ڈیرہ غازیخان ( شہزادخان سے) تھانہ صدر کے علاقہ میں قبضہ گروپ کا راج۔
تھانہ صدر کے علاقہ موضع کوٹ ہیبت جروار چوک کے رہائشی اللہ یار ولد شیر محمد قوم کھوکھر نے میڈیا سے گفتگو کرتے ہوئے کہا کہ اسنے تقریبا ڈیڈھ سال قبل یہ رقبہ حاجرہ مائی اور محمد یوسف ولد حبیب سے خریدا تھا اور وہاں مکان بنا کر رہنے لگا اسنے بتایا کہ وہ محنت مزدوری کرتا ہے گزشتہ روز مصطفی ولد حسین بخش، لعل ولد اللہ وسایا ،حسین ولد اللہ ڈتہ۔صدیق ولد نامعلوم نسیم زوجہ مصطفی۔شاہراں زوجہ حسین بخش ہمراہ 6 خواتین اور 10 نامعلوم افراد سمیت میرے گھر پر حملہ آور ہوئے اور زبردستی میرے گھر سے سامان اٹھا لیا اور میرے بیوی بچوں کو زبردستی گھر سے نکالنے کی کوشش کی مزاحمت پر اینٹوں سے ہم پر تشدد کیا اہل علاقہ کے اکھٹے ہونے پر ملزمان موقع سے فرار ہوگئے ان کے تشدد سے میں اور محمد بدر زخمی ہوگئے 15 پر کال کی جو اٹینڈ نہ ہوئی اس دوران ملزمان نے اپنے بندوں کو خود زخمی کر کے ریسکیو 1122 کو بلوا لیا اور الٹا ہم پر جھوٹا الزام لگا دیا
Category: جرائم و حادثات
-
ڈیرہ غازیخان – تھانہ صدر کے علاقہ میں قبضہ گروپ کا راج
-
پیرمحل – سندیلیانوالی کے نواحی چکوک میں زیادتی کے 2 واقعات ،مقدمے درج
باغی ٹی وی :پیرمحل(وقاص شریف نامہ نگار) سندیلیانوالی کے نواحی چکوک میں زیادتی کے 2 واقعات،مقدمات درج ۔
تفصیلات کے مطابق پہلے واقعہ میں چک نمبر 721 گ ب میں سائرہ بی بی کو اُس کے خاوند نے گھریلو ناچاکی کی بنا پر تشدد کا نشانہ بنا کر گھر سے باہر نکال دیا ۔ جس پر ملزمان فیصل ولد اسحاق اور اللہ لبھایا نے سائرہ بی بی کو تسلی دی اور پیش کش کی کہ وہ اُسے اُس کے والدین کے گھر چھوڑنے کو تیار ہیں جس پر سائرہ بی بی جو کہ شدید ذہنی تنائو کا شکار تھی اور اُس کے پاس اس سے بہتر کوئی آپشن بھی نہ تھا ان کے ساتھ چلنے کو تیار ہو گئی مگر جب یہ موٹر سائیکل سوار چک نمبر 745 گ ب کے قریب پہنچے تو ملزمان کی نیت بدل گئی اور وہ خاتون کو قبرستان کے قریب فصل کماد میں لے گئے اور ملزم فیصل نے اُسے زنا بالجبر کا نشانہ بنا ڈالا جبکہ دوسرا ساتھی باہر پہرا دیتا رہا ۔ لڑکی کے شور مچانے پر گاؤں کے لوگ اکٹھے ہونے لگے تو ملزمان جائے وقوعہ سے فرار ہو گئے ۔۔ دوسرے وقوعہ میں چک نمبر 765 گ ب میں محسن ولد مظہر نے اپنے ایک نامعلوم ساتھی کے ساتھ مل کر گھر میں موجود اکیلی لڑکی دیکھ کر اُسے گن پوائنٹ پر دبوچ لیا اور زنا بالجبر کا نشانہ بنانے لگے مگر علیشا دختر محمد عارف نے مزاحمت کی جس کی وجہ سے ملزمان نے لڑکی پر خوب تشدد کیا جس سے وہ بُری طرح سے زخمی ہو گئی ۔ لڑکی کی شدید مزاحمت اور چیخ و پکار سن کر اہل محلہ اُسے بچانے کے لئے نکلے ہی تھے کہ ملزمان نے راہ فرار اختیار کر لی ۔ پہلے واقعہ میں سائرہ بی بی کے والد مبشر اقبال اور دوسرے واقعہ میں علیشا بی بی کے والد محمد عارف کی تحریری درخواستوں پر تھانہ اروتی نے دو الگ الگ مقدمات درج کر لئے ہیں -
کرکٹرعثمان شنواری وفات پاگئے:مگرکون سےعثمان شنواری؟ہرکوئی تصدیق کرنے لگا
لاہور:کرکٹرعثمان شنواری وفات پاگئے:مگرکون سےعثمان شنواری؟ہرکوئی تصدیق کرنے لگا ہے ،کیونکہ عثمان شنواری جنہیں پاکستانی ایک قومی کرکٹر کے طورپرجانتے ہیں وہ خیریت سے ہیں اور زندہ ہیں جبکہ وفات پانے والے عثمان شنواری ایک مقامی کھلاڑی ہیں جوکو ان کے ساتھی عثمان شنواری کے نام سے بلاتے ہیں
یہی وجہ ہے کہ لاہور کی مقامی کرکٹ لیگ میں کھلاڑی کےوفات کی خبر کے بعد قومی کرکٹر عثمان شنواری نے ٹوئٹ کرکے اپنی خیریت سے آگاہ کیا۔
Me belkul thek ho Allah ka shukar hai mery pory family ko log calls kr rahy hai with due respect itni bari News chalany se pehly tasdeeq kar liya kary shukria🙏
— Usman khan shinwari (@Usmanshinwari6) September 25, 2022
لاہور میں ایک لیگ کے میچ کےدوران حرکت قلب بند ہونے سے مقامی کرکٹر عثمان شنواری وفات پاگئے۔مقامی کھلاڑی کے انتقال کے بعد سوشل میڈیا پر قومی کرکٹر عثمان شنواری سے متعلق غلط خبر شیئر کی گئی۔
یاد رہے کہ اتوار کو صبح سے پاکستانی سوشل میڈیا پر ایک ویڈیو اور افواہ گردش کررہی ہے جس کے مطابق ایک کرکٹ میچ کے دوران کرکٹر عثمان شنواری زمین پر گرے جنہیں علاج کے لیے ہسپتال منتقل کیا گیا اور وہ وہاں وفات پا گئے۔
یہ ویڈیو اور خبر ٹویٹ کرنے والے نے یہ بات واضح نہیں کی کہ وفات پاجانے والے عثمان شنواری وہ عثمان شنواری نہیں جو پاکستانی ٹیم اور پاکستان سپر لیگ (پی ایس ایل) میں کراچی کنگز کے لیے کھیلتے ہیں۔
کرکٹ میچ کی یہ ویڈیو اور خبر سب سے پہلے ایک ٹوئٹر صارف طاہر جمیل خان کی جانب سے شیئر کی گئی تھی اور انہوں نے ساتھ لکھا تھا کہ برگر پینٹس اور فارائزلینڈ کے درمیان میچ کے دوران عثمان شنواری دل کے دورے کے باعث زمین پر گر گئے اور انہیں ہسپتال لے جایا گیا جہاں وہ جانبر نہ ہوسکے۔
کئی صارفین نے اس افواہ کے منظر عام پر آنے کے بعد یہ کہا کہ جن کی وفات ہوئی ہے وہ ایک کلب کرکٹر عثمان شنواری ہیں جو کہ ایک ٹورنامنٹ کے درمیان چل بسے ہیں۔سپورٹس رپورٹر فیضان لاکھانی نے ایک ٹویٹ میں لکھا کہ ’یہ کوئی اور عثمان شنواری ہیں۔ وہ نہیں جنہیں آپ جانتے ہیں۔‘
یہ معاملہ اتنا آگے بڑھا کہ عثمان شنواری کے گھر والوں کو کالیں آنا شروع ہوگئیں۔عثمان شنواری نے اپنی ایک ٹویٹ میں کہا ’میں بالکل ٹھیک ہوں اللہ کا شکر ہے۔‘انہوں نے مزید لکھا کہ ’میری پوری فیملی کو لوگ کالیں کررہے ہیں۔ نہایت احترام کے ساتھ (کہنا چاہوں گا) کہ اتنی بڑی خبر چلانے سے پہلے تصدیق کرلیا کریں۔
-
ڈیرہ غازیخان۔ تھانہ دراہمہ پولیس نے منشیات فروش کو گرفتار کر لیا اور منشیات فروش سے 1260گرام چرس برآمد، مقدمہ درج۔
باغی ٹی وی دراہمہ (عبدالوحید سے) تھانہ دراہمہ پولیس نے منشیات فروش کو گرفتار کر لیا اور منشیات فروش سے 1260گرام چرس برآمد، مقدمہ درج۔
تفصیلات کے مطابق پولیس تھانہ دراہمہ نے کارواٸی کرتے ہوۓ منشیات فروش کو رنگے ہاتھوں گرفتار کر لیا ایس ایچ او تھانہ دراہمہ محمد عارف نے کہا کہ منشیات فروش محمد اسماعیل ولد اللہ بخش جو کہ چرس فروخت کرتا ہے مخبر کی اطلاع پر کارواٸی کرتے ہوۓ 1260 گرام چرس برآمد کر کے ملزم کو گرفتار کر لیا ملزم نے پولیس پارٹی کو دیکھ کر بھاگنے کی کوشش کی لیکن پولیس کی کامیاب حکمت عملی کے تحت ملزم بھاگ جانے میں کامیاب نہ ہو سکا۔ ملزم کے خلاف مقدمہ درج کرتے ہوئے تفتیش شروع کر دی ہے۔ -
ڈکیتی کے ملزم 24 گھنٹے کے اندرگرفتار۔اندھے قتل کے ملزم سمیت متعدد جرائم پیشہ افراد بھی قانون کے شکنجے میں،اسلحہ برآمد
باغی ٹی وی: شیخوپورہ تحصیل مریدکے(محمد طلال سے) ڈی پی او شیخوپورہ فیصل مختار کی ہدایت پر اے ایس پی مریدکے ڈاکٹر عبدالحنان کی زیرنگرانی ایس ایچ اوصدرمریدکے ولی حسن پاشاکی جرائم پیشہ افرادکیخلاف دبنگ کاروائیاں۔زمیندارکے گھرڈکیتی کی واردات کرنے والے ڈاکو24 گھنٹوں کے اندرگرفتار۔اندھے قتل کے ملزم سمیت متعددجرائم پیشہ افرادبھی دھرلئےجدیداسلحہ برآمد۔باغی ٹی وی کی رپورٹ کے مطابق ڈی پی او شیخوپورہ فیصل مختار کی ہدایت پر اے ایس پی مریدکے ڈاکٹر عبدالحنان کی زیرنگرانی تھانہ صدرمریدکے پولیس کے ایس ایچ او ولی حسن پاشانے دیگرپولیس پارٹی کے ہمراہ مختلف مقامات کامیاب چھاپے مارکرننگل کسووال میں زمیندار سکندرنول کے گھرپر ڈکیتی کی واردات کے دوران دولاکھ روپے نقدی سمیت دوعددلائسنسی بندوقیں لوٹنے اورمذاحمت پرنوکرانی کوفائرنگ کرکے شدیدزخمی کرنیوالے دوڈاکوؤں بشارت وغیرہ کو24گھنٹوں کے اندرگرفتارکرنے کے علاوہ اندھا قتل ٹریس کراسکے ملزم دانش ولدامانت مسیح سکنہ پنڈمریدکے کوگرفتارکرلیاہے۔گرفتارملزم بھی ڈاکوبتایاجاتاہےجس نے چندروزقبل اپنے ہی ڈاکوساتھی آصف اقبال مسیح سکنہ پنڈمریدکے کوقتل کردیاتھا۔جبکہ دیگرپانچ افرادمقبل طارق غلام مرتضیٰ اورعلی شیروغیرہ کوگرفتارکرکے انکے قبضہ سے ناجائزاسلحہ برآمدکرکے علیحدہ علیحدہ مقدمات درج کردیئے ہیں۔اس موقع پرایس ایچ اوولی حسن پاشانے میڈیاسےگفتگوکرتے ہوۓ کہاہے کہ جرائم کی سرکوبی کیلئے دبنگ کاروائیوں کاسلسلہ کامیابی سے جاری ہے۔عوام کے جان ومال کاتحفظ اورامن کاقیام میری اولین ترجیحات میں شامل ہےاپنے ایریاسے چوروں ڈاکوؤں منشیات فروشوں اورعوام کاسکھ چین چھیننے والوں کاخاتمہ کرکے ہی دم لونگا۔کامیاب کاروائیوں پر ڈی پی او شیخوپورہ نے ایس ایچ او تھانہ صدرسمیت دیگرپولیس پارٹی کوشاباش دیتے ہوۓ انعام کا اعلان بھی کیا ہے
-
بیوی کو قتل کرنیوالے ایاز امیر کے بیٹے سے متعلق مزید انکشافات
اپنی بیوی کو قتل کرنے والے سینئر صحافی ایاز امیر کے بیٹے شاہنواز سے متعلق نئے انکشافات سامنے آئے ہیں-
باغی ٹی وی : ذرائع کے مطابق ملزم شاہنواز اور مقتولہ سارہ کا 18 جولائی کو چکوال میں نکاح ہوا تھا، ملزم شاہنواز کسی بھی قسم کا کاروبار یا نوکری نہیں کرتا تھا اور وراثتی دکانوں کے کرائے پر زندگی گزار رہا تھا۔
ایاز امیر کے بیٹے کی سفاکیت،جسٹس فار سارہ،ٹویٹر پر ٹاپ ٹرینڈ
شاہنواز نے اے لیول میں مسلسل فیل ہونے پر تعلیم ادھوری چھوڑی تھی اور پہلی دو بیویوں کی ملزم شاہنواز کو چھوڑنے کی وجہ گھریلو ناچاکی اور لڑائی جھگڑے تھے۔
ذرائع کے مطابق ملزم شاہنواز کی پہلی بیوی نے شادی کے چند دن بعد ہی علیحدگی اختیار کر لی تھی جبکہ شاہنواز کی دوسری بیوی بھی شادی کے 6 ماہ بعد اسے چھوڑ گئی تھی۔
مقتولہ سارہ کے خاندان کو حال ہی میں اس کی شادی کا معلوم ہوا تھا، مقتولہ سارہ اور شاہنواز کی باضابطہ شادی اور رخصتی کی بات دونوں خاندانوں میں چل رہی تھی۔
سارہ قتل کیس: صحافی ایاز امیر ایک روزہ جسمانی ریمانڈ پر پولیس کے حوالے
دوسری جانب ذرائع کا بتانا ہے کہ مقتولہ سارہ کے والد آج رات کینیڈا سے پاکستان پہنچیں گے، مقتولہ سارہ کی تدفین تک میت پولی کلینک کے سرد خانے میں رہے گی۔
واضح رہے کہ دو روز قبل اسلام آباد کے علاقے چک شہزاد کے فام ہاؤس میں ایاز امیر کے بیٹے شاہنواز نے اپنی اہلیہ سارہ کو قتل کر دیا تھا گزشتہ روز عدالت نے شاہنواز کو دو روزہ جسمانی ریمانڈ پر پولیس کے حوالے کیا تھا جبکہ پولیس نے تفتیش کے لیے سینئر صحافی ایاز امیر کو بھی حراست میں لے لیا ہے-
جبکہ آج اسلام آباد کی مقامی عدالت نے سارہ قتل کیس میں مرکزی ملزم کے والد صحافی ایاز امیر کو ایک روزہ جسمانی ریمانڈ پر پولیس کے حوالے کردیا ہے پولیس نے مرکزی ملزم کے والدین ایاز امیر، ان کی اہلیہ ، ملزم کے چچا اور چچی کے وارنٹ گرفتاری جاری کرنے کی استدعا بھی کر رکھی ہے۔
بیوی کو قتل کرنے والے ایاز امیر کے بیٹے کا میڈیکل کروانے کا حکم
-
سارہ قتل کیس: صحافی ایاز امیر ایک روزہ جسمانی ریمانڈ پر پولیس کے حوالے
اسلام آباد: اسلام آباد کی مقامی عدالت نے سارہ قتل کیس میں مرکزی ملزم کے والد صحافی ایاز امیر کو ایک روزہ جسمانی ریمانڈ پر پولیس کے حوالے کردیا-
باغی ٹی وی : تفصیلات کے مطابق صحافی ایاز امیر کو ڈیوٹی مجسٹریٹ سول جج زاہد ترمذی کی عدالت میں پیش کیا گیا، پولیس نے عدالت سے ملزم کے 4 روزہ جسمانی ریمانڈ کی استدعا کی تاہم عدالت نے ایک روز کا ریمانڈ منظور کیا۔
ملزم شاہنواز اور مقتولہ کے درمیان لڑائی کی وجوہات سامنے آ گئیں
ایاز امیر کے وکیل نے عدالت میں موقف دیا کہ میرا موکل مقدمے میں نامزد نہیں، ان کے خلاف کوئی ثبوت نہیں-
دوسری جانب پولیس نے صحافی کے جسمانی ریمانڈ کی استدعا کرتے ہوئے موقف اپنایا تھا کہ کیس ہائی پروفائل ہے اس لیے ملزم کے والد سے تفتیش ضروری ہے۔
بیوی کو قتل کرنے والے ایاز امیر کے بیٹے کا میڈیکل کروانے کا حکم
واضح رہے کہ دو روز قبل اسلام آباد کے علاقے چک شہزاد کے فام ہاؤس میں ایاز امیر کے بیٹے شاہنواز نے اپنی اہلیہ سارہ کو قتل کر دیا تھا۔کالم نگار ایازامیر کو بہو سارہ کے قتل کیس میں گزشتہ روز گرفتار کیا گیا تھا-
قبل ازیں ڈسٹرکٹ اینڈ سیشن عدالت اسلام آباد نے بیوی کے قتل کے ملزم شاہنواز امیر کو 2 روزہ جسمانی ریمانڈ پر پولیس کے حوالے کردیا جبکہ ان کے والد ایاز امیر کے وارنٹ گرفتاری جاری کیے تھے پولیس نے مرکزی ملزم کے والدین ایاز امیر، ان کی اہلیہ ، ملزم کے چچا اور چچی کے وارنٹ گرفتاری جاری کرنے کی استدعا بھی کر رکھی ہے۔
ایاز امیر کے بیٹے کی سفاکیت،جسٹس فار سارہ،ٹویٹر پر ٹاپ ٹرینڈ
-
بہو قتل کیس۔ ایاز امیر گرفتار
اسلام آباد:اسلام آباد پولیس نے بہو کے قتل کیس میں معروف صحافی ایاز امیر کو گرفتار کرلیا۔اس حوالے سے تصدیق کی جاری ہےکہ پولیس نے واقعی ایازامیر کو گرفتار کرلیا ہے اوربہوکےقتل کے حوالے سے تفتیش کی جائے گی
اسلام آباد کی عدالت نے سینئر صحافی ایاز امیر اور اہلیہ کے وارنٹ گرفتاری کی درخواست منظور کی تھی، جب کہ بہو کے قتل کے الزام میں پولیس کو ان کے بیٹے شاہنواز امیر کا 2 روز کا جسمانی ریمانڈ بھی دیا تھا۔
شہزاد ٹاون پولیس نے ایاز امیر کو گرفتار کر لیا، ایاز امیر کو سارا قتل کیس میں گرفتار کیا گیا ہے، آج اسلام آباد پولیس نے ایاز امیر کو مقدمےمیں نامزد کیا تھا۔ مقدمےمیں 302 کےساتھ دفعہ 109 بھی شامل کی گئی ہے، ایاز امیر اور انکی اہلیہ کو بھی شامل تفتیش کیا جائےگا،
یہ بھی معلوم ہوا ہے کہ اسلام آباد پولیس نے تصدیق کرتے ہوئے کہا ہے کہ عدالت کے حکم پر سینئر صحافی ایاز امیر کو وفاقی دارالحکومت سے گرفتار کرلیا۔اس سے قبل جوڈیشل مجسٹریٹ نے ایاز امیر کے وارنٹ گرفتاری جاری کئے تھے۔یاد رہے کہ ایاز امیر کی بہو سارہ انعام کو ان کے شوہر شاہنواز امیر نے گھر میں قتل کردیا تھا۔
ادھرپوسٹ مارٹم رپورٹ کے مطابق کينيڈين نژاد مقتولہ سارہ انعام کے ماتھے اور چہرے پر زخم کے نشان پائے گئے جبکہ ان کے ہاتھوں اور بازؤں پر بھی چوٹیں تھیں۔
اس قتل کے کے سلسلے میں اسلام آباد میں معروف سینیر صحافی ایاز امیر کی بہو کے قتل کا مقدمہ ایس ایچ او تھانہ شہزادہ ٹاؤن کی مدعیت میں درج کرلیا گیا ہے۔پولیس کے مطابق ملزم کی نشاندہی پر باتھ روم ٹب میں چھپائی گئی لاش اور صوفے کے نیچے چھپائے گئے آلہ قتل ڈمبل کو برآمد کیا۔
درج کی گئی ایف آئی آر میں بتایا گیا ہے کہ پولیس کو ملزم کی ماں نے قتل سے متعلق آگاہ کیا۔ ایف آئی آر کے مطابق ملزم کی والدہ کا کہنا تھا کہ ملزم کا اہلیہ سارہ انعام سے جھگڑا ہوا تھا، جس پر ملزم نے اسے ڈمبل مار کر قتل کردیا۔
ایف آئی آر کے مطابق ملزم نے گھر میں پولیس کو دیکھ کر خود کو کمرے میں بند کیا، گرفتاری کے وقت ملزم کی شرٹ اور ہاتھوں پر خون کے نشانات تھے۔ ایف آئی آر میں ملزم کا اعترافِ جرم بھی شامل ہے کہ اس نے جھگڑے کے دوران بیوی کو ڈمبل کے وار کر کے قتل کیا۔
درج ایف آئی آر کے مطابق ملزم نے باتھ ٹب سے مقتولہ کی لاش برآمد کرائی، جس کے سر پر زخم کے نشانات تھے۔ جب کہ آلہ قتل بھی ملزم کے بیڈ روم سے برآمد کرلیا گیا ہے۔ آلہ قتل پر مقتولہ کا خون اور سر کے بال بھی لگے ہوئے تھے۔ 37 سالہ سارہ انعام کی لاش کو ضروری کارروائی کیلئے پمز اسپتال منتقل کردیا گیا ہے۔
شک تھا سارہ کا کسی کے ساتھ کوئی افیئر ہے۔ ایاز امیر کے بیٹے کا بیوی کو قتل کرنے کے بعد بیان،
ایاز امیر کی بہو کا پوسٹمارٹم مکمل،سارہ کے قتل کی وجہ کا تعین نہ ہوسکا
پہلے مارا، گھسیٹ کر واش روم لے گیا،ایاز امیر کے بیٹے نے سفاکیت کی انتہا کر دی
آج ہمیں انصاف مل گیا،نور مقدم کے والد کی فیصلے کے بعد گفتگو
سر پر ڈمبل مارا،آلہ قتل بھی خود برآمد کروایا،ایاز امیر کے بیٹے کیخلاف مقدمہ درج
-
ملزم شاہنواز اور مقتولہ کے درمیان لڑائی کی وجوہات سامنے آ گئیں
سینئر صحافی ایاز امیر کے بیٹے اور بہو سارہ میں لڑائی متعلق تفصیلات سامنے آگئیں۔تفتیشی ذرائع کے مطابق سارہ کے چچا کرنل(ر) اکرام اور ضیا الرحیم نے بھتیجی کے قتل کا الزام ایاز امیر اور ان کی سابق اہلیہ پر عائد کیا ہے۔
تفتیشی ذرائع کا کہنا ہے کہ چچا نے الزام عائد کیا ہے کہ ایاز امیر اور ان کی سابق اہلیہ نے میری بھتیجی سارہ کو قتل کرایا ۔
آج پولیس نے ایاز امیر اور انکی سابق اہلیہ کے وارنٹ گرفتاری حاصل بھی کر لئے ہیں۔
تفتیشی ذرائع کے مطابق ملزم شاہنواز نے اپنی اہلیہ کو اپنی دیگر 2 شادیوں کے بارے میں نہیں بتایا تھا۔ ملزم اپنی بیوی سارہ سے حیلے بہانوں سے پیسے منگواتا تھا۔
تفتیشی ذرائع کے مطابق سارہ نے اپنے لئے ایک گاڑی بھی خریدی، ملزم نے دھوکے سے گاڑی اپنے نام کرائی جس پر سارہ سے تکرار ہوئی۔ سارہ نے اپنے دیے گئے پیسوں کا تقاضا کیا اور گاڑی فوری طور پر اپنے نام کرانے کا کہا۔
ذرائع کے مطابق ملزم شاہنواز نے پیسوں کے تقاضے پر طیش میں آکر اہلیہ سارہ کو قتل کیا۔ مقتولہ سارہ نے اپنی شادی سے متعلق کینیڈا میں مقیم والدین کو کچھ نہیں بتایا تھا۔تفتیشی ذرائع کے مطابق مقتولہ سارہ کینیڈا کی شہریت رکھتی ہیں۔
سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم
جتنی ناانصافی اسلام آباد میں ہے اتنی شاید ہی کسی اور جگہ ہو،عدالت
اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس
-
کوٹ چھٹہ – مرغیوں اور مردارجانوروں کے باقیات سے کھانے کا تیل اور گھی بنانے کا انکشاف
باغی ٹی وی – کوٹ چھٹہ (شعیب خان لنگاہ کی رپورٹ )مرغیوں اور جانوروں کے مردہ باقیات کو پیس کر، جلا کر کھانے کا تیل اور مچھلیوں کی خوراک کا انکشاف علاقے میں خوف وحراس علاقہ مکینوں کا احتجاج ، انسانوں اور جانوروں میں کئی بیماریاں پھیلنے لگیں . تفصیل کے مطابق بستی کمہار والہ موضع بستی کھوسہ تحصیل وضلع ڈیرہ غازی خان میں لعلوانی رائس مل کے مالک جبین افضل نے اپنی رائس مل کے اندر ایک غیر قانونی فیکٹری لگائی ہے جس سے وہ اپنا مکروہ کام کر رہا ہے مرغیوں اور مردہ جانوروں کےباقیات کو پیس کر، جلا کر کھانے کا تیل اور مچھلیوں کی خوراک کا انکشاف ہوا ہے،جس کی وجہ سے بدبو پھیلی ہوئی ہے علاقے میں انسان جانور اور تمام قدرتی وسائل و عوامل تکلیف، مشکلات کا شکار ہیں فیکٹری کے نزدیک بستی کھوسہ میں پرائمری سکول ہے بدبو کی وجہ سے سکول کے سٹاف اور بچے کافی اذیت کا شکار ہیں علاقہ میں سانس، پھیپھڑوں، اور جلد کی امراض کافی حد تک پھیل چکی ہے اہل علاقہ کا کہنا ہے کئی بار پنجاب پولیس، اسٹنٹ کمشنر ڈیرہ، کمشنر ڈیرہ غازیخان کو درخواستیں دی مگر سیاسی اثر رسوخ ، پیسے کی وجہ سے انتظامیہ کی طرف سے اس کے خلاف کوئی قانونی کارروائی عمل میں نہیں لائی گئی اہل علاقہ نے وزیر اعظم پاکستان، وزیراعلی پنجاب، سے ایکشن لینے کا مطالبہ کیا ہے جیبن افضل نے جو غیر قانونی فیکٹری لگائی ہے اس فی الفور بند کرایا جائے، اہل علاقہ کا کہنا تھا اگر ہمیں اس بدبو سے پھیلنے والی بیماریوں سے نجات نہیں دلائی گئی تو بہت جلد کمشنر آفس کے سامنے احتجاج کریں اور دھرنا دیں گے
