اسلام آباد:نادرا وہی ڈیٹا محفوظ کرتا ہےہیلتھ کیئریونٹ بھیجتا ہے:کورونا ویکسینیشن سرٹیفکیٹ پرنادرا کا ردعمل آگیا،اطلاعات کے مطابق ترجمان نادرا نے ان خبروں کی وضاحت کردی ہے جن کے بارے میں ابہام پایا جارہاتھا ،

ذرائع کےمطابق نادرا ترجمان کا کہنا تھا کہ نادرا ہیلتھ کیئر یونٹ کے ذریعے منتقل کردہ ویکسینیشن ڈیٹا کی بنیاد پر سرٹیفکیٹ جاری کر رہا ہے۔نادرا اسی مہیاکردہ ڈیٹاکے مطابق ہی خودکارنظام کےذریعے سرٹیفکیٹ کااجراء کرتا ہے۔

‏ویکسینیشن لگانےاور ویکسینشن سینٹر پر دیر سے اندراج یا غلط ڈیٹا کے اندراج سے نادراکا کوئی تعلق نہیں۔

جعلی کورونا ویکسینیشن سرٹیفکیٹ کا نادرا ڈیٹا سے کوئی تعلق نہیں۔ صوبوں کے زیر انتظام ہیلتھ کیئر یونٹ جو ابتدائی اندراج کیا ہوا ویکسینیشن ڈیٹا بھیجیں گے اس کے مطابق نادرا کے خودکار نظام کے ذریعے کورونا ویکسینیشن سرٹیفکیٹ جاری کر رہا ہے۔

دوسری طرف چیئرمین نادرا طارق ملک نے دفاتر میں کورونا وائرس سے بچاؤ کی احتیاطی اور حفاظتی تدابیر پر عمل نہ ہونے پر سخت نوٹس لیا ہے اور فوری احتیاطی اقدامات لینے کے احکامات جاری کیے ہیں۔

چیئرمین نادرا طارق ملک نے ہدایت کی کہ ملک بھر میں نادرا سینٹر کو فوری طور پر جراثیم کش سپرے کے چھڑکاؤ کو یقینی بنایا جائے، چیئرمین نادرا نے سٹاف اور عوام الناس کو ہر ممکن حفاظتی اقدامات کرنے کی تلقین کی، ان کا کہنا تھا کہ سائلین کو نادرا دفتر آنے کیلئے احتیاطی تدابیر کو اختیار کرنا لازمی قرار دیا۔

لندن :بورس جانسن کے اشارے کے بعد پاکستان کے برطانوی ریڈ لسٹ سے باہر آنے کی امید پیدا ہوگئی ہے اس حوالے سے تازہ ترین اطلاعات میں‌کہا گیا ہے کہ وزیراعظم بورس جانسن نے پاکستان کو ریڈ لسٹ سے نکالنے کا اشارہ دے دیا۔

لندن سے ذرائع کا کہنا ہے کہ برطانوی وزیر اعظم بورس جانسن کا کہنا ہے کہ پاکستان کو ریڈ لسٹ سے نکالنے کے لئے ڈیٹا کا جائزہ لے رہے ہیں۔

پاکستان کوریڈ لسٹ سے نکالنے کے حوالے سے بورس جانسن نے رائل ملٹری اکیڈمی سینڈھرسٹ میں پاکستانی ہائی کمشنر معظم احمدخان اور دیگر سے گفتگو کی۔

اس حوالے سے کہا جارہا ہے کہ بورس جانسن کے ریمارکس سے اندازہ ہوتا ہے پاکستان چند ہفتوں میں ریڈ لسٹ سے باہر آجائے گا۔

اس موقع پر بورس جانسن نے پاکستانی ہائی کمشنر سے ملاقات میں افغانستان کی صورتحال پر بھی غور کیا۔برطانوی وزیر اعظم نے کہا کہ افغانستان کےچیلنج سے نمٹنے کے لئے مشترکہ کاوشوں کی ضرورت ہے۔

بورس جانسن نےکورونا وبا سے نمٹنے کیلئے فوج کی خدمات کو بھی خراج تحسین پیش کیا۔

اسلام آباد: امریکی کورونا ویکسین پاکستان پہنچ گئی ،اطلاعات کے مطابق امریکی کورونا ویکسین فائزر کی ایک اور کھیپ پاکستان پہنچ گئی۔

ذرائع کے مطابق ذرائع کا کہنا ہے کہ غیرملکی ایئرلائن 64 ہزار فائزر ویکسین ڈوز لے کر پہنچ گئی، پاکستان نے فائزر ویکسین کی ایک کروڑ 30 لاکھ خوراکیں خریدی ہیں۔

ذرائع کا کہنا ہے کہ گزشتہ ماہ ایک لاکھ فائزر ویکسین کی ڈوز پاکستان پہنچی تھیں۔

فائزر ویکسین بیرون ملک جانے کے خواہش مند افراد کو لگائی جائے گی، فائزر ویکسین دائمی امراض میں مبتلا افراد کو بھی لگائی جائے گی۔

واضح رہے کہ 26 جولائی کو غیرملکی ایئرلائن کی پرواز 30 لاکھ موڈرنا ویکسین ڈوز لیکر اسلام آباد پہنچی تھی، کوویکس نے پاکستان کوموڈرنا کورونا ویکسین مفت فراہم کی تھی۔

باغی ٹی وی کی رپورٹ کے مطابق پاکستان میں کرونا کی چوتھی لہر جاری ہے اور کرونا مریضوں اور اموات میں مسلسل اضافہ ہو رہا ہے

این سی او سی کی جانب سے جاری اعدادوشمار کے مطابق کرونا سے پاکستان میں گزشتہ چوبیس گھنٹوں میں 67 اموات ہوئی ہیں جس کے بعد ملک میں اموات کی مجموعی تعداد 23 ہزار 70 ہو گئی ہے گزشتہ 24 گھنٹوں کے دوران کرونا کے 4 ہزار 745 مریض سامنے آئے ہیں جس کے بعد ملک بھر میں کرونا کے مجموعی کیسز کی تعداد 10 لاکھ 58 ہزار 405 ہو گئی ہے

این سی او سی کے مطابق گزشتہ 24 گھنٹوں کے دوران 57 ہزار 981 کورونا ٹیسٹ کیے گئے۔ گزشتہ 24 گھنٹے میں کورونا مثبت کیسز کی شرح 8.18 فیصد رہی۔سندھ میں کورونا کے کیسز کی تعداد تین لاکھ 94 ہزار 748، خیبر پختونخوا میں ایک لاکھ 47 ہزار 26، پنجاب میں تین لاکھ 61 ہزار 458، اسلام آباد میں 89 ہزار 569، بلوچستان میں 30 ہزار 967، آزاد کشمیر میں 26 ہزار 86 اور گلگت بلتستان میں 8 ہزار 551 ہو گئی ہے۔

کورونا کے سبب سب سے زیادہ اموات پنجاب میں ہوئی ہیں جہاں 11 ہزار 141 افراد جان کی بازی ہار چکے ہیں جبکہ سندھ میں 6 ہزار 126، خیبرپختونخوا 4 ہزار 507، اسلام آباد 809، گلگت بلتستان 150، بلوچستان میں 330 اور آزاد کشمیر میں 639 افراد جان کی بازی ہار چکے ہیں