Category: کرونا اپڈیٹس

واشنگٹن : سماجی میل جول سے ایک خاندان کے 4 افراد کورونا وائرس سے ہلاک ،احتیاط نہ کرنے والوں کے لیے پیغام نصیحت ،اطلاعات کےمطابق امریکا میں نئے نوول کورونا کیسز کی تعداد اور اموات میں تیزی سے اضافہ ہورہا ہے اور وہ اس حوالے سے دنیا کا چھٹا سب سے بڑا متاثرہ ملک بن چکا ہے۔

امریکی ذرائع ابلاغ کے مطابق اب تک امریکا کی تمام ریاستوں میں 19 ہزار سے زیادہ افراد متاثر جبکہ 260 اموات ہوچکی ہیں۔مگر ایک خاندان ایسا ہے جس کے 4 افراد اس وائرس سے ہونے والی بیماری کووڈ 19 سے ہلاک ہوچکے ہیں۔

ایلزبتھ فیوسو نامی خاتون جس وقت اپنے بڑی بہن کی موت کا غم منارہی تھی تو انہیں ایک اور فون کال میں بتایا گیا کہ بڑے بھائی بھی اس بیماری کے باعث چل بسا ہے۔پھر کچھ دن بعد ہسپتال میں ماں کی وفات کے بارے ےمیں علم ہوا اور اگلے دن ایک اور بھائی بھی ہلاک ہوگیا۔

ریاست نیوجرسی کی اس خاتون کی پہلے بڑی بہن کا انتقال ہوا،، اس کے ایک ہفتے بعد ماں، 2 بھائی بھی دم توڑ گئے۔مگر معاملہ یہاں رکتا نہیں بلکہ اس خاندان کے مزید 3 افراد اس وقت ہسپتال میں داخل ہیں جبکہ 19 مزید میں اس کی تشخیص ہونا باقی ہے۔

اس وقت ہسپتال میں موجود 2 افراد اس وقت لائف سپورٹ پر ہیں جبکہ ایک کی حالت مستحکم ہے۔اور اس خاندان میں وائرس کے پھیلائو کی وجہ سماجی فاصلے کی ہدایات کو نظرانداز کرکے رواں ماہ خاندان کے ایک کھانے کی دعوت کو قرار دیا جارہا ہے۔

نیویارک ٹائمز کے مطابق ریاست نیوجرسی میں جس پہلے شخص کی ہلاکت اس وائرس سے ہوئی، وہ اس دعوت میں شریک ہوا تھا اور ممکنہ طور پر وائرس کو اس خاندان میں منتقل کردیا۔

مختلف تحقیقی رپورٹس میں سائنسدانوں نے دریافت کیا ہے کہ نئے نوول کورونا وائرس کے 10 فیصد سے زیادہ مریضوں میں یہ مرض ایسے افراد سے منتقل ہوا جو متاثر تو تھے مگر ان میں علامات ظاہر نہیں ہوئی تھی۔

یعنی سماجی میل جول کے نتیجے میں ایسے افراد سے صحت مند لوگوں میں وائرس کی منتقلی کا خطرہ بڑھ جاتا ہے۔

خیال رہے کہ پاکستان میں بھی عوام پر سماجی میل جول سے گریز کا مشورہ دیا جارہا ہے مگر فی الحال اس پر لوگوں کی جانب سے زیادہ عملدرآمد نہیں ہورہا جس سے کیسز کی تعداد میں بہت زیادہ اضافے کے خدشات ظاہر کی جارہے ہیں۔

نئی دہلی : بھارت میں ’جنتا کرفیو‘ سے قبل ہی دہلی میں لاک ڈاؤن کرنے کی تیاریاں عروج پرہےئ، ادھر بھارتی حکومت کی جانب سے 22 مارچ کو جنتا کرفیو کے اعلان کے بعد ملک بھر میں ریل، میٹرو اور بسوں کی سروس بند کردی گئی ہے جبکہ دہلی کے وزیراعلیٰ اروند کیجروال نے دارالحکومت میں لاک ڈاؤن کا عندیہ دیا ہے۔

ہندوستان ٹائمز کی رپورٹ کے مطابق ‘جیسے ہی 22 مارچ کو جنتا کرفیو کے نفاذ کا وقت قریب آرہا ہے مسافروں کو پابندیوں سے قبل اپنی متعلقہ منزل تک پہنچنے میں دشواریوں کا سامنا ہے’۔رپورٹ میں کہا گیا ہے کہ ‘ممبئی میں حکام کی جانب سے عوامی اجتماع پر پابندی کے بعد دوسرے شہروں سے روزگار کے لیے آئے ہوئے افراد ریل گاڑی میں خطرناک طریقے سے سوار ہیں’۔

جبکہ معروف بھارتی اخباردی ہندو کی رپورٹ کے مطابق دہلی کے وزیر اعلیٰ اروند کیجر وال کا کہنا تھا کہ ‘اس وقت ہم لاک ڈاؤن نہیں ہیں لیکن شہر اور ملک کو بچانے کے لیے ہمیں ایسا کرنے کی ضرورت پڑسکتی ہے’۔

دہلی میں ‘ڈیجیٹل’ پریس کانفرنس کے دوران انہوں نے کہا کہ دارالحکومت میں لوگوں کے مجمعے کی تعداد کو 20 افراد سے کم کرکے 5 کردی گئی ہے۔ان کا کہنا تھا کہ حکومت نے بیواؤں کی پنشن اور غریب افراد کی امداد کو دوگنا کرنے اور متاثرہ افراد کو مذکورہ جگہوں سے باہر نکالنے کا فیصلہ کیاہے۔

اروند کیجروال کا کہنا تھاکہ بے گھر افراد جو سڑک کنارے سورہے ہیں انہیں کھانا فراہم کرنے کا بھی فیصلہ کیا گیا ہے۔ان کا کہنا تھا کہ ‘جن افراد نے خود کو ہوٹلوں میں آئسولیٹ کیا ہوا ہے انہیں جی ایس ٹی سے مستثنیٰ قرار دینے کا فیصلہ کیا ہے کیونکہ ان کی مدد کی ضرورت ہے’۔

خیال رہے کہ بھارتی وزیراعظم نریندر مودی نے دو روز قبل عوام پر زور دیا ہے کہ وہ 22 مارچ کو خود پر ‘جنتا کرفیو’ نافذ کریں۔

واشنگٹن :کرونا نے امریکہ میں پنجے گاڑنے شروع کردیئے ، 3 ریاستوں میں 7 کروڑ افراد کے لاک ڈاؤن کی تیاری،اطلاعات کےمطابق امریکا کی 3 بڑی ریاستیں کورونا وائرس کے تیزی سے پھیلاؤ کے پیش نظر اپنے شہریوں کو لاک ڈاؤن کررہی ہیں جو پہلے ہی یورپ کا نظام صحت تہہ بالا کرچکا ہے۔

امریکی ریاست کیلیفورنیا کے بعد نیویارک اور ایلینوائے کی انتظامیہ کی جانب سے بھی اعلان کیا گیا کہ وہ رواں ہفتے کے اختتام سے اپنے شہریوں کو ان کے گھروں تک محدود کردیں گے، ان تینوں ریاستوں کی مجموعی آبادی 7 کروڑ نفوس پر مشتمل ہے۔امریکی خبررساں ادارے ایسوسی ایٹڈ پریس (اے پی) کی رپورٹ کے مطابق امریکا کے ہسپتالوں پر بھی مریضوں کا دباؤ ہے اور حکام ایسی صورتحال کو روکنے یا کم سے کم کرنے کے لیے کوشاں ہیں جو چین اور یورپ میں پیش آئی۔

وبا کا یہ پھیلاؤ رواں برس کے آغاز میں چین کے شہر ووہان میں میڈیکل سروسز کو بری طرح متاثر کرچکا ہے اور اب اٹلی اور اسپین میں اپنی حدوں کو چھورہا ہے جبکہ برطانیہ میں 65 ہزار ریٹائرڈ نرسز اور ڈاکٹروں کا دوبارہ کام پر طلب کرلیا گیا ہے۔

خیال رہے کہ دنیا بھر میں اب تک کورونا وائرس کے 2 لاکھ 75 ہزار سے زائد کیسز کی تصدیق ہوچکی ہے اور ہلاکتوں کی تعداد تقریباً ساڑھے 11 ہزار تک جا پہنچی ہے تاہم 90 ہزار کے قریب مریض صحتیاب بھی ہوئے ہیں۔