سکھر:سی ٹی ڈی سندھ نے حساس ادارے کیساتھ مشترکہ کارروائی کرتے ہوئے سکھر میں کچے کے علاقے کے ڈاکوؤں کو غیر قانونی اسلحہ فراہم کرنے میں ملوث 4 افراد کو گرفتارکرلیا۔
ڈی آئی جی سی ٹی ڈی کے مطابق ملزمان نہ صرف ڈاکوؤں کو ہتھیارفراہم کرتے تھے بلکہ ممنوعہ اورغیر قانونی اسلحے کے ڈیلرزکو بھی سپلائی دیتے تھے، گرفتارملزمان کی نشاندہی پرایک گاڑی اوربڑی مقدارمیں غیر قانونی اسلحہ بھی برآمد کرلیا گیا ہے۔
ادھر کراچی میں پولیس نے ناظم آباد کے علاقے میں کارروائی کے دوران اسٹریٹ کرائم میں ملوث 5 ملزمان کو گرفتارکرلیا، ملزمان شہریوں سے موبائل فونز اورنقدی چھیننے کی وارداتوں میں ملوث تھے پولیس کے مطابق لیاری کےعلاقے کلاکوٹ میں پولیس نے موٹرسائیکل چورکوگرفتارکرلیا، ملزم سے مسروقہ موٹر سائیکل برآمد کرلی گئی ہے جبکہ اس کے دیگرساتھیوں کی تلاش جاری ہےپولیس و سی ٹی ڈی حکام کا کہنا ہے کہ شہراوراندرون سندھ میں جرائم پیشہ عناصر کے خلاف کارروائیاں جاری رہیں گی۔
اے این ایف اور کسٹمز کی کارروائی ، کروڑوں روپے مالیت کی منشیات برآمد، 8 ملزمان گرفتار
آئی جی سندھ غلام نبی میمن کا کہنا ہے کہ منشیات فروشوں کی فہرست میں شامل بڑے نام پکڑے گئے ہیں اب صوبے بھر میں اگلی مہم گٹکا، ماوا تیار اور فروخت کرنے والوں کے خلاف ہوگی، آئی جی سندھ غلام نبی میمن کی زیر صدارت اجلاس میں منشیات مافیا کے خلاف کریک ڈاؤن سےمتعلق جائزہ لیا گیا۔
اس موقع پر ڈی آئی جی سی آئی اے نے بتایا کہ منشیات فروشوں کی فہرست میں شامل بڑے نام پکڑے گئے ہیں، یہ ملزمان واٹس ایپ اور آن لائن منشیات فروشی میں ملوث ہیں، اجلاس میں آئی جی سندھ نے کہاکہ منشیات کے خلاف اقدامات سےجرائم میں کمی آئی ہے، آن لائن منشیات فروشی میں ملوث ملزمان کو تکنیکی بنیادوں پر گرفتار کیا جائے،منشیات مافیا کے خلاف ایکشن سےگٹکا ماوا کی فروخت کے بڑھ جانےکاخطرہ ہے لہٰذا صوبے بھر میں اگلی مہم گٹکا، ماوا تیار اور فروخت کرنے والوں کیخلاف ہوگی ۔
نان فائلرز کے بینک سے رقم نکلوانے پر ٹیکس کٹوتی میں اضافے کا اطلاق
اس موقع پر ایڈیشنل آئی جی کراچی کا کہنا تھا کہ فلاحی و سرکاری اداروں سےکراچی میں بحالی مراکز کے قیام کی درخواست کر رکھی ہے، درخواست پر کام جاری ہے اور جلد ہی نتائج سامنے آئیں گے، کراچی میں منشیات کی لت میں مبتلا افراد کے علاج کے لیے کسی بڑے ادارے کی ضرورت ہے۔
