Category: کرونا اپڈیٹس

کوئٹہ :چیف جسٹس بلوچستان ہائی کورٹ کورونا کا شکار،کہاں چلے گئے اہم خبرآگئی ،اطلاعات کے مطابق چیف جسٹس بلوچستان ہائی کورٹ جسٹس جمال خان مندوخیل کا کورونا وائرس کا ٹیسٹ مثبت آ گیا جس کے بعد وہ آئسولیشن میں ہیں۔

بلوچستان ہائی کورٹ کے ایک افسر نے ڈان کو بتایا کہ چیف جسٹس کا گزشتہ روز کورونا کا ٹیسٹ مثبت آیا تھا جس کے بعد سے وہ اپنے گھر پر قرنطینہ میں ہیں۔ان کا کہنا تھاکہ چیف جسٹس گھر سے ہی اہم عدالتی امور سرانجام دے رہے ہیں اور ان کی حالت دن بدن بہتر ہو رہی ہے۔

واضح رہے کہ جسٹس جمال خان مندوخیل بلوچستان ہائی کورٹ میں کورونا کے حوالے سے زیر سماعت مقدمے میں بینچ کی سربراہی کر رہے ہیں۔یادرہے کہ اس سے قبل بھی ملک بھر میں متعدد اہم شخصیات کورونا وائرس کا شکار ہو چکی ہیں۔

اسپیکر قومی اسمبلی اسد قیصر، بلوچستان کے وزیر خزانہ ظہور بلیدی اور گورنر سندھ عمران اسماعیل میں کورونا وائرس کی تشخیص ہوئی البتہ چند دن قرنطینہ میں رہنے کے ان کے ٹیسٹ منفی آ گئے تھے۔گزشتہ ہفتے پاکستان تحریک انصاف (پی ٹی آئی) کی رکن پنجاب اسمبلی شاہین رضا بھی کورونا وائرس کا شکار ہو کر انتقال کر گئی تھیں۔

ایک بعد ہی بلوچستان اسمبلی کے رکن اور سابق گورنر سید فضل آغا کورونا وائرس کا شکار ہونے کے بعد کراچی کے نجی ہسپتال میں انتقال کر گئے تھے۔چند دن قبل مسلم لیگ ن کے سینئر رہنماؤں امیر مقام اور نہال ہاشمی میں بھی کورونا وائرس کی تصدیق ہوئی تھی۔

اسلام آباد:ریڈیو پاکستان کے 2 ملازمین کورونا وائرس سے جاں بحق،باغی ٹی وی کے مطابق ریڈیو پاکستان کے 2 ملازمین کورونا وائرس سے جاں بحق ہوگئے، دونوں ملازمین طویل عرصہ سے ریڈیو پاکستان سے منسلک تھے۔

باغی ٹی وی کے ذرائع کے مطابق ریڈیو پاکستان کے مطابق ادارے کے دو ملازمین سینئر براڈ کاسٹ انجینئر محمد اشفاق اور خاتون اردو نیوز کاسٹر ہما ظفر کورونا وائرس میں مبتلا ہوکر خالق حقیقی سے جا ملے۔ریڈیو پاکستان نے اپنی رپورٹ میں انتہائی دکھ کا اظہار کرتے ہوئے ملازمین سے متعلق تفصیلات بھی شیئر کی ہیں، جس میں بتایا گیا ہے کہ سینئر براڈر کاسٹ انجینئر محمد اشفاق مستقل ملازم اور فنی صلاحیت کے حامل انتہائی قابل شخص تھے۔

رپورٹ کے مطابق خاتون اردو نیوز کاسٹر ہما ظفر کنٹریکٹ پر گزشتہ 20 برس سے ریڈیو پاکستان سے منسلک اور پاکستان براڈ کاسٹنگ کارپوریشن میں اردو خبریں پڑھ رہی تھیں۔ہما ظفر نے بیرون ملک سے نفسیات میں پی ایچ ڈی کر رکھی تھی وہ راولپنڈی کے ایک کالج میں سینئر پروفیسر کے طور پر بھی خدمات انجام دے رہی تھیں۔

اطلاعات و نشریات کے وفاقی وزیر شبلی فراز، سیکریٹری اطلاعات اکبر حسین درانی، ڈی جی ریڈیو پاکستان امبرین جان،قومی نشریاتی ادارے کے ڈائریکٹرز اور عملے نے دونوں ملازمین کے انتقال پر گہرے دکھ کا اظہار کیا ہے۔

پی بی سی کی ڈائریکٹر جنرل نے ایک اجلاس کے دوران کورونا وائرس کے باعث دو ملازمین کی اموات کے تناظر میں تمام شعبوں میں کام کرنیوالے ورکرز کو احتیاطی تدابیر پر سختی سے عملدرآمد کی ہدایت کی ہے۔

اسلام آباد:پاکستان میں کرونا مریضوں کی تعداد تباہ کن اضافہ ،جولائی تک کتنے لاکھ ہوں گے مریض یہ بھی عالمی ادارہ صحت نے بتادیا،اطلاعات کے مطابق عالمی ادارہ صحت (ڈبلیو ایچ او) نے خبردار کیا ہے کہ اگر کرونا (کورونا) وائرس کو پھیلنے سے روکنے کے لیے اگر پاکستان میں مؤثر اقدامات نہ کیے گئے تو جولائی کے وسط تک ملک میں مریضوں کی تعداد دو لاکھ تک پہنچ سکتی ہے۔عالمی ادارہ صحت اپریل کے آخری ہفتے میں بھی یہی پشین گوئی کرچکا ہے

ذرائع کے مطابق ڈبلیو ایچ او کے ڈائریکٹرجنرل ڈاکٹر ٹیڈروس ادھانوم گیبریئسیس نے پاکستان میں کرونا وائرس پر قابو پانے کےسے کہا کہ وائرس پورے ملک میں پھیل چکا ہے۔انہوں نے کہا کہ پاکستان کے تقریبا تمام اضلاع اس وائرس کی لپیٹ میں آ چکے ہیں جن میں زیادہ تر پنجاب اور سندھ میں ہیں۔

ڈبلیو ایچ او کی جانب سے پاکستان کے بارے میں سلسلہ وار ٹوئٹس میں کہا گیا ہے کہ وبائی مرض سے پاکستان کے صحت کے نظام پر اضافی دباؤ پڑا ہے اور وائرس سے متاثرہ افراد کے مسائل میں اضافہ ہوا ہے۔یہ سلسلہ وار ٹوئٹس ڈائریکٹرجنرل ڈاکٹر ٹیڈروس ادھانوم گیبریئسیس کے خطاب کے حوالے سے کی گئی ہیں۔

اپنے حالیہ بیان میں عالمی ادارہ صحت نے پھرکہا ہےکہ پاکستان میں کرونا وائرس کے پھیلنے کی رفتارمیں تیزی آگئی ہے اوردوسری طرف حکومت اورعوام اس معاملے پرغیرسنجیدگی کا مظاہرہ کررہے ہیں ،

ادھر باغی ٹی وی ذرائع نے بھی اپنی رپورٹ میں انکشاف کیا ہے کہ حکومت اورعوام اس خطرناک بیماری کے معاملے میں سنجیدہ نہیں ہیں، دوسری طرف ذرائع کے حوالے سے یہ بھی معلوم ہوا ہےکہ ایک طرف ملک میں کرونا مریضوں کی تعداد میں اضافہ ہورہا ہے تو دوسری طرف ہسپتالوں میں مریضوں کےلیے بیڈ ہی نہیں ہیں جہاں ان کو لٹایا یا بٹھایا جاسکے ،ہمارا صحت کا نظام اس قدرکمزورہوچکا ہے کہ ہر آنے والے دن اس پرسے اعتبار اٹھتا جارہا ہے ،

ٹیڈروس ادھانوم گیبریئسیس کے مطابق وبائی مرض کے پاکستانی معیشت پر تباہ کن اثرات مرتب ہو سکتے ہیں۔ ’ملک میں غریبوں کی تعداد دگنی ہو سکتی ہے۔ ہمیں ایک مربوط حکمت عملی کے تحت مل کر کام کرنا ہو گا۔‘انہوں نے کہا کہ تیزی سے پھیلتے اس مرض کے پیش نظر زیادہ اور فوری فنڈز کی پہلے سے کہیں زیادہ ضرورت ہے۔

’حکومتی منصوبے کو عملی شکل دینے کے لیے ساڑھے 59 لاکھ ڈالرز کی ضرورت ہے۔ منصوبے کے تحت یہ رقم کمزور ترین طبقات کی معاونت، رابطے میں بہتری، وائرس کے پھیلاؤ پر نظر رکھنے اور لیبارٹریوں، انتظامات میں اضافے، وائرس کو پھیلنے سے روکنے کے اقدامات اور مختلف برادریوں میں کو متحرک کرنے کے لیے استعمال کی جائے گی۔‘ان کا کہنا تھا کہ کرونا وائرس پاکستان کے لیے حقیقی خطرہ ہے، اس کے اثرات کو کم کرنے کا انحصار ایک منظم اور مضبوط حکمت عملی پر ہے۔

ڈائریکٹرجنرل ڈاکٹر ٹیڈروس ادھانوم گیبریئسیس کا کہنا تھا کہ ’ہمیں نہ صرف وائرس کے خاتمے کے منصوبے پر عمل کے لیے مل کر کام کرنے کی ضرورت ہے بلکہ وسائل بھی اکٹھے کرنے ہوں گے تاکہ فوری جواب اور صحت کا نظام مضبوط بنانے کے ضمن میں انہیں اُس جگہ تک پہنچایا جا سکے جہاں ان کی سب سے زیادہ ضرورت ہے۔‘’عالمی ادارہ صحت وائرس کا پھیلاؤ روکنے اور زندگیاں بچانے کے لیے پاکستان کی حکومت اور عوام کے ساتھ کھڑا ہے۔‘

اسلام آباد :پاکستانی ماسک کی دنیا میں مانگ بڑھ گئی : امریکہ ، کینیڈا اور یورپ سے فیس ماسک برآمد کرنے کے بڑے آرڈر حاصل کرلئے،اطلاعات کے مطابق پاکستان نے امریکہ ، کینیڈا اور یورپ سے فیس ماسک برآمد کرنے کے بڑےآرڈر حاصل کرلیے، مشیرتجارت عبدالرزاق داؤد نے اس کامیابی پرمیں ان برآمدکنندگان کو مبارکباد دی۔

I have received information that some exporters have obtained large orders for face masks from US, Canada and Europe . This is a major breakthrough and I congratulate them for this achievement. 1/2@aliya_hamza @pid_gov @ImranKhanPTI @appcsocialmedia

— Abdul Razak Dawood (@razak_dawood) May 28, 2020

تفصیلات کے مطابق مشیرتجارت عبدالرزاق داؤد نے سماجی رابطے کی ویب سائٹ ٹوئٹر پر اپنے پیغام میں کہا کہ کچھ برآمدکنندگان کو فیس ماسک برآمدکرنےکےبڑےآرڈرملے، برآمد کنندگان کو امریکا، کینیڈا اور یورپ سےآرڈرملے ہیں ، فیس ماسک برآمد کے آرڈر ملنا اہم پیشرفت ہے، اس کامیابی پر میں ان برآمدکنندگان کو مبارکباد دیتا ہوں۔

It is part of our strategy to diversify into new segments and this has been achieved by the exporters through their own efforts. I’m sharing this information with others to encourage them to seek more orders from different parts of the world 2/2 @RadioPakistan @PTVNewsOfficial

— Abdul Razak Dawood (@razak_dawood) May 28, 2020

عبدالرزاق داؤد کا کہنا تھا کہ مختلف،نئی برآمدات کی طرف جاناہماری حکمت عملی کاحصہ ہے، یہ آرڈرزبرآمدکنندگان نےاپنی کاوشوں سےحاصل کئےہیں، یہ معلومات اس مقصد سے پہنچا رہے ہیں کہ ان کی حوصلہ افزائی ہو اور برآمدکنندگان دنیا کے مختلف حصوں سےمزید آرڈر حاصل کرسکیں۔

یاد رہے پاکستان میں کورونا وائرس کی مانیٹرنگ کرنے والے نیشنل کمانڈ اینڈ آپریشن سنٹر (این سی او سی) کے سربراہ وزیر منصوبہ بندی اسد عمر نے مہلک وائرس کے پھیلاؤ کو روکنے کے لئے لوگوں پر فیس ماسک پہننے کی اشد ضرورت پر زور دیا تھا۔اسد عمر نے کہا تھا کہ وزارت صحت نے لوگوں کے لئے ہدایت جاری کی ہے ، جس میں لوگوں کو ہجوم والی جگہوں پر ماسک پہننا لازمی قرار دیا گیا ہے۔