Baaghi TV

Category: جرائم و حادثات

  • قانون ہر ملزم کو ضمانت پر رہائی کی رعایت نہیں دیتا،شہباز گل کیس کا تحریری فیصلہ

    قانون ہر ملزم کو ضمانت پر رہائی کی رعایت نہیں دیتا،شہباز گل کیس کا تحریری فیصلہ

    سیشن کورٹ اسلام آباد بغاو ت مقدمے میں شہبازگل کی ضمانت کیس کا تفصیلی فیصلہ جاری کر دیا گیا

    ایڈیشنل سیشن جج ظفر اقبال نے 8 صفحات پر مشتمل تفصیلی فیصلہ تحریر کیا .فیصلے میں کہا گیاکہ ملزم شہباز گل پارٹی لیڈر ہیں اور متنازعہ بیان کسی اندرونی اجلاس میں نہیں دیا، شہباز گل کا بیان قابل احترام ادارے پاک فوج میں نظم و ضبط خراب کرنے کے لیے کافی ہے،شہباز گل کا بیان عوامی مفاد میں ہے نہ ہی ملکی سالمیت کے حق میں،قانون ہر ملزم کو ضمانت پر رہائی کی رعایت نہیں دیتا، بادی النظر میں شہباز گل ناقابل ضمانت جرم کرنے کے مرتکب ہوئے، ریکارڈ پر شہباز گل کے خلاف ٹھوس شواہد موجود ہیں،

    اداروں کے خلاف بیان دینے پر پاکستان تحریک انصاف (پی ٹی آئی) کے رہنما شہباز گِل کی ضمانت مسترد کردی گئی۔

    اسلام ڈسٹرکٹ اینڈ سیشن کورٹ کے جج ظفر اقبال نے بغاوت کے مقدمے میں نامزد شہباز گِل کی ضمانت کی درخواست مسترد کردی، عدالت نے گزشتہ روز درخواست پر فریقین کے دلائل کے بعد فیصلہ محفوظ کیا تھا۔

    پی ٹی آئی رہنما شہباز گِل پر اداروں میں بغاوت پر اکسانے کا الزام ہے جبکہ وہ جوڈیشل ریمانڈ پر اڈیالہ جیل میں قید ہیں۔

    ایڈیشنل سیشن کورٹ کے جج نے 11 بجے محفوظ فیصلہ سنایا ہے، عدالت نے گزشتہ روز فریقین کے دلائل مکمل ہونے پر فیصلہ محفوظ کیا تھا۔ اسلام آباد کی مقامی عدالت میں پراسیکیوٹر راجہ رضوان عباسی نے دلائل دیتے ہوئے کہا تھا کہ پاک آرمی کے افسران کیخلاف منظم طریقے سے ملزم نے بات کی اور ان کے الفاظ میں پاک فوج کے خلاف بغاوت کے لیے اکسایا گیا۔

    انہوں نے کہا کہ ملزم نے پاک فوج کو سیاست میں ملوث کرنے کی کوشش کی جس سے سپاہی سے لیکر بریگیڈئیر رینک تک افسران کے جذبات مجروح ہوئے، بغاوت پر اکسانے کی کوشش کرنا بھی بغاوت کے زمرے میں آتا ہے۔ شہباز گل کے وکیل نے دلائل دیتے ہوئے کہا کہ جس کو بغاوت کہا گیا وہ بغاوت ہے کہاں؟ اگر کوئی غلط فہمی ہے تو شہباز گل معافی مانگنے کیلیے تیار ہیں۔

    شہباز گل کے وکیل نے عدالت میں بغاوت کے الزامات کو مسترد کرتے ہوئے کہا ہے کہ شہباز گل نے بغاوت کے متعلق کبھی سوچا ہی نہیں۔ ان کے انٹرویو کے ٹرانسکرپٹ کے مختلف جگہوں سے پوائنٹ اٹھا کر مقدمہ درج کیا گیا۔ ان کا کہنا ہے کہ جس کو بغاوت کہا گیا وہ بغاوت ہے کہاں؟شہباز گل پڑھا لکھا شخص ہے۔ انہوں نے فوج کو ہمارے سر کا تاج کہا ہے۔

    وکیل نے شہباز گل کا آفیشل ٹوئیٹر عدالت کو دکھایا۔ انہوں نے کہاکہ شہباز گل نے ٹویٹ میں لکھا ہے کہ کسی بھی جھوٹی خبر پر یقین نہ کریں۔ٹوئیٹس سے واضح ہے کہ انہوں نے فوج کے خلاف کوئی بیان جاری نہیں کیا تھا.

    کمرہ عدالت میں تحریک انصاف کے رہنما اور سابق وزیر اعظم کے معاون خصوصی شہباز گل کے متنازع بیان اور اینکر کے سوال کی ویڈیو بھی چلائی گئی تھی۔

  • سیہون میں سیلاب متاثرین کی کشتی الٹنے سے 11 افراد جاں بحق

    سیہون میں سیلاب متاثرین کی کشتی الٹنے سے 11 افراد جاں بحق

    سیہون شریف ، بلاولپو کے علاقے میں سیلاب متاثرین کی کشتی الٹ گئی ہے جس کے نتیجے میں اب تک 11 افراد جاں بحق ہوگئے ہیں۔حکام کی طرف سے دریائے سندھ میں کشتی کے ذریعے سفر پر احتیاط برتنے کی درخواست کردی ہے

    اس حوالے سے ڈپٹی کمشنر جامشورو فرید الدین مصطفیٰ نے بتایا کہ دریا سے اب تک 10 لاشیں نکالی جا چکی ہیں جنہیں عبداللہ شاہ انسٹی ٹیوٹ آف میڈیکل سائنسز منتقل کر دیا گیا ہے۔

    کشتی میں 20 مسافر سوار تھے جب یہ کشتی دریائے سندھ میں سیلابی پانی میں ڈوبی

    حادثے میں جاں بحق ہونے والوں میں وکیلا کھوکھر، ریحان کھوکھر، ریشماں کھوکھر، ثمینہ کھوکھر، منظور کھوکھر، فاروق کھوکھر، اقرا عمرانی، شبانہ راہپوٹو، شہزور چنا اور زبیدہ چنا شامل ہیں۔

    خیال رہے کہ پاک نیوی کی جانب سے ریسکیو عمل میں شرکت ہیلی کاپٹر کے ذریعے ڈوبنے والوں کی تلاش جاری ہے۔یاد رہے کہ متاثرین کشتی کے ذریعے سیلاب زدہ علاقوں سے شہر کی طرف نقل مقانی کر رہے تھے کہ حادثہ پیش ہوا۔

    دریائے سندھ میں پانی کے اضافے کے بعد سیہون کے متعدد دیہی علاقے زیرآب تھے جبکہ متاثرہ علاقوں کا کافی دنوں سے شہر سے زمینی رابطہ منقطع تھا۔

  • تونسہ : وہواکے قریب سیلاب سے متاثرہ بستی واجان کے مکین بے سہاراکھلے آسمان تلے زندگی گذارنے پر مجبور۔

    تونسہ : وہواکے قریب سیلاب سے متاثرہ بستی واجان کے مکین بے سہاراکھلے آسمان تلے زندگی گذارنے پر مجبور۔

    تونسہ : وہواکے قریب سیلاب سے متاثرہ بستی واجان کے مکین بے سہاراکھلے آسمان تلے زندگی گذارنے پر مجبور۔
    ہمارے ہاں کوئی حکومتی نمائندہ ،نہ این جی او اور نہ میڈیا کے نمائندے پہنچے،ہم بے یارومددگارحالات کے جبرکامقابلہ کرنے پر مجبور ہیں۔
    باغی ٹی وی رپورٹ۔ڈیرہ غازیخان کی تحصیل تونسہ شریف کوسیلاب سے ناقابل تلافی نقصان پہنچا،سیلاب متاثرین کی بحالی کیلئے حکومت اورخیراتی ادارے بڑھ چڑھ کر حصہ لے رہے ہیں۔اس کے باوجود کئی ایسے علاقے ہیں جہاں سیلاب متاثرین کی امدادکیلئے کوئی حکومتی نمائندہ ،نہ این جی او اور نہ میڈیا کے نمائندے پہنچے سکے ہیں

    ان میں سے تحصیل تونسہ کے علاقے وہوا کے قریب انڈس ہائی وے18کلو میٹر مغرب میں دامن کوہ میں واقع ایک بستی واجان جویونین کونسل لاکھانی پنجاب پولیس کے تھانہ وہوا کی حدود میں ہے،اس بستی سیلابی ریلے سے بہت نقصان پہنچا اس بستی کے بیشتر کچے مکان گرچکے ہیں بچ گئے ہیں وہ رہنے کے قابل نہیں ہیں،اس بستی کے سیلاب متاثرین تک آج تک کوئی خوراک ،امدادی سامان اور سرچھپانے کیلئے ٹینٹ حکومت یا کسی این جی او کی طرف سے نہیں دئے گئے ،اس علاقے کے سیلاب متاثرین کاصرف ایک ہی مطالبہ ہے کوئی ہمارے علاقے میں آئے اور دیکھے ہم کس طرح کی زندگی گذارنے پر مجبور ہیں ،ان سیلاب متاثرین کامطالبہ کہ ہمیں سرچھپانے کیلئے ٹینٹ مہیا کئے جائیں۔

  • دوران ڈکیتی خاتون کے ساتھ کیا گیا گھناؤنا کام

    دوران ڈکیتی خاتون کے ساتھ کیا گیا گھناؤنا کام

    باغی ٹی وی کی رپورٹ کے مطابق پنجاب میں خواتین کے ساتھ زیادتی کے واقعات میں کمی نہ آ سکی

    پنجاب کے شہر سیالکوٹ میں خاتون کے ساتھ زیادتی کا واقعہ پیش آیا ہے، ملزمان نے دوران ڈکیتی خاتون کے ساتھ زیادتی کی، ملزمان ڈکیتی کے لئے ایک گھر میں داخل ہوئے اور وہاں ڈکیتی کے بعد جانے سے قبل خاتون کے ساتھ زیادتی کی اور اسے جان سے مارنے کی دھمکی بھی دی،خاتون کے ساتھ زیادتی کی خبر نشر ہونے کے بعد پولیس حکام نے نوٹس لیا ہے

    آئی جی پنجاب فیصل شاہکار نے سیالکوٹ میں دوران ڈکیتی خاتون سے مبینہ زیادتی کی کوشش اور زبان کاٹنے کے واقعہ کا نوٹس لے لیا، آئی جی پنجاب نے آر پی او گوجرانوالہ سے واقعہ کی رپورٹ طلب کر لی ،آئی جی پنجاب نے ڈی پی او سیالکوٹ کو ملزمان کو ٹریس کرکے جلد گرفتار کرنے کا حکم دے دیا، اور کہا کہ ڈی پی او سیالکوٹ متاثرہ خاندان سے قریبی رابطہ رکھیں۔ملزمان کو گرفتار کرکے قرار واقعی سزا دلوائی جائے گی ۔

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

    نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات

    لڑکی کو برہنہ کرنیوالے ملزم عثمان مرزا کو پولیس نے عدالت پیش کر دیا

    کیا فائدہ قانون کا، مفتی کو نامرد کیا گیا نہ عثمان مرزا کو،ٹویٹر پر صارفین کی رائے

    لڑکی کو برہنہ کرنے کی ویڈیو، وزیراعظم عمران خان کا نوٹس، بڑا حکم دے دیا

    عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

    نوجوان جوڑے پر تشدد کیس، پانچویں ملزم کو کس بنیاد پر گرفتار کیا؟ عدالت کا تفتیشی سے سوال

    قبل ازیں پتوکی میں رات گئے ڈاکوؤں نے دوران واردات شوہر کے سامنے شادی شدہ خاتون سے زیادتی کی ہے جمشیر اڈا کے قریب ڈاکوؤں نے موٹر سائیکل سوار میاں بیوی کو گن پوائنٹ پر روکا اور زیادتی کا نشانہ بنا ڈالا،ڈاکو میاں بیوی سے دوران واردات نقدی، طلائی زیورات اور موبائل فون بھی لوٹ کر فرارہو گئے عورت میڈیکل کے لیے ٹی ایچ کیو ہسپتال پتوکی پہنچ گئی اہل علاقہ نے اس افسوس ناک واقعہ پر وزیر اعلیٰ پنجاب اور آئی جی پنجاب سے نوٹس لینے کا مطالبہ کیا ہے

  • دوران پرواز کاک پٹ میں پائلٹ اورمعاون کے درمیان ہاتھا پائی,دونوں معطل

    دوران پرواز طیارے کے پائلٹ اور اس کے معاون کے درمیان ہاتھا پائی کے واقعے کے بعد ایئر فرانس نے دونوں پائلٹس کو معطل کر دیا۔

    باغی ٹی وی: ایئر فرانس کے ایک اہلکار نے اتوار کو بتایا کہ جون میں جنیوا-پیرس کی پرواز کے دوران کاک پٹ میں ہاتھا پائی کے بعد ایئر فرانس کے دو پائلٹس کو معطل کر دیا گیا ہے۔ پرواز جاری رہی اور بحفاظت اتری، اور تنازعہ نے باقی پرواز کو متاثر نہیں کیا-

    "دی گارجئین ” نے سوئٹزرلینڈ کے اخبار "لا ٹریبیون” کے حوالے سے بتایا کہ پائلٹ اوراس کےساتھی معاون پائلٹ کےدرمیان جھگڑا طیارہ کے ٹیک آف کےفوراً بعد ہاتھا پائی میں بدل گیا کیبن کریو نے مداخلت کی اور عملے کے ایک رکن نے پائلٹس کے ساتھ کاک پٹ میں پرواز گزاری۔

    درایں اثنا ایئر فرانس کے ترجمان نے وضاحت کی کہ کیبن کے ارکان نے کاک پٹ میں شور سنا اور پائلٹ اور اس کے شریک پائلٹ کے درمیان جھگڑے کوحل کرنے کے لیے مداخلت کی یہ واقعہ گذشتہ جون میں پیش آیا تھا مگر اس کا انکشاف ہفتے کے روز کیا گیا۔

    انہوں نے مزید کہا کہ حادثے کو فوری طور پر حل کر لیا گیا اور پرواز معمول کے مطابق آگے بڑھتی رہی۔ پائلٹ اپنے "مکمل طور پر نامناسب رویے” کے حوالے سے انتظامیہ کے فیصلے کا انتظار کر رہے ہیں۔

    سول ایوی ایشن آفس نے کہا ہے کہ اسے حادثے کی اطلاع نہیں دی گئی تھی۔ کیونکہ پیرس میں پرواز کے اترنے سے قبل ان کے خلاف کوئی کارروائی نہیں کی جا سکتی تھی۔

    وکی لیکس کے بانی نے امریکا حوالگی کے خلاف برطانیہ ہائیکورٹ میں اپیل دائر کر دی

    دونوں پائلٹوں کے جھگڑے کا انکشاف فرانسیسی سول ایوی ایشن سیفٹی انویسٹی گیشن اتھارٹی کی منگل کو شائع ہونے والی ایک رپورٹ کے بعد ہوا ہے جس میں کہا گیا تھا کہ ایئر فرانس کے کچھ پائلٹ حفاظتی واقعات کے دوران طریقہ کارکا احترام کرنےمیں سختی کا فقدان رکھتے ہیں۔

    بی ای اے نے دسمبر 2020 میں جمہوریہ کانگو کے برازاوِل سےپیرس جانے والی ایئر فرانس کی پروازمیں ایندھن کےرساؤ پرتوجہ مرکوز کی،جب پائلٹس نےجہاز کو ری روٹ کیالیکن جتنا جلد ممکن ہو انجن یا لینڈنگ کی پاورکاٹ نہیں کی،جیساکہ لیک کےطریقہ کارکی ضرورت ہے طیارہ چاڈ میں بحفاظت اتر گیا، لیکن بی ای اے کی رپورٹ میں خبردار کیا گیا کہ انجن میں آگ لگ سکتی تھی۔

    تحقیقاتی ایجنسی نے 2017 اور 2022 کے درمیان اسی طرح کے تین کیسز کا ذکر کیا، اور کہا کہ کچھ پائلٹ حفاظتی پروٹوکول کے بجائے صورتحال کے اپنے تجزیے کی بنیاد پر کام کر رہے تھے۔

    ذیابیطس سے بینائی سے محروم ہونیوالوں کیلئے کم لاگت والا نیا لیزر علاج دریافت

    ایئر فرانس نے کہا کہ وہ جواب میں حفاظتی آڈٹ کر رہا ہے۔ اس نے بی ای اے کی سفارشات پر عمل کرنے کا وعدہ کیا، جس میں پائلٹوں کو بعد میں اپنی پروازوں کا مطالعہ کرنے کی اجازت دینا اورطریقہ کار پر قائم رہنے کے بارے میں تربیتی دستورالعمل کو سخت بنانا شامل ہے۔

    ایئر لائن نے نوٹ کیا کہ وہ روزانہ ہزاروں پروازیں اڑاتی ہے اور رپورٹ میں صرف چار ایسے حفاظتی واقعات کا ذکر کیا گیا ہے تاہم ایئر فرانس پائلٹس یونینوں نے اصرار کیا ہے کہ سیکیورٹی تمام پائلٹس کے لیے اہم ہے اور ہنگامی حالات کے دوران پائلٹ کے اقدامات کا دفاع کیا ہے۔

    بی ای اے نے اپریل میں نیو یارک کے JFK ہوائی اڈے سے ایئر فرانس کی پرواز کے ایک واقعے کی بھی تحقیقات کی جو پیرس میں لینڈنگ کے وقت پرواز کے کنٹرول کے مسائل کا شکار تھی۔

    200 سال قبل پرتگال سے برازیل کی آزادی کا اعلان کرنیوالے بادشاہ کا دل نمائش کیلئے…

  • شہباز گل کی درخواست ضمانت پر فیصلہ محفوظ

    شہباز گل کی درخواست ضمانت پر فیصلہ محفوظ

    سیشن کورٹ اسلام آباد میں شہباز گل کی درخواست ضمانت پر سماعت ہوئی

    انسپکٹر ارشد ریکارڈ سمیت ڈسٹرکٹ سیشن کورٹ اسلام آباد میں پیش ہوئے جج نے استفسار کیا کہ ملزم کی طرف سے کون اور مدعی کی جانب سے کون ہے؟ وکیل نے استدعا کی کہ کیا ہم ریکارڈ دیکھ سکتے ہیں ۔ہمارے خلاف کیا شہادت ہے، عدالت نے پولیس کو ملزم کے خلاف ریکارڈ وکیل کا دکھانے کا حکم دیدیا،پولیس نے کہا کہ آپ وکلاکو ہدایت دیں ایک یا دو وکلا ریکارڈ دیکھ لیں تصویریں نہ بنائیں،

    وکیل نے کہا کہ پولیس نے 161 کا بیان نہیں دکھایا، عدالت نے حکم دیا کہ تفتیشی کدھر ہے اسکو بلائیں، کمرہ عدالت میں رش ہونے کی وجہ سے عدالت نے غیر متعلقہ افراد کو باہر نکالنے کا حکم دے دیا،عدالت نے حکم دیا کہ جب تک ضمانت کی آواز نہیں آجاتی غیر متعلقہ افراد باہر چلے جائیں، ملزم شہباز گل کا بیان نہ دیکھانے پر وکلا نے اعتراض کیا اور کہا کہ پولیس ملزم کا بیان نہیں دکھا رہی باقی سارے دکھا دئیے ہیں،عدالت نے پولیس کو ملزم کا پہلا بیان دکھانے کا حکم دے دیا

    شہباز گل کی درخواست ضمانت پر فیصلہ محفوظ کر لیا گیا،اسپیشل پراسیکیوٹر راجہ رضوان عباسی کے دلائل مکمل ہو گئے ہیں،کیس کی سماعت کل تک کے لیے ملتوی کر دی گئی کل 11 بجے شہباز گل کی درخواست ضمانت پر فیصلہ سنایا جائیگا، پراسیکیوٹر نے کہا کہ تشدد کے الزامات کی تصدیق کروائی گئی،میڈیکل بورڈ نے تشدد کے الزامات کو رد کیا،ثبوت اتنے واضح ہیں کہ مزید کسی بات کی گنجائش ہی نہیں رہتی،

    عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

    شہباز گل کی گرفتاری، پی ٹی آئی کے ڈنڈا بردار کارکن بنی گالہ پہنچ گئے

    شہباز گل کی گرفتاری پی ٹی آئی نے عدالت سے رجوع کرنے کا فیصلہ کر لیا

    نعرے ریاست مدینہ کےاورغلامی امریکہ کی واہ شہبازگل باجوہ

    شہباز گل پر ایسا تشدد ہوا جو بتایا جا سکتا اور نہ دکھایا جا سکتا ہے، بابر اعوان

    کہا گیا ضمانت ہو گئی،اور عدالت لے آئے، شہباز گل کا بیان

    واضح رہے کہ شہباز گل کو عدالت نے جوڈیشل ریمانڈ پر بھیجا ہے ،شہباز گل نے عدالت پیشی کے موقع پر میڈیا سے بات کرتے ہوئے کہا کہ انکے ساتھ جنسی زیادتی نہیں ہوئی بلکہ جنسی تشدد ہوا ہے، شہباز گل کو گرفتار کیا گیا تھا تو دو روزہ جسمانی ریمانڈ کے بعد انہیں اگلے ریمانڈ سے قبل ہسپتال منتقل کر دیا گیا تھا تا ہم پولیس نے شہباز گل کے ساتھ چال چلی اور پھر دو روز کا مزید ریمانڈ لے لیا، شہباز گل کے کمرے پر چھاپہ مارا گیا تو وہاں سے پستول برآمد ہوا جس کے بارے میں شہباز گل نے کہا کہ یہ میرا نہیں ہے، پستول کی برآمدگی کا مقدمہ بھی شہباز گل کے خلاف درج کیا جا چکا ہے

    دوسری جانب وفاقی دارالحکومت کی پولیس نے کہا ہے کہ شہباز گل پر تشدد کی من گھڑت مہم چلائی جا رہی ہے۔اسلام آباد پولیس نے کہا ملزم شہباز گل پر کوئی تشدد نہیں کیا گیا ہے۔ شہباز گل پر تشدد اور جنسی زیادتی سے متعلق بعض افراد کی طرف سے من گھڑت مہم چلائی جارہی ہے۔ عدالتی حکم پر تشدد سے متعلق ابتدائی رپورٹ پر کام شروع ہوچکا ہے اور بیانات کا جائزہ لیا جا رہا ہے۔

  • پی آئی اے کی پرواز میں ایئر ہوسٹس کو ہراساں کرنے کا واقعہ، شکایت پر نہیں ہوئی کاروائی

    پی آئی اے کی پرواز میں ایئر ہوسٹس کو ہراساں کرنے کا واقعہ، شکایت پر نہیں ہوئی کاروائی

    کاک پٹ کریو نے محمد فُرقان کی جانب سے کرسچن ائیر ہوسٹس عینی اکرم کو کاک پٹ میں بلا کر ہراساں کرنے پر سخت اجتجاج کرتے ہوئے اور پی آئی اے انتظامیہ سے مطالبہ کرتی ہے کہ فرسٹ آفیسر محمد فُرقان کے خِلاف سخت کاروائی کرے۔

    باغی ٹی وی: اطلاعات کے مُطابق 14 اگست کو لاہور سے جدہ کی پرواز پر تعینات عملے میں کرسچن ائیر ہوسٹس عینی اکرم تعینات تھیں آپریٹنگ کیپٹن راؤ تیمور نے دانستہ طور پر اُن کی پوزیشن بزنس کلاس میں کروائی۔

    عمران خان کے خلاف ٹویٹ،صحافی وقار ستی کیخلاف مقدمہ درج

    بعد ازاں ٹیک آف کے دو گھنٹے بعد فرسٹ آفیسر فُرقان نے ائیر ہوسٹس عینی اکرم کو کاک پٹ میں بولا کر اُنھیں آپریٹنگ کیپٹن راؤ تیمور کی موجودگی میں ہراساں کیا عینی اکرم کی مزاحمت پر اُنھیں باہر بھیج دیا اور سنگین نتائج کی دھمکیاں بھی دیں اور معاملے پر خاموش رہنے کو کہا۔

    بعد ازاں کو پائلٹ فُرقان نے معاملے کو دبانے کی کوشش کی لیکن ائیر ہوسٹس عینی اکرم نے جنرل مینیجر فلائٹ سروسز کو تحریری طور پر درخواست دے دی اور محکمانہ کاروائی کرنے پر زور دیا۔

    پی آئی اے ویجیلنس ڈیپارٹمنٹ کے آفیسر نے نام نا ظاہر کرنے کی شرط پر بتایا کہ اس سے قبل بھی فلائٹ سروسز ڈیپارٹمنٹ کی خواتین نے کاک پیٹ کریو کی طرف سے جہاز اور ہوٹلز میں ہراساں کرنے کی شکایت کی ہیں لیکن پائلٹ صاحبان کی پالپا یونین نے کبھی معاملے کو آگے بڑھنے نہیں دیا۔

    پی آئی اے کے ڈیپارٹمنٹ ویمن پروٹیکشن سیل کو بھی اس معاملے کے متعلق تحریری طور پر آگاہ کیا گیا ہے تاہم اُن کی طرف سے کوئی کاروائی عمل میں نہیں لائی گئی۔

    آذر بائیجان کا بھی پاکستان کے سیلاب متاثرین کے لیے امداد کا اعلان

    پی آئی اے میں اقلیتی نمائندگان نے بھی اس عمل کی پُر زور مزمت کی ہے اُن کا کہنا ہے کہ اکثر اور بیشتر مسیحی برادری کے مُلازمین کو مسائل کا سامنا ہے کرسچن کیبن کریو کو جہاز میں عام طور پر نظر انداز کیا جاتا ہے اور کاک پٹ کریو عمومًا کرسچن کریو سے کھانا پینا لینے سے منع کر دیتے ہیں۔

    موجودہ دور میں کیبن کریو کی خواتین کو سینٹرل شیڈیولنگ کے نام پر ہراساں کیا جا رہا۔ ڈیوٹی روسٹر سے ہٹا دیا جاتا اور من پسند کریو کو اُن کی جگہ لگا دیا جاتا۔ اعتراض کرنے پر سنگین نتائج کی دھمکیاں دیں جاتیں۔ اس امر میں ڈی جی ایم آئی ٹی سید علی عباس اور اُن کے ٹیم کے رُکن پیر قُدرت اُللّٰہ اور دیگر افراد شامل ہیں۔

    انصاف فرنٹ وزیر اعظم شہباز شریف ، وزیر ہوا بازی خواجہ سعد رفیق، چئیرمین پی آئی اے، سی ایچ آر او عامر الطاف سے درخواست کرتی ہے کے اس معاملے پر سخت کاروائی کرے اور خواتین کو تحفظ فراہم کرے اور پی آئی اے میں اقلیتوں کے حقوق کا خیال رکھے-

    سوات میں پھنسے 110 افراد کو پاک فوج نے ریسکیو کر لیا

  • بس بہت ہوگیا،یہاں سے نکل جاؤ،تمہاری کرپشن سے ہمارے علاقے ڈوبے ہیں۔رضاربانی کھر

    بس بہت ہوگیا،یہاں سے نکل جاؤ،تمہاری کرپشن سے ہمارے علاقے ڈوبے ہیں۔رضاربانی کھر

    بس بہت ہوگیا،یہاں سے نکل جائو،تمہاری کرپشن سے ہمارے علاقے ڈوبے ہیں۔ رضاربانی کھر چیف انجینئرپربرس پڑے
    باغی ٹی وی رپورٹ۔ گذشتہ روز چیف انجینئرمحکمہ انہار ڈیرہ غازیخان ڈویژن ساجد رضوی جب مظفرگڑھ کے علاقے میں گئے تو ان کاآمناسامناپیپلزپارٹی کےایم این اے قومی حلقہ این اے 183 مظفرگڑھ رضاربانی سے ہوگیاتو انہوں نے چیف انجینئرساجدرضوی سے کہا تم یہاں کیا کرنے آئے ہوتمہاری کرپشن کی وجہ ہمارے علاقے سیلاب میں ڈوب گئے ،تمہیں رانالیاقت کے علاوہ اور کوئی ٹھیکیدارنہیں ملتا،بس بہت ہوگیا،مزیدڈرامے بازیاں بندکرو،یہاں سے نکل جائو،مظفرگڑھ میں سیلاب پررضاربانی کھر چیف انجینئرساجدرضوی اور ایکسئن امیر تیمور سے شدید ناراضگی کااظہارکیا اوران پرغصہ ہوئے اورانہیں علاقے سے نکل جانے کاکہا۔
    ویڈیو میں دیکھاجاسکتا ہے کہ وہ کس طرح غصہ کا اظہارکررہے ہیں


    دوسری طرف گذشتہ روز ہفتہ کے دن ڈیرہ غازیخان میں رانا لیاقت ٹھیکیدار نے چیف انجینئرساجدرضوی سے ان کے آفس میں ملاقت کی ،ذرائع کاکہنا ہے کہ ایک بار پھرایمرجنسی ورک کے نام پر رانالیاقت کوایڈوانس میں بھاری رقم جاری کرنے کیلئے ایکسئن اورایس ڈی او زین شکیل کوکہہ دیاہے،راناٹریڈرزکامالک ٹھیکیدار رانا لیاقت وہی ہے جس کی کرپشن کی سپربندلنک نمبرآرڈی 138اور آرڈی 165کودریائے سندھ نے واش کردیا ہے ،جس کے خلاف آج تک کوئی کارروائی نہیں ہوئی .

  • لیہ ۔انیمل پورنوگرافی سیکنڈل میں ایک پٹواری بھی شامل، تمام ملزمان گرفتار

    لیہ ۔انیمل پورنوگرافی سیکنڈل میں ایک پٹواری بھی شامل، تمام ملزمان گرفتار

    لیہ ۔انیمل پورنوگرافی سیکنڈل میں ایک پٹواری بھی شامل، تمام ملزمان گرفتار،ملزم شوکت حیات کو ضمانت مسترد ہونے پر پولیس نے گرفتار کر لیا
    باغی ٹی وی رپورٹ۔ملتان ایڈیشنل آئی جی ڈاکٹر احسان صادق کے حکم پر لیہ پورنوگرافی کیس کے تمام ملزمان گرفتارکرلیاگیا ہے ۔ملزم شوکت حیات کو ضمانت مسترد ہونے پر پولیس نے گرفتار کر لیا۔گرفتار ہونے والاملزم شوکت حیات محکمہ مال میں پٹواری ہے۔ ایس پی رب نواز تلہ نے کہاکہ لیہ پورنوگرافی کیس میں کامیابی پر اللہ پاک کا شکر گزار ہوں۔ ایڈیشنل آئی جی نے کہا اس کیس میں تمام قانونی تقاضوں کو پورا کر کے ملزمان کو کڑی سزا دلوائی جائے۔

  • امریکہ میں غیرملکیوں پر حملے تیزہوگئے:تازہ حملے میں 4 خواتین نشانہ بن گئیں

    امریکہ میں غیرملکیوں پر حملے تیزہوگئے:تازہ حملے میں 4 خواتین نشانہ بن گئیں

    ٹیکساس :امریکی ریاست ٹیکساس میں چار بھارتی نژاد خواتین نسل پرستانہ حملے کا نشانہ بن گئیں۔امریکہ میں غیرملکیوں پر حملے تیزہوگئے:تازہ حملے میں 4خواتین نشانہ بن گئی ہیں ،

    امریکی میڈیا کی طرف سے اس واقعے کی ویڈیو سوشل میڈیا پر وائرل ہونے کے بعد ٹیکساس پولیس نے ایک خاتون کو گرفتار کرلیا ہے، ویڈیو میں ملزم خاتون مبینہ طور پر بھارتی نژاد امریکی خواتین سے بدسلوکی کرتے ہوئے اور بھارت واپس جانے کے لیے کہہ رہی ہے۔

     

    امریکہ میں سول وار کا شدید خطرہ

    یہ واقعہ بدھ کی رات کو ٹیکساس کے شہر ڈیلاس میں میں پیش آیا جس میں میکسیکن امریکی خاتون بھارتی نژاد امریکی خواتین کے ایک گروپ پر حملہ کرتی دیکھائی دی اور کہا کہ میں تم بھارتیوں سے نفرت کرتی ہوں۔

    پاکستان ابھرتی ہوئی ٹیکنالوجیز پرعبور حاصل کرے ،سیمینار میں مقررین کا اظہار خیال

    ویڈیو میں ملزم خاتون یہ کہتے ہوئے بھی نظر آرہی ہے کہ میں جہاں بھی جاتی ہوں بھارتی ہر جگہ پائے جاتے ہیں۔ اگر بھارت میں زندگی بہترین ہے تو آپ یہاں کیوں ہیں؟ اس کے بعد وہ بدکلامی کرتی ہے اور بھارتی خواتین کو مارنا شروع کردیتی ہے۔

    پولیس نے ملزم خاتون ایسمرلڈا اپٹن کو جمعرات کی سہ پہر گرفتار کیا، اس پر حملہ کرنے، جسمانی چوٹ پہنچانے اور دہشت گردی کی دھمکیاں دینے کا الزام عائد کیا گیا ہے۔

    امریکی تیراک انیتا الوارز اچانک سے بے ہوش ہو کر پول میں جا گری تو ان کی کوچ نے…

    ڈیموکریٹک پارٹی سے تعلق رکھنے والی ریما رسول نے واقعے کی مذمت کرتے ہوئے ٹویٹ کیا کہ یہ بہت خوفناک ہے۔ اس کے پاس اصل میں بندوق تھی اور وہ گولی مارنا چاہتی تھی اس عورت پر نسلی جرم کا مقدمہ چلایا جانا چاہیے۔