Category: کرونا اپڈیٹس

کرونا کی چوتھی لہرکے خدشات بڑھنے لگ گئے ہیں، کرونا کی چوتھی لہرکوخطرناک قراردیا جا رہا ہے، اگر کرونا دوبارہ سے پھیلتا ہے تو اس کے نتائج خظرناک حد تک ہونگے، کرونا کی وجہ سے کاروباری حالات بہت متاثر ہوچکے ہیں، بتسے لوگوں سے روزگار چھینے جا چکے ہیں، بہت سی جانوں کا نقصان ہوچکا ہے، اس سسلسے میں عوام کو احتیاط کرنے کی ضرورت ہے، احتیاط کرنے سے ہی اس وبائی مرض سے بچا جا سکتا ہے.
وزیر اعلیٰ پنجاب عثمان بزدارنے کرونا کی چوتھی لہرسے بچنے کے لیےعوام کو تنبیہ کرنا شروع کردیا ہے، آج کی گئی احتیاط ہمیں چوتھی لہرسے محفوظ رکھ سکتی ہے، بے احتیاطی اورایس او پیزپرعملدرآمد نہ کرنے سے کیسوں میں اضافے کا خدشہ ہے، خدانخواستہ مثبت کیسوں کی شرح میں اضافہ ہوا توایک بارپھرسمارٹ لاک ڈاؤن کرنا پڑے گا، پابندیوں سے بچنے کے لئے شہریوں کواحتیاط کا دامن ہاتھ سے نہیں چھوڑنا چاہیے، شہریوں سے اپیل ہے کہ وہ ماسک کا استعمال کریں اورسماجی فاصلے برقراررکھیں۔

وفاقی وزیربرائے منصوبہ بندی ترقی وخصوصی اقدامات اسدعمر کی زیرصدارت این سی او سی کا اجلاس ہوا ہے، تمام صوبائی چیف سکریٹریزنے بھی ویڈیولنک کے ذریعے اجلاس میں شرکت کی ہے، فورم نے کووڈ کیسزمیں اضافے پہ تشویش کا اظہار کیا ہے، مختلف سیکٹرزمیں ایس اوپیزکی خلاف ورزیوں کا نوٹس لیا گیا ہے.
تمام صوبوں کوایس او پیز پرعمل درآمد اور ویکسینیشن کے عمل کو تیزکرنے کے لئیے خصوصی اقدامات اٹھانے کی ہدایات کی گئی ہے، عید الاضحی کے سلسلے میں جاری کی گئی ایس او پیز پرخصوصی عمل درآمد کے احکامات دئیے گئے ہیں، افغانستان میں کورونا کی تشویشناک صورتحال کے پیش نظرمغربی سرحد کو ۱۷ جون ۲۰۲۱ سے بند کیا گیا تھا، اس بندش کے دوران صرف دونوں اطراف پھنسے ہوئے پاکستانی اورافغانی شہریوں کے علاوہ انتہائی ایمرجنسی کیسزکے مریضوں اورطلباء کوخصوصی رعایت حاصل ہے، افغانستان میں پھنسے ہوئے پاکستانیوں کی واپسی کے لئیے چمن اورطورخم بارڈر پہ خصوصی انتظامات کئیے گئے ہیں، وہ پاکستانی افراد جن کو ویکسین کی دونوں خوراکیں لگ چکی ہیں، کورونا ٹیسٹ مثبت آنے کی صورت میں ۱۰ دن کے لئیے لازمی قرنطینہ میں رکھا جائے گا، جن افراد کو ویکسین نہیں لگی یا صرف ایک خوراک دی گئی ہے انکو بہر صورت دس دن کے لئیے اپنے متعلقہ صوبے میں قرنطینہ میں رکھا جائے گا،
انتہائی ایمرجنسی میڈیکل کیسسزاورافغانی طلبا کے لئیے پہلے سے جاری کی گئی ہدایات نافذ العمل رہیں گی.

وزارت صحت نے کوویڈ-19 کی اپڈیٹ دیتے ہوئے بتایا کہ نیشنل انسٹیٹیوٹ آف ہیلتھ پاکستان میں موجود کورونا وائرس کی مختلف اقسام کی موجودگی کی نگرانی کر رہا ہے، کوویڈ 19 نمونے کی مکمل جینوم ترتیب کے ذریعے کی جاتی ہے، مئی کے آخر میں اورجون 2021 کی پہلی ششماہی میں جمع کیے گئے نمونوں میں تشویش کی مختلف اقسام کی موجودگی ظاہرہوئی ہے، جس میں ڈیلٹا (ہندوستانی)، بیٹا (جنوبی افریقی) اورالفا (یوکے) کی مختلف اشکال شامل ہیں، اعداد وشمارکواین آرایچ کے فیلڈ ایپیڈیمولوجی اینڈ ڈیزیزسرویلنس ڈویژن اوردیگر متعلقہ قومی اسٹیک ہولڈرزکے ساتھ شیئر کیا گیا ہے، آئندہ ماہ سے کرونا کی چوتھی لہرکے آنے کا خدشہ ظاہر کیا گیا ہے.