Category: کرونا اپڈیٹس

لاہور:طالب علموں سے سالانہ کروڑوں کمانے والی پرائیویٹ یونیورسٹیز مالکان کا حکومت سے بڑا عجیب مطالبہ آگیا ہے، ذرائع کے مطابق پرائیویٹ یونیورسٹیوں کے مالکان نے حکومت سے ایجوکیشن ریلیف پیکج مانگ لیا، حکومت اس سال کی ایکریڈیشن فیس ختم اور اساتذہ کو تنخواہیں دینے کیلئے مالی امداد کرے۔

ایسوسی ایشن آف پرائیویٹ سیکٹر یونیورسٹیز پاکستان نے ملکی حالات کے پیش نظر وزیر اعظم پاکستان سے پرائیویٹ یونیورسٹیوں کے لیے ”تعلیمی ریلیف پیکیج “ کی استدعا کردی۔چئیرمین ایسوسی ایشن آف پرائیویٹ سیکٹر یونیورسٹیز پاکستان پروفیسر ڈاکٹر چوہدری عبدالرحمان کی جانب سے وزیر اعظم عمران خان کے نام خط ارسال کردیا گیا۔خط میں وزیر اعظم سے استدعا کی گئی ہے کہ پرائیویٹ یونیورسٹیاں ’کرونا وائرس‘ کے خلاف جنگ میں ہمہ وقت آپ کے ساتھ کھڑی ہیں۔

اس بحرانی کیفیت میں ہمیں اپنے اساتذہ کے لیے جن کا تمام تر انحصار ہم پر ہے، آپ کی مالی سپورٹ درکار ہے تاکہ وہ اپنے خاندان کی کفالت کر سکیں اور کسی بحرانی کیفیت کا شکار نہ ہوں جب تک لاک ڈاﺅن کی کیفیت ہے ، حکومت ان یونیورسٹیوں کے تدریسی و غیر تدریسی سٹاف کی تنخواہیں ادا کرکے نجی ایجوکیشن سیکٹر کی حوصلہ افزائی کی جائے۔

نیشنل الیکٹرک پاور ریگولیٹری اتھارٹی (نیپرا) لاک ڈاﺅن کے دوران بجلی کے بلوں میں 50فیصد رعایت فراہم کرے۔ رواں مالی سال میں پرائیویٹ یونیورسٹیوں کے ذمہ تمام واجب الادا سالانہ فیس، ریگولیٹری فیس، ایکریڈیشن باڈیز کو ختم کر دیا جائے ۔

لاک ڈاﺅن کی اس صورتحال میں جن نجی یونیورسٹیوں نے کمرشل بینکوں سے قرض لیا ہے انہیں بھی مالی نرمی دی جائےاور حکومت بینکوں کو نجی یونیورسٹیوں کے قرضوں کو دوبارہ ترتیب دینے یا ری شیڈول کرنے کی ہدایت کرے۔حکومت اس تجویز پر بھی غور کرے کہ نجی شعبے کی یونیورسٹیوں کو خصوصی طویل مدتی سود سے پاک قرضوں کی پیش کش کی جانی چاہئےتاکہ بحران کے مالی اثرات کو کم سے کم تر کیا جاسکے۔

یاد رہےکہ یہ پرائیویٹ سیکٹرکی یونیورسٹیزطالب علموں سے سالانہ کروڑوں روپے وصول کرتی ہیں ، ادھر ان یونیورسٹیز کی طرف سے اس عجیب مطالبے کے بعد سوشل میڈیا پرایک سخت ردعمل آرہا ہے کہ یہ وقت ملک کواستحکام دینے کا ہے حکومت کے ساتھ کھڑا ہونے کا ہے ، لیکن ہمارے پرائیویٹ تعلیمی ادارے ان دنوں میں بھی پیسے کی حرص میں اندھے ہوئے بیٹھے ہیں‌

کراچی:پرہیز علاج سے بہترہے ، کیوں‌ ؟ کراچی، بے احتیاطی و لاپرواہی کے باعث پوری فیملی کرونا مریض بن گئی،اطلاعات کے مطابق شہر قائد کے علاقے ناظم آباد میں بے احتیاطی و لاپرواہی کے باعث پوری فیملی کرونا وائرس میں مبتلا ہوگئی۔

ذرائع کے مطابق کراچی کے علاقے ناظم آباد ایک خاتون کی بے احتیاطی اور لاپرواہی کے سبب پوری فیملی کرونا وائرس میں مبتلا ہوگئی۔ذرائع کے مطابق سعودی عرب سے شادی میں شرکت کے لیے کراچی پہنچنے والی خاتون میں کرونا وائرس کی پہلے تصدیق ہوئی، مریضہ نے شادی کے فنکشن میں شرکت کی تھی۔

خاتون میں کرونا کی تشخیص کے بعد اہل خانہ کے ٹیسٹ کیے گئے تو خاندان کے 9 افراد میں کرونا وائرس پایا گیا۔ذرائع کا کہنا ہے کہ کرونا وائرس سے متاثرہ افراد کو گھر میں آئسولیٹ کردیا گیا ہے، ایک ایک کرکے شادی کی تقریب میں آنے والے افراد کا پتا لگایا جارہا ہے۔

کراچی :پاکستان کومکمل لاک ڈاون کرنے سے ہی کرونا پرقابو پایا جاسکتا ہے، حکومت عوام کی اورعوام حکومت کی مدد کریں‌ ،بلاول بھٹو،اطلاعات کے مطابق چیئرمین پی پی پی بلاول بھٹو زرداری نے لاک ڈاؤن کو کرونا وائرس پر قابو پانے کا واحد حل قرار دیدیا

سماجی رابطے کی ویب سائٹ ٹویٹرپراپنے پیغام میں بلاول بھٹوزرداری نے کہا ہے کہ پاکستان کو مکمل لاک ڈاؤن کی جانب ہر صورت میں جانا ہوگا ،لاک ڈاؤن میں ہر دن اور ہر گھنٹے کی تاخیر وبائی آفت سے مقابلے کو مشکل بنارہی ہے

چیئرمین بلاول بھٹو زرداری نے کہا ہےکہ ہم لاک ڈاؤن کرنے میں پہلے ہی تاخیر کا شکار ہیں، لاک ڈاؤن پہلے ہوجانا چاہئیے تھا،ہمیں جلد از جلد بحران میں کمی کے لئے لاک ڈاؤن کا حتمی فیصلہ لینا ہوگا، کوئی صوبہ تنِ تنہا کرونا وائرس کے بحران کا مقابلہ نہیں کرسکتا،

ہمیں لاک ڈاؤن کو قابل عمل بنانے کیلئے وفاقی حکومت کی پوری مدد چاہئیے، ہمیں لوگوں کے زیادہ سے زیادہ ٹیسٹ کرنے اور ضرورت مندوں کی مدد کیلئے وفاقی حکومت کی پوری مدد چاہئیے،جہاں ہم اچھے کیلئے پُرامید ہیں، وہیں بدترین کیلئے بھی تیار ہیں،

بلاول بھٹو نے کہا کہ اگر بدترین صورت حال پیش آئی تو ہمارا صحت کا نظام اتنی استطاعت نہیں رکھتا، ہمیں دوسرے ممالک کے تجربات سے سیکھنے کی ضرورت ہے،یہ مسئلہ یہ نہیں ہے کہ ہم کیا کریں گے، یہ مسئلہ یہ ہے کہ ہم کب کریں گے،جب تک حکومت لاک ڈاؤن کیلئے تیار نہیں ہوجاتی، عوام اپنے گھروں پر رہیں، شہری خود کو اور دوسروں کو محفوظ رکھنے کے لئے گھروں پر رہیں

اسلام آباد :اسلام آباد پمز کی ائسولیشن وارڈ سے چھپ کر گھرآنے والے کودیکھ کرگھروالوں نے دوڑیں لگادیں،اطلاعات کےمطابق تیمور شاہ ولد محمود شاہ ساکنہ ہمہ موہڑہ موہری فرمانشاہ باغ جو گزشتہ روز اسلام آباد پمز کی ائسولیشن وارڈ سے چھپ کر بعذریہ پبلک ٹرانسپورٹ براستہ آزاد پتن اپنے گھر پہنچا اور گھر والوں کو بتایا کہ وہ کرونا میں مبتلا ہے جس پر گھر والے خوف زدہ ہو کر باہر بھاگ گئے

اس کے بعد تیمور خود بھاگ کر جنگل میں چلا گیا گھر والوں نے تھانہ پولیس باغ تک اطلاع پہنچائی جس پر سب انسپکٹر اصغر صاحب ہمراہ نفری اسکے پیچھے گئے اور رات تقریبا 2بجے اسے پکڑ کر باغ قرنطینہ وارڈ میں پہنچایا جہاں پر اسکے خون کے نمونے لے کر دوبارہ مظفرآباد لیبارٹری کو بھجوا دیے گئے ہیں متاثرہ شخص کا کہنا ہے کہ اسے دو ہفتے قبل کرونا ہوا تھا جس کے باعث وہ اسلام اباد ہسپتال داخل ہو گیا تھا اور 14 دن مکمل کرنے کے بعد اب گھر واپس ایا ہے۔

تاہم وہ جس طرح چھپ چھپا کر گھر آیا یا سفر کیا اور پھر گھر سے جنگل کی طرف بھاگ گیا یہ ساری کہانی بہت سارے سوالات جنم لے رہی ہے ہم سب کو بہت محتاط رہنا ہوگا اور ذمہ داری کا مظاہرہ کرنا پڑے گا ورنہ اپنی جان کے ساتھ ساتھ اپنے اہل و عیال اور تمام معاشرے کے قاتل بن سکتے ہیں خدا کے لئے اپنی سرگرمیوں کو محدود کر دیں اور دوسروں کو بھی محتاط رہنے کی تلقین کریں احتیاط میں زندگی ہے جبکہ لاپروائی موت کا سبب اسوقت ہمارے اختیار میں احتیاط ہے بس کل اللہ نہ کرے یہ بھی نہ رہے ۔

آخری گذارش سوشل میڈیا اکٹیوسٹ سے یہ ہے کہ اس خوف ناک صورت حال میں مذاق اور سیاست نہ کریں کیونکہ آپکی بھونگیاں بھی دوسروں پر اثر انداز ہوتی ہیں جیسے کسی سمجھدار کی پند و نصیحت لہذا یہ آپ پر ہے کہ اپنے آپ کو کیا ثابت کرتے ہو سمجھدار یا بھونگے اور بھانڈ؟؟