپڈیٹس

اسلام آباد:کرونا وائرس پھر سے سراٹھانے لگا : پمز ہسپتال کے 30 ملازمین وائرس کا شکار ہو گئے،اطلاعات کے مطابق پاکستان میں کورونا کی وبا دوبارہ سر اٹھانے لگی ، پمز ہسپتال کے 30 ملازمین وائرس کا شکار ہو گئے۔اس خبرکےبعد ہسپتال میں ہرطرف خوف کی فضا پیدا ہوگئی ہے

پاکستان انسٹی ٹیوٹ آف میڈیکل سائنسز کے طبی اور نیم طبی عملے میں کورونا وائرس کی تصدیق ہوئی ہے، ترجمان کے مطابق پمز کے 30 ملازمین کورونا وائرس کا شکار ہو گئے،کورونا وائرس سے متاثرہ عملے میں نرسز، ڈاکٹرز اور پیرامیڈیکل سٹاف شامل ہیں،کورونا سے متاثرہ عملے کی صحت تسلی بخش ہے۔

ترجمان کا مزید کہنا ہے کہ پمز کے آئسولیشن وارڈ میں کورونا کے 10 مریض زیرعلاج ہیں جن میں 3 کی حالت تشویشناک ہے ۔

لاہور: کورونااورڈینگی ساتھ ساتھ :کرونا کے 39 نئے کیس، ڈینگی بھی پھڑپھڑانے لگا،اطلاعات کے مطابق ڈینگی کا خطرہ برقرار، لاہور میں ڈینگی کے 4 مریضوں کی تصدیق، شہر کے ہسپتالوں میں ڈینگی کے مزید 19 مشتبہ مریض بھی رپورٹ ہوئے۔

ترجمان پرائمری ہیلتھ کے مطابق پنجاب بھر میں 24 گھنٹے کے دوران ڈینگی بخار کے 709 مشتبہ کیسز رپورٹ ہوئے، صوبے بھر میں ایک ہفتہ کے دوران 2956 مقامات سے ڈینگی لاروا برآمد ہوا۔دوسری جانب چوبیس گھنٹے کے دوران لاہور میں کورونا کے 39 نئے کیسز رپورٹ جبکہ پنجاب بھر میں 86 نئے مریض سامنے آئے۔ پنجاب بھر میں گزشتہ چوبیس گھنٹوں کے دوران کورونا سے کوئی موت واقع نہیں ہوئی۔

بترجمان پرائمری ہیلتھ کے مطابق لاہور میں وبا کے دوران کورونا سے متاثرہ افراد کی مجموعی تعداد 49837 اور 864 اموات ہوچکی ہیں، پنجاب بھر میں اب تک 99378 افراد کورونا سے متاثر اور 2233 افراد موت کے منہ میں جا چکے ہیں جبکہ 95449 مریض پنجاب میں کورونا سے اب تک صحت یاب ہوچکے ہیں، پنجاب میں اب تک 12 لاکھ 39 ہزار211 ٹیسٹ کیے جا چکے ہیں، پنجاب میں کورونا کے 97مریض سرکاری ہسپتالو ں میں زیر علاج ہیں جن میں سے 23 مریضوں کی حالت تشویشناک ہے۔

ترجمان محکمہ صحت نے عوام سے اپیل کی ہے کہ وہ اپنے اردگرد کے ماحول کو خشک اور صاف رکھ کر ڈینگی وائرس سے محفوظ رہیں، ڈینگی کی علامات ظاہر ہونے پر طبی رہنمائی کے لئے 1033پر رابطہ کریں، ڈینگی ٹیمیں آپ کے علاقے میں نہ پہنچیں تو 1033 پر شکایت درج کروائیں۔

طبی ماہرین کا کہنا ہے کہ کورونا وائرس انسانوں سے انسانوں میں منتقل ہوتا ہے، کورونا وائرس کی علامات میں سانس لینے میں دشواری، بخار، کھانسی اور نظام تنفس سے جڑی دیگر بیماریاں شامل ہیں، شہری کورونا وائرس سے بچنے کیلئے ایک دوسرے سے ہاتھ ملانے اور گلے ملنے سے اجتناب کریں، گرم پانی پیئں اور ماسک استعمال کریں۔

کراچی: شہرقائد کے مزید علاقوں میں مائیکرو اسمارٹ لاک ڈاؤن لگانے کی تجویز سامنے آگئی، ضلع وسطی اور شرقی کے ڈی ایچ اوز نے متعلقہ ڈپٹی کمشنرز کو فہرست بھجوا دی۔

تفصیلات کے مطابق کراچی میں متعلقہ ڈپٹی کمشنرز کو مائیکرواسمارٹ لاک ڈاؤن سے متعلق موصول ہونے والی فہرست اور خط میں کہا گیا ہے کہ ضلع وسطی کے 4 علاقوں میں کرونا کے 46کیسز رپورٹ ہوئے، ضلع وسطی میں نارتھ کراچی، نارتھ ناظم آباد، گلبرگ اور لیاقت آباد شامل ہیں۔

خط کے متن میں کہا گیا ہے کہ ضلع شرقی کے علاقوں سے بھی کرونا کے کیسز رپورٹ ہورہے ہیں، ضلع شرقی میں گلشن اقبال، یوسی 14 اور یوسی 6 شامل ہے۔

اس کے علاوہ جمشیدٹاؤن، یوسی7، یوسی10، الخلیج ٹاور اور المصطفی کے علاقے بھی ضلع شرقی کا حصہ ہیں جہاں پر مائیکرو اسمارٹ لاک ڈاؤن لگانے کی تجویز سامنے آئی ہے۔خط میں زور دیا گیا ہے کہ کرونا کا پھیلاؤ روکنے کے لیے فوری اسمارٹ لاک ڈاؤن لگایا جائے۔

علاوہ ازیں کراچی کے 6اضلاع میں کروناہاٹ اسپاٹ کی نشاندہی دی گئی ہے۔ ڈائریکٹر ہیلتھ ڈاکٹر ندیم شیخ کے مطابق ضلع جنوبی کے 24مقامات، ضلع ملیر کے 41مقامات اور ضلع غربی کے 2مقامات کروناہاٹ اسپاٹ ہیں۔

ان کا کہنا تھا کہ ضلع کورنگی کے39گھروں میں کرونا مریض موجود ہیں، ضلع وسطی میں46گھروں میں کرونا کیسز ہیں، ضلع شرقی میں637گھر کرونا ہاٹ اسپاٹ ہیں، ہاٹ اسپاٹس میں لوگوں کو ایس اوپیز پر عمل کرنے کی ہدایات دی ہیں۔