Category: کرونا اپڈیٹس

اٹلانٹا:کرونا وائرس کے خدشے پر کتے کو زہر کا انجکشن دے کرماردیا گیا ،اطلاعات کے مطابق امریکا میں ایک اور کتے میں کرونا وائرس کی تصدیق ہوگئی، یہ امریکا میں اس وائرس کا شکار دوسرا کتا ہے۔

امریکی ریاست جارجیا کے محکمہ صحت کا کہنا ہے کہ مذکورہ کتے کی عمر 6 سال ہے، اس کے مالکان کرونا وائرس کا شکار ہوئے تھے اور ان سے یہ وائرس کتے میں منتقل ہوا۔

محکمہ صحت کے مطابق کرونا وائرس کا شکار ہونے کے بعد کتا اعصابی تکلیف کا شکار ہوگیا۔ بعد ازاں اس میں کرونا وائرس کی تصدیق ہوگئی۔

کتے کی حالت بگڑ جانے کے بعد اسے زہر کا انجکشن دے کر ابدی نیند سلا دیا گیا۔ طبی ماہرین کا کہنا ہے کہ کتے کی اعصابی بیماری کا تعلق کرونا وائرس سے نہیں تھا۔

خیال رہے کہ ماہرین کا کہنا ہے کہ بلیاں کوویڈ 19 وائرس پھیلانے کا سبب بن سکتی ہیں تاہم کتے، مرغیاں، بطخیں اس وائرس سے متاثر نہیں ہوتے۔

اس سے قبل امریکی ریاست نیویارک کے برونکس چڑیا گھر میں بھی ایک شیرنی میں کرونا وائرس کی تصدیق ہوئی تھی جبکہ اس سے پہلے ہانگ کانگ میں بھی ایک خاتون کے گھر پر پلنے والا کتا کرونا وائرس کا شکار ہوگیا تھا۔

مالکن کا کہنا تھا کہ کتے کو سانس لینے میں دشواری کا سامنا تھا اور اُسے تیز بخار بھی تھا جس کے بعد میں اسے اسپتال لے جایا گیا۔

واشنگٹن: امریکا میں یومِ آزادی پر وائٹ ہاؤس کے سامنے احتجاج، مظاہرے جاری ، اہم مطالبات پیش کردیئے گئے،اطلاعات کے مطابق امریکا میں یومِ آزادی کے موقع پر بھی مظاہرین وائٹ ہاؤس کے سامنے جمع ہوگئے، شرکا نے نسلی امتیاز کے خاتمے کے لیے اقدامات اور پولیس اصلاحات کا مطالبہ کیا۔

تفصیلات کے مطابق وائٹ ہاؤس کے سامنے ٹرمپ کے حامیوں کی بھی بڑی تعداد موجود تھی جنہوں نے مخالفین کے خلاف نعرے بازی کی، مظاہرین نے نسل پرستی کے خاتمے سمیت ٹرمپ کو اقدامات اٹھانے پر زور دیا۔

مظاہرین اور صدرٹرمپ کے حامیوں کی ایک دوسرے کے خلاف نعرے بازی کی۔ امریکا میں سیاہ فام جارج فلوئیڈ کی ہلاکت کے بعد سے احتجاجی مظاہرے جاری ہیں۔

دریں اثنا مظاہرین نے واشنگٹن میں امریکی پرچم پھاڑ دیا۔ ٹرمپ کے حامی اور مخالفین آمنے سامنے آئے اور آپس میں گتھم گتھا بھی ہوگئے، پولیس اہلکار بیچ بچاؤ کراتے رہے۔امریکا میں سیاہ فام مظاہرین، پولیس اور فوج سے ‘جنگ’ لڑنے کی تیاری کرنے والا گرفتار

امریکی صدر نے یوم آزادی کے موقع پر وائٹ ہاؤس میں خطاب کرتے ہوئے کہا کہ مظاہرین امریکی تاریخ مٹانا چاہتے ہیں، بنیاد پرست بائیں بازو کو شکست دیں گے، انہوں نے مظاہرین کو نازیوں اور دہشت گردوں سے بھی تشبیہ دی۔

قازقستان :کرونا وائرس بار بار سر اٹھائے گا، اورپھرایسا ہی ہوا، قازقستان نے پھرسے لاک ڈاون لگانے کا فیصلہ کرلیا،اطلاعات کے مطابق کورونا وائرس، دنیا کا وہ پہلا ملک جہاں دوسری بار مکمل لاک ڈاؤن لگانے کا فیصلہ کرلیا گیا ہے ، اس کی وجہ یہ بتائی جارہی ہے کہ کرونا نے پھرسراٹھا لیا ہے

وسط ایشیائی ملک قازقستان میں مئی کے وسط میں کورونا وائرس کی وبا کی رفتار میں کمی کے بعد ملک گیر پابندیوں کو اٹھالیا گیا تھا مگر اب وہ دنیا کا پہلا ملک بننے والا ہے جہاں کووٖڈ 19 کے نیتجے میں ایک بار پھر پورے ملک میں لاک ڈاؤن کا نفاذ ہورہا ہے۔اتوار کو قازقستان میں ملک گیر لاک ڈاؤن کا نفاذ دوبارہ ہورہا ہے۔

اس سے قبل مئی کے وسط میں مارچ سے نافذ لاک ڈاؤن اس وقت ختم کیا گیا تھا جب ایسا نظر آیا تھا کہ وہاں کورونا وائرس کے کیسز میں نمایاں کمی آچکی ہے۔

مگر لاک ڈاؤن ختم ہونے کے بعد وہاں سماجی دوری کی پابندیوں کا خیال نہیں رکھا گیا اور اس کے نتیجے میں کورونا وائرس کے کیسز میں نمایاں اضافہ ہوا اور یہ تعداد 44 ہزار تک پہنچ چکی ہے۔

اب ایک بار پھر وہاں ملک گیر لاک ڈاؤن کیا جارہا ہے، جس کے دوران سفری پابندیاں لگائی جائیں گی، پبلک ٹرانسپورٹ کے اوقات کم، غیرضروری کاروبار کی بندش جبکہ 2 شہروں کو مکمل بند کردیا جائے گا۔

قازقستان کے دارالحکومت نور سلطان کے وبائی امراض کی چیف ڈاکٹر سولے اتاگیوا نے مقامی میڈیا سے بات کرتے ہوئے کہا ‘مجھے کام کرتے ہوئے 28 سال ہوگئے ہیحں، مگر ایسی صورتحال میں نے کبھی نہیں دیکھی، متعدد افراد مررہے ہیں کیونکہ بیشتر لوگوں کوئی پروا نہیں کررہے، وہ گلیوں میں نکل رہے ہیں، تقاریب میں جارہے ہیں اور ایک دوسرے کو بیمار کررہے ہیں’۔

قازق قصبے اورلسک کے ایک اخبار کے ایڈیٹر لقمان احمدریوف کا کہنا تھا ‘بیشتر افراد مانتے ہیں کہ باہر کوئی خطرہ نہیں، انتظامیہ کی جانب سے یہ پیغام دیا گیا کہ ہم پیک سے گزر چکے ہیں، مگر اب ہم نے دیکھا ہے کہ ہم اس کے قریب ہیں’۔

انہوں نے کہا ‘مارچ میں روزانہ کیسز کی تعداد درجنوں میں تھی، مگر اب ہر روز سیکڑوں کیسسے سامنے آرہے ہیں، ڈاکٹروں کی طاقت ختم ہوچکی ہے جبکہ لوگوں کے پاس پسے ختم ہوچکے ہیں’۔

اگرچہ حکومتی اعدادوشمار کے مطابق وہاں کووڈ 19 سے ہلاکتوں کی تعداد صرف 2 سو ہے مگر ایسا مانا جاتا ہے کہ حقیقی تعداد اس سے کہیں زیادہ ہوگی، مگر پھر بھی دیگر ممالک کے مقابلے میں وہاں اب بھی زیادہ افراد اس بیماری کا شکار نہین ہوئے۔

لاہور:بھارت میں کورونا قابو سے باہر، ایک دن میں ریکارڈ 23 ہزار سے زائد کیسز رپورٹ،اطلاعات کےمطابق بھارت میں کورونا وائرس قابو سے باہر ہونے لگا جہاں ایک ہی روز میں 23 ہزار نئے کیسز سامنے آئے ہیں۔

بھارتی میڈیا کے مطابق کورونا وائرس کے دوران یہ اب تک دوسری مرتبہ ایک ہی دن میں سب سے زیادہ کیسز کی تعداد ہے اور ملک میں یکم جون سے اب تک کورونا کے 4 لاکھ سے زائد کیسز رپورٹ ہوچکے ہیں۔

بھارتی میڈیا کا بتانا ہےکہ گزشتہ 24 گھنٹوں کے دوران 23 ہزار سے زائد کیسز سامنے آنے سے ملک میں کیسز کی کل تعداد 6 لاکھ 48 ہزار سے تجاوز کرگئی ہے جب کہ گزشتہ 24 گھنٹوں میں ہی 442 افراد ہلاک بھی ہوچکے ہیں۔

بھارتی وزیر صحت کے مطابق ملک میں کورونا سے ہلاک ہونے والوں کی تعداد 18600 سے بھی تجاوز کرگئی ہے جب کہ اب تک 3 لاکھ 94 ہزار سے زائد مریض صحتیاب بھی ہوچکے ہیں۔

بھارتی وزارت صحت کے مطابق ریاست مہاراشٹرا کورونا سے بری طرح متاثر ہے جہاں کل کیسز کی تعداد تقریباً ایک لاکھ 93 ہزار ہے جب کہ ہلاکتیں 8376 تک جا پہنچی ہے، جمعہ کے روز ریاست میں 198 افراد وائرس سے ہلاک ہوئے۔

وزارت صحت کا بتانا ہےکہ ریاست تامل ناڈو دوسرے نمبر پر کورونا سے بری طرح متاثر ہے جہاں کیسز کی تعداد ایک لاکھ سے تجاوز کرگئی ہے اور جمعہ کے روز سب سے زیادہ 4329 کیسز سامنے آئے جب کہ 64 افراد کی ہلاکت سے اموات کی تعداد 1385 ہوگئی ہے۔

اس کے علاوہ ریاست کرناٹکا میں بھی جمعہ کے روز ریکارڈ 1694 کیسز سامنے آئے جس سے مریضوں کی تعدد 19710 ہوگئی ہے اور 21 افراد کی ہلاکت سے اموات 293 ہوچکی ہیں۔

وزارت صحت کے مطابق اس سے قبل ریاست کرناٹکا میں ایک روز کے دوران سب سے زیادہ 1502 کیسز رپورٹ ہوئے تھے۔

بھارتی دارالحکومت نئی دہلی بھی کورونا وائرس کی لپیٹ میں ہے جہاں گزشتہ ہفتے ایک روز کے دوران سب سے زیادہ 3947 کیسز سامنے آئے جس سے صرف دہلی میں کیسز کی تعداد 94000 تک جا پہنچی ہے جب کہ اب تک 2923 افراد ہلاک ہوچکے ہیں۔

بھارتی وزارت صحت کے مطابق گجرات میں ایک روز میں سب سے زیادہ 687 کیسز کے ساتھ کل کیسز 34000 اور ریاست آسام میں ایک روز میں 1900 کیسز کے بعد کل مریضوں کی تعداد 9799 ہوگئی ہے۔

بھارتی میڈیا کا بتانا ہےکہ ملک میں بڑی تعداد میں کورونا کیسز سامنے آنے سے بھارت دنیا بھر میں سب سے زائد کیسز والے ممالک میں چوتھے نمبر پر ہے ۔