Category: کرونا اپڈیٹس

بھارت میں ایک دن میں 52 ہزار سے زائدکوروناکے نئے کیسز رپورٹ ، 775 افراد ہلاکتیں‌

باغی ٹی وی :بھارت کو کورونا وائرس کے باعث ایک اور بدترین دن دیکھنا پڑا، 24 گھنٹوں میں ریکارڈ 52 ہزار سے زائد نئے کیس رپورٹ ہوئے جبکہ 775 افراد ہلاک ہو گئے۔

بھارت میں کورونا وائرس کے مریضوں کی تعداد میں تیزی سے اضافے کے ساتھ دنیا میں تیسرے نمبر پر ہے، جہاں کورونا سے 35 ہزار سے زائد ہلاکتیں ہو چکی ہیں جبکہ اس سے متاثرہ مریضوں کی تعداد 16 لاکھ سے تجاوز کر گئی ہے۔

ادھر امریکا میں کورونا وائرس سے ہونے والی اموات ایک لاکھ 53 ہزار سے تجاوز کرگئی ہے۔ دنیا بھر میں کورونا کے 2 لاکھ 90 ہزار سے زائد نئے مریض سامنے آنے کے بعد نیا ریکارڈ قائم ہوگیا ہے۔

امریکا تاحال کورونا وائرس سے سب سے زیادہ متاثرہ ملک ہے جہاں ناصرف کورونا مریض بلکہ اس سے ہلاکتیں بھی اب تک دنیا کے تمام ممالک میں سب سے زیادہ ہیں۔

دنیا بھر میں کورونا وائرس سے متاثرہ افراد کی تعداد 1 کروڑ 73 لاکھ 51 ہزار 67 تک جا پہنچی ہے جبکہ اس موذی وائرس سے ہلاکتیں 6 لاکھ 73 ہزار 278 ہو گئیں

نئی دہلی :ہندوستان میں کورونا سے صورتحال انتہائی سنگین سے سنگین ترہونے لگی ،اطلاعات کےمطابق ہندوستان میں کورونا سے صورتحال دن بہ دن ابتر ہوتی جا رہی ہے جس سے اس ملک کے عوام میں تشویش کی لہر دوڑ گئی ہے۔

ہندوستانی میڈیا نےصحت اور خاندانی بہبود کی مرکزی وزارت کے جاری کردہ اعداد و شمار کی بنیاد پر آج جمعرات کے روز رپورٹ دی ہے کہ پچھلے 24 گھنٹوں کے دوران کورونا انفیکشن کے 52 ہزار123 معاملے رپورٹ ہوئے جس سے متاثرہ افراد کی تعداد 15 لاکھ 83 ہزار 792 ہوگئی ہے

بھارتی ذرائع ابلاغ کے مطابق 775 افراد کی اس بیماری کی وجہ سے موت ہونے سے اب تک 34 ہزار 968 لوگ اس کی زد میں آکر دنیا کو الوداع کہہ چکے ہیں تاہم کورونا سے صحت یاب ہونے کا سلسلہ بھی جاری ہے اور اب تک 10 لاکھ 20 ہزار 582 افراد صحت یاب ہوئے ہیں۔

ہندوستان کی ریاست مہاراشٹرا اب بھی وبائی مرض سے سب سے زیادہ متاثر ہے۔

فلوریڈا : سماجی فاصلہ نہ رکھنے سے پریشان شخص نے ماں اوربیٹےپر فائر کھول دیا،اطلاعات کے مطابق امریکا میں ایک شخص نے سماجی فاصلہ نہ رکھنے پر پریشان ہو کر ماں اور اس کے بیٹے پر فائرنگ کردی، واقعے میں کوئی شخص زخمی نہیں ہوا۔

پولیس کے مطابق 47 سالہ ڈگلس مارکز ریاست فلوریڈا کے میامی بیچ ہوٹل میں ٹھہرا ہوا تھا۔ سوموار کی صبح اس کا سامنا ہوٹل کی لابی میں ورونیکا نامی خاتون اور اس کے بیٹے سے ہوا۔ورونیکا نیو میکسیکو سے اپنے بیٹے کے ساتھ میامی پہنچی تھیں۔ انہوں نے پولیس کو بتایا کہ ڈگلس نے ان دونوں کو دیکھ کر کہا آپ سماجی فاصلے کا خیال نہیں رکھ رہے۔

https://twitter.com/fox_sheldon/status/1288219268010725376

ڈگلس نے ان سے کہا کہ وہ دونوں فوری طور پر ہوٹل چھوڑ کر چلے جائیں، اس کے بعد اس نے پستول نکال کر لابی میں ادھا دھند فائرنگ شروع کردی۔لابی میں موجود ایک شخص نے تمام واقعے کی ویڈیو بنا لی۔ خوش قسمتی سے واقعے میں کوئی شخص زخمی نہیں ہوا۔

پولیس کے سامنے ڈگلس نے فائرنگ کرنے کا اعتراف کرتے ہوئے کہا کہ کوئی اس کی مسلسل نگرانی کر رہا تھا اسی لیے اس نے پریشان ہو کر فائرنگ کی، اس نے استقبالیہ ڈیسک پر جا کر انہیں پولیس کو کال کرنے کا بھی کہا۔پولیس نے ڈگلس کو حراست میں لے کر اس سے پوچھ گچھ شروع کردی ہے۔

ماسکو : روس: امریکہ،چین ، برطانیہ سمیت دنیا بھرکے بڑے بڑے ملکوں پرسبقت لے گیا:موثرترین کورونا ویکسین بنانے کا دعویٰ کردیا،اطلاعات کے مطابق روس دنیا کا پہلا ملک بننے کے قریب ہے جو نئے کورونا وائرس سے ہونے والی بیماری کووڈ 19 کی روک تھام کے لیے حکومتی سطح پر ویکسین کی منظوری دینے والا ہے۔

روس میں کورونا ویکسین کے کلینکل ٹرائلز آخری مراحل میں داخل ہوچکے ہیں اور مؤثر ثابت ہونے پر اگست کے وسط میں اس کے استعمال کی منظوری دیئے جانے کا امکان ہے۔

روس کی جانب سے اس حوالے سے کم از کم 3 ویکسینز پر کام کیا جارہا ہے اور صدر ولادی میر پیوٹن نے ایک اجلاس کے دوران کسی ایک کی تیاری قومی فخر کا معاملہ ہے۔

روس کی نائب وزیراعظم تاتیانا گولیکووا نے اجلاس میں بتایا کہ تینوں میں سے ایک ویکسین تیاری کے آخری مراحل میں ہے اور ممکنہ طور پر اگلے ماہ اس کی منظوری دی جاسکتی ہے۔

انہوں نے کہا ‘ 16 سو افراد پر ہونے والے کلینیکل ٹرائلز کے مکمل ہونے پر ہم اگست میں ریاستی رجسٹریشن دینے کی منصوبہ بندی کررہے ہیں۔

انہوں نے مزید کہا کہ روس کو توقع ہے کہ ویکسین کی بڑے پیمانے پر تیاری کا عمل ستمبر تک شروع ہوسکتا ہے۔ روس کی جانب سے کچھ دن قبل تیز رفتار کلینکل ٹرائلز کے اعلان پر اس ویکسین کی افادیت کے حوالے سے سوالات سامنے آئے تھے۔

اس حوالے سے اب روسی صدر نے شہریوں کو یقین دہانی کرائی ہے ویکسین کا استعمال اس وقت تک نہین ہوگا جب تک وہ محفوظ ثابت نہ ہوجائے ‘ہم ویکسین کے حوالے سے مکمل پراعتماد ہیں۔

انہوں نے کہا ‘ابھی ہم اس عمل کو آگے بڑھارہے ہیں جس کے بعد کورونا وائرس ویکسینیشن کے حوالے سے مزید فیصلے کیے جائیں گے۔

اس سے قبل روس کے خودمختار ویلفیئر فنڈ کے سربراہ ڈاکٹر دیمیتریو نے سی این این کو ایک انٹرویو میں کہا تھا کہ گامیلی انسٹیٹوٹ آف Epidemiology اینڈ مائیکرو بائیولوجی (جس کے زیرتحت اس ویکسین پر تحقیق اور تیاری کی جارہی ہے) کی جانب سے 10 اگست تک اس کی منظوری حاصل کرنے کی منصوبہ بندی کی جارہی ہےاور اس طرح یہ دنیا کی پہلی منظور شدہ کورونا ویکسین ہوگی۔

انہوں نے کہا کہ روس اس حوالے سے دنیا پر سبقت حاصل کرلے گا۔ انہوں نے روس کی کورونا وائرس تحقیق کو سوویت یونین کی جانب سے1957 میں دنیا کے پہلے سیٹلائٹ کو لانچ کرنے سے تشبیہ دی۔

اس ویلفیئر فنڈ کے ترجمان نے اس حوالے سے ٹیلیگراف سے بات کرتے ہوئے تفصیلات تو نہیں بتائیں، مگر اس کا کہنا تھا کہ توقع ہے کہ روس کی جانب سے سال کے آخر تک ویکسین کے 3 کروڑ ڈوز تیار کیے جاسکتے ہیں۔

ترجمان کے مطابق روس نے 5دیگر ممالک سے بھی ویکسین کی تیاری کے معاہدے کیے ہیں اور رواں برس وہاں 17 کروڑ ڈوز تیار ہوسکتے ہیں۔

روس کے گامیلی انسٹیٹوٹ کو معتبر تحقیقی مرکز ہے جس نے ایبولا اور مرس کے خلاف کلینیکلی طور پر منظور شدہ ویکسینز تیار کیں۔

اس سے قبل رواں ماہ امریکا، کینیڈا اور برطانیہ نے دعویٰ کیا تھا کہ روسی خفیہ اداروں کے لیے کام کرنے والے ہیکرز گروپ نے دنیا کے متعدد ممالک کی دوا ساز کمپنیوں اور تحقیقی اداروں کے سسٹمز تک رسائی حاصل کرکے کورونا ویکسین سے متعلق معلومات چرانے کی کوشش کی۔

برطانیہ کے نیشنل سائبر سیکیورٹی سینٹر (این سی ایس سی) نے 16 جولائی کو اپنے بیان میں دعویٰ کیا کہ متعدد ممالک سے کورونا ویکسین اور علاج کی معلومات کو چرانے کی کوشش کرنے والا ہیکرز گروپ روس کے خفیہ ادارے کے لیے کام کرتا ہے۔

روس پر یہ الزام ایک ایسے وقت میں لگایا گیا جب کہ 15 جولائی کو روس نے کورونا سے متعلق محفوظ ویکسین بنانے کا دعویٰ کیا تھا۔

روسی حکومت نے 15 جولائی کو دعویٰ کیا تھا کہ تیار کی گئی ویکسین کے ابتدائی تحقیقاتی مرحلے میں 18 رضاکاروں پر تجربہ کیا گیا اور خوش قسمتی سے وہ کامیاب رہا اور تمام رضاکار صحت مند ہیں۔

امریکا، چین، برطانیہ، جرمنی، فرانس، اسپین، اٹلی، آسٹریلیا، کینیڈا اور اسرائیل سمیت درجنوں ممالک کی ادویات تیار کرنے والی کمپنیاں اور بائیو ٹیک کمپنیاں کورونا سے بچاؤ کی ویکسینز تیار کرنے میں مصروف ہیں اور عالمی ادارہ صحت کا خیال ہے کہ رواں برس دنیا میں کورونا کی ویکسین دستیاب ہونے کا امکان بہت کم ہے۔

باغی ٹی وی کی رپورٹ کے مطابق ایران میں کرونا کی نئی لہر سامنے آئی ہے ایک ہی دن 226 اموات ہوئی ہیں

چین سے پھیلنے والے خطرناک کرونا وائرس کا دنیا بھر میں پھیلاؤ جاری ہے، کرونا وائرس سے ایران میں مزید 226 ہلاکتیں ایک روز میں ہوئیں جس پر ایرانی محکمہ صحت نے ایک بار پھر شہریوں کو سماجی فاصلے اور ماسک پہننے پر زور دیا،

ایران میں کرونا وائرس میں تیزی جون سے آئی ہے اور پچھلے ہفتے سے وہاں ہر روز 200 کے لگ بھگ اموات ہو رہی ہیں۔ اس مہینے کے شروع میں ایران نے کہا تھا کہ اس کے طبی عملے کے 5000 سے زیادہ کارکنوں کو کرونا وائرس لگ چکا ہے جن میں سے 140 اہل کار اپنی زندگیوں سے محروم ہو گئے۔

واضح رہے کہ ایران کی کُل آبادی 8 کروڑ نفوس پر مشتمل ہے، یہ مشرق وسطیٰ میں کرونا وائرس سے سب سے زیادہ متاثر ہونے والا ملک ہے۔

قبل ازیں ایرانی صدر حسن روحانی نے انکشاف کیا تھا کہ ایران میں ڈھائی کروڑ افراد کورونا سے متاثر ہوئے ہیں اور یہ وائرس ساڑھے 3کروڑ افراد تک پھیلنے کا خدشہ ہے۔

بھارت میں کرونا کے 44 مریض، مندر میں بتوں کو بھی ماسک پہنا دیئے گئے

تبلیغی مرکز کے نواحی علاقے کے 200 افراد کرونا کے شبہہ میں ہسپتال منتقل،ڈرون کے ذریعہ علاقہ کی نگرانی

بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ

کرونا وائرس،بھارت میں اتنے مریض ہو جائیں گے کہ لاشیں بلڈوزر سے گڑھے میں ڈالنا پڑیں گی

چین میں‌ کرونا وائرس کا پہلا مریض اب کس حال میں ہے ؟

کرونا کے وار جاری، 288 پولیس اہلکاروں میں ہوئی کرونا کی تشخیص

دوسری جانب ایک ایرانی کمپنی نے کرونا وائرس کے بحران سے نمٹنے کیلئے مقامی طور پر وینٹی لیٹر مشین تیار کرلی ہے،انائب ایرانی صدر برائے سائنس اور ٹیکنالوجی سورنا ستاری کا کہنا ہے کہ اس کمپنی میں روزانہ 30 وینٹی لیٹر مشین کی تیاری کی صلاحیت ہے۔

ایران میں کرونا وائرس کے بحران سے نمٹنے کے لیے سب سے بڑا مسئلہ وینٹی لیٹرز کی دستیابی ہے، جن کی کمی کی وجہ سے کرونا وائرس کے بیشتر مریضوں کی ہلاکتیں ہو رہی تھیں،اس صورتحال سے نمٹنے کے لیے مقامی طور پر وینٹی لیٹرز کی تیاری کے لیے تیز تر کوششیں شروع کی گئیں اور تمام متعلقہ سرکاری اور نجی اداروں اور ٹیکنالوجی کی مصنوعات ساز کمپنیوں کو ایک پلیٹ فارم پر اکٹھا کر کے ان سے وینٹی لیٹرز کے ڈیزائن اور ماڈل پیش کرنے کی ہدایت کی گئی جس کے بعد ایرانی کمپنی نے اس مشین کو مقامی طور پر تیار کرلیا

لندن :یورپ میں کرونا وائرس کی نئی لہر شروع ہورہی ہے:امیدیں دم توڑگئیں :اطلاعات کےمطابق برطانوی وزیر صحت میٹ ہینکوک کا کہنا ہے کہ انہیں یورپ میں کرونا وائرس کی وباء کی دوسری لہر کا خدشہ ہے اور برطانوی حکومت عوام کو محفوظ رکھنے کے لئے قرنطینہ کے فیصلے دہرانے سے نہیں گھبرائے گی۔

برطانوی وزیر نے ایک مقامی ٹی وی سے بات کرتے ہوئے کہا کہ "میں کرونا کی دوسری لہر کے بارے میں پریشان ہوں۔ میرے خیال میں یورپ میں کرونا کے متاثرین کی ایک نئی لہر سامنے آرہی ہے اور ہمیں اس سے بچنے کے لئے ہر ممکن اقدامات اٹھانا ہوں گے۔”

ان کا مزید کہنا تھا کہ”ہمیں یورپ میں شروع ہونے والی نئی کرونا لہر کے حوالے سے خدشات ہیں۔ اور یہ لہر صرف اسپین ہی نہیں بلکہ دیگر ممالک نے بھی دیکھنے میں آرہی ہے۔ ہم اس ملک کو محفوظ رکھنے کے لئے ہر ممکن اقدامات اٹھائیں گے۔