Category: کرونا اپڈیٹس

نئی دہلی :ب سیکڑوں پولیس اہلکار کورونا وائرس کا شکار،استعفوں کی بھرمار ہوگئی ،اطلاعات کے مطابق بھارت میں سیکڑوں بھارتی پولیس اہلکار حالیہ دنوں میں کورونا وائرس کا شکار ہوگئے۔

ذرائع کا کہنا ہےکہ واضح رہے کہ بھارت میں دنیا کا سب سے بڑا لاک ڈاؤن جاری ہے جس پر عملدرآمد کو یقینی بنانے کے لیے 30 لاکھ پولیس اہلکار ڈیوٹی کررہے ہیں۔

خیال رہے کہ بھارت میں 25 مارچ سے ملک گیر لاک ڈاؤن جاری ہے حالیہ اعداد و شمار کے مطابق وہاں 50 ہزار مثبت کیسز ہیں جبکہ ایک ہزار 694 افراد ہلاک ہوچکے ہیں۔مغربی ریاست مہاراشٹرا کے ایک سینئر افسر نے بتایا کہ پچھلے ہفتے پولیس فورس میں کورونا وائرس کے کیسز کی تعداد تقریباً دگنی ہوگئی ہے۔انہوں نے بتایا کہ سب سے زیادہ متاثرہ ریاست مہاراشٹر میں منگل تک مجموعی طور پر 15 ہزار 515 کیسز رپورٹ ہوئے۔

اس ضمن میں ایک افسر نے اپنا نام ظاہر نہ کرنے کی شرط پر بتایا کہ ریاستی پولیس فورس کے 450 سے زاید اہلکاروں کے طبی نتائج مثبت آئے ہیں اور 4 وائرس کی وجہ سے ہلاک ہوچکے ہیں۔ریاست کے وزیر داخلہ انیل دیشمکھ کے مطابق مہاراشٹر میں پولیس کو درپیش طبی مسائل سے نمٹنے کے لیے خصوصی طور پر کنٹرول روم قائم کیے جارہے ہیں۔

6 ریاستوں میں 6 سینئر پولیس افسران نے بتایا کہ ان کی ریاستوں میں درجنوں پولیس اہلکار بیماری کے خوف سے چھٹی کے خواہاں ہیں۔بھارت کے وزارت داخلہ کے ایک عہدیدار نے کہا کہ وہ اس معاملے سے آگاہ ہیں اور وہ صورتحال کی نگرانی کر رہے ہیں۔

ممبئی کے پولیس اہلکار نے بتایا کہ کوویڈ 19 سے متاثرہ علاقوں میں گشت اور بھیڑ پر قابو پانا خطرناک ہوتا جارہا ہے۔انہوں نے بتایا کہ کم از کم ان کیسز میں ہم دشمن کو دیکھ سکتے ہیں۔

ایک سینئر عہدیدار کے مطابق گجرات میں کم از کم 155 پولیس اور نیم فوجی دستے وائرس سے متاثر ہیں۔ریاست کے مرکزی شہر احمد آباد کے پولیس کمشنر نے خبررساں ادارے رائٹرز کو بتایا کہ 95 پولیس اور نیم فوجی دستے کوویڈ 19 کی وجہ سے ہسپتال میں داخل ہیں۔

وزارت داخلہ کے ایک سینئر عہدیدار نے بتایا کہ انہیں خدشہ ہے کہ ہزاروں مزید پولیس اہلکار میں وائرس کے نتائج مثبت آسکتے ہیں اور یہ وائرس پولیس ہاؤسنگ میں ان کے اہل خانہ میں منتقل ہوسکتا ہے۔

نیدرلینڈ :نیا کورونا وائرس پھیپھڑوں کے ساتھ آنتوں کو بھی نشانہ بناسکتا ہے، نئی تحقیق نے مزید پریشان کردیا ،اطلاعات کے مطابق نئے کورونا وائرس سے پھیپھڑے تو متاثر ہوتے ہی ہیں مگر اس کے ساتھ ساتھ یہ جراثیم آنتوں کے خلیات میں بھی اپنی نقول بناتا ہے اور یہی وجہ ہے کہ کووڈ 19 کے کچھ مریضوں کو معدے کے امراض کا سامنا بھی ہوتا ہے۔یہ بات نیدرلینڈ میں ہونے والی ایک طبی تحقیق میں سامنے آئی۔

طبی جریدے جرنل سائنس میں شائع تحقیق کے مطابق نیا نوول کورونا وائرس انسانی معدے پر حملہ آور ہوکر اپنی نقول بناسکتا ہے کیونکہ وہ وہ انزائمے جو یہ وائرس خلیات میں داخل ہونے کے لیے استعمال کرتا ہے، جسم کے اس حصے میں بھی پائے جاتے ہیں۔ایس 2 نامی یہ انزائمے نظام تنفس میں بھی پائے جاتے ہیں۔اس مقصد کے لیے محققین نے اس وائرس اور انسانی آنتوں کے خلیات کو لیا اور لیبارٹری میں ان کو آپس میں ملادیا۔24 گھنٹے بعد وائرس نے کچھ خلیات پر حملہ کردیا اور 60 گھنٹے بعد متاثرہ خلیات کی تعداد میں ڈرامائی اضافہ ہوگیا۔

اراسموس ایم سی یونیورسٹی میڈیکل سینٹر کے سائنسدانوں کا کہنا تھا کہ نتائج سے اس بات کا ثبوت ملتا ہے کہ یہ نیا کوورنا وائرس غذائی نالی کے خلیات میں بھی اپنی تعداد کو بڑھاسکتا ہے۔انہوں نے مزید کہا کہ تاہم ہم ابھی یہ نہیں جان سکے کہ کووڈ 19 کے مریضوں کی آنتوں میں یہ وائرس آگے دیگر افراد میں منتقلی میں کوئی کردار ادا کرتا ہے یا نہیں، اس امکان کے بارے میں مزید کام کرنے کی ضرورت ہے۔ویسے یہ پہلا موقع نہیں جب سائنسدانوں نے نئے کورونا وائرس اور نظام ہاضمہ کے درمیان تعلق کو دریافت کیا ہو۔

گزشتہ ماہ جریدے دی امریکن جرنل آف گیسٹروانٹرالوجی میں شائع ایک تحقیق میں بتایا گیا تھا کہ نئے نوول کورونا وائرس سے ہونے والی بیماری کووڈ 19 کے کچھ مریضوں کو نظام ہاضمہ کے مسائل خصوصاً ہیضے کا سامنا پہلی علامت کے طور پر ہوتا ہے۔حقیق کے مطابق ایسے مریض جن میں ہیضہ پہلی علامت کے طور پر ظاہر ہوتا ہے، ان میں بیماری کی شدت معتدل تھی، نظام تنفس کی علامات بعد میں طاہر ہوئیں بلکہ کچھ کیسز میں تو ایسی علامات نظر ہی نہیں آئیں۔

محققین کا کہنا تھا کہ یہ دریافت اس لیے اہم ہے کیونکہ کووڈ 19 کی عام علامات جیسے بخار، کھانسی اور سانس لینے میں مشکل کے بغیر اکثر ایسے کیسز کی تشخیص نہ ہونے کا امکان ہوتا ہے اور یہ مریض بیماری کو دیگر افراد تک پھیلا سکتے ہیں۔مگر ان کا یہ بھی کہنا تھا کہ نظام ہاضمہ کے امراض بہت عام ہیں اور ضروری نہیں کہ ان کے شکار افراد کووڈ 19 ہو، مگر اچانک ہیضے کی صورت میں وبائی مرض کے بارے میں سوچنا ضرور چاہیے، کیونکہ جلد تشخیص نہ ہونے پر یہ مریض صحت مند افراد کو اس وائرس کا شکار بناسکتے ہیں۔

ماہرین کا کہنا تھا کہ اہم پیغام یہ ہے کہ کووڈ 19 صرف کھانسی یا نمونیا کا نام نہیں، درحقیقت اس کے بارے میں وقت کے ساتھ ساتھ بہت کچھ معلوم ہورہا ہے۔اس بیماری کے نتیجے میں دل کے مسائل کا سامنا ہوسکتا ہے، گردے متاثر ہوسکتے ہیں جبکہ دماغی صحت کی پیچیدگیاں بھی پیدا ہوسکتی ہیں۔اس کے علاوہ خون گاڑھا ہونے سے لاتعداد ننھے لوتھڑے یا کلاٹس بننے کا مسئلہ بھی بہت زیادہ بیمار افراد میں دریافت کیا گیا ہے جو ہلاکتوں کا امکان بہت زیادہ بڑھا دیتا ہے۔اسی طرح خون میں آکسیجن کی سطح میں بہت زیادہ کمی کے باوجود اس کے آثار مریضوں پر ظاہر نہ ہونے کے عمل نے بھی ماہرین کو چکرا کر رکھ دیا ہے

باغی ٹی وی کی رپورٹ کے مطابق کرونا وائرس بھارت میں تیزی سے پھیل رہاہے، آئے روز ہلاکتوں میں اضافہ ہو رہا ہے

بھارتی فوج میں بھی کرونا وائرس پھیلنے کی وجہ سے بھارتی فوج میں خوف کی فضا ہے، تریپورہ کے ضلع دھلائی میں بی ایس ایف کے کئی اہلکاروں میں کرونا وائرس کی تشخیص ہوئی جس کے بعد تین بی ایس ایف کیمپوں کو سیل کر دیا گیا ہے۔ امباسا سب ڈویژن میں تعینات 138 بٹالین کے میس ورکر سمیت 13 اہلکاروں میں کرونا کی گزشتہ روز تشخیص ہوئی ،تریپورہ میں ہفتہ کے روز سے اب تک دو بچوں سمیت بھارتی فوج کے کل 40 اہلکار کرونا کا شکار ہو چکے ہیں

دوسری جانب دہلی میں بھی بھارتی فوج کے 30 بی ایس ایف اہلکاروں کو جنہیں جودھپور منتقل کیا گیا تھا،ان میں کرونا کی تشخیص ہوئی ہے

قبل ازیں بھارت کی بارڈر سیکورٹی فورس بی ایس ایف کے اہلکار میں کرونا کی تشخیص کے بعد دہلی میں ہیڈ کوارٹر کی دو منزلوں کو سیل کر دیا گیا ہے

بی ایس ایف کے ہیڈ کوارٹر میں تعینات ایک ہیڈ کانسٹیبل میں کرونا کی تشخیص ہوئی وہ ہیڈ آفس کی دوسری منزل پر کام کرتا ہے اور آخری مرتبہ یکم مئی یعنی جمعہ کو دفتر آیا تھا۔ اس کے رابطہ میں آنے والے تمام افراد کو قرنطینہ کر دیا گیا ہے ان کے ٹیسٹ بھی کروائے جائیں گے۔ بی ایس ایف نے احتیاط کے طورپر ہیڈ آفس کی آٹھ منزلہ عمارت کی پہلی اور دوسری منزل کو سیل کردیا ہے

بی ایس ایف نے کرونا سے بچاؤ کے لئے دو روز تک ہیڈ آفس کو بند رکھا اور اسکے بعد کھولا،اب بھی وہاں اہلکاروں کی تعداد کم کر دی ہے، صرف ضروری ڈیوٹی پر تعیناتی کی گئی ہے

قبل ازیں دہلی میں بھارتی فوج کے ایک ڈاکٹر میں کرونا کی تشخیص ہوئی ہے، اس اہلکار سے جتنے افراد کی ملاقات یا رابطہ ہوا تھا سب کو قرنطائن کر دیا گیا ہے،جس ڈاکٹر میں کرونا کی تشخیص ہوئی وہ لیفٹیننٹ کرنل ہے،اس نے بیرون ملک کا سفر بھی نہیں کیا،کرونا کی تشخیص کے بعد اسے ہسپتال منتقل کر دیا گیا ہے

اس سے قبل 29 مارچ کو کولکتہ میں ایک فوجی ڈاکٹر جو کرنل رینک کا ہے اور ایک جے سی او میں کرونا کی تشخیص ہوئی تھی، لداخ میں تعینات کچھ اہلکاروں میں بھی کرونا کا ٹیسٹ مثبت آیا تھا، بھارتی فوج نے اپنے اہلکاروں کو کرونا سے بچاؤ‌کے لئے ہدایات بھی جاری کر رکھی ہیں.

بھارتی فوج کے افسر میں کرونا وائرس کی تشخیص ہونے پر فوج میں کھلبلی مچ گئی

جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

غیر ملکی خاتون کے سامنے 21 سالہ نوجوان نے پینٹ اتاری اور……خاتون نے کیا قدم اٹھایا؟

اپوزیشن جماعت کے سینئر رہنما،سابق پارٹی ترجمان کی ہوئی کرونا سے موت

کرونا وائرس، اگست تک بھارت میں ہو سکتے ہیں 3 کروڑ مریض،مودی سرکار نے سر پکڑ لیا

کرونا کا خوف، بھارت میں فوج کے بعد پولیس والوں کو بھی چھٹی دے دی گئی

کرونا لاک ڈاؤن میں بھی جرائم کم نہ ہو سکے،15 روز میں 100 افراد قتل

کرونا وائرس سے لڑنے کی بھارتی صلاحیت جان کر مودی بھی شرمسار ہو جائے

قبل ازیں دہلی میں کرونا وائرس سے ایک پولیس اہلکار کی ہلاکت ہوئی ہے جسے پولیس میں پہلی ہلاکت کہا جا رہا ہے، دہلی کے بھرت نگر تھانہ میں تعینات کانسٹیبل میں کرونا کی تشخیص ہونے کے بعد ہسپتال منتقل کیا گیا جہاں اس کی موت ہو گئی، 31 سالہ امت دہلی میں کرونا کے ریڈ زون میں ڈیوٹی پر تعینات رہا تھا

بھارتی فوج کے بعد نیوی میں بھی کرونا پھیل گیا

خبردار،قرنطینہ مرکز سے بھاگنے ،طبی عملے سے بدتمیزی پر ہو گی سزا

باغی ٹی وی کی رپورٹ کے مطابق چین سے پھیلنے والا کرونا وائرس دنیا بھر میں پھیل چکا ہے، بھارت میں بھی کرونا کے مریضوں میں اضافہ ہو رہا ہے

بھارتی ریاست اتر پردیش کی یوگی سرکار نے کورونا وائرس کے بڑھتے ہوئے مریضوں کو سامنے رکھ کر ایک قرارداد پاس کی ہے . قرارداد کے مطابق اگر کوئی کورونا کا مریض قصداً پبلک ٹرانسپورٹ سے سفر کرتا ہے تو اسے ایک سے تین سال تک کی سزا ہو سکتی ہے۔ قرنطینہ سنٹر سے بھاگنے والوں کو بھی اتنی ہی سزا ہوگی اور 1 لاکھ روپے تک کا جرمانہ بھی لگ سکتا ہے۔

اترپردیش کے وزیر اعلیٰ یوگی آدتیہ ناتھ کی قیادت میں ‘اتر پردیش عوامی صحت اور وبائی مرض کنٹرول آرڈیننس 2020’ پاس ہوا جس میں سیکورٹی اہلکاروں کے حوالہ سے بھی سخت قانون بنائے گئے ہیں

نئے قانون کے مطابق محکمہ صحت کے اہلکاروں، سبھی پیرامیڈیکل سٹاف، پولس اہلکاروں اور صفائی کرنے والوں کے ساتھ انتظامیہ کی طرف سے تعینات کسی بھی کورونا مریض کی جانب سے بدتمیزی پر،یا غلط جملے پر،یا کسی حملے پر 6 مہینے سے لے کر 7 سال تک کی سزا دی جائے گی۔اور 50 ہزار سے لے کر 5 لاکھ تک کا جرمانہ بھی عائد کیا جا سکتا ہے۔

دہلی میں سی آر پی ایف میں کرونا پھیلنے لگا، ایک ہلاک، 47 مریض

سبزی و فروٹ منڈی میں بھی کرونا پھیل گیا، 12 تاجروں میں تشخیص

کرونا وائرس سے خاتون سکول ٹیچر کی ہوئی موت

88 سالہ خاتون نے کرونا کو شکست دے دی

کرونا کا خوف، بھارت کے 37 اضلاع میں ڈاکٹر ڈیوٹی سے غائب

واضح رہے کہ بھارت میں 17 مئی تک لاک ڈاؤن نافذ ہے،مودی سرکار نے کرونا وائرس کی وجہ سے بھارت بھر میں لاک ڈاؤن کو مزید دو ہفتے برقرار رکھنے کا فیصلہ کیا ہے بھارتی حکومت کا کہنا ہے کہ 4مئی کے بعد مزید 2 ہفتے لاک ڈاؤن جاری رہے گا، جہاں خطرہ کم ہوگا، وہاں لاک ڈاؤن میں نرمی کر دی جائے گی،نئے احکامات کے تحت 17 مئی تک لاک ڈاؤن لاگو رہے گا۔

بھارت کا شمار ان چند ممالک میں ہوتا ہے جس نے کورونا کی وبا کے پیش نظر سخت سفری پابندیاں عائد کیں۔ 25 مارچ کوشروع ہونے والے اس لاک ڈاؤن کے بعد ملک بھر میں ٹرینوں کی آمدورفت پر بھی پابندی عائد کر دی گئی تھی۔

بھارت کرونا کو شکست نہیں دے سکتا، بھارتی طبی ماہرین نے مودی سرکار کا بھانڈا پھوڑ دیا

بھارت کرونا کو شکست نہیں دے سکتا، بھارتی طبی ماہرین نے مودی سرکار کا بھانڈا پھوڑ دیا

باغی ٹی وی کی رپورٹ کے مطابق بھارت میں کرونا تیزی سے پھیل رہا ہے، بھارت نے کرونا کے مریضوں کی کم تعداد دکھانے کے لئے ٹیسٹنگ میں کمی کر دی ہے جس کی وجہ سے طبی ماہرین کا کہنا ہے کہ ٹیسٹ کم ہوں گے تو ہم کرونا کو شکست نہیں دے سکتے

ڈاکٹروں کا کہنا ہے کہ کرونا کو شکست دینی ہے تو ٹیسٹنگ کی سہولت بڑھانی ہو گی لیکن بھارت نے ٹیسٹنگ کی سہولت کئی ریاستوں میں کم کر دی ہے،مغربی بنگال اور بہار میں 10 لاکھ کی آبادی میں صرف 230 اور 267 افراد کا بالترتیب ٹیسٹ ہوا ہے

ایک رپورٹ کے مطابق مغربی بنگال، بہار، اتر پردیش اور مدھیہ پردیش میں کرونا وائرس کے حوالہ سے حالات بہت خراب ہیں۔ یہ ریاستیں کورونا ٹیسٹ کے معاملے میں قومی اوسط سے 25 فیصد تک پیچھے چل رہی ہیں۔ بھارت میں اب تک 10 لاکھ سے زیادہ لوگوں کا کورونا ٹیسٹ کرایا جا چکا ہے اور اس کے ساتھ ہی فی 10 لاکھ کی آبادی پر ٹیسٹ بڑھ کر 818 ہو گیا ہے۔ لیکن مغربی بنگال اوربہار میں کم ٹیسٹ کئے جا رہے ہیں

کرونا وائرس کے بھارت میں بڑھتے ہوئے مریضوں کے بعد انڈین کونسل آف میڈیکل ریسرچ کی جانب سے جو اعداد و شمار جاری کیے گئے ہیں وہ تشویش ناک ہیں۔ مغربی بنگال اور بہار کے بعد اتر پردیش کی حالت بھی بہت اچھی نظر نہیں آ رہی ہے۔ وہاں ہر 10 لاکھ کی آبادی پر 429 ٹیسٹ کرائے جا رہے ہیں جب کہ مدھیہ پردیش میں یہ تعداد محض 642 ہے

بھارتی وزارت صحت کا کہنا ہے کہ کئی ریاستوں میں ٹیسٹ کٹ صحیح نہ ملنے کی وجہ سے وقت لگ رہا ہے۔ اس سے واضح ہو گیا ہے کہ ریاست اگر صحیح طریقے سے ٹیسٹ کریں تو کرونا مریضوں کی تعداد میں تیزی دیکھی جا سکتی ہے۔ طبی ماہرین نے ٹیسٹ کم ہونے پر شدید تشویش کا اظہار کیا ہے

دہلی میں سی آر پی ایف میں کرونا پھیلنے لگا، ایک ہلاک، 47 مریض

سبزی و فروٹ منڈی میں بھی کرونا پھیل گیا، 12 تاجروں میں تشخیص

کرونا وائرس سے خاتون سکول ٹیچر کی ہوئی موت

88 سالہ خاتون نے کرونا کو شکست دے دی

واضح رہے کہ بھارت میں 17 مئی تک لاک ڈاؤن نافذ ہے،مودی سرکار نے کرونا وائرس کی وجہ سے بھارت بھر میں لاک ڈاؤن کو مزید دو ہفتے برقرار رکھنے کا فیصلہ کیا ہے بھارتی حکومت کا کہنا ہے کہ 4مئی کے بعد مزید 2 ہفتے لاک ڈاؤن جاری رہے گا، جہاں خطرہ کم ہوگا، وہاں لاک ڈاؤن میں نرمی کر دی جائے گی،نئے احکامات کے تحت 17 مئی تک لاک ڈاؤن لاگو رہے گا۔

بھارت کا شمار ان چند ممالک میں ہوتا ہے جس نے کورونا کی وبا کے پیش نظر سخت سفری پابندیاں عائد کیں۔ 25 مارچ کوشروع ہونے والے اس لاک ڈاؤن کے بعد ملک بھر میں ٹرینوں کی آمدورفت پر بھی پابندی عائد کر دی گئی تھی۔

کرونا کا خوف، بھارت کے 37 اضلاع میں ڈاکٹر ڈیوٹی سے غائب